Brahma Purana — Chapter 181
BrP 181.1
शृणुध्वं मुनिशार्दूलाः प्रवक्ष्यामि समासतः अवतारं हरेश् चात्र भारावतरणेच्छया ॥
śṛṇudhvaṃ muniśārdūlāḥ pravakṣyāmi samāsataḥ avatāraṃ hareś cātra bhārāvataraṇecchayā //
Listen, O tigers among sages: I shall declare in brief the descent of Hari here, out of the wish to take down the burden (of the earth).
AI translation rendered from the Sanskrit, not a published edition
BrP 181.2
यदा यदा त्व् अधर्मस्य वृद्धिर् भवति भो द्विजाः धर्मश् च ह्रासम् अभ्येति तदा देवो जनार्दनः ॥
yadā yadā tv adharmasya vṛddhir bhavati bho dvijāḥ dharmaś ca hrāsam abhyeti tadā devo janārdanaḥ //
Whenever there is an increase of unrighteousness, O twice-born, and righteousness goes to decline, then the god Janārdana
AI translation rendered from the Sanskrit, not a published edition
BrP 181.3
अवतारं करोत्य् अत्र द्विधा कृत्वात्मनस् तनुम् साधूनां रक्षणार्थाय धर्मसंस्थापनाय च ॥
avatāraṃ karoty atra dvidhā kṛtvātmanas tanum sādhūnāṃ rakṣaṇārthāya dharmasaṃsthāpanāya ca //
makes a descent here, making his own body twofold, for the sake of protecting the good and for establishing righteousness,
AI translation rendered from the Sanskrit, not a published edition
BrP 181.4
दुष्टानां निग्रहार्थाय अन्येषां च सुरद्विषाम् प्रजानां रक्षणार्थाय जायते ऽसौ युगे युगे ॥
duṣṭānāṃ nigrahārthāya anyeṣāṃ ca suradviṣām prajānāṃ rakṣaṇārthāya jāyate 'sau yuge yuge //
for the sake of restraining the wicked and the other enemies of the gods, and for the sake of protecting the people, he is born age after age.
AI translation rendered from the Sanskrit, not a published edition
BrP 181.5
पुरा किल मही विप्रा भूरिभारावपीडिता जगाम धरणी मेरौ समाजे त्रिदिवौकसाम् ॥
purā kila mahī viprā bhūribhārāvapīḍitā jagāma dharaṇī merau samāje tridivaukasām //
Formerly, O brahmins, the earth, oppressed by a heavy burden — the bearing one — went to Meru, to the assembly of the dwellers of the third heaven.
AI translation rendered from the Sanskrit, not a published edition
BrP 181.6
सब्रह्मकान् सुरान् सर्वान् प्रणिपत्याथ मेदिनी कथयाम् आस तत् सर्वं खेदात् करुणभाषिणी ॥
sabrahmakān surān sarvān praṇipatyātha medinī kathayām āsa tat sarvaṃ khedāt karuṇabhāṣiṇī //
Then the earth, bowing to all the gods together with Brahmā, told all of that, speaking piteously out of her distress.
AI translation rendered from the Sanskrit, not a published edition
BrP 181.7
अग्निः सुवर्णस्य गुरुर् गवां सूर्यो ऽपरो गुरुः ममाप्य् अखिललोकानां वन्द्यो नारायणो गुरुः ॥
agniḥ suvarṇasya gurur gavāṃ sūryo 'paro guruḥ mamāpy akhilalokānāṃ vandyo nārāyaṇo guruḥ //
Fire is the guru of gold, the sun is another guru, of cows; and for me too, as for all the worlds, Nārāyaṇa is the guru to be revered.
AI translation rendered from the Sanskrit, not a published edition
BrP 181.8
तत्सांप्रतम् इमे दैत्याः कालनेमिपुरोगमाः मर्त्यलोकं समागम्य बाधन्ते ऽहर्निशं प्रजाः ॥
tatsāṃpratam ime daityāḥ kālanemipurogamāḥ martyalokaṃ samāgamya bādhante 'harniśaṃ prajāḥ //
So now these daityas, with Kālanemi at their head, having come to the world of mortals, harass the people day and night.
