Brahma Purana — Chapter 192
BrP 192.1
चिन्तयन्न् इति गोविन्दम् उपगम्य स यादवः अक्रूरो ऽस्मीति चरणौ ननाम शिरसा हरेः ॥
cintayann iti govindam upagamya sa yādavaḥ akrūro 'smīti caraṇau nanāma śirasā hareḥ //
Thinking thus, that Yādava approached Govinda and, (saying) "I am Akrūra," bowed with his head to Hari's feet.
AI translation rendered from the Sanskrit, not a published edition
BrP 192.2
सो ऽप्य् एनं ध्वजवज्राब्जकृतचिह्नेन पाणिना संस्पृश्याकृष्य च प्रीत्या सुगाढं परिषस्वजे ॥
so 'py enaṃ dhvajavajrābjakṛtacihnena pāṇinā saṃspṛśyākṛṣya ca prītyā sugāḍhaṃ pariṣasvaje //
And he too, touching him with his hand marked with the signs of the banner, the thunderbolt and the lotus, and drawing him up, embraced him very closely with affection.
AI translation rendered from the Sanskrit, not a published edition
BrP 192.3
कृतसंवदनौ तेन यथावद् बलकेशवौ ततः प्रविष्टौ सहसा तम् आदायात्ममन्दिरम् ॥
kṛtasaṃvadanau tena yathāvad balakeśavau tataḥ praviṣṭau sahasā tam ādāyātmamandiram //
Then Balarāma and Keśava, having exchanged greetings with him as was fitting, at once entered their own house, taking him along.
AI translation rendered from the Sanskrit, not a published edition
BrP 192.4
सह ताभ्यां तदाक्रूरः कृतसंवन्दनादिकः भुक्तभोज्यो यथान्यायम् आचचक्षे ततस् तयोः ॥
saha tābhyāṃ tadākrūraḥ kṛtasaṃvandanādikaḥ bhuktabhojyo yathānyāyam ācacakṣe tatas tayoḥ //
Then Akrūra, together with those two, having performed the greetings and the rest and having eaten the food as was proper, related to the two of them:
AI translation rendered from the Sanskrit, not a published edition
BrP 192.5
यथा निर्भर्त्सितस् तेन कंसेनानकदुन्दुभिः यथा च देवकी देवी दानवेन दुरात्मना ॥
yathā nirbhartsitas tena kaṃsenānakadundubhiḥ yathā ca devakī devī dānavena durātmanā //
how Ānakadundubhi (Vasudeva) had been threatened by that Kaṃsa, and how the lady Devakī (had been) by the evil-souled Dānava;
AI translation rendered from the Sanskrit, not a published edition
BrP 192.6
उग्रसेने यथा कंसः स दुरात्मा च वर्तते यं चैवार्थं समुद्दिश्य कंसेन स विसर्जितः ॥
ugrasene yathā kaṃsaḥ sa durātmā ca vartate yaṃ caivārthaṃ samuddiśya kaṃsena sa visarjitaḥ //
how that evil-souled Kaṃsa behaves toward Ugrasena, and for what purpose he had been sent by Kaṃsa.
AI translation rendered from the Sanskrit, not a published edition
BrP 192.7
तत् सर्वं विस्तराच् छ्रुत्वा भगवान् केशिसूदनः उवाचाखिलम् एतत् तु ज्ञातं दानपते मया ॥
tat sarvaṃ vistarāc chrutvā bhagavān keśisūdanaḥ uvācākhilam etat tu jñātaṃ dānapate mayā //
Having heard all that in detail, the Lord, the slayer of Keśin, said: "All this is indeed known to me, O lord of gifts.
AI translation rendered from the Sanskrit, not a published edition
BrP 192.8
करिष्ये च महाभाग यद् अत्रौपायिकं मतम् विचिन्त्यं नान्यथैतत् ते विद्धि कंसं हतं मया ॥
kariṣye ca mahābhāga yad atraupāyikaṃ matam vicintyaṃ nānyathaitat te viddhi kaṃsaṃ hataṃ mayā //
And I shall do, O greatly fortunate one, whatever is deemed the fitting means here; it must be considered no otherwise—know that Kaṃsa is (as good as) slain by me.
AI translation rendered from the Sanskrit, not a published edition
BrP 192.9
अहं रामश् च मथुरां श्वो यास्यावः समं त्वया गोपवृद्धाश् च यास्यन्ति आदायोपायनं बहु ॥
ahaṃ rāmaś ca mathurāṃ śvo yāsyāvaḥ samaṃ tvayā gopavṛddhāś ca yāsyanti ādāyopāyanaṃ bahu //
I and Rāma will go tomorrow to Mathurā along with you, and the elder cowherds will go, taking many presents.
AI translation rendered from the Sanskrit, not a published edition
BrP 192.10
निशेयं नीयतां वीर न चिन्तां कर्तुम् अर्हसि त्रिरात्राभ्यन्तरे कंसं हनिष्यामि सहानुगम् ॥
niśeyaṃ nīyatāṃ vīra na cintāṃ kartum arhasi trirātrābhyantare kaṃsaṃ haniṣyāmi sahānugam //
Let this night be passed, O hero; you should not be anxious. Within three nights I shall kill Kaṃsa together with his followers."
AI translation rendered from the Sanskrit, not a published edition
BrP 192.11
समादिश्य ततो गोपान् अक्रूरो ऽपि सकेशवः सुष्वाप बलभद्रश् च नन्दगोपगृहे गतः ॥
samādiśya tato gopān akrūro 'pi sakeśavaḥ suṣvāpa balabhadraś ca nandagopagṛhe gataḥ //
Then, having instructed the cowherds, Akrūra too, along with Keśava and Balabhadra, went to the house of Nanda the cowherd and slept.
