Brahma Purana — Chapter 188

BrP 188.1

महे प्रतिहते शक्रो भृशं कोपसमन्वितः संवर्तकं नाम गणं तोयदानाम् अथाब्रवीत् ॥

mahe pratihate śakro bhṛśaṃ kopasamanvitaḥ saṃvartakaṃ nāma gaṇaṃ toyadānām athābravīt //

His festival being thwarted, Śakra, filled with intense anger, then spoke to the host of rain-clouds named Saṃvartaka:

AI translation rendered from the Sanskrit, not a published edition

BrP 188.2

भो भो मेघा निशम्यैतद् वदतो वचनं मम आज्ञानन्तरम् एवाशु क्रियताम् अविचारितम् ॥

bho bho meghā niśamyaitad vadato vacanaṃ mama ājñānantaram evāśu kriyatām avicāritam //

"Ho, ho, clouds! Hear this word of mine as I speak it, and let it be done at once, immediately upon my command, without deliberation.

AI translation rendered from the Sanskrit, not a published edition

BrP 188.3

नन्दगोपः सुदुर्बुद्धिर् गोपैर् अन्यैः सहायवान् कृष्णाश्रयबलाध्मातो महभङ्गम् अचीकरत् ॥

nandagopaḥ sudurbuddhir gopair anyaiḥ sahāyavān kṛṣṇāśrayabalādhmāto mahabhaṅgam acīkarat //

Nanda the cowherd, exceedingly evil-minded, having the other cowherds as his helpers, puffed up with the strength of his reliance on Krishna, has brought about the breaking of my festival.

AI translation rendered from the Sanskrit, not a published edition

BrP 188.4

आजीवो यः परं तेषां गोपत्वस्य च कारणम् ता गावो वृष्टिपातेन पीड्यन्तां वचनान् मम ॥

ājīvo yaḥ paraṃ teṣāṃ gopatvasya ca kāraṇam tā gāvo vṛṣṭipātena pīḍyantāṃ vacanān mama //

Those cows which are their chief livelihood and the very ground of their being cowherds — let them be afflicted, at my word, by a downpour of rain.

AI translation rendered from the Sanskrit, not a published edition

BrP 188.5

अहम् अप्य् अद्रिशृङ्गाभं तुङ्गम् आरुह्य वारणम् साहाय्यं वः करिष्यामि वायूनां संगमेन च ॥

aham apy adriśṛṅgābhaṃ tuṅgam āruhya vāraṇam sāhāyyaṃ vaḥ kariṣyāmi vāyūnāṃ saṃgamena ca //

I too, mounting my tall elephant that resembles a mountain peak, will give you aid, together with the assembling of the winds."

AI translation rendered from the Sanskrit, not a published edition

BrP 188.6

इत्य् आज्ञप्ताः सुरेन्द्रेण मुमुचुस् ते बलाहकाः वातवर्षं महाभीमम् अभावाय गवां द्विजाः ॥

ity ājñaptāḥ surendreṇa mumucus te balāhakāḥ vātavarṣaṃ mahābhīmam abhāvāya gavāṃ dvijāḥ //

Thus commanded by the lord of the gods, those clouds released a most terrible wind and rain for the destruction of the cows, O twice-born.

AI translation rendered from the Sanskrit, not a published edition

BrP 188.7

ततः क्षणेन धरणी ककुभो ऽम्बरम् एव च एकं धारामहासारपूरणेनाभवद् द्विजाः ॥

tataḥ kṣaṇena dharaṇī kakubho 'mbaram eva ca ekaṃ dhārāmahāsārapūraṇenābhavad dvijāḥ //

Then in an instant the earth, the quarters, and the sky itself became one, O twice-born, filled up by the great mass of downpouring streams.

AI translation rendered from the Sanskrit, not a published edition

BrP 188.8

गावस् तु तेन पतता वर्षवातेन वेगिना धुताः प्राणाञ् जहुः सर्वास् तिर्यङ्मुखशिरोधराः ॥

gāvas tu tena patatā varṣavātena veginā dhutāḥ prāṇāñ jahuḥ sarvās tiryaṅmukhaśirodharāḥ //

But the cows, battered by that swiftly falling rain and wind, all gave up their lives, their faces, heads and necks turned sideways.

