Brahma Purana — Chapter 193

BrP 193.1

राजमार्गे ततः कृष्णः सानुलेपनभाजनाम् ददर्श कुब्जाम् आयान्तीं नवयौवनगोचराम् ॥

rājamārge tataḥ kṛṣṇaḥ sānulepanabhājanām dadarśa kubjām āyāntīṃ navayauvanagocarām //

Then, on the royal road, Kṛṣṇa saw a hunchbacked woman coming with a vessel of ointment, in the range of fresh youth.

AI translation rendered from the Sanskrit, not a published edition

BrP 193.2

ताम् आह ललितं कृष्णः कस्येदम् अनुलेपनम् भवत्या नीयते सत्यं वदेन्दीवरलोचने ॥

tām āha lalitaṃ kṛṣṇaḥ kasyedam anulepanam bhavatyā nīyate satyaṃ vadendīvaralocane //

Kṛṣṇa said to her charmingly: "Whose is this ointment that is being carried by you? Speak the truth, lotus-eyed one."

AI translation rendered from the Sanskrit, not a published edition

BrP 193.3

सकामेनैव सा प्रोक्ता सानुरागा हरिं प्रति प्राह सा ललितं कुब्जा ददर्श च बलात् ततः ॥

sakāmenaiva sā proktā sānurāgā hariṃ prati prāha sā lalitaṃ kubjā dadarśa ca balāt tataḥ //

She, addressed by one full of desire, being herself enamoured toward Hari — the hunchbacked woman spoke charmingly, and then she gazed (at him) irresistibly.

AI translation rendered from the Sanskrit, not a published edition — the model flagged this verse as uncertain

BrP 193.4

कान्त कस्मान् न जानासि कंसेनापि नियोजिता नैकवक्रेति विख्याताम् अनुलेपनकर्मणि ॥

kānta kasmān na jānāsi kaṃsenāpi niyojitā naikavakreti vikhyātām anulepanakarmaṇi //

"Beloved, why do you not know (me)? I have been appointed even by Kaṃsa, well known as Naikavakrā ('Not-once-crooked') in the business of ointments.

AI translation rendered from the Sanskrit, not a published edition

BrP 193.5

नान्यपिष्टं हि कंसस्य प्रीतये ह्य् अनुलेपनम् भवत्य् अहम् अतीवास्य प्रसादधनभाजनम् ॥

nānyapiṣṭaṃ hi kaṃsasya prītaye hy anulepanam bhavaty aham atīvāsya prasādadhanabhājanam //

For no ointment ground by another is for Kaṃsa's pleasure; I am exceedingly a vessel of his favour and wealth.

AI translation rendered from the Sanskrit, not a published edition

BrP 193.6

सुगन्धम् एतद् राजार्हं रुचिरं रुचिरानने आवयोर् गात्रसदृशं दीयताम् अनुलेपनम् ॥

sugandham etad rājārhaṃ ruciraṃ rucirānane āvayor gātrasadṛśaṃ dīyatām anulepanam //

"This ointment is fragrant, fit for a king, lovely; O lovely-faced one, let ointment suited to the bodies of us two be given."

AI translation rendered from the Sanskrit, not a published edition

BrP 193.7

श्रुत्वा तम् आह सा कृष्णं गृह्यताम् इति सादरम् अनुलेपं च प्रददौ गात्रयोग्यम् अथोभयोः ॥

śrutvā tam āha sā kṛṣṇaṃ gṛhyatām iti sādaram anulepaṃ ca pradadau gātrayogyam athobhayoḥ //

Hearing that, she said to Kṛṣṇa respectfully, "Let it be taken," and she gave ointment suited to the bodies of both.

AI translation rendered from the Sanskrit, not a published edition

BrP 193.8

भक्तिच्छेदानुलिप्ताङ्गौ ततस् तौ पुरुषर्षभौ सेन्द्रचापौ विराजन्तौ सितकृष्णाव् इवाम्बुदौ ॥

bhakticchedānuliptāṅgau tatas tau puruṣarṣabhau sendracāpau virājantau sitakṛṣṇāv ivāmbudau //

Then those two bulls among men, their limbs smeared in streaks and patterns, shone like a white and a dark cloud with a rainbow.

AI translation rendered from the Sanskrit, not a published edition

BrP 193.9

ततस् तां चिबुके शौरिर् उल्लापनविधानवित् उल्लाप्य तोलयाम् आस द्व्यङ्गुलेनाग्रपाणिना ॥

tatas tāṃ cibuke śaurir ullāpanavidhānavit ullāpya tolayām āsa dvyaṅgulenāgrapāṇinā //

Then Śauri, who knew the technique of lifting up, lifted her by the chin and raised her with two fingers of his hand's tip.

AI translation rendered from the Sanskrit, not a published edition

BrP 193.10

चकर्ष पद्भ्यां च तदा ऋजुत्वं केशवो ऽनयत् ततः सा ऋजुतां प्राप्ता योषिताम् अभवद् वरा ॥

cakarṣa padbhyāṃ ca tadā ṛjutvaṃ keśavo 'nayat tataḥ sā ṛjutāṃ prāptā yoṣitām abhavad varā //

And he pulled with his feet, and Keśava then brought her to straightness; thereupon she, having attained straightness, became the best of women.

AI translation rendered from the Sanskrit, not a published edition

BrP 193.11

विलासललितं प्राह प्रेमगर्भभरालसम् वस्त्रे प्रगृह्य गोविन्दं व्रज गेहं ममेति वै ॥

vilāsalalitaṃ prāha premagarbhabharālasam vastre pragṛhya govindaṃ vraja gehaṃ mameti vai //

Playfully and charmingly, languid with the burden of the load of love within her, she spoke, grasping Govinda by the garment: "Come to my house!"

AI translation rendered from the Sanskrit, not a published edition

BrP 193.12

आयास्ये भवतीगेहम् इति तां प्राह केशवः विससर्ज जहासोच्चै रामस्यालोक्य चाननम् ॥

āyāsye bhavatīgeham iti tāṃ prāha keśavaḥ visasarja jahāsoccai rāmasyālokya cānanam //

"I will come to your house," Keśava said to her, and dismissed her, and laughed aloud, looking at Rāma's face.

