Brahma Purana — Chapter 170
BrP 170.1
चक्षुस्तीर्थम् इति ख्यातं रूपसौभाग्यदायकम् यत्र योगेश्वरो देवो गौतम्या दक्षिणे तटे ॥
cakṣustīrtham iti khyātaṃ rūpasaubhāgyadāyakam yatra yogeśvaro devo gautamyā dakṣiṇe taṭe //
(There is a ford) known as Cakṣustīrtha, which grants beauty and good fortune, where the god Yogeśvara (dwells), on the southern bank of the Gautamī.
AI translation rendered from the Sanskrit, not a published edition
BrP 170.2
पुरं भौवनम् आख्यातं गिरिमूर्ध्न्य् अभिधीयते यत्रासौ भौवनो राजा क्षत्रधर्मपरायणः ॥
puraṃ bhauvanam ākhyātaṃ girimūrdhny abhidhīyate yatrāsau bhauvano rājā kṣatradharmaparāyaṇaḥ //
A city called Bhauvana is spoken of on the summit of a mountain, where that king Bhauvana, devoted to the duty of a kṣatriya, (lived).
AI translation rendered from the Sanskrit, not a published edition
BrP 170.3
तस्मिन् पुरवरे कश्चिद् ब्राह्मणो वृद्धकौशिकः तत्पुत्रो गौतम इति ख्यातो वेदविदुत्तमः ॥
tasmin puravare kaścid brāhmaṇo vṛddhakauśikaḥ tatputro gautama iti khyāto vedaviduttamaḥ //
In that excellent city there was a certain brahmin, Vṛddhakauśika; his son was known as Gautama, foremost of the knowers of the Veda.
AI translation rendered from the Sanskrit, not a published edition
BrP 170.4
तस्य मातुर् मनोदोषाद् विपरीतो ऽभवद् द्विजः सखा तस्य वणिक् कश्चिन् मणिकुण्डल उच्यते ॥
tasya mātur manodoṣād viparīto 'bhavad dvijaḥ sakhā tasya vaṇik kaścin maṇikuṇḍala ucyate //
Because of a fault in his mother's mind, the twice-born became perverse. A friend of his was a certain merchant called Maṇikuṇḍala.
AI translation rendered from the Sanskrit, not a published edition
BrP 170.5
तेन सख्यं द्विजस्यासीद् विषमं द्विजवैश्ययोः श्रीमद्दरिद्रयोर् नित्यं परस्परहितैषिणोः ॥
tena sakhyaṃ dvijasyāsīd viṣamaṃ dvijavaiśyayoḥ śrīmaddaridrayor nityaṃ parasparahitaiṣiṇoḥ //
The brahmin had a friendship with him—an ill-matched (friendship) between a brahmin and a vaiśya, between a rich man and a poor one—the two constantly seeking each other's welfare.
AI translation rendered from the Sanskrit, not a published edition
BrP 170.6
कदाचिद् गौतमो वैश्यं वित्तेशं मणिकुण्डलम् प्राहेदं वचनं प्रीत्या रहः स्थित्वा पुनः पुनः ॥
kadācid gautamo vaiśyaṃ vitteśaṃ maṇikuṇḍalam prāhedaṃ vacanaṃ prītyā rahaḥ sthitvā punaḥ punaḥ //
Once Gautama, staying in private, affectionately spoke these words again and again to the vaiśya Maṇikuṇḍala, the lord of wealth:
AI translation rendered from the Sanskrit, not a published edition
BrP 170.7
गच्छामो धनम् आदातुं पर्वतान् उदधीन् अपि यौवनं तद् वृथा ज्ञेयं विना सौख्यानुकूल्यतः धनं विना तत् कथं स्याद् अहो धिङ् निर्धनं नरम् ॥
gacchāmo dhanam ādātuṃ parvatān udadhīn api yauvanaṃ tad vṛthā jñeyaṃ vinā saukhyānukūlyataḥ dhanaṃ vinā tat kathaṃ syād aho dhiṅ nirdhanaṃ naram //
"Let us go to get wealth—to the mountains, even to the oceans. Youth is to be reckoned useless without the favourable circumstance of pleasure; and how could that be without wealth? Alas, shame on a man without money!"
AI translation rendered from the Sanskrit, not a published edition
BrP 170.8
कुण्डलो द्विजम् आहेदं मत्पित्रोपार्जितं धनम् बह्व् अस्ति किं धनेनाद्य करिष्ये द्विजसत्तम द्विजः पुनर् उवाचेदं मणिकुण्डलम् ओजसा ॥
kuṇḍalo dvijam āhedaṃ matpitropārjitaṃ dhanam bahv asti kiṃ dhanenādya kariṣye dvijasattama dvijaḥ punar uvācedaṃ maṇikuṇḍalam ojasā //
Kuṇḍala said this to the twice-born: "There is much wealth earned by my father. What shall I do today with (more) wealth, O best of the twice-born?" The twice-born again said this to Maṇikuṇḍala forcefully:
AI translation rendered from the Sanskrit, not a published edition
BrP 170.9
धर्मार्थज्ञानकामानां को नु तृप्तः प्रशस्यते उत्कर्षप्राप्तिर् एवैषां सखे श्लाघ्या शरीरिणाम् ॥
dharmārthajñānakāmānāṃ ko nu tṛptaḥ praśasyate utkarṣaprāptir evaiṣāṃ sakhe ślāghyā śarīriṇām //
"Who indeed is praised for being satisfied with dharma, wealth, knowledge, and pleasure? For embodied beings, friend, only the attainment of increase in these is praiseworthy.
AI translation rendered from the Sanskrit, not a published edition
BrP 170.10
स्वेनैव व्यवसायेन धन्या जीवन्ति जन्तवः परदत्तार्थसंतुष्टाः कष्टजीविन एव ते ॥
svenaiva vyavasāyena dhanyā jīvanti jantavaḥ paradattārthasaṃtuṣṭāḥ kaṣṭajīvina eva te //
Blessed are the creatures who live by their own effort; those content with wealth given by others live wretched lives indeed.