AI translation rendered from the Sanskrit, not a published edition
BrP 192.12
ततः प्रभाते विमले रामकृष्णौ महाबलौ अक्रूरेण समं गन्तुम् उद्यतौ मथुरां पुरीम् ॥
tataḥ prabhāte vimale rāmakṛṣṇau mahābalau akrūreṇa samaṃ gantum udyatau mathurāṃ purīm //
Then, when the morning was clear, Rāma and Kṛṣṇa of great strength made ready to go with Akrūra to the city of Mathurā.
AI translation rendered from the Sanskrit, not a published edition
BrP 192.13
दृष्ट्वा गोपीजनः सास्रः श्लथद्वलयबाहुकः निश्वसंश् चातिदुःखार्तः प्राह चेदं परस्परम् ॥
dṛṣṭvā gopījanaḥ sāsraḥ ślathadvalayabāhukaḥ niśvasaṃś cātiduḥkhārtaḥ prāha cedaṃ parasparam //
Seeing (this), the gopīs, in tears, their bangles slipping down on their arms, sighing and stricken with intense grief, said this to one another:
AI translation rendered from the Sanskrit, not a published edition
BrP 192.14
मथुरां प्राप्य गोविन्दः कथं गोकुलम् एष्यति नागरस्त्रीकलालापमधु श्रोत्रेण पास्यति ॥
mathurāṃ prāpya govindaḥ kathaṃ gokulam eṣyati nāgarastrīkalālāpamadhu śrotreṇa pāsyati //
"Once he has reached Mathurā, how will Govinda come back to Gokula? He will drink with his ear the honey of the sweet talk of the city women.
AI translation rendered from the Sanskrit, not a published edition
BrP 192.15
विलासिवाक्यजातेषु नागरीणां कृतास्पदम् चित्तम् अस्य कथं ग्राम्यगोपगोपीषु यास्यति ॥
vilāsivākyajāteṣu nāgarīṇāṃ kṛtāspadam cittam asya kathaṃ grāmyagopagopīṣu yāsyati //
His mind, having found its place among the playful speeches of the city women, how will it go out to rustic cowherds and cowherdesses?
AI translation rendered from the Sanskrit, not a published edition
BrP 192.16
सारं समस्तगोष्ठस्य विधिना हरता हरिम् प्रहृतं गोपयोषित्सु निघृणेन दुरात्मना ॥
sāraṃ samastagoṣṭhasya vidhinā haratā harim prahṛtaṃ gopayoṣitsu nighṛṇena durātmanā //
By fate, which is carrying off Hari, the essence of the whole cow-settlement, a blow has been struck at the cowherd women by that pitiless, evil-souled one.
AI translation rendered from the Sanskrit, not a published edition
BrP 192.17
भावगर्भस्मितं वाक्यं विलासललिता गतिः नागरीणाम् अतीवैतत् कटाक्षेक्षितम् एव तु ॥
bhāvagarbhasmitaṃ vākyaṃ vilāsalalitā gatiḥ nāgarīṇām atīvaitat kaṭākṣekṣitam eva tu //
Speech with a smile pregnant with feeling, a gait charming with grace, and above all those sidelong glances—these belong to the city women.
AI translation rendered from the Sanskrit, not a published edition
BrP 192.18
ग्राम्यो हरिर् अयं तासां विलासनिगडैर् यतः भवतीनां पुनः पार्श्वं कया युक्त्या समेष्यति ॥
grāmyo harir ayaṃ tāsāṃ vilāsanigaḍair yataḥ bhavatīnāṃ punaḥ pārśvaṃ kayā yuktyā sameṣyati //
Since this Hari is a rustic, (bound) by the fetters of their charms, by what device will he ever come again to your side?
AI translation rendered from the Sanskrit, not a published edition
BrP 192.19
एषो हि रथम् आरुह्य मथुरां याति केशवः अक्रूरक्रूरकेणापि हताशेन प्रतारितः ॥
eṣo hi ratham āruhya mathurāṃ yāti keśavaḥ akrūrakrūrakeṇāpi hatāśena pratāritaḥ //
For this Keśava, mounting the chariot, is going to Mathurā, deceived even by that cruel little Akrūra ('non-cruel'), the wretch.
AI translation rendered from the Sanskrit, not a published edition
BrP 192.20
किं न वेत्ति नृशंसो ऽयम् अनुरागपरं जनम् येनेमम् अक्षराह्लादं नयत्य् अन्यत्र नो हरिम् ॥
kiṃ na vetti nṛśaṃso 'yam anurāgaparaṃ janam yenemam akṣarāhlādaṃ nayaty anyatra no harim //
Does this cruel man not know a people wholly given to love, in that he takes away elsewhere from us this Hari, whose joy is imperishable?
AI translation rendered from the Sanskrit, not a published edition — the model flagged this verse as uncertain
BrP 192.21
एष रामेण सहितः प्रयात्य् अत्यन्तनिर्घृणः रथम् आरुह्य गोविन्दस् त्वर्यताम् अस्य वारणे ॥
eṣa rāmeṇa sahitaḥ prayāty atyantanirghṛṇaḥ ratham āruhya govindas tvaryatām asya vāraṇe //
This Govinda, utterly pitiless, mounting the chariot, is setting out together with Rāma — let there be haste to stop him!
AI translation rendered from the Sanskrit, not a published edition
BrP 192.22
गुरूणाम् अग्रतो वक्तुं किं ब्रवीषि न नः क्षमम् गुरवः किं करिष्यन्ति दग्धानां विरहाग्निना ॥
gurūṇām agrato vaktuṃ kiṃ bravīṣi na naḥ kṣamam guravaḥ kiṃ kariṣyanti dagdhānāṃ virahāgninā //
What are you saying? It is not proper for us to speak in front of our elders. What will the elders do for us, who are burnt by the fire of separation?