AI translation rendered from the Sanskrit, not a published edition

BrP 193.13

भक्तिच्छेदानुलिप्ताङ्गौ नीलपीताम्बराव् उभौ धनुःशालां ततो यातौ चित्रमाल्योपशोभितौ ॥

bhakticchedānuliptāṅgau nīlapītāmbarāv ubhau dhanuḥśālāṃ tato yātau citramālyopaśobhitau //

Both of them, their limbs smeared in streaks, clad in blue and yellow garments, adorned with variegated garlands, then went to the bow-hall.

AI translation rendered from the Sanskrit, not a published edition

BrP 193.14

अध्यास्य च धनूरत्नं ताभ्यां पृष्टैस् तु रक्षिभिः आख्यातं सहसा कृष्णो गृहीत्वापूरयद् धनुः ॥

adhyāsya ca dhanūratnaṃ tābhyāṃ pṛṣṭais tu rakṣibhiḥ ākhyātaṃ sahasā kṛṣṇo gṛhītvāpūrayad dhanuḥ //

And having gone in, when the guards were questioned by the two, the jewel of bows was pointed out; Kṛṣṇa at once took it and strung the bow.

AI translation rendered from the Sanskrit, not a published edition — the model flagged this verse as uncertain

BrP 193.15

ततः पूरयता तेन भज्यमानं बलाद् धनुः चकारातिमहाशब्दं मथुरा तेन पूरिता ॥

tataḥ pūrayatā tena bhajyamānaṃ balād dhanuḥ cakārātimahāśabdaṃ mathurā tena pūritā //

Then the bow, being broken by force by him as he strung it, made a tremendous noise, and Mathurā was filled with it.

AI translation rendered from the Sanskrit, not a published edition

BrP 193.16

अनुयुक्तौ ततस् तौ च भग्ने धनुषि रक्षिभिः रक्षिसैन्यं निकृत्योभौ निष्क्रान्तौ कार्मुकालयात् ॥

anuyuktau tatas tau ca bhagne dhanuṣi rakṣibhiḥ rakṣisainyaṃ nikṛtyobhau niṣkrāntau kārmukālayāt //

Then, when the bow was broken, the two were challenged by the guards; and having cut down the guard-troop, both went out from the armoury.

AI translation rendered from the Sanskrit, not a published edition

BrP 193.17

अक्रूरागमवृत्तान्तम् उपलभ्य तथा धनुः भग्नं श्रुत्वाथ कंसो ऽपि प्राह चाणूरमुष्टिकौ ॥

akrūrāgamavṛttāntam upalabhya tathā dhanuḥ bhagnaṃ śrutvātha kaṃso 'pi prāha cāṇūramuṣṭikau //

And Kaṃsa too, having learned the news of Akrūra's arrival and having heard that the bow had likewise been broken, spoke to Cāṇūra and Muṣṭika:

AI translation rendered from the Sanskrit, not a published edition

BrP 193.18

गोपालदारकौ प्राप्तौ भवद्भ्यां तौ ममाग्रतः मल्लयुद्धेन हन्तव्यौ मम प्राणहरौ हि तौ ॥

gopāladārakau prāptau bhavadbhyāṃ tau mamāgrataḥ mallayuddhena hantavyau mama prāṇaharau hi tau //

"The two cowherd boys have arrived; they are to be killed by you two in a wrestling match before me, for they are the takers of my life."

AI translation rendered from the Sanskrit, not a published edition

BrP 193.19

नियुद्धे तद्विनाशेन भवद्भ्यां तोषितो ह्य् अहम् दास्याम्य् अभिमतान् कामान् नान्यथैतन् महाबलौ ॥

niyuddhe tadvināśena bhavadbhyāṃ toṣito hy aham dāsyāmy abhimatān kāmān nānyathaitan mahābalau //

"Pleased by you two through their destruction in the fight, I shall grant the desires you wish for — this is not otherwise, O you of great strength."

AI translation rendered from the Sanskrit, not a published edition

BrP 193.20

न्यायतो ऽन्यायतो वापि भवद्भ्यां तौ ममाहितौ हन्तव्यौ तद्वधाद् राज्यं सामान्यं वो भविष्यति ॥

nyāyato 'nyāyato vāpi bhavadbhyāṃ tau mamāhitau hantavyau tadvadhād rājyaṃ sāmānyaṃ vo bhaviṣyati //

"By fair means or by foul, those two enemies of mine are to be killed by you; from their slaying the kingdom will be shared in common with you."

AI translation rendered from the Sanskrit, not a published edition

BrP 193.21

इत्य् आदिश्य स तौ मल्लौ ततश् चाहूय हस्तिपम् प्रोवाचोच्चैस् त्वया मत्तः समाजद्वारि कुञ्जरः ॥

ity ādiśya sa tau mallau tataś cāhūya hastipam provācoccais tvayā mattaḥ samājadvāri kuñjaraḥ //

Having thus instructed the two wrestlers, he then summoned the elephant-keeper and said aloud: "By you a maddened elephant (is to be stationed) at the gate of the assembly —

AI translation rendered from the Sanskrit, not a published edition

BrP 193.22

स्थाप्यः कुवलयापीडस् तेन तौ गोपदारकौ घातनीयौ नियुद्धाय रङ्गद्वारम् उपागतौ ॥

sthāpyaḥ kuvalayāpīḍas tena tau gopadārakau ghātanīyau niyuddhāya raṅgadvāram upāgatau //

— Kuvalayāpīḍa is to be stationed (there), and by him those two cowherd boys, when they come up to the door of the arena for the fight, are to be killed."

AI translation rendered from the Sanskrit, not a published edition

BrP 193.23

तम् आज्ञाप्याथ दृष्ट्वा च मञ्चान् सर्वान् उपाहृतान् आसन्नमरणः कंसः सूर्योदयम् उदैक्षत ॥

tam ājñāpyātha dṛṣṭvā ca mañcān sarvān upāhṛtān āsannamaraṇaḥ kaṃsaḥ sūryodayam udaikṣata //

Then, having given him his order and having seen all the platforms brought (into place), Kaṃsa, whose death was near, awaited the sunrise.

