Brahma Purana — Chapter 189
BrP 189.1
गते शक्रे तु गोपालाः कृष्णम् अक्लिष्टकारिणम् ऊचुः प्रीत्या धृतं दृष्ट्वा तेन गोवर्धनाचलम् ॥
gate śakre tu gopālāḥ kṛṣṇam akliṣṭakāriṇam ūcuḥ prītyā dhṛtaṃ dṛṣṭvā tena govardhanācalam //
But when Śakra had gone, the cowherds, having seen Mount Govardhana held up by him, spoke with affection to Kṛṣṇa, the doer of deeds without effort:
AI translation rendered from the Sanskrit, not a published edition
BrP 189.2
वयम् अस्मान् महाभाग भवता महतो भयात् गावश् च भवता त्राता गिरिधारणकर्मणा ॥
vayam asmān mahābhāga bhavatā mahato bhayāt gāvaś ca bhavatā trātā giridhāraṇakarmaṇā //
"O greatly fortunate one, we were saved by you from a great danger, and the cows too (were saved) by you, by the act of holding up the mountain.
AI translation rendered from the Sanskrit, not a published edition
BrP 189.3
बालक्रीडेयम् अतुला गोपालत्वं जुगुप्सितम् दिव्यं च कर्म भवतः किम् एतत् तात कथ्यताम् ॥
bālakrīḍeyam atulā gopālatvaṃ jugupsitam divyaṃ ca karma bhavataḥ kim etat tāta kathyatām //
This child's play (of yours) is unmatched, and cowherd-status is something contemptible, yet your deed is divine — what is this, dear one? Let it be told.
AI translation rendered from the Sanskrit, not a published edition
BrP 189.4
कालियो दमितस् तोये प्रलम्बो विनिपातितः धृतो गोवर्धनश् चायं शङ्कितानि मनांसि नः ॥
kāliyo damitas toye pralambo vinipātitaḥ dhṛto govardhanaś cāyaṃ śaṅkitāni manāṃsi naḥ //
Kāliya was subdued in the water, Pralamba was struck down, and this Govardhana was held up: our minds have become doubtful.
AI translation rendered from the Sanskrit, not a published edition
BrP 189.5
सत्यं सत्यं हरेः पादौ श्रयामो ऽमितविक्रम यथा त्वद्वीर्यम् आलोक्य न त्वां मन्यामहे नरम् ॥
satyaṃ satyaṃ hareḥ pādau śrayāmo 'mitavikrama yathā tvadvīryam ālokya na tvāṃ manyāmahe naram //
Truly, truly, O you of measureless valour, we take refuge at the feet of Hari, since, seeing your heroism, we do not consider you a man.
AI translation rendered from the Sanskrit, not a published edition
BrP 189.6
देवो वा दानवो वा त्वं यक्षो गन्धर्व एव वा किं चास्माकं विचारेण बान्धवो ऽस्ति नमो ऽस्तु ते ॥
devo vā dānavo vā tvaṃ yakṣo gandharva eva vā kiṃ cāsmākaṃ vicāreṇa bāndhavo 'sti namo 'stu te //
Whether you are a god or a dānava, a yakṣa or even a gandharva — and what is the use of our deliberating? You are our kinsman. Homage be to you.
AI translation rendered from the Sanskrit, not a published edition
BrP 189.7
प्रीतिः सस्त्रीकुमारस्य व्रजस्य तव केशव कर्म चेदम् अशक्यं यत् समस्तैस् त्रिदशैर् अपि ॥
prītiḥ sastrīkumārasya vrajasya tava keśava karma cedam aśakyaṃ yat samastais tridaśair api //
O Keśava, the cow-station, with its women and children, has affection for you; and this deed is one impossible even for all the thirty (gods) together.
AI translation rendered from the Sanskrit, not a published edition
BrP 189.8
बालत्वं चातिवीर्यं च जन्म चास्मास्व् अशोभनम् चिन्त्यमानम् अमेयात्मञ् शङ्कां कृष्ण प्रयच्छति ॥
bālatvaṃ cātivīryaṃ ca janma cāsmāsv aśobhanam cintyamānam ameyātmañ śaṅkāṃ kṛṣṇa prayacchati //
Your childhood, your excessive might, and your birth among us — unbefitting (as it is) — when pondered, O Kṛṣṇa of immeasurable self, it yields doubt."