AI translation rendered from the Sanskrit, not a published edition

BrP 188.9

क्रोडेन वत्सान् आक्रम्य तस्थुर् अन्या द्विजोत्तमाः गावो विवत्साश् च कृता वारिपूरेण चापराः ॥

kroḍena vatsān ākramya tasthur anyā dvijottamāḥ gāvo vivatsāś ca kṛtā vāripūreṇa cāparāḥ //

Some (cows) stood covering their calves with their breasts, O best of the twice-born, while other cows were parted from their calves by the flood of water.

AI translation rendered from the Sanskrit, not a published edition

BrP 188.10

वत्साश् च दीनवदनाः पवनाकम्पिकंधराः त्राहि त्राहीत्य् अल्पशब्दाः कृष्णम् ऊचुर् इवार्तकाः ॥

vatsāś ca dīnavadanāḥ pavanākampikaṃdharāḥ trāhi trāhīty alpaśabdāḥ kṛṣṇam ūcur ivārtakāḥ //

And the calves, with piteous faces and necks shaken by the wind, seemed to say to Kṛṣṇa in faint voices, in their distress, "Save (us), save (us)!"

AI translation rendered from the Sanskrit, not a published edition

BrP 188.11

ततस् तद् गोकुलं सर्वं गोगोपीगोपसंकुलम् अतीवार्तं हरिर् दृष्ट्वा त्राणायाचिन्तयत् तदा ॥

tatas tad gokulaṃ sarvaṃ gogopīgopasaṃkulam atīvārtaṃ harir dṛṣṭvā trāṇāyācintayat tadā //

Then, seeing that whole cow-settlement, crowded with cows, cowherd women and cowherds, exceedingly distressed, Hari considered how to protect (it).

AI translation rendered from the Sanskrit, not a published edition

BrP 188.12

एतत् कृतं महेन्द्रेण महभङ्गविरोधिना तद् एतद् अखिलं गोष्ठं त्रातव्यम् अधुना मया ॥

etat kṛtaṃ mahendreṇa mahabhaṅgavirodhinā tad etad akhilaṃ goṣṭhaṃ trātavyam adhunā mayā //

"This has been done by great Indra, in opposition (to me) for the spoiling of the sacrifice; therefore this entire cow-station must now be protected by me.

AI translation rendered from the Sanskrit, not a published edition

BrP 188.13

इमम् अद्रिम् अहं वीर्याद् उत्पाट्योरुशिलातलम् धारयिष्यामि गोष्ठस्य पृथुच्छत्त्रम् इवोपरि ॥

imam adrim ahaṃ vīryād utpāṭyoruśilātalam dhārayiṣyāmi goṣṭhasya pṛthucchattram ivopari //

By my strength I shall tear up this mountain with its broad rock-surface and hold it above the cow-station like a wide umbrella."

AI translation rendered from the Sanskrit, not a published edition

BrP 188.14

इति कृत्वा मतिं कृष्णो गोवर्धनमहीधरम् उत्पाट्यैककरेणैव धारयाम् आस लीलया ॥

iti kṛtvā matiṃ kṛṣṇo govardhanamahīdharam utpāṭyaikakareṇaiva dhārayām āsa līlayā //

Having made up his mind thus, Kṛṣṇa tore up the great mountain Govardhana and held it in play with a single hand.

AI translation rendered from the Sanskrit, not a published edition

BrP 188.15

गोपांश् चाह जगन्नाथः समुत्पाटितभूधरः विशध्वम् अत्र सहिताः कृतं वर्षनिवारणम् ॥

gopāṃś cāha jagannāthaḥ samutpāṭitabhūdharaḥ viśadhvam atra sahitāḥ kṛtaṃ varṣanivāraṇam //

And the Lord of the world, having lifted up the mountain, said to the cowherds: "Enter here together; a shelter from the rain has been made.

AI translation rendered from the Sanskrit, not a published edition

BrP 188.16

सुनिर्वातेषु देशेषु यथायोग्यम् इहास्यताम् प्रविश्य नात्र भेतव्यं गिरिपातस्य निर्भयैः ॥

sunirvāteṣu deśeṣu yathāyogyam ihāsyatām praviśya nātra bhetavyaṃ giripātasya nirbhayaiḥ //

Let (you all) sit here as is fitting, in the places well sheltered from the wind; having entered, there is no need to fear here—be without fear of the mountain's falling."

AI translation rendered from the Sanskrit, not a published edition

BrP 188.17

इत्य् उक्तास् तेन ते गोपा विविशुर् गोधनैः सह शकटारोपितैर् भाण्डैर् गोप्यश् चासारपीडिताः ॥

ity uktās tena te gopā viviśur godhanaiḥ saha śakaṭāropitair bhāṇḍair gopyaś cāsārapīḍitāḥ //

Told this by him, those cowherds entered along with their cattle-wealth and their pots loaded on carts, and the cowherd women too, who were afflicted by the downpour.

