Brahma Purana — Chapter 182
BrP 182.1
यथोक्तं सा जगद्धात्री देवदेवेन वै पुरा षड्गर्भगर्भविन्यासं चक्रे चान्यस्य कर्षणम् ॥
yathoktaṃ sā jagaddhātrī devadevena vai purā ṣaḍgarbhagarbhavinyāsaṃ cakre cānyasya karṣaṇam //
Just as had been told her formerly by the god of gods, she, the sustainer of the world, carried out the placing of the six embryos and the drawing away of the other one.
AI translation rendered from the Sanskrit, not a published edition
BrP 182.2
सप्तमे रोहिणीं प्राप्ते गर्भे गर्भे ततो हरिः लोकत्रयोपकाराय देवक्याः प्रविवेश वै ॥
saptame rohiṇīṃ prāpte garbhe garbhe tato hariḥ lokatrayopakārāya devakyāḥ praviveśa vai //
Then, when the seventh conception came in (the asterism) Rohiṇī, Hari, for the benefit of the three worlds, entered into Devakī.
AI translation rendered from the Sanskrit, not a published edition
BrP 182.3
योगनिद्रा यशोदायास् तस्मिन्न् एव ततो दिने संभूता जठरे तद्वद् यथोक्तं परमेष्ठिना ॥
yoganidrā yaśodāyās tasminn eva tato dine saṃbhūtā jaṭhare tadvad yathoktaṃ parameṣṭhinā //
And on that very day Yoganidrā came to be in Yaśodā's womb likewise, just as had been said by the Supreme One (Brahmā).
AI translation rendered from the Sanskrit, not a published edition
BrP 182.4
ततो ग्रहगणः सम्यक् प्रचचार दिवि द्विजाः विष्णोर् अंशे महीं यात ऋतवो ऽप्य् अभवञ् शुभाः ॥
tato grahagaṇaḥ samyak pracacāra divi dvijāḥ viṣṇor aṃśe mahīṃ yāta ṛtavo 'py abhavañ śubhāḥ //
Then, O twice-born ones, the host of planets moved rightly in the sky; when Viṣṇu's portion had come to the earth, the seasons too became auspicious.
AI translation rendered from the Sanskrit, not a published edition
BrP 182.5
नोत्सेहे देवकीं द्रष्टुं कश्चिद् अप्य् अतितेजसा जाज्वल्यमानां तां दृष्ट्वा मनांसि क्षोभम् आययुः ॥
notsehe devakīṃ draṣṭuṃ kaścid apy atitejasā jājvalyamānāṃ tāṃ dṛṣṭvā manāṃsi kṣobham āyayuḥ //
No one at all was able to look upon Devakī because of her excessive splendour; seeing her blazing forth, (people's) minds fell into agitation.
AI translation rendered from the Sanskrit, not a published edition
BrP 182.6
अदृष्टां पुरुषैः स्त्रीभिर् देवकीं देवतागणाः बिभ्राणां वपुषा विष्णुं तुष्टुवुस् ताम् अहर्निशम् ॥
adṛṣṭāṃ puruṣaiḥ strībhir devakīṃ devatāgaṇāḥ bibhrāṇāṃ vapuṣā viṣṇuṃ tuṣṭuvus tām aharniśam //
Devakī, unseen by men and by women, bearing Viṣṇu in her body—her the hosts of gods praised day and night.
AI translation rendered from the Sanskrit, not a published edition
BrP 182.7
त्वं स्वाहा त्वं स्वधा विद्या सुधा त्वं ज्योतिर् एव च त्वं सर्वलोकरक्षार्थम् अवतीर्णा महीतले ॥
tvaṃ svāhā tvaṃ svadhā vidyā sudhā tvaṃ jyotir eva ca tvaṃ sarvalokarakṣārtham avatīrṇā mahītale //
You are Svāhā, you are Svadhā, (you are) knowledge, nectar, and you are light itself; you have descended to the surface of the earth for the protection of all the worlds.
AI translation rendered from the Sanskrit, not a published edition
BrP 182.8
प्रसीद देवि सर्वस्य जगतस् त्वं शुभं कुरु प्रीत्यर्थं धारयेशानं धृतं येनाखिलं जगत् ॥
prasīda devi sarvasya jagatas tvaṃ śubhaṃ kuru prītyarthaṃ dhārayeśānaṃ dhṛtaṃ yenākhilaṃ jagat //
Be gracious, goddess; do good to all the world. For (our) delight, bear the Lord by whom the whole world is borne.
