Brahma Purana — Chapter 194
BrP 194.1
तौ समुत्पन्नविज्ञानौ भगवत्कर्मदर्शनात् देवकीवसुदेवौ तु दृष्ट्वा मायां पुनर् हरिः ॥
tau samutpannavijñānau bhagavatkarmadarśanāt devakīvasudevau tu dṛṣṭvā māyāṃ punar hariḥ //
But when Hari saw that those two, Devakī and Vasudeva, had had true knowledge arise in them from seeing the Lord's deeds, again he —
AI translation rendered from the Sanskrit, not a published edition
BrP 194.2
मोहाय यदुचक्रस्य विततान स वैष्णवीम् उवाच चाम्ब भोस् तात चिराद् उत्कण्ठितेन तु ॥
mohāya yaducakrasya vitatāna sa vaiṣṇavīm uvāca cāmba bhos tāta cirād utkaṇṭhitena tu //
— spread out the Vaiṣṇava māyā for the bewilderment of the circle of the Yadus, and said: "Mother! Ah, father! By me, long yearning (for you),
AI translation rendered from the Sanskrit, not a published edition
BrP 194.3
भवन्तौ कंसभीतेन दृष्टौ संकर्षणेन च कुर्वतां याति यः कालो मातापित्रोर् अपूजनम् ॥
bhavantau kaṃsabhītena dṛṣṭau saṃkarṣaṇena ca kurvatāṃ yāti yaḥ kālo mātāpitror apūjanam //
you two have (only now) been seen — by me, who was afraid of Kaṃsa, and by Saṃkarṣaṇa. The time that passes for those who fail to honour mother and father —
AI translation rendered from the Sanskrit, not a published edition — the model flagged this verse as uncertain
BrP 194.4
स वृथा क्लेशकारी वै साधूनाम् उपजायते गुरुदेवद्विजातीनां मातापित्रोश् च पूजनम् ॥
sa vṛthā kleśakārī vai sādhūnām upajāyate gurudevadvijātīnāṃ mātāpitroś ca pūjanam //
that (time), indeed, turns out to be in vain and a cause of pain for the good. But the honouring of teachers, gods, and the twice-born, and of mother and father —
AI translation rendered from the Sanskrit, not a published edition
BrP 194.5
कुर्वतः सफलं जन्म देहिनस् तात जायते तत् क्षन्तव्यम् इदं सर्वम् अतिक्रमकृतं पितः कंसवीर्यप्रतापाभ्याम् आवयोः परवश्ययोः ॥
kurvataḥ saphalaṃ janma dehinas tāta jāyate tat kṣantavyam idaṃ sarvam atikramakṛtaṃ pitaḥ kaṃsavīryapratāpābhyām āvayoḥ paravaśyayoḥ //
"For the embodied being who does (that worship), father, birth becomes fruitful. All this transgression (of ours) must be forgiven, father — ours, who were subject to another through Kaṃsa's might and fierce power."
AI translation rendered from the Sanskrit, not a published edition
BrP 194.6
इत्य् उक्त्वाथ प्रणम्योभौ यदुवृद्धान् अनुक्रमात् पादानतिभिः सस्नेहं चक्रतुः पौरमानसम् ॥
ity uktvātha praṇamyobhau yaduvṛddhān anukramāt pādānatibhiḥ sasnehaṃ cakratuḥ pauramānasam //
Having spoken thus, the two then bowed to the elders of the Yadus in order, and with affection won over the hearts of the townspeople by their prostrations at (their) feet.
AI translation rendered from the Sanskrit, not a published edition
BrP 194.7
कंसपत्न्यस् ततः कंसं परिवार्य हतं भुवि विलेपुर् मातरश् चास्य शोकदुःखपरिप्लुताः ॥
kaṃsapatnyas tataḥ kaṃsaṃ parivārya hataṃ bhuvi vilepur mātaraś cāsya śokaduḥkhapariplutāḥ //
Then Kaṃsa's wives, surrounding Kaṃsa slain upon the ground, lamented, and so did his mothers, flooded with grief and sorrow.
AI translation rendered from the Sanskrit, not a published edition
BrP 194.8
बहुप्रकारम् अस्वस्थाः पश्चात्तापातुरा हरिः ताः समाश्वासयाम् आस स्वयम् अस्राविलेक्षणः ॥
bahuprakāram asvasthāḥ paścāttāpāturā hariḥ tāḥ samāśvāsayām āsa svayam asrāvilekṣaṇaḥ //
Unwell in many ways and afflicted with remorse (they were); Hari himself, his eyes clouded with tears, comforted them.