AI translation rendered from the Sanskrit, not a published edition
BrP 189.9
क्षणं भूत्वा त्व् असौ तूष्णीं किंचित् प्रणयकोपवान् इत्य् एवम् उक्तस् तैर् गोपैर् आह कृष्णो द्विजोत्तमाः ॥
kṣaṇaṃ bhūtvā tv asau tūṣṇīṃ kiṃcit praṇayakopavān ity evam uktas tair gopair āha kṛṣṇo dvijottamāḥ //
He remained silent for a moment, somewhat angered out of affection; thus addressed by those cowherds, Kṛṣṇa spoke, O best of brahmins:
AI translation rendered from the Sanskrit, not a published edition
BrP 189.10
मत्संबन्धेन वो गोपा यदि लज्जा न जायते श्लाघ्यो वाहं ततः किं वो विचारेण प्रयोजनम् ॥
matsaṃbandhena vo gopā yadi lajjā na jāyate ślāghyo vāhaṃ tataḥ kiṃ vo vicāreṇa prayojanam //
"Cowherds, if no shame arises in you from your kinship with me, or if I am praiseworthy to you, then what need have you of deliberating?
AI translation rendered from the Sanskrit, not a published edition
BrP 189.11
यदि वो ऽस्ति मयि प्रीतिः श्लाघ्यो ऽहं भवतां यदि तद् अर्घा बन्धुसदृशी बान्धवाः क्रियतां मयि ॥
yadi vo 'sti mayi prītiḥ ślāghyo 'haṃ bhavatāṃ yadi tad arghā bandhusadṛśī bāndhavāḥ kriyatāṃ mayi //
If you have affection for me, if I am praiseworthy to you, then let honour befitting a kinsman be shown me by you, my kinsmen.
AI translation rendered from the Sanskrit, not a published edition — the model flagged this verse as uncertain
BrP 189.12
नाहं देवो न गन्धर्वो न यक्षो न च दानवः अहं वो बान्धवो जातो नातश् चिन्त्यम् अतो ऽन्यथा ॥
nāhaṃ devo na gandharvo na yakṣo na ca dānavaḥ ahaṃ vo bāndhavo jāto nātaś cintyam ato 'nyathā //
I am not a god, nor a gandharva, nor a yakṣa, nor a dānava. I have been born as your kinsman; there is nothing to be thought here otherwise than this."
AI translation rendered from the Sanskrit, not a published edition
BrP 189.13
इति श्रुत्वा हरेर् वाक्यं बद्धमौनास् ततो बलम् ययुर् गोपा महाभागास् तस्मिन् प्रणयकोपिनि ॥
iti śrutvā harer vākyaṃ baddhamaunās tato balam yayur gopā mahābhāgās tasmin praṇayakopini //
Having heard Hari's words, the greatly fortunate cowherds, keeping silence, then went to Bala, since he was angry out of affection.
AI translation rendered from the Sanskrit, not a published edition
BrP 189.14
कृष्णस् तु विमलं व्योम शरच्चन्द्रस्य चन्द्रिकाम् तथा कुमुदिनीं फुल्लाम् आमोदितदिगन्तराम् ॥
kṛṣṇas tu vimalaṃ vyoma śaraccandrasya candrikām tathā kumudinīṃ phullām āmoditadigantarām //
But Kṛṣṇa, (seeing) the cloudless sky, the moonlight of the autumn moon, and the lotus-pond in full bloom, perfuming the quarters,
AI translation rendered from the Sanskrit, not a published edition
BrP 189.15
वनराजीं तथा कूजद्भृङ्गमालामनोरमाम् विलोक्य सह गोपीभिर् मनश् चक्रे रतिं प्रति ॥
vanarājīṃ tathā kūjadbhṛṅgamālāmanoramām vilokya saha gopībhir manaś cakre ratiṃ prati //
and likewise the rows of woodland, delightful with swarms of humming bees — looking on (these) together with the gopīs, he set his mind on love.
