Brahma Purana — Chapter 176

BrP 176.1

नहि नस् तृप्तिर् अस्तीह शृण्वतां भगवत्कथाम् पुनर् एव परं गुह्यं वक्तुम् अर्हस्य् अशेषतः ॥

nahi nas tṛptir astīha śṛṇvatāṃ bhagavatkathām punar eva paraṃ guhyaṃ vaktum arhasy aśeṣataḥ //

There is no satiety for us here as we listen to the story of the Lord; you should tell again, wholly, the supreme secret.

AI translation rendered from the Sanskrit, not a published edition

BrP 176.2

अनन्तवासुदेवस्य न सम्यग् वर्णितं त्वया श्रोतुम् इच्छामहे देव विस्तरेण वदस्व नः ॥

anantavāsudevasya na samyag varṇitaṃ tvayā śrotum icchāmahe deva vistareṇa vadasva naḥ //

(The greatness) of the endless Vāsudeva has not been fully described by you; we wish to hear it, O god—tell it to us at length.

AI translation rendered from the Sanskrit, not a published edition

BrP 176.3

प्रवक्ष्यामि मुनिश्रेष्ठाः सारात् सारतरं परम् अनन्तवासुदेवस्य माहात्म्यं भुवि दुर्लभम् ॥

pravakṣyāmi muniśreṣṭhāḥ sārāt sārataraṃ param anantavāsudevasya māhātmyaṃ bhuvi durlabham //

I shall declare, O best of sages, that which is more essential than the essence, supreme: the greatness of the endless Vāsudeva, hard to obtain on earth.

AI translation rendered from the Sanskrit, not a published edition

BrP 176.4

आदिकल्पे पुरा विप्रास् त्व् अहम् अव्यक्तजन्मवान् विश्वकर्माणम् आहूय वचनं प्रोक्तवान् इदम् ॥

ādikalpe purā viprās tv aham avyaktajanmavān viśvakarmāṇam āhūya vacanaṃ proktavān idam //

Long ago, O brahmins, in the first kalpa, I—whose birth was from the Unmanifest—summoned Viśvakarman and spoke these words:

AI translation rendered from the Sanskrit, not a published edition

BrP 176.5

वरिष्ठं देवशिल्पीन्द्रं विश्वकर्माग्रकर्मिणम् प्रतिमां वासुदेवस्य कुरु शैलमयीं भुवि ॥

variṣṭhaṃ devaśilpīndraṃ viśvakarmāgrakarmiṇam pratimāṃ vāsudevasya kuru śailamayīṃ bhuvi //

"O most excellent one, chief of the divine craftsmen, Viśvakarman, foremost of workers, make on earth an image of Vāsudeva made of stone,

AI translation rendered from the Sanskrit, not a published edition

BrP 176.6

यां प्रेक्ष्य विधिवद् भक्ताः सेन्द्रा वै मानुषादयः येन दानवरक्षोभ्यो विज्ञाय सुमहद् भयम् ॥

yāṃ prekṣya vidhivad bhaktāḥ sendrā vai mānuṣādayaḥ yena dānavarakṣobhyo vijñāya sumahad bhayam //

"which the devotees, together with Indra, men and the rest, having beheld it duly, (are freed), and by which, having recognized the very great fear from the demons and rākṣasas,

AI translation rendered from the Sanskrit, not a published edition — the model flagged this verse as uncertain

BrP 176.7

त्रिदिवं समनुप्राप्य सुमेरुशिखरं चिरम् वासुदेवं समाराध्य निरातङ्का वसन्ति ते ॥

tridivaṃ samanuprāpya sumeruśikharaṃ ciram vāsudevaṃ samārādhya nirātaṅkā vasanti te //

"they, having reached heaven, the peak of Sumeru, for long, having worshipped Vāsudeva, dwell free of terror."

