Brahma Purana — Chapter 184

BrP 184.1

विमुक्तो वसुदेवो ऽपि नन्दस्य शकटं गतः प्रहृष्टं दृष्टवान् नन्दं पुत्रो जातो ममेति वै ॥

vimukto vasudevo 'pi nandasya śakaṭaṃ gataḥ prahṛṣṭaṃ dṛṣṭavān nandaṃ putro jāto mameti vai //

Vasudeva too, being set free, went to Nanda's cart, and saw Nanda delighted, (thinking) "A son has been born to me!"

AI translation rendered from the Sanskrit, not a published edition

BrP 184.2

वसुदेवो ऽपि तं प्राह दिष्ट्या दिष्ट्येति सादरम् वार्धके ऽपि समुत्पन्नस् तनयो ऽयं तवाधुना ॥

vasudevo 'pi taṃ prāha diṣṭyā diṣṭyeti sādaram vārdhake 'pi samutpannas tanayo 'yaṃ tavādhunā //

And Vasudeva said to him respectfully, "How fortunate, how fortunate! Now, even in old age, this son has been born to you."

AI translation rendered from the Sanskrit, not a published edition

BrP 184.3

दत्तो हि वार्षिकः सर्वो भवद्भिर् नृपतेः करः यदर्थम् आगतस् तस्मान् नात्र स्थेयं महात्मना ॥

datto hi vārṣikaḥ sarvo bhavadbhir nṛpateḥ karaḥ yadartham āgatas tasmān nātra stheyaṃ mahātmanā //

"The whole yearly tax to the king has been paid by you, for which purpose you came; therefore the great-souled one should not stay here."

AI translation rendered from the Sanskrit, not a published edition

BrP 184.4

यदर्थम् आगतः कार्यं तन् निष्पन्नं किम् आस्यते भवद्भिर् गम्यतां नन्द तच् छीघ्रं निजगोकुलम् ॥

yadartham āgataḥ kāryaṃ tan niṣpannaṃ kim āsyate bhavadbhir gamyatāṃ nanda tac chīghraṃ nijagokulam //

"The business for which (you) came is accomplished; why linger? Let you all go quickly to your own Gokula, Nanda."

AI translation rendered from the Sanskrit, not a published edition

BrP 184.5

ममापि बालकस् तत्र रोहिणीप्रसवो हि यः स रक्षणीयो भवता यथायं तनयो निजः ॥

mamāpi bālakas tatra rohiṇīprasavo hi yaḥ sa rakṣaṇīyo bhavatā yathāyaṃ tanayo nijaḥ //

"My child too is there, the one born of Rohiṇī; he is to be protected by you just as this son of your own."

AI translation rendered from the Sanskrit, not a published edition

BrP 184.6

इत्य् उक्ताः प्रययुर् गोपा नन्दगोपपुरोगमाः शकटारोपितैर् भाण्डैः करं दत्त्वा महाबलाः ॥

ity uktāḥ prayayur gopā nandagopapurogamāḥ śakaṭāropitair bhāṇḍaiḥ karaṃ dattvā mahābalāḥ //

Addressed thus, the very strong cowherds, with Nanda the cowherd at their head, went off, having paid the tax with the goods loaded on their carts.

AI translation rendered from the Sanskrit, not a published edition

BrP 184.7

वसतां गोकुले तेषां पूतना बालघातिनी सुप्तं कृष्णम् उपादाय रात्रौ च प्रददौ स्तनम् ॥

vasatāṃ gokule teṣāṃ pūtanā bālaghātinī suptaṃ kṛṣṇam upādāya rātrau ca pradadau stanam //

While they were living in Gokula, Pūtanā, the killer of children, took up the sleeping Kṛṣṇa at night and gave (him) her breast.

AI translation rendered from the Sanskrit, not a published edition

BrP 184.8

यस्मै यस्मै स्तनं रात्रौ पूतना संप्रयच्छति तस्य तस्य क्षणेनाङ्गं बालकस्योपहन्यते ॥

yasmai yasmai stanaṃ rātrau pūtanā saṃprayacchati tasya tasya kṣaṇenāṅgaṃ bālakasyopahanyate //

To whatever child Pūtanā gave her breast at night, that child's body was destroyed in an instant.

