Brahma Purana — Chapter 202
BrP 202.1
द्वारवत्यां ततः शौरिं शक्रस् त्रिभुवनेश्वरः आजगामाथ मुनयो मत्तैरावतपृष्ठगः ॥
dvāravatyāṃ tataḥ śauriṃ śakras tribhuvaneśvaraḥ ājagāmātha munayo mattairāvatapṛṣṭhagaḥ //
Then, O sages, Śakra, lord of the three worlds, riding on the back of the rutting Airāvata, came to Śauri (Kṛṣṇa) in Dvāravatī.
AI translation rendered from the Sanskrit, not a published edition
BrP 202.2
प्रविश्य द्वारकां सो ऽथ समीपे च हरेस् तदा कथयाम् आस दैत्यस्य नरकस्य विचेष्टितम् ॥
praviśya dvārakāṃ so 'tha samīpe ca hares tadā kathayām āsa daityasya narakasya viceṣṭitam //
Having entered Dvārakā, he then, in Hari's presence, recounted the doings of the demon Naraka.
AI translation rendered from the Sanskrit, not a published edition
BrP 202.3
त्वया नाथेन देवानां मनुष्यत्वे ऽपि तिष्ठता प्रशमं सर्वदुःखानि नीतानि मधुसूदन ॥
tvayā nāthena devānāṃ manuṣyatve 'pi tiṣṭhatā praśamaṃ sarvaduḥkhāni nītāni madhusūdana //
By you, the lord of the gods, though abiding in human form, all sufferings have been brought to an end, O Madhusūdana.
AI translation rendered from the Sanskrit, not a published edition
BrP 202.4
तपस्विजनरक्षायै सो ऽरिष्टो धेनुकस् तथा प्रलम्बाद्यास् तथा केशी ते सर्वे निहतास् त्वया ॥
tapasvijanarakṣāyai so 'riṣṭo dhenukas tathā pralambādyās tathā keśī te sarve nihatās tvayā //
For the protection of ascetic folk, that Ariṣṭa, and Dhenuka, and Pralamba and the rest, and Keśin — all these were slain by you.
AI translation rendered from the Sanskrit, not a published edition
BrP 202.5
कंसः कुवलयापीडः पूतना बालघातिनी नाशं नीतास् त्वया सर्वे ये ऽन्ये जगदुपद्रवाः ॥
kaṃsaḥ kuvalayāpīḍaḥ pūtanā bālaghātinī nāśaṃ nītās tvayā sarve ye 'nye jagadupadravāḥ //
Kaṃsa, Kuvalayāpīḍa, Pūtanā the child-killer — all these, and whatever other afflictions of the world there were, were brought to destruction by you.
AI translation rendered from the Sanskrit, not a published edition
BrP 202.6
युष्मद्दोर्दण्डसंबुद्धिपरित्राते जगत्त्रये यज्ञे यज्ञहविः प्राश्य तृप्तिं यान्ति दिवौकसः ॥
yuṣmaddordaṇḍasaṃbuddhiparitrāte jagattraye yajñe yajñahaviḥ prāśya tṛptiṃ yānti divaukasaḥ //
With the three worlds protected by the resolve of your rod-like arms, the dwellers in heaven, consuming the sacrificial oblation at the sacrifice, attain satisfaction.
AI translation rendered from the Sanskrit, not a published edition
BrP 202.7
सो ऽहं सांप्रतम् आयातो यन्निमित्तं जनार्दन तच् छ्रुत्वा तत्प्रतीकारप्रयत्नं कर्तुम् अर्हसि ॥
so 'haṃ sāṃpratam āyāto yannimittaṃ janārdana tac chrutvā tatpratīkāraprayatnaṃ kartum arhasi //
I myself have now come for a reason, O Janārdana; hearing it, you ought to make an effort to counter it.
AI translation rendered from the Sanskrit, not a published edition
BrP 202.8
भौमो ऽयं नरको नाम प्राग्ज्योतिषपुरेश्वरः करोति सर्वभूतानाम् अपघातम् अरिंदम ॥
bhaumo 'yaṃ narako nāma prāgjyotiṣapureśvaraḥ karoti sarvabhūtānām apaghātam ariṃdama //
This son of the Earth, named Naraka, lord of the city Prāgjyotiṣa, works the destruction of all beings, O subduer of foes.
AI translation rendered from the Sanskrit, not a published edition
BrP 202.9
देवसिद्धसुरादीनां नृपाणां च जनार्दन हत्वा तु सो ऽसुरः कन्या रुरोध निजमन्दिरे ॥
devasiddhasurādīnāṃ nṛpāṇāṃ ca janārdana hatvā tu so 'suraḥ kanyā rurodha nijamandire //
And having slain gods, siddhas, suras and the rest, and kings too, O Janārdana, that asura shut up their maidens in his own palace.