AI translation rendered from the Sanskrit, not a published edition
BrP 170.11
स पुत्रः शस्यते लोके पितृभिश् चाभिनन्द्यते यः पैत्र्यम् अभिलिप्सेत न वाचापि तु कुण्डल ॥
sa putraḥ śasyate loke pitṛbhiś cābhinandyate yaḥ paitryam abhilipseta na vācāpi tu kuṇḍala //
That son is praised in the world and is welcomed by (his) fathers who would not desire the paternal (property), not even in speech, O Kuṇḍala.
AI translation rendered from the Sanskrit, not a published edition
BrP 170.12
स्वबाहुबलम् आश्रित्य यो ऽर्थान् अर्जयते सुतः स कृतार्थो भवेल् लोके पैत्र्यं वित्तं न तु स्पृशेत् ॥
svabāhubalam āśritya yo 'rthān arjayate sutaḥ sa kṛtārtho bhavel loke paitryaṃ vittaṃ na tu spṛśet //
The son who, relying on the strength of his own arms, earns wealth — he would be one who has achieved his aim in the world, and he should not touch the paternal fortune.
AI translation rendered from the Sanskrit, not a published edition
BrP 170.13
स्वयम् आर्ज्य सुतो वित्तं पित्रे दास्यति बन्धवे तं तु पुत्रं विजानीयाद् इतरो योनिकीटकः ॥
svayam ārjya suto vittaṃ pitre dāsyati bandhave taṃ tu putraṃ vijānīyād itaro yonikīṭakaḥ //
The son who, having earned wealth himself, will give it to his father (or) to a kinsman — him one should know as a (true) son; the other is (merely) a worm of the womb.
AI translation rendered from the Sanskrit, not a published edition
BrP 170.14
एतच् छ्रुत्वा तु तद् वाक्यं ब्राह्मणस्याभिलाषिणः तथेति मत्वा तद्वाक्यं रत्नान्य् आदाय सत्वरः ॥
etac chrutvā tu tad vākyaṃ brāhmaṇasyābhilāṣiṇaḥ tatheti matvā tadvākyaṃ ratnāny ādāya satvaraḥ //
But having heard that speech of the brahmin who desired (it), and having accepted his words as 'so be it', (he) quickly took the jewels,
AI translation rendered from the Sanskrit, not a published edition
BrP 170.15
आत्मकीयानि वित्तानि गौतमाय न्यवेदयत् धनेनैतेन देशांश् च परिभ्रम्य यथासुखम् ॥
ātmakīyāni vittāni gautamāya nyavedayat dhanenaitena deśāṃś ca paribhramya yathāsukham //
and handed over his own wealth to Gautama: "With this wealth, having wandered through the lands as we please,
AI translation rendered from the Sanskrit, not a published edition
BrP 170.16
धनान्य् आदाय वित्तानि पुनर् एष्यामहे गृहम् सत्यम् एव वणिग् वक्ति स तु विप्रः प्रतारकः ॥
dhanāny ādāya vittāni punar eṣyāmahe gṛham satyam eva vaṇig vakti sa tu vipraḥ pratārakaḥ //
having gathered riches and goods, we shall come home again." The merchant speaks only truth, but that brahmin was a deceiver.
AI translation rendered from the Sanskrit, not a published edition
BrP 170.17
पापात्मा पापचित्तं च न बुबोध वणिग् द्विजम् तौ परस्परम् आमन्त्र्य मातापित्रोर् अजानतोः ॥
pāpātmā pāpacittaṃ ca na bubodha vaṇig dvijam tau parasparam āmantrya mātāpitror ajānatoḥ //
The merchant did not recognize the brahmin as an evil soul and of evil mind; the two, having taken counsel with each other, without the knowledge of (his) mother and father,
AI translation rendered from the Sanskrit, not a published edition
BrP 170.18
देशाद् देशान्तरं यातौ धनार्थं तौ वणिग्द्विजौ वणिग्घस्तस्थितं वित्तं ब्राह्मणो हर्तुम् इच्छति ॥
deśād deśāntaraṃ yātau dhanārthaṃ tau vaṇigdvijau vaṇigghastasthitaṃ vittaṃ brāhmaṇo hartum icchati //
the two, the merchant and the brahmin, went from one land to another for the sake of wealth; the brahmin wanted to steal the money that was in the merchant's hand.
AI translation rendered from the Sanskrit, not a published edition
BrP 170.19
येन केनाप्य् उपायेन तद् धनं हि समाहरे अहो पृथिव्यां रम्याणि नगराणि सहस्रशः ॥
yena kenāpy upāyena tad dhanaṃ hi samāhare aho pṛthivyāṃ ramyāṇi nagarāṇi sahasraśaḥ //
"By whatever means, let me seize that wealth! Ah, on the earth there are delightful cities by the thousands,
AI translation rendered from the Sanskrit, not a published edition
BrP 170.20
इष्टप्रदात्र्यः कामस्य देवता इव योषितः मनोहरास् तत्र तत्र सन्ति किं क्रियते मया ॥
iṣṭapradātryaḥ kāmasya devatā iva yoṣitaḥ manoharās tatra tatra santi kiṃ kriyate mayā //
and here and there there are charming women, like goddesses granting the desires of love. What am I to do?
AI translation rendered from the Sanskrit, not a published edition
BrP 170.21
धनम् आहृत्य यत्नेन योषिद्भ्यो यदि दीयते भुज्यन्ते तास् ततो नित्यं सफलं जीवितं हि तत् ॥
dhanam āhṛtya yatnena yoṣidbhyo yadi dīyate bhujyante tās tato nityaṃ saphalaṃ jīvitaṃ hi tat //
If wealth acquired with effort is given to women, and they are then constantly enjoyed — that life is indeed fruitful.
AI translation rendered from the Sanskrit, not a published edition
BrP 170.22
नृत्यगीतरतो नित्यं पण्यस्त्रीभिर् अलंकृतः भोक्ष्ये कथं तु तद् वित्तं वैश्यान् मद्धस्तम् आगतम् ॥
nṛtyagītarato nityaṃ paṇyastrībhir alaṃkṛtaḥ bhokṣye kathaṃ tu tad vittaṃ vaiśyān maddhastam āgatam //
Always devoted to dance and song, adorned by courtesans, I shall enjoy (myself) — but how is that wealth to come from the Vaiśya into my hand?"