AI translation rendered from the Sanskrit, not a published edition

BrP 184.9

कृष्णस् तस्याः स्तनं गाढं कराभ्याम् अतिपीडितम् गृहीत्वा प्राणसहितं पपौ क्रोधसमन्वितः ॥

kṛṣṇas tasyāḥ stanaṃ gāḍhaṃ karābhyām atipīḍitam gṛhītvā prāṇasahitaṃ papau krodhasamanvitaḥ //

Kṛṣṇa, filled with anger, seizing her breast firmly and squeezing it hard with both hands, drank it along with her life-breath.

AI translation rendered from the Sanskrit, not a published edition

BrP 184.10

सा विमुक्तमहारावा विच्छिन्नस्नायुबन्धना पपात पूतना भूमौ म्रियमाणातिभीषणा ॥

sā vimuktamahārāvā vicchinnasnāyubandhanā papāta pūtanā bhūmau mriyamāṇātibhīṣaṇā //

She, uttering a great cry, her sinews and ligaments torn apart, most terrible as she died, Pūtanā fell to the ground.

AI translation rendered from the Sanskrit, not a published edition

BrP 184.11

तन्नादश्रुतिसंत्रासाद् विबुद्धास् ते व्रजौकसः ददृशुः पूतनोत्सङ्गे कृष्णं तां च निपातिताम् ॥

tannādaśrutisaṃtrāsād vibuddhās te vrajaukasaḥ dadṛśuḥ pūtanotsaṅge kṛṣṇaṃ tāṃ ca nipātitām //

Awakened by fright at hearing that cry, the dwellers of the cow-station saw Kṛṣṇa in Pūtanā's lap, and her struck down.

AI translation rendered from the Sanskrit, not a published edition

BrP 184.12

आदाय कृष्णं संत्रस्ता यशोदा च ततो द्विजाः गोपुच्छभ्रामणाद्यैश् च बालदोषम् अपाकरोत् ॥

ādāya kṛṣṇaṃ saṃtrastā yaśodā ca tato dvijāḥ gopucchabhrāmaṇādyaiś ca bāladoṣam apākarot //

And then, O brahmins, terrified Yaśodā took up Kṛṣṇa and removed the child's affliction by waving a cow's tail (over him) and other such (rites).

AI translation rendered from the Sanskrit, not a published edition

BrP 184.13

गोपुरीषम् उपादाय नन्दगोपो ऽपि मस्तके कृष्णस्य प्रददौ रक्षां कुर्वन्न् इदम् उदैरयत् ॥

gopurīṣam upādāya nandagopo 'pi mastake kṛṣṇasya pradadau rakṣāṃ kurvann idam udairayat //

Nanda the cowherd too took cow-dung and placed it on Kṛṣṇa's head, and making a protection (rite) for him, uttered this:

AI translation rendered from the Sanskrit, not a published edition

BrP 184.14

रक्षतु त्वाम् अशेषाणां भूतानां प्रभवो हरिः यस्य नाभिसमुद्भूतात् पङ्कजाद् अभवज् जगत् ॥

rakṣatu tvām aśeṣāṇāṃ bhūtānāṃ prabhavo hariḥ yasya nābhisamudbhūtāt paṅkajād abhavaj jagat //

"May Hari protect you, the origin of all beings, from the lotus sprung from whose navel the world came to be.

AI translation rendered from the Sanskrit, not a published edition

BrP 184.15

येन दंष्ट्राग्रविधृता धारयत्य् अवनी जगत् वराहरूपधृग् देवः स त्वां रक्षतु केशवः ॥

yena daṃṣṭrāgravidhṛtā dhārayaty avanī jagat varāharūpadhṛg devaḥ sa tvāṃ rakṣatu keśavaḥ //

"He by whom the earth, held on the tip of his tusk, supports the world — that god who took the boar's form, may that Keśava protect you.

