Brahma Purana — Chapter 201

BrP 201.1

चारुदेष्णं सुदेष्णं च चारुदेहं च शोभनम् सुषेणं चारुगुप्तं च भद्रचारुं तथापरम् ॥

cārudeṣṇaṃ sudeṣṇaṃ ca cārudehaṃ ca śobhanam suṣeṇaṃ cāruguptaṃ ca bhadracāruṃ tathāparam //

Cārudeṣṇa and Sudeṣṇa, and the handsome Cārudeha, Suṣeṇa and Cārugupta, and likewise another, Bhadracāru,

AI translation rendered from the Sanskrit, not a published edition

BrP 201.2

चारुविन्दं सुचारुं च चारुं च बलिनां वरम् रुक्मिण्य् अजनयत् पुत्रान् कन्यां चारुमतीं तथा ॥

cāruvindaṃ sucāruṃ ca cāruṃ ca balināṃ varam rukmiṇy ajanayat putrān kanyāṃ cārumatīṃ tathā //

Cāruvinda and Sucāru, and Cāru, best of the strong—these sons Rukmiṇī bore, and also a daughter, Cārumatī.

AI translation rendered from the Sanskrit, not a published edition

BrP 201.3

अन्याश् च भार्याः कृष्णस्य बभूवुः सप्त शोभनाः कालिन्दी मित्रविन्दा च सत्या नाग्नजिती तथा ॥

anyāś ca bhāryāḥ kṛṣṇasya babhūvuḥ sapta śobhanāḥ kālindī mitravindā ca satyā nāgnajitī tathā //

And Kṛṣṇa had seven other lovely wives: Kālindī and Mitravindā, and Satyā the daughter of Nagnajit,

AI translation rendered from the Sanskrit, not a published edition

BrP 201.4

देवी जाम्बवती चापि सदा तुष्टा तु रोहिणी मद्रराजसुता चान्या सुशीला शीलमण्डला ॥

devī jāmbavatī cāpi sadā tuṣṭā tu rohiṇī madrarājasutā cānyā suśīlā śīlamaṇḍalā //

and also Queen Jāmbavatī, and Rohiṇī, ever content, and another, the daughter of the king of Madra, Suśīlā, a very sphere of good conduct,

AI translation rendered from the Sanskrit, not a published edition

BrP 201.5

सात्राजिती सत्यभामा लक्ष्मणा चारुहासिनी षोडशात्र सहस्राणि स्त्रीणाम् अन्यानि चक्रिणः ॥

sātrājitī satyabhāmā lakṣmaṇā cāruhāsinī ṣoḍaśātra sahasrāṇi strīṇām anyāni cakriṇaḥ //

Satyabhāmā the daughter of Satrājit, and Lakṣmaṇā of the charming smile; and the wielder of the discus had here sixteen thousand other women.

AI translation rendered from the Sanskrit, not a published edition

BrP 201.6

प्रद्युम्नो ऽपि महावीर्यो रुक्मिणस् तनयां शुभाम् स्वयंवरस्थां जग्राह सापि तं तनयं हरेः ॥

pradyumno 'pi mahāvīryo rukmiṇas tanayāṃ śubhām svayaṃvarasthāṃ jagrāha sāpi taṃ tanayaṃ hareḥ //

Pradyumna too, of great valour, took the lovely daughter of Rukmin as she stood at her own choosing (svayaṃvara), and she too (took) him, the son of Hari.

AI translation rendered from the Sanskrit, not a published edition

BrP 201.7

तस्याम् अस्याभवत् पुत्रो महाबलपराक्रमः अनिरुद्धो रणे रुद्धो वीर्योदधिर् अरिंदमः ॥

tasyām asyābhavat putro mahābalaparākramaḥ aniruddho raṇe ruddho vīryodadhir ariṃdamaḥ //

By her he had a son of great strength and prowess, Aniruddha, unchecked in battle, an ocean of valour, a subduer of foes.