AI translation rendered from the Sanskrit, not a published edition
BrP 181.9
कालनेमिर् हतो यो ऽसौ विष्णुना प्रभविष्णुना उग्रसेनसुतः कंसः संभूतः सुमहासुरः ॥
kālanemir hato yo 'sau viṣṇunā prabhaviṣṇunā ugrasenasutaḥ kaṃsaḥ saṃbhūtaḥ sumahāsuraḥ //
That Kālanemi who was slain by Viṣṇu, the mighty lord, has been born as Kaṃsa, son of Ugrasena, a very great asura.
AI translation rendered from the Sanskrit, not a published edition
BrP 181.10
अरिष्टो धेनुकः केशी प्रलम्बो नरकस् तथा सुन्दो ऽसुरस् तथात्युग्रो बाणश् चापि बलेः सुतः ॥
ariṣṭo dhenukaḥ keśī pralambo narakas tathā sundo 'suras tathātyugro bāṇaś cāpi baleḥ sutaḥ //
Ariṣṭa, Dhenuka, Keśī, Pralamba, and Naraka, and the asura Sunda, and the exceedingly fierce Bāṇa, son of Bali,
AI translation rendered from the Sanskrit, not a published edition
BrP 181.11
तथान्ये च महावीर्या नृपाणां भवनेषु ये समुत्पन्ना दुरात्मानस् तान् न संख्यातुम् उत्सहे ॥
tathānye ca mahāvīryā nṛpāṇāṃ bhavaneṣu ye samutpannā durātmānas tān na saṃkhyātum utsahe //
and others too of great might, evil-souled, who have been born in the houses of kings — them I cannot undertake to count.
AI translation rendered from the Sanskrit, not a published edition
BrP 181.12
अक्षौहिण्यो हि बहुला दिव्यमूर्तिधृताः सुराः महाबलानां दृप्तानां दैत्येन्द्राणां ममोपरि ॥
akṣauhiṇyo hi bahulā divyamūrtidhṛtāḥ surāḥ mahābalānāṃ dṛptānāṃ daityendrāṇāṃ mamopari //
For many akṣauhiṇīs of mighty, arrogant daitya-lords — gods bearing divine forms — (press) upon me.
AI translation rendered from the Sanskrit, not a published edition — the model flagged this verse as uncertain
BrP 181.13
तद्भूरिभारपीडार्ता न शक्नोम्य् अमरेश्वराः विभर्तुम् आत्मानम् अहम् इति विज्ञापयामि वः ॥
tadbhūribhārapīḍārtā na śaknomy amareśvarāḥ vibhartum ātmānam aham iti vijñāpayāmi vaḥ //
Afflicted by the pain of that heavy burden, O lords of the immortals, I am not able to support myself — this I make known to you.
AI translation rendered from the Sanskrit, not a published edition
BrP 181.14
क्रियतां तन् महाभागा मम भारावतारणम् यथा रसातलं नाहं गच्छेयम् अतिविह्वला ॥
kriyatāṃ tan mahābhāgā mama bhārāvatāraṇam yathā rasātalaṃ nāhaṃ gaccheyam ativihvalā //
So let the taking down of my burden be brought about, O greatly fortunate ones, so that I, utterly overwhelmed, may not go down to Rasātala.
AI translation rendered from the Sanskrit, not a published edition
BrP 181.15
इत्य् आकर्ण्य धरावाक्यम् अशेषैस् त्रिदशैस् ततः भुवो भारावतारार्थं ब्रह्मा प्राह च चोदितः ॥
ity ākarṇya dharāvākyam aśeṣais tridaśais tataḥ bhuvo bhārāvatārārthaṃ brahmā prāha ca coditaḥ //
Having heard the Earth's speech thus, then Brahmā, urged on together with all the gods, spoke, for the sake of removing the Earth's burden.
AI translation rendered from the Sanskrit, not a published edition
BrP 181.16
यद् आह वसुधा सर्वं सत्यम् एतद् दिवौकसः अहं भवो भवन्तश् च सर्वं नारायणात्मकम् ॥
yad āha vasudhā sarvaṃ satyam etad divaukasaḥ ahaṃ bhavo bhavantaś ca sarvaṃ nārāyaṇātmakam //
What the Earth has said is all true, O dwellers in heaven; I, Bhava (Śiva), and you all — everything has Nārāyaṇa as its self.
