Brahma Purana — Chapter 2
BrP 2.1
स सृष्ट्वा तु प्रजास् त्व् एवम् आपवो वै प्रजापतिः लेभे वै पुरुषः पत्नीं शतरूपाम् अयोनिजाम् ॥
sa sṛṣṭvā tu prajās tv evam āpavo vai prajāpatiḥ lebhe vai puruṣaḥ patnīṃ śatarūpām ayonijām //
Having thus created the offspring, Āpava, the lord of creatures, the Puruṣa, obtained as wife Śatarūpā, who was not born from a womb.
AI translation rendered from the Sanskrit, not a published edition
BrP 2.2
आपवस्य महिम्ना तु दिवम् आवृत्य तिष्ठतः धर्मेणैव मुनिश्रेष्ठाः शतरूपा व्यजायत ॥
āpavasya mahimnā tu divam āvṛtya tiṣṭhataḥ dharmeṇaiva muniśreṣṭhāḥ śatarūpā vyajāyata //
But while by his greatness Āpava stood covering the sky, O best of sages, Śatarūpā was born through Dharma itself.
AI translation rendered from the Sanskrit, not a published edition — the model flagged this verse as uncertain
BrP 2.3
सा तु वर्षायुतं तप्त्वा तपः परमदुश्चरम् भर्तारं दीप्ततपसं पुरुषं प्रत्यपद्यत ॥
sā tu varṣāyutaṃ taptvā tapaḥ paramaduścaram bhartāraṃ dīptatapasaṃ puruṣaṃ pratyapadyata //
She, having practised for ten thousand years an austerity extremely hard to perform, obtained as her husband the Puruṣa of blazing austerity.
AI translation rendered from the Sanskrit, not a published edition
BrP 2.4
स वै स्वायंभुवो विप्राः पुरुषो मनुर् उच्यते तस्यैकसप्ततियुगं मन्वन्तरम् इहोच्यते ॥
sa vai svāyaṃbhuvo viprāḥ puruṣo manur ucyate tasyaikasaptatiyugaṃ manvantaram ihocyate //
That Puruṣa, O brahmins, is called Manu Svāyaṃbhuva; his Manvantara is here said to be seventy-one yugas.
AI translation rendered from the Sanskrit, not a published edition
BrP 2.5
वैराजात् पुरुषाद् वीरं शतरूपा व्यजायत प्रियव्रतोत्तानपादौ वीरात् काम्या व्यजायत ॥
vairājāt puruṣād vīraṃ śatarūpā vyajāyata priyavratottānapādau vīrāt kāmyā vyajāyata //
From the Puruṣa son of Virāj, Śatarūpā bore Vīra; from Vīra, Kāmyā bore Priyavrata and Uttānapāda.
AI translation rendered from the Sanskrit, not a published edition
BrP 2.6
काम्या नाम सुता श्रेष्ठा कर्दमस्य प्रजापतेः काम्यापुत्रास् तु चत्वारः सम्राट् कुक्षिर् विराट् प्रभुः ॥
kāmyā nāma sutā śreṣṭhā kardamasya prajāpateḥ kāmyāputrās tu catvāraḥ samrāṭ kukṣir virāṭ prabhuḥ //
Kāmyā by name was the excellent daughter of Kardama, the lord of creatures; the sons of Kāmyā were four: Samrāj, Kukṣi, Virāj and Prabhu.
AI translation rendered from the Sanskrit, not a published edition
BrP 2.7
उत्तानपादं जग्राह पुत्रम् अत्रिः प्रजापतिः उत्तानपादाच् चतुरः सूनृता सुषुवे सुतान् ॥
uttānapādaṃ jagrāha putram atriḥ prajāpatiḥ uttānapādāc caturaḥ sūnṛtā suṣuve sutān //
Atri, the lord of creatures, took Uttānapāda as his son; from Uttānapāda, Sūnṛtā bore four sons.