AI translation rendered from the Sanskrit, not a published edition
BrP 189.16
सह रामेण मधुरम् अतीव वनिताप्रियम् जगौ कमलपादो ऽसौ नाम तत्र कृतव्रतः ॥
saha rāmeṇa madhuram atīva vanitāpriyam jagau kamalapādo 'sau nāma tatra kṛtavrataḥ //
Together with Rāma, he of lotus feet, having undertaken a vow there, sang exceedingly sweetly what is dear to women.
AI translation rendered from the Sanskrit, not a published edition — the model flagged this verse as uncertain
BrP 189.17
रम्यं गीतध्वनिं श्रुत्वा संत्यज्यावसथांस् तदा आजग्मुस् त्वरिता गोप्यो यत्रास्ते मधुसूदनः ॥
ramyaṃ gītadhvaniṃ śrutvā saṃtyajyāvasathāṃs tadā ājagmus tvaritā gopyo yatrāste madhusūdanaḥ //
Hearing the lovely sound of the song, the gopīs then left their dwellings and came in haste to where Madhusūdana was.
AI translation rendered from the Sanskrit, not a published edition
BrP 189.18
शनैः शनैर् जगौ गोपी काचित् तस्य पदानुगा दत्तावधाना काचिच् च तम् एव मनसास्मरत् ॥
śanaiḥ śanair jagau gopī kācit tasya padānugā dattāvadhānā kācic ca tam eva manasāsmarat //
One gopī, following his tune, sang softly, softly; and another, giving her attention, remembered him alone in her mind.
AI translation rendered from the Sanskrit, not a published edition
BrP 189.19
काचित् कृष्णेति कृष्णेति चोक्त्वा लज्जाम् उपाययौ ययौ च काचित् प्रेमान्धा तत्पार्श्वम् अविलज्जिता ॥
kācit kṛṣṇeti kṛṣṇeti coktvā lajjām upāyayau yayau ca kācit premāndhā tatpārśvam avilajjitā //
One, having said "Kṛṣṇa! Kṛṣṇa!", was overcome by shame; and one, blind with love, went to his side without shame.
AI translation rendered from the Sanskrit, not a published edition
BrP 189.20
काचिद् आवसथस्यान्तः स्थित्वा दृष्ट्वा बहिर् गुरुम् तन्मयत्वेन गोविन्दं दध्यौ मीलितलोचना ॥
kācid āvasathasyāntaḥ sthitvā dṛṣṭvā bahir gurum tanmayatvena govindaṃ dadhyau mīlitalocanā //
One (girl), standing inside the house, seeing an elder outside, meditated with closed eyes on Govinda, being wholly absorbed in him.
AI translation rendered from the Sanskrit, not a published edition
BrP 189.21
गोपीपरिवृतो रात्रिं शरच्चन्द्रमनोरमाम् मानयाम् आस गोविन्दो रासारम्भरसोत्सुकः ॥
gopīparivṛto rātriṃ śaraccandramanoramām mānayām āsa govindo rāsārambharasotsukaḥ //
Surrounded by the cowherd women, Govinda, eager for the delight of beginning the rāsa, honoured the night, which was charming with the autumn moon.
AI translation rendered from the Sanskrit, not a published edition
BrP 189.22
गोप्यश् च वृन्दशः कृष्णचेष्टाभ्यायत्तमूर्तयः अन्यदेशगते कृष्णे चेरुर् वृन्दावनान्तरम् ॥
gopyaś ca vṛndaśaḥ kṛṣṇaceṣṭābhyāyattamūrtayaḥ anyadeśagate kṛṣṇe cerur vṛndāvanāntaram //
And the cowherd women in throngs, their bodies wholly dependent on Kṛṣṇa's doings, when Kṛṣṇa had gone to another place, roamed within Vṛndāvana.