AI translation rendered from the Sanskrit, not a published edition

BrP 184.16

गुह्यं स जठरं विष्णुर् जङ्घापादौ जनार्दनः वामनो रक्षतु सदा भवन्तं यः क्षणाद् अभूत् ॥

guhyaṃ sa jaṭharaṃ viṣṇur jaṅghāpādau janārdanaḥ vāmano rakṣatu sadā bhavantaṃ yaḥ kṣaṇād abhūt //

"May Viṣṇu (protect) your private parts, may Janārdana (protect) your belly, shanks and feet; may the Dwarf, who in an instant became (immense), always protect you.

AI translation rendered from the Sanskrit, not a published edition

BrP 184.17

त्रिविक्रमक्रमाक्रान्तत्रैलोक्यस्फुरदायुधः शिरस् ते पातु गोविन्दः कण्ठं रक्षतु केशवः ॥

trivikramakramākrāntatrailokyasphuradāyudhaḥ śiras te pātu govindaḥ kaṇṭhaṃ rakṣatu keśavaḥ //

"May Govinda, whose weapons flashed as the three worlds were overrun by the three strides, guard your head; may Keśava guard your throat.

AI translation rendered from the Sanskrit, not a published edition

BrP 184.18

मुखबाहू प्रबाहू च मनः सर्वेन्द्रियाणि च रक्षत्व् अव्याहतैश्वर्यस् तव नारायणो ऽव्ययः ॥

mukhabāhū prabāhū ca manaḥ sarvendriyāṇi ca rakṣatv avyāhataiśvaryas tava nārāyaṇo 'vyayaḥ //

"May your undecaying Nārāyaṇa, whose lordship is unobstructed, protect your face, your arms and forearms, your mind and all your senses.

AI translation rendered from the Sanskrit, not a published edition

BrP 184.19

त्वां दिक्षु पातु वैकुण्ठो विदिक्षु मधुसूदनः हृषीकेशो ऽम्बरे भूमौ रक्षतु त्वां महीधरः ॥

tvāṃ dikṣu pātu vaikuṇṭho vidikṣu madhusūdanaḥ hṛṣīkeśo 'mbare bhūmau rakṣatu tvāṃ mahīdharaḥ //

May Vaikuṇṭha guard you in the (four) directions, Madhusūdana in the intermediate quarters; may Hṛṣīkeśa (guard you) in the sky, and on the earth may the Upholder of the Earth protect you.

AI translation rendered from the Sanskrit, not a published edition

BrP 184.20

एवं कृतस्वस्त्ययनो नन्दगोपेन बालकः शायितः शकटस्याधो बालपर्यङ्किकातले ॥

evaṃ kṛtasvastyayano nandagopena bālakaḥ śāyitaḥ śakaṭasyādho bālaparyaṅkikātale //

Thus, with the benedictory rite performed for him by Nanda the cowherd, the child was laid down beneath a cart, on the surface of a child's small bed.

AI translation rendered from the Sanskrit, not a published edition

BrP 184.21

ते च गोपा महद् दृष्ट्वा पूतनायाः कलेवरम् मृतायाः परमं त्रासं विस्मयं च तदा ययुः ॥

te ca gopā mahad dṛṣṭvā pūtanāyāḥ kalevaram mṛtāyāḥ paramaṃ trāsaṃ vismayaṃ ca tadā yayuḥ //

And those cowherds, seeing the huge corpse of the dead Pūtanā, then fell into the utmost terror and amazement.

AI translation rendered from the Sanskrit, not a published edition

BrP 184.22

कदाचिच् छकटस्याधः शयानो मधुसूदनः चिक्षेप चरणाव् ऊर्ध्वं स्तनार्थी प्ररुरोद च ॥

kadācic chakaṭasyādhaḥ śayāno madhusūdanaḥ cikṣepa caraṇāv ūrdhvaṃ stanārthī praruroda ca //

Once, lying beneath the cart, Madhusūdana threw his feet upward and, wanting the breast, cried out.

