Brahma Purana — Chapter 185

BrP 185.1

एकदा तु विना रामं कृष्णो वृन्दावनं ययौ विचचार वृतो गोपैर् वन्यपुष्पस्रगुज्ज्वलः ॥

ekadā tu vinā rāmaṃ kṛṣṇo vṛndāvanaṃ yayau vicacāra vṛto gopair vanyapuṣpasragujjvalaḥ //

But one day Kṛṣṇa went to Vṛndāvana without Rāma, and roamed about surrounded by cowherds, resplendent with garlands of forest flowers.

AI translation rendered from the Sanskrit, not a published edition

BrP 185.2

स जगामाथ कालिन्दीं लोलकल्लोलशालिनीम् तीरसंलग्नफेनौघैर् हसन्तीम् इव सर्वतः ॥

sa jagāmātha kālindīṃ lolakallolaśālinīm tīrasaṃlagnaphenaughair hasantīm iva sarvataḥ //

Then he came to the Kālindī, rich in restless waves, seeming to laugh on all sides with the masses of foam clinging to her banks.

AI translation rendered from the Sanskrit, not a published edition

BrP 185.3

तस्यां चातिमहाभीमं विषाग्निकणदूषितम् ह्रदं कालीयनागस्य ददर्शातिविभीषणम् ॥

tasyāṃ cātimahābhīmaṃ viṣāgnikaṇadūṣitam hradaṃ kālīyanāgasya dadarśātivibhīṣaṇam //

And in her he saw the exceedingly terrible, most frightful pool of the serpent Kālīya, fouled by sparks of the fire of (its) venom,

AI translation rendered from the Sanskrit, not a published edition

BrP 185.4

विषाग्निना विसरता दग्धतीरमहातरुम् वाताहताम्बुविक्षेपस्पर्शदग्धविहंगमम् ॥

viṣāgninā visaratā dagdhatīramahātarum vātāhatāmbuvikṣepasparśadagdhavihaṃgamam //

whose great trees on the bank were burnt by the spreading venom-fire, and whose birds were burnt by the touch of the water flung up by the wind.

AI translation rendered from the Sanskrit, not a published edition

BrP 185.5

तम् अतीव महारौद्रं मृत्युवक्त्रम् इवापरम् विलोक्य चिन्तयाम् आस भगवान् मधुसूदनः ॥

tam atīva mahāraudraṃ mṛtyuvaktram ivāparam vilokya cintayām āsa bhagavān madhusūdanaḥ //

Beholding it, exceedingly dreadful, like a second mouth of Death, the Lord, the slayer of Madhu, reflected:

AI translation rendered from the Sanskrit, not a published edition

BrP 185.6

अस्मिन् वसति दुष्टात्मा कालीयो ऽसौ विषायुधः यो मया निर्जितस् त्यक्त्वा दुष्टो नष्टः पयोनिधौ ॥

asmin vasati duṣṭātmā kālīyo 'sau viṣāyudhaḥ yo mayā nirjitas tyaktvā duṣṭo naṣṭaḥ payonidhau //

"In this (pool) dwells that evil-souled Kālīya, whose weapon is venom, who, when defeated by me, abandoned (his place) and, wicked one, disappeared into the ocean.

AI translation rendered from the Sanskrit, not a published edition

BrP 185.7

तेनेयं दूषिता सर्वा यमुना सागरंगमा न नरैर् गोधनैर् वापि तृषार्तैर् उपभुज्यते ॥

teneyaṃ dūṣitā sarvā yamunā sāgaraṃgamā na narair godhanair vāpi tṛṣārtair upabhujyate //

By him this whole Yamunā, which flows to the sea, has been fouled, and cannot be used by men or by herds of cattle even when they are tormented by thirst.