AI translation rendered from the Sanskrit, not a published edition

BrP 176.8

मम तद् वचनं श्रुत्वा विश्वकर्मा तु तत्क्षणात् चकार प्रतिमां शुद्धां शङ्खचक्रगदाधराम् ॥

mama tad vacanaṃ śrutvā viśvakarmā tu tatkṣaṇāt cakāra pratimāṃ śuddhāṃ śaṅkhacakragadādharām //

Hearing that word of mine, Viśvakarman that very instant made a pure image bearing conch, discus and mace,

AI translation rendered from the Sanskrit, not a published edition

BrP 176.9

सर्वलक्षणसंयुक्तां पुण्डरीकायतेक्षणाम् श्रीवत्सलक्ष्मसंयुक्ताम् अत्युग्रां प्रतिमोत्तमाम् ॥

sarvalakṣaṇasaṃyuktāṃ puṇḍarīkāyatekṣaṇām śrīvatsalakṣmasaṃyuktām atyugrāṃ pratimottamām //

endowed with all the (auspicious) marks, with eyes long as lotus petals, bearing the śrīvatsa mark, most formidable, the finest of images,

AI translation rendered from the Sanskrit, not a published edition

BrP 176.10

वनमालावृतोरस्कां मुकुटाङ्गदधारिणीम् पीतवस्त्रां सुपीनांसां कुण्डलाभ्याम् अलंकृताम् ॥

vanamālāvṛtoraskāṃ mukuṭāṅgadadhāriṇīm pītavastrāṃ supīnāṃsāṃ kuṇḍalābhyām alaṃkṛtām //

its chest wreathed with a forest-garland, wearing crown and armlets, clad in yellow cloth, with well-rounded shoulders, adorned with a pair of earrings.

AI translation rendered from the Sanskrit, not a published edition

BrP 176.11

एवं सा प्रतिमा दिव्या गुह्यमन्त्रैस् तदा स्वयम् प्रतिष्ठाकालम् आसाद्य मयासौ निर्मिता पुरा ॥

evaṃ sā pratimā divyā guhyamantrais tadā svayam pratiṣṭhākālam āsādya mayāsau nirmitā purā //

Thus that divine image was long ago fashioned by me myself with secret mantras, when the time for consecration had come.

AI translation rendered from the Sanskrit, not a published edition

BrP 176.12

तस्मिन् काले तदा शक्रो देवराट् खेचरैः सह जगाम ब्रह्मसदनम् आरुह्य गजम् उत्तमम् ॥

tasmin kāle tadā śakro devarāṭ khecaraiḥ saha jagāma brahmasadanam āruhya gajam uttamam //

At that time Śakra, king of the gods, went with the sky-travellers to Brahmā's abode, mounted on his excellent elephant.

AI translation rendered from the Sanskrit, not a published edition

BrP 176.13

प्रसाद्य प्रतिमां शक्रः स्नानदानैः पुनः पुनः प्रतिमां तां समाराध्य स्वपुरं पुनर् आगमत् ॥

prasādya pratimāṃ śakraḥ snānadānaiḥ punaḥ punaḥ pratimāṃ tāṃ samārādhya svapuraṃ punar āgamat //

Śakra, having propitiated the image again and again with bathings and gifts, and having worshipped that image, returned to his own city.

AI translation rendered from the Sanskrit, not a published edition

BrP 176.14

तां समाराध्य सुचिरं यतवाक्कायमानसः वृत्राद्यान् असुरान् क्रूरान् नमुचिप्रमुखान् स च ॥

tāṃ samārādhya suciraṃ yatavākkāyamānasaḥ vṛtrādyān asurān krūrān namucipramukhān sa ca //

Having worshipped it for a very long time, with speech, body and mind restrained, he too (overcame) the cruel asuras, Vṛtra and the rest, headed by Namuci—

AI translation rendered from the Sanskrit, not a published edition

BrP 176.15

निहत्य दानवान् भीमान् भुक्तवान् भुवनत्रयम् द्वितीये च युगे प्राप्ते त्रेतायां राक्षसाधिपः ॥

nihatya dānavān bhīmān bhuktavān bhuvanatrayam dvitīye ca yuge prāpte tretāyāṃ rākṣasādhipaḥ //

having slain the terrible dānavas, he enjoyed the three worlds. And when the second age, the Tretā, arrived, a lord of the rākṣasas

AI translation rendered from the Sanskrit, not a published edition

BrP 176.16

बभूव सुमहावीर्यो दशग्रीवः प्रतापवान् दश वर्षसहस्राणि निराहारो जितेन्द्रियः ॥

babhūva sumahāvīryo daśagrīvaḥ pratāpavān daśa varṣasahasrāṇi nirāhāro jitendriyaḥ //

was born, of very great might, ten-necked and majestic; for ten thousand years, without food, his senses conquered,