AI translation rendered from the Sanskrit, not a published edition
BrP 189.23
बभ्रमुस् तास् ततो गोप्यः कृष्णदर्शनलालसाः कृष्णस्य चरणं रात्रौ दृष्ट्वा वृन्दावने द्विजाः ॥
babhramus tās tato gopyaḥ kṛṣṇadarśanalālasāḥ kṛṣṇasya caraṇaṃ rātrau dṛṣṭvā vṛndāvane dvijāḥ //
Then, O twice-born ones, those cowherd women wandered about, longing for the sight of Kṛṣṇa, having seen Kṛṣṇa's footprint at night in Vṛndāvana.
AI translation rendered from the Sanskrit, not a published edition
BrP 189.24
एवं नानाप्रकारासु कृष्णचेष्टासु तासु च गोप्यो व्यग्राः समं चेरू रम्यं वृन्दावनं वनम् ॥
evaṃ nānāprakārāsu kṛṣṇaceṣṭāsu tāsu ca gopyo vyagrāḥ samaṃ cerū ramyaṃ vṛndāvanaṃ vanam //
Thus, while those doings of Kṛṣṇa were of many kinds, the cowherd women, agitated, roamed together through the lovely forest of Vṛndāvana.
AI translation rendered from the Sanskrit, not a published edition
BrP 189.25
निवृत्तास् तास् ततो गोप्यो निराशाः कृष्णदर्शने यमुनातीरम् आगम्य जगुस् तच्चरितं द्विजाः ॥
nivṛttās tās tato gopyo nirāśāḥ kṛṣṇadarśane yamunātīram āgamya jagus taccaritaṃ dvijāḥ //
Then those cowherd women turned back, despairing of seeing Kṛṣṇa, and coming to the bank of the Yamunā they sang of his deeds, O twice-born ones.
AI translation rendered from the Sanskrit, not a published edition
BrP 189.26
ततो ददृशुर् आयान्तं विकाशिमुखपङ्कजम् गोप्यस् त्रैलोक्यगोप्तारं कृष्णम् अक्लिष्टकारिणम् ॥
tato dadṛśur āyāntaṃ vikāśimukhapaṅkajam gopyas trailokyagoptāraṃ kṛṣṇam akliṣṭakāriṇam //
Then the cowherd women saw Kṛṣṇa coming, the lotus of his face in full bloom, the protector of the three worlds, who acts without effort.
AI translation rendered from the Sanskrit, not a published edition
BrP 189.27
काचिद् आलोक्य गोविन्दम् आयान्तम् अतिहर्षिता कृष्ण कृष्णेति कृष्णेति प्राहोत्फुल्लविलोचना ॥
kācid ālokya govindam āyāntam atiharṣitā kṛṣṇa kṛṣṇeti kṛṣṇeti prāhotphullavilocanā //
One (girl), beholding Govinda coming, exceedingly delighted, her eyes wide open, cried out, "Kṛṣṇa, Kṛṣṇa, Kṛṣṇa!"
AI translation rendered from the Sanskrit, not a published edition
BrP 189.28
काचिद् भ्रूभङ्गुरं कृत्वा ललाटफलकं हरिम् विलोक्य नेत्रभृङ्गाभ्यां पपौ तन्मुखपङ्कजम् ॥
kācid bhrūbhaṅguraṃ kṛtvā lalāṭaphalakaṃ harim vilokya netrabhṛṅgābhyāṃ papau tanmukhapaṅkajam //
One (girl), making her forehead's surface furrowed with knitted brows, gazing at Hari, drank the lotus of his face with the two bees that were her eyes.
AI translation rendered from the Sanskrit, not a published edition
BrP 189.29
काचिद् आलोक्य गोविन्दं निमीलितविलोचना तस्यैव रूपं ध्यायन्ती योगारूढेव सा बभौ ॥
kācid ālokya govindaṃ nimīlitavilocanā tasyaiva rūpaṃ dhyāyantī yogārūḍheva sā babhau //
One (girl), beholding Govinda, with her eyes closed, meditating on his form alone, appeared as though she had ascended into yoga.