AI translation rendered from the Sanskrit, not a published edition
BrP 194.9
उग्रसेनं ततो बन्धान् मुमोच मधुसूदनः अभ्यषिञ्चत् तथैवैनं निजराज्ये हतात्मजम् ॥
ugrasenaṃ tato bandhān mumoca madhusūdanaḥ abhyaṣiñcat tathaivainaṃ nijarājye hatātmajam //
Then the slayer of Madhu released Ugrasena from his bonds, and likewise consecrated him, whose son had been slain, in his own kingdom.
AI translation rendered from the Sanskrit, not a published edition
BrP 194.10
राज्ये ऽभिषिक्तः कृष्णेन यदुसिंहः सुतस्य सः चकार प्रेतकार्याणि ये चान्ये तत्र घातिताः ॥
rājye 'bhiṣiktaḥ kṛṣṇena yadusiṃhaḥ sutasya saḥ cakāra pretakāryāṇi ye cānye tatra ghātitāḥ //
Consecrated in the kingdom by Kṛṣṇa, that lion of the Yadus performed the funeral rites for his son and for the others who had been killed there.
AI translation rendered from the Sanskrit, not a published edition
BrP 194.11
कृतोर्ध्वदैहिकं चैनं सिंहासनगतं हरिः उवाचाज्ञापय विभो यत् कार्यम् अविशङ्कया ॥
kṛtordhvadaihikaṃ cainaṃ siṃhāsanagataṃ hariḥ uvācājñāpaya vibho yat kāryam aviśaṅkayā //
And when he had performed the after-death rites and was seated on the lion-throne, Hari said to him: "Command, O lord, whatever is to be done, without hesitation.
AI translation rendered from the Sanskrit, not a published edition
BrP 194.12
ययातिशापाद् वंशो ऽयम् अराज्यार्हो ऽपि सांप्रतम् मयि भृत्ये स्थिते देवान् आज्ञापयतु किं नृपैः ॥
yayātiśāpād vaṃśo 'yam arājyārho 'pi sāṃpratam mayi bhṛtye sthite devān ājñāpayatu kiṃ nṛpaiḥ //
"Though because of Yayāti's curse this lineage is now unfit for kingship, while I stand as (your) servant let (your majesty) command even the gods — what of kings?"
AI translation rendered from the Sanskrit, not a published edition
BrP 194.13
इत्य् उक्त्वा चोग्रसेनं तु वायुं प्रति जगाद ह नृवाचा चैव भगवान् केशवः कार्यमानुषः ॥
ity uktvā cograsenaṃ tu vāyuṃ prati jagāda ha nṛvācā caiva bhagavān keśavaḥ kāryamānuṣaḥ //
Having thus spoken to Ugrasena, the Lord Keśava, who was playing the part of a man, spoke also to Vāyu, and in human speech:
AI translation rendered from the Sanskrit, not a published edition
BrP 194.14
गच्छेन्द्रं ब्रूहि वायो त्वम् अलं गर्वेण वासव दीयताम् उग्रसेनाय सुधर्मा भवता सभा ॥
gacchendraṃ brūhi vāyo tvam alaṃ garveṇa vāsava dīyatām ugrasenāya sudharmā bhavatā sabhā //
"Go, Vāyu, tell Indra: enough of pride, Vāsava! Let the Sudharmā hall be given by you to Ugrasena.
AI translation rendered from the Sanskrit, not a published edition
BrP 194.15
कृष्णो ब्रवीति राजार्हम् एतद् रत्नम् अनुत्तमम् सुधर्माख्या सभा युक्तम् अस्यां यदुभिर् आसितुम् ॥
kṛṣṇo bravīti rājārham etad ratnam anuttamam sudharmākhyā sabhā yuktam asyāṃ yadubhir āsitum //
"Kṛṣṇa says: this unsurpassed jewel, the hall named Sudharmā, is fit for a king; it is proper that the Yadus should sit in it."
AI translation rendered from the Sanskrit, not a published edition
BrP 194.16
इत्य् उक्तः पवनो गत्वा सर्वम् आह शचीपतिम् ददौ सो ऽपि सुधर्माख्यां सभां वायोः पुरंदरः ॥
ity uktaḥ pavano gatvā sarvam āha śacīpatim dadau so 'pi sudharmākhyāṃ sabhāṃ vāyoḥ puraṃdaraḥ //
Thus addressed, the Wind went and told Śacī's lord everything; and Puraṃdara too gave the hall named Sudharmā to Vāyu.