AI translation rendered from the Sanskrit, not a published edition

BrP 176.17

चचार व्रतम् अत्युग्रं तपः परमदुश्चरम् तपसा तेन तुष्टो ऽहं वरं तस्मै प्रदत्तवान् ॥

cacāra vratam atyugraṃ tapaḥ paramaduścaram tapasā tena tuṣṭo 'haṃ varaṃ tasmai pradattavān //

He practiced an exceedingly fierce vow, an austerity most difficult to perform; pleased with that austerity, I granted him a boon:

AI translation rendered from the Sanskrit, not a published edition

BrP 176.18

अवध्यः सर्वदेवानां स दैत्योरगरक्षसाम् शापप्रहरणैर् उग्रैर् अवध्यो यमकिंकरैः ॥

avadhyaḥ sarvadevānāṃ sa daityoragarakṣasām śāpapraharaṇair ugrair avadhyo yamakiṃkaraiḥ //

That he should be unslayable by all the gods, by the Daityas, serpents and Rākṣasas, and unslayable by fierce curses and weapons and by the servants of Yama.

AI translation rendered from the Sanskrit, not a published edition

BrP 176.19

वरं प्राप्य तदा रक्षो यक्षान् सर्वगणान् इमान् धनाध्यक्षं विनिर्जित्य शक्रं जेतुं समुद्यतः ॥

varaṃ prāpya tadā rakṣo yakṣān sarvagaṇān imān dhanādhyakṣaṃ vinirjitya śakraṃ jetuṃ samudyataḥ //

Having obtained the boon, the demon then, having conquered the Yakṣas, all these hosts, and the Lord of Wealth (Kubera), set out to conquer Śakra.

AI translation rendered from the Sanskrit, not a published edition

BrP 176.20

संग्रामं सुमहाघोरं कृत्वा देवैः स राक्षसः देवराजं विनिर्जित्य तदा इन्द्रजितेति वै ॥

saṃgrāmaṃ sumahāghoraṃ kṛtvā devaiḥ sa rākṣasaḥ devarājaṃ vinirjitya tadā indrajiteti vai //

That Rākṣasa, having waged a most terrible battle with the gods and having defeated the king of the gods, then (bore the name) "Indrajit" —

AI translation rendered from the Sanskrit, not a published edition

BrP 176.21

राक्षसस् तत्सुतो नाम मेघनादः प्रलब्धवान् अमरावतीं ततः प्राप्य देवराजगृहे शुभे ॥

rākṣasas tatsuto nāma meghanādaḥ pralabdhavān amarāvatīṃ tataḥ prāpya devarājagṛhe śubhe //

the Rākṣasa, his son named Meghanāda, obtained (it). Then, having reached Amarāvatī, in the fair house of the king of the gods,

AI translation rendered from the Sanskrit, not a published edition — the model flagged this verse as uncertain

BrP 176.22

ददर्शाञ्जनसंकाशां रावणस् तु बलान्वितः प्रतिमां वासुदेवस्य सर्वलक्षणसंयुताम् ॥

dadarśāñjanasaṃkāśāṃ rāvaṇas tu balānvitaḥ pratimāṃ vāsudevasya sarvalakṣaṇasaṃyutām //

Rāvaṇa, endowed with strength, beheld an image of Vāsudeva, dark like collyrium, possessed of all the (auspicious) marks,

AI translation rendered from the Sanskrit, not a published edition

BrP 176.23

श्रीवत्सलक्ष्मसंयुक्तां पद्मपत्त्रायतेक्षणाम् वनमालावृतोरस्कां मुकुटाङ्गदभूषिताम् ॥

śrīvatsalakṣmasaṃyuktāṃ padmapattrāyatekṣaṇām vanamālāvṛtoraskāṃ mukuṭāṅgadabhūṣitām //

bearing the śrīvatsa mark, with eyes long as lotus petals, its chest covered with a forest-garland, adorned with crown and armlets,

AI translation rendered from the Sanskrit, not a published edition

BrP 176.24

शङ्खचक्रगदाहस्तां पीतवस्त्रां चतुर्भुजाम् सर्वाभरणसंयुक्तां सर्वकामफलप्रदाम् ॥

śaṅkhacakragadāhastāṃ pītavastrāṃ caturbhujām sarvābharaṇasaṃyuktāṃ sarvakāmaphalapradām //

with conch, discus and mace in its hands, clad in yellow, four-armed, furnished with every ornament, granting the fruit of every desire.