AI translation rendered from the Sanskrit, not a published edition
BrP 189.30
ततः कांचित् प्रियालापैः कांचिद् भ्रूभङ्गवीक्षितैः निन्ये ऽनुनयम् अन्याश् च करस्पर्शेन माधवः ॥
tataḥ kāṃcit priyālāpaiḥ kāṃcid bhrūbhaṅgavīkṣitaiḥ ninye 'nunayam anyāś ca karasparśena mādhavaḥ //
Then Mādhava brought one to reconciliation with affectionate words, another with glances from knitted brows, and others with the touch of his hand.
AI translation rendered from the Sanskrit, not a published edition
BrP 189.31
ताभिः प्रसन्नचित्ताभिर् गोपीभिः सह सादरम् रराम रासगोष्ठीभिर् उदारचरितो हरिः ॥
tābhiḥ prasannacittābhir gopībhiḥ saha sādaram rarāma rāsagoṣṭhībhir udāracarito hariḥ //
With those cowherd women, their minds now serene, Hari of noble deeds sported respectfully in the assemblies of the rāsa.
AI translation rendered from the Sanskrit, not a published edition
BrP 189.32
रासमण्डलबद्धो ऽपि कृष्णपार्श्वम् अनूद्गता गोपीजनो न चैवाभूद् एकस्थानस्थिरात्मना ॥
rāsamaṇḍalabaddho 'pi kṛṣṇapārśvam anūdgatā gopījano na caivābhūd ekasthānasthirātmanā //
Even though bound into the circle of the rāsa, there was no cowherd woman who did not come up to Kṛṣṇa's side, since (each) had her mind fixed on that one place.
AI translation rendered from the Sanskrit, not a published edition — the model flagged this verse as uncertain
BrP 189.33
हस्ते प्रगृह्य चैकैकां गोपिकां रासमण्डलम् चकार च करस्पर्शनिमीलितदृशं हरिः ॥
haste pragṛhya caikaikāṃ gopikāṃ rāsamaṇḍalam cakāra ca karasparśanimīlitadṛśaṃ hariḥ //
And taking each cowherd girl in turn by the hand, Hari made the rāsa-circle, their eyes closing at the touch of his hand.
AI translation rendered from the Sanskrit, not a published edition
BrP 189.34
ततः प्रववृते रम्या चलद्वलयनिस्वनैः अनुयातशरत्काव्यगेयगीतिर् अनुक्रमाम् ॥
tataḥ pravavṛte ramyā caladvalayanisvanaiḥ anuyātaśaratkāvyageyagītir anukramām //
Then a lovely song began, accompanied by the sounds of moving bangles, its melody sung as autumn-poetry, following in due order.
AI translation rendered from the Sanskrit, not a published edition — the model flagged this verse as uncertain
BrP 189.35
कृष्णः शरच्चन्द्रमसं कौमुदीकुमुदाकरम् जगौ गोपीजनस् त्व् एकं कृष्णनाम पुनः पुनः ॥
kṛṣṇaḥ śaraccandramasaṃ kaumudīkumudākaram jagau gopījanas tv ekaṃ kṛṣṇanāma punaḥ punaḥ //
Kṛṣṇa sang of the autumn moon, the moonlight, and the abundance of night-lotuses; but the company of cowherd women sang the one name of Kṛṣṇa again and again.
AI translation rendered from the Sanskrit, not a published edition
BrP 189.36
परिवृत्ता श्रमेणैका चलद्वलयतापिनी ददौ बाहुलतां स्कन्धे गोपी मधुविघातिनः ॥
parivṛttā śrameṇaikā caladvalayatāpinī dadau bāhulatāṃ skandhe gopī madhuvighātinaḥ //
One cowherd woman, having turned around, exhausted, burning, with her bangles slipping, laid her creeper-like arm on the shoulder of the slayer of Madhu.
AI translation rendered from the Sanskrit, not a published edition
BrP 189.37
काचित् प्रविलसद्बाहुः परिरभ्य चुचुम्ब तम् गोपी गीतस्तुतिव्याजनिपुणा मधुसूदनम् ॥
kācit pravilasadbāhuḥ parirabhya cucumba tam gopī gītastutivyājanipuṇā madhusūdanam //
One cowherd woman, her arm gleaming, skilled at using the pretext of song and praise, embraced and kissed him, the slayer of Madhu.