AI translation rendered from the Sanskrit, not a published edition

BrP 201.8

तस्यापि रुक्मिणः पौत्रीं वरयाम् आस केशवः दौहित्राय ददौ रुक्मी स्पर्धयन्न् अपि शौरिणा ॥

tasyāpi rukmiṇaḥ pautrīṃ varayām āsa keśavaḥ dauhitrāya dadau rukmī spardhayann api śauriṇā //

Keśava asked for the granddaughter of that same Rukmin (for Aniruddha), and Rukmin gave (her) to his own daughter's son, though he was in rivalry with Śauri (Kṛṣṇa).

AI translation rendered from the Sanskrit, not a published edition

BrP 201.9

तस्या विवाहे रामाद्या यादवा हरिणा सह रुक्मिणो नगरं जग्मुर् नाम्ना भोजकटं द्विजाः ॥

tasyā vivāhe rāmādyā yādavā hariṇā saha rukmiṇo nagaraṃ jagmur nāmnā bhojakaṭaṃ dvijāḥ //

At her wedding, Balarāma and the other Yādavas, together with Hari, went to Rukmin's city, named Bhojakaṭa, O twice-born ones.

AI translation rendered from the Sanskrit, not a published edition

BrP 201.10

विवाहे तत्र निर्वृत्ते प्राद्युम्नेः सुमहात्मनः कलिङ्गराजप्रमुखा रुक्मिणं वाक्यम् अब्रुवन् ॥

vivāhe tatra nirvṛtte prādyumneḥ sumahātmanaḥ kaliṅgarājapramukhā rukmiṇaṃ vākyam abruvan //

When the wedding of Pradyumna's son, the very great one, had been completed there, (the kings) headed by the king of Kaliṅga spoke these words to Rukmin:

AI translation rendered from the Sanskrit, not a published edition

BrP 201.11

अनक्षज्ञो हली द्यूते तथास्य व्यसनं महत् तन् नयामो बलं तस्माद् द्यूतेनैव महाद्युते ॥

anakṣajño halī dyūte tathāsya vyasanaṃ mahat tan nayāmo balaṃ tasmād dyūtenaiva mahādyute //

"The plough-bearer (Balarāma) is ignorant of the dice at gambling, and yet he has a great passion for it; therefore, O greatly splendid one, let us bring Bala down by gambling itself."

AI translation rendered from the Sanskrit, not a published edition

BrP 201.12

तथेति तान् आह नृपान् रुक्मी बलसमन्वितः सभायां सह रामेण चक्रे द्यूतं च वै तदा ॥

tatheti tān āha nṛpān rukmī balasamanvitaḥ sabhāyāṃ saha rāmeṇa cakre dyūtaṃ ca vai tadā //

Rukmin said to those kings, "So be it," and then, accompanied by force (i.e. with his army), he played at dice with Rāma in the assembly hall.

AI translation rendered from the Sanskrit, not a published edition

BrP 201.13

सहस्रम् एकं निष्काणां रुक्मिणा विजितो बलः द्वितीये दिवसे चान्यत् सहस्रं रुक्मिणा जितः ॥

sahasram ekaṃ niṣkāṇāṃ rukmiṇā vijito balaḥ dvitīye divase cānyat sahasraṃ rukmiṇā jitaḥ //

Bala was defeated by Rukmin for one thousand niṣkas, and on the second day he was won over by Rukmin for another thousand.

AI translation rendered from the Sanskrit, not a published edition

BrP 201.14

ततो दश सहस्राणि निष्काणां पणम् आददे बलभद्रप्रपन्नानि रुक्मी द्यूतविदां वरः ॥

tato daśa sahasrāṇi niṣkāṇāṃ paṇam ādade balabhadraprapannāni rukmī dyūtavidāṃ varaḥ //

Then Rukmin, the best of those who know dicing, took as stake ten thousand niṣkas, wagered against Balabhadra.