AI translation rendered from the Sanskrit, not a published edition

BrP 188.18

कृष्णो ऽपि तं दधारैवं शैलम् अत्यन्तनिश्चलम् व्रजौकोवासिभिर् हर्षविस्मिताक्षैर् निरीक्षितः ॥

kṛṣṇo 'pi taṃ dadhāraivaṃ śailam atyantaniścalam vrajaukovāsibhir harṣavismitākṣair nirīkṣitaḥ //

And Kṛṣṇa held that mountain thus, utterly motionless, gazed at by the dwellers of the cow-settlement with eyes joyful and amazed.

AI translation rendered from the Sanskrit, not a published edition

BrP 188.19

गोपगोपीजनैर् हृष्टैः प्रीतिविस्तारितेक्षणैः संस्तूयमानचरितः कृष्णः शैलम् अधारयत् ॥

gopagopījanair hṛṣṭaiḥ prītivistāritekṣaṇaiḥ saṃstūyamānacaritaḥ kṛṣṇaḥ śailam adhārayat //

His deeds being praised by the delighted cowherds and cowherd women, whose eyes were widened with love, Kṛṣṇa held the mountain up.

AI translation rendered from the Sanskrit, not a published edition

BrP 188.20

सप्तरात्रं महामेघा ववर्षुर् नन्दगोकुले इन्द्रेण चोदिता मेघा गोपानां नाशकारिणा ॥

saptarātraṃ mahāmeghā vavarṣur nandagokule indreṇa coditā meghā gopānāṃ nāśakāriṇā //

For seven nights the great clouds rained on Nanda's cow-settlement, the clouds urged on by Indra, who sought the destruction of the cowherds.

AI translation rendered from the Sanskrit, not a published edition

BrP 188.21

ततो धृते महाशैले परित्राते च गोकुले मिथ्याप्रतिज्ञो बलभिद् वारयाम् आस तान् घनान् ॥

tato dhṛte mahāśaile paritrāte ca gokule mithyāpratijño balabhid vārayām āsa tān ghanān //

Then, the great mountain having been held up and the cow-settlement rescued, the splitter of strongholds, his resolve made false, held back those clouds.

AI translation rendered from the Sanskrit, not a published edition

BrP 188.22

व्यभ्रे नभसि देवेन्द्रे वितथे शक्रमन्त्रिते निष्क्रम्य गोकुलं हृष्टः स्वस्थानं पुनर् आगमत् ॥

vyabhre nabhasi devendre vitathe śakramantrite niṣkramya gokulaṃ hṛṣṭaḥ svasthānaṃ punar āgamat //

When the sky was cloudless and Indra of the gods, and the counsel of Śakra, had come to nothing, he (Kṛṣṇa) went out gladly from the cow-settlement and came back to his own place.

AI translation rendered from the Sanskrit, not a published edition — the model flagged this verse as uncertain

BrP 188.23

मुमोच कृष्णो ऽपि तदा गोवर्धनमहागिरिम् स्वस्थाने विस्मितमुखैर् दृष्टस् तैर् व्रजवासिभिः ॥

mumoca kṛṣṇo 'pi tadā govardhanamahāgirim svasthāne vismitamukhair dṛṣṭas tair vrajavāsibhiḥ //

And Kṛṣṇa then released the great mountain Govardhana in its own place, watched by those dwellers of Vraja with astonished faces.

AI translation rendered from the Sanskrit, not a published edition

BrP 188.24

धृते गोवर्धने शैले परित्राते च गोकुले रोचयाम् आस कृष्णस्य दर्शनं पाकशासनः ॥

dhṛte govardhane śaile paritrāte ca gokule rocayām āsa kṛṣṇasya darśanaṃ pākaśāsanaḥ //

The mountain Govardhana having been held up and the cow-settlement rescued, the chastiser of Pāka desired the sight of Kṛṣṇa.