AI translation rendered from the Sanskrit, not a published edition

BrP 176.25

विहाय रत्नसंघांश् च प्रतिमां शुभलक्षणाम् पुष्पकेण विमानेन लङ्कां प्रास्थापयद् द्रुतम् ॥

vihāya ratnasaṃghāṃś ca pratimāṃ śubhalakṣaṇām puṣpakeṇa vimānena laṅkāṃ prāsthāpayad drutam //

And, leaving aside the heaps of jewels, he swiftly dispatched the image of auspicious marks to Laṅkā by the Puṣpaka chariot.

AI translation rendered from the Sanskrit, not a published edition

BrP 176.26

पुराध्यक्षः स्थितः श्रीमान् धर्मात्मा स विभीषणः रावणस्यानुजो मन्त्री नारायणपरायणः ॥

purādhyakṣaḥ sthitaḥ śrīmān dharmātmā sa vibhīṣaṇaḥ rāvaṇasyānujo mantrī nārāyaṇaparāyaṇaḥ //

As overseer of the city there was stationed the illustrious, righteous Vibhīṣaṇa, Rāvaṇa's younger brother and counsellor, wholly devoted to Nārāyaṇa.

AI translation rendered from the Sanskrit, not a published edition

BrP 176.27

दृष्ट्वा तां प्रतिमां दिव्यां देवेन्द्रभवनच्युताम् रोमाञ्चिततनुर् भूत्वा विस्मयं समपद्यत ॥

dṛṣṭvā tāṃ pratimāṃ divyāṃ devendrabhavanacyutām romāñcitatanur bhūtvā vismayaṃ samapadyata //

Seeing that divine image fallen from the dwelling of the lord of the gods, his body bristling with thrilled hair, he was filled with amazement.

AI translation rendered from the Sanskrit, not a published edition

BrP 176.28

प्रणम्य शिरसा देवं प्रहृष्टेनान्तरात्मना अद्य मे सफलं जन्म अद्य मे सफलं तपः ॥

praṇamya śirasā devaṃ prahṛṣṭenāntarātmanā adya me saphalaṃ janma adya me saphalaṃ tapaḥ //

Having bowed his head to the god with a greatly delighted inner self (he said): "Today my birth has borne fruit, today my austerity has borne fruit."

AI translation rendered from the Sanskrit, not a published edition

BrP 176.29

इत्य् उक्त्वा स तु धर्मात्मा प्रणिपत्य मुहुर् मुहुः ज्येष्ठं भ्रातरम् आसाद्य कृताञ्जलिर् अभाषत ॥

ity uktvā sa tu dharmātmā praṇipatya muhur muhuḥ jyeṣṭhaṃ bhrātaram āsādya kṛtāñjalir abhāṣata //

Having said this, that righteous one, prostrating again and again, approached his eldest brother and, with folded hands, spoke:

AI translation rendered from the Sanskrit, not a published edition

BrP 176.30

राजन् प्रतिमया त्वं मे प्रसादं कर्तुम् अर्हसि याम् आराध्य जगन्नाथ निस्तरेयं भवार्णवम् ॥

rājan pratimayā tvaṃ me prasādaṃ kartum arhasi yām ārādhya jagannātha nistareyaṃ bhavārṇavam //

"O king, you ought to do me the favour of (giving me) the image, by worshipping which, O Lord of the world, I might cross over the ocean of existence."

AI translation rendered from the Sanskrit, not a published edition

BrP 176.31

भ्रातुर् वचनम् आकर्ण्य रावणस् तं तदाब्रवीत् गृहाण प्रतिमां वीर त्व् अनया किं करोम्य् अहम् ॥

bhrātur vacanam ākarṇya rāvaṇas taṃ tadābravīt gṛhāṇa pratimāṃ vīra tv anayā kiṃ karomy aham //

Hearing his brother's words, Rāvaṇa then said to him: "Take the image, hero; what indeed should I do with it?

AI translation rendered from the Sanskrit, not a published edition

BrP 176.32

स्वयंभुवं समाराध्य त्रैलोक्यं विजये त्व् अहम् नानाश्चर्यमयं देवं सर्वभूतभवोद्भवम् ॥

svayaṃbhuvaṃ samārādhya trailokyaṃ vijaye tv aham nānāścaryamayaṃ devaṃ sarvabhūtabhavodbhavam //

By propitiating the Self-existent one I shall conquer the three worlds — (that) god who is made of manifold marvels, the source of the becoming of all beings."