AI translation rendered from the Sanskrit, not a published edition

BrP 201.15

ततो जहासाथ बलं कलिङ्गाधिपतिर् द्विजाः दन्तान् विदर्शयन् मूढो रुक्मी चाह मदोद्धतः ॥

tato jahāsātha balaṃ kaliṅgādhipatir dvijāḥ dantān vidarśayan mūḍho rukmī cāha madoddhataḥ //

Then the lord of Kaliṅga laughed at Bala, O twice-born ones, showing his teeth, the fool; and Rukmin too, puffed up with arrogance, spoke:

AI translation rendered from the Sanskrit, not a published edition

BrP 201.16

अविद्यो ऽयं महाद्यूते बलभद्रः पराजितः मृषैवाक्षावलेपत्वाद् यो ऽयं मेने ऽक्षकोविदम् ॥

avidyo 'yaṃ mahādyūte balabhadraḥ parājitaḥ mṛṣaivākṣāvalepatvād yo 'yaṃ mene 'kṣakovidam //

"This Balabhadra, being unskilled, has been defeated in the great game; it was falsely, out of mere conceit about the dice, that he thought himself a knower of dice."

AI translation rendered from the Sanskrit, not a published edition

BrP 201.17

दृष्ट्वा कलिङ्गराजं तु प्रकाशदशनाननम् रुक्मिणं चापि दुर्वाक्यं कोपं चक्रे हलायुधः ॥

dṛṣṭvā kaliṅgarājaṃ tu prakāśadaśanānanam rukmiṇaṃ cāpi durvākyaṃ kopaṃ cakre halāyudhaḥ //

But seeing the Kaliṅga king with his teeth bared in his face, and Rukmin too with his evil words, the plough-armed one grew angry.

AI translation rendered from the Sanskrit, not a published edition

BrP 201.18

ततः कोपपरीतात्मा निष्ककोटिं हलायुधः ग्लहं जग्राह रुक्मी च ततस् त्व् अक्षान् अपातयत् ॥

tataḥ kopaparītātmā niṣkakoṭiṃ halāyudhaḥ glahaṃ jagrāha rukmī ca tatas tv akṣān apātayat //

Then the plough-armed one, his mind overcome with anger, took up a stake of ten million niṣkas, and Rukmin thereupon cast the dice.

AI translation rendered from the Sanskrit, not a published edition

BrP 201.19

अजयद् बलदेवो ऽथ प्राहोच्चैस् तं जितं मया ममेति रुक्मी प्राहोच्चैर् अलीकोक्तैर् अलं बलम् ॥

ajayad baladevo 'tha prāhoccais taṃ jitaṃ mayā mameti rukmī prāhoccair alīkoktair alaṃ balam //

Then Baladeva won, and cried aloud, "It is won by me!" But Rukmin cried aloud, "It is mine!"—enough of Bala with his false words.

AI translation rendered from the Sanskrit, not a published edition — the model flagged this verse as uncertain

BrP 201.20

त्वयोक्तो ऽयं ग्लहः सत्यं न ममैषो ऽनुमोदितः एवं त्वया चेद् विजितं न मया विजितं कथम् ॥

tvayokto 'yaṃ glahaḥ satyaṃ na mamaiṣo 'numoditaḥ evaṃ tvayā ced vijitaṃ na mayā vijitaṃ katham //

"This stake was named by you—true; it was not agreed to by me. If it was thus won by you, how (can it be said) it was not won by me?"