AI translation rendered from the Sanskrit, not a published edition
BrP 189.38
गोपीकपोलसंश्लेषम् अभिपद्य हरेर् भुजौ पुलकोद्गमशस्याय स्वेदाम्बुघनतां गतौ ॥
gopīkapolasaṃśleṣam abhipadya harer bhujau pulakodgamaśasyāya svedāmbughanatāṃ gatau //
Hari's two arms, coming to press against the cowherd woman's cheek, became like rain-clouds of sweat-water for the crop of her rising gooseflesh.
AI translation rendered from the Sanskrit, not a published edition
BrP 189.39
रासगेयं जगौ कृष्णो यावत् तारतरध्वनिः साधु कृष्णेति कृष्णेति तावत् ता द्विगुणं जगुः ॥
rāsageyaṃ jagau kṛṣṇo yāvat tārataradhvaniḥ sādhu kṛṣṇeti kṛṣṇeti tāvat tā dviguṇaṃ jaguḥ //
As Kṛṣṇa sang the rāsa-song with a high-pitched voice, so they sang twice as loudly, "Well done, Kṛṣṇa! Kṛṣṇa!"
AI translation rendered from the Sanskrit, not a published edition
BrP 189.40
गते ऽनुगमनं चक्रुर् वलने संमुखं ययुः प्रतिलोमानुलोमेन भेजुर् गोपाङ्गना हरिम् ॥
gate 'nugamanaṃ cakrur valane saṃmukhaṃ yayuḥ pratilomānulomena bhejur gopāṅganā harim //
When (he) moved off they followed after (him); when (he) turned they came face to face (with him); the cowherd women attended upon Hari, going against (his) course and along with it.
AI translation rendered from the Sanskrit, not a published edition
BrP 189.41
स तदा सह गोपीभी रराम मधुसूदनः स वर्षकोटिप्रतिमः क्षणस् तेन विनाभवत् ॥
sa tadā saha gopībhī rarāma madhusūdanaḥ sa varṣakoṭipratimaḥ kṣaṇas tena vinābhavat //
Then Madhusūdana took (his) delight together with the cowherd women; a moment without him was like ten million years.
AI translation rendered from the Sanskrit, not a published edition
BrP 189.42
ता वार्यमाणाः पितृभिः पतिभिर् भ्रातृभिस् तथा कृष्णं गोपाङ्गना रात्रौ रमयन्ति रतिप्रियाः ॥
tā vāryamāṇāḥ pitṛbhiḥ patibhir bhrātṛbhis tathā kṛṣṇaṃ gopāṅganā rātrau ramayanti ratipriyāḥ //
Though held back by (their) fathers, husbands, and brothers, the cowherd women, fond of love-making, gave Kṛṣṇa pleasure by night.
AI translation rendered from the Sanskrit, not a published edition
BrP 189.43
सो ऽपि कैशोरकवया मानयन् मधुसूदनः रेमे ताभिर् अमेयात्मा क्षपासु क्षपिताहितः ॥
so 'pi kaiśorakavayā mānayan madhusūdanaḥ reme tābhir ameyātmā kṣapāsu kṣapitāhitaḥ //
And he, Madhusūdana, of immeasurable self, in the age of boyhood, honouring (them), took (his) delight with them through the nights—he who had destroyed (his) foes.
AI translation rendered from the Sanskrit, not a published edition
BrP 189.44
तद्भर्तृषु तथा तासु सर्वभूतेषु चेश्वरः आत्मस्वरूपरूपो ऽसौ व्याप्य सर्वम् अवस्थितः ॥
tadbhartṛṣu tathā tāsu sarvabhūteṣu ceśvaraḥ ātmasvarūparūpo 'sau vyāpya sarvam avasthitaḥ //
And the Lord, in their husbands and in them and in all beings, having the form of his own true nature, stands pervading everything.