AI translation rendered from the Sanskrit, not a published edition
BrP 192.23
नन्दगोपमुखा गोपा गन्तुम् एते समुद्यताः नोद्यमं कुरुते कश्चिद् गोविन्दविनिवर्तने ॥
nandagopamukhā gopā gantum ete samudyatāḥ nodyamaṃ kurute kaścid govindavinivartane //
These cowherds, headed by Nanda the cowherd, are ready to go; not one of them makes any effort to turn Govinda back.
AI translation rendered from the Sanskrit, not a published edition
BrP 192.24
सुप्रभाताद्य रजनी मथुरावासियोषिताम् यासाम् अच्युतवक्त्राब्जे याति नेत्रालिभोग्यताम् ॥
suprabhātādya rajanī mathurāvāsiyoṣitām yāsām acyutavaktrābje yāti netrālibhogyatām //
Today the night has dawned well for the women dwelling in Mathurā, whose eyes will become bees free to enjoy the lotus of Acyuta's face.
AI translation rendered from the Sanskrit, not a published edition
BrP 192.25
धन्यास् ते पथि ये कृष्णम् इतो यान्तम् अवारिताः उद्वहिष्यन्ति पश्यन्तः स्वदेहं पुलकाञ्चितम् ॥
dhanyās te pathi ye kṛṣṇam ito yāntam avāritāḥ udvahiṣyanti paśyantaḥ svadehaṃ pulakāñcitam //
Fortunate are those on the road who, unhindered, gazing at Kṛṣṇa as he goes from here, will bear a body covered with bristling hair.
AI translation rendered from the Sanskrit, not a published edition
BrP 192.26
मथुरानगरीपौरनयनानां महोत्सवः गोविन्दवदनालोकाद् अतीवाद्य भविष्यति ॥
mathurānagarīpauranayanānāṃ mahotsavaḥ govindavadanālokād atīvādya bhaviṣyati //
Today there will be an exceedingly great festival for the eyes of the townspeople of the city of Mathurā, from the sight of Govinda's face.
AI translation rendered from the Sanskrit, not a published edition
BrP 192.27
को नु स्वप्नः सभाग्याभिर् दृष्टस् ताभिर् अधोक्षजम् विस्तारिकान्तनयना या द्रक्ष्यन्त्य् अनिवारितम् ॥
ko nu svapnaḥ sabhāgyābhir dṛṣṭas tābhir adhokṣajam vistārikāntanayanā yā drakṣyanty anivāritam //
What dream, then, was seen by those fortunate women who, with wide-opened lovely eyes, will behold Adhokṣaja unhindered?
AI translation rendered from the Sanskrit, not a published edition
BrP 192.28
अहो गोपीजनस्यास्य दर्शयित्वा महानिधिम् उद्धृतान्य् अद्य नेत्राणि विधात्राकरुणात्मना ॥
aho gopījanasyāsya darśayitvā mahānidhim uddhṛtāny adya netrāṇi vidhātrākaruṇātmanā //
Alas, having shown this cowherd folk a great treasure, the Creator, whose nature is pitiless, has today torn out their eyes.
AI translation rendered from the Sanskrit, not a published edition
BrP 192.29
अनुरागेण शैथिल्यम् अस्मासु व्रजतो हरेः शैथिल्यम् उपयान्त्य् आशु करेषु वलयान्य् अपि ॥
anurāgeṇa śaithilyam asmāsu vrajato hareḥ śaithilyam upayānty āśu kareṣu valayāny api //
As Hari departs, with love (there comes) a slackening in us; and the bangles too on our arms quickly grow loose.
AI translation rendered from the Sanskrit, not a published edition
BrP 192.30
अक्रूरः क्रूरहृदयः शीघ्रं प्रेरयते हयान् एवम् आर्तासु योषित्सु घृणा कस्य न जायते ॥
akrūraḥ krūrahṛdayaḥ śīghraṃ prerayate hayān evam ārtāsu yoṣitsu ghṛṇā kasya na jāyate //
Akrūra, cruel of heart, urges the horses on swiftly. When women are thus afflicted, in whom does pity not arise?
AI translation rendered from the Sanskrit, not a published edition
BrP 192.31
हे हे कृष्ण रथस्योच्चैश् चक्ररेणुर् निरीक्ष्यताम् दूरीकृतो हरिर् येन सो ऽपि रेणुर् न लक्ष्यते ॥
he he kṛṣṇa rathasyoccaiś cakrareṇur nirīkṣyatām dūrīkṛto harir yena so 'pi reṇur na lakṣyate //
Hey, hey! Kṛṣṇa! Look at the dust of the chariot wheels high (in the air)! Even that dust, by which Hari has been carried far away, is no longer visible.
AI translation rendered from the Sanskrit, not a published edition
BrP 192.32
इत्य् एवम् अतिहार्देन गोपीजननिरीक्षितः तत्याज व्रजभूभागं सह रामेण केशवः ॥
ity evam atihārdena gopījananirīkṣitaḥ tatyāja vrajabhūbhāgaṃ saha rāmeṇa keśavaḥ //
Thus watched with the deepest affection by the cowherd women, Keśava, together with Rāma, left the region of Vraja.
AI translation rendered from the Sanskrit, not a published edition
BrP 192.33
गच्छन्तो जवनाश्वेन रथेन यमुनातटम् प्राप्ता मध्याह्नसमये रामाक्रूरजनार्दनाः ॥
gacchanto javanāśvena rathena yamunātaṭam prāptā madhyāhnasamaye rāmākrūrajanārdanāḥ //
Going with the chariot drawn by swift horses, Rāma, Akrūra and Janārdana reached the bank of the Yamunā at the time of midday.
AI translation rendered from the Sanskrit, not a published edition
BrP 192.34
अथाह कृष्णम् अक्रूरो भवद्भ्यां तावद् आस्यताम् यावत् करोमि कालिन्द्याम् आह्निकार्हणम् अम्भसि ॥
athāha kṛṣṇam akrūro bhavadbhyāṃ tāvad āsyatām yāvat karomi kālindyām āhnikārhaṇam ambhasi //
Then Akrūra said to Kṛṣṇa: "Let the two of you remain here for as long as I perform my daily worship in the water of the Kālindī."