AI translation rendered from the Sanskrit, not a published edition
BrP 170.23
एवं चिन्तयमानो ऽसौ गौतमः प्रहसन्न् इव मणिकुण्डलम् आहेदम् अधर्माद् एव जन्तवः ॥
evaṃ cintayamāno 'sau gautamaḥ prahasann iva maṇikuṇḍalam āhedam adharmād eva jantavaḥ //
Thinking thus, that Gautama, as if laughing, said this to Maṇikuṇḍala: "It is precisely from unrighteousness that creatures
AI translation rendered from the Sanskrit, not a published edition
BrP 170.24
वृद्धिं सुखम् अभीष्टानि प्राप्नुवन्ति न संशयः धर्मिष्ठाः प्राणिनो लोके दृश्यन्ते दुःखभागिनः ॥
vṛddhiṃ sukham abhīṣṭāni prāpnuvanti na saṃśayaḥ dharmiṣṭhāḥ prāṇino loke dṛśyante duḥkhabhāginaḥ //
obtain growth, happiness, and the things they desire — there is no doubt; (whereas) in the world the most righteous living beings are seen to have a share of suffering.
AI translation rendered from the Sanskrit, not a published edition
BrP 170.25
तस्माद् धर्मेण किं तेन दुःखैकफलहेतुना ॥
tasmād dharmeṇa kiṃ tena duḥkhaikaphalahetunā //
Therefore what use is that righteousness, whose one and only fruit is suffering?"
AI translation rendered from the Sanskrit, not a published edition
BrP 170.26
नेत्य् उवाच ततो वैश्यः सुखं धर्मे प्रतिष्ठितम् पापे दुःखं भयं शोको दारिद्र्यं क्लेश एव च यतो धर्मस् ततो मुक्तिः स्वधर्मः किं विनश्यति ॥
nety uvāca tato vaiśyaḥ sukhaṃ dharme pratiṣṭhitam pāpe duḥkhaṃ bhayaṃ śoko dāridryaṃ kleśa eva ca yato dharmas tato muktiḥ svadharmaḥ kiṃ vinaśyati //
"No," said the Vaiśya then, "happiness is established in righteousness; in sin there is suffering, fear, grief, poverty, and affliction indeed. Where there is righteousness, there is liberation. How can one's own duty perish?"
AI translation rendered from the Sanskrit, not a published edition
BrP 170.27
एवं विवदतोस् तत्र संपरायस् तयोर् अभूत् यस्य पक्षो भवेज् ज्यायान् स परार्थम् अवाप्नुयात् ॥
evaṃ vivadatos tatra saṃparāyas tayor abhūt yasya pakṣo bhavej jyāyān sa parārtham avāpnuyāt //
As the two disputed thus, a wager arose between them: whichever one's side should prove the stronger, he would take the other's wealth.
AI translation rendered from the Sanskrit, not a published edition
BrP 170.28
पृच्छावः कस्य प्राबल्यं धर्मिणो वाप्य् अधर्मिणः वेदात् तु लौकिकं ज्येष्ठं लोके धर्मात् सुखं भवेत् ॥
pṛcchāvaḥ kasya prābalyaṃ dharmiṇo vāpy adharmiṇaḥ vedāt tu laukikaṃ jyeṣṭhaṃ loke dharmāt sukhaṃ bhavet //
"Let us ask whose is the greater power, the righteous man's or the unrighteous man's. But (in this) worldly matter (the answer) is better than from the Veda: in the world, happiness would come from righteousness."
AI translation rendered from the Sanskrit, not a published edition — the model flagged this verse as uncertain
BrP 170.29
एवं विवदमानौ ताव् ऊचतुः सकलाञ् जनान् धर्मस्य वाप्य् अधर्मस्य प्राबल्यम् अनयोर् भुवि ॥
evaṃ vivadamānau tāv ūcatuḥ sakalāñ janān dharmasya vāpy adharmasya prābalyam anayor bhuvi //
Disputing thus, the two spoke to all the people: "(Tell us) which of these two on earth has the greater power, righteousness or unrighteousness;
AI translation rendered from the Sanskrit, not a published edition
BrP 170.30
तद् वदन्तु यथावृत्तम् एवम् ऊचतुर् ओजसा एवं तत्रोचिरे केचिद् ये धर्मेणानुवर्तिनः ॥
tad vadantu yathāvṛttam evam ūcatur ojasā evaṃ tatrocire kecid ye dharmeṇānuvartinaḥ //
"Then let them tell what actually happened" — so they said with force; and thereupon some there spoke thus, those who are followers of dharma.
AI translation rendered from the Sanskrit, not a published edition — the model flagged this verse as uncertain
BrP 170.31
तैर् दुःखम् अनुभूयते पापिष्ठाः सुखिनो जनाः संपराये धनं सर्वं जितं विप्रे न्यवेदयत् ॥
tair duḥkham anubhūyate pāpiṣṭhāḥ sukhino janāḥ saṃparāye dhanaṃ sarvaṃ jitaṃ vipre nyavedayat //
"By them (the righteous) suffering is undergone, while the most wicked people are happy." (Losing) the contest, he handed over all the wealth to the brahmin as won (by him).
AI translation rendered from the Sanskrit, not a published edition — the model flagged this verse as uncertain
BrP 170.32
मणिमान् धर्मविच्छ्रेष्ठः पुनर् धर्मं प्रशंसति मणिमन्तं द्विजः प्राह किं धर्मम् अनुशंससि तथेति चेत्य् आह वैश्यो ब्राह्मणः पुनर् अब्रवीत् ॥
maṇimān dharmavicchreṣṭhaḥ punar dharmaṃ praśaṃsati maṇimantaṃ dvijaḥ prāha kiṃ dharmam anuśaṃsasi tatheti cety āha vaiśyo brāhmaṇaḥ punar abravīt //
Maṇimān, foremost among knowers of dharma, again praises dharma. The twice-born said to Maṇimān, "Why do you commend dharma?" The vaiśya said, "Even so (I do)," and the brahmin spoke again.