AI translation rendered from the Sanskrit, not a published edition

BrP 193.24

ततः समस्तमञ्चेषु नागरः स तदा जनः राजमञ्चेषु चारूढाः सह भृत्यैर् महीभृतः ॥

tataḥ samastamañceṣu nāgaraḥ sa tadā janaḥ rājamañceṣu cārūḍhāḥ saha bhṛtyair mahībhṛtaḥ //

Then at that time the townsfolk (took their places) on all the platforms, and the kings, together with their retainers, mounted the royal platforms.

AI translation rendered from the Sanskrit, not a published edition

BrP 193.25

मल्लप्राश्निकवर्गश् च रङ्गमध्ये समीपगः कृतः कंसेन कंसो ऽपि तुङ्गमञ्चे व्यवस्थितः ॥

mallaprāśnikavargaś ca raṅgamadhye samīpagaḥ kṛtaḥ kaṃsena kaṃso 'pi tuṅgamañce vyavasthitaḥ //

And the group of umpires for the wrestling was placed by Kaṃsa close by in the middle of the arena; Kaṃsa too took his place on a lofty platform.

AI translation rendered from the Sanskrit, not a published edition

BrP 193.26

अन्तःपुराणां मञ्चाश् च यथान्ये परिकल्पिताः अन्ये च वारमुख्यानाम् अन्ये नगरयोषिताम् ॥

antaḥpurāṇāṃ mañcāś ca yathānye parikalpitāḥ anye ca vāramukhyānām anye nagarayoṣitām //

And other platforms were duly arranged for the women of the inner apartments, and others for the chief courtesans, and others for the women of the city.

AI translation rendered from the Sanskrit, not a published edition

BrP 193.27

नन्दगोपादयो गोपा मञ्चेष्व् अन्येष्व् अवस्थिताः अक्रूरवसुदेवौ च मञ्चप्रान्ते व्यवस्थितौ ॥

nandagopādayo gopā mañceṣv anyeṣv avasthitāḥ akrūravasudevau ca mañcaprānte vyavasthitau //

Nanda the cowherd and the other cowherds were stationed on other platforms, and Akrūra and Vasudeva took their places at the edge of a platform.

AI translation rendered from the Sanskrit, not a published edition

BrP 193.28

नगरीयोषितां मध्ये देवकी पुत्रगर्धिनी अन्तकाले ऽपि पुत्रस्य द्रक्ष्यामीति मुखं स्थिता ॥

nagarīyoṣitāṃ madhye devakī putragardhinī antakāle 'pi putrasya drakṣyāmīti mukhaṃ sthitā //

In the midst of the city women stood Devakī, longing for her son, (thinking) "Even at the hour of death I shall see my son's face."

AI translation rendered from the Sanskrit, not a published edition

BrP 193.29

वाद्यमानेषु तूर्येषु चाणूरे चातिवल्गति हाहाकारपरे लोक आस्फोटयति मुष्टिके ॥

vādyamāneṣu tūryeṣu cāṇūre cātivalgati hāhākārapare loka āsphoṭayati muṣṭike //

While the drums were being sounded, and Cāṇūra was leaping about wildly, and the people were given over to cries of alarm, and Muṣṭika was slapping his arms —

AI translation rendered from the Sanskrit, not a published edition

BrP 193.30

हत्वा कुवलयापीडं हस्त्यारोहप्रचोदितम् मदासृगनुलिप्ताङ्गौ गजदन्तवरायुधौ ॥

hatvā kuvalayāpīḍaṃ hastyārohapracoditam madāsṛganuliptāṅgau gajadantavarāyudhau //

— having slain Kuvalayāpīḍa, who had been urged on by its elephant-driver, their limbs smeared with the elephant's blood-and-rut fluid, with the elephant's fine tusks for weapons,

AI translation rendered from the Sanskrit, not a published edition

BrP 193.31

मृगमध्ये यथा सिंहौ गर्वलीलावलोकिनौ प्रविष्टौ सुमहारङ्गं बलदेवजनार्दनौ ॥

mṛgamadhye yathā siṃhau garvalīlāvalokinau praviṣṭau sumahāraṅgaṃ baladevajanārdanau //

Baladeva and Janārdana entered the vast arena like two lions among deer, gazing about with the sport of pride.

AI translation rendered from the Sanskrit, not a published edition

BrP 193.32

हाहाकारो महाञ् जज्ञे सर्वरङ्गेष्व् अनन्तरम् कृष्णो ऽयं बलभद्रो ऽयम् इति लोकस्य विस्मयात् ॥

hāhākāro mahāñ jajñe sarvaraṅgeṣv anantaram kṛṣṇo 'yaṃ balabhadro 'yam iti lokasya vismayāt //

Immediately a great cry of "Ah! Ah!" arose in all the arenas, out of the people's amazement: "This is Kṛṣṇa! This is Balabhadra!"

AI translation rendered from the Sanskrit, not a published edition

BrP 193.33

सो ऽयं येन हता घोरा पूतना सा निशाचरी प्रक्षिप्तं शकटं येन भग्नौ च यमलार्जुनौ ॥

so 'yaṃ yena hatā ghorā pūtanā sā niśācarī prakṣiptaṃ śakaṭaṃ yena bhagnau ca yamalārjunau //

"This is he by whom the dreadful Pūtanā, that night-walker, was slain, by whom the cart was flung away, and the twin arjuna trees broken."

AI translation rendered from the Sanskrit, not a published edition

BrP 193.34

सो ऽयं यः कालियं नागं ननर्तारुह्य बालकः धृतो गोवर्धनो येन सप्तरात्रं महागिरिः ॥

so 'yaṃ yaḥ kāliyaṃ nāgaṃ nanartāruhya bālakaḥ dhṛto govardhano yena saptarātraṃ mahāgiriḥ //

"This is he who as a boy mounted the serpent Kāliya and danced, by whom Govardhana, the great mountain, was held up for seven nights."

AI translation rendered from the Sanskrit, not a published edition

BrP 193.35

अरिष्टो धेनुकः केशी लीलयैव महात्मना हतो येन च दुर्वृत्तो दृश्यते सो ऽयम् अच्युतः ॥

ariṣṭo dhenukaḥ keśī līlayaiva mahātmanā hato yena ca durvṛtto dṛśyate so 'yam acyutaḥ //

And this is he, the unfallen one, who is seen (here), by whom, the great-souled one, Ariṣṭa, Dhenuka, Keśin, and the evil-doer (Pralamba?) were slain in mere play.