AI translation rendered from the Sanskrit, not a published edition — the model flagged this verse as uncertain

BrP 176.33

विभीषणो महाबुद्धिस् तदा तां प्रतिमां शुभाम् शतम् अष्टोत्तरं चाब्दं समाराध्य जनार्दनम् ॥

vibhīṣaṇo mahābuddhis tadā tāṃ pratimāṃ śubhām śatam aṣṭottaraṃ cābdaṃ samārādhya janārdanam //

Then Vibhīṣaṇa of great wisdom, having worshipped Janārdana in that auspicious image for a hundred and eight years,

AI translation rendered from the Sanskrit, not a published edition

BrP 176.34

अजरामरणं प्राप्तम् अणिमादिगुणैर् युतम् राज्यं लङ्काधिपत्यं च भोगान् भुङ्क्ते यथेप्सितान् ॥

ajarāmaraṇaṃ prāptam aṇimādiguṇair yutam rājyaṃ laṅkādhipatyaṃ ca bhogān bhuṅkte yathepsitān //

attained freedom from old age and death, together with the powers beginning with aṇimā, and kingship and the sovereignty of Laṅkā, and he enjoys pleasures as he wishes.

AI translation rendered from the Sanskrit, not a published edition

BrP 176.35

अहो नो विस्मयो जातः श्रुत्वेदं परमामृतम् अनन्तवासुदेवस्य संभवं भुवि दुर्लभम् ॥

aho no vismayo jātaḥ śrutvedaṃ paramāmṛtam anantavāsudevasya saṃbhavaṃ bhuvi durlabham //

"Ah! amazement has arisen in us on hearing this supreme nectar, the birth (in image-form) of the endless Vāsudeva, hard to obtain on earth.

AI translation rendered from the Sanskrit, not a published edition — the model flagged this verse as uncertain

BrP 176.36

श्रोतुम् इच्छामहे देव विस्तरेण यथातथम् तस्य देवस्य माहात्म्यं वक्तुम् अर्हस्य् अशेषतः ॥

śrotum icchāmahe deva vistareṇa yathātatham tasya devasya māhātmyaṃ vaktum arhasy aśeṣataḥ //

We wish to hear, O god, at length and just as it is; you ought to tell without remainder the greatness of that god."

AI translation rendered from the Sanskrit, not a published edition

BrP 176.37

तदा स राक्षसः क्रूरो देवगन्धर्वकिंनरान् लोकपालान् समनुजान् मुनिसिद्धांश् च पापकृत् ॥

tadā sa rākṣasaḥ krūro devagandharvakiṃnarān lokapālān samanujān munisiddhāṃś ca pāpakṛt //

Then that cruel, evil-doing demon (defeated) the gods, gandharvas and kinnaras, and the guardians of the worlds together with their retinues, and the sages and siddhas —

AI translation rendered from the Sanskrit, not a published edition

BrP 176.38

विजित्य समरे सर्वान् आजहार तदङ्गनाः संस्थाप्य नगरीं लङ्कां पुनः सीतार्थमोहितः ॥

vijitya samare sarvān ājahāra tadaṅganāḥ saṃsthāpya nagarīṃ laṅkāṃ punaḥ sītārthamohitaḥ //

having conquered them all in battle, he carried off their women; and having (re)established the city of Laṅkā, he was again deluded on account of Sītā.

AI translation rendered from the Sanskrit, not a published edition

BrP 176.39

शङ्कितो मृगरूपेण सौवर्णेन च रावणः ततः क्रुद्धेन रामेण रणे सौमित्रिणा सह ॥

śaṅkito mṛgarūpeṇa sauvarṇena ca rāvaṇaḥ tataḥ kruddhena rāmeṇa raṇe saumitriṇā saha //

And Rāvaṇa, suspected (i.e. found out) by means of the golden deer form — then by the angry Rāma, together with the son of Sumitrā, in battle,

AI translation rendered from the Sanskrit, not a published edition — the model flagged this verse as uncertain

BrP 176.40

रावणस्य वधार्थाय हत्वा वालिं मनोजवम् अभिषिक्तश् च सुग्रीवो युवराजो ऽङ्गदस् तथा ॥

rāvaṇasya vadhārthāya hatvā vāliṃ manojavam abhiṣiktaś ca sugrīvo yuvarājo 'ṅgadas tathā //

for the sake of killing Rāvaṇa — having slain Vālin, who was swift as thought, Sugrīva was consecrated (as king), and Aṅgada likewise as crown prince.