AI translation rendered from the Sanskrit, not a published edition

BrP 184.23

तस्य पादप्रहारेण शकटं परिवर्तितम् विध्वस्तभाण्डकुम्भं तद् विपरीतं पपात वै ॥

tasya pādaprahāreṇa śakaṭaṃ parivartitam vidhvastabhāṇḍakumbhaṃ tad viparītaṃ papāta vai //

By the blow of his foot the cart was overturned; with its pots and jars shattered, it fell upside down.

AI translation rendered from the Sanskrit, not a published edition

BrP 184.24

ततो हाहाकृतः सर्वो गोपगोपीजनो द्विजाः आजगाम तदा ज्ञात्वा बालम् उत्तानशायिनम् ॥

tato hāhākṛtaḥ sarvo gopagopījano dvijāḥ ājagāma tadā jñātvā bālam uttānaśāyinam //

Then, O twice-born ones, all the cowherd men and women, crying "alas, alas," came there when they learned (of it), (and saw) the child lying on his back.

AI translation rendered from the Sanskrit, not a published edition

BrP 184.25

गोपाः केनेति जगदुः शकटं परिवर्तितम् तत्रैव बालकाः प्रोचुर् बालेनानेन पातितम् ॥

gopāḥ keneti jagaduḥ śakaṭaṃ parivartitam tatraiva bālakāḥ procur bālenānena pātitam //

The cowherds asked, "By whom was the cart overturned?" Right there the children said, "It was knocked over by this boy.

AI translation rendered from the Sanskrit, not a published edition

BrP 184.26

रुदता दृष्टम् अस्माभिः पादविक्षेपताडितम् शकटं परिवृत्तं वै नैतद् अन्यस्य चेष्टितम् ॥

rudatā dṛṣṭam asmābhiḥ pādavikṣepatāḍitam śakaṭaṃ parivṛttaṃ vai naitad anyasya ceṣṭitam //

It was seen by us: as he cried, the cart, struck by the flinging of his foot, was turned over; this is no deed of anyone else."

AI translation rendered from the Sanskrit, not a published edition

BrP 184.27

ततः पुनर् अतीवासन् गोपा विस्मितचेतसः नन्दगोपो ऽपि जग्राह बालम् अत्यन्तविस्मितः ॥

tataḥ punar atīvāsan gopā vismitacetasaḥ nandagopo 'pi jagrāha bālam atyantavismitaḥ //

Then again the cowherds were exceedingly amazed in mind, and Nanda the cowherd too, utterly astonished, took up the child.

AI translation rendered from the Sanskrit, not a published edition

BrP 184.28

यशोदा विस्मयारूढा भग्नभाण्डकपालकम् शकटं चार्चयाम् आस दधिपुष्पफलाक्षतैः ॥

yaśodā vismayārūḍhā bhagnabhāṇḍakapālakam śakaṭaṃ cārcayām āsa dadhipuṣpaphalākṣataiḥ //

Yaśodā, overcome with wonder, worshipped the cart with its broken pots and potsherds, with curds, flowers, fruits and unbroken grains.

AI translation rendered from the Sanskrit, not a published edition

BrP 184.29

गर्गश् च गोकुले तत्र वसुदेवप्रचोदितः प्रच्छन्न एव गोपानां संस्कारम् अकरोत् तयोः ॥

gargaś ca gokule tatra vasudevapracoditaḥ pracchanna eva gopānāṃ saṃskāram akarot tayoḥ //

And Garga, urged on by Vasudeva, there in Gokula performed the sacraments of the two, concealed from the cowherds.

AI translation rendered from the Sanskrit, not a published edition

BrP 184.30

ज्येष्ठं च रामम् इत्य् आह कृष्णं चैव तथापरम् गर्गो मतिमतां श्रेष्ठो नाम कुर्वन् महामतिः ॥

jyeṣṭhaṃ ca rāmam ity āha kṛṣṇaṃ caiva tathāparam gargo matimatāṃ śreṣṭho nāma kurvan mahāmatiḥ //

And Garga, best of the wise, the greatly intelligent one, giving them names, called the elder "Rāma" and the other "Kṛṣṇa."