AI translation rendered from the Sanskrit, not a published edition

BrP 193.36

अयं चास्य महाबाहुर् बलदेवो ऽग्रजो ऽग्रतः प्रयाति लीलया योषिन्मनोनयननन्दनः ॥

ayaṃ cāsya mahābāhur baladevo 'grajo 'grataḥ prayāti līlayā yoṣinmanonayananandanaḥ //

And this mighty-armed Baladeva, his elder brother, walks in front with graceful ease, delighting the hearts and eyes of women.

AI translation rendered from the Sanskrit, not a published edition

BrP 193.37

अयं स कथ्यते प्राज्ञैः पुराणार्थावलोकिभिः गोपालो यादवं वंशं मग्नम् अभ्युद्धरिष्यति ॥

ayaṃ sa kathyate prājñaiḥ purāṇārthāvalokibhiḥ gopālo yādavaṃ vaṃśaṃ magnam abhyuddhariṣyati //

This is he who is spoken of by the wise who look into the meaning of the ancient lore: the cowherd who will raise up the sunken lineage of the Yādavas.

AI translation rendered from the Sanskrit, not a published edition

BrP 193.38

अयं स सर्वभूतस्य विष्णोर् अखिलजन्मनः अवतीर्णो महीम् अंशो नूनं भारहरो भुवः ॥

ayaṃ sa sarvabhūtasya viṣṇor akhilajanmanaḥ avatīrṇo mahīm aṃśo nūnaṃ bhāraharo bhuvaḥ //

This is he, a portion of Viṣṇu, who is all beings and the source of all births, descended to earth—surely to remove the burden of the earth.

AI translation rendered from the Sanskrit, not a published edition

BrP 193.39

इत्य् एवं वर्णिते पौरै रामे कृष्णे च तत्क्षणात् उरस् तताप देवक्याः स्नेहस्नुतपयोधरम् ॥

ity evaṃ varṇite paurai rāme kṛṣṇe ca tatkṣaṇāt uras tatāpa devakyāḥ snehasnutapayodharam //

When Rāma and Kṛṣṇa were thus described by the townsfolk, at that very moment Devakī's breast grew warm, her nipples flowing with milk out of affection.

AI translation rendered from the Sanskrit, not a published edition

BrP 193.40

महोत्सवम् इवालोक्य पुत्राव् एव विलोकयन् युवेव वसुदेवो ऽभूद् विहायाभ्यागतां जराम् ॥

mahotsavam ivālokya putrāv eva vilokayan yuveva vasudevo 'bhūd vihāyābhyāgatāṃ jarām //

As if beholding a great festival, gazing only at his two sons, Vasudeva became like a youth, casting off the old age that had come upon him.

AI translation rendered from the Sanskrit, not a published edition

BrP 193.41

विस्तारिताक्षियुगला राजान्तःपुरयोषितः नागरस्त्रीसमूहश् च द्रष्टुं न विरराम तौ ॥

vistāritākṣiyugalā rājāntaḥpurayoṣitaḥ nāgarastrīsamūhaś ca draṣṭuṃ na virarāma tau //

With their pairs of eyes wide open, the women of the king's inner apartments and the throng of the city's women did not cease looking at those two.

AI translation rendered from the Sanskrit, not a published edition

BrP 193.42

सख्यः पश्यत कृष्णस्य मुखम् अप्य् अम्बुजेक्षणम् गजयुद्धकृतायासस्वेदाम्बुकणिकाञ्चितम् ॥

sakhyaḥ paśyata kṛṣṇasya mukham apy ambujekṣaṇam gajayuddhakṛtāyāsasvedāmbukaṇikāñcitam //

"Friends, look at Kṛṣṇa's face too, with its lotus eyes, marked with droplets of sweat from the exertion of the fight with the elephant—

AI translation rendered from the Sanskrit, not a published edition

BrP 193.43

विकासीव सरोम्भोजम् अवश्यायजलोक्षितम् परिभूताक्षरं जन्म सफलं क्रियतां दृशः ॥

vikāsīva sarombhojam avaśyāyajalokṣitam paribhūtākṣaraṃ janma saphalaṃ kriyatāṃ dṛśaḥ //

like a blooming lotus in a lake sprinkled with dew-water. Let (your) birth, whose (mere) syllables are otherwise discredited, be made fruitful for the eyes.

AI translation rendered from the Sanskrit, not a published edition — the model flagged this verse as uncertain

BrP 193.44

श्रीवत्साङ्कं जगद्धाम बालस्यैतद् विलोक्यताम् विपक्षक्षपणं वक्षो भुजयुग्मं च भामिनि ॥

śrīvatsāṅkaṃ jagaddhāma bālasyaitad vilokyatām vipakṣakṣapaṇaṃ vakṣo bhujayugmaṃ ca bhāmini //

Look at this boy's chest, marked with the śrīvatsa, the abode of the world, and at his pair of arms, destroyer of foes, O lovely lady.

AI translation rendered from the Sanskrit, not a published edition

BrP 193.45

वल्गता मुष्टिकेनैव चाणूरेण तथा परैः क्रियते बलभद्रस्य हास्यम् ईषद् विलोक्यताम् ॥

valgatā muṣṭikenaiva cāṇūreṇa tathā paraiḥ kriyate balabhadrasya hāsyam īṣad vilokyatām //

Look a little at the (contemptuous) laughter directed at Balabhadra by the prancing Muṣṭika and by Cāṇūra and the others.

AI translation rendered from the Sanskrit, not a published edition

BrP 193.46

सख्यः पश्यत चाणूरं नियुद्धार्थम् अयं हरिः समुपैति न सन्त्य् अत्र किं वृद्धा युक्तकारिणः ॥

sakhyaḥ paśyata cāṇūraṃ niyuddhārtham ayaṃ hariḥ samupaiti na santy atra kiṃ vṛddhā yuktakāriṇaḥ //

Friends, look—this Hari approaches Cāṇūra for a wrestling bout! Are there no elders here who would act properly?

