Brahma Purana — Chapter 206
BrP 206.1
बाणो ऽपि प्रणिपत्याग्रे ततश् चाह त्रिलोचनम् ॥
bāṇo 'pi praṇipatyāgre tataś cāha trilocanam //
Bāṇa too, having bowed down before (him), then said to the Three-eyed One:
AI translation rendered from the Sanskrit, not a published edition
BrP 206.2
देव बाहुसहस्रेण निर्विण्णो ऽहं विनाहवम् कच्चिन् ममैषां बाहूनां साफल्यकरणो रणः भविष्यति विना युद्धं भाराय मम किं भुजैः ॥
deva bāhusahasreṇa nirviṇṇo 'haṃ vināhavam kaccin mamaiṣāṃ bāhūnāṃ sāphalyakaraṇo raṇaḥ bhaviṣyati vinā yuddhaṃ bhārāya mama kiṃ bhujaiḥ //
"Lord, with a thousand arms I am weary for want of battle. Will there be for me a fight that makes these arms of mine bear fruit? Without war, what are my arms to me but a burden?"
AI translation rendered from the Sanskrit, not a published edition
BrP 206.3
मयूरध्वजभङ्गस् ते यदा बाण भविष्यति पिशिताशिजनानन्दं प्राप्स्यसि त्वं तदा रणम् ॥
mayūradhvajabhaṅgas te yadā bāṇa bhaviṣyati piśitāśijanānandaṃ prāpsyasi tvaṃ tadā raṇam //
"When the breaking of your peacock-banner comes about, Bāṇa, then you will obtain a battle that is a delight to the flesh-eating creatures."
AI translation rendered from the Sanskrit, not a published edition
BrP 206.4
ततः प्रणम्य मुदितः शंभुम् अभ्यागतो गृहात् भग्नं ध्वजम् अथालोक्य हृष्टो हर्षं परं ययौ ॥
tataḥ praṇamya muditaḥ śaṃbhum abhyāgato gṛhāt bhagnaṃ dhvajam athālokya hṛṣṭo harṣaṃ paraṃ yayau //
Then, gladdened, having bowed to Śambhu, he came home; and seeing the banner broken, he was thrilled and went to the highest joy.
AI translation rendered from the Sanskrit, not a published edition
BrP 206.5
एतस्मिन्न् एव काले तु योगविद्याबलेन तम् अनिरुद्धम् अथानिन्ये चित्रलेखा वरा सखी ॥
etasminn eva kāle tu yogavidyābalena tam aniruddham athāninye citralekhā varā sakhī //
But at this very time Citralekhā, the excellent friend, brought that Aniruddha by the power of the science of yoga.
AI translation rendered from the Sanskrit, not a published edition
BrP 206.6
कन्यान्तःपुरमध्ये तं रममाणं सहोषया विज्ञाय रक्षिणो गत्वा शशंसुर् दैत्यभूपतेः ॥
kanyāntaḥpuramadhye taṃ ramamāṇaṃ sahoṣayā vijñāya rakṣiṇo gatvā śaśaṃsur daityabhūpateḥ //
The guards, learning that he was making love with Ūṣā in the middle of the maidens' inner apartments, went and reported (it) to the daitya king.
AI translation rendered from the Sanskrit, not a published edition
BrP 206.7
व्यादिष्टं किंकराणां तु सैन्यं तेन महात्मना जघान परिघं लौहम् आदाय परवीरहा ॥
vyādiṣṭaṃ kiṃkarāṇāṃ tu sainyaṃ tena mahātmanā jaghāna parighaṃ lauham ādāya paravīrahā //
But that slayer of enemy heroes, taking an iron club, struck down the army of servants that had been commanded (against him) by that great one.