AI translation rendered from the Sanskrit, not a published edition
BrP 2.8
धर्मस्य कन्या सुश्रोणी सूनृता नाम विश्रुता उत्पन्ना वाजिमेधेन ध्रुवस्य जननी शुभा ॥
dharmasya kanyā suśroṇī sūnṛtā nāma viśrutā utpannā vājimedhena dhruvasya jananī śubhā //
The fair-hipped daughter of Dharma, renowned by the name Sūnṛtā, born from a horse-sacrifice, was the auspicious mother of Dhruva.
AI translation rendered from the Sanskrit, not a published edition
BrP 2.9
ध्रुवं च कीर्तिमन्तं च आयुष्मन्तं वसुं तथा उत्तानपादो ऽजनयत् सूनृतायां प्रजापतिः ॥
dhruvaṃ ca kīrtimantaṃ ca āyuṣmantaṃ vasuṃ tathā uttānapādo 'janayat sūnṛtāyāṃ prajāpatiḥ //
Uttānapāda, the lord of creatures, begot on Sūnṛtā Dhruva, Kīrtimat, Āyuṣmat and Vasu.
AI translation rendered from the Sanskrit, not a published edition
BrP 2.10
ध्रुवो वर्षसहस्राणि त्रीणि दिव्यानि भो द्विजाः तपस् तेपे महाभागः प्रार्थयन् सुमहद् यशः ॥
dhruvo varṣasahasrāṇi trīṇi divyāni bho dvijāḥ tapas tepe mahābhāgaḥ prārthayan sumahad yaśaḥ //
Dhruva, O brahmins, for three thousand divine years — that greatly fortunate one practised austerity, seeking very great renown.
AI translation rendered from the Sanskrit, not a published edition
BrP 2.11
तस्मै ब्रह्मा ददौ प्रीतः स्थानम् आत्मसमं प्रभुः अचलं चैव पुरतः सप्तर्षीणां प्रजापतिः ॥
tasmai brahmā dadau prītaḥ sthānam ātmasamaṃ prabhuḥ acalaṃ caiva purataḥ saptarṣīṇāṃ prajāpatiḥ //
To him Brahmā, the lord, the Lord of creatures, well pleased, gave a station equal to his own, and an unmoving one, in front of the seven sages.
AI translation rendered from the Sanskrit, not a published edition
BrP 2.12
तस्याभिमानम् ऋद्धिं च महिमानं निरीक्ष्य च देवासुराणाम् आचार्यः श्लोकं प्राग् उशना जगौ ॥
tasyābhimānam ṛddhiṃ ca mahimānaṃ nirīkṣya ca devāsurāṇām ācāryaḥ ślokaṃ prāg uśanā jagau //
And beholding his self-esteem, his prosperity and his greatness, Uśanas, the teacher of the gods and the demons, formerly sang a verse.
AI translation rendered from the Sanskrit, not a published edition
BrP 2.13
अहो ऽस्य तपसो वीर्यम् अहो श्रुतम् अहो ऽद्भुतम् यम् अद्य पुरतः कृत्वा ध्रुवं सप्तर्षयः स्थिताः ॥
aho 'sya tapaso vīryam aho śrutam aho 'dbhutam yam adya purataḥ kṛtvā dhruvaṃ saptarṣayaḥ sthitāḥ //
"Ah, the power of his austerity! Ah, his learning! Ah, the marvel! — that the seven sages stand today having placed Dhruva in front of them."
AI translation rendered from the Sanskrit, not a published edition
BrP 2.14
तस्माच् छ्लिष्टिं च भव्यं च ध्रुवाच् छंभुर् व्यजायत श्लिष्टेर् आधत्त सुच्छाया पञ्च पुत्रान् अकल्मषान् ॥
tasmāc chliṣṭiṃ ca bhavyaṃ ca dhruvāc chaṃbhur vyajāyata śliṣṭer ādhatta succhāyā pañca putrān akalmaṣān //
From that Dhruva, Śambhu bore Śliṣṭi and Bhavya; and Succhāyā conceived from Śliṣṭi five faultless sons.