AI translation rendered from the Sanskrit, not a published edition
BrP 192.35
तथेत्य् उक्ते ततः स्नातः स्वाचान्तः स महामतिः दध्यौ ब्रह्म परं विप्राः प्रविश्य यमुनाजले ॥
tathety ukte tataḥ snātaḥ svācāntaḥ sa mahāmatiḥ dadhyau brahma paraṃ viprāḥ praviśya yamunājale //
When "So be it" had been said, that man of great mind then bathed, rinsed his mouth, and, entering the water of the Yamunā, meditated on the supreme Brahman, O brāhmins.
AI translation rendered from the Sanskrit, not a published edition
BrP 192.36
फणासहस्रमालाढ्यं बलभद्रं ददर्श सः कुन्दामलाङ्गम् उन्निद्रपद्मपत्त्रायतेक्षणम् ॥
phaṇāsahasramālāḍhyaṃ balabhadraṃ dadarśa saḥ kundāmalāṅgam unnidrapadmapattrāyatekṣaṇam //
He saw Balabhadra, adorned with a garland of a thousand hoods, his body spotless as jasmine, with long eyes like the petals of an open lotus,
AI translation rendered from the Sanskrit, not a published edition
BrP 192.37
वृतं वासुकिडिम्भौघैर् महद्भिः पवनाशिभिः संस्तूयमानम् उद्गन्धिवनमालाविभूषितम् ॥
vṛtaṃ vāsukiḍimbhaughair mahadbhiḥ pavanāśibhiḥ saṃstūyamānam udgandhivanamālāvibhūṣitam //
surrounded by throngs of the great wind-eating offspring of Vāsuki, being praised (by them), decorated with a fragrant forest-garland,
AI translation rendered from the Sanskrit, not a published edition
BrP 192.38
दधानम् असिते वस्त्रे चारुरूपावतंसकम् चारुकुण्डलिनं मत्तम् अन्तर्जलतले स्थितम् ॥
dadhānam asite vastre cārurūpāvataṃsakam cārukuṇḍalinaṃ mattam antarjalatale sthitam //
wearing dark garments, with beautiful ear-ornaments of lovely form, with lovely earrings, intoxicated, standing beneath the surface of the water;
AI translation rendered from the Sanskrit, not a published edition
BrP 192.39
तस्योत्सङ्गे घनश्यामम् आताम्रायतलोचनम् चतुर्बाहुम् उदाराङ्गं चक्राद्यायुधभूषणम् ॥
tasyotsaṅge ghanaśyāmam ātāmrāyatalocanam caturbāhum udārāṅgaṃ cakrādyāyudhabhūṣaṇam //
and in his lap (he saw one) dark as a cloud, with long, reddish eyes, four-armed, of noble limbs, adorned with the discus and his other weapons,
AI translation rendered from the Sanskrit, not a published edition
BrP 192.40
पीते वसानं वसने चित्रमाल्यविभूषितम् शक्रचापतडिन्मालाविचित्रम् इव तोयदम् ॥
pīte vasānaṃ vasane citramālyavibhūṣitam śakracāpataḍinmālāvicitram iva toyadam //
clad in yellow garments, decorated with a many-coloured garland, like a raincloud made variegated by Indra's bow and streaks of lightning —
AI translation rendered from the Sanskrit, not a published edition
BrP 192.41
श्रीवत्सवक्षसं चारुकेयूरमुकुटोज्ज्वलम् ददर्श कृष्णम् अक्लिष्टं पुण्डरीकावतंसकम् ॥
śrīvatsavakṣasaṃ cārukeyūramukuṭojjvalam dadarśa kṛṣṇam akliṣṭaṃ puṇḍarīkāvataṃsakam //
He saw Kṛṣṇa, unwearied, bearing the śrīvatsa on his chest, radiant with lovely armlets and a diadem, with a lotus for his ear-ornament.
AI translation rendered from the Sanskrit, not a published edition
BrP 192.42
सनन्दनाद्यैर् मुनिभिः सिद्धयोगैर् अकल्मषैः संचिन्त्यमानं मनसा नासाग्रन्यस्तलोचनैः ॥
sanandanādyair munibhiḥ siddhayogair akalmaṣaiḥ saṃcintyamānaṃ manasā nāsāgranyastalocanaiḥ //
(He was) being meditated upon in the mind by sages beginning with Sanandana, perfected in yoga and free of stain, their eyes fixed on the tip of the nose.
AI translation rendered from the Sanskrit, not a published edition
BrP 192.43
बलकृष्णौ तदाक्रूरः प्रत्यभिज्ञाय विस्मितः अचिन्तयद् अथो शीघ्रं कथम् अत्रागताव् इति ॥
balakṛṣṇau tadākrūraḥ pratyabhijñāya vismitaḥ acintayad atho śīghraṃ katham atrāgatāv iti //
Then Akrūra, recognizing Balarāma and Kṛṣṇa, was astonished, and thought: "How is it that the two have come here so quickly?"
AI translation rendered from the Sanskrit, not a published edition
BrP 192.44
विवक्षोः स्तम्भयाम् आस वाचं तस्य जनार्दनः ततो निष्क्रम्य सलिलाद् रथम् अभ्यागतः पुनः ॥
vivakṣoḥ stambhayām āsa vācaṃ tasya janārdanaḥ tato niṣkramya salilād ratham abhyāgataḥ punaḥ //
As he wished to speak, Janārdana held back his speech; then, emerging from the water, he came back to the chariot.
AI translation rendered from the Sanskrit, not a published edition
BrP 192.45
ददर्श तत्र चैवोभौ रथस्योपरि संस्थितौ रामकृष्णौ यथा पूर्वं मनुष्यवपुषान्वितौ ॥
dadarśa tatra caivobhau rathasyopari saṃsthitau rāmakṛṣṇau yathā pūrvaṃ manuṣyavapuṣānvitau //
And there he saw them both, Rāma and Kṛṣṇa, seated upon the chariot as before, endowed with human form.