AI translation rendered from the Sanskrit, not a published edition — the model flagged this verse as uncertain

BrP 176.41

हनुमान् नलनीलश् च जाम्बवान् पनसस् तथा गवयश् च गवाक्षश् च पाठीनः परमौजसः ॥

hanumān nalanīlaś ca jāmbavān panasas tathā gavayaś ca gavākṣaś ca pāṭhīnaḥ paramaujasaḥ //

Hanumān and Nala and Nīla, Jāmbavān and Panasa, and Gavaya and Gavākṣa and Pāṭhīna, of supreme strength —

AI translation rendered from the Sanskrit, not a published edition

BrP 176.42

एतैश् चान्यैश् च बहुभिर् वानरैः समहाबलैः समावृतो महाघोरै रामो राजीवलोचनः ॥

etaiś cānyaiś ca bahubhir vānaraiḥ samahābalaiḥ samāvṛto mahāghorai rāmo rājīvalocanaḥ //

surrounded by these and by many other exceedingly terrible monkeys of great strength, Rāma, whose eyes were like lotuses,

AI translation rendered from the Sanskrit, not a published edition

BrP 176.43

गिरीणां सर्वसंघातैः सेतुं बद्ध्वा महोदधौ बलेन महता रामः समुत्तीर्य महोदधिम् ॥

girīṇāṃ sarvasaṃghātaiḥ setuṃ baddhvā mahodadhau balena mahatā rāmaḥ samuttīrya mahodadhim //

having bound a causeway on the great ocean with whole masses of mountains, Rāma with his great army crossed over the great ocean,

AI translation rendered from the Sanskrit, not a published edition

BrP 176.44

संग्रामम् अतुलं चक्रे रक्षोगणसमन्वितः यमहस्तं प्रहस्तं च निकुम्भं कुम्भम् एव च ॥

saṃgrāmam atulaṃ cakre rakṣogaṇasamanvitaḥ yamahastaṃ prahastaṃ ca nikumbhaṃ kumbham eva ca //

and waged an incomparable battle (with Rāvaṇa) attended by his hosts of demons; Yamahasta and Prahasta, and Nikumbha and Kumbha too,

AI translation rendered from the Sanskrit, not a published edition

BrP 176.45

नरान्तकं महावीर्यं तथा चैव यमान्तकम् मालाढ्यं मालिकाढ्यं च हत्वा रामस् तु वीर्यवान् ॥

narāntakaṃ mahāvīryaṃ tathā caiva yamāntakam mālāḍhyaṃ mālikāḍhyaṃ ca hatvā rāmas tu vīryavān //

Narāntaka of great valour, and likewise Yamāntaka, and Mālāḍhya and Mālikāḍhya — having slain (them), valorous Rāma

AI translation rendered from the Sanskrit, not a published edition

BrP 176.46

पुनर् इन्द्रजितं हत्वा कुम्भकर्णं सरावणम् वैदेहीं चाग्निनाशोध्य दत्त्वा राज्यं विभीषणे ॥

punar indrajitaṃ hatvā kumbhakarṇaṃ sarāvaṇam vaidehīṃ cāgnināśodhya dattvā rājyaṃ vibhīṣaṇe //

further, having slain Indrajit and Kumbhakarṇa along with Rāvaṇa, and having purified Vaidehī by fire, and having given the kingdom to Vibhīṣaṇa,

AI translation rendered from the Sanskrit, not a published edition

BrP 176.47

वासुदेवं समादाय यानं पुष्पकम् आरुहत् लीलया समनुप्रापद् अयोध्यां पूर्वपालिताम् ॥

vāsudevaṃ samādāya yānaṃ puṣpakam āruhat līlayā samanuprāpad ayodhyāṃ pūrvapālitām //

taking Vāsudeva (the image) with him, he mounted the Puṣpaka vehicle and effortlessly reached Ayodhyā, which he had ruled before.