AI translation rendered from the Sanskrit, not a published edition
BrP 181.17
विभूतयस् तु यास् तस्य तासाम् एव परस्परम् आधिक्यं न्यूनता बाध्यबाधकत्वेन वर्तते ॥
vibhūtayas tu yās tasya tāsām eva parasparam ādhikyaṃ nyūnatā bādhyabādhakatvena vartate //
But as for the powers (manifestations) that are his, it is only among these mutually that superiority and inferiority exist, by way of restraining and being restrained.
AI translation rendered from the Sanskrit, not a published edition
BrP 181.18
तद् आगच्छत गच्छामः क्षीराब्धेस् तटम् उत्तमम् तत्राराध्य हरिं तस्मै सर्वं विज्ञापयाम वै ॥
tad āgacchata gacchāmaḥ kṣīrābdhes taṭam uttamam tatrārādhya hariṃ tasmai sarvaṃ vijñāpayāma vai //
Therefore come, let us go to the excellent shore of the Ocean of Milk; there, having worshipped Hari, let us make everything known to him.
AI translation rendered from the Sanskrit, not a published edition
BrP 181.19
सर्वदैव जगत्यर्थे स सर्वात्मा जगन्मयः स्वल्पांशेनावतीर्योर्व्यां धर्मस्य कुरुते स्थितिम् ॥
sarvadaiva jagatyarthe sa sarvātmā jaganmayaḥ svalpāṃśenāvatīryorvyāṃ dharmasya kurute sthitim //
Always, for the sake of the world, he, the Self of all, made of the world, descending upon the earth with a very small portion (of himself), establishes dharma.
AI translation rendered from the Sanskrit, not a published edition
BrP 181.20
इत्य् उक्त्वा प्रययौ तत्र सह देवैः पितामहः समाहितमना भूत्वा तुष्टाव गरुडध्वजम् ॥
ity uktvā prayayau tatra saha devaiḥ pitāmahaḥ samāhitamanā bhūtvā tuṣṭāva garuḍadhvajam //
Having spoken thus, the Grandfather went there together with the gods, and becoming concentrated in mind, he praised him whose banner is Garuḍa.
AI translation rendered from the Sanskrit, not a published edition
BrP 181.21
नमो नमस् ते ऽस्तु सहस्रमूर्ते सहस्रबाहो बहुवक्त्रपाद नमो नमस् ते जगतः प्रवृत्ति विनाशसंस्थानपराप्रमेय
namo namas te 'stu sahasramūrte sahasrabāho bahuvaktrapāda namo namas te jagataḥ pravṛtti vināśasaṃsthānaparāprameya
Homage, homage be to you, thousand-formed, thousand-armed one, of many mouths and feet; homage, homage to you, O immeasurable one beyond the arising, destruction and abiding of the world.
AI translation rendered from the Sanskrit, not a published edition
BrP 181.22
सूक्ष्मातिसूक्ष्मं च बृहत्प्रमाणं गरीयसाम् अप्य् अतिगौरवात्मन् प्रधानबुद्धीन्द्रियवाक्प्रधान मूलापरात्मन् भगवन् प्रसीद
sūkṣmātisūkṣmaṃ ca bṛhatpramāṇaṃ garīyasām apy atigauravātman pradhānabuddhīndriyavākpradhāna mūlāparātman bhagavan prasīda
(You are) subtler than the subtle and of vast measure; O one whose self is weightier even than the weighty; O foremost among primal matter, intellect, senses and speech; O root and supreme self — Lord, be gracious.
AI translation rendered from the Sanskrit, not a published edition — the model flagged this verse as uncertain
BrP 181.23
एषा मही देव महीप्रसूतैर् महासुरैः पीडितशैलबन्धा परायणं त्वां जगताम् उपैति भारावतारार्थम् अपारपारम्
eṣā mahī deva mahīprasūtair mahāsuraiḥ pīḍitaśailabandhā parāyaṇaṃ tvāṃ jagatām upaiti bhārāvatārārtham apārapāram
This Earth, O god, her mountain-fastnesses oppressed by the great demons born upon her, comes to you, the refuge of the worlds, the shore of the shoreless, for the sake of removing her burden.