AI translation rendered from the Sanskrit, not a published edition

BrP 185.8

तद् अस्य नागराजस्य कर्तव्यो निग्रहो मया नित्यत्रस्ताः सुखं येन चरेयुर् व्रजवासिनः ॥

tad asya nāgarājasya kartavyo nigraho mayā nityatrastāḥ sukhaṃ yena careyur vrajavāsinaḥ //

So this serpent king must be subdued by me, so that the dwellers of the cattle-station, ever in fear, may live at ease.

AI translation rendered from the Sanskrit, not a published edition

BrP 185.9

एतदर्थं नृलोके ऽस्मिन्न् अवतारो मया कृतः यद् एषाम् उत्पथस्थानां कार्या शास्तिर् दुरात्मनाम् ॥

etadarthaṃ nṛloke 'sminn avatāro mayā kṛtaḥ yad eṣām utpathasthānāṃ kāryā śāstir durātmanām //

For this very purpose my descent into this world of men has been made: that these evil-souled ones who walk the wrong path should be chastised.

AI translation rendered from the Sanskrit, not a published edition

BrP 185.10

तद् एतन् नातिदूरस्थं कदम्बम् उरुशाखिनम् अधिरुह्योत्पतिष्यामि ह्रदे ऽस्मिञ् जीवनाशिनः ॥

tad etan nātidūrasthaṃ kadambam uruśākhinam adhiruhyotpatiṣyāmi hrade 'smiñ jīvanāśinaḥ //

So I shall climb this broad-branched kadamba tree standing not far off, and leap into this pool of the destroyer of life."

AI translation rendered from the Sanskrit, not a published edition

BrP 185.11

इत्थं विचिन्त्य बद्ध्वा च गाढं परिकरं ततः निपपात ह्रदे तत्र सर्पराजस्य वेगतः ॥

itthaṃ vicintya baddhvā ca gāḍhaṃ parikaraṃ tataḥ nipapāta hrade tatra sarparājasya vegataḥ //

Having thought thus, and having girded his loins tightly, he then plunged with force into that pool of the serpent king.

AI translation rendered from the Sanskrit, not a published edition

BrP 185.12

तेनापि पतता तत्र क्षोभितः स महाह्रदः अत्यर्थदूरजातांश् च तांश् चासिञ्चन् महीरुहान् ॥

tenāpi patatā tatra kṣobhitaḥ sa mahāhradaḥ atyarthadūrajātāṃś ca tāṃś cāsiñcan mahīruhān //

And by him falling there that great pool was churned up, and it drenched those trees that had grown very far off.

AI translation rendered from the Sanskrit, not a published edition

BrP 185.13

ते ऽहिदुष्टविषज्वालातप्ताम्बुतपनोक्षिताः जज्वलुः पादपाः सद्यो ज्वालाव्याप्तदिगन्तराः ॥

te 'hiduṣṭaviṣajvālātaptāmbutapanokṣitāḥ jajvaluḥ pādapāḥ sadyo jvālāvyāptadigantarāḥ //

Those trees, sprinkled with water heated by the flames of the wicked serpent's venom and (burning) like the sun, at once blazed up, their flames filling the quarters of the sky.

AI translation rendered from the Sanskrit, not a published edition

BrP 185.14

आस्फोटयाम् आस तदा कृष्णो नागह्रदं भुजैः तच्छब्दश्रवणाच् चाथ नागराजो ऽभ्युपागमत् ॥

āsphoṭayām āsa tadā kṛṣṇo nāgahradaṃ bhujaiḥ tacchabdaśravaṇāc cātha nāgarājo 'bhyupāgamat //

Then Kṛṣṇa slapped his arms (in challenge) at the serpent's pool, and on hearing that sound the serpent king came forth,

AI translation rendered from the Sanskrit, not a published edition

BrP 185.15

आताम्रनयनः कोपाद् विषज्वालाकुलैः फणैः वृतो महाविषैश् चान्यैर् अरुणैर् अनिलाशनैः ॥