AI translation rendered from the Sanskrit, not a published edition
BrP 194.17
वायुना चाहृतां दिव्यां ते सभां यदुपुंगवाः बुभुजुः सर्वरत्नाढ्यां गोविन्दभुजसंश्रयाः ॥
vāyunā cāhṛtāṃ divyāṃ te sabhāṃ yadupuṃgavāḥ bubhujuḥ sarvaratnāḍhyāṃ govindabhujasaṃśrayāḥ //
And those bulls among the Yadus, sheltered by Govinda's arm, enjoyed that divine hall brought by Vāyu, rich in every jewel.
AI translation rendered from the Sanskrit, not a published edition
BrP 194.18
विदिताखिलविज्ञानौ सर्वज्ञानमयाव् अपि शिष्याचार्यक्रमं वीरौ ख्यापयन्तौ यदूत्तमौ ॥
viditākhilavijñānau sarvajñānamayāv api śiṣyācāryakramaṃ vīrau khyāpayantau yadūttamau //
Though the two knew all knowledge entire and were made of all knowledge, the two heroes, best of the Yadus, made known the practice of pupil and teacher.
AI translation rendered from the Sanskrit, not a published edition
BrP 194.19
ततः सांदीपनिं काश्यम् अवन्तिपुरवासिनम् अस्त्रार्थं जग्मतुर् वीरौ बलदेवजनार्दनौ ॥
tataḥ sāṃdīpaniṃ kāśyam avantipuravāsinam astrārthaṃ jagmatur vīrau baladevajanārdanau //
Then the two heroes, Baladeva and Janārdana, went to Sāndīpani of Kāśī, a resident of the city of Avanti, for the sake of (learning) weapons.
AI translation rendered from the Sanskrit, not a published edition
BrP 194.20
तस्य शिष्यत्वम् अभ्येत्य गुरुवृत्तिपरौ हि तौ दर्शयां चक्रतुर् वीराव् आचारम् अखिले जने ॥
tasya śiṣyatvam abhyetya guruvṛttiparau hi tau darśayāṃ cakratur vīrāv ācāram akhile jane //
Having become his pupils, the two heroes, devoted to the conduct due to a teacher, displayed proper practice to all people.
AI translation rendered from the Sanskrit, not a published edition
BrP 194.21
सरहस्यं धनुर्वेदं ससंग्रहम् अधीयताम् अहोरात्रैश् चतुःषष्ट्या तद् अद्भुतम् अभूद् द्विजाः ॥
sarahasyaṃ dhanurvedaṃ sasaṃgraham adhīyatām ahorātraiś catuḥṣaṣṭyā tad adbhutam abhūd dvijāḥ //
They studied the science of the bow with its secret parts and its compendium in sixty-four days and nights — that, O brahmins, was a marvel.
AI translation rendered from the Sanskrit, not a published edition
BrP 194.22
सांदीपनिर् असंभाव्यं तयोः कर्मातिमानुषम् विचिन्त्य तौ तदा मेने प्राप्तौ चन्द्रदिवाकरौ ॥
sāṃdīpanir asaṃbhāvyaṃ tayoḥ karmātimānuṣam vicintya tau tadā mene prāptau candradivākarau //
Sāndīpani, reflecting on their impossible, superhuman feat, then thought that the moon and the sun had come (to him).
AI translation rendered from the Sanskrit, not a published edition
BrP 194.23
अस्त्रग्रामम् अशेषं च प्रोक्तमात्रम् अवाप्य तौ ऊचतुर् व्रियतां या ते दातव्या गुरुदक्षिणा ॥
astragrāmam aśeṣaṃ ca proktamātram avāpya tau ūcatur vriyatāṃ yā te dātavyā gurudakṣiṇā //
And having mastered the whole body of weapons as soon as it was spoken, the two said: "Let the teacher's fee that is to be given to you be chosen."
AI translation rendered from the Sanskrit, not a published edition
BrP 194.24
सो ऽप्य् अतीन्द्रियम् आलोक्य तयोः कर्म महामतिः अयाचत मृतं पुत्रं प्रभासे लवणार्णवे ॥
so 'py atīndriyam ālokya tayoḥ karma mahāmatiḥ ayācata mṛtaṃ putraṃ prabhāse lavaṇārṇave //
He too, that man of great mind, seeing their supersensuous feat, asked for his son, dead in the salt ocean at Prabhāsa.