AI translation rendered from the Sanskrit, not a published edition
BrP 206.8
हतेषु तेषु बाणो ऽपि रथस्थस् तद्वधोद्यतः युध्यमानो यथाशक्ति यदा वीरेण निर्जितः ॥
hateṣu teṣu bāṇo 'pi rathasthas tadvadhodyataḥ yudhyamāno yathāśakti yadā vīreṇa nirjitaḥ //
When they had been slain, Bāṇa too, standing in his chariot, bent on killing him, fought as best he could; and when he was overcome by that hero,
AI translation rendered from the Sanskrit, not a published edition
BrP 206.9
मायया युयुधे तेन स तदा मन्त्रचोदितः ततश् च पन्नगास्त्रेण बबन्ध यदुनन्दनम् ॥
māyayā yuyudhe tena sa tadā mantracoditaḥ tataś ca pannagāstreṇa babandha yadunandanam //
then, prompted by a spell, he fought with him by magic, and bound the son of the Yadus with the serpent-weapon.
AI translation rendered from the Sanskrit, not a published edition
BrP 206.10
द्वारवत्यां क्व यातो ऽसाव् अनिरुद्धेति जल्पताम् यदूनाम् आचचक्षे तं बद्धं बाणेन नारदः ॥
dvāravatyāṃ kva yāto 'sāv aniruddheti jalpatām yadūnām ācacakṣe taṃ baddhaṃ bāṇena nāradaḥ //
To the Yadus, who in Dvāravatī were saying, "Where has that Aniruddha gone?", Nārada announced that he had been bound by Bāṇa.
AI translation rendered from the Sanskrit, not a published edition
BrP 206.11
तं शोणितपुरे श्रुत्वा नीतं विद्याविदग्धया योषिता प्रत्ययं जग्मुर् यादवा नाम वैरिति ॥
taṃ śoṇitapure śrutvā nītaṃ vidyāvidagdhayā yoṣitā pratyayaṃ jagmur yādavā nāma vairiti //
Hearing that he had been carried off to Śoṇitapura by a woman versed in magic arts, the Yādavas became convinced: "So this is indeed enmity."
AI translation rendered from the Sanskrit, not a published edition — the model flagged this verse as uncertain
BrP 206.12
ततो गरुडम् आरुह्य स्मृतमात्रागतं हरिः बलप्रद्युम्नसहितो बाणस्य प्रययौ पुरम् ॥
tato garuḍam āruhya smṛtamātrāgataṃ hariḥ balapradyumnasahito bāṇasya prayayau puram //
Then, mounting Garuḍa, who came the moment he was thought of, Hari, together with Bala and Pradyumna, set out for Bāṇa's city.
AI translation rendered from the Sanskrit, not a published edition
BrP 206.13
पुरीप्रवेशे प्रमथैर् युद्धम् आसीन् महाबलैः ययौ बाणपुराभ्याशं नीत्वा तान् संक्षयं हरिः ॥
purīpraveśe pramathair yuddham āsīn mahābalaiḥ yayau bāṇapurābhyāśaṃ nītvā tān saṃkṣayaṃ hariḥ //
At the entry into the city there was a battle with the Pramathas of great strength; having brought them to destruction, Hari drew near to Bāṇa's city.
AI translation rendered from the Sanskrit, not a published edition
BrP 206.14
ततस् त्रिपादस् त्रिशिरा ज्वरो माहेश्वरो महान् बाणरक्षार्थम् अत्यर्थं युयुधे शार्ङ्गधन्वना ॥
tatas tripādas triśirā jvaro māheśvaro mahān bāṇarakṣārtham atyarthaṃ yuyudhe śārṅgadhanvanā //
Then the great Fever of Maheśvara, three-footed and three-headed, fought most fiercely with the wielder of the Śārṅga bow for the protection of Bāṇa.
AI translation rendered from the Sanskrit, not a published edition
BrP 206.15
तद्भस्मस्पर्शसंभूततापं कृष्णाङ्गसंगमात् अवाप बलदेवो ऽपि समं संमीलितेक्षणः ॥
tadbhasmasparśasaṃbhūtatāpaṃ kṛṣṇāṅgasaṃgamāt avāpa baladevo 'pi samaṃ saṃmīlitekṣaṇaḥ //
Baladeva too suffered the burning produced by the touch of that (Fever's) ashes, and at the same time, from contact with Kṛṣṇa's body, he closed his eyes.