AI translation rendered from the Sanskrit, not a published edition — the model flagged this verse as uncertain
BrP 2.15
रिपुं रिपुंजयं वीरं वृकलं वृकतेजसम् रिपोर् आधत्त बृहती चक्षुषं सर्वतेजसम् ॥
ripuṃ ripuṃjayaṃ vīraṃ vṛkalaṃ vṛkatejasam ripor ādhatta bṛhatī cakṣuṣaṃ sarvatejasam //
Ripu, Ripuṃjaya, Vīra, Vṛkala and Vṛkatejas; and from Ripu, Bṛhatī conceived Cakṣuṣa, possessed of all splendour.
AI translation rendered from the Sanskrit, not a published edition
BrP 2.16
अजीजनत् पुष्करिण्यां वैरिण्यां चाक्षुषं मनुम् प्रजापतेर् आत्मजायां वीरण्यस्य महात्मनः ॥
ajījanat puṣkariṇyāṃ vairiṇyāṃ cākṣuṣaṃ manum prajāpater ātmajāyāṃ vīraṇyasya mahātmanaḥ //
He (Cakṣuṣa) begot Manu Cākṣuṣa upon Puṣkariṇī Vairiṇī, the daughter of the great-souled Prajāpati Vīraṇa.
AI translation rendered from the Sanskrit, not a published edition
BrP 2.17
मनोर् अजायन्त दश नड्वलायां महौजसः कन्यायां मुनिशार्दूला वैराजस्य प्रजापतेः ॥
manor ajāyanta daśa naḍvalāyāṃ mahaujasaḥ kanyāyāṃ muniśārdūlā vairājasya prajāpateḥ //
To Manu, O tigers among sages, were born ten sons of great vigour, upon Naḍvalā, the daughter of Prajāpati Vairāja.
AI translation rendered from the Sanskrit, not a published edition
BrP 2.18
कुत्सः पुरुः शतद्युम्नस् तपस्वी सत्यवाक् कविः अग्निष्टुद् अतिरात्रश् च सुद्युम्नश् चेति ते नव ॥
kutsaḥ puruḥ śatadyumnas tapasvī satyavāk kaviḥ agniṣṭud atirātraś ca sudyumnaś ceti te nava //
Kutsa, Puru, Śatadyumna, Tapasvin, Satyavāk, Kavi, Agniṣṭut, Atirātra and Sudyumna — these are nine;
AI translation rendered from the Sanskrit, not a published edition
BrP 2.19
अभिमन्युश् च दशमो नड्वलायां महौजसः पुरोर् अजनयत् पुत्रान् षड् आग्नेयी महाप्रभान् ॥
abhimanyuś ca daśamo naḍvalāyāṃ mahaujasaḥ puror ajanayat putrān ṣaḍ āgneyī mahāprabhān //
and Abhimanyu was the tenth, (born) of Naḍvalā, of great vigour. To Puru, Āgneyī bore six sons of great brilliance:
AI translation rendered from the Sanskrit, not a published edition
BrP 2.20
अङ्गं सुमनसं स्वातिं क्रतुम् अङ्गिरसं मयम् अङ्गात् सुनीथापत्यं वै वेणम् एकं व्यजायत ॥
aṅgaṃ sumanasaṃ svātiṃ kratum aṅgirasaṃ mayam aṅgāt sunīthāpatyaṃ vai veṇam ekaṃ vyajāyata //
Aṅga, Sumanas, Svāti, Kratu, Aṅgiras and Maya. From Aṅga there was born one son, Veṇa, the child of Sunīthā.
AI translation rendered from the Sanskrit, not a published edition
BrP 2.21
अपचारेण वेणस्य प्रकोपः सुमहान् अभूत् प्रजार्थम् ऋषयो यस्य ममन्थुर् दक्षिणं करम् ॥
apacāreṇa veṇasya prakopaḥ sumahān abhūt prajārtham ṛṣayo yasya mamanthur dakṣiṇaṃ karam //
Because of Veṇa's misconduct there arose a very great wrath, and for the sake of offspring the sages churned his right hand.