AI translation rendered from the Sanskrit, not a published edition

BrP 184.31

अल्पेनैव हि कालेन विज्ञातौ तौ महाबलौ घृष्टजानुकरौ विप्रा बभूवतुर् उभाव् अपि ॥

alpenaiva hi kālena vijñātau tau mahābalau ghṛṣṭajānukarau viprā babhūvatur ubhāv api //

For in only a short time those two of great strength became known, and both, O brahmins, had their knees and hands scraped (from crawling).

AI translation rendered from the Sanskrit, not a published edition

BrP 184.32

करीषभस्मदिग्धाङ्गौ भ्रममाणाव् इतस् ततः न निवारयितुं शक्ता यशोदा तौ न रोहिणी ॥

karīṣabhasmadigdhāṅgau bhramamāṇāv itas tataḥ na nivārayituṃ śaktā yaśodā tau na rohiṇī //

With their limbs smeared with cow-dung ash, roaming here and there, neither Yaśodā nor Rohiṇī was able to restrain those two.

AI translation rendered from the Sanskrit, not a published edition

BrP 184.33

गोवाटमध्ये क्रीडन्तौ वत्सवाटगतौ पुनः तदहर्जातगोवत्सपुच्छाकर्षणतत्परौ ॥

govāṭamadhye krīḍantau vatsavāṭagatau punaḥ tadaharjātagovatsapucchākarṣaṇatatparau //

Playing in the midst of the cow-pen, going again to the calf-pen, intent on pulling the tails of calves born that very day —

AI translation rendered from the Sanskrit, not a published edition

BrP 184.34

यदा यशोदा तौ बालाव् एकस्थानचराव् उभौ शशाक नो वारयितुं क्रीडन्ताव् अतिचञ्चलौ ॥

yadā yaśodā tau bālāv ekasthānacarāv ubhau śaśāka no vārayituṃ krīḍantāv aticañcalau //

When Yaśodā could not restrain those two boys, both moving about in one place, playing and exceedingly restless,

AI translation rendered from the Sanskrit, not a published edition

BrP 184.35

दाम्ना बद्ध्वा तदा मध्ये निबबन्ध उलूखले कृष्णम् अक्लिष्टकर्माणम् आह चेदम् अमर्षिता ॥

dāmnā baddhvā tadā madhye nibabandha ulūkhale kṛṣṇam akliṣṭakarmāṇam āha cedam amarṣitā //

then, binding him with a rope, she tied him in the middle to a mortar, and, out of patience, said this to Kṛṣṇa of untiring deeds:

AI translation rendered from the Sanskrit, not a published edition

BrP 184.36

यदि शक्तो ऽसि गच्छ त्वम् अतिचञ्चलचेष्टित ॥

yadi śakto 'si gaccha tvam aticañcalaceṣṭita //

"Go, if you can, you of exceedingly restless doings!"

AI translation rendered from the Sanskrit, not a published edition

BrP 184.37

इत्य् उक्त्वा च निजं कर्म सा चकार कुटुम्बिनी व्यग्रायाम् अथ तस्यां स कर्षमाण उलूखलम् ॥

ity uktvā ca nijaṃ karma sā cakāra kuṭumbinī vyagrāyām atha tasyāṃ sa karṣamāṇa ulūkhalam //

And having said this, the housewife went about her own work; then, while she was busy, he, dragging the mortar,

AI translation rendered from the Sanskrit, not a published edition

BrP 184.38

यमलार्जुनयोर् मध्ये जगाम कमलेक्षणः कर्षता वृक्षयोर् मध्ये तिर्यग् एवम् उलूखलम् ॥

yamalārjunayor madhye jagāma kamalekṣaṇaḥ karṣatā vṛkṣayor madhye tiryag evam ulūkhalam //

the lotus-eyed one went between two twin arjuna trees, thus dragging the mortar crosswise between the trees.