AI translation rendered from the Sanskrit, not a published edition
BrP 189.45
यथा समस्तभूतेषु नभो ऽग्निः पृथिवी जलम् वायुश् चात्मा तथैवासौ व्याप्य सर्वम् अवस्थितः ॥
yathā samastabhūteṣu nabho 'gniḥ pṛthivī jalam vāyuś cātmā tathaivāsau vyāpya sarvam avasthitaḥ //
Just as, in all beings, sky, fire, earth, water, wind and the self (are present), so too he stands pervading everything.
AI translation rendered from the Sanskrit, not a published edition
BrP 189.46
प्रदोषार्धे कदाचित् तु रासासक्ते जनार्दने त्रासयन् समदो गोष्ठान् अरिष्टः समुपागतः ॥
pradoṣārdhe kadācit tu rāsāsakte janārdane trāsayan samado goṣṭhān ariṣṭaḥ samupāgataḥ //
But once, at the middle of nightfall, while Janārdana was absorbed in the rāsa dance, Ariṣṭa, rutting, came up terrifying the cattle-stations.
AI translation rendered from the Sanskrit, not a published edition
BrP 189.47
सतोयतोयदाकारस् तीक्ष्णशृङ्गो ऽर्कलोचनः खुराग्रपातैर् अत्यर्थं दारयन् धरणीतलम् ॥
satoyatoyadākāras tīkṣṇaśṛṅgo 'rkalocanaḥ khurāgrapātair atyarthaṃ dārayan dharaṇītalam //
Shaped like a rain-laden cloud, with sharp horns, with eyes like the sun, tearing up the surface of the earth violently with the blows of the tips of (his) hooves;
AI translation rendered from the Sanskrit, not a published edition
BrP 189.48
लेलिहानः सनिष्पेषं जिह्वयौष्ठौ पुनः पुनः संरम्भाक्षिप्तलाङ्गूलः कठिनस्कन्धबन्धनः ॥
lelihānaḥ saniṣpeṣaṃ jihvayauṣṭhau punaḥ punaḥ saṃrambhākṣiptalāṅgūlaḥ kaṭhinaskandhabandhanaḥ //
licking (his) lips again and again with (his) tongue, grinding (them); (his) tail flung up in fury; with a hard-knit shoulder;
AI translation rendered from the Sanskrit, not a published edition
BrP 189.49
उदग्रककुदाभोगः प्रमाणाद् दुरतिक्रमः विण्मूत्रालिप्तपृष्ठाङ्गो गवाम् उद्वेगकारकः ॥
udagrakakudābhogaḥ pramāṇād duratikramaḥ viṇmūtrāliptapṛṣṭhāṅgo gavām udvegakārakaḥ //
the expanse of (his) hump raised high, hard to withstand because of (his) size, (his) back and limbs smeared with dung and urine, causing terror to the cows;
AI translation rendered from the Sanskrit, not a published edition
BrP 189.50
प्रलम्बकण्ठो ऽभिमुखस् तरुघाताङ्किताननः पातयन् स गवां गर्भान् दैत्यो वृषभरूपधृक् ॥
pralambakaṇṭho 'bhimukhas tarughātāṅkitānanaḥ pātayan sa gavāṃ garbhān daityo vṛṣabharūpadhṛk //
with a hanging dewlap, facing (them), (his) face marked from butting trees—that demon in the form of a bull, making the cows drop their calves,
AI translation rendered from the Sanskrit, not a published edition
BrP 189.51
सूदयंस् तरसा सर्वान् वनान्य् अटति यः सदा ततस् तम् अतिघोराक्षम् अवेक्ष्यातिभयातुराः ॥
sūdayaṃs tarasā sarvān vanāny aṭati yaḥ sadā tatas tam atighorākṣam avekṣyātibhayāturāḥ //
who always roams the woods, swiftly destroying everything—then, seeing him with those most dreadful eyes, stricken with great fear,
AI translation rendered from the Sanskrit, not a published edition
BrP 189.52
गोपा गोपस्त्रियश् चैव कृष्ण कृष्णेति चुक्रुशुः सिंहनादं ततश् चक्रे तलशब्दं च केशवः ॥
gopā gopastriyaś caiva kṛṣṇa kṛṣṇeti cukruśuḥ siṃhanādaṃ tataś cakre talaśabdaṃ ca keśavaḥ //
the cowherds and the cowherd women cried out, "Kṛṣṇa, Kṛṣṇa!"; then Keśava made a lion's roar and a slapping of (his) palms.