AI translation rendered from the Sanskrit, not a published edition
BrP 192.46
निमग्नश् च पुनस् तोये ददृशे स तथैव तौ संस्तूयमानौ गन्धर्वैर् मुनिसिद्धमहोरगैः ॥
nimagnaś ca punas toye dadṛśe sa tathaiva tau saṃstūyamānau gandharvair munisiddhamahoragaiḥ //
And when he had plunged into the water again, he saw the two of them just as before, being praised by gandharvas, sages, siddhas and great serpents.
AI translation rendered from the Sanskrit, not a published edition
BrP 192.47
ततो विज्ञातसद्भावः स तु दानपतिस् तदा तुष्टाव सर्वविज्ञानमयम् अच्युतम् ईश्वरम् ॥
tato vijñātasadbhāvaḥ sa tu dānapatis tadā tuṣṭāva sarvavijñānamayam acyutam īśvaram //
Then that lord of gifts, having understood their true nature, praised the imperishable Lord, who consists of all knowledge.
AI translation rendered from the Sanskrit, not a published edition
BrP 192.48
तन्मात्ररूपिणे ऽचिन्त्यमहिम्ने परमात्मने व्यापिने नैकरूपैकस्वरूपाय नमो नमः ॥
tanmātrarūpiṇe 'cintyamahimne paramātmane vyāpine naikarūpaikasvarūpāya namo namaḥ //
Homage, homage to him whose form is the subtle elements (tanmātras), whose greatness is unthinkable, the supreme Self, all-pervading, whose single essential nature is not one single form.
AI translation rendered from the Sanskrit, not a published edition
BrP 192.49
शब्दरूपाय ते ऽचिन्त्यहविर्भूताय ते नमः नमो विज्ञानरूपाय पराय प्रकृतेः प्रभो ॥
śabdarūpāya te 'cintyahavirbhūtāya te namaḥ namo vijñānarūpāya parāya prakṛteḥ prabho //
Homage to you whose form is sound, homage to you who have become the unthinkable oblation; homage to you whose form is knowledge, who are beyond primal matter, O Lord.
AI translation rendered from the Sanskrit, not a published edition
BrP 192.50
भूतात्मा चेन्द्रियात्मा च प्रधानात्मा तथा भवान् आत्मा च परमात्मा च त्वम् एकः पञ्चधा स्थितः ॥
bhūtātmā cendriyātmā ca pradhānātmā tathā bhavān ātmā ca paramātmā ca tvam ekaḥ pañcadhā sthitaḥ //
You are the self of the elements, the self of the senses, and likewise the self of the primal nature (pradhāna), and the individual self, and the supreme Self: you, being one, abide in five ways.
AI translation rendered from the Sanskrit, not a published edition
BrP 192.51
प्रसीद सर्वधर्मात्मन् क्षराक्षर महेश्वर ब्रह्मविष्णुशिवाद्याभिः कल्पनाभिर् उदीरितः ॥
prasīda sarvadharmātman kṣarākṣara maheśvara brahmaviṣṇuśivādyābhiḥ kalpanābhir udīritaḥ //
Be gracious, O Self of all dharmas, O perishable and imperishable, great Lord, you who are named by the constructs "Brahmā," "Viṣṇu," "Śiva" and the rest.
AI translation rendered from the Sanskrit, not a published edition
BrP 192.52
अनाख्येयस्वरूपात्मन्न् अनाख्येयप्रयोजन अनाख्येयाभिधान त्वां नतो ऽस्मि परमेश्वरम् ॥
anākhyeyasvarūpātmann anākhyeyaprayojana anākhyeyābhidhāna tvāṃ nato 'smi parameśvaram //
O you whose own nature and self cannot be told, whose purpose cannot be told, whose designation cannot be told—I bow to you, the supreme Lord.
AI translation rendered from the Sanskrit, not a published edition
BrP 192.53
न यत्र नाथ विद्यन्ते नामजात्यादिकल्पनाः तद् ब्रह्म परमं नित्यम् अविकारि भवान् अजः ॥
na yatra nātha vidyante nāmajātyādikalpanāḥ tad brahma paramaṃ nityam avikāri bhavān ajaḥ //
That in which, O Lord, no constructs of name and class and the rest exist—that supreme, eternal, unchanging brahman is you, the unborn.
AI translation rendered from the Sanskrit, not a published edition
BrP 192.54
न कल्पनाम् ऋते ऽर्थस्य सर्वस्याधिगमो यतः ततः कृष्णाच्युतानन्त विष्णुसंज्ञाभिर् ईड्यसे ॥
na kalpanām ṛte 'rthasya sarvasyādhigamo yataḥ tataḥ kṛṣṇācyutānanta viṣṇusaṃjñābhir īḍyase //
Since without a construct there is no grasping of any object at all, therefore you are praised by the names Kṛṣṇa, Acyuta, Ananta, Viṣṇu.
AI translation rendered from the Sanskrit, not a published edition
BrP 192.55
सर्वात्मंस् त्वम् अज विकल्पनाभिर् एतैर् देवास् त्वं जगद् अखिलं त्वम् एव विश्वम् विश्वात्मंस् त्वम् अतिविकारभेदहीनः सर्वस्मिन् नहि भवतो ऽस्ति किंचिद् अन्यत्
sarvātmaṃs tvam aja vikalpanābhir etair devās tvaṃ jagad akhilaṃ tvam eva viśvam viśvātmaṃs tvam ativikārabhedahīnaḥ sarvasmin nahi bhavato 'sti kiṃcid anyat
O Self of all, O unborn one, by these constructs you are the gods, you are the whole world, you yourself are the universe; O Self of the universe, you are wholly free of change and of division—in all this there is nothing whatever other than you.