AI translation rendered from the Sanskrit, not a published edition
BrP 2.22
वेणस्य मथिते पाणौ संबभूव महान् नृपः तं दृष्ट्वा मुनयः प्राहुर् एष वै मुदिताः प्रजाः ॥
veṇasya mathite pāṇau saṃbabhūva mahān nṛpaḥ taṃ dṛṣṭvā munayaḥ prāhur eṣa vai muditāḥ prajāḥ //
When Veṇa's hand was churned, a great king came into being. Seeing him, the sages, delighted, said: "He indeed will (nourish) the people;
AI translation rendered from the Sanskrit, not a published edition
BrP 2.23
करिष्यति महातेजा यशश् च प्राप्स्यते महत् स धन्वी कवची जातो ज्वलज्ज्वलनसंनिभः ॥
kariṣyati mahātejā yaśaś ca prāpsyate mahat sa dhanvī kavacī jāto jvalajjvalanasaṃnibhaḥ //
he of great splendour will act, and will attain great fame." He was born bearing bow and armour, like a blazing fire.
AI translation rendered from the Sanskrit, not a published edition
BrP 2.24
पृथुर् वैण्यस् तथा चेमां ररक्ष क्षत्रपूर्वजः राजसूयाभिषिक्तानाम् आद्यः स वसुधापतिः ॥
pṛthur vaiṇyas tathā cemāṃ rarakṣa kṣatrapūrvajaḥ rājasūyābhiṣiktānām ādyaḥ sa vasudhāpatiḥ //
And so Pṛthu, son of Veṇa, the forefather of the kṣatriyas, protected this (earth); he was the first of those consecrated by the rājasūya, the lord of the earth.
AI translation rendered from the Sanskrit, not a published edition
BrP 2.25
तस्माच् चैव समुत्पन्नौ निपुणौ सूतमागधौ तेनेयं गौर् मुनिश्रेष्ठा दुग्धा सस्यानि भूभृता ॥
tasmāc caiva samutpannau nipuṇau sūtamāgadhau teneyaṃ gaur muniśreṣṭhā dugdhā sasyāni bhūbhṛtā //
And from him arose the two skilled ones, the Sūta and the Māgadha; and by him, the bearer of the earth, O best of sages, this earth-cow was milked for crops,
AI translation rendered from the Sanskrit, not a published edition
BrP 2.26
प्रजानां वृत्तिकामेन देवैः सर्षिगणैः सह पितृभिर् दानवैश् चैव गन्धर्वैर् अप्सरोगणैः ॥
prajānāṃ vṛttikāmena devaiḥ sarṣigaṇaiḥ saha pitṛbhir dānavaiś caiva gandharvair apsarogaṇaiḥ //
by him who desired a livelihood for the people, together with the gods along with the hosts of sages, with the fathers, the Dānavas, the Gandharvas and the throngs of Apsarases,
AI translation rendered from the Sanskrit, not a published edition
BrP 2.27
सर्पैः पुण्यजनैश् चैव वीरुद्भिः पर्वतैस् तथा तेषु तेषु च पात्रेषु दुह्यमाना वसुंधरा ॥
sarpaiḥ puṇyajanaiś caiva vīrudbhiḥ parvatais tathā teṣu teṣu ca pātreṣu duhyamānā vasuṃdharā //
with the serpents, the holy folk, the plants and the mountains as well; and the earth, being milked into those various vessels,
AI translation rendered from the Sanskrit, not a published edition
BrP 2.28
प्रादाद् यथेप्सितं क्षीरं तेन प्राणान् अधारयन् पृथोस् तु पुत्रौ धर्मज्ञौ यज्ञान्ते ऽन्तर्धिपातिनौ ॥
prādād yathepsitaṃ kṣīraṃ tena prāṇān adhārayan pṛthos tu putrau dharmajñau yajñānte 'ntardhipātinau //
gave milk as each desired, and by that they sustained their lives. But Pṛthu had two sons who knew dharma, Antardhi and Pāli, (born) at the end of a sacrifice.