AI translation rendered from the Sanskrit, not a published edition

BrP 188.25

सो ऽधिरुह्य महानागम् ऐरावतम् अमित्रजित् गोवर्धनगिरौ कृष्णं ददर्श त्रिदशाधिपः ॥

so 'dhiruhya mahānāgam airāvatam amitrajit govardhanagirau kṛṣṇaṃ dadarśa tridaśādhipaḥ //

That conqueror of foes, the lord of the thirty (gods), mounting the great elephant Airāvata, saw Kṛṣṇa on the mountain Govardhana—

AI translation rendered from the Sanskrit, not a published edition

BrP 188.26

चारयन्तं महावीर्यं गाश् च गोपवपुर्धरम् कृत्स्नस्य जगतो गोपं वृतं गोपकुमारकैः ॥

cārayantaṃ mahāvīryaṃ gāś ca gopavapurdharam kṛtsnasya jagato gopaṃ vṛtaṃ gopakumārakaiḥ //

the one of great might pasturing the cows, bearing the body of a cowherd, the herdsman of the entire world, surrounded by cowherd boys.

AI translation rendered from the Sanskrit, not a published edition

BrP 188.27

गरुडं च ददर्शोच्चैर् अन्तर्धानगतं द्विजाः कृतच्छायं हरेर् मूर्ध्नि पक्षाभ्यां पक्षिपुंगवम् ॥

garuḍaṃ ca dadarśoccair antardhānagataṃ dvijāḥ kṛtacchāyaṃ harer mūrdhni pakṣābhyāṃ pakṣipuṃgavam //

And he saw Garuḍa high above, gone into invisibility, O twice-born, that bull among birds making shade with his two wings over Hari's head.

AI translation rendered from the Sanskrit, not a published edition

BrP 188.28

अवरुह्य स नागेन्द्राद् एकान्ते मधुसूदनम् शक्रः सस्मितम् आहेदं प्रीतिविस्फारितेक्षणः ॥

avaruhya sa nāgendrād ekānte madhusūdanam śakraḥ sasmitam āhedaṃ prītivisphāritekṣaṇaḥ //

Descending from the lord of elephants, Śakra, his eyes wide open with affection, said this smilingly to the slayer of Madhu in a private place:

AI translation rendered from the Sanskrit, not a published edition

BrP 188.29

कृष्ण कृष्ण शृणुष्वेदं यदर्थम् अहम् आगतः त्वत्समीपं महाबाहो नैतच् चिन्त्यं त्वयान्यथा ॥

kṛṣṇa kṛṣṇa śṛṇuṣvedaṃ yadartham aham āgataḥ tvatsamīpaṃ mahābāho naitac cintyaṃ tvayānyathā //

"Kṛṣṇa, Kṛṣṇa, hear this — the purpose for which I have come to you, O mighty-armed one; you must not think of it otherwise."

AI translation rendered from the Sanskrit, not a published edition

BrP 188.30

भारावतरणार्धाय पृथिव्याः पृथिवीतलम् अवतीर्णो ऽखिलाधारस् त्वम् एव परमेश्वर ॥

bhārāvataraṇārdhāya pṛthivyāḥ pṛthivītalam avatīrṇo 'khilādhāras tvam eva parameśvara //

"For the sake of lifting the burden of the earth you, the support of all, have descended to the earth's surface, O supreme Lord."

AI translation rendered from the Sanskrit, not a published edition

BrP 188.31

महभङ्गविरुद्धेन मया गोकुलनाशकाः समादिष्टा महामेघास् तैश् चैतत् कदनं कृतम् ॥

mahabhaṅgaviruddhena mayā gokulanāśakāḥ samādiṣṭā mahāmeghās taiś caitat kadanaṃ kṛtam //

"Angered by the breaking off of the sacrifice, I commanded the great clouds to destroy Gokula, and by them this havoc was wrought."

AI translation rendered from the Sanskrit, not a published edition — the model flagged this verse as uncertain

BrP 188.32

त्रातास् तापात् त्वया गावः समुत्पाट्य महागिरिम् तेनाहं तोषितो वीर कर्मणात्यद्भुतेन ते ॥

trātās tāpāt tvayā gāvaḥ samutpāṭya mahāgirim tenāhaṃ toṣito vīra karmaṇātyadbhutena te //

"By you the cows were saved from that affliction, by tearing up the great mountain; by that most wonderful deed of yours I am pleased, O hero."

AI translation rendered from the Sanskrit, not a published edition

BrP 188.33

साधितं कृष्ण देवानाम् अद्य मन्ये प्रयोजनम् त्वयायम् अद्रिप्रवरः करेणैकेन चोद्धृतः ॥

sādhitaṃ kṛṣṇa devānām adya manye prayojanam tvayāyam adripravaraḥ kareṇaikena coddhṛtaḥ //

"Today, Kṛṣṇa, I consider the gods' purpose accomplished, since this best of mountains was lifted up by you with a single hand."