AI translation rendered from the Sanskrit, not a published edition — the model flagged this verse as uncertain
BrP 206.16
ततः संयुध्यमानस् तु सह देवेन शार्ङ्गिणा वैष्णवेन ज्वरेणाशु कृष्णदेहान् निराकृतः ॥
tataḥ saṃyudhyamānas tu saha devena śārṅgiṇā vaiṣṇavena jvareṇāśu kṛṣṇadehān nirākṛtaḥ //
Then, as he was fighting with the god who bears the Śārṅga bow, he was swiftly driven off from Kṛṣṇa's body by the Vaiṣṇava fever.
AI translation rendered from the Sanskrit, not a published edition
BrP 206.17
नारायणभुजाघातपरिपीडनविह्वलम् तं वीक्ष्य क्षम्यताम् अस्येत्य् आह देवः पितामहः ॥
nārāyaṇabhujāghātaparipīḍanavihvalam taṃ vīkṣya kṣamyatām asyety āha devaḥ pitāmahaḥ //
Seeing him overcome, crushed by the blows of Nārāyaṇa's arms, the god Grandfather (Brahmā) said, "Let it be forgiven him."
AI translation rendered from the Sanskrit, not a published edition
BrP 206.18
ततश् च क्षान्तम् एवेति प्रोच्य तं वैष्णवं ज्वरम् आत्मन्य् एव लयं निन्ये भगवान् मधुसूदनः ॥
tataś ca kṣāntam eveti procya taṃ vaiṣṇavaṃ jvaram ātmany eva layaṃ ninye bhagavān madhusūdanaḥ //
And then, saying "It is indeed forgiven," the Lord, the slayer of Madhu, brought that Vaiṣṇava fever to dissolution within himself.
AI translation rendered from the Sanskrit, not a published edition
BrP 206.19
मम त्वया समं युद्धं ये स्मरिष्यन्ति मानवाः विज्वरास् ते भविष्यन्तीत्य् उक्त्वा चैनं ययौ हरिः ॥
mama tvayā samaṃ yuddhaṃ ye smariṣyanti mānavāḥ vijvarās te bhaviṣyantīty uktvā cainaṃ yayau hariḥ //
"Those men who will remember my battle with you shall be free of fever"—so saying, Hari left him.
AI translation rendered from the Sanskrit, not a published edition
BrP 206.20
ततो ऽग्नीन् भगवान् पञ्च जित्वा नीत्वा क्षयं तथा दानवानां बलं विष्णुश् चूर्णयाम् आस लीलया ॥
tato 'gnīn bhagavān pañca jitvā nītvā kṣayaṃ tathā dānavānāṃ balaṃ viṣṇuś cūrṇayām āsa līlayā //
Then the Lord, having conquered the five fires and likewise brought them to destruction, Viṣṇu ground down the army of the Dānavas in sport.
AI translation rendered from the Sanskrit, not a published edition
BrP 206.21
ततः समस्तसैन्येन दैतेयानां बलेः सुतः युयुधे शंकरश् चैव कार्त्तिकेयश् च शौरिणा ॥
tataḥ samastasainyena daiteyānāṃ baleḥ sutaḥ yuyudhe śaṃkaraś caiva kārttikeyaś ca śauriṇā //
Then Bali's son fought with the whole army of the Daityas, and Śaṃkara too and Kārttikeya, against the Śauri (Kṛṣṇa).
AI translation rendered from the Sanskrit, not a published edition
BrP 206.22
हरिशंकरयोर् युद्धम् अतीवासीत् सुदारुणम् चुक्षुभुः सकला लोकाः शस्त्रास्त्रैर् बहुधार्दिताः ॥
hariśaṃkarayor yuddham atīvāsīt sudāruṇam cukṣubhuḥ sakalā lokāḥ śastrāstrair bahudhārditāḥ //
The battle between Hari and Śaṃkara was exceedingly terrible; all the worlds trembled, afflicted in many ways by the weapons and missiles.