AI translation rendered from the Sanskrit, not a published edition
BrP 189.53
तच्छब्दश्रवणाच् चासौ दामोदरमुखं ययौ अग्रन्यस्तविषाणाग्रः कृष्णकुक्षिकृतेक्षणः ॥
tacchabdaśravaṇāc cāsau dāmodaramukhaṃ yayau agranyastaviṣāṇāgraḥ kṛṣṇakukṣikṛtekṣaṇaḥ //
And on hearing that sound, he went towards Dāmodara, the tips of (his) horns lowered in front, (his) gaze fixed on Kṛṣṇa's belly.
AI translation rendered from the Sanskrit, not a published edition
BrP 189.54
अभ्यधावत दुष्टात्मा दैत्यो वृषभरूपधृक् आयान्तं दैत्यवृषभं दृष्ट्वा कृष्णो महाबलम् ॥
abhyadhāvata duṣṭātmā daityo vṛṣabharūpadhṛk āyāntaṃ daityavṛṣabhaṃ dṛṣṭvā kṛṣṇo mahābalam //
The evil-natured demon in the form of a bull charged. Seeing the demon-bull of great strength coming on, Kṛṣṇa
AI translation rendered from the Sanskrit, not a published edition
BrP 189.55
न चचाल ततः स्थानाद् अवज्ञास्मितलीलया आसन्नं चैव जग्राह ग्राहवन् मधुसूदनः ॥
na cacāla tataḥ sthānād avajñāsmitalīlayā āsannaṃ caiva jagrāha grāhavan madhusūdanaḥ //
did not move from that spot, with a playful, contemptuous smile; and when (the bull) came near, Madhusūdana seized (him) as a crocodile (seizes its prey).
AI translation rendered from the Sanskrit, not a published edition
BrP 189.56
जघान जानुना कुक्षौ विषाणग्रहणाचलम् तस्य दर्पबलं हत्वा गृहीतस्य विषाणयोः ॥
jaghāna jānunā kukṣau viṣāṇagrahaṇācalam tasya darpabalaṃ hatvā gṛhītasya viṣāṇayoḥ //
He struck (him) in the belly with (his) knee, (the bull) being immobilized by the grip on (his) horns; and having destroyed the strength of his pride, holding (him) by the two horns,
AI translation rendered from the Sanskrit, not a published edition
BrP 189.57
आपीडयद् अरिष्टस्य कण्ठं क्लिन्नम् इवाम्बरम् उत्पाट्य शृङ्गम् एकं च तेनैवाताडयत् ततः ॥
āpīḍayad ariṣṭasya kaṇṭhaṃ klinnam ivāmbaram utpāṭya śṛṅgam ekaṃ ca tenaivātāḍayat tataḥ //
he wrung Ariṣṭa's neck like a wet garment, and then, having torn out one horn, he beat (him) with that very (horn).
AI translation rendered from the Sanskrit, not a published edition
BrP 189.58
ममार स महादैत्यो मुखाच् छोणितम् उद्वमन् तुष्टुवुर् निहते तस्मिन् गोपा दैत्ये जनार्दनम् जम्भे हते सहस्राक्षं पुरा देवगणा यथा ॥
mamāra sa mahādaityo mukhāc choṇitam udvaman tuṣṭuvur nihate tasmin gopā daitye janārdanam jambhe hate sahasrākṣaṃ purā devagaṇā yathā //
That great demon died, vomiting blood from (his) mouth. When that demon was slain, the cowherds praised Janārdana, as the hosts of gods of old (praised) the Thousand-eyed when Jambha was slain.
AI translation rendered from the Sanskrit, not a published edition