AI translation rendered from the Sanskrit, not a published edition

BrP 193.47

क्व यौवनोन्मुखीभूतः सुकुमारतनुर् हरिः क्व वज्रकठिनाभोगशरीरो ऽयं महासुरः ॥

kva yauvanonmukhībhūtaḥ sukumāratanur hariḥ kva vajrakaṭhinābhogaśarīro 'yaṃ mahāsuraḥ //

How (unequal): Hari, of very delicate body, just turned toward youth, and this great demon, whose body is a mass hard as adamant!

AI translation rendered from the Sanskrit, not a published edition

BrP 193.48

इमौ सुललितौ रङ्गे वर्तेते नवयौवनौ दैतेयमल्लाश् चाणूरप्रमुखास् त्व् अतिदारुणाः ॥

imau sulalitau raṅge vartete navayauvanau daiteyamallāś cāṇūrapramukhās tv atidāruṇāḥ //

These two, in the fresh bloom of youth, move gracefully in the arena, whereas the Daitya wrestlers headed by Cāṇūra are exceedingly cruel.

AI translation rendered from the Sanskrit, not a published edition

BrP 193.49

नियुद्धप्राश्निकानां तु महान् एष व्यतिक्रमः यद् बालबलिनोर् युद्धं मध्यस्थैः समुपेक्ष्यते ॥

niyuddhaprāśnikānāṃ tu mahān eṣa vyatikramaḥ yad bālabalinor yuddhaṃ madhyasthaiḥ samupekṣyate //

This is a great transgression on the part of the umpires of the wrestling, that a fight between a boy and a strongman is looked on with indifference by the arbiters.

AI translation rendered from the Sanskrit, not a published edition

BrP 193.50

इत्थं पुरस्त्रीलोकस्य वदतश् चालयन् भुवम् ववर्ष हर्षोत्कर्षं च जनस्य भगवान् हरिः ॥

itthaṃ purastrīlokasya vadataś cālayan bhuvam vavarṣa harṣotkarṣaṃ ca janasya bhagavān hariḥ //

While the city's womenfolk spoke thus, the Lord Hari, shaking the earth, showered an excess of joy upon the people.

AI translation rendered from the Sanskrit, not a published edition

BrP 193.51

बलभद्रो ऽपि चास्फोट्य ववल्ग ललितं यदा पदे पदे तदा भूमिर् न शीर्णा यत् तद् अद्भुतम् ॥

balabhadro 'pi cāsphoṭya vavalga lalitaṃ yadā pade pade tadā bhūmir na śīrṇā yat tad adbhutam //

And when Balabhadra too, slapping his arms, pranced gracefully, it was a wonder that at every step the earth was not shattered.

AI translation rendered from the Sanskrit, not a published edition

BrP 193.52

चाणूरेण ततः कृष्णो युयुधे ऽमितविक्रमः नियुद्धकुशलो दैत्यो बलदेवेन मुष्टिकः ॥

cāṇūreṇa tataḥ kṛṣṇo yuyudhe 'mitavikramaḥ niyuddhakuśalo daityo baladevena muṣṭikaḥ //

Then Kṛṣṇa of measureless valour fought with Cāṇūra, and the Daitya Muṣṭika, skilled in wrestling, with Baladeva.

AI translation rendered from the Sanskrit, not a published edition

BrP 193.53

संनिपातावधूतैश् च चाणूरेण समं हरिः क्षेपणैर् मुष्टिभिश् चैव कीलावज्रनिपातनैः ॥

saṃnipātāvadhūtaiś ca cāṇūreṇa samaṃ hariḥ kṣepaṇair muṣṭibhiś caiva kīlāvajranipātanaiḥ //

And Hari (fought) together with Cāṇūra with clashes and shakings-off, with throws and with fists and with blows like the falling of stakes and thunderbolts,

AI translation rendered from the Sanskrit, not a published edition

BrP 193.54

पादोद्भूतैः प्रमृष्टाभिस् तयोर् युद्धम् अभून् महत् अशस्त्रम् अतिघोरं तत् तयोर् युद्धं सुदारुणम् ॥

pādodbhūtaiḥ pramṛṣṭābhis tayor yuddham abhūn mahat aśastram atighoraṃ tat tayor yuddhaṃ sudāruṇam //

and with kicks from the feet and (blows) that grazed; great was the fight of those two, weaponless, most terrible, that exceedingly dreadful fight of the two,

AI translation rendered from the Sanskrit, not a published edition — the model flagged this verse as uncertain

BrP 193.55

स्वबलप्राणनिष्पाद्यं समाजोत्सवसंनिधौ यावद् यावच् च चाणूरो युयुधे हरिणा सह ॥

svabalaprāṇaniṣpādyaṃ samājotsavasaṃnidhau yāvad yāvac ca cāṇūro yuyudhe hariṇā saha //

(The fight was) such as could be carried out by their own strength and vital force, there in the presence of the festive assembly; and for as long as Cāṇūra fought with Hari,

AI translation rendered from the Sanskrit, not a published edition — the model flagged this verse as uncertain

BrP 193.56

प्राणहानिम् अवापाग्र्यां तावत् तावन् न बान्धवम् कृष्णो ऽपि युयुधे तेन लीलयैव जगन्मयः ॥

prāṇahānim avāpāgryāṃ tāvat tāvan na bāndhavam kṛṣṇo 'pi yuyudhe tena līlayaiva jaganmayaḥ //

just so far did he incur a foremost loss of his vital breath, and no kinsman (came to help); Kṛṣṇa too, who is (himself) the whole world, fought with him as mere play.