ātāmranayanaḥ kopād viṣajvālākulaiḥ phaṇaiḥ vṛto mahāviṣaiś cānyair aruṇair anilāśanaiḥ //

his eyes reddened with rage, with hoods thick with the flames of his venom, surrounded by others too, greatly venomous, ruddy, feeding on air,

AI translation rendered from the Sanskrit, not a published edition

BrP 185.16

नागपत्न्यश् च शतशो हारिहारोपशोभिताः प्रकम्पिततनूत्क्षेपचलत्कुण्डलकान्तयः ॥

nāgapatnyaś ca śataśo hārihāropaśobhitāḥ prakampitatanūtkṣepacalatkuṇḍalakāntayaḥ //

and by hundreds of serpent wives adorned with lovely necklaces, the beauty of their swinging earrings glittering as their trembling bodies were tossed about.

AI translation rendered from the Sanskrit, not a published edition

BrP 185.17

ततः प्रवेष्टितः सर्पैः स कृष्णो भोगबन्धनैः ददंशुश् चापि ते कृष्णं विषज्वालाविलैर् मुखैः ॥

tataḥ praveṣṭitaḥ sarpaiḥ sa kṛṣṇo bhogabandhanaiḥ dadaṃśuś cāpi te kṛṣṇaṃ viṣajvālāvilair mukhaiḥ //

Then Kṛṣṇa was wrapped round by the serpents with the bonds of their coils, and they bit Kṛṣṇa with mouths turbid with the flames of venom.

AI translation rendered from the Sanskrit, not a published edition

BrP 185.18

तं तत्र पतितं दृष्ट्वा नागभोगनिपीडितम् गोपा व्रजम् उपागत्य चुक्रुशुः शोकलालसाः ॥

taṃ tatra patitaṃ dṛṣṭvā nāgabhoganipīḍitam gopā vrajam upāgatya cukruśuḥ śokalālasāḥ //

Seeing him fallen there, crushed by the serpent's coils, the cowherds went to the cattle-station and cried out, sunk in grief.

AI translation rendered from the Sanskrit, not a published edition

BrP 185.19

एष कृष्णो गतो मोहमग्नो वै कालिये ह्रदे भक्ष्यते सर्पराजेन तद् आगच्छत मा चिरम् ॥

eṣa kṛṣṇo gato mohamagno vai kāliye hrade bhakṣyate sarparājena tad āgacchata mā ciram //

"This Kṛṣṇa has fallen into a swoon, sunk in the Kāliya pool; he is being devoured by the king of serpents — so come, without delay!"

AI translation rendered from the Sanskrit, not a published edition

BrP 185.20

एतच् छ्रुत्वा ततो गोपा वज्रपातोपमं वचः गोप्यश् च त्वरिता जग्मुर् यशोदाप्रमुखा ह्रदम् ॥

etac chrutvā tato gopā vajrapātopamaṃ vacaḥ gopyaś ca tvaritā jagmur yaśodāpramukhā hradam //

Hearing this speech, which was like the fall of a thunderbolt, the cowherds and the cowherd women, with Yaśodā at their head, went in haste to the pool.

AI translation rendered from the Sanskrit, not a published edition

BrP 185.21

हा हा क्वासाव् इति जनो गोपीनाम् अतिविह्वलः यशोदया समं भ्रान्तो द्रुतः प्रस्खलितो ययौ ॥

hā hā kvāsāv iti jano gopīnām ativihvalaḥ yaśodayā samaṃ bhrānto drutaḥ praskhalito yayau //

"Alas, alas, where is he?" — thus the throng of cowherd women, utterly distraught, together with Yaśodā, went bewildered, running, stumbling.

AI translation rendered from the Sanskrit, not a published edition

BrP 185.22

नन्दगोपश् च गोपाश् च रामश् चाद्भुतविक्रमः त्वरितं यमुनां जग्मुः कृष्णदर्शनलालसाः ॥

nandagopaś ca gopāś ca rāmaś cādbhutavikramaḥ tvaritaṃ yamunāṃ jagmuḥ kṛṣṇadarśanalālasāḥ //

And Nanda the cowherd and the cowherds and Rāma of wondrous valour went swiftly to the Yamunā, longing to see Kṛṣṇa.