AI translation rendered from the Sanskrit, not a published edition — the model flagged this verse as uncertain
BrP 170.33
जितं मया धनं वैश्य निर्लज्जः किं नु भाषसे मयैव विजितो धर्मो यथेष्टचरणात्मना ॥
jitaṃ mayā dhanaṃ vaiśya nirlajjaḥ kiṃ nu bhāṣase mayaiva vijito dharmo yatheṣṭacaraṇātmanā //
"The wealth has been won by me, vaiśya — shameless one, what are you saying? By me, whose way is to act as I please, dharma itself has been defeated."
AI translation rendered from the Sanskrit, not a published edition
BrP 170.34
तद् ब्राह्मणवचः श्रुत्वा वैश्यः सस्मित ऊचिवान् ॥
tad brāhmaṇavacaḥ śrutvā vaiśyaḥ sasmita ūcivān //
Having heard that speech of the brahmin, the vaiśya said with a smile:
AI translation rendered from the Sanskrit, not a published edition
BrP 170.35
पुलाका इव धान्येषु पुत्तिका इव पक्षिषु तथैव तान् सखे मन्ये येषां धर्मो न विद्यते ॥
pulākā iva dhānyeṣu puttikā iva pakṣiṣu tathaiva tān sakhe manye yeṣāṃ dharmo na vidyate //
"Like blighted grains among grains of corn, like small (flightless) creatures among birds — just so, friend, do I regard those in whom dharma is not found."
AI translation rendered from the Sanskrit, not a published edition — the model flagged this verse as uncertain
BrP 170.36
चतुर्णां पुरुषार्थानां धर्मः प्रथम उच्यते पश्चाद् अर्थश् च कामश् च स धर्मो मयि तिष्ठति कथं ब्रूषे द्विजश्रेष्ठ मया विजितम् इत्य् अदः ॥
caturṇāṃ puruṣārthānāṃ dharmaḥ prathama ucyate paścād arthaś ca kāmaś ca sa dharmo mayi tiṣṭhati kathaṃ brūṣe dvijaśreṣṭha mayā vijitam ity adaḥ //
"Of the four aims of man, dharma is called the first, and afterwards wealth and pleasure; that dharma stands in me. How then, best of the twice-born, do you say, 'This has been won by me'?"
AI translation rendered from the Sanskrit, not a published edition
BrP 170.37
द्विजो वैश्यं पुनः प्राह हस्ताभ्यां जायतां पणः तथेति मन्यते वैश्यस् तौ गत्वा पुनर् ऊचतुः ॥
dvijo vaiśyaṃ punaḥ prāha hastābhyāṃ jāyatāṃ paṇaḥ tatheti manyate vaiśyas tau gatvā punar ūcatuḥ //
The twice-born said again to the vaiśya, "Let the wager be for the two hands." The vaiśya agrees, "So be it," and the two, having gone, spoke again.
AI translation rendered from the Sanskrit, not a published edition
BrP 170.38
पूर्ववल् लौकिकान् गत्वा जितम् इत्य् अब्रवीद् द्विजः करौ छित्त्वा ततः प्राह कथं धर्मं तु मन्यसे आक्षिप्तो ब्राह्मणेनैवं वैश्यो वचनम् अब्रवीत् ॥
pūrvaval laukikān gatvā jitam ity abravīd dvijaḥ karau chittvā tataḥ prāha kathaṃ dharmaṃ tu manyase ākṣipto brāhmaṇenaivaṃ vaiśyo vacanam abravīt //
As before, having gone to the people of the world, the brahmin said, "It is won." Then, having cut off (the vaiśya's) two hands, he said, "How is it that you still hold dharma (supreme)?" Thus taunted by the brahmin, the vaiśya spoke these words:
AI translation rendered from the Sanskrit, not a published edition
BrP 170.39
धर्मम् एव परं मन्ये प्राणैः कण्ठगतैर् अपि माता पिता सुहृद् बन्धुर् धर्म एव शरीरिणाम् ॥
dharmam eva paraṃ manye prāṇaiḥ kaṇṭhagatair api mātā pitā suhṛd bandhur dharma eva śarīriṇām //
"Dharma alone I hold supreme, even when my breath has come to my throat. Mother, father, friend, kinsman — for embodied beings dharma alone is (all these)."
AI translation rendered from the Sanskrit, not a published edition
BrP 170.40
एवं विवदमानौ ताव् अर्थवान् ब्राह्मणो ऽभवत् विमुक्तो वैश्यकस् तत्र बाहुभ्यां च धनेन च ॥
evaṃ vivadamānau tāv arthavān brāhmaṇo 'bhavat vimukto vaiśyakas tatra bāhubhyāṃ ca dhanena ca //
Thus, as the two disputed, the brahmin became wealthy, while the vaiśya there was stripped both of his arms and of his wealth.
AI translation rendered from the Sanskrit, not a published edition
BrP 170.41
एवं भ्रमन्तौ संप्राप्तौ गङ्गां योगेश्वरं हरिम् यदृच्छया मुनिश्रेष्ठ मिथस् ताव् ऊचतुः पुनः ॥
evaṃ bhramantau saṃprāptau gaṅgāṃ yogeśvaraṃ harim yadṛcchayā muniśreṣṭha mithas tāv ūcatuḥ punaḥ //
Wandering thus, the two came, by chance, O best of sages, to the Gaṅgā, to Hari the lord of yoga; and there they spoke to each other again.