AI translation rendered from the Sanskrit, not a published edition — the model flagged this verse as uncertain
BrP 2.29
शिखण्डिनी हविर्धानम् अन्तर्धानाद् व्यजायत हविर्धानात् षड् आग्नेयी धिषणाजनयत् सुतान् ॥
śikhaṇḍinī havirdhānam antardhānād vyajāyata havirdhānāt ṣaḍ āgneyī dhiṣaṇājanayat sutān //
Śikhaṇḍinī bore Havirdhāna from Antardhāna; from Havirdhāna, Āgneyī Dhiṣaṇā bore six sons:
AI translation rendered from the Sanskrit, not a published edition
BrP 2.30
प्राचीनबर्हिषं शुक्रं गयं कृष्णं व्रजाजिनौ प्राचीनबर्हिर् भगवान् महान् आसीत् प्रजापतिः ॥
prācīnabarhiṣaṃ śukraṃ gayaṃ kṛṣṇaṃ vrajājinau prācīnabarhir bhagavān mahān āsīt prajāpatiḥ //
Prācīnabarhis, Śukra, Gaya, Kṛṣṇa, Vraja and Ajina. The lord Prācīnabarhis became a great Lord of creatures.
AI translation rendered from the Sanskrit, not a published edition
BrP 2.31
हविर्धानान् मुनिश्रेष्ठा येन संवर्धिताः प्रजाः प्राचीनबर्हिर् भगवान् पृथिवीतलचारिणीः ॥
havirdhānān muniśreṣṭhā yena saṃvardhitāḥ prajāḥ prācīnabarhir bhagavān pṛthivītalacāriṇīḥ //
(He begot?) the Havirdhānas, O best of sages — he by whom the creatures that move upon the surface of the earth were made to increase, the lord Prācīnabarhi.
AI translation rendered from the Sanskrit, not a published edition — the model flagged this verse as uncertain
BrP 2.32
समुद्रतनयायां तु कृतदारो ऽभवत् प्रभुः महतस् तपसः पारे सवर्णायां प्रजापतिः ॥
samudratanayāyāṃ tu kṛtadāro 'bhavat prabhuḥ mahatas tapasaḥ pāre savarṇāyāṃ prajāpatiḥ //
And the lord, the Prajāpati, took a wife, Savarṇā, the daughter of the Ocean, at the end of a great course of austerity.
AI translation rendered from the Sanskrit, not a published edition
BrP 2.33
सवर्णाधत्त सामुद्री दश प्राचीनबर्हिषः सर्वान् प्रचेतसो नाम धनुर्वेदस्य पारगान् ॥
savarṇādhatta sāmudrī daśa prācīnabarhiṣaḥ sarvān pracetaso nāma dhanurvedasya pāragān //
The ocean-born Savarṇā bore ten (sons) to Prācīnabarhi, all named the Pracetases, masters of the science of archery.
AI translation rendered from the Sanskrit, not a published edition
BrP 2.34
अपृथग्धर्मचरणास् ते ऽतप्यन्त महत् तपः दश वर्षसहस्राणि समुद्रसलिलेशयाः ॥
apṛthagdharmacaraṇās te 'tapyanta mahat tapaḥ daśa varṣasahasrāṇi samudrasalileśayāḥ //
Following an undivided practice of duty, they performed great austerity for ten thousand years, lying in the water of the ocean.
AI translation rendered from the Sanskrit, not a published edition
BrP 2.35
तपश् चरत्सु पृथिवीं प्रचेतःसु महीरुहाः अरक्षमाणाम् आवव्रुर् बभूवाथ प्रजाक्षयः ॥
tapaś caratsu pṛthivīṃ pracetaḥsu mahīruhāḥ arakṣamāṇām āvavrur babhūvātha prajākṣayaḥ //
While the Pracetases were performing austerity, the trees covered over the unguarded earth, and there came about a destruction of living beings.
AI translation rendered from the Sanskrit, not a published edition
BrP 2.36
नाशकन् मारुतो वातुं वृतं खम् अभवद् द्रुमैः दश वर्षसहस्राणि न शेकुश् चेष्टितुं प्रजाः ॥
nāśakan māruto vātuṃ vṛtaṃ kham abhavad drumaiḥ daśa varṣasahasrāṇi na śekuś ceṣṭituṃ prajāḥ //
The wind could not blow; the sky became covered by the trees; for ten thousand years the creatures were unable to move about.