AI translation rendered from the Sanskrit, not a published edition
BrP 202.10
छत्त्रं यत् सलिलस्रावि तज् जहार प्रचेतसः मन्दरस्य तथा शृङ्गं हृतवान् मणिपर्वतम् ॥
chattraṃ yat salilasrāvi taj jahāra pracetasaḥ mandarasya tathā śṛṅgaṃ hṛtavān maṇiparvatam //
He carried off that water-shedding parasol of Varuṇa (Pracetas), and likewise he took the jewel-mountain, the peak of Mandara.
AI translation rendered from the Sanskrit, not a published edition
BrP 202.11
अमृतस्राविणी दिव्ये मातुर् मे ऽमृतकुण्डले जहार सो ऽसुरो ऽदित्या वाञ्छत्य् ऐरावतं द्विपम् ॥
amṛtasrāviṇī divye mātur me 'mṛtakuṇḍale jahāra so 'suro 'dityā vāñchaty airāvataṃ dvipam //
That asura carried off from Aditi, my mother, her two divine nectar-earrings that ooze nectar; and he desires the elephant Airāvata.
AI translation rendered from the Sanskrit, not a published edition
BrP 202.12
दुर्नीतम् एतद् गोविन्द मया तस्य तवोदितम् यद् अत्र प्रतिकर्तव्यं तत् स्वयं परिमृश्यताम् ॥
durnītam etad govinda mayā tasya tavoditam yad atra pratikartavyaṃ tat svayaṃ parimṛśyatām //
This misconduct of his has been told to you by me, O Govinda; let what is to be done against it here be considered by you yourself.
AI translation rendered from the Sanskrit, not a published edition
BrP 202.13
इति श्रुत्वा स्मितं कृत्वा भगवान् देवकीसुतः गृहीत्वा वासवं हस्ते समुत्तस्थौ वरासनात् ॥
iti śrutvā smitaṃ kṛtvā bhagavān devakīsutaḥ gṛhītvā vāsavaṃ haste samuttasthau varāsanāt //
Hearing this, the Blessed One, the son of Devakī, smiled, and taking Vāsava by the hand, rose up from his excellent seat.
AI translation rendered from the Sanskrit, not a published edition
BrP 202.14
संचिन्तितम् उपारुह्य गरुडं गगनेचरम् सत्यभामां समारोप्य ययौ प्राग्ज्योतिषं पुरम् ॥
saṃcintitam upāruhya garuḍaṃ gaganecaram satyabhāmāṃ samāropya yayau prāgjyotiṣaṃ puram //
Mounting Garuḍa, the sky-goer, (who came) upon being thought of, and setting Satyabhāmā (upon him), he went to the city Prāgjyotiṣa.
AI translation rendered from the Sanskrit, not a published edition
BrP 202.15
आरुह्यैरावतं नागं शक्रो ऽपि त्रिदशालयम् ततो जगाम सुमनाः पश्यतां द्वारकौकसाम् ॥
āruhyairāvataṃ nāgaṃ śakro 'pi tridaśālayam tato jagāma sumanāḥ paśyatāṃ dvārakaukasām //
Śakra too, mounting the elephant Airāvata, then went gladly to the abode of the thirty (gods), while the inhabitants of Dvārakā looked on.
AI translation rendered from the Sanskrit, not a published edition
BrP 202.16
प्राग्ज्योतिषपुरस्यास्य समन्ताच् छतयोजनम् आचितं भैरवैः पाशैः परसैन्यनिवारणे ॥
prāgjyotiṣapurasyāsya samantāc chatayojanam ācitaṃ bhairavaiḥ pāśaiḥ parasainyanivāraṇe //
All around this city of Prāgjyotiṣa, for a hundred yojanas, (the ground) was strewn with dreadful snares, to hold off enemy armies.
AI translation rendered from the Sanskrit, not a published edition
BrP 202.17
तांश् चिच्छेद हरिः पाशान् क्षिप्त्वा चक्रं सुदर्शनम् ततो मुरः समुत्तस्थौ तं जघान च केशवः ॥
tāṃś ciccheda hariḥ pāśān kṣiptvā cakraṃ sudarśanam tato muraḥ samuttasthau taṃ jaghāna ca keśavaḥ //
Hari cut those snares by hurling his discus Sudarśana; then Mura rose up, and Keśava slew him.
AI translation rendered from the Sanskrit, not a published edition
BrP 202.18
मुरोस् तु तनयान् सप्त सहस्रास् तांस् ततो हरिः चक्रधाराग्निनिर्दग्धांश् चकार शलभान् इव ॥
muros tu tanayān sapta sahasrās tāṃs tato hariḥ cakradhārāgninirdagdhāṃś cakāra śalabhān iva //
Then Hari made Mura's seven thousand sons, burnt up by the fire of the discus's edge, like moths (in a flame).