AI translation rendered from the Sanskrit, not a published edition — the model flagged this verse as uncertain
BrP 181.24
एते वयं वृत्ररिपुस् तथायं नासत्यदस्रौ वरुणस् तथैषः इमे च रुद्रा वसवः ससूर्याः समीरणाग्निप्रमुखास् तथान्ये
ete vayaṃ vṛtraripus tathāyaṃ nāsatyadasrau varuṇas tathaiṣaḥ ime ca rudrā vasavaḥ sasūryāḥ samīraṇāgnipramukhās tathānye
Here are we, and this one, the enemy of Vṛtra (Indra), and the Nāsatya and Dasra (the two Aśvins), and this one, Varuṇa, and these Rudras, the Vasus together with the Sun, and others headed by Wind and Fire,
AI translation rendered from the Sanskrit, not a published edition
BrP 181.25
सुराः समस्ताः सुरनाथ कार्यम् एभिर् मया यच् च तद् ईश सर्वम् आज्ञापयाज्ञां प्रतिपालयन्तस् तवैव तिष्ठाम सदास्तदोषाः
surāḥ samastāḥ suranātha kāryam ebhir mayā yac ca tad īśa sarvam ājñāpayājñāṃ pratipālayantas tavaiva tiṣṭhāma sadāstadoṣāḥ
all the gods, O lord of the gods. Whatever is to be done by them and by me, O ruler, command it all; awaiting your command alone we stand, always free from disobedience.
AI translation rendered from the Sanskrit, not a published edition — the model flagged this verse as uncertain
BrP 181.26
एवं संस्तूयमानस् तु भगवान् परमेश्वरः उज्जहारात्मनः केशौ सितकृष्णौ द्विजोत्तमाः ॥
evaṃ saṃstūyamānas tu bhagavān parameśvaraḥ ujjahārātmanaḥ keśau sitakṛṣṇau dvijottamāḥ //
Being praised thus, the Lord, the supreme ruler, plucked out two hairs of his own, one white and one black, O best of the twice-born.
AI translation rendered from the Sanskrit, not a published edition
BrP 181.27
उवाच च सुरान् एतौ मत्केशौ वसुधातले अवतीर्य भुवो भारक्लेशहानिं करिष्यतः ॥
uvāca ca surān etau matkeśau vasudhātale avatīrya bhuvo bhārakleśahāniṃ kariṣyataḥ //
And he said to the gods: These two hairs of mine, descending onto the surface of the earth, will bring about the removal of the earth's burden and distress.
AI translation rendered from the Sanskrit, not a published edition
BrP 181.28
सुराश् च सकलाः स्वांशैर् अवतीर्य महीतले कुर्वन्तु युद्धम् उन्मत्तैः पूर्वोत्पन्नैर् महासुरैः ॥
surāś ca sakalāḥ svāṃśair avatīrya mahītale kurvantu yuddham unmattaiḥ pūrvotpannair mahāsuraiḥ //
And let all the gods, descending with their own portions onto the earth's surface, make war upon the frenzied great demons born before.
AI translation rendered from the Sanskrit, not a published edition
BrP 181.29
ततः क्षयम् अशेषास् ते दैतेया धरणीतले प्रयास्यन्ति न संदेहो नानायुधविचूर्णिताः ॥
tataḥ kṣayam aśeṣās te daiteyā dharaṇītale prayāsyanti na saṃdeho nānāyudhavicūrṇitāḥ //
Then all those Daiteyas, crushed by various weapons, will go to destruction on the surface of the earth — there is no doubt.
AI translation rendered from the Sanskrit, not a published edition
BrP 181.30
वसुदेवस्य या पत्नी देवकी देवतोपमा तस्या गर्भो ऽष्टमो ऽयं तु मत्केशो भविता सुराः ॥
vasudevasya yā patnī devakī devatopamā tasyā garbho 'ṣṭamo 'yaṃ tu matkeśo bhavitā surāḥ //
Devakī, who is the wife of Vasudeva and is like a goddess — this hair of mine will become her eighth conception, O gods.
