Brahma Purana — Chapter 200
BrP 200.1
शम्बरेण हृतो वीरः प्रद्युम्नः स कथं पुनः शम्बरश् च महावीर्यः प्रद्युम्नेन कथं हतः ॥
śambareṇa hṛto vīraḥ pradyumnaḥ sa kathaṃ punaḥ śambaraś ca mahāvīryaḥ pradyumnena kathaṃ hataḥ //
How was that hero Pradyumna carried off by Śambara, and how again was the mighty Śambara slain by Pradyumna?
AI translation rendered from the Sanskrit, not a published edition
BrP 200.2
षष्ठे ऽह्नि जातमात्रे तु प्रद्युम्नं सूतिकागृहात् ममैष हन्तेति द्विजा हृतवान् कालशम्बरः ॥
ṣaṣṭhe 'hni jātamātre tu pradyumnaṃ sūtikāgṛhāt mamaiṣa hanteti dvijā hṛtavān kālaśambaraḥ //
On the sixth day, O twice-born ones, when (he was) just born, Kālaśambara carried off Pradyumna from the lying-in chamber, thinking, "This one is my slayer."
AI translation rendered from the Sanskrit, not a published edition
BrP 200.3
नीत्वा चिक्षेप चैवैनं ग्राहो ऽग्रे लवणार्णवे कल्लोलजनितावर्ते सुघोरे मकरालये ॥
nītvā cikṣepa caivainaṃ grāho 'gre lavaṇārṇave kallolajanitāvarte sughore makarālaye //
And having taken him, he flung him into the salt ocean, before a crocodile, into a whirlpool churned up by the billows, most terrible, the abode of sea-monsters.
AI translation rendered from the Sanskrit, not a published edition
BrP 200.4
पतितं चैव तत्रैको मत्स्यो जग्राह बालकम् न ममार च तस्यापि जठरानलदीपितः ॥
patitaṃ caiva tatraiko matsyo jagrāha bālakam na mamāra ca tasyāpi jaṭharānaladīpitaḥ //
And when he had fallen there, a certain fish swallowed the child; yet he did not die, though scorched by the fire of that (fish's) belly.
AI translation rendered from the Sanskrit, not a published edition
BrP 200.5
मत्स्यबन्धैश् च मत्स्यो ऽसौ मत्स्यैर् अन्यैः सह द्विजाः घातितो ऽसुरवर्याय शम्बराय निवेदितः ॥
matsyabandhaiś ca matsyo 'sau matsyair anyaiḥ saha dvijāḥ ghātito 'suravaryāya śambarāya niveditaḥ //
And that fish, O twice-born ones, was killed by fishermen along with other fish, and was presented to Śambara, the foremost of the asuras.
AI translation rendered from the Sanskrit, not a published edition
BrP 200.6
तस्य मायावती नाम पत्नी सर्वगृहेश्वरी कारयाम् आस सूदानाम् आधिपत्यम् अनिन्दिता ॥
tasya māyāvatī nāma patnī sarvagṛheśvarī kārayām āsa sūdānām ādhipatyam aninditā //
His wife named Māyāvatī, mistress of the whole household, blameless, exercised authority over the cooks.
AI translation rendered from the Sanskrit, not a published edition
BrP 200.7
दारिते मत्स्यजठरे ददृशे सातिशोभनम् कुमारं मन्मथतरोर् दग्धस्य प्रथमाङ्कुरम् ॥
dārite matsyajaṭhare dadṛśe sātiśobhanam kumāraṃ manmathataror dagdhasya prathamāṅkuram //
When the fish's belly was cut open, she saw an exceedingly beautiful boy, the first shoot of the burnt-down tree that was Manmatha.