AI translation rendered from the Sanskrit, not a published edition

BrP 176.48

कनिष्ठं भरतं स्नेहाच् छत्रुघ्नं भक्तवत्सलः अभिषिच्य तदा रामः सर्वराज्ये ऽधिराजवत् ॥

kaniṣṭhaṃ bharataṃ snehāc chatrughnaṃ bhaktavatsalaḥ abhiṣicya tadā rāmaḥ sarvarājye 'dhirājavat //

Then Rāma, tender to his devotees, out of affection consecrated his younger brother Bharata and Śatrughna over the whole kingdom, himself acting as overlord.

AI translation rendered from the Sanskrit, not a published edition — the model flagged this verse as uncertain

BrP 176.49

पुरातनीं स्वमूर्तिं च समाराध्य ततो हरिः दश वर्षसहस्राणि दश वर्षशतानि च ॥

purātanīṃ svamūrtiṃ ca samārādhya tato hariḥ daśa varṣasahasrāṇi daśa varṣaśatāni ca //

And then Hari, having worshipped his own ancient image, for ten thousand years and ten hundred years

AI translation rendered from the Sanskrit, not a published edition

BrP 176.50

भुक्त्वा सागरपर्यन्तां मेदिनीं स तु राघवः राज्यम् आसाद्य सुगतिं वैष्णवं पदम् आविशत् ॥

bhuktvā sāgaraparyantāṃ medinīṃ sa tu rāghavaḥ rājyam āsādya sugatiṃ vaiṣṇavaṃ padam āviśat //

having enjoyed the earth as far as the ocean, that descendant of Raghu, having attained the kingdom, entered upon a good course, the station of Viṣṇu.

AI translation rendered from the Sanskrit, not a published edition

BrP 176.51

तां चापि प्रतिमां रामः समुद्रेशाय दत्तवान् धन्यो रक्षयितासि त्वं तोयरत्नसमन्वितः ॥

tāṃ cāpi pratimāṃ rāmaḥ samudreśāya dattavān dhanyo rakṣayitāsi tvaṃ toyaratnasamanvitaḥ //

And that image Rāma gave to the lord of the ocean: "Fortunate are you; you shall be its protector, you who are endowed with the jewels of the waters."

AI translation rendered from the Sanskrit, not a published edition

BrP 176.52

द्वापरं युगम् आसाद्य यदा देवो जगत्पतिः धरण्याश् चानुरोधेन भावशैथिल्यकारणात् ॥

dvāparaṃ yugam āsādya yadā devo jagatpatiḥ dharaṇyāś cānurodhena bhāvaśaithilyakāraṇāt //

When the Dvāpara age had come, then the god, lord of the world, at the earth's entreaty, because of the slackening of (right) disposition,

AI translation rendered from the Sanskrit, not a published edition — the model flagged this verse as uncertain

BrP 176.53

अवतीर्णः स भगवान् वसुदेवकुले प्रभुः कंसादीनां वधार्थाय संकर्षणसहायवान् ॥

avatīrṇaḥ sa bhagavān vasudevakule prabhuḥ kaṃsādīnāṃ vadhārthāya saṃkarṣaṇasahāyavān //

that lord, the Blessed One, descended into the family of Vasudeva, to kill Kaṃsa and the rest, having Saṃkarṣaṇa as his helper.

AI translation rendered from the Sanskrit, not a published edition

BrP 176.54

तदा तां प्रतिमां विप्राः सर्ववाञ्छाफलप्रदाम् सर्वलोकहितार्थाय कस्यचित् कारणान्तरे ॥

tadā tāṃ pratimāṃ viprāḥ sarvavāñchāphalapradām sarvalokahitārthāya kasyacit kāraṇāntare //

Then, O brahmins, that image, which grants the fruit of every wish, for the welfare of all the worlds, for some other reason,

AI translation rendered from the Sanskrit, not a published edition

BrP 176.55

तस्मिन् क्षेत्रवरे पुण्ये दुर्लभे पुरुषोत्तमे उज्जहार स्वयं तोयात् समुद्रः सरितां पतिः ॥

tasmin kṣetravare puṇye durlabhe puruṣottame ujjahāra svayaṃ toyāt samudraḥ saritāṃ patiḥ //

in that best of holy fields, hard to attain, at Puruṣottama, the ocean, lord of rivers, himself brought up out of the water.