AI translation rendered from the Sanskrit, not a published edition — the model flagged this verse as uncertain

BrP 201.21

ततो ऽन्तरिक्षे वाग् उच्चैः प्राह गम्भीरनादिनी बलदेवस्य तं कोपं वर्धयन्ती महात्मनः ॥

tato 'ntarikṣe vāg uccaiḥ prāha gambhīranādinī baladevasya taṃ kopaṃ vardhayantī mahātmanaḥ //

Then a voice in the sky spoke aloud, resounding deeply, increasing that anger of the great-souled Baladeva:

AI translation rendered from the Sanskrit, not a published edition

BrP 201.22

जितं तु बलदेवेन रुक्मिणा भाषितं मृषा अनुक्त्वा वचनं किंचित् कृतं भवति कर्मणा ॥

jitaṃ tu baladevena rukmiṇā bhāṣitaṃ mṛṣā anuktvā vacanaṃ kiṃcit kṛtaṃ bhavati karmaṇā //

"It was won by Baladeva; Rukmin has spoken falsely. Even without a word being spoken, a thing is done by the act (itself)."

AI translation rendered from the Sanskrit, not a published edition

BrP 201.23

ततो बलः समुत्थाय क्रोधसंरक्तलोचनः जघानाष्टापदेनैव रुक्मिणं स महाबलः ॥

tato balaḥ samutthāya krodhasaṃraktalocanaḥ jaghānāṣṭāpadenaiva rukmiṇaṃ sa mahābalaḥ //

Then Bala, of great strength, rose up with eyes red with rage and struck Rukmin down with the dice-board itself.

AI translation rendered from the Sanskrit, not a published edition

BrP 201.24

कलिङ्गराजं चादाय विस्फुरन्तं बलाद् बलः बभञ्ज दन्तान् कुपितो यैः प्रकाशं जहास सः ॥

kaliṅgarājaṃ cādāya visphurantaṃ balād balaḥ babhañja dantān kupito yaiḥ prakāśaṃ jahāsa saḥ //

And seizing by force the king of Kaliṅga as he struggled, Bala in his fury broke those teeth with which he had laughed openly.

AI translation rendered from the Sanskrit, not a published edition

BrP 201.25

आकृष्य च महास्तम्भं जातरूपमयं बलः जघान ये तत्पक्षास् तान् भूभृतः कुपितो बलः ॥

ākṛṣya ca mahāstambhaṃ jātarūpamayaṃ balaḥ jaghāna ye tatpakṣās tān bhūbhṛtaḥ kupito balaḥ //

And Bala, tearing out a great pillar made of gold, in his fury struck down those kings who were on that one's side.

AI translation rendered from the Sanskrit, not a published edition

BrP 201.26

ततो हाहाकृतं सर्वं पलायनपरं द्विजाः तद् राजमण्डलं सर्वं बभूव कुपिते बले ॥

tato hāhākṛtaṃ sarvaṃ palāyanaparaṃ dvijāḥ tad rājamaṇḍalaṃ sarvaṃ babhūva kupite bale //

Then, when Bala was enraged, all that circle of kings became filled with cries of "alas!" and intent on flight, O twice-born ones.

AI translation rendered from the Sanskrit, not a published edition

BrP 201.27

बलेन निहतं श्रुत्वा रुक्मिणं मधुसूदनः नोवाच वचनं किंचिद् रुक्मिणीबलयोर् भयात् ॥

balena nihataṃ śrutvā rukmiṇaṃ madhusūdanaḥ novāca vacanaṃ kiṃcid rukmiṇībalayor bhayāt //

Hearing that Rukmin had been slain by Bala, the slayer of Madhu said not a word, out of fear of both Rukmiṇī and Bala.

AI translation rendered from the Sanskrit, not a published edition

BrP 201.28

ततो ऽनिरुद्धम् आदाय कृतोद्वाहं द्विजोत्तमाः द्वारकाम् आजगामाथ यदुचक्रं सकेशवम् ॥

tato 'niruddham ādāya kṛtodvāhaṃ dvijottamāḥ dvārakām ājagāmātha yaducakraṃ sakeśavam //

Then, taking Aniruddha, whose wedding had been performed, O best of brahmins, the circle of the Yadus together with Keśava came to Dvārakā.

AI translation rendered from the Sanskrit, not a published edition