AI translation rendered from the Sanskrit, not a published edition
BrP 200.8
को ऽयं कथम् अयं मत्स्यजठरे समुपागतः इत्य् एवं कौतुकाविष्टां तां तन्वीं प्राह नारदः ॥
ko 'yaṃ katham ayaṃ matsyajaṭhare samupāgataḥ ity evaṃ kautukāviṣṭāṃ tāṃ tanvīṃ prāha nāradaḥ //
"Who is this? How has he come to be in a fish's belly?" — to her, that slender woman, thus filled with wonder, Nārada spoke:
AI translation rendered from the Sanskrit, not a published edition
BrP 200.9
अयं समस्तजगतां सृष्टिसंहारकारिणा शम्बरेण हृतः कृष्णतनयः सूतिकागृहात् ॥
ayaṃ samastajagatāṃ sṛṣṭisaṃhārakāriṇā śambareṇa hṛtaḥ kṛṣṇatanayaḥ sūtikāgṛhāt //
"This is the son of Kṛṣṇa, who brings about the creation and destruction of all the worlds; he was carried off from the lying-in chamber by Śambara,
AI translation rendered from the Sanskrit, not a published edition
BrP 200.10
क्षिप्तः समुद्रे मत्स्येन निगीर्णस् ते वशं गतः नररत्नम् इदं सुभ्रु विश्रब्धा परिपालय ॥
kṣiptaḥ samudre matsyena nigīrṇas te vaśaṃ gataḥ nararatnam idaṃ subhru viśrabdhā paripālaya //
thrown into the sea, swallowed by a fish, (and so) has come into your power. Guard this jewel among men, O fair-browed one, with confidence."
AI translation rendered from the Sanskrit, not a published edition
BrP 200.11
नारदेनैवम् उक्ता सा पालयाम् आस तं शिशुम् बाल्याद् एवातिरागेण रूपातिशयमोहिता ॥
nāradenaivam uktā sā pālayām āsa taṃ śiśum bālyād evātirāgeṇa rūpātiśayamohitā //
Thus addressed by Nārada, she reared that infant with excessive passion even from his childhood, bewildered by his surpassing beauty.
AI translation rendered from the Sanskrit, not a published edition
BrP 200.12
स यदा यौवनाभोगभूषितो ऽभूद् द्विजोत्तमाः साभिलाषा तदा सा तु बभूव गजगामिनी ॥
sa yadā yauvanābhogabhūṣito 'bhūd dvijottamāḥ sābhilāṣā tadā sā tu babhūva gajagāminī //
When he became adorned with the full bloom of youth, O best of the twice-born, then she, the elephant-gaited woman, became filled with desire.
AI translation rendered from the Sanskrit, not a published edition
BrP 200.13
मायावती ददौ चास्मै माया सर्वा महात्मने प्रद्युम्नायात्मभूताय तन्न्यस्तहृदयेक्षणा प्रसज्जन्तीं तु ताम् आह स कार्ष्णिः कमललोचनः ॥
māyāvatī dadau cāsmai māyā sarvā mahātmane pradyumnāyātmabhūtāya tannyastahṛdayekṣaṇā prasajjantīṃ tu tām āha sa kārṣṇiḥ kamalalocanaḥ //
And Māyāvatī gave to him, the great-souled Pradyumna who had become her very self, all her magic arts, her heart and eyes fixed upon him. But as she was pressing herself upon (him), that lotus-eyed son of Kṛṣṇa said to her:
AI translation rendered from the Sanskrit, not a published edition
BrP 200.14
मातृभावं विहायैव किमर्थं वर्तसे ऽन्यथा ॥
mātṛbhāvaṃ vihāyaiva kimarthaṃ vartase 'nyathā //
"Abandoning the disposition of a mother, why do you behave otherwise?"
AI translation rendered from the Sanskrit, not a published edition
BrP 200.15
सा चास्मै कथयाम् आस न पुत्रस् त्वं ममेति वै तनयं त्वाम् अयं विष्णोर् हृतवान् कालशम्बरः ॥
sā cāsmai kathayām āsa na putras tvaṃ mameti vai tanayaṃ tvām ayaṃ viṣṇor hṛtavān kālaśambaraḥ //
And she said to him: "You are not my son. Kālaśambara here carried you off, the son of Viṣṇu,
AI translation rendered from the Sanskrit, not a published edition
BrP 200.16
क्षिप्तः समुद्रे मत्स्यस्य संप्राप्तो जठरान् मया सा तु रोदिति ते माता कान्ताद्याप्य् अतिवत्सला ॥
kṣiptaḥ samudre matsyasya saṃprāpto jaṭharān mayā sā tu roditi te mātā kāntādyāpy ativatsalā //
(and) threw (you) into the sea; I got (you) from the belly of a fish. But your mother, his beloved, weeps even to this day, exceedingly fond (of you)."