AI translation rendered from the Sanskrit, not a published edition
BrP 202.19
हत्वा मुरं हयग्रीवं तथा पञ्चजनं द्विजाः प्राग्ज्योतिषपुरं धीमांस् त्वरावान् समुपाद्रवत् ॥
hatvā muraṃ hayagrīvaṃ tathā pañcajanaṃ dvijāḥ prāgjyotiṣapuraṃ dhīmāṃs tvarāvān samupādravat //
Having slain Mura, Hayagrīva, and likewise Pañcajana, O brahmins, the wise one swiftly rushed upon the city of Prāgjyotiṣa.
AI translation rendered from the Sanskrit, not a published edition
BrP 202.20
नरकेनास्य तत्राभून् महासैन्येन संयुगः कृष्णस्य यत्र गोविन्दो जघ्ने दैत्यान् सहस्रशः ॥
narakenāsya tatrābhūn mahāsainyena saṃyugaḥ kṛṣṇasya yatra govindo jaghne daityān sahasraśaḥ //
There his battle took place with Naraka and his great army — the battle of Kṛṣṇa, in which Govinda slew demons by the thousands.
AI translation rendered from the Sanskrit, not a published edition
BrP 202.21
शस्त्रास्त्रवर्षं मुञ्चन्तं स भौमं नरकं बली क्षिप्त्वा चक्रं द्विधा चक्रे चक्री दैतेयचक्रहा ॥
śastrāstravarṣaṃ muñcantaṃ sa bhaumaṃ narakaṃ balī kṣiptvā cakraṃ dvidhā cakre cakrī daiteyacakrahā //
As (Naraka) was loosing a rain of weapons and missiles, the mighty bearer of the discus, destroyer of the host of Diti's brood, hurled his discus and cut that Naraka, son of Earth, in two.
AI translation rendered from the Sanskrit, not a published edition
BrP 202.22
हते तु नरके भूमिर् गृहीत्वादितिकुण्डले उपतस्थे जगन्नाथं वाक्यं चेदम् अथाब्रवीत् ॥
hate tu narake bhūmir gṛhītvāditikuṇḍale upatasthe jagannāthaṃ vākyaṃ cedam athābravīt //
But when Naraka had been slain, Earth, taking up Aditi's earrings, approached the Lord of the world and then spoke these words:
AI translation rendered from the Sanskrit, not a published edition
BrP 202.23
यदाहम् उद्धृता नाथ त्वया शूकरमूर्तिना त्वत्संस्पर्शभवः पुत्रस् तदायं मय्य् अजायत ॥
yadāham uddhṛtā nātha tvayā śūkaramūrtinā tvatsaṃsparśabhavaḥ putras tadāyaṃ mayy ajāyata //
"When I was lifted up, Lord, by you in your boar form, then this son, arisen from your touch, was born in me.
AI translation rendered from the Sanskrit, not a published edition
BrP 202.24
सो ऽयं त्वयैव दत्तो मे त्वयैव विनिपातितः गृहाण कुण्डले चेमे पालयास्य च संततिम् ॥
so 'yaṃ tvayaiva datto me tvayaiva vinipātitaḥ gṛhāṇa kuṇḍale ceme pālayāsya ca saṃtatim //
"He was given to me by you alone, and by you alone has he been struck down. Take these two earrings, and protect his offspring.
AI translation rendered from the Sanskrit, not a published edition
BrP 202.25
भारावतरणार्थाय ममैव भगवान् इमम् अंशेन लोकम् आयातः प्रसादसुमुख प्रभो ॥
bhārāvataraṇārthāya mamaiva bhagavān imam aṃśena lokam āyātaḥ prasādasumukha prabho //
"For the sake of removing my own burden, O Lord, you have come to this world with a portion (of yourself), O master whose face is gracious with favour.
AI translation rendered from the Sanskrit, not a published edition
BrP 202.26
त्वं कर्ता च विकर्ता च संहर्ता प्रभवो ऽव्ययः जगत्स्वरूपो यश् च त्वं स्तूयसे ऽच्युत किं मया ॥
tvaṃ kartā ca vikartā ca saṃhartā prabhavo 'vyayaḥ jagatsvarūpo yaś ca tvaṃ stūyase 'cyuta kiṃ mayā //
"You are the maker, the unmaker, and the destroyer; you are the source, unperishing; and you who are the very form of the world — how are you to be praised by me, O Acyuta?