AI translation rendered from the Sanskrit, not a published edition

BrP 185.23

ददृशुश् चापि ते तत्र सर्पराजवशंगतम् निष्प्रयत्नं कृतं कृष्णं सर्पभोगेन वेष्टितम् ॥

dadṛśuś cāpi te tatra sarparājavaśaṃgatam niṣprayatnaṃ kṛtaṃ kṛṣṇaṃ sarpabhogena veṣṭitam //

And there they saw Kṛṣṇa fallen into the power of the serpent king, rendered motionless, wrapped about by the serpent's coils.

AI translation rendered from the Sanskrit, not a published edition

BrP 185.24

नन्दगोपश् च निश्चेष्टः पश्यन् पुत्रमुखं भृशम् यशोदा च महाभागा बभूव मुनिसत्तमाः ॥

nandagopaś ca niśceṣṭaḥ paśyan putramukhaṃ bhṛśam yaśodā ca mahābhāgā babhūva munisattamāḥ //

And Nanda the cowherd became motionless, gazing intently at his son's face, and so too did the greatly blessed Yaśodā, O best of sages.

AI translation rendered from the Sanskrit, not a published edition

BrP 185.25

गोप्यस् त्व् अन्या रुदत्यश् च ददृशुः शोककातराः प्रोचुश् च केशवं प्रीत्या भयकातरगद्गदम् ॥

gopyas tv anyā rudatyaś ca dadṛśuḥ śokakātarāḥ procuś ca keśavaṃ prītyā bhayakātaragadgadam //

But the other cowherd women, weeping, stricken with grief, looked on, and out of love spoke to Keśava, faltering in voice from fear-stricken distress.

AI translation rendered from the Sanskrit, not a published edition

BrP 185.26

सर्वा यशोदया सार्धं विशामो ऽत्र महाह्रदे नागराजस्य नो गन्तुम् अस्माकं युज्यते व्रजे ॥

sarvā yaśodayā sārdhaṃ viśāmo 'tra mahāhrade nāgarājasya no gantum asmākaṃ yujyate vraje //

"Let us all, together with Yaśodā, enter here into the great pool of the serpent king; it is not fitting for us to go to the cow-station.

AI translation rendered from the Sanskrit, not a published edition

BrP 185.27

दिवसः को विना सूर्यं विना चन्द्रेण का निशा विना दुग्धेन का गावो विना कृष्णेन को व्रजः विनाकृता न यास्यामः कृष्णेनानेन गोकुलम् ॥

divasaḥ ko vinā sūryaṃ vinā candreṇa kā niśā vinā dugdhena kā gāvo vinā kṛṣṇena ko vrajaḥ vinākṛtā na yāsyāmaḥ kṛṣṇenānena gokulam //

What is day without the sun, what is night without the moon, what are cows without milk, what is the cow-station without Kṛṣṇa? Deprived of this Kṛṣṇa, we will not go to Gokula."

AI translation rendered from the Sanskrit, not a published edition

BrP 185.28

इति गोपीवचः श्रुत्वा रौहिणेयो महाबलः उवाच गोपान् विधुरान् विलोक्य स्तिमितेक्षणः ॥

iti gopīvacaḥ śrutvā rauhiṇeyo mahābalaḥ uvāca gopān vidhurān vilokya stimitekṣaṇaḥ //

Hearing this speech of the cowherd women, the mighty son of Rohiṇī, seeing the cowherds distressed, his own eyes fixed motionless, spoke —

AI translation rendered from the Sanskrit, not a published edition

BrP 185.29

नन्दं च दीनम् अत्यर्थं न्यस्तदृष्टिं सुतानने मूर्छाकुलां यशोदां च कृष्णमाहात्म्यसंज्ञया ॥

nandaṃ ca dīnam atyarthaṃ nyastadṛṣṭiṃ sutānane mūrchākulāṃ yaśodāṃ ca kṛṣṇamāhātmyasaṃjñayā //