AI translation rendered from the Sanskrit, not a published edition — the model flagged this verse as uncertain

BrP 193.57

खेदाच् चालयता कोपान् निजशेषकरे करम् बलक्षयं विवृद्धिं च दृष्ट्वा चाणूरकृष्णयोः ॥

khedāc cālayatā kopān nijaśeṣakare karam balakṣayaṃ vivṛddhiṃ ca dṛṣṭvā cāṇūrakṛṣṇayoḥ //

By him who, out of vexation and anger, was striking his hand into his own remaining hand, having seen the waning of strength (in one) and its increase (in the other), of Cāṇūra and Kṛṣṇa (respectively) —

AI translation rendered from the Sanskrit, not a published edition — the model flagged this verse as uncertain

BrP 193.58

वारयाम् आस तूर्याणि कंसः कोपपरायणः मृदङ्गादिषु वाद्येषु प्रतिषिद्धेषु तत्क्षणात् ॥

vārayām āsa tūryāṇi kaṃsaḥ kopaparāyaṇaḥ mṛdaṅgādiṣu vādyeṣu pratiṣiddheṣu tatkṣaṇāt //

— by Kaṃsa, given over to rage, the drums were stopped; and when the instruments, the mṛdaṅga and the rest, had been forbidden, at that very moment

AI translation rendered from the Sanskrit, not a published edition

BrP 193.59

खसंगतान्य् अवाद्यन्त दैवतूर्याण्य् अनेकशः जय गोविन्द चाणूरं जहि केशव दानवम् ॥

khasaṃgatāny avādyanta daivatūryāṇy anekaśaḥ jaya govinda cāṇūraṃ jahi keśava dānavam //

divine drums, joined to the sky, sounded in many ways: "Conquer, Govinda! Slay the demon Cāṇūra, Keśava!"

AI translation rendered from the Sanskrit, not a published edition

BrP 193.60

इत्य् अन्तर्धिगता देवास् तुष्टुवुस् ते प्रहर्षिताः चाणूरेण चिरं कालं क्रीडित्वा मधुसूदनः ॥

ity antardhigatā devās tuṣṭuvus te praharṣitāḥ cāṇūreṇa ciraṃ kālaṃ krīḍitvā madhusūdanaḥ //

So the gods, remaining unseen, praised (him), greatly delighted. And Madhusūdana, after playing a long time with Cāṇūra,

AI translation rendered from the Sanskrit, not a published edition

BrP 193.61

उत्पाट्य भ्रामयाम् आस तद्वधाय कृतोद्यमः भ्रामयित्वा शतगुणं दैत्यमल्लम् अमित्रजित् ॥

utpāṭya bhrāmayām āsa tadvadhāya kṛtodyamaḥ bhrāmayitvā śataguṇaṃ daityamallam amitrajit //

tore him up and whirled him about, exerting himself to kill him; and having whirled the demon wrestler a hundred times, that conqueror of foes

AI translation rendered from the Sanskrit, not a published edition

BrP 193.62

भूमाव् आस्फोटयाम् आस गगने गतजीवितम् भूमाव् आस्फोटितस् तेन चाणूरः शतधा भवन् ॥

bhūmāv āsphoṭayām āsa gagane gatajīvitam bhūmāv āsphoṭitas tena cāṇūraḥ śatadhā bhavan //

dashed him upon the ground, his life already gone while (still) in the air; and Cāṇūra, dashed on the ground by him, becoming a hundred pieces,

AI translation rendered from the Sanskrit, not a published edition

BrP 193.63

रक्तस्रावमहापङ्कां चकार स तदा भुवम् बलदेवस् तु तत्कालं मुष्टिकेन महाबलः ॥

raktasrāvamahāpaṅkāṃ cakāra sa tadā bhuvam baladevas tu tatkālaṃ muṣṭikena mahābalaḥ //

then made the earth one great mire with the flowing of blood. But at that same time Baladeva of great strength

AI translation rendered from the Sanskrit, not a published edition

BrP 193.64

युयुधे दैत्यमल्लेन चाणूरेण यथा हरिः सो ऽप्य् एनं मुष्टिना मूर्ध्नि वक्षस्य् आहत्य जानुना ॥

yuyudhe daityamallena cāṇūreṇa yathā hariḥ so 'py enaṃ muṣṭinā mūrdhni vakṣasy āhatya jānunā //

fought with the demon wrestler Muṣṭika, as Hari had with Cāṇūra; and he too, striking this one on the head with his fist and on the chest with his knee,

AI translation rendered from the Sanskrit, not a published edition

BrP 193.65

पातयित्वा धरापृष्ठे निष्पिपेष गतायुषम् कृष्णस् तोशलकं भूयो मल्लराजं महाबलम् ॥

pātayitvā dharāpṛṣṭhe niṣpipeṣa gatāyuṣam kṛṣṇas tośalakaṃ bhūyo mallarājaṃ mahābalam //

threw him down on the surface of the earth and crushed him, his life gone. Kṛṣṇa again (felled) Tośalaka, the king of wrestlers, of great strength,

AI translation rendered from the Sanskrit, not a published edition

BrP 193.66

वाममुष्टिप्रहारेण पातयाम् आस भूतले चाणूरे निहते मल्ले मुष्टिके च निपातिते ॥

vāmamuṣṭiprahāreṇa pātayām āsa bhūtale cāṇūre nihate malle muṣṭike ca nipātite //

with a blow of his left fist he brought him down to the ground. When the wrestler Cāṇūra had been slain and Muṣṭika struck down,

AI translation rendered from the Sanskrit, not a published edition

BrP 193.67

नीते क्षयं तोशलके सर्वे मल्लाः प्रदुद्रुवुः ववल्गतुस् तदा रङ्गे कृष्णसंकर्षणाव् उभौ ॥

nīte kṣayaṃ tośalake sarve mallāḥ pradudruvuḥ vavalgatus tadā raṅge kṛṣṇasaṃkarṣaṇāv ubhau //

and Tośalaka brought to destruction, all the wrestlers fled away; then both Kṛṣṇa and Saṃkarṣaṇa leapt about in the arena,

AI translation rendered from the Sanskrit, not a published edition

BrP 193.68

समानवयसो गोपान् बलाद् आकृष्य हर्षितौ कंसो ऽपि कोपरक्ताक्षः प्राहोच्चैर् व्यायतान् नरान् ॥

samānavayaso gopān balād ākṛṣya harṣitau kaṃso 'pi koparaktākṣaḥ prāhoccair vyāyatān narān //

delighted, dragging in by force the cowherds of like age with them. Kaṃsa too, his eyes red with anger, said aloud to his stout men:

AI translation rendered from the Sanskrit, not a published edition

BrP 193.69

गोपाव् एतौ समाजौघान् निष्क्रम्येतां बलाद् इतः नन्दो ऽपि गृह्यतां पापो निगडैर् आशु बध्यताम् ॥

gopāv etau samājaughān niṣkramyetāṃ balād itaḥ nando 'pi gṛhyatāṃ pāpo nigaḍair āśu badhyatām //

"Let these two cowherds be driven out of here by force from the crowds of the assembly; let the wicked Nanda also be seized and quickly bound with fetters;