AI translation rendered from the Sanskrit, not a published edition
BrP 206.23
प्रलयो ऽयम् अशेषस्य जगतो नूनम् आगतः मेनिरे त्रिदशा यत्र वर्तमाने महाहवे ॥
pralayo 'yam aśeṣasya jagato nūnam āgataḥ menire tridaśā yatra vartamāne mahāhave //
"Surely this is the dissolution of the whole world that has come"—so thought the thirty gods while that great battle was going on.
AI translation rendered from the Sanskrit, not a published edition
BrP 206.24
जृम्भणास्त्रेण गोविन्दो जृम्भयाम् आस शंकरम् ततः प्रणेशुर् दैतेयाः प्रमथाश् च समन्ततः ॥
jṛmbhaṇāstreṇa govindo jṛmbhayām āsa śaṃkaram tataḥ praṇeśur daiteyāḥ pramathāś ca samantataḥ //
With the yawning weapon Govinda made Śaṃkara yawn; then the Daityas and the Pramathas perished on every side.
AI translation rendered from the Sanskrit, not a published edition
BrP 206.25
जृम्भाभिभूतश् च हरो रथोपस्थम् उपाविशत् न शशाक तदा योद्धुं कृष्णेनाक्लिष्टकर्मणा ॥
jṛmbhābhibhūtaś ca haro rathopastham upāviśat na śaśāka tadā yoddhuṃ kṛṣṇenākliṣṭakarmaṇā //
And Hara, overcome by yawning, sat down on the floor of his chariot; he was not able then to fight with Kṛṣṇa of untiring deeds.
AI translation rendered from the Sanskrit, not a published edition
BrP 206.26
गरुडक्षतबाहुश् च प्रद्युम्नास्त्रेण पीडितः कृष्णहुंकारनिर्धूतशक्तिश् चापययौ गुहः ॥
garuḍakṣatabāhuś ca pradyumnāstreṇa pīḍitaḥ kṛṣṇahuṃkāranirdhūtaśaktiś cāpayayau guhaḥ //
And Guha, his arm wounded by Garuḍa, tormented by Pradyumna's weapon, and his spear shaken off by Kṛṣṇa's roar of "hum," went away.
AI translation rendered from the Sanskrit, not a published edition
BrP 206.27
जृम्भिते शंकरे नष्टे दैत्यसैन्ये गुहे जिते नीते प्रमथसैन्ये च संक्षयं शार्ङ्गधन्वना ॥
jṛmbhite śaṃkare naṣṭe daityasainye guhe jite nīte pramathasainye ca saṃkṣayaṃ śārṅgadhanvanā //
When Śaṃkara had been made to yawn, the Daitya army destroyed, Guha defeated, and the army of the Pramathas brought to annihilation by the wielder of the Śārṅga bow,
AI translation rendered from the Sanskrit, not a published edition
BrP 206.28
नन्दीशसंगृहीताश्वम् अधिरूढो महारथम् बाणस् तत्राययौ योद्धुं कृष्णकार्ष्णिबलैः सह ॥
nandīśasaṃgṛhītāśvam adhirūḍho mahāratham bāṇas tatrāyayau yoddhuṃ kṛṣṇakārṣṇibalaiḥ saha //
Bāṇa, mounted on a great chariot whose horses were held (in rein) by Nandīśa, came there to fight with the forces of Kṛṣṇa and Kṛṣṇa's son.
AI translation rendered from the Sanskrit, not a published edition
BrP 206.29
बलभद्रो महावीर्यो बाणसैन्यम् अनेकधा विव्याध बाणैः प्रद्युम्नो धर्मतश् चापलायतः ॥
balabhadro mahāvīryo bāṇasainyam anekadhā vivyādha bāṇaiḥ pradyumno dharmataś cāpalāyataḥ //
Balabhadra of great might pierced Bāṇa's army in many ways, and Pradyumna, in accordance with dharma, (pierced) with arrows those who were fleeing.