AI translation rendered from the Sanskrit, not a published edition
BrP 200.17
इत्य् उक्तः शम्बरं युद्धे प्रद्युम्नः स समाह्वयत् क्रोधाकुलीकृतमना युयुधे च महाबलः ॥
ity uktaḥ śambaraṃ yuddhe pradyumnaḥ sa samāhvayat krodhākulīkṛtamanā yuyudhe ca mahābalaḥ //
Thus addressed, that Pradyumna challenged Śambara to battle, and with his mind stirred up by anger, the mighty one fought.
AI translation rendered from the Sanskrit, not a published edition
BrP 200.18
हत्वा सैन्यम् अशेषं तु तस्य दैत्यस्य माधविः सप्त माया व्यतिक्रम्य मायां संयुयुजे ऽष्टमीम् ॥
hatvā sainyam aśeṣaṃ tu tasya daityasya mādhaviḥ sapta māyā vyatikramya māyāṃ saṃyuyuje 'ṣṭamīm //
But having slain the entire army of that Daitya, the descendant of Madhu (Pradyumna), passing beyond seven magical powers, employed the eighth illusion.
AI translation rendered from the Sanskrit, not a published edition
BrP 200.19
तया जघान तं दैत्यं मायया कालशम्बरम् उत्पत्य च तया सार्धम् आजगाम पितुः पुरम् ॥
tayā jaghāna taṃ daityaṃ māyayā kālaśambaram utpatya ca tayā sārdham ājagāma pituḥ puram //
With that illusion he slew that Daitya, Kālaśambara, and flying up, together with her (Māyāvatī) he came to his father's city.
AI translation rendered from the Sanskrit, not a published edition
BrP 200.20
अन्तःपुरे च पतितं मायावत्या समन्वितम् तं दृष्ट्वा हृष्टसंकल्पा बभूवुः कृष्णयोषितः रुक्मिणी चाब्रवीत् प्रेम्णा आसक्तदृष्टिर् अनिन्दिता ॥
antaḥpure ca patitaṃ māyāvatyā samanvitam taṃ dṛṣṭvā hṛṣṭasaṃkalpā babhūvuḥ kṛṣṇayoṣitaḥ rukmiṇī cābravīt premṇā āsaktadṛṣṭir aninditā //
And seeing him alighted in the inner apartments, accompanied by Māyāvatī, Kṛṣṇa's women became joyful in their thoughts, and Rukmiṇī, blameless, her gaze fixed (on him), spoke out of affection:
AI translation rendered from the Sanskrit, not a published edition
BrP 200.21
धन्यायाः खल्व् अयं पुत्रो वर्तते नवयौवने अस्मिन् वयसि पुत्रो मे प्रद्युम्नो यदि जीवति ॥
dhanyāyāḥ khalv ayaṃ putro vartate navayauvane asmin vayasi putro me pradyumno yadi jīvati //
"Surely this son of some fortunate woman is in his fresh youth; if my son Pradyumna is alive, he would be of this age.
AI translation rendered from the Sanskrit, not a published edition
BrP 200.22
सभाग्या जननी वत्स त्वया कापि विभूषिता अथवा यादृशः स्नेहो मम यादृग् वपुश् च ते हरेर् अपत्यं सुव्यक्तं भवान् वत्स भविष्यति ॥
sabhāgyā jananī vatsa tvayā kāpi vibhūṣitā athavā yādṛśaḥ sneho mama yādṛg vapuś ca te harer apatyaṃ suvyaktaṃ bhavān vatsa bhaviṣyati //
Blessed is that mother, dear child, whoever she is, who is adorned by you; or rather, from the kind of affection I feel and the kind of body you have, it is quite clear, dear child, that you must be an offspring of Hari."