AI translation rendered from the Sanskrit, not a published edition
BrP 182.9
एवं संस्तूयमाना सा देवैर् देवम् अधारयत् गर्भेण पुण्डरीकाक्षं जगतां त्राणकारणम् ॥
evaṃ saṃstūyamānā sā devair devam adhārayat garbheṇa puṇḍarīkākṣaṃ jagatāṃ trāṇakāraṇam //
Thus praised by the gods, she bore in her womb the god, the lotus-eyed one, the cause of the worlds' deliverance.
AI translation rendered from the Sanskrit, not a published edition
BrP 182.10
ततो ऽखिलजगत्पद्मबोधायाच्युतभानुना देवक्याः पूर्वसंध्यायाम् आविर्भूतं महात्मना ॥
tato 'khilajagatpadmabodhāyācyutabhānunā devakyāḥ pūrvasaṃdhyāyām āvirbhūtaṃ mahātmanā //
Then, for the awakening of the lotus of the whole world by the sun that is Acyuta, (he) became manifest in Devakī at the first watch of night, (he) the great-souled one.
AI translation rendered from the Sanskrit, not a published edition
BrP 182.11
मध्यरात्रे ऽखिलाधारे जायमाने जनार्दने मन्दं जगर्जुर् जलदाः पुष्पवृष्टिमुचः सुराः ॥
madhyarātre 'khilādhāre jāyamāne janārdane mandaṃ jagarjur jaladāḥ puṣpavṛṣṭimucaḥ surāḥ //
At midnight, when Janārdana, the support of all, was being born, the rain-clouds thundered softly, and the gods poured down a rain of flowers.
AI translation rendered from the Sanskrit, not a published edition
BrP 182.12
फुल्लेन्दीवरपत्त्राभं चतुर्बाहुम् उदीक्ष्य तम् श्रीवत्सवक्षसं जातं तुष्टावानकदुन्दुभिः ॥
phullendīvarapattrābhaṃ caturbāhum udīkṣya tam śrīvatsavakṣasaṃ jātaṃ tuṣṭāvānakadundubhiḥ //
Seeing him born, with the sheen of a blossoming blue lotus petal, four-armed, with the Śrīvatsa on his chest, Ānakadundubhi (Vasudeva) praised (him).
AI translation rendered from the Sanskrit, not a published edition
BrP 182.13
अभिष्टूय च तं वाग्भिः प्रसन्नाभिर् महामतिः विज्ञापयाम् आस तदा कंसाद् भीतो द्विजोत्तमाः ॥
abhiṣṭūya ca taṃ vāgbhiḥ prasannābhir mahāmatiḥ vijñāpayām āsa tadā kaṃsād bhīto dvijottamāḥ //
And having praised him with gracious words, the greatly wise one then, being afraid of Kaṃsa, made (his) request, O best of the twice-born.
AI translation rendered from the Sanskrit, not a published edition
BrP 182.14
ज्ञातो ऽसि देवदेवेश शङ्खचक्रगदाधर दिव्यं रूपम् इदं देव प्रसादेनोपसंहर ॥
jñāto 'si devadeveśa śaṅkhacakragadādhara divyaṃ rūpam idaṃ deva prasādenopasaṃhara //
You are recognized, lord of the gods of gods, bearer of conch, discus and mace; withdraw this divine form, O god, out of favour.
AI translation rendered from the Sanskrit, not a published edition
BrP 182.15
अद्यैव देव कंसो ऽयं कुरुते मम यातनाम् अवतीर्णम् इति ज्ञात्वा त्वाम् अस्मिन् मन्दिरे मम ॥
adyaiva deva kaṃso 'yaṃ kurute mama yātanām avatīrṇam iti jñātvā tvām asmin mandire mama //
This very day, O god, this Kaṃsa will inflict torment on me, knowing that you have descended here in my house.
AI translation rendered from the Sanskrit, not a published edition
BrP 182.16
यो ऽनन्तरूपो ऽखिलविश्वरूपो गर्भे ऽपि लोकान् वपुषा बिभर्ति प्रसीदताम् एष स देवदेवः स्वमाययाविष्कृतबालरूपः
yo 'nantarūpo 'khilaviśvarūpo garbhe 'pi lokān vapuṣā bibharti prasīdatām eṣa sa devadevaḥ svamāyayāviṣkṛtabālarūpaḥ
He who, of endless forms, having the form of the entire universe, even while in the womb bears the worlds with his body—may he, this god of gods, who by his own magic has made manifest the form of a child, be gracious.