AI translation rendered from the Sanskrit, not a published edition — the model flagged this verse as uncertain
BrP 206.30
आकृष्य लाङ्गलाग्रेण मुशलेन च पोथितम् बलं बलेन ददृशे बाणो बाणैश् च चक्रिणः ॥
ākṛṣya lāṅgalāgreṇa muśalena ca pothitam balaṃ balena dadṛśe bāṇo bāṇaiś ca cakriṇaḥ //
Bāṇa saw his army dragged with the tip of the plough and pounded with the pestle by Bala, and (shattered) by the arrows of the discus-bearer.
AI translation rendered from the Sanskrit, not a published edition
BrP 206.31
ततः कृष्णस्य बाणेन युद्धम् आसीत् समासतः परस्परं तु संदीप्तान् कायत्राणविभेदिनः ॥
tataḥ kṛṣṇasya bāṇena yuddham āsīt samāsataḥ parasparaṃ tu saṃdīptān kāyatrāṇavibhedinaḥ //
Then there was a battle of Kṛṣṇa with Bāṇa, at close quarters, (with arrows) blazing against each other and splitting the armour on their bodies.
AI translation rendered from the Sanskrit, not a published edition — the model flagged this verse as uncertain
BrP 206.32
कृष्णश् चिच्छेद बाणांस् तान् बाणेन प्रहिताञ् शरैः बिभेद केशवं बाणो बाणं विव्याध चक्रधृक् ॥
kṛṣṇaś ciccheda bāṇāṃs tān bāṇena prahitāñ śaraiḥ bibheda keśavaṃ bāṇo bāṇaṃ vivyādha cakradhṛk //
Kṛṣṇa cut down with his shafts those arrows discharged by Bāṇa; Bāṇa pierced Keśava, and the discus-bearer pierced Bāṇa.
AI translation rendered from the Sanskrit, not a published edition
BrP 206.33
मुमुचाते तथास्त्राणि बाणकृष्णौ जिगीषया परस्परक्षतिपरौ परिघांश् च ततो द्विजाः ॥
mumucāte tathāstrāṇi bāṇakṛṣṇau jigīṣayā parasparakṣatiparau parighāṃś ca tato dvijāḥ //
Thus Bāṇa and Kṛṣṇa, each bent on wounding the other, hurled missiles at one another out of the desire to win, and then, O brahmins, iron bludgeons too.
AI translation rendered from the Sanskrit, not a published edition
BrP 206.34
छिद्यमानेष्व् अशेषेषु शस्त्रेष्व् अस्त्रे च सीदति प्राचुर्येण हरिर् बाणं हन्तुं चक्रे ततो मनः ॥
chidyamāneṣv aśeṣeṣu śastreṣv astre ca sīdati prācuryeṇa harir bāṇaṃ hantuṃ cakre tato manaḥ //
When all the weapons were being cut to pieces, and the missile-power was failing in great measure, Hari then set his mind on killing Bāṇa.
AI translation rendered from the Sanskrit, not a published edition
BrP 206.35
ततो ऽर्कशतसंभूततेजसा सदृशद्युति जग्राह दैत्यचक्रारिर् हरिश् चक्रं सुदर्शनम् ॥
tato 'rkaśatasaṃbhūtatejasā sadṛśadyuti jagrāha daityacakrārir hariś cakraṃ sudarśanam //
Then Hari, the foe of the host of daityas, took up the discus Sudarśana, whose radiance was like the blaze arisen from a hundred suns.
AI translation rendered from the Sanskrit, not a published edition
BrP 206.36
मुञ्चतो बाणनाशाय तच् चक्रं मधुविद्विषः नग्ना दैतेयविद्याभूत् कोटरी पुरतो हरेः ॥
muñcato bāṇanāśāya tac cakraṃ madhuvidviṣaḥ nagnā daiteyavidyābhūt koṭarī purato hareḥ //
As the enemy of Madhu was loosing that discus for Bāṇa's destruction, a magic device of the daityas, Koṭarī, appeared naked before Hari.