AI translation rendered from the Sanskrit, not a published edition

BrP 193.70

अवृद्धार्हेण दण्डेन वसुदेवो ऽपि वध्यताम् वल्गन्ति गोपाः कृष्णेन ये चेमे सहिताः पुनः ॥

avṛddhārheṇa daṇḍena vasudevo 'pi vadhyatām valganti gopāḥ kṛṣṇena ye ceme sahitāḥ punaḥ //

let Vasudeva too be punished with a chastisement not befitting an elder; and these cowherds who leap about together with Kṛṣṇa —

AI translation rendered from the Sanskrit, not a published edition

BrP 193.71

गावो ह्रियन्ताम् एषां च यच् चास्ति वसु किंचन एवम् आज्ञापयन्तं तं प्रहस्य मधुसूदनः ॥

gāvo hriyantām eṣāṃ ca yac cāsti vasu kiṃcana evam ājñāpayantaṃ taṃ prahasya madhusūdanaḥ //

let their cows be carried off, and whatever wealth there is (of theirs)." As he was commanding thus, Madhusūdana laughed and,

AI translation rendered from the Sanskrit, not a published edition

BrP 193.72

उत्पत्यारुह्य तन्मञ्चं कंसं जग्राह वेगितः केशेष्व् आकृष्य विगलत्किरीटम् अवनीतले ॥

utpatyāruhya tanmañcaṃ kaṃsaṃ jagrāha vegitaḥ keśeṣv ākṛṣya vigalatkirīṭam avanītale //

springing up and mounting that platform, swiftly seized Kaṃsa, and dragging him by the hair, his crown slipping off, to the surface of the ground,

AI translation rendered from the Sanskrit, not a published edition

BrP 193.73

स कंसं पातयाम् आस तस्योपरि पपात च निःशेषजगदाधारगुरुणा पततोपरि ॥

sa kaṃsaṃ pātayām āsa tasyopari papāta ca niḥśeṣajagadādhāraguruṇā patatopari //

he threw Kaṃsa down and fell upon him; and by the falling upon him of that heavy one who is the support of the entire world,

AI translation rendered from the Sanskrit, not a published edition

BrP 193.74

कृष्णेन त्याजितः प्राणान्न् उग्रसेनात्मजो नृपः मृतस्य केशेषु तदा गृहीत्वा मधुसूदनः ॥

kṛṣṇena tyājitaḥ prāṇānn ugrasenātmajo nṛpaḥ mṛtasya keśeṣu tadā gṛhītvā madhusūdanaḥ //

the king, the son of Ugrasena, was made to give up his life by Kṛṣṇa. Then Madhusūdana, taking the dead man by the hair,

AI translation rendered from the Sanskrit, not a published edition

BrP 193.75

चकर्ष देहं कंसस्य रङ्गमध्ये महाबलः गौरवेणातिमहता परिपातेन कृष्यता ॥

cakarṣa dehaṃ kaṃsasya raṅgamadhye mahābalaḥ gauraveṇātimahatā paripātena kṛṣyatā //

The one of great strength dragged Kaṃsa's body into the middle of the arena; as it was dragged along with exceedingly great weight, by its trailing (a furrow) —

AI translation rendered from the Sanskrit, not a published edition — the model flagged this verse as uncertain

BrP 193.76

कृता कंसस्य देहेन वेगितेन महात्मना कंसे गृहीते कृष्णेन तद्भ्राताभ्यागतो रुषा ॥

kṛtā kaṃsasya dehena vegitena mahātmanā kaṃse gṛhīte kṛṣṇena tadbhrātābhyāgato ruṣā //

— was made by Kaṃsa's body, driven along swiftly by the great-souled one. When Kaṃsa had been seized by Kṛṣṇa, his brother came up in a rage.

AI translation rendered from the Sanskrit, not a published edition — the model flagged this verse as uncertain

BrP 193.77

सुनामा बलभद्रेण लीलयैव निपातितः ततो हाहाकृतं सर्वम् आसीत् तद् रङ्गमण्डलम् ॥

sunāmā balabhadreṇa līlayaiva nipātitaḥ tato hāhākṛtaṃ sarvam āsīt tad raṅgamaṇḍalam //

Sunāman was struck down by Balabhadra as if in play. Then that whole circle of the arena was filled with cries of woe.

AI translation rendered from the Sanskrit, not a published edition

BrP 193.78

अवज्ञया हतं दृष्ट्वा कृष्णेन मथुरेश्वरम् कृष्णो ऽपि वसुदेवस्य पादौ जग्राह सत्वरम् ॥

avajñayā hataṃ dṛṣṭvā kṛṣṇena mathureśvaram kṛṣṇo 'pi vasudevasya pādau jagrāha satvaram //

When they saw that the lord of Mathurā had been slain by Kṛṣṇa with contempt — and Kṛṣṇa too quickly clasped the feet of Vasudeva,

AI translation rendered from the Sanskrit, not a published edition

BrP 193.79

देवक्याश् च महाबाहुर् बलदेवसहायवान् उत्थाप्य वसुदेवस् तु देवकी च जनार्दनम् स्मृतजन्मोक्तवचनौ ताव् एव प्रणतौ स्थितौ ॥

devakyāś ca mahābāhur baladevasahāyavān utthāpya vasudevas tu devakī ca janārdanam smṛtajanmoktavacanau tāv eva praṇatau sthitau //

and (the feet) of Devakī, the mighty-armed one, together with Baladeva as his helper. But Vasudeva and Devakī, raising up Janārdana — the two of them, recalling the words spoken (by him) at his birth, stood bowed down before him.

AI translation rendered from the Sanskrit, not a published edition — the model flagged this verse as uncertain

BrP 193.80

प्रसीद देवदेवेश देवानां प्रवर प्रभो तथावयोः प्रसादेन कृताभ्युद्धार केशव ॥

prasīda devadeveśa devānāṃ pravara prabho tathāvayoḥ prasādena kṛtābhyuddhāra keśava //

"Be gracious, O lord of the gods of gods, O foremost of the gods, O master; so too, by your grace, O Keśava, you who have accomplished the deliverance of us two."