— and (seeing) Nanda exceedingly wretched, his gaze fastened on his son's face, and Yaśodā overcome by fainting, (he spoke) by way of reminding (Kṛṣṇa) of his own greatness:

AI translation rendered from the Sanskrit, not a published edition

BrP 185.30

किम् अयं देवदेवेश भावो ऽयं मानुषस् त्वया व्यज्यते स्वं तम् आत्मानं किम् अन्यं त्वं न वेत्सि यत् ॥

kim ayaṃ devadeveśa bhāvo 'yaṃ mānuṣas tvayā vyajyate svaṃ tam ātmānaṃ kim anyaṃ tvaṃ na vetsi yat //

"What is this, O lord of the gods of gods? This human condition is displayed by you. Do you not know your own self, that other (self) of yours?

AI translation rendered from the Sanskrit, not a published edition

BrP 185.31

त्वम् अस्य जगतो नाभिः सुराणाम् एव चाश्रयः कर्तापहर्ता पाता च त्रैलोक्यं त्वं त्रयीमयः ॥

tvam asya jagato nābhiḥ surāṇām eva cāśrayaḥ kartāpahartā pātā ca trailokyaṃ tvaṃ trayīmayaḥ //

You are the navel of this world and the refuge of the gods themselves; you are the maker, the remover and the protector of the three worlds; you consist of the triple Veda.

AI translation rendered from the Sanskrit, not a published edition

BrP 185.32

अत्रावतीर्णयोः कृष्ण गोपा एव हि बान्धवाः गोप्यश् च सीदतः कस्मात् त्वं बन्धून् समुपेक्षसे ॥

atrāvatīrṇayoḥ kṛṣṇa gopā eva hi bāndhavāḥ gopyaś ca sīdataḥ kasmāt tvaṃ bandhūn samupekṣase //

For us two who have descended here, Kṛṣṇa, the cowherds and cowherd women are the very kinsmen; why do you disregard your kinsmen as they sink (in grief)?

AI translation rendered from the Sanskrit, not a published edition

BrP 185.33

दर्शितो मानुषो भावो दर्शितं बालचेष्टितम् तद् अयं दम्यतां कृष्ण दुरात्मा दशनायुधः ॥

darśito mānuṣo bhāvo darśitaṃ bālaceṣṭitam tad ayaṃ damyatāṃ kṛṣṇa durātmā daśanāyudhaḥ //

The human condition has been displayed, the play of a child has been displayed; therefore, Kṛṣṇa, let this evil-natured creature whose weapons are its fangs be subdued."

AI translation rendered from the Sanskrit, not a published edition

BrP 185.34

इति संस्मारितः कृष्णः स्मितभिन्नौष्ठसंपुटः आस्फाल्य मोचयाम् आस स्वं देहं भोगबन्धनात् ॥

iti saṃsmāritaḥ kṛṣṇaḥ smitabhinnauṣṭhasaṃpuṭaḥ āsphālya mocayām āsa svaṃ dehaṃ bhogabandhanāt //

Thus reminded, Kṛṣṇa, the closure of his lips parted by a smile, struck out and freed his own body from the bondage of the coils.

AI translation rendered from the Sanskrit, not a published edition

BrP 185.35

आनाम्य चापि हस्ताभ्याम् उभाभ्यां मध्यमं फणम् आरुह्य भुग्नशिरसः प्रननर्तोरुविक्रमः ॥

ānāmya cāpi hastābhyām ubhābhyāṃ madhyamaṃ phaṇam āruhya bhugnaśirasaḥ prananartoruvikramaḥ //

And bending down with both hands the middle hood of him whose head was bowed, he mounted it and danced with immense force.