AI translation rendered from the Sanskrit, not a published edition
BrP 192.56
त्वं ब्रह्मा पशुपतिर् अर्यमा विधाता त्वं धाता त्रिदशपतिः समीरणो ऽग्निः तोयेशो धनपतिर् अन्तकस् त्वम् एको भिन्नात्मा जगद् अपि पासि शक्तिभेदैः
tvaṃ brahmā paśupatir aryamā vidhātā tvaṃ dhātā tridaśapatiḥ samīraṇo 'gniḥ toyeśo dhanapatir antakas tvam eko bhinnātmā jagad api pāsi śaktibhedaiḥ
You are Brahmā, Paśupati, Aryaman, Vidhātā; you are Dhātā, the lord of the thirty gods, the wind, fire, the lord of the waters, the lord of wealth, the ender (Yama); you, one yet with divided self, also protect the world by your distinctions of power.
AI translation rendered from the Sanskrit, not a published edition
BrP 192.57
विश्वं भवान् सृजति हन्ति गभस्तिरूपो विश्वं च ते गुणमयो ऽयम् अज प्रपञ्चः रूपं परं सदितिवाचकम् अक्षरं यज् ज्ञानात्मने सदसते प्रणतो ऽस्मि तस्मै
viśvaṃ bhavān sṛjati hanti gabhastirūpo viśvaṃ ca te guṇamayo 'yam aja prapañcaḥ rūpaṃ paraṃ saditivācakam akṣaraṃ yaj jñānātmane sadasate praṇato 'smi tasmai
You, in the form of the sun's rays, create and destroy the universe; and this universe, made of the guṇas, is your display, O unborn one. That highest imperishable form which is denoted by the word "being"—to that, whose self is knowledge, being and non-being, I bow.
AI translation rendered from the Sanskrit, not a published edition
BrP 192.58
ॐ नमो वासुदेवाय नमः संकर्षणाय च प्रद्युम्नाय नमस् तुभ्यम् अनिरुद्धाय ते नमः ॥
oṃ namo vāsudevāya namaḥ saṃkarṣaṇāya ca pradyumnāya namas tubhyam aniruddhāya te namaḥ //
Oṃ, homage to Vāsudeva, and homage to Saṃkarṣaṇa; homage to you, Pradyumna; homage to you, Aniruddha.
AI translation rendered from the Sanskrit, not a published edition
BrP 192.59
एवम् अन्तर् जले कृष्णम् अभिष्टूय स यादवः अर्घयाम् आस सर्वेशं धूपपुष्पैर् मनोमयैः ॥
evam antar jale kṛṣṇam abhiṣṭūya sa yādavaḥ arghayām āsa sarveśaṃ dhūpapuṣpair manomayaiḥ //
Thus, within the water, that Yādava, having praised Kṛṣṇa, offered worship to the Lord of all with incense and flowers made of mind.
AI translation rendered from the Sanskrit, not a published edition
BrP 192.60
परित्यज्यान्यविषयं मनस् तत्र निवेश्य सः ब्रह्मभूते चिरं स्थित्वा विरराम समाधितः ॥
parityajyānyaviṣayaṃ manas tatra niveśya saḥ brahmabhūte ciraṃ sthitvā virarāma samādhitaḥ //
Abandoning every other object (of thought) and fixing his mind there, he remained long in that state of being brahman, and ceased (from praise), absorbed in samādhi.
AI translation rendered from the Sanskrit, not a published edition
BrP 192.61
कृतकृत्यम् इवात्मानं मन्यमानो द्विजोत्तमाः आजगाम रथं भूयो निर्गम्य यमुनाम्भसः ॥
kṛtakṛtyam ivātmānaṃ manyamāno dvijottamāḥ ājagāma rathaṃ bhūyo nirgamya yamunāmbhasaḥ //
Considering himself as one whose task was as good as accomplished, O best of brahmins, he came out of the water of the Yamunā and returned again to the chariot.
AI translation rendered from the Sanskrit, not a published edition
BrP 192.62
रामकृष्णौ ददर्शाथ यथापूर्वम् अवस्थितौ विस्मिताक्षं तदाक्रूरं तं च कृष्णो ऽभ्यभाषत ॥
rāmakṛṣṇau dadarśātha yathāpūrvam avasthitau vismitākṣaṃ tadākrūraṃ taṃ ca kṛṣṇo 'bhyabhāṣata //
Then he saw Rāma and Kṛṣṇa seated just as before; and Kṛṣṇa spoke to that Akrūra, whose eyes were full of amazement.
AI translation rendered from the Sanskrit, not a published edition
BrP 192.63
किं त्वया दृष्टम् आश्चर्यम् अक्रूर यमुनाजले विस्मयोत्फुल्लनयनो भवान् संलक्ष्यते यतः ॥
kiṃ tvayā dṛṣṭam āścaryam akrūra yamunājale vismayotphullanayano bhavān saṃlakṣyate yataḥ //
"What marvel did you see, Akrūra, in the water of the Yamunā? For you appear with your eyes wide open in wonder."
AI translation rendered from the Sanskrit, not a published edition
BrP 192.64
अन्तर् जले यद् आश्चर्यं दृष्टं तत्र मयाच्युत तद् अत्रैव हि पश्यामि मूर्तिमत् पुरतः स्थितम् ॥
antar jale yad āścaryaṃ dṛṣṭaṃ tatra mayācyuta tad atraiva hi paśyāmi mūrtimat purataḥ sthitam //
"The marvel that was seen by me there within the water, O Acyuta — that very thing I now see here, standing embodied before me.
AI translation rendered from the Sanskrit, not a published edition
BrP 192.65
जगद् एतन् महाश्चर्यरूपं यस्य महात्मनः तेनाश्चर्यपरेणाहं भवता कृष्ण संगतः ॥
jagad etan mahāścaryarūpaṃ yasya mahātmanaḥ tenāścaryapareṇāhaṃ bhavatā kṛṣṇa saṃgataḥ //
This world is the form of that great-souled one's supreme marvel; with you, Kṛṣṇa, who are beyond all marvels, I have come together.