AI translation rendered from the Sanskrit, not a published edition
BrP 194.25
गृहीतास्त्रौ ततस् तौ तु गत्वा तं लवणोदधिम् ऊचुतुश् च गुरोः पुत्रो दीयताम् इति सागरम् ॥
gṛhītāstrau tatas tau tu gatvā taṃ lavaṇodadhim ūcutuś ca guroḥ putro dīyatām iti sāgaram //
Then the two, having taken up their weapons, went to that ocean of salt water and said to the sea: "Let the teacher's son be given up."
AI translation rendered from the Sanskrit, not a published edition
BrP 194.26
कृताञ्जलिपुटश् चाब्धिस् ताव् अथ द्विजसत्तमाः उवाच न मया पुत्रो हृतः सांदीपनेर् इति ॥
kṛtāñjalipuṭaś cābdhis tāv atha dvijasattamāḥ uvāca na mayā putro hṛtaḥ sāṃdīpaner iti //
And the ocean, with palms joined, then said to those two — O best of the twice-born — "The son of Sāṃdīpani was not carried off by me."
AI translation rendered from the Sanskrit, not a published edition
BrP 194.27
दैत्यः पञ्चजनो नाम शङ्खरूपः स बालकम् जग्राह सो ऽस्ति सलिले ममैवासुरसूदन ॥
daityaḥ pañcajano nāma śaṅkharūpaḥ sa bālakam jagrāha so 'sti salile mamaivāsurasūdana //
"A demon named Pañcajana, in the form of a conch, seized the boy; he dwells in my own waters, O slayer of the asuras."
AI translation rendered from the Sanskrit, not a published edition
BrP 194.28
इत्य् उक्तो ऽन्तर् जलं गत्वा हत्वा पञ्चजनं तथा कृष्णो जग्राह तस्यास्थिप्रभवं शङ्खम् उत्तमम् ॥
ity ukto 'ntar jalaṃ gatvā hatvā pañcajanaṃ tathā kṛṣṇo jagrāha tasyāsthiprabhavaṃ śaṅkham uttamam //
Thus addressed, Kṛṣṇa went inside the water and, having slain Pañcajana, took the excellent conch that arose from his bones.
AI translation rendered from the Sanskrit, not a published edition
BrP 194.29
यस्य नादेन दैत्यानां बलहानिः प्रजायते देवानां वर्धते तेजो यात्य् अधर्मश् च संक्षयम् ॥
yasya nādena daityānāṃ balahāniḥ prajāyate devānāṃ vardhate tejo yāty adharmaś ca saṃkṣayam //
By whose sound loss of strength arises for the demons, the vigour of the gods increases, and unrighteousness goes to destruction.
AI translation rendered from the Sanskrit, not a published edition
BrP 194.30
तं पाञ्चजन्यम् आपूर्य गत्वा यमपुरीं हरिः बलदेवश् च बलवाञ् जित्वा वैवस्वतं यमम् ॥
taṃ pāñcajanyam āpūrya gatvā yamapurīṃ hariḥ baladevaś ca balavāñ jitvā vaivasvataṃ yamam //
Having filled that Pāñcajanya (with breath), Hari and the mighty Baladeva went to the city of Yama and conquered Yama, the son of Vivasvat.
AI translation rendered from the Sanskrit, not a published edition
BrP 194.31
तं बालं यातनासंस्थं यथापूर्वशरीरिणम् पित्रे प्रदत्तवान् कृष्णो बलश् च बलिनां वरः ॥
taṃ bālaṃ yātanāsaṃsthaṃ yathāpūrvaśarīriṇam pitre pradattavān kṛṣṇo balaś ca balināṃ varaḥ //
That boy, who was set amid the torments, Kṛṣṇa and Bala, the best of the strong, gave back to his father with a body as before.
AI translation rendered from the Sanskrit, not a published edition
BrP 194.32
मथुरां च पुनः प्राप्ताव् उग्रसेनेन पालिताम् प्रहृष्टपुरुषस्त्रीकाव् उभौ रामजनार्दनौ ॥
mathurāṃ ca punaḥ prāptāv ugrasenena pālitām prahṛṣṭapuruṣastrīkāv ubhau rāmajanārdanau //
And the two, Rāma and Janārdana, came again to Mathurā, protected by Ugrasena, its men and women delighted.
AI translation rendered from the Sanskrit, not a published edition