AI translation rendered from the Sanskrit, not a published edition
BrP 181.31
अवतीर्य च तत्रायं कंसं घातयिता भुवि कालनेमिसमुद्भूतम् इत्य् उक्त्वान्तर्दधे हरिः ॥
avatīrya ca tatrāyaṃ kaṃsaṃ ghātayitā bhuvi kālanemisamudbhūtam ity uktvāntardadhe hariḥ //
And having descended there, this one will cause the slaying on earth of Kaṃsa, who arose from Kālanemi. Having said this, Hari vanished.
AI translation rendered from the Sanskrit, not a published edition
BrP 181.32
अदृश्याय ततस् ते ऽपि प्रणिपत्य महात्मने मेरुपृष्ठं सुरा जग्मुर् अवतेरुश् च भूतले ॥
adṛśyāya tatas te 'pi praṇipatya mahātmane merupṛṣṭhaṃ surā jagmur avateruś ca bhūtale //
Then they too, having bowed to the great-souled one who had become invisible, the gods went to the summit of Meru and descended to the surface of the earth.
AI translation rendered from the Sanskrit, not a published edition
BrP 181.33
कंसाय चाष्टमो गर्भो देवक्या धरणीतले भविष्यतीत्य् आचचक्षे भगवान् नारदो मुनिः ॥
kaṃsāya cāṣṭamo garbho devakyā dharaṇītale bhaviṣyatīty ācacakṣe bhagavān nārado muniḥ //
And the venerable sage Nārada announced to Kaṃsa that Devakī's eighth conception would come to be on the surface of the earth.
AI translation rendered from the Sanskrit, not a published edition
BrP 181.34
कंसो ऽपि तद् उपश्रुत्य नारदात् कुपितस् ततः देवकीं वसुदेवं च गृहे गुप्ताव् अधारयत् ॥
kaṃso 'pi tad upaśrutya nāradāt kupitas tataḥ devakīṃ vasudevaṃ ca gṛhe guptāv adhārayat //
Kaṃsa too, hearing that from Nārada, then became angry and kept Devakī and Vasudeva confined in his house under guard.
AI translation rendered from the Sanskrit, not a published edition
BrP 181.35
जातं जातं च कंसाय तेनैवोक्तं यथा पुरा तथैव वसुदेवो ऽपि पुत्रम् अर्पितवान् द्विजाः ॥
jātaṃ jātaṃ ca kaṃsāya tenaivoktaṃ yathā purā tathaiva vasudevo 'pi putram arpitavān dvijāḥ //
And each son as he was born (was handed over) to Kaṃsa, just as had been demanded by him earlier; so indeed did Vasudeva deliver up the son, O twice-born ones.
AI translation rendered from the Sanskrit, not a published edition
BrP 181.36
हिरण्यकशिपोः पुत्राः षड्गर्भा इति विश्रुताः विष्णुप्रयुक्ता तान् निद्रा क्रमाद् गर्भे न्ययोजयत् ॥
hiraṇyakaśipoḥ putrāḥ ṣaḍgarbhā iti viśrutāḥ viṣṇuprayuktā tān nidrā kramād garbhe nyayojayat //
The six embryos famed as the sons of Hiraṇyakaśipu — Nidrā (Sleep), employed by Viṣṇu, placed them one by one in (Devakī's) womb.
AI translation rendered from the Sanskrit, not a published edition
BrP 181.37
योगनिद्रा महामाया वैष्णवी मोहितं यया अविद्यया जगत् सर्वं ताम् आह भगवान् हरिः ॥
yoganidrā mahāmāyā vaiṣṇavī mohitaṃ yayā avidyayā jagat sarvaṃ tām āha bhagavān hariḥ //
Yoganidrā, the great Māyā, Viṣṇu's own, by whose ignorance the whole world is deluded — to her the Blessed Hari spoke:
AI translation rendered from the Sanskrit, not a published edition
BrP 181.38
गच्छ निद्रे ममादेशात् पातालतलसंश्रयान् एकैकश्येन षड्गर्भान् देवकीजठरे नय ॥
gaccha nidre mamādeśāt pātālatalasaṃśrayān ekaikaśyena ṣaḍgarbhān devakījaṭhare naya //
"Go, Nidrā, at my command, and lead the six embryos, who dwell in the depths of Pātāla, one by one into Devakī's belly.