AI translation rendered from the Sanskrit, not a published edition
BrP 192.66
तत् किम् एतेन मथुरां प्रयामो मधुसूदन बिभेमि कंसाद् धिग् जन्म परपिण्डोपजीविनः ॥
tat kim etena mathurāṃ prayāmo madhusūdana bibhemi kaṃsād dhig janma parapiṇḍopajīvinaḥ //
So why go to Mathurā with this fellow, O slayer of Madhu? I am afraid of Kaṃsa. Fie on the birth of one who lives off another's food!"
AI translation rendered from the Sanskrit, not a published edition
BrP 192.67
इत्य् उक्त्वा चोदयाम् आस तान् हयान् वातरंहसः संप्राप्तश् चापि सायाह्ने सो ऽक्रूरो मथुरां पुरीम् विलोक्य मथुरां कृष्णं रामं चाह स यादवः ॥
ity uktvā codayām āsa tān hayān vātaraṃhasaḥ saṃprāptaś cāpi sāyāhne so 'krūro mathurāṃ purīm vilokya mathurāṃ kṛṣṇaṃ rāmaṃ cāha sa yādavaḥ //
Having said this, he urged on those horses swift as the wind; and that Akrūra reached the city of Mathurā in the evening. Looking at Mathurā, that Yādava spoke to Kṛṣṇa and Rāma.
AI translation rendered from the Sanskrit, not a published edition
BrP 192.68
पद्भ्यां यातं महावीर्यौ रथेनैको विशाम्य् अहम् गन्तव्यं वसुदेवस्य नो भवद्भ्यां तथा गृहे युवयोर् हि कृते वृद्धः कंसेन स निरस्यते ॥
padbhyāṃ yātaṃ mahāvīryau rathenaiko viśāmy aham gantavyaṃ vasudevasya no bhavadbhyāṃ tathā gṛhe yuvayor hi kṛte vṛddhaḥ kaṃsena sa nirasyate //
"Go on foot, you two of great valour; I shall enter alone with the chariot. Neither we nor you two should go to Vasudeva's house, for on your account that old man is being cast out by Kaṃsa."
AI translation rendered from the Sanskrit, not a published edition
BrP 192.69
इत्य् उक्त्वा प्रविवेशासाव् अक्रूरो मथुरां पुरीम् प्रविष्टौ रामकृष्णौ च राजमार्गम् उपागतौ ॥
ity uktvā praviveśāsāv akrūro mathurāṃ purīm praviṣṭau rāmakṛṣṇau ca rājamārgam upāgatau //
Having said this, that Akrūra entered the city of Mathurā; and Rāma and Kṛṣṇa, having entered, came to the royal highway.
AI translation rendered from the Sanskrit, not a published edition
BrP 192.70
स्त्रीभिर् नरैश् च सानन्दलोचनैर् अभिविक्षितौ जग्मतुर् लीलया वीरौ प्राप्तौ बालगजाव् इव ॥
strībhir naraiś ca sānandalocanair abhivikṣitau jagmatur līlayā vīrau prāptau bālagajāv iva //
Gazed upon by women and men with delighted eyes, the two heroes went along playfully, like two young elephants that had arrived.
AI translation rendered from the Sanskrit, not a published edition
BrP 192.71
भ्रममाणौ तु तौ दृष्ट्वा रजकं रङ्गकारकम् अयाचेतां स्वरूपाणि वासांसि रुचिराणि तौ ॥
bhramamāṇau tu tau dṛṣṭvā rajakaṃ raṅgakārakam ayācetāṃ svarūpāṇi vāsāṃsi rucirāṇi tau //
As they roamed about, seeing a washerman who was a dyer, the two of them asked for beautiful garments suited to their own forms.
AI translation rendered from the Sanskrit, not a published edition
BrP 192.72
कंसस्य रजकः सो ऽथ प्रसादारूढविस्मयः बहून्य् आक्षेपवाक्यानि प्राहोच्चै रामकेशवौ ॥
kaṃsasya rajakaḥ so 'tha prasādārūḍhavismayaḥ bahūny ākṣepavākyāni prāhoccai rāmakeśavau //
That washerman of Kaṃsa's, his astonishment mounting at (their) presumption, loudly uttered many insulting words to Rāma and Keśava.
AI translation rendered from the Sanskrit, not a published edition — the model flagged this verse as uncertain
BrP 192.73
ततस् तलप्रहारेण कृष्णस् तस्य दुरात्मनः पातयाम् आस कोपेन रजकस्य शिरो भुवि ॥
tatas talaprahāreṇa kṛṣṇas tasya durātmanaḥ pātayām āsa kopena rajakasya śiro bhuvi //
Then with a blow of his palm Kṛṣṇa, in anger, made the head of that evil-minded washerman fall to the ground.
AI translation rendered from the Sanskrit, not a published edition
BrP 192.74
हत्वादाय च वस्त्राणि पीतनीलाम्बरौ ततः कृष्णरामौ मुदायुक्तौ मालाकारगृहं गतौ ॥
hatvādāya ca vastrāṇi pītanīlāmbarau tataḥ kṛṣṇarāmau mudāyuktau mālākāragṛhaṃ gatau //
And having killed him and taken the garments, Kṛṣṇa and Rāma, then clad in yellow and blue robes, went joyfully to the house of a garland-maker.
AI translation rendered from the Sanskrit, not a published edition
BrP 192.75
विकासिनेत्रयुगलो मालाकारो ऽतिविस्मितः एतौ कस्य कुतो यातौ मनसाचिन्तयत् ततः ॥
vikāsinetrayugalo mālākāro 'tivismitaḥ etau kasya kuto yātau manasācintayat tataḥ //
The garland-maker, his two eyes opened wide, greatly amazed, then thought in his mind: "Whose are these two, and from where have they come?"