AI translation rendered from the Sanskrit, not a published edition
BrP 206.37
ताम् अग्रतो हरिर् दृष्ट्वा मीलिताक्षः सुदर्शनम् मुमोच बाणम् उद्दिश्य छेत्तुं बाहुवनं रिपोः ॥
tām agrato harir dṛṣṭvā mīlitākṣaḥ sudarśanam mumoca bāṇam uddiśya chettuṃ bāhuvanaṃ ripoḥ //
Seeing her before him, Hari, with his eyes shut, released Sudarśana, aiming it at Bāṇa, to cut down the thicket of the enemy's arms.
AI translation rendered from the Sanskrit, not a published edition
BrP 206.38
क्रमेणास्य तु बाहूनां बाणस्याच्युतचोदितम् छेदं चक्रे ऽसुरस्याशु शस्त्रास्त्रक्षेपणाद् द्रुतम् ॥
krameṇāsya tu bāhūnāṃ bāṇasyācyutacoditam chedaṃ cakre 'surasyāśu śastrāstrakṣepaṇād drutam //
And the (discus), urged on by Acyuta, swiftly effected the severing of the asura Bāṇa's arms one after another, made rapid by their hurling of weapons and missiles.
AI translation rendered from the Sanskrit, not a published edition — the model flagged this verse as uncertain
BrP 206.39
छिन्ने बाहुवने तत् तु करस्थं मधुसूदनः मुमुक्षुर् बाणनाशाय विज्ञातस् त्रिपुरद्विषा ॥
chinne bāhuvane tat tu karasthaṃ madhusūdanaḥ mumukṣur bāṇanāśāya vijñātas tripuradviṣā //
When the thicket of arms was cut off, Madhusūdana, holding it in his hand and wishing to release it for Bāṇa's destruction, was perceived by the foe of Tripura.
AI translation rendered from the Sanskrit, not a published edition
BrP 206.40
स उत्पत्याह गोविन्दं सामपूर्वम् उमापतिः विलोक्य बाणं दोर्दण्डच्छेदासृक्स्राववर्षिणम् ॥
sa utpatyāha govindaṃ sāmapūrvam umāpatiḥ vilokya bāṇaṃ dordaṇḍacchedāsṛksrāvavarṣiṇam //
He, the husband of Umā, springing up, spoke to Govinda with conciliation first, having looked upon Bāṇa raining a flow of blood from the severing of his club-like arms.
AI translation rendered from the Sanskrit, not a published edition
BrP 206.41
कृष्ण कृष्ण जगन्नाथ जाने त्वां पुरुषोत्तमम् परेशं परमात्मानम् अनादिनिधनं परम् ॥
kṛṣṇa kṛṣṇa jagannātha jāne tvāṃ puruṣottamam pareśaṃ paramātmānam anādinidhanaṃ param //
"Kṛṣṇa, Kṛṣṇa, Lord of the world, I know you as the highest Person, the supreme Ruler, the supreme Self, without beginning or end, the ultimate."
AI translation rendered from the Sanskrit, not a published edition
BrP 206.42
देवतिर्यङ्मनुष्येषु शरीरग्रहणात्मिका लीलेयं तव चेष्टा हि दैत्यानां वधलक्षणा ॥
devatiryaṅmanuṣyeṣu śarīragrahaṇātmikā līleyaṃ tava ceṣṭā hi daityānāṃ vadhalakṣaṇā //
"This activity of yours among gods, animals and men, consisting in the taking on of bodies, is indeed play, characterized by the slaying of daityas."
AI translation rendered from the Sanskrit, not a published edition
BrP 206.43
तत् प्रसीदाभयं दत्तं बाणस्यास्य मया प्रभो तत् त्वया नानृतं कार्यं यन् मया व्याहृतं वचः ॥
tat prasīdābhayaṃ dattaṃ bāṇasyāsya mayā prabho tat tvayā nānṛtaṃ kāryaṃ yan mayā vyāhṛtaṃ vacaḥ //
"So be gracious: safety has been granted to this Bāṇa by me, O Lord; therefore that word which I uttered should not be made false by you."