AI translation rendered from the Sanskrit, not a published edition
BrP 181.39
हतेषु तेषु कंसेन शेषाख्यो ऽंशस् ततो ऽनघः अंशांशेनोदरे तस्याः सप्तमः संभविष्यति ॥
hateṣu teṣu kaṃsena śeṣākhyo 'ṃśas tato 'naghaḥ aṃśāṃśenodare tasyāḥ saptamaḥ saṃbhaviṣyati //
When they have been killed by Kaṃsa, then the sinless portion named Śeṣa will come to be, as a portion of a portion, the seventh in her womb.
AI translation rendered from the Sanskrit, not a published edition
BrP 181.40
गोकुले वसुदेवस्य भार्या वै रोहिणी स्थिता तस्याः प्रसूतिसमये गर्भो नेयस् त्वयोदरम् ॥
gokule vasudevasya bhāryā vai rohiṇī sthitā tasyāḥ prasūtisamaye garbho neyas tvayodaram //
In Gokula lives Rohiṇī, a wife of Vasudeva; at the time of her delivery that embryo is to be carried by you into her belly.
AI translation rendered from the Sanskrit, not a published edition
BrP 181.41
सप्तमो भोजराजस्य भयाद् रोधोपरोधतः देवक्याः पतितो गर्भ इति लोको वदिष्यति ॥
saptamo bhojarājasya bhayād rodhoparodhataḥ devakyāḥ patito garbha iti loko vadiṣyati //
'The seventh embryo of Devakī miscarried from fear of the Bhoja king, through her confinement and restraint' — so the people will say.
AI translation rendered from the Sanskrit, not a published edition
BrP 181.42
गर्भसंकर्षणात् सो ऽथ लोके संकर्षणेति वै संज्ञाम् अवाप्स्यते वीरः श्वेताद्रिशिखरोपमः ॥
garbhasaṃkarṣaṇāt so 'tha loke saṃkarṣaṇeti vai saṃjñām avāpsyate vīraḥ śvetādriśikharopamaḥ //
Then, because of the dragging over of the embryo, that hero, like the peak of the white mountain, will obtain in the world the name Saṃkarṣaṇa.
AI translation rendered from the Sanskrit, not a published edition
BrP 181.43
ततो ऽहं संभविष्यामि देवकीजठरे शुभे गर्भे त्वया यशोदाया गन्तव्यम् अविलम्बितम् ॥
tato 'haṃ saṃbhaviṣyāmi devakījaṭhare śubhe garbhe tvayā yaśodāyā gantavyam avilambitam //
Then I shall come to be in the auspicious womb of Devakī, and you must go without delay into the womb of Yaśodā.
AI translation rendered from the Sanskrit, not a published edition
BrP 181.44
प्रावृट्काले च नभसि कृष्णाष्टम्याम् अहं निशि उत्पत्स्यामि नवम्यां च प्रसूतिं त्वम् अवाप्स्यसि ॥
prāvṛṭkāle ca nabhasi kṛṣṇāṣṭamyām ahaṃ niśi utpatsyāmi navamyāṃ ca prasūtiṃ tvam avāpsyasi //
In the rainy season, in (the month) Nabhas, on the eighth of the dark fortnight, at night I shall be born; and on the ninth you will attain birth.
AI translation rendered from the Sanskrit, not a published edition
BrP 181.45
यशोदाशयने मां तु देवक्यास् त्वाम् अनिन्दिते मच्छक्तिप्रेरितमतिर् वसुदेवो नयिष्यति ॥
yaśodāśayane māṃ tu devakyās tvām anindite macchaktipreritamatir vasudevo nayiṣyati //
Vasudeva, his mind impelled by my power, will carry me to Yaśodā's bed and you to Devakī's, O blameless one.
AI translation rendered from the Sanskrit, not a published edition
BrP 181.46
कंसश् च त्वाम् उपादाय देवि शैलशिलातले प्रक्षेप्स्यत्य् अन्तरिक्षे च त्वं स्थानं समवाप्स्यसि ॥
kaṃsaś ca tvām upādāya devi śailaśilātale prakṣepsyaty antarikṣe ca tvaṃ sthānaṃ samavāpsyasi //
And Kaṃsa, O goddess, taking hold of you, will hurl you upon a rock slab of the mountain; but you will attain a station in the sky.