AI translation rendered from the Sanskrit, not a published edition
BrP 192.76
पीतनीलाम्बरधरौ दृष्ट्वातिसुमनोहरौ स तर्कयाम् आस तदा भुवं देवाव् उपागतौ ॥
pītanīlāmbaradharau dṛṣṭvātisumanoharau sa tarkayām āsa tadā bhuvaṃ devāv upāgatau //
Seeing the two, wearing yellow and blue robes, exceedingly charming, he then supposed that two gods had come down to earth.
AI translation rendered from the Sanskrit, not a published edition
BrP 192.77
विकाशिमुखपद्माभ्यां ताभ्यां पुष्पाणि याचितः भुवं विष्टभ्य हस्ताभ्यां पस्पर्श शिरसा महीम् ॥
vikāśimukhapadmābhyāṃ tābhyāṃ puṣpāṇi yācitaḥ bhuvaṃ viṣṭabhya hastābhyāṃ pasparśa śirasā mahīm //
Asked for flowers by those two, whose faces were blooming lotuses, he propped himself on the ground with his hands and touched the earth with his head.
AI translation rendered from the Sanskrit, not a published edition
BrP 192.78
प्रसादसुमुखौ नाथौ मम गेहम् उपागतौ धन्यो ऽहम् अर्चयिष्यामीत्य् आह तौ माल्यजीविकः ॥
prasādasumukhau nāthau mama geham upāgatau dhanyo 'ham arcayiṣyāmīty āha tau mālyajīvikaḥ //
"My lords, with faces gracious in favour, have come to my house; I am blessed — I shall worship you" — so that man who lived by garlands said to them.
AI translation rendered from the Sanskrit, not a published edition
BrP 192.79
ततः प्रहृष्टवदनस् तयोः पुष्पाणि कामतः चारूण्य् एतानि चैतानि प्रददौ स विलोभयन् ॥
tataḥ prahṛṣṭavadanas tayoḥ puṣpāṇi kāmataḥ cārūṇy etāni caitāni pradadau sa vilobhayan //
Then, with a delighted face, he gave them flowers as they wished, enticing them: "These are lovely, and these too."
AI translation rendered from the Sanskrit, not a published edition
BrP 192.80
पुनः पुनः प्रणम्यासौ मालाकारोत्तमो ददौ पुष्पाणि ताभ्यां चारूणि गन्धवन्त्य् अमलानि च ॥
punaḥ punaḥ praṇamyāsau mālākārottamo dadau puṣpāṇi tābhyāṃ cārūṇi gandhavanty amalāni ca //
Bowing again and again, that best of garland-makers gave them flowers, lovely, fragrant and spotless.
AI translation rendered from the Sanskrit, not a published edition
BrP 192.81
मालाकाराय कृष्णो ऽपि प्रसन्नः प्रददौ वरम् श्रीस् त्वां मत्संश्रया भद्र न कदाचित् त्यजिष्यति ॥
mālākārāya kṛṣṇo 'pi prasannaḥ pradadau varam śrīs tvāṃ matsaṃśrayā bhadra na kadācit tyajiṣyati //
To the garland-maker Kṛṣṇa too, being pleased, granted a boon: "Śrī, who has taken refuge in me, will never abandon you, good man.
AI translation rendered from the Sanskrit, not a published edition
BrP 192.82
बलहानिर् न ते सौम्य धनहानिर् अथापि वा यावद् धरणिसूर्यौ च संततिः पुत्रपौत्रिकी ॥
balahānir na te saumya dhanahānir athāpi vā yāvad dharaṇisūryau ca saṃtatiḥ putrapautrikī //
You will suffer no loss of strength, gentle one, nor any loss of wealth, and your line of sons and grandsons (will continue) as long as the earth and the sun (endure).
AI translation rendered from the Sanskrit, not a published edition
BrP 192.83
भुक्त्वा च विपुलान् भोगांस् त्वम् अन्ते मत्प्रसादतः ममानुस्मरणं प्राप्य दिव्यलोकम् अवाप्स्यसि ॥
bhuktvā ca vipulān bhogāṃs tvam ante matprasādataḥ mamānusmaraṇaṃ prāpya divyalokam avāpsyasi //
And having enjoyed abundant pleasures, at the end, by my grace, you will attain the remembrance of me and reach the divine world.
AI translation rendered from the Sanskrit, not a published edition
BrP 192.84
धर्मे मनश् च ते भद्र सर्वकालं भविष्यति युष्मत्संततिजातानां दीर्घम् आयुर् भविष्यति ॥
dharme manaś ca te bhadra sarvakālaṃ bhaviṣyati yuṣmatsaṃtatijātānāṃ dīrgham āyur bhaviṣyati //
And your mind, good man, will be set on dharma for all time; those born in your line will have long life.
AI translation rendered from the Sanskrit, not a published edition
BrP 192.85
नोपसर्गादिकं दोषं युष्मत्संततिसंभवः अवाप्स्यति महाभाग यावत् सूर्यो भविष्यति ॥
nopasargādikaṃ doṣaṃ yuṣmatsaṃtatisaṃbhavaḥ avāpsyati mahābhāga yāvat sūryo bhaviṣyati //
No affliction such as plague or other calamity will befall one born in your line, greatly fortunate one, as long as the sun shall be.
AI translation rendered from the Sanskrit, not a published edition
BrP 192.86
इत्य् उक्त्वा तद्गृहात् कृष्णो बलदेवसहायवान् निर्जगाम मुनिश्रेष्ठा मालाकारेण पूजितः ॥
ity uktvā tadgṛhāt kṛṣṇo baladevasahāyavān nirjagāma muniśreṣṭhā mālākāreṇa pūjitaḥ //
Having said this, Kṛṣṇa, accompanied by Baladeva, went out from his house, best of sages, honoured by the garland-maker.
AI translation rendered from the Sanskrit, not a published edition