Brahma Purana — Chapter 199
BrP 199.1
भीष्मकः कुण्डिने राजा विदर्भविषये ऽभवत् रुक्मिणी तस्य दुहिता रुक्मी चैव सुतो द्विजाः ॥
bhīṣmakaḥ kuṇḍine rājā vidarbhaviṣaye 'bhavat rukmiṇī tasya duhitā rukmī caiva suto dvijāḥ //
Bhīṣmaka was king at Kuṇḍina in the Vidarbha country; his daughter was Rukmiṇī and his son Rukmī, O brahmins.
AI translation rendered from the Sanskrit, not a published edition
BrP 199.2
रुक्मिणीं चकमे कृष्णः सा च तं चारुहासिनी न ददौ याचते चैनां रुक्मी द्वेषेण चक्रिणे ॥
rukmiṇīṃ cakame kṛṣṇaḥ sā ca taṃ cāruhāsinī na dadau yācate caināṃ rukmī dveṣeṇa cakriṇe //
Kṛṣṇa desired Rukmiṇī, and she of the lovely smile (desired) him; but Rukmī, out of hatred, would not give her to the discus-bearer, though he asked.
AI translation rendered from the Sanskrit, not a published edition
BrP 199.3
ददौ स शिशुपालाय जरासंधप्रचोदितः भीष्मको रुक्मिणा सार्धं रुक्मिणीम् उरुविक्रमः ॥
dadau sa śiśupālāya jarāsaṃdhapracoditaḥ bhīṣmako rukmiṇā sārdhaṃ rukmiṇīm uruvikramaḥ //
Urged by Jarāsaṃdha, that Bhīṣmaka of vast prowess, together with Rukmī, gave Rukmiṇī to Śiśupāla.
AI translation rendered from the Sanskrit, not a published edition
BrP 199.4
विवाहार्थं ततः सर्वे जरासंधमुखा नृपाः भीष्मकस्य पुरं जग्मुः शिशुपालश् च कुण्डिनम् ॥
vivāhārthaṃ tataḥ sarve jarāsaṃdhamukhā nṛpāḥ bhīṣmakasya puraṃ jagmuḥ śiśupālaś ca kuṇḍinam //
Then all the kings, headed by Jarāsaṃdha, went to Bhīṣmaka's city for the wedding, and Śiśupāla (went) to Kuṇḍina.
AI translation rendered from the Sanskrit, not a published edition
BrP 199.5
कृष्णो ऽपि बलभद्राद्यैर् यदुभिः परिवारितः प्रययौ कुण्डिनं द्रष्टुं विवाहं चैद्यभूपतेः ॥
kṛṣṇo 'pi balabhadrādyair yadubhiḥ parivāritaḥ prayayau kuṇḍinaṃ draṣṭuṃ vivāhaṃ caidyabhūpateḥ //
Kṛṣṇa too, surrounded by the Yādavas headed by Balabhadra, set out for Kuṇḍina to see the wedding of the Caidya king.
AI translation rendered from the Sanskrit, not a published edition
BrP 199.6
श्वोभाविनि विवाहे तु तां कन्यां हृतवान् हरिः विपक्षभावम् आसाद्य रामाद्येष्व् एव बन्धुषु ॥
śvobhāvini vivāhe tu tāṃ kanyāṃ hṛtavān hariḥ vipakṣabhāvam āsādya rāmādyeṣv eva bandhuṣu //
But when the wedding was to be on the morrow, Hari carried off that maiden, having taken up a position of opposition against his own kinsmen, Rāma and the rest.
AI translation rendered from the Sanskrit, not a published edition
BrP 199.7
ततश् च पौण्ड्रकः श्रीमान् दन्तवक्त्रो विदूरथः शिशुपालो जरासंधः शाल्वाद्याश् च महीभृतः ॥
tataś ca pauṇḍrakaḥ śrīmān dantavaktro vidūrathaḥ śiśupālo jarāsaṃdhaḥ śālvādyāś ca mahībhṛtaḥ //
And then the illustrious Pauṇḍraka, Dantavaktra, Vidūratha, Śiśupāla, Jarāsaṃdha, Śālva and the other rulers of the earth—
AI translation rendered from the Sanskrit, not a published edition
BrP 199.8
कुपितास् ते हरिं हन्तुं चक्रुर् उद्योगम् उत्तमम् निर्जिताश् च समागम्य रामाद्यैर् यदुपुंगवैः ॥
kupitās te hariṃ hantuṃ cakrur udyogam uttamam nirjitāś ca samāgamya rāmādyair yadupuṃgavaiḥ //
—they, enraged, made a supreme effort to kill Hari, and having joined battle were defeated by Rāma and the other bulls of the Yadus.
AI translation rendered from the Sanskrit, not a published edition
BrP 199.9
कुण्डिनं न प्रवेक्ष्यामि अहत्वा युधि केशवम् कृत्वा प्रतिज्ञां रुक्मी च हन्तुं कृष्णम् अभिद्रुतः ॥
kuṇḍinaṃ na pravekṣyāmi ahatvā yudhi keśavam kṛtvā pratijñāṃ rukmī ca hantuṃ kṛṣṇam abhidrutaḥ //
And Rukmī, having made the vow "I will not enter Kuṇḍina without having slain Keśava in battle," rushed on to kill Kṛṣṇa.
AI translation rendered from the Sanskrit, not a published edition
BrP 199.10
हत्वा बलं स नागाश्वपत्तिस्यन्दनसंकुलम् निर्जितः पातितश् चोर्व्यां लीलयैव स चक्रिणा ॥
hatvā balaṃ sa nāgāśvapattisyandanasaṃkulam nirjitaḥ pātitaś corvyāṃ līlayaiva sa cakriṇā //
Having destroyed (his) army, thronged with elephants, horses, foot-soldiers and chariots, he (Rukmin) was defeated and felled to the earth by the discus-bearer, as if in mere play.
AI translation rendered from the Sanskrit, not a published edition
BrP 199.11
निर्जित्य रुक्मिणं सम्यग् उपयेमे स रुक्मिणीम् राक्षसेन विधानेन संप्राप्तो मधुसूदनः ॥
nirjitya rukmiṇaṃ samyag upayeme sa rukmiṇīm rākṣasena vidhānena saṃprāpto madhusūdanaḥ //
Having thoroughly defeated Rukmin, he married Rukmiṇī; the slayer of Madhu obtained (her) by the rākṣasa mode (of marriage, i.e. by abduction).
AI translation rendered from the Sanskrit, not a published edition
BrP 199.12
तस्यां जज्ञे च प्रद्युम्नो मदनांशः स वीर्यवान् जहार शम्बरो यं वै यो जघान च शम्बरम् ॥
tasyāṃ jajñe ca pradyumno madanāṃśaḥ sa vīryavān jahāra śambaro yaṃ vai yo jaghāna ca śambaram //
And of her was born Pradyumna, a portion of Madana (the god of love), (he who was) valorous, whom Śambara carried off, and who (in turn) slew Śambara.
AI translation rendered from the Sanskrit, not a published edition