AI translation rendered from the Sanskrit, not a published edition
BrP 206.44
अस्मत्संश्रयवृद्धो ऽयं नापराधस् तवाव्यय मया दत्तवरो दैत्यस् ततस् त्वां क्षमयाम्य् अहम् ॥
asmatsaṃśrayavṛddho 'yaṃ nāparādhas tavāvyaya mayā dattavaro daityas tatas tvāṃ kṣamayāmy aham //
"This one has grown great under our protection; there is no offence against you, O undecaying one. The daitya was given a boon by me, and so I beg your pardon."
AI translation rendered from the Sanskrit, not a published edition
BrP 206.45
इत्य् उक्तः प्राह गोविन्दः शूलपाणिम् उमापतिम् प्रसन्नवदनो भूत्वा गतामर्षो ऽसुरं प्रति ॥
ity uktaḥ prāha govindaḥ śūlapāṇim umāpatim prasannavadano bhūtvā gatāmarṣo 'suraṃ prati //
Thus addressed, Govinda, his face grown serene and his wrath toward the asura gone, spoke to the trident-bearing husband of Umā:
AI translation rendered from the Sanskrit, not a published edition
BrP 206.46
युष्मद्दत्तवरो बाणो जीवताद् एष शंकर त्वद्वाक्यगौरवाद् एतन् मया चक्रं निवर्तितम् ॥
yuṣmaddattavaro bāṇo jīvatād eṣa śaṃkara tvadvākyagauravād etan mayā cakraṃ nivartitam //
"Let this Bāṇa, to whom a boon was given by you, live, O Śaṃkara; out of respect for your words this discus has been recalled by me."
AI translation rendered from the Sanskrit, not a published edition
BrP 206.47
त्वया यद् अभयं दत्तं तद् दत्तम् अभयं मया मत्तो ऽविभिन्नम् आत्मानं द्रष्टुम् अर्हसि शंकर ॥
tvayā yad abhayaṃ dattaṃ tad dattam abhayaṃ mayā matto 'vibhinnam ātmānaṃ draṣṭum arhasi śaṃkara //
"The safety that was granted by you—that safety is granted by me. You should see yourself as not separate from me, Śaṃkara."
AI translation rendered from the Sanskrit, not a published edition
BrP 206.48
यो ऽहं स त्वं जगच् चेदं सदेवासुरमानुषम् अविद्यामोहितात्मानः पुरुषा भिन्नदर्शिनः ॥
yo 'haṃ sa tvaṃ jagac cedaṃ sadevāsuramānuṣam avidyāmohitātmānaḥ puruṣā bhinnadarśinaḥ //
"What I am, that are you, and this world too, with its gods, asuras and men; it is men whose selves are deluded by ignorance who see difference."
AI translation rendered from the Sanskrit, not a published edition
BrP 206.49
इत्य् उक्त्वा प्रययौ कृष्णः प्राद्युम्निर् यत्र तिष्ठति तद्बन्धफणिनो नेशुर् गरुडानिलशोषिताः ॥
ity uktvā prayayau kṛṣṇaḥ prādyumnir yatra tiṣṭhati tadbandhaphaṇino neśur garuḍānilaśoṣitāḥ //
Having said this, Kṛṣṇa went to where the son of Pradyumna was; the hooded serpents of that bond perished, withered by the wind of Garuḍa.
AI translation rendered from the Sanskrit, not a published edition
BrP 206.50
ततो ऽनिरुद्धम् आरोप्य सपत्नीकं गरुत्मति आजग्मुर् द्वारकां रामकार्ष्णिदामोदराः पुरीम् ॥
tato 'niruddham āropya sapatnīkaṃ garutmati ājagmur dvārakāṃ rāmakārṣṇidāmodarāḥ purīm //
Then, having set Aniruddha together with his wife upon Garuḍa, Rāma, Kṛṣṇa's son, and Dāmodara came to the city Dvārakā.
AI translation rendered from the Sanskrit, not a published edition