AI translation rendered from the Sanskrit, not a published edition
BrP 170.42
वैश्यो गङ्गां तु योगेशं धर्मम् एव प्रशंसति अतिकोपाद् द्विजो वैश्यम् आक्षिपन् पुनर् अब्रवीत् ॥
vaiśyo gaṅgāṃ tu yogeśaṃ dharmam eva praśaṃsati atikopād dvijo vaiśyam ākṣipan punar abravīt //
The vaiśya praises the Gaṅgā, the lord of yoga, and dharma itself; and out of great anger the twice-born, reviling the vaiśya, spoke again:
AI translation rendered from the Sanskrit, not a published edition
BrP 170.43
गतं धनं करौ छिन्नाव् अवशिष्टो शुभिर् भवान् त्वम् अन्यथा यदि ब्रूष आहरिष्ये ऽसिना शिरः ॥
gataṃ dhanaṃ karau chinnāv avaśiṣṭo śubhir bhavān tvam anyathā yadi brūṣa āhariṣye 'sinā śiraḥ //
"Your wealth is gone, your two hands cut off, and you are left with (only) ...; if you speak otherwise, I shall take off your head with a sword."
AI translation rendered from the Sanskrit, not a published edition — the model flagged this verse as uncertain
BrP 170.44
विहस्य पुनर् आहेदं वैश्यो गौतमम् अञ्जसा ॥
vihasya punar āhedaṃ vaiśyo gautamam añjasā //
Laughing, the vaiśya at once said this again to Gautama:
AI translation rendered from the Sanskrit, not a published edition
BrP 170.45
धर्मम् एव परं मन्ये यथेच्छसि तथा कुरु ब्राह्मणांश् च गुरून् देवान् वेदान् धर्मं जनार्दनम् ॥
dharmam eva paraṃ manye yathecchasi tathā kuru brāhmaṇāṃś ca gurūn devān vedān dharmaṃ janārdanam //
"Dharma alone I hold supreme; do as you wish. (Whoever reviles) brahmins, teachers, gods, the Vedas, dharma, and Janārdana —
AI translation rendered from the Sanskrit, not a published edition — the model flagged this verse as uncertain
BrP 170.46
यस् तु निन्दयते पापो नासौ स्पृश्यो ऽथ पापकृत् उपेक्षणीयो दुर्वृत्तः पापात्मा धर्मदूषकः ॥
yas tu nindayate pāpo nāsau spṛśyo 'tha pāpakṛt upekṣaṇīyo durvṛttaḥ pāpātmā dharmadūṣakaḥ //
— that sinner who reviles (them) is not to be touched; he is a doer of evil, to be shunned, of bad conduct, wicked in soul, a defiler of dharma."
AI translation rendered from the Sanskrit, not a published edition
BrP 170.47
ततः प्राह स कोपेन धर्मं यद्य् अनुशंससि आवयोः प्राणयोर् अत्र पणः स्याद् इति वै मुने ॥
tataḥ prāha sa kopena dharmaṃ yady anuśaṃsasi āvayoḥ prāṇayor atra paṇaḥ syād iti vai mune //
Then he said in anger, "If you (still) commend dharma, then let the wager here be our two lives, O sage."
AI translation rendered from the Sanskrit, not a published edition
BrP 170.48
एवम् उक्ते गौतमेन तथेत्य् आह वणिक् तदा पुनर् अप्य् ऊचतुर् उभौ लोकांल् लोकास् तथोचिरे ॥
evam ukte gautamena tathety āha vaṇik tadā punar apy ūcatur ubhau lokāṃl lokās tathocire //
When Gautama had spoken thus, the merchant then said, "So be it." Once more the two spoke (to the people of) the worlds, and the people replied likewise.
AI translation rendered from the Sanskrit, not a published edition — the model flagged this verse as uncertain
BrP 170.49
योगेश्वरस्य पुरतो गौतम्या दक्षिणे तटे तं निपात्य विशं विप्रश् चक्षुर् उत्पाट्य चाब्रवीत् ॥
yogeśvarasya purato gautamyā dakṣiṇe taṭe taṃ nipātya viśaṃ vipraś cakṣur utpāṭya cābravīt //
Before the lord of yoga, on the southern bank of the Gautamī, the brahmin threw down that vaiśya, and tearing out his eye, said:
AI translation rendered from the Sanskrit, not a published edition
BrP 170.50
गतो ऽसीमां दशां वैश्य नित्यं धर्मप्रशंसया गतं धनं गतं चक्षुश् छेदितौ करपल्लवौ पृष्टो ऽसि मित्र गच्छामि मैवं ब्रूयाः कथान्तरे ॥
gato 'sīmāṃ daśāṃ vaiśya nityaṃ dharmapraśaṃsayā gataṃ dhanaṃ gataṃ cakṣuś cheditau karapallavau pṛṣṭo 'si mitra gacchāmi maivaṃ brūyāḥ kathāntare //
"You have come to this condition, Vaiśya, by your constant praise of dharma: your wealth is gone, your eyes are gone, your tender hands are cut off. You have got your answer, friend. I am going. Do not speak thus in any other conversation."
AI translation rendered from the Sanskrit, not a published edition
BrP 170.51
तस्मिन् प्रयाते वैश्यो ऽसौ चिन्तयाम् आस चेतसि हा कष्टं मे किम् अभवद् धर्मैकमनसो हरे ॥
tasmin prayāte vaiśyo 'sau cintayām āsa cetasi hā kaṣṭaṃ me kim abhavad dharmaikamanaso hare //
When he had departed, that Vaiśya thought in his mind: "Alas, what a calamity has befallen me, whose mind was fixed on dharma alone, O Hari!"
AI translation rendered from the Sanskrit, not a published edition
BrP 170.52
स कुण्डलो वणिक्श्रेष्ठो निर्धनो गतबाहुकः गतनेत्रः शुचं प्राप्तो धर्मम् एवानुसंस्मरन् ॥
sa kuṇḍalo vaṇikśreṣṭho nirdhano gatabāhukaḥ gatanetraḥ śucaṃ prāpto dharmam evānusaṃsmaran //
That Kuṇḍala, best of merchants, penniless, his arms gone, his eyes gone, fell into grief, still recalling dharma alone.
AI translation rendered from the Sanskrit, not a published edition
BrP 170.53
एवं बहुविधां चिन्तां कुर्वन्न् आस्ते महीतले निश्चेष्टो ऽथ निरुत्साहः पतितः शोकसागरे ॥
evaṃ bahuvidhāṃ cintāṃ kurvann āste mahītale niśceṣṭo 'tha nirutsāhaḥ patitaḥ śokasāgare //
Thus, making manifold reflection, he remained on the ground, motionless and without spirit, fallen into an ocean of sorrow.