AI translation rendered from the Sanskrit, not a published edition
BrP 182.17
उपसंहर सर्वात्मन् रूपम् एतच् चतुर्भुजम् जानातु मावतारं ते कंसो ऽयं दितिजान्तक ॥
upasaṃhara sarvātman rūpam etac caturbhujam jānātu māvatāraṃ te kaṃso 'yaṃ ditijāntaka //
Withdraw this four-armed form, Self of all; let this Kaṃsa not know of your descent, O destroyer of Diti's sons.
AI translation rendered from the Sanskrit, not a published edition
BrP 182.18
स्तुतो ऽहं यत् त्वया पूर्वं पुत्रार्थिन्या तद् अद्य ते सफलं देवि संजातं जातो ऽहं यत् तवोदरात् ॥
stuto 'haṃ yat tvayā pūrvaṃ putrārthinyā tad adya te saphalaṃ devi saṃjātaṃ jāto 'haṃ yat tavodarāt //
Because you praised me formerly, desiring a son, that has today borne fruit for you, goddess, in that I have been born from your womb.
AI translation rendered from the Sanskrit, not a published edition
BrP 182.19
इत्य् उक्त्वा भगवांस् तूष्णीं बभूव मुनिसत्तमाः वसुदेवो ऽपि तं रात्राव् आदाय प्रययौ बहिः ॥
ity uktvā bhagavāṃs tūṣṇīṃ babhūva munisattamāḥ vasudevo 'pi taṃ rātrāv ādāya prayayau bahiḥ //
Having said this, the Blessed One fell silent, O best of sages; and Vasudeva, taking him up in the night, went outside.
AI translation rendered from the Sanskrit, not a published edition
BrP 182.20
मोहिताश् चाभवंस् तत्र रक्षिणो योगनिद्रया मथुराद्वारपालाश् च व्रजत्य् आनकदुन्दुभौ ॥
mohitāś cābhavaṃs tatra rakṣiṇo yoganidrayā mathurādvārapālāś ca vrajaty ānakadundubhau //
And there the guards were bewildered by Yoganidrā, and the gatekeepers of Mathurā too, while Ānakadundubhi was going.
AI translation rendered from the Sanskrit, not a published edition
BrP 182.21
वर्षतां जलदानां च तत् तोयम् उल्बणं निशि संछाद्य तं ययौ शेषः फणैर् आनकदुन्दुभिम् ॥
varṣatāṃ jaladānāṃ ca tat toyam ulbaṇaṃ niśi saṃchādya taṃ yayau śeṣaḥ phaṇair ānakadundubhim //
And Śeṣa went along, covering Ānakadundubhi with his hoods against the fierce water of the raining clouds in the night.
AI translation rendered from the Sanskrit, not a published edition
BrP 182.22
यमुनां चातिगम्भीरां नानावर्तशताकुलाम् वसुदेवो वहन् विष्णुं जानुमात्रवहां ययौ ॥
yamunāṃ cātigambhīrāṃ nānāvartaśatākulām vasudevo vahan viṣṇuṃ jānumātravahāṃ yayau //
And the Yamunā, exceedingly deep, churning with many hundreds of whirlpools, became a stream flowing only knee-deep as Vasudeva went across, carrying Viṣṇu.
AI translation rendered from the Sanskrit, not a published edition
BrP 182.23
कंसस्य करम् आदाय तत्रैवाभ्यागतांस् तटे नन्दादीन् गोपवृद्धांश् च यमुनायां ददर्श सः ॥
kaṃsasya karam ādāya tatraivābhyāgatāṃs taṭe nandādīn gopavṛddhāṃś ca yamunāyāṃ dadarśa saḥ //
There on the bank of the Yamunā he saw Nanda and the other elder cowherds, who had come to that very place bringing Kaṃsa's tax.
AI translation rendered from the Sanskrit, not a published edition
BrP 182.24
तस्मिन् काले यशोदापि मोहिता योगनिद्रया ताम् एव कन्यां मुनयः प्रासूत मोहिते जने ॥
tasmin kāle yaśodāpi mohitā yoganidrayā tām eva kanyāṃ munayaḥ prāsūta mohite jane //
At that moment Yaśodā too, bewildered by the Yoga-sleep, gave birth to that very girl, O sages, while the people were deluded.
AI translation rendered from the Sanskrit, not a published edition
BrP 182.25
वसुदेवो ऽपि विन्यस्य बालम् आदाय दारिकाम् यशोदाशयने तूर्णम् आजगामामितद्युतिः ॥
vasudevo 'pi vinyasya bālam ādāya dārikām yaśodāśayane tūrṇam ājagāmāmitadyutiḥ //
And Vasudeva, of measureless splendour, having laid the boy down on Yaśodā's bed and taken up the girl, came back swiftly.