AI translation rendered from the Sanskrit, not a published edition
BrP 2.37
तद् उपश्रुत्य तपसा युक्ताः सर्वे प्रचेतसः मुखेभ्यो वायुम् अग्निं च ससृजुर् जातमन्यवः ॥
tad upaśrutya tapasā yuktāḥ sarve pracetasaḥ mukhebhyo vāyum agniṃ ca sasṛjur jātamanyavaḥ //
Hearing of that, all the Pracetases, joined with (the power of) their austerity, their anger arisen, sent forth wind and fire from their mouths.
AI translation rendered from the Sanskrit, not a published edition
BrP 2.38
उन्मूलान् अथ वृक्षांस् तु कृत्वा वायुर् अशोषयत् तान् अग्निर् अदहद् घोर एवम् आसीद् द्रुमक्षयः ॥
unmūlān atha vṛkṣāṃs tu kṛtvā vāyur aśoṣayat tān agnir adahad ghora evam āsīd drumakṣayaḥ //
Then the wind, having uprooted the trees, dried them out, and the dreadful fire burned them; thus came about the destruction of the trees.
AI translation rendered from the Sanskrit, not a published edition
BrP 2.39
द्रुमक्षयम् अथो बुद्ध्वा किंचिच् छिष्टेषु शाखिषु उपगम्याब्रवीद् एतांस् तदा सोमः प्रजापतीन् ॥
drumakṣayam atho buddhvā kiṃcic chiṣṭeṣu śākhiṣu upagamyābravīd etāṃs tadā somaḥ prajāpatīn //
Then, perceiving the destruction of the trees, when only a few branching ones were left, Soma approached and spoke to these Prajāpatis:
AI translation rendered from the Sanskrit, not a published edition
BrP 2.40
कोपं यच्छत राजानः सर्वे प्राचीनबर्हिषः वृक्षशून्या कृता पृथ्वी शाम्येताम् अग्निमारुतौ ॥
kopaṃ yacchata rājānaḥ sarve prācīnabarhiṣaḥ vṛkṣaśūnyā kṛtā pṛthvī śāmyetām agnimārutau //
"Restrain your anger, all you kings, sons of Prācīnabarhi. The earth has been made empty of trees; let the fire and the wind be quieted.
AI translation rendered from the Sanskrit, not a published edition
BrP 2.41
रत्नभूता च कन्येयं वृक्षाणां वरवर्णिनी भविष्यं जानता तात धृता गर्भेण वै मया ॥
ratnabhūtā ca kanyeyaṃ vṛkṣāṇāṃ varavarṇinī bhaviṣyaṃ jānatā tāta dhṛtā garbheṇa vai mayā //
And this maiden of lovely colour, who has become the jewel of the trees — knowing what was to come, my son, I have carried her in the womb.
AI translation rendered from the Sanskrit, not a published edition
BrP 2.42
मारिषा नाम नाम्नैषा वृक्षाणाम् इति निर्मिता भार्या वो ऽस्तु महाभागाः सोमवंशविवर्धिनी ॥
māriṣā nāma nāmnaiṣā vṛkṣāṇām iti nirmitā bhāryā vo 'stu mahābhāgāḥ somavaṃśavivardhinī //
She is fashioned as the trees' own, Māriṣā by name; let her be your wife, O greatly fortunate ones — she who will increase the lineage of Soma.
AI translation rendered from the Sanskrit, not a published edition
BrP 2.43
युष्माकं तेजसो ऽर्धेन मम चार्धेन तेजसः अस्याम् उत्पत्स्यते विद्वान् दक्षो नाम प्रजापतिः ॥
yuṣmākaṃ tejaso 'rdhena mama cārdhena tejasaḥ asyām utpatsyate vidvān dakṣo nāma prajāpatiḥ //
From half of your radiance and half of my radiance there will be born in her a learned Prajāpati named Dakṣa.