AI translation rendered from the Sanskrit, not a published edition

BrP 188.34

गोभिश् च नोदितः कृष्ण त्वत्समीपम् इहागतः त्वया त्राताभिर् अत्यर्थं युष्मत्कारणकारणात् ॥

gobhiś ca noditaḥ kṛṣṇa tvatsamīpam ihāgataḥ tvayā trātābhir atyarthaṃ yuṣmatkāraṇakāraṇāt //

"And urged by the cows, Kṛṣṇa, I have come here into your presence — by those (cows) who were exceedingly protected by you, on account of the cause that is your cause."

AI translation rendered from the Sanskrit, not a published edition — the model flagged this verse as uncertain

BrP 188.35

स त्वां कृष्णाभिषेक्ष्यामि गवां वाक्यप्रचोदितः उपेन्द्रत्वे गवाम् इन्द्रो गोविन्दस् त्वं भविष्यसि ॥

sa tvāṃ kṛṣṇābhiṣekṣyāmi gavāṃ vākyapracoditaḥ upendratve gavām indro govindas tvaṃ bhaviṣyasi //

"So I, prompted by the words of the cows, shall consecrate you, Kṛṣṇa: in the rank of Upendra, as Indra of the cows, you shall be Govinda."

AI translation rendered from the Sanskrit, not a published edition

BrP 188.36

अथोपवाह्याद् आदाय घण्टाम् ऐरावताद् गजात् अभिषेकं तया चक्रे पवित्रजलपूर्णया ॥

athopavāhyād ādāya ghaṇṭām airāvatād gajāt abhiṣekaṃ tayā cakre pavitrajalapūrṇayā //

Then, taking a bell from Airāvata, the elephant he rode, he performed the consecration with it, filled with purifying water.

AI translation rendered from the Sanskrit, not a published edition

BrP 188.37

क्रियमाणे ऽभिषेके तु गावः कृष्णस्य तत्क्षणात् प्रस्रवोद्भूतदुग्धार्द्रां सद्यश् चक्रुर् वसुंधराम् ॥

kriyamāṇe 'bhiṣeke tu gāvaḥ kṛṣṇasya tatkṣaṇāt prasravodbhūtadugdhārdrāṃ sadyaś cakrur vasuṃdharām //

And while Kṛṣṇa's consecration was being performed, that very instant the cows at once made the earth wet with milk streaming forth from their udders.

AI translation rendered from the Sanskrit, not a published edition

BrP 188.38

अभिषिच्य गवां वाक्याद् देवेन्द्रो वै जनार्दनम् प्रीत्या सप्रश्रयं कृष्णं पुनर् आह शचीपतिः ॥

abhiṣicya gavāṃ vākyād devendro vai janārdanam prītyā sapraśrayaṃ kṛṣṇaṃ punar āha śacīpatiḥ //

Having consecrated Janārdana at the word of the cows, the lord of the gods, Śacī's husband, spoke again to Kṛṣṇa with affection and deference:

AI translation rendered from the Sanskrit, not a published edition

BrP 188.39

गवाम् एतत् कृतं वाक्यात् तथान्यद् अपि मे शृणु यद् ब्रवीमि महाभाग भारावतरणेच्छया ॥

gavām etat kṛtaṃ vākyāt tathānyad api me śṛṇu yad bravīmi mahābhāga bhārāvataraṇecchayā //

"This was done at the cows' word; now hear also this other thing that I say, O greatly fortunate one, out of the desire that the (earth's) burden be lifted."

AI translation rendered from the Sanskrit, not a published edition

BrP 188.40

ममांशः पुरुषव्याघ्रः पृथिव्यां पृथिवीधर अवतीर्णो ऽर्जुनो नाम स रक्ष्यो भवता सदा ॥

mamāṃśaḥ puruṣavyāghraḥ pṛthivyāṃ pṛthivīdhara avatīrṇo 'rjuno nāma sa rakṣyo bhavatā sadā //

"A portion of me, a tiger among men, has descended on the earth, O upholder of the earth, named Arjuna; he is always to be protected by you."

AI translation rendered from the Sanskrit, not a published edition

BrP 188.41

भारावतरणे सख्यं स ते वीरः करिष्यति स रक्षणीयो भवता यथात्मा मधुसूदन ॥

bhārāvataraṇe sakhyaṃ sa te vīraḥ kariṣyati sa rakṣaṇīyo bhavatā yathātmā madhusūdana //

"In the lifting of the burden that hero will be your friend; he is to be guarded by you as your own self, O slayer of Madhu."