AI translation rendered from the Sanskrit, not a published edition

BrP 193.81

आराधितो यद् भगवान् अवतीर्णो गृहे मम दुर्वृत्तनिधनार्थाय तेन नः पावितं कुलम् ॥

ārādhito yad bhagavān avatīrṇo gṛhe mama durvṛttanidhanārthāya tena naḥ pāvitaṃ kulam //

"Since the Lord, being worshipped, has descended into my house for the destruction of the evil-doer, by that our family has been purified."

AI translation rendered from the Sanskrit, not a published edition

BrP 193.82

त्वम् अन्तः सर्वभूतानां सर्वभूतेष्व् अवस्थितः वर्तते च समस्तात्मंस् त्वत्तो भूतभविष्यती ॥

tvam antaḥ sarvabhūtānāṃ sarvabhūteṣv avasthitaḥ vartate ca samastātmaṃs tvatto bhūtabhaviṣyatī //

"You are within all beings, and you abide in all beings; and from you, O soul of all, proceed what has been and what will be."

AI translation rendered from the Sanskrit, not a published edition

BrP 193.83

यज्ञे त्वम् इज्यसे ऽचिन्त्य सर्वदेवमयाच्युत त्वम् एव यज्ञो यज्वा च यज्ञानां परमेश्वर ॥

yajñe tvam ijyase 'cintya sarvadevamayācyuta tvam eva yajño yajvā ca yajñānāṃ parameśvara //

"In the sacrifice you are worshipped, O unthinkable one, O imperishable one composed of all the gods; you alone are the sacrifice and the sacrificer, O supreme lord of sacrifices."

AI translation rendered from the Sanskrit, not a published edition

BrP 193.84

सापह्नवं मम मनो यद् एतत् त्वयि जायते देवक्याश् चात्मज प्रीत्या तद् अत्यन्तविडम्बना ॥

sāpahnavaṃ mama mano yad etat tvayi jāyate devakyāś cātmaja prītyā tad atyantaviḍambanā //

"That this mind of mine arises towards you with concealment (of your true nature), out of affection as 'the son of Devakī' — that is an utter mockery."

AI translation rendered from the Sanskrit, not a published edition — the model flagged this verse as uncertain

BrP 193.85

त्वं कर्ता सर्वभूतानाम् अनादिनिधनो भवान् क्व च मे मानुषस्यैषा जिह्वा पुत्रेति वक्ष्यति ॥

tvaṃ kartā sarvabhūtānām anādinidhano bhavān kva ca me mānuṣasyaiṣā jihvā putreti vakṣyati //

"You are the maker of all beings; you are without beginning or end. And how shall this tongue of mine, a mere man's, say to you 'my son'?"

AI translation rendered from the Sanskrit, not a published edition

BrP 193.86

जगद् एतज् जगन्नाथ संभूतम् अखिलं यतः कया युक्त्या विना मायां सो ऽस्मत्तः संभविष्यति ॥

jagad etaj jagannātha saṃbhūtam akhilaṃ yataḥ kayā yuktyā vinā māyāṃ so 'smattaḥ saṃbhaviṣyati //

"He from whom this entire world has come to be, O lord of the world — by what reasoning, apart from māyā, should he be born from us?"

AI translation rendered from the Sanskrit, not a published edition

BrP 193.87

यस्मिन् प्रतिष्ठितं सर्वं जगत् स्थावरजङ्गमम् स कोष्ठोत्सङ्गशयनो मनुष्याज् जायते कथम् ॥

yasmin pratiṣṭhitaṃ sarvaṃ jagat sthāvarajaṅgamam sa koṣṭhotsaṅgaśayano manuṣyāj jāyate katham //

"He in whom the whole world, moving and unmoving, is established — how is he, who lies in the womb and on the lap, born from a man?"

AI translation rendered from the Sanskrit, not a published edition

BrP 193.88

स त्वं प्रसीद परमेश्वर पाहि विश्वम् अंशावतारकरणैर् न ममासि पुत्रः आब्रह्मपादपमयं जगद् ईश सर्वं चित्ते विमोहयसि किं परमेश्वरात्मन्

sa tvaṃ prasīda parameśvara pāhi viśvam aṃśāvatārakaraṇair na mamāsi putraḥ ābrahmapādapamayaṃ jagad īśa sarvaṃ citte vimohayasi kiṃ parameśvarātman

"Be gracious, that you are, O supreme lord; protect the universe by your acts of descending in partial forms. You are not my son. O lord, the whole world, from Brahmā down to the trees — why do you bewilder it in mind, O self that is the supreme lord?"

AI translation rendered from the Sanskrit, not a published edition — the model flagged this verse as uncertain

BrP 193.89

मायाविमोहितदृशा तनयो ममेति कंसाद् भयं कृतवता तु मयातितीव्रम् नीतो ऽसि गोकुलम् अरातिभयाकुलस्य वृद्धिं गतो ऽसि मम चैव गवाम् अधीश

māyāvimohitadṛśā tanayo mameti kaṃsād bhayaṃ kṛtavatā tu mayātitīvram nīto 'si gokulam arātibhayākulasya vṛddhiṃ gato 'si mama caiva gavām adhīśa

"With sight bewildered by māyā, thinking 'he is my son,' and having made for myself an exceedingly acute fear of Kaṃsa, I carried you to Gokula — and, myself distraught with fear of the enemy, you grew up there, O lord of cows and of me."

AI translation rendered from the Sanskrit, not a published edition — the model flagged this verse as uncertain

BrP 193.90

कर्माणि रुद्रमरुदश्विशतक्रतूनां साध्यानि यानि न भवन्ति निरीक्षितानि त्वं विष्णुर् ईशजगताम् उपकारहेतोः प्राप्तो ऽसि नः परिगतः परमो विमोहः

karmāṇi rudramarudaśviśatakratūnāṃ sādhyāni yāni na bhavanti nirīkṣitāni tvaṃ viṣṇur īśajagatām upakārahetoḥ prāpto 'si naḥ parigataḥ paramo vimohaḥ

"Deeds that are not seen to be achievable by Rudra, the Maruts, the Aśvins and Śatakratu — you, Viṣṇu, lord of the worlds, have come to us for the sake of benefit. A supreme bewilderment has overtaken (us)."

AI translation rendered from the Sanskrit, not a published edition — the model flagged this verse as uncertain