AI translation rendered from the Sanskrit, not a published edition
BrP 2.44
स इमां दग्धभूयिष्ठां युष्मत्तेजोमयेन वै अग्निनाग्निसमो भूयः प्रजाः संवर्धयिष्यति ॥
sa imāṃ dagdhabhūyiṣṭhāṃ yuṣmattejomayena vai agnināgnisamo bhūyaḥ prajāḥ saṃvardhayiṣyati //
He, equal to fire, will again make the creatures increase upon this (earth), which is for the most part burnt, by means of the fire made of your radiance.
AI translation rendered from the Sanskrit, not a published edition
BrP 2.45
ततः सोमस्य वचनाज् जगृहुस् ते प्रचेतसः संहृत्य कोपं वृक्षेभ्यः पत्नीं धर्मेण मारिषाम् ॥
tataḥ somasya vacanāj jagṛhus te pracetasaḥ saṃhṛtya kopaṃ vṛkṣebhyaḥ patnīṃ dharmeṇa māriṣām //
Then, at Soma's word, those Pracetases withdrew their anger from the trees and took Māriṣā as their wife according to dharma.
AI translation rendered from the Sanskrit, not a published edition
BrP 2.46
दशभ्यस् तु प्रचेतोभ्यो मारिषायां प्रजापतिः दक्षो जज्ञे महातेजाः सोमस्यांशेन भो द्विजाः ॥
daśabhyas tu pracetobhyo māriṣāyāṃ prajāpatiḥ dakṣo jajñe mahātejāḥ somasyāṃśena bho dvijāḥ //
And from the ten Pracetases, in Māriṣā, was born the Prajāpati Dakṣa of great radiance, with a portion of Soma, O twice-born ones.
AI translation rendered from the Sanskrit, not a published edition
BrP 2.47
अचरांश् च चरांश् चैव द्विपदो ऽथ चतुष्पदः स सृष्ट्वा मनसा दक्षः पश्चाद् असृजत स्त्रियः ॥
acarāṃś ca carāṃś caiva dvipado 'tha catuṣpadaḥ sa sṛṣṭvā manasā dakṣaḥ paścād asṛjata striyaḥ //
Having created by his mind the immobile and the mobile, the two-footed and the four-footed, Dakṣa afterwards created women.
AI translation rendered from the Sanskrit, not a published edition
BrP 2.48
ददौ दश स धर्माय कश्यपाय त्रयोदश शिष्टाः सोमाय राज्ञे च नक्षत्राख्या ददौ प्रभुः ॥
dadau daśa sa dharmāya kaśyapāya trayodaśa śiṣṭāḥ somāya rājñe ca nakṣatrākhyā dadau prabhuḥ //
He gave ten (daughters) to Dharma, thirteen to Kaśyapa, and the lord gave the remaining ones, known as the lunar mansions, to King Soma.
AI translation rendered from the Sanskrit, not a published edition
BrP 2.49
तासु देवाः खगा गावो नागा दितिजदानवाः गन्धर्वाप्सरसश् चैव जज्ञिरे ऽन्याश् च जातयः ॥
tāsu devāḥ khagā gāvo nāgā ditijadānavāḥ gandharvāpsarasaś caiva jajñire 'nyāś ca jātayaḥ //
In them were born the gods, the birds, the cattle, the Nāgas, the sons of Diti and the Dānavas, the Gandharvas and Apsarases, and other kinds of beings.
AI translation rendered from the Sanskrit, not a published edition
BrP 2.50
ततः प्रभृति विप्रेन्द्राः प्रजा मैथुनसंभवाः संकल्पाद् दर्शनात् स्पर्शात् पूर्वेषां प्रोच्यते प्रजा ॥
tataḥ prabhṛti viprendrāḥ prajā maithunasaṃbhavāḥ saṃkalpād darśanāt sparśāt pūrveṣāṃ procyate prajā //
From that time on, O chief of brahmins, creatures come to be by sexual union; of the earlier ones it is said that offspring came from will, from sight, and from touch.