AI translation rendered from the Sanskrit, not a published edition
BrP 202.27
व्यापी व्याप्यः क्रिया कर्ता कार्यं च भगवान् सदा सर्वभूतात्मभूतात्मा स्तूयसे ऽच्युत किं मया ॥
vyāpī vyāpyaḥ kriyā kartā kāryaṃ ca bhagavān sadā sarvabhūtātmabhūtātmā stūyase 'cyuta kiṃ mayā //
"The pervader and the pervaded, the act, the agent, and the thing to be done — you, Lord, are ever these; the self that is the self of all beings — how are you to be praised by me, O Acyuta?
AI translation rendered from the Sanskrit, not a published edition
BrP 202.28
परमात्मा त्वम् आत्मा च भूतात्मा चाव्ययो भवान् यदा तदा स्तुतिर् नास्ति किमर्थं ते प्रवर्तताम् ॥
paramātmā tvam ātmā ca bhūtātmā cāvyayo bhavān yadā tadā stutir nāsti kimarthaṃ te pravartatām //
"Since you are the supreme Self, and the self, and the self of beings, and unperishing, then there is no praise (possible); for what purpose should it be undertaken for you?
AI translation rendered from the Sanskrit, not a published edition
BrP 202.29
प्रसीद सर्वभूतात्मन् नरकेन कृतं च यत् तत् क्षम्यताम् अदोषाय मत्सुतः स निपातितः ॥
prasīda sarvabhūtātman narakena kṛtaṃ ca yat tat kṣamyatām adoṣāya matsutaḥ sa nipātitaḥ //
"Be gracious, O Self of all beings; and whatever was done by Naraka, let that be forgiven; my son has been struck down (so that he be) free of fault."
AI translation rendered from the Sanskrit, not a published edition — the model flagged this verse as uncertain
BrP 202.30
तथेति चोक्त्वा धरणीं भगवान् भूतभावनः रत्नानि नरकावासाज् जग्राह मुनिसत्तमाः ॥
tatheti coktvā dharaṇīṃ bhagavān bhūtabhāvanaḥ ratnāni narakāvāsāj jagrāha munisattamāḥ //
And saying "So be it" to Earth, the Lord, the fosterer of beings, took the jewels from Naraka's dwelling, O best of sages.
AI translation rendered from the Sanskrit, not a published edition
BrP 202.31
कन्यापुरे स कन्यानां षोडशातुलविक्रमः शताधिकानि ददृशे सहस्राणि द्विजोत्तमाः ॥
kanyāpure sa kanyānāṃ ṣoḍaśātulavikramaḥ śatādhikāni dadṛśe sahasrāṇi dvijottamāḥ //
In the maidens' quarters he of incomparable prowess saw sixteen thousand and one hundred maidens, O best of the twice-born.
AI translation rendered from the Sanskrit, not a published edition
BrP 202.32
चतुर्दंष्ट्रान् गजांश् चोग्रान् षट् सहस्राणि दृष्टवान् काम्बोजानां तथाश्वानां नियुतान्य् एकविंशतिम् ॥
caturdaṃṣṭrān gajāṃś cogrān ṣaṭ sahasrāṇi dṛṣṭavān kāmbojānāṃ tathāśvānāṃ niyutāny ekaviṃśatim //
And he saw six thousand fierce four-tusked elephants, and twenty-one lakhs of Kāmboja horses.
AI translation rendered from the Sanskrit, not a published edition
BrP 202.33
कन्यास् ताश् च तथा नागांस् तान् अश्वान् द्वारकां पुरीम् प्रापयाम् आस गोविन्दः सद्यो नरककिंकरैः ॥
kanyās tāś ca tathā nāgāṃs tān aśvān dvārakāṃ purīm prāpayām āsa govindaḥ sadyo narakakiṃkaraiḥ //
And those maidens, and those elephants and horses, Govinda had brought at once to the city of Dvārakā by Naraka's servants.
AI translation rendered from the Sanskrit, not a published edition
BrP 202.34
ददृशे वारुणं छत्त्रं तथैव मणिपर्वतम् आरोपयाम् आस हरिर् गरुडे पतगेश्वरे ॥
dadṛśe vāruṇaṃ chattraṃ tathaiva maṇiparvatam āropayām āsa harir garuḍe patageśvare //
He saw Varuṇa's parasol and likewise the jewel-mountain, and Hari had them loaded onto Garuḍa, the lord of birds.
AI translation rendered from the Sanskrit, not a published edition
BrP 202.35
आरुह्य च स्वयं कृष्णः सत्यभामासहायवान् अदित्याः कुण्डले दातुं जगाम त्रिदशालयम् ॥
āruhya ca svayaṃ kṛṣṇaḥ satyabhāmāsahāyavān adityāḥ kuṇḍale dātuṃ jagāma tridaśālayam //
And Kṛṣṇa himself mounted, with Satyabhāmā as his companion, and went to the abode of the thirty (gods) to give Aditi her earrings.
AI translation rendered from the Sanskrit, not a published edition