AI translation rendered from the Sanskrit, not a published edition
BrP 170.54
दिनावसाने शर्वर्याम् उदिते चन्द्रमण्डले एकादश्यां शुक्लपक्षे तत्रायाति विभीषणः ॥
dināvasāne śarvaryām udite candramaṇḍale ekādaśyāṃ śuklapakṣe tatrāyāti vibhīṣaṇaḥ //
At the close of day, when in the night the disc of the moon had risen, on the eleventh (day) of the bright fortnight, Vibhīṣaṇa came there.
AI translation rendered from the Sanskrit, not a published edition
BrP 170.55
स तु योगेश्वरं देवं पूजयित्वा यथाविधि स्नात्वा तु गौतमीं गङ्गां सपुत्रो राक्षसैर् वृतः ॥
sa tu yogeśvaraṃ devaṃ pūjayitvā yathāvidhi snātvā tu gautamīṃ gaṅgāṃ saputro rākṣasair vṛtaḥ //
And he, having worshipped the god Yogeśvara according to rule, and having bathed in the Gautamī Gaṅgā, together with his son and surrounded by rākṣasas—
AI translation rendered from the Sanskrit, not a published edition
BrP 170.56
विभीषणस्य हि सुतो विभीषण इवापरः वैभीषणिर् इति ख्यातस् तम् अपश्यद् उवाच ह ॥
vibhīṣaṇasya hi suto vibhīṣaṇa ivāparaḥ vaibhīṣaṇir iti khyātas tam apaśyad uvāca ha //
Now Vibhīṣaṇa's son, another Vibhīṣaṇa as it were, known as Vaibhīṣaṇi—he saw him (the Vaiśya) and spoke.
AI translation rendered from the Sanskrit, not a published edition
BrP 170.57
वैश्यस्य वचनं श्रुत्वा यथावृत्तं स धर्मवित् पित्रे निवेदयाम् आस लङ्केशाय महात्मने स तु लङ्केश्वरः प्राह पुत्रं प्रीत्या गुणाकरम् ॥
vaiśyasya vacanaṃ śrutvā yathāvṛttaṃ sa dharmavit pitre nivedayām āsa laṅkeśāya mahātmane sa tu laṅkeśvaraḥ prāha putraṃ prītyā guṇākaram //
Having heard the Vaiśya's words, (telling) what had happened, that knower of dharma reported it to his father, the great-souled lord of Laṅkā; and that lord of Laṅkā said affectionately to his son, that mine of virtues:
AI translation rendered from the Sanskrit, not a published edition
BrP 170.58
श्रीमान् रामो मम गुरुस् तस्य मान्यः सखा मम हनुमान् इति विख्यातस् तेनानीतो गिरिर् महान् ॥
śrīmān rāmo mama gurus tasya mānyaḥ sakhā mama hanumān iti vikhyātas tenānīto girir mahān //
"The illustrious Rāma is my teacher; honoured by him is my friend, the one renowned as Hanumān. By him a great mountain was brought (here),
AI translation rendered from the Sanskrit, not a published edition
BrP 170.59
पुरा कार्यान्तरे प्राप्ते सर्वौषध्याश्रयो ऽचलः जाते कार्ये तम् आदाय हिमवन्तम् अथागमत् ॥
purā kāryāntare prāpte sarvauṣadhyāśrayo 'calaḥ jāte kārye tam ādāya himavantam athāgamat //
formerly, when a special task arose—that mountain which is the abode of all herbs; and when the task was accomplished, taking it he then went to Himavat.
AI translation rendered from the Sanskrit, not a published edition
BrP 170.60
विशल्यकरणी चेति मृतसंजीवनीति च तदानीय महाबुद्धी रामायाक्लिष्टकर्मणे ॥
viśalyakaraṇī ceti mṛtasaṃjīvanīti ca tadānīya mahābuddhī rāmāyākliṣṭakarmaṇe //
(There were the herbs called) Viśalyakaraṇī (the remover of arrows) and Mṛtasañjīvanī (the reviver of the dead); the greatly wise one brought them for Rāma of untiring deeds,
AI translation rendered from the Sanskrit, not a published edition
BrP 170.61
निवेदयित्वा तत् साध्यं तस्मिन् वृत्ते समागतः पुनर् गिरिं समादाय आगच्छद् देवपर्वतम् ॥
nivedayitvā tat sādhyaṃ tasmin vṛtte samāgataḥ punar giriṃ samādāya āgacchad devaparvatam //
and having presented what was to be accomplished, when that was done he came back, and taking up the mountain again he went to the mountain of the gods.
AI translation rendered from the Sanskrit, not a published edition
BrP 170.62
ताम् आनीयास्य हृदये निवेशय हरिं स्मरन् ततः प्राप्स्यत्य् अयं सर्वम् अपेक्षितम् उदारधीः ॥
tām ānīyāsya hṛdaye niveśaya hariṃ smaran tataḥ prāpsyaty ayaṃ sarvam apekṣitam udāradhīḥ //
Bring that (herb) and set it upon his chest, remembering Hari; then this noble-minded man will obtain all that he desires.
AI translation rendered from the Sanskrit, not a published edition
BrP 170.63
गच्छतस् तस्य वेगेन विशल्यकरणी पुनः अपतद् गौतमीतीरे यत्र योगेश्वरो हरिः ॥
gacchatas tasya vegena viśalyakaraṇī punaḥ apatad gautamītīre yatra yogeśvaro hariḥ //
As he was going, by the force (of his flight) the Viśalyakaraṇī fell again on the bank of the Gautamī, where Hari Yogeśvara is.
AI translation rendered from the Sanskrit, not a published edition
BrP 170.64
ताम् ओषधीं मम पितर् दर्शयाशु विलम्ब मा परार्तिशमनाद् अन्यच् छ्रेयो न भुवनत्रये ॥
tām oṣadhīṃ mama pitar darśayāśu vilamba mā parārtiśamanād anyac chreyo na bhuvanatraye //
"Show me that herb, father, quickly, do not delay; there is no greater good in the three worlds than the relieving of another's pain."