AI translation rendered from the Sanskrit, not a published edition

BrP 185.36

व्रणाः फणे ऽभवंस् तस्य कृष्णस्याङ्घ्रिविकुट्टनैः यत्रोन्नतिं च कुरुते ननामास्य ततः शिरः ॥

vraṇāḥ phaṇe 'bhavaṃs tasya kṛṣṇasyāṅghrivikuṭṭanaiḥ yatronnatiṃ ca kurute nanāmāsya tataḥ śiraḥ //

Wounds appeared on that hood from the poundings of Kṛṣṇa's feet; and wherever it raised itself up, from there its head was bowed down.

AI translation rendered from the Sanskrit, not a published edition

BrP 185.37

मूर्छाम् उपाययौ भ्रान्त्या नागः कृष्णस्य कुट्टनैः दण्डपातनिपातेन ववाम रुधिरं बहु ॥

mūrchām upāyayau bhrāntyā nāgaḥ kṛṣṇasya kuṭṭanaiḥ daṇḍapātanipātena vavāma rudhiraṃ bahu //

The serpent, reeling, fell into a swoon from Kṛṣṇa's poundings; from the blows falling like a cudgel it vomited much blood.

AI translation rendered from the Sanskrit, not a published edition

BrP 185.38

तं निर्भुग्नशिरोग्रीवम् आस्यप्रस्रुतशोणितम् विलोक्य शरणं जग्मुस् तत्पत्न्यो मधुसूदनम् ॥

taṃ nirbhugnaśirogrīvam āsyaprasrutaśoṇitam vilokya śaraṇaṃ jagmus tatpatnyo madhusūdanam //

Seeing him with head and neck bent down and blood streaming from his mouth, his wives went for refuge to the slayer of Madhu.

AI translation rendered from the Sanskrit, not a published edition

BrP 185.39

ज्ञातो ऽसि देवदेवेश सर्वेशस् त्वम् अनुत्तम परं ज्योतिर् अचिन्त्यं यत् तदंशः परमेश्वरः ॥

jñāto 'si devadeveśa sarveśas tvam anuttama paraṃ jyotir acintyaṃ yat tadaṃśaḥ parameśvaraḥ //

(Now) you are known, O Lord of the gods of gods; you are the ruler of all, O unsurpassed one. That supreme light which is unthinkable — the Supreme Lord is a portion of it.

AI translation rendered from the Sanskrit, not a published edition

BrP 185.40

न समर्थाः सुर स्तोतुं यम् अनन्यभवं प्रभुम् स्वरूपवर्णनं तस्य कथं योषित् करिष्यति ॥

na samarthāḥ sura stotuṃ yam ananyabhavaṃ prabhum svarūpavarṇanaṃ tasya kathaṃ yoṣit kariṣyati //

When the gods are not able to praise him, the Lord who has no other origin, how shall a woman describe his own form?

AI translation rendered from the Sanskrit, not a published edition

BrP 185.41

यस्याखिलमहीव्योमजलाग्निपवनात्मकम् ब्रह्माण्डम् अल्पकांशांशः स्तोष्यामस् तं कथं वयम् ॥

yasyākhilamahīvyomajalāgnipavanātmakam brahmāṇḍam alpakāṃśāṃśaḥ stoṣyāmas taṃ kathaṃ vayam //

He of whom the egg of Brahmā, consisting of all earth, space, water, fire and wind, is a portion of a tiny portion — how shall we praise him?

AI translation rendered from the Sanskrit, not a published edition

BrP 185.42

ततः कुरु जगत्स्वामिन् प्रसादम् अवसीदतः प्राणांस् त्यजति नागो ऽयं भर्तृभिक्षा प्रदीयताम् ॥

tataḥ kuru jagatsvāmin prasādam avasīdataḥ prāṇāṃs tyajati nāgo 'yaṃ bhartṛbhikṣā pradīyatām //

Therefore, O Lord of the world, show favour to (this serpent) who is sinking; this serpent is giving up his life-breaths. Grant (us) the alms of our husband.