AI translation rendered from the Sanskrit, not a published edition
BrP 200.23
एतस्मिन्न् अन्तरे प्राप्तः सह कृष्णेन नारदः अन्तःपुरवरां देवीं रुक्मिणीं प्राह हर्षितः ॥
etasminn antare prāptaḥ saha kṛṣṇena nāradaḥ antaḥpuravarāṃ devīṃ rukmiṇīṃ prāha harṣitaḥ //
In this interval Nārada arrived together with Kṛṣṇa, and delighted, he said to Queen Rukmiṇī, the foremost of the inner apartments:
AI translation rendered from the Sanskrit, not a published edition
BrP 200.24
एष ते तनयः सुभ्रु हत्वा शम्बरम् आगतः हृतो येनाभवत् पूर्वं पुत्रस् ते सूतिकागृहात् ॥
eṣa te tanayaḥ subhru hatvā śambaram āgataḥ hṛto yenābhavat pūrvaṃ putras te sūtikāgṛhāt //
"O fair-browed one, this is your son, come back after slaying Śambara, by whom your son was formerly carried off from the lying-in chamber.
AI translation rendered from the Sanskrit, not a published edition
BrP 200.25
इयं मायावती भार्या तनयस्यास्य ते सती शम्बरस्य न भार्येयं श्रूयताम् अत्र कारणम् ॥
iyaṃ māyāvatī bhāryā tanayasyāsya te satī śambarasya na bhāryeyaṃ śrūyatām atra kāraṇam //
This Māyāvatī is the virtuous wife of this son of yours; she is not Śambara's wife—let the reason for this be heard.
AI translation rendered from the Sanskrit, not a published edition
BrP 200.26
मन्मथे तु गते नाशं तदुद्भवपरायणा शम्बरं मोहयाम् आस मायारूपेण रुक्मिणि ॥
manmathe tu gate nāśaṃ tadudbhavaparāyaṇā śambaraṃ mohayām āsa māyārūpeṇa rukmiṇi //
When Manmatha (the god of love) had gone to destruction, she, wholly intent on his rebirth, deluded Śambara with an illusory form, O Rukmiṇī.
AI translation rendered from the Sanskrit, not a published edition
BrP 200.27
विवाहाद्युपभोगेषु रूपं मायामयं शुभम् दर्शयाम् आस दैत्यस्य तस्येयं मदिरेक्षणा ॥
vivāhādyupabhogeṣu rūpaṃ māyāmayaṃ śubham darśayām āsa daityasya tasyeyaṃ madirekṣaṇā //
In the marriage and the other enjoyments, this wine-eyed woman showed that Daitya a fair form made of illusion.
AI translation rendered from the Sanskrit, not a published edition
BrP 200.28
कामो ऽवतीर्णः पुत्रस् ते तस्येयं दयिता रतिः विशङ्का नात्र कर्तव्या स्नुषेयं तव शोभना ॥
kāmo 'vatīrṇaḥ putras te tasyeyaṃ dayitā ratiḥ viśaṅkā nātra kartavyā snuṣeyaṃ tava śobhanā //
Kāma has descended (as) your son, and she is his beloved Rati; no doubt is to be entertained here—this lovely woman is your daughter-in-law."
AI translation rendered from the Sanskrit, not a published edition
BrP 200.29
ततो हर्षसमाविष्टौ रुक्मिणीकेशवौ तदा नगरी च समस्ता सा साधु साध्व् इत्य् अभाषत ॥
tato harṣasamāviṣṭau rukmiṇīkeśavau tadā nagarī ca samastā sā sādhu sādhv ity abhāṣata //
Then Rukmiṇī and Keśava were filled with joy, and that whole city cried out, "Well done, well done!"
AI translation rendered from the Sanskrit, not a published edition
BrP 200.30
चिरं नष्टेन पुत्रेण संगतां प्रेक्ष्य रुक्मिणीम् अवाप विस्मयं सर्वो द्वारवत्यां जनस् तदा ॥
ciraṃ naṣṭena putreṇa saṃgatāṃ prekṣya rukmiṇīm avāpa vismayaṃ sarvo dvāravatyāṃ janas tadā //
Seeing Rukmiṇī reunited with the son long lost, all the people in Dvāravatī were then filled with wonder.
AI translation rendered from the Sanskrit, not a published edition