AI translation rendered from the Sanskrit, not a published edition
BrP 170.65
विभीषणस् तथेत्य् उक्त्वा तां पुत्रस्याप्य् अदर्शयत् इषे त्वेत्य् अस्य वृक्षस्य शाखां चिच्छेद तत्सुतः वैश्यस्य चापि वै प्रीत्या सन्तः परहिते रताः ॥
vibhīṣaṇas tathety uktvā tāṃ putrasyāpy adarśayat iṣe tvety asya vṛkṣasya śākhāṃ ciccheda tatsutaḥ vaiśyasya cāpi vai prītyā santaḥ parahite ratāḥ //
Vibhīṣaṇa said "So be it" and showed it to his son as well; with (the words) "iṣe tvā" his son cut off a branch of this tree, and that out of affection for the Vaiśya—the good delight in others' welfare.
AI translation rendered from the Sanskrit, not a published edition — the model flagged this verse as uncertain
BrP 170.66
यत्रापतन् नगे चास्मिन् स वृक्षस् तु प्रतापवान् तस्य शाखां समादाय हृदये ऽस्य निवेशय तत्स्पृष्टमात्र एवासौ स्वकं रूपम् अवाप्नुयात् ॥
yatrāpatan nage cāsmin sa vṛkṣas tu pratāpavān tasya śākhāṃ samādāya hṛdaye 'sya niveśaya tatspṛṣṭamātra evāsau svakaṃ rūpam avāpnuyāt //
"And in this mountain, where it fell, there is that mighty tree; taking a branch of it, set it upon his chest. Merely by being touched by that, he will regain his own form."
AI translation rendered from the Sanskrit, not a published edition
BrP 170.67
एतच् छ्रुत्वा पितुर् वाक्यं वैभीषणिर् उदारधीः तथा चकार वै सम्यक् काष्ठखण्डं न्यवेशयत् ॥
etac chrutvā pitur vākyaṃ vaibhīṣaṇir udāradhīḥ tathā cakāra vai samyak kāṣṭhakhaṇḍaṃ nyaveśayat //
Hearing this speech of his father, the noble-minded Vaibhīṣaṇi did exactly so: he placed a piece of the wood
AI translation rendered from the Sanskrit, not a published edition
BrP 170.68
हृदये स तु वैश्यो ऽपि सचक्षुः सकरो ऽभवत् मणिमन्त्रौषधीनां हि वीर्यं को ऽपि न बुध्यते ॥
hṛdaye sa tu vaiśyo 'pi sacakṣuḥ sakaro 'bhavat maṇimantrauṣadhīnāṃ hi vīryaṃ ko 'pi na budhyate //
upon his chest, and that Vaiśya came to have eyes and hands; for no one comprehends the potency of gems, spells and herbs.
AI translation rendered from the Sanskrit, not a published edition
BrP 170.69
तद् एव काष्ठम् आदाय धर्मम् एवानुसंस्मरन् स्नात्वा तु गौतमीं गङ्गां तथा योगेश्वरं हरिम् ॥
tad eva kāṣṭham ādāya dharmam evānusaṃsmaran snātvā tu gautamīṃ gaṅgāṃ tathā yogeśvaraṃ harim //
Taking that very piece of wood, still recalling dharma alone, having bathed in the Gautamī Gaṅgā and (worshipped) Hari Yogeśvara likewise,
AI translation rendered from the Sanskrit, not a published edition
BrP 170.70
नमस्कृत्वा पुनर् अगात् काष्ठखण्डेन वैश्यकः परिभ्रमन् नृपपुरं महापुरम् इति श्रुतम् ॥
namaskṛtvā punar agāt kāṣṭhakhaṇḍena vaiśyakaḥ paribhraman nṛpapuraṃ mahāpuram iti śrutam //
Having made obeisance, the merchant went on again with the piece of wood, and wandering about (came to) the king's city, which was known as Mahāpura.
AI translation rendered from the Sanskrit, not a published edition
BrP 170.71
महाराज इति ख्यातस् तत्र राजा महाबलः तस्य नास्ति सुतः कश्चित् पुत्रिका नष्टलोचना ॥
mahārāja iti khyātas tatra rājā mahābalaḥ tasya nāsti sutaḥ kaścit putrikā naṣṭalocanā //
There a king of great strength, renowned as Mahārāja, (dwelt); he had no son at all, only a daughter whose eyes were destroyed.
AI translation rendered from the Sanskrit, not a published edition
BrP 170.72
सैव तस्य सुता पुत्रस् तस्यापि व्रतम् ईदृशम् देवो वा दानवो वापि ब्राह्मणः क्षत्रियो भवेत् ॥
saiva tasya sutā putras tasyāpi vratam īdṛśam devo vā dānavo vāpi brāhmaṇaḥ kṣatriyo bhavet //
She alone was his daughter and his son; and this was his vow: whether it be a god, or a demon, a brahmin, a kṣatriya,
AI translation rendered from the Sanskrit, not a published edition
BrP 170.73
वैश्यो वा शूद्रयोनिर् वा सगुणो निर्गुणो ऽपि वा तस्मै देया इयं पुत्री यो नेत्रे आहरिष्यति ॥
vaiśyo vā śūdrayonir vā saguṇo nirguṇo 'pi vā tasmai deyā iyaṃ putrī yo netre āhariṣyati //
a vaiśya, or one of śūdra birth, endowed with qualities or without qualities — to him this daughter is to be given, whoever will bring (her) eyes.
AI translation rendered from the Sanskrit, not a published edition
BrP 170.74
राज्येन सह देयेयम् इति राजा ह्य् अघोषयत् अहर्निशम् असौ वैश्यः श्रुत्वा घोषम् अथाब्रवीत् ॥
rājyena saha deyeyam iti rājā hy aghoṣayat aharniśam asau vaiśyaḥ śrutvā ghoṣam athābravīt //
"She is to be given together with the kingdom" — thus indeed the king had it proclaimed day and night; that merchant, having heard the proclamation, then said:
AI translation rendered from the Sanskrit, not a published edition
BrP 170.75
अहं नेत्रे आहरिष्ये राजपुत्र्या असंशयम् ॥
ahaṃ netre āhariṣye rājaputryā asaṃśayam //
"I shall bring the eyes of the king's daughter, without doubt."