AI translation rendered from the Sanskrit, not a published edition

BrP 184.39

भग्नाव् उत्तुङ्गशाखाग्रौ तेन तौ यमलार्जुनौ ततः कटकटाशब्दसमाकर्णनकातरः ॥

bhagnāv uttuṅgaśākhāgrau tena tau yamalārjunau tataḥ kaṭakaṭāśabdasamākarṇanakātaraḥ //

By him those two twin arjuna trees were broken, their lofty branch-tips (shattered); then, alarmed at hearing the crackling, crashing noise,

AI translation rendered from the Sanskrit, not a published edition

BrP 184.40

आजगाम व्रजजनो ददृशे च महाद्रुमौ भग्नस्कन्धौ निपातितौ भग्नशाखौ महीतले ॥

ājagāma vrajajano dadṛśe ca mahādrumau bhagnaskandhau nipātitau bhagnaśākhau mahītale //

the people of the cow-settlement came, and saw the two great trees felled on the ground, their trunks broken and their branches broken.

AI translation rendered from the Sanskrit, not a published edition

BrP 184.41

ददर्श चाल्पदन्तास्यं स्मितहासं च बालकम् तयोर् मध्यगतं बद्धं दाम्ना गाढं तथोदरे ॥

dadarśa cālpadantāsyaṃ smitahāsaṃ ca bālakam tayor madhyagataṃ baddhaṃ dāmnā gāḍhaṃ tathodare //

And (each) saw the little boy, his mouth with few teeth, smiling and laughing, standing between the two, bound tightly at the belly with a rope.

AI translation rendered from the Sanskrit, not a published edition

BrP 184.42

ततश् च दामोदरतां स ययौ दामबन्धनात् गोपवृद्धास् ततः सर्वे नन्दगोपपुरोगमाः ॥

tataś ca dāmodaratāṃ sa yayau dāmabandhanāt gopavṛddhās tataḥ sarve nandagopapurogamāḥ //

And from that, from the binding with the rope (dāman), he came to have the name Dāmodara ("rope-belly"). Then all the cowherd elders, with Nanda the cowherd at their head,

AI translation rendered from the Sanskrit, not a published edition

BrP 184.43

मन्त्रयाम् आसुर् उद्विग्ना महोत्पातातिभीरवः स्थानेनेह न नः कार्यं व्रजामो ऽन्यन् महावनम् ॥

mantrayām āsur udvignā mahotpātātibhīravaḥ sthāneneha na naḥ kāryaṃ vrajāmo 'nyan mahāvanam //

agitated and much frightened by the great portents, took counsel: "We have no business with this place here; let us go to another great forest.

AI translation rendered from the Sanskrit, not a published edition

BrP 184.44

उत्पाता बहवो ह्य् अत्र दृश्यन्ते नाशहेतवः पूतनाया विनाशश् च शकटस्य विपर्ययः ॥

utpātā bahavo hy atra dṛśyante nāśahetavaḥ pūtanāyā vināśaś ca śakaṭasya viparyayaḥ //

For many portents are seen here, causes of ruin: the destruction of Pūtanā, the overturning of the cart,

AI translation rendered from the Sanskrit, not a published edition

BrP 184.45

विना वातादिदोषेण द्रुमयोः पतनं तथा वृन्दावनम् इतः स्थानात् तस्माद् गच्छाम मा चिरम् ॥

vinā vātādidoṣeṇa drumayoḥ patanaṃ tathā vṛndāvanam itaḥ sthānāt tasmād gacchāma mā ciram //

and likewise the falling of the two trees without any defect of wind or the like. Therefore let us go from this place to Vṛndāvana, and not delay,

AI translation rendered from the Sanskrit, not a published edition

BrP 184.46

यावद् भौममहोत्पातदोषो नाभिभवेद् व्रजम् इति कृत्वा मतिं सर्वे गमने ते व्रजौकसः ॥

yāvad bhaumamahotpātadoṣo nābhibhaved vrajam iti kṛtvā matiṃ sarve gamane te vrajaukasaḥ //

before the affliction of great earth-born portents overwhelms the settlement." Having thus made up their minds to depart, all those dwellers of the cow-settlement