AI translation rendered from the Sanskrit, not a published edition
BrP 181.47
ततस् त्वां शतधा शक्रः प्रणम्य मम गौरवात् प्रणिपातानतशिरा भगिनीत्वे ग्रहीष्यति ॥
tatas tvāṃ śatadhā śakraḥ praṇamya mama gauravāt praṇipātānataśirā bhaginītve grahīṣyati //
Then Śakra, bowing to you a hundred times out of reverence for me, his head bent in prostration, will take you for his sister.
AI translation rendered from the Sanskrit, not a published edition
BrP 181.48
ततः शुम्भनिशुम्भादीन् हत्वा दैत्यान् सहस्रशः स्थानैर् अनेकैः पृथिवीम् अशेषां मण्डयिष्यसि ॥
tataḥ śumbhaniśumbhādīn hatvā daityān sahasraśaḥ sthānair anekaiḥ pṛthivīm aśeṣāṃ maṇḍayiṣyasi //
Then, having slain Śumbha, Niśumbha and other Daityas by the thousand, you will adorn the whole earth with your many abodes.
AI translation rendered from the Sanskrit, not a published edition
BrP 181.49
त्वं भूतिः संनतिः कीर्तिः कान्तिर् वै पृथिवी धृतिः लज्जा पुष्टिर् उषा या च काचिद् अन्या त्वम् एव सा ॥
tvaṃ bhūtiḥ saṃnatiḥ kīrtiḥ kāntir vai pṛthivī dhṛtiḥ lajjā puṣṭir uṣā yā ca kācid anyā tvam eva sā //
You are prosperity, humility, fame, beauty, indeed the earth, steadfastness, modesty, nourishment, the dawn; and whatever else there is, that too is you.
AI translation rendered from the Sanskrit, not a published edition
BrP 181.50
ये त्वाम् आर्येति दुर्गेति वेदगर्भे ऽम्बिकेति च भद्रेति भद्रकालीति क्षेम्या क्षेमंकरीति च ॥
ye tvām āryeti durgeti vedagarbhe 'mbiketi ca bhadreti bhadrakālīti kṣemyā kṣemaṃkarīti ca //
Those who (praise) you as Āryā, as Durgā, as Vedagarbhā, as Ambikā, as Bhadrā, as Bhadrakālī, as Kṣemyā and as Kṣemaṃkarī —
AI translation rendered from the Sanskrit, not a published edition
BrP 181.51
प्रातश् चैवापराह्णे च स्तोष्यन्त्य् आनम्रमूर्तयः तेषां हि वाञ्छितं सर्वं मत्प्रसादाद् भविष्यति ॥
prātaś caivāparāhṇe ca stoṣyanty ānamramūrtayaḥ teṣāṃ hi vāñchitaṃ sarvaṃ matprasādād bhaviṣyati //
— who at morning and in the afternoon will praise (you) with bodies bowed low: for them everything wished for will come about by my grace.
AI translation rendered from the Sanskrit, not a published edition
BrP 181.52
सुरामांसोपहारैस् तु भक्ष्यभोज्यैश् च पूजिता नृणाम् अशेषकामांस् त्वं प्रसन्नायां प्रदास्यसि ॥
surāmāṃsopahārais tu bhakṣyabhojyaiś ca pūjitā nṛṇām aśeṣakāmāṃs tvaṃ prasannāyāṃ pradāsyasi //
And worshipped with offerings of liquor and meat and with foods hard and soft, you, when pleased, will grant men all their desires.
AI translation rendered from the Sanskrit, not a published edition — the model flagged this verse as uncertain
BrP 181.53
ते सर्वे सर्वदा भद्रा मत्प्रसादाद् असंशयम् असंदिग्धं भविष्यन्ति गच्छ देवि यथोदितम् ॥
te sarve sarvadā bhadrā matprasādād asaṃśayam asaṃdigdhaṃ bhaviṣyanti gaccha devi yathoditam //
All of them will always be fortunate by my grace, without doubt, beyond question. Go, goddess, as has been said."
AI translation rendered from the Sanskrit, not a published edition