AI translation rendered from the Sanskrit, not a published edition
BrP 2.51
देवानां दानवानां च गन्धर्वोरगरक्षसाम् संभवस् तु श्रुतो ऽस्माभिर् दक्षस्य च महात्मनः ॥
devānāṃ dānavānāṃ ca gandharvoragarakṣasām saṃbhavas tu śruto 'smābhir dakṣasya ca mahātmanaḥ //
But we have heard of the origin of the gods and the dānavas, of the gandharvas, serpents and rākṣasas, and of the great-souled Dakṣa.
AI translation rendered from the Sanskrit, not a published edition
BrP 2.52
अङ्गुष्ठाद् ब्रह्मणो जज्ञे दक्षः किल शुभव्रतः वामाङ्गुष्ठात् तथा चैवं तस्य पत्नी व्यजायत ॥
aṅguṣṭhād brahmaṇo jajñe dakṣaḥ kila śubhavrataḥ vāmāṅguṣṭhāt tathā caivaṃ tasya patnī vyajāyata //
From the thumb of Brahmā, they say, Dakṣa of auspicious vows was born, and likewise from the left thumb his wife was brought forth.
AI translation rendered from the Sanskrit, not a published edition
BrP 2.53
कथं प्राचेतसत्वं स पुनर् लेभे महातपाः एतं नः संशयं सूत व्याख्यातुं त्वम् इहार्हसि दौहित्रश् चैव सोमस्य कथं श्वशुरतां गतः ॥
kathaṃ prācetasatvaṃ sa punar lebhe mahātapāḥ etaṃ naḥ saṃśayaṃ sūta vyākhyātuṃ tvam ihārhasi dauhitraś caiva somasya kathaṃ śvaśuratāṃ gataḥ //
How did he of great austerity again attain the state of being Prācetasa (son of the Pracetas)? This doubt of ours, Sūta, you ought here to explain; and how did he, the daughter's son of Soma, become (Soma's) father-in-law?
AI translation rendered from the Sanskrit, not a published edition
BrP 2.54
उत्पत्तिश् च निरोधश् च नित्यं भूतेषु भो द्विजाः ऋषयो ऽत्र न मुह्यन्ति विद्यावन्तश् च ये जनाः ॥
utpattiś ca nirodhaś ca nityaṃ bhūteṣu bho dvijāḥ ṛṣayo 'tra na muhyanti vidyāvantaś ca ye janāḥ //
Origination and cessation are perpetual among beings, O twice-born ones; the seers are not confused about this, nor those people who possess knowledge.
AI translation rendered from the Sanskrit, not a published edition
BrP 2.55
युगे युगे भवन्त्य् एते पुनर् दक्षादयो नृपाः पुनश् चैव निरुध्यन्ते विद्वांस् तत्र न मुह्यति ॥
yuge yuge bhavanty ete punar dakṣādayo nṛpāḥ punaś caiva nirudhyante vidvāṃs tatra na muhyati //
In age after age these kings, Dakṣa and the rest, come into being again, and again they cease to be; the wise man is not confused about that.
AI translation rendered from the Sanskrit, not a published edition
BrP 2.56
ज्यैष्ठ्यं कानिष्ठम् अप्य् एषां पूर्वं नासीद् द्विजोत्तमाः तप एव गरीयो ऽभूत् प्रभावश् चैव कारणम् ॥
jyaiṣṭhyaṃ kāniṣṭham apy eṣāṃ pūrvaṃ nāsīd dvijottamāḥ tapa eva garīyo 'bhūt prabhāvaś caiva kāraṇam //
Formerly there was no seniority or juniority among them, O best of the twice-born; austerity alone was weightier, and power too was the ground (of precedence).
AI translation rendered from the Sanskrit, not a published edition
BrP 2.57
इमां विसृष्टिं दक्षस्य यो विद्यात् सचराचराम् प्रजावान् आयुर् उत्तीर्णः स्वर्गलोके महीयते ॥
imāṃ visṛṣṭiṃ dakṣasya yo vidyāt sacarācarām prajāvān āyur uttīrṇaḥ svargaloke mahīyate //
Whoever knows this emission of Dakṣa, with what moves and what does not move, becomes rich in offspring, and having passed through his lifespan is honoured in the world of heaven.
AI translation rendered from the Sanskrit, not a published edition