AI translation rendered from the Sanskrit, not a published edition

BrP 184.47

ऊचुः स्वं स्वं कुलं शीघ्रं गम्यतां मा विलम्ब्यताम् ततः क्षणेन प्रययुः शकटैर् गोधनैस् तथा ॥

ūcuḥ svaṃ svaṃ kulaṃ śīghraṃ gamyatāṃ mā vilambyatām tataḥ kṣaṇena prayayuḥ śakaṭair godhanais tathā //

told each his own family: "Let us go quickly, let there be no lingering." Then in a moment they set out with their carts and their herds of cattle,

AI translation rendered from the Sanskrit, not a published edition

BrP 184.48

यूथशो वत्सपालीश् च कालयन्तो व्रजौकसः सर्वावयवनिर्धूतं क्षणमात्रेण तत् तदा ॥

yūthaśo vatsapālīś ca kālayanto vrajaukasaḥ sarvāvayavanirdhūtaṃ kṣaṇamātreṇa tat tadā //

and the settlement-dwellers, driving the calf-herds in droves; and then that place, in a mere moment shaken empty of all its parts,

AI translation rendered from the Sanskrit, not a published edition — the model flagged this verse as uncertain

BrP 184.49

काककाकीसमाकीर्णं व्रजस्थानम् अभूद् द्विजाः वृन्दावनं भगवता कृष्णेनाक्लिष्टकर्मणा ॥

kākakākīsamākīrṇaṃ vrajasthānam abhūd dvijāḥ vṛndāvanaṃ bhagavatā kṛṣṇenākliṣṭakarmaṇā //

the site of the cow-settlement became overrun with crows and she-crows, O twice-born ones. Vṛndāvana had been contemplated by the Lord Kṛṣṇa of effortless deeds,

AI translation rendered from the Sanskrit, not a published edition

BrP 184.50

शुभेन मनसा ध्यातं गवां वृद्धिम् अभीप्सता ततस् तत्रातिरुक्षे ऽपि धर्मकाले द्विजोत्तमाः ॥

śubhena manasā dhyātaṃ gavāṃ vṛddhim abhīpsatā tatas tatrātirukṣe 'pi dharmakāle dvijottamāḥ //

with auspicious mind, since he desired the increase of the cows. Then there, though the season was a very dry one, O best of the twice-born,

AI translation rendered from the Sanskrit, not a published edition

BrP 184.51

प्रावृट्काल इवाभूच् च नवशष्पं समन्ततः स समावासितः सर्वो व्रजो वृन्दावने ततः ॥

prāvṛṭkāla ivābhūc ca navaśaṣpaṃ samantataḥ sa samāvāsitaḥ sarvo vrajo vṛndāvane tataḥ //

it became as if the rainy season, with fresh young grass on every side. Then that whole settlement was made to dwell in Vṛndāvana,

AI translation rendered from the Sanskrit, not a published edition

BrP 184.52

शकटीवाटपर्यन्तचन्द्रार्धाकारसंस्थितिः वत्सबालौ च संवृत्तौ रामदामोदरौ ततः ॥

śakaṭīvāṭaparyantacandrārdhākārasaṃsthitiḥ vatsabālau ca saṃvṛttau rāmadāmodarau tataḥ //

its layout arranged in the shape of a half-moon, with a fence of carts as its boundary. And then Rāma and Dāmodara became calf-herding boys.