AI translation rendered from the Sanskrit, not a published edition

BrP 188.42

जानामि भारते वंशे जातं पार्थं तवांशतः तम् अहं पालयिष्यामि यावद् अस्मि महीतले ॥

jānāmi bhārate vaṃśe jātaṃ pārthaṃ tavāṃśataḥ tam ahaṃ pālayiṣyāmi yāvad asmi mahītale //

"I know that Pārtha, born in the Bhārata line from a portion of you; I shall protect him as long as I am on the earth's surface."

AI translation rendered from the Sanskrit, not a published edition

BrP 188.43

यावन् महीतले शक्र स्थास्याम्य् अहम् अरिंदम न तावद् अर्जुनं कश्चिद् देवेन्द्र युधि जेष्यति ॥

yāvan mahītale śakra sthāsyāmy aham ariṃdama na tāvad arjunaṃ kaścid devendra yudhi jeṣyati //

"As long as I shall remain on the earth's surface, Śakra, O subduer of foes, so long shall no one, O lord of the gods, conquer Arjuna in battle."

AI translation rendered from the Sanskrit, not a published edition

BrP 188.44

कंसो नाम महाबाहुर् दैत्यो ऽरिष्टस् तथा परः केशी कुवलयापीडो नरकाद्यास् तथापरे ॥

kaṃso nāma mahābāhur daityo 'riṣṭas tathā paraḥ keśī kuvalayāpīḍo narakādyās tathāpare //

"There is the mighty-armed demon named Kaṃsa, and another, Ariṣṭa, and Keśin, Kuvalayāpīḍa, and others too, Naraka and the rest."

AI translation rendered from the Sanskrit, not a published edition

BrP 188.45

हतेषु तेषु देवेन्द्र भविष्यति महाहवः तत्र विद्धि सहस्राक्ष भारावतरणं कृतम् ॥

hateṣu teṣu devendra bhaviṣyati mahāhavaḥ tatra viddhi sahasrākṣa bhārāvataraṇaṃ kṛtam //

"When they have been slain, lord of the gods, there will be a great battle; know, thousand-eyed one, that therein the lifting of the burden is accomplished."

AI translation rendered from the Sanskrit, not a published edition

BrP 188.46

स त्वं गच्छ न संतापं पुत्रार्थे कर्तुम् अर्हसि नार्जुनस्य रिपुः कश्चिन् ममाग्रे प्रभविष्यति ॥

sa tvaṃ gaccha na saṃtāpaṃ putrārthe kartum arhasi nārjunasya ripuḥ kaścin mamāgre prabhaviṣyati //

"So go; you ought not to grieve on your son's account. No enemy of Arjuna's will prevail in my presence."

AI translation rendered from the Sanskrit, not a published edition

BrP 188.47

अर्जुनार्थे त्व् अहं सर्वान् युधिष्ठिरपुरोगमान् निवृत्ते भारते युद्धे कुन्त्यै दास्यामि विक्षतान् ॥

arjunārthe tv ahaṃ sarvān yudhiṣṭhirapurogamān nivṛtte bhārate yuddhe kuntyai dāsyāmi vikṣatān //

"For Arjuna's sake, when the Bhārata war has ended, I shall give back to Kuntī all of them, led by Yudhiṣṭhira, (though) wounded."

AI translation rendered from the Sanskrit, not a published edition

BrP 188.48

इत्य् उक्तः संपरिष्वज्य देवराजो जनार्दनम् आरुह्यैरावतं नागं पुनर् एव दिवं ययौ ॥

ity uktaḥ saṃpariṣvajya devarājo janārdanam āruhyairāvataṃ nāgaṃ punar eva divaṃ yayau //

Thus addressed, the king of the gods embraced Janārdana, mounted the elephant Airāvata, and went again to heaven.

AI translation rendered from the Sanskrit, not a published edition

BrP 188.49

कृष्णो ऽपि सहितो गोभिर् गोपालैश् च पुनर् व्रजम् आजगामाथ गोपीनां दृष्टपूतेन वर्त्मना ॥

kṛṣṇo 'pi sahito gobhir gopālaiś ca punar vrajam ājagāmātha gopīnāṃ dṛṣṭapūtena vartmanā //

Kṛṣṇa too, together with the cows and the cowherds, then came back to the cow-station by the road made pure by the gaze of the gopīs.

AI translation rendered from the Sanskrit, not a published edition