AI translation rendered from the Sanskrit, not a published edition
BrP 182.26
ददर्श च विबुद्ध्वा सा यशोदा जातम् आत्मजम् नीलोत्पलदलश्यामं ततो ऽत्यर्थं मुदं ययौ ॥
dadarśa ca vibuddhvā sā yaśodā jātam ātmajam nīlotpaladalaśyāmaṃ tato 'tyarthaṃ mudaṃ yayau //
And Yaśodā, waking, saw the son she had borne, dark as the petal of a blue lotus, and thereupon felt extreme joy.
AI translation rendered from the Sanskrit, not a published edition
BrP 182.27
आदाय वसुदेवो ऽपि दारिकां निजमन्दिरम् देवकीशयने न्यस्य यथापूर्वम् अतिष्ठत ॥
ādāya vasudevo 'pi dārikāṃ nijamandiram devakīśayane nyasya yathāpūrvam atiṣṭhata //
Vasudeva too, taking the girl to his own house and laying her on Devakī's bed, remained as before.
AI translation rendered from the Sanskrit, not a published edition
BrP 182.28
ततो बालध्वनिं श्रुत्वा रक्षिणः सहसोत्थिताः कंसम् आवेदयाम् आसुर् देवकीप्रसवं द्विजाः ॥
tato bāladhvaniṃ śrutvā rakṣiṇaḥ sahasotthitāḥ kaṃsam āvedayām āsur devakīprasavaṃ dvijāḥ //
Then the guards, hearing the sound of a child, rose up at once and reported to Kaṃsa that Devakī had given birth, O brahmins.
AI translation rendered from the Sanskrit, not a published edition
BrP 182.29
कंसस् तूर्णम् उपेत्यैनां ततो जग्राह बालिकाम् मुञ्च मुञ्चेति देवक्यासन्नकण्ठं निवारितः ॥
kaṃsas tūrṇam upetyaināṃ tato jagrāha bālikām muñca muñceti devakyāsannakaṇṭhaṃ nivāritaḥ //
Kaṃsa, coming quickly, then seized that little girl, though Devakī, her throat choked, tried to stop him, crying "Let her go, let her go!"
AI translation rendered from the Sanskrit, not a published edition
BrP 182.30
चिक्षेप च शिलापृष्ठे सा क्षिप्ता वियति स्थितिम् अवाप रूपं च महत् सायुधाष्टमहाभुजम् प्रजहास तथैवोच्चैः कंसं च रुषिताब्रवीत् ॥
cikṣepa ca śilāpṛṣṭhe sā kṣiptā viyati sthitim avāpa rūpaṃ ca mahat sāyudhāṣṭamahābhujam prajahāsa tathaivoccaiḥ kaṃsaṃ ca ruṣitābravīt //
And he hurled her on the surface of a rock; but she, when thrown, took her stand in the sky and (assumed) a great form with eight mighty arms bearing weapons; she laughed aloud and, enraged, spoke to Kaṃsa.
AI translation rendered from the Sanskrit, not a published edition
BrP 182.31
किं मयाक्षिप्तया कंस जातो यस् त्वां हनिष्यति सर्वस्वभूतो देवानाम् आसीन् मृत्युः पुरा स ते तद् एतत् संप्रधार्याशु क्रियतां हितम् आत्मनः ॥
kiṃ mayākṣiptayā kaṃsa jāto yas tvāṃ haniṣyati sarvasvabhūto devānām āsīn mṛtyuḥ purā sa te tad etat saṃpradhāryāśu kriyatāṃ hitam ātmanaḥ //
"What use, Kaṃsa, is your hurling me? He who will kill you is born. He was of old the death of the gods, being the whole essence (of all). So, having considered this, quickly do what is good for yourself."
AI translation rendered from the Sanskrit, not a published edition
BrP 182.32
इत्य् उक्त्वा प्रययौ देवी दिव्यस्रग्गन्धभूषणा पश्यतो भोजराजस्य स्तुता सिद्धैर् विहायसा ॥
ity uktvā prayayau devī divyasraggandhabhūṣaṇā paśyato bhojarājasya stutā siddhair vihāyasā //
Having said this, the goddess, adorned with divine garlands, perfumes and ornaments, went away through the sky, praised by the Siddhas, while the Bhoja king looked on.
AI translation rendered from the Sanskrit, not a published edition