AI translation rendered from the Sanskrit, not a published edition

BrP 176.56

तदा प्रभृति तत्रैव क्षेत्रे मुक्तिप्रदे द्विजाः आस्ते स देवो देवानां सर्वकामफलप्रदः ॥

tadā prabhṛti tatraiva kṣetre muktiprade dvijāḥ āste sa devo devānāṃ sarvakāmaphalapradaḥ //

From then on, O twice-born, in that very field which grants liberation, that god of gods dwells, granting the fruit of all desires.

AI translation rendered from the Sanskrit, not a published edition

BrP 176.57

ये संश्रयन्ति चानन्तं भक्त्या सर्वेश्वरं प्रभुम् वाङ्मनःकर्मभिर् नित्यं ते यान्ति परमं पदम् ॥

ye saṃśrayanti cānantaṃ bhaktyā sarveśvaraṃ prabhum vāṅmanaḥkarmabhir nityaṃ te yānti paramaṃ padam //

And those who take refuge in Ananta, the Lord, the ruler of all, with devotion, constantly in speech, mind and deed — they go to the highest state.

AI translation rendered from the Sanskrit, not a published edition

BrP 176.58

दृष्ट्वानन्तं सकृद् भक्त्या संपूज्य प्रणिपत्य च राजसूयाश्वमेधाभ्यां फलं दशगुणं लभेत् ॥

dṛṣṭvānantaṃ sakṛd bhaktyā saṃpūjya praṇipatya ca rājasūyāśvamedhābhyāṃ phalaṃ daśaguṇaṃ labhet //

Having once seen Ananta with devotion, having worshipped and bowed down (to him), one obtains a reward ten times that of the Rājasūya and Aśvamedha (sacrifices).

AI translation rendered from the Sanskrit, not a published edition

BrP 176.59

सर्वकामसमृद्धेन कामगेन सुवर्चसा विमानेनार्कवर्णेन किङ्किणीजालमालिना ॥

sarvakāmasamṛddhena kāmagena suvarcasā vimānenārkavarṇena kiṅkiṇījālamālinā //

By a chariot abounding in all desirable things, going wherever wished, of fine radiance, of the sun's colour, garlanded with networks of little bells —

AI translation rendered from the Sanskrit, not a published edition

BrP 176.60

त्रिःसप्तकुलम् उद्धृत्य दिव्यस्त्रीगणसेवितः उपगीयमानो गन्धर्वैर् नरो विष्णुपुरं व्रजेत् ॥

triḥsaptakulam uddhṛtya divyastrīgaṇasevitaḥ upagīyamāno gandharvair naro viṣṇupuraṃ vrajet //

having raised up thrice seven (generations of his) family, attended by throngs of celestial women, being sung to by Gandharvas, a man goes to Viṣṇu's city.

AI translation rendered from the Sanskrit, not a published edition

BrP 176.61

तत्र भुक्त्वा वरान् भोगाञ् जरामरणवर्जितः दिव्यरूपधरः श्रीमान् यावद् आभूतसंप्लवम् ॥

tatra bhuktvā varān bhogāñ jarāmaraṇavarjitaḥ divyarūpadharaḥ śrīmān yāvad ābhūtasaṃplavam //

There, having enjoyed choice pleasures, free of old age and death, bearing a divine form, glorious, until the dissolution of beings —

AI translation rendered from the Sanskrit, not a published edition

BrP 176.62

पुण्यक्षयाद् इहायातश् चतुर्वेदी द्विजोत्तमः वैष्णवं योगम् आस्थाय ततो मोक्षम् अवाप्नुयात् ॥

puṇyakṣayād ihāyātaś caturvedī dvijottamaḥ vaiṣṇavaṃ yogam āsthāya tato mokṣam avāpnuyāt //

then, when his merit is exhausted, having come here (as) a knower of the four Vedas, the best of brahmins, taking up the yoga of Viṣṇu, he would attain liberation.

AI translation rendered from the Sanskrit, not a published edition

BrP 176.63

एवं मया त्व् अनन्तो ऽसौ कीर्तितो मुनिसत्तमाः कः शक्नोति गुणान् वक्तुं तस्य वर्षशतैर् अपि ॥

evaṃ mayā tv ananto 'sau kīrtito munisattamāḥ kaḥ śaknoti guṇān vaktuṃ tasya varṣaśatair api //

Thus has Ananta been celebrated by me, O best of sages; who is able to tell his qualities even in a hundred years?

AI translation rendered from the Sanskrit, not a published edition