AI translation rendered from the Sanskrit, not a published edition

BrP 185.43

इत्य् उक्ते ताभिर् आश्वास्य क्लान्तदेहो ऽपि पन्नगः प्रसीद देवदेवेति प्राह वाक्यं शनैः शनैः ॥

ity ukte tābhir āśvāsya klāntadeho 'pi pannagaḥ prasīda devadeveti prāha vākyaṃ śanaiḥ śanaiḥ //

When this had been said by them, the serpent, though his body was worn out, took heart and spoke these words very slowly: "Be gracious, O Lord of the gods."

AI translation rendered from the Sanskrit, not a published edition

BrP 185.44

तवाष्टगुणम् ऐश्वर्यं नाथ स्वाभाविकं परम् निरस्तातिशयं यस्य तस्य स्तोष्यामि किं न्व् अहम् ॥

tavāṣṭaguṇam aiśvaryaṃ nātha svābhāvikaṃ param nirastātiśayaṃ yasya tasya stoṣyāmi kiṃ nv aham //

Your lordship, O Master, is eightfold, innate, supreme, with all excelling it removed — of such a one, what indeed shall I praise?

AI translation rendered from the Sanskrit, not a published edition

BrP 185.45

त्वं परस् त्वं परस्याद्यः परं त्वं तत्परात्मकम् परस्मात् परमो यस् त्वं तस्य स्तोष्यामि किं न्व् अहम् ॥

tvaṃ paras tvaṃ parasyādyaḥ paraṃ tvaṃ tatparātmakam parasmāt paramo yas tvaṃ tasya stoṣyāmi kiṃ nv aham //

You are the supreme; you are the first of the supreme; you are that which is beyond, having the supreme as its self; you who are highest even than the highest — of such a one, what indeed shall I praise?

AI translation rendered from the Sanskrit, not a published edition — the model flagged this verse as uncertain

BrP 185.46

यथाहं भवता सृष्टो जात्या रूपेण चेश्वरः स्वभावेन च संयुक्तस् तथेदं चेष्टितं मया ॥

yathāhaṃ bhavatā sṛṣṭo jātyā rūpeṇa ceśvaraḥ svabhāvena ca saṃyuktas tathedaṃ ceṣṭitaṃ mayā //

As I was created by you, O Lord, in respect of species and form, and endowed with (my) nature, so have I acted.

AI translation rendered from the Sanskrit, not a published edition

BrP 185.47

यद्य् अन्यथा प्रवर्तेय देवदेव ततो मयि न्याय्यो दण्डनिपातस् ते तवैव वचनं यथा ॥

yady anyathā pravarteya devadeva tato mayi nyāyyo daṇḍanipātas te tavaiva vacanaṃ yathā //

If I had acted otherwise, O Lord of the gods, then the falling of your punishment upon me would be just — just as your word is (just).

AI translation rendered from the Sanskrit, not a published edition

BrP 185.48

तथापि यं जगत्स्वामी दण्डं पातितवान् मयि स सोढो ऽयं वरो दण्डस् त्वत्तो नान्यो ऽस्तु मे वरः ॥

tathāpi yaṃ jagatsvāmī daṇḍaṃ pātitavān mayi sa soḍho 'yaṃ varo daṇḍas tvatto nānyo 'stu me varaḥ //

Nevertheless, the punishment which the Lord of the world has let fall upon me — that has been borne; this punishment is a boon: let there be for me no other boon than from you.

AI translation rendered from the Sanskrit, not a published edition

BrP 185.49

हतवीर्यो हतविषो दमितो ऽहं त्वयाच्युत जीवितं दीयताम् एकम् आज्ञापय करोमि किम् ॥

hatavīryo hataviṣo damito 'haṃ tvayācyuta jīvitaṃ dīyatām ekam ājñāpaya karomi kim //

My strength destroyed, my venom destroyed, I have been subdued by you, O Acyuta. Grant me just my life; command (me) — what shall I do?