AI translation rendered from the Sanskrit, not a published edition

BrP 184.53

तत्र स्थितौ तौ च गोष्ठे चेरतुर् बाललीलया बर्हिपत्त्रकृतापीडौ वन्यपुष्पावतंसकौ ॥

tatra sthitau tau ca goṣṭhe ceratur bālalīlayā barhipattrakṛtāpīḍau vanyapuṣpāvataṃsakau //

Staying there in the cow-station, those two roamed about in childish play, wearing crest-ornaments made of peacock feathers, with wild flowers for ear-ornaments,

AI translation rendered from the Sanskrit, not a published edition

BrP 184.54

गोपवेणुकृतातोद्यपत्त्रवाद्यकृतस्वनौ काकपक्षधरौ बालौ कुमाराव् इव पावकौ ॥

gopaveṇukṛtātodyapattravādyakṛtasvanau kākapakṣadharau bālau kumārāv iva pāvakau //

making music with instruments made of cowherds' flutes and with the playing of leaves, boys wearing side-locks of hair, like two youthful fires,

AI translation rendered from the Sanskrit, not a published edition

BrP 184.55

हसन्तौ च रमन्तौ च चेरतुस् तन् महद् वनम् क्वचिद् धसन्ताव् अन्योन्यं क्रीडमानौ तथा परैः ॥

hasantau ca ramantau ca ceratus tan mahad vanam kvacid dhasantāv anyonyaṃ krīḍamānau tathā paraiḥ //

laughing and enjoying themselves, they roamed that great forest, sometimes laughing at each other, and playing likewise with others.

AI translation rendered from the Sanskrit, not a published edition

BrP 184.56

गोपपुत्रैः समं वत्सांश् चारयन्तौ विचेरतुः कालेन गच्छता तौ तु सप्तवर्षौ बभूवतुः ॥

gopaputraiḥ samaṃ vatsāṃś cārayantau viceratuḥ kālena gacchatā tau tu saptavarṣau babhūvatuḥ //

Together with the cowherds' sons they wandered about grazing the calves; and as time went on, the two became seven years old,

AI translation rendered from the Sanskrit, not a published edition

BrP 184.57

सर्वस्य जगतः पालौ वत्सपालौ महाव्रजे प्रावृट्कालस् ततो ऽतीव मेघौघस्थगिताम्बरः ॥

sarvasya jagataḥ pālau vatsapālau mahāvraje prāvṛṭkālas tato 'tīva meghaughasthagitāmbaraḥ //

the protectors of the whole world, (now) calf-herders in the great settlement. Then the rainy season, with the sky densely covered by masses of clouds,

AI translation rendered from the Sanskrit, not a published edition

BrP 184.58

बभूव वारिधाराभिर् ऐक्यं कुर्वन् दिशाम् इव प्ररूढनवपुष्पाढ्या शक्रगोपवृता मही ॥

babhūva vāridhārābhir aikyaṃ kurvan diśām iva prarūḍhanavapuṣpāḍhyā śakragopavṛtā mahī //

came on, making the directions one, as it were, with its streams of water; and the earth, rich in newly sprung flowers, was covered with indragopa insects,

AI translation rendered from the Sanskrit, not a published edition

BrP 184.59

यथा मारकते वासीत् पद्मरागविभूषिता ऊहुर् उन्मार्गगामीनि निम्नगाम्भांसि सर्वतः ॥

yathā mārakate vāsīt padmarāgavibhūṣitā ūhur unmārgagāmīni nimnagāmbhāṃsi sarvataḥ //

— as though (the earth) were an emerald inlaid with rubies. And on every side the waters of the rivers surged, running out of their channels,

AI translation rendered from the Sanskrit, not a published edition — the model flagged this verse as uncertain

BrP 184.60

मनांसि दुर्विनीतानां प्राप्य लक्ष्मीं नवाम् इव विकाले च यथाकामं व्रजम् एत्य महाबलौ गोपैः समानैः सहितौ चिक्रीडाते ऽमराव् इव ॥

manāṃsi durvinītānāṃ prāpya lakṣmīṃ navām iva vikāle ca yathākāmaṃ vrajam etya mahābalau gopaiḥ samānaiḥ sahitau cikrīḍāte 'marāv iva //

— like the minds of the ill-bred on gaining new wealth. And in the evening the two mighty ones, coming to the cattle-station as they pleased, played with the cowherds their equals, like two immortals.

AI translation rendered from the Sanskrit, not a published edition