AI translation rendered from the Sanskrit, not a published edition

BrP 185.50

नात्र स्थेयं त्वया सर्प कदाचिद् यमुनाजले सभृत्यपरिवारस् त्वं समुद्रसलिलं व्रज ॥

nātra stheyaṃ tvayā sarpa kadācid yamunājale sabhṛtyaparivāras tvaṃ samudrasalilaṃ vraja //

You must never dwell here in the water of the Yamunā, O serpent; go with your servants and retinue to the water of the ocean.

AI translation rendered from the Sanskrit, not a published edition

BrP 185.51

मत्पदानि च ते सर्प दृष्ट्वा मूर्धनि सागरे गरुडः पन्नगरिपुस् त्वयि न प्रहरिष्यति ॥

matpadāni ca te sarpa dṛṣṭvā mūrdhani sāgare garuḍaḥ pannagaripus tvayi na prahariṣyati //

And in the ocean, O serpent, when Garuḍa, the enemy of serpents, sees my footprints on your head, he will not strike at you.

AI translation rendered from the Sanskrit, not a published edition

BrP 185.52

इत्य् उक्त्वा सर्पराजानं मुमोच भगवान् हरिः प्रणम्य सो ऽपि कृष्णाय जगाम पयसां निधिम् ॥

ity uktvā sarparājānaṃ mumoca bhagavān hariḥ praṇamya so 'pi kṛṣṇāya jagāma payasāṃ nidhim //

Having said this, the Lord Hari released the king of serpents; and he too, bowing to Kṛṣṇa, went to the receptacle of the waters,

AI translation rendered from the Sanskrit, not a published edition

BrP 185.53

पश्यतां सर्वभूतानां सभृत्यापत्यबन्धवः समस्तभार्यासहितः परित्यज्य स्वकं ह्रदम् ॥

paśyatāṃ sarvabhūtānāṃ sabhṛtyāpatyabandhavaḥ samastabhāryāsahitaḥ parityajya svakaṃ hradam //

— while all beings looked on — with his servants, offspring and kinsmen, together with all his wives, abandoning his own pool.

AI translation rendered from the Sanskrit, not a published edition

BrP 185.54

गते सर्पे परिष्वज्य मृतं पुनर् इवागतम् गोपा मूर्धनि गोविन्दं सिषिचुर् नेत्रजैर् जलैः ॥

gate sarpe pariṣvajya mṛtaṃ punar ivāgatam gopā mūrdhani govindaṃ siṣicur netrajair jalaiḥ //

When the serpent had gone, the cowherds embraced Govinda, come back as if from the dead, and wetted his head with the water born of their eyes.

AI translation rendered from the Sanskrit, not a published edition

BrP 185.55

कृष्णम् अक्लिष्टकर्माणम् अन्ये विस्मितचेतसः तुष्टुवुर् मुदिता गोपा दृष्ट्वा शिवजलां नदीम् ॥

kṛṣṇam akliṣṭakarmāṇam anye vismitacetasaḥ tuṣṭuvur muditā gopā dṛṣṭvā śivajalāṃ nadīm //

Others, their minds amazed, the cowherds delighted, praised Kṛṣṇa of untroubled deeds, seeing the river's water made benign.

AI translation rendered from the Sanskrit, not a published edition

BrP 185.56

गीयमानो ऽथ गोपीभिश् चरितैश् चारुचेष्टितैः संस्तूयमानो गोपालैः कृष्णो व्रजम् उपागमत् ॥

gīyamāno 'tha gopībhiś caritaiś cāruceṣṭitaiḥ saṃstūyamāno gopālaiḥ kṛṣṇo vrajam upāgamat //

Then Kṛṣṇa, sung of by the cowherd women with (songs of) his deeds and lovely doings, and praised by the cowherds, came to the cattle-station.

AI translation rendered from the Sanskrit, not a published edition