AI translation rendered from the Sanskrit, not a published edition
BrP 170.76
तं वैश्यं तरसादाय महाराज्ञे न्यवेदयत् तत्काष्ठस्पर्शमात्रेण सनेत्राभून् नृपात्मजा ॥
taṃ vaiśyaṃ tarasādāya mahārājñe nyavedayat tatkāṣṭhasparśamātreṇa sanetrābhūn nṛpātmajā //
Taking that merchant quickly, (someone) announced him to the great king; and merely by the touch of that wood the king's daughter came to have eyes.
AI translation rendered from the Sanskrit, not a published edition
BrP 170.77
ततः सविस्मयो राजा को भवान् इति चाब्रवीत् वैश्यो राज्ञे यथावृत्तं न्यवेदयद् अशेषतः ॥
tataḥ savismayo rājā ko bhavān iti cābravīt vaiśyo rājñe yathāvṛttaṃ nyavedayad aśeṣataḥ //
Then the king, filled with wonder, said, "Who are you?" The merchant reported to the king what had happened, entirely.
AI translation rendered from the Sanskrit, not a published edition
BrP 170.78
ब्राह्मणानां प्रसादेन धर्मस्य तपसस् तथा दानप्रभावाद् यज्ञैश् च विविधैर् भूरिदक्षिणैः दिव्यौषधिप्रभावेन मम सामर्थ्यम् ईदृशम् ॥
brāhmaṇānāṃ prasādena dharmasya tapasas tathā dānaprabhāvād yajñaiś ca vividhair bhūridakṣiṇaiḥ divyauṣadhiprabhāvena mama sāmarthyam īdṛśam //
"By the grace of brahmins, and of dharma and of austerity, by the power of giving, and by sacrifices of many kinds with abundant priestly fees, (and) by the power of a divine herb, such is my capacity."
AI translation rendered from the Sanskrit, not a published edition
BrP 170.79
एतद् वैश्यवचः श्रुत्वा विस्मितो ऽभून् महीपतिः ॥
etad vaiśyavacaḥ śrutvā vismito 'bhūn mahīpatiḥ //
Hearing this speech of the merchant, the lord of the earth was astonished.
AI translation rendered from the Sanskrit, not a published edition
BrP 170.80
अहो महानुभावो ऽयं प्रायो वृन्दारको भवेत् अन्यथैतादृग् अन्यस्य सामर्थ्यं दृश्यते कथम् तस्माद् अस्मै तु तां कन्यां प्रदास्ये राज्यपूर्विकाम् ॥
aho mahānubhāvo 'yaṃ prāyo vṛndārako bhavet anyathaitādṛg anyasya sāmarthyaṃ dṛśyate katham tasmād asmai tu tāṃ kanyāṃ pradāsye rājyapūrvikām //
"Ah, this man is of great might; most likely he must be a god. Otherwise how could such a capacity be seen in anyone else? Therefore I shall give him that maiden, with the kingdom first."
AI translation rendered from the Sanskrit, not a published edition
BrP 170.81
इति संकल्प्य मनसि कन्यां राज्यं च दत्तवान् विहारार्थं गतः स्वैरं परं खेदम् उपागतः ॥
iti saṃkalpya manasi kanyāṃ rājyaṃ ca dattavān vihārārthaṃ gataḥ svairaṃ paraṃ khedam upāgataḥ //
Having so resolved in his mind, he gave (him) the maiden and the kingdom; he went off freely for the sake of pleasure (but) came to the greatest distress.
AI translation rendered from the Sanskrit, not a published edition
BrP 170.82
न मित्रेण विना राज्यं न मित्रेण विना सुखम् तम् एव सततं विप्रं चिन्तयन् वैश्यनन्दनः ॥
na mitreṇa vinā rājyaṃ na mitreṇa vinā sukham tam eva satataṃ vipraṃ cintayan vaiśyanandanaḥ //
"There is no kingdom without a friend, no happiness without a friend" — so the merchant's son, constantly thinking of that very brahmin (grieved).
AI translation rendered from the Sanskrit, not a published edition
BrP 170.83
एतद् एव सुजातानां लक्षणं भुवि देहिनाम् कृपार्द्रं यन् मनो नित्यं तेषाम् अप्य् अहितेषु हि ॥
etad eva sujātānāṃ lakṣaṇaṃ bhuvi dehinām kṛpārdraṃ yan mano nityaṃ teṣām apy ahiteṣu hi //
This indeed is the mark of well-born embodied beings on earth: that their mind is always moist with compassion, even toward those who wish them ill.
AI translation rendered from the Sanskrit, not a published edition
BrP 170.84
महानृपो वनं प्रायात् स राजा मणिकुण्डलः तस्मिञ् शासति राज्यं तु कदाचिद् गौतमं द्विजम् ॥
mahānṛpo vanaṃ prāyāt sa rājā maṇikuṇḍalaḥ tasmiñ śāsati rājyaṃ tu kadācid gautamaṃ dvijam //
The great king went to the forest; that (new) king was Maṇikuṇḍala. While he was ruling the kingdom, once (he saw) the brahmin Gautama —
AI translation rendered from the Sanskrit, not a published edition
BrP 170.85
हृतस्वं द्यूतकैः पापैर् अपश्यन् मणिकुण्डलः तम् आदाय द्विजं मित्रं पूजयाम् आस धर्मवित् ॥
hṛtasvaṃ dyūtakaiḥ pāpair apaśyan maṇikuṇḍalaḥ tam ādāya dvijaṃ mitraṃ pūjayām āsa dharmavit //
Maṇikuṇḍala saw him, his property carried off by wicked gamblers; taking that brahmin, his friend, he honoured him, knowing dharma.
AI translation rendered from the Sanskrit, not a published edition
BrP 170.86
धर्माणां तु प्रभावं तं तस्मै सर्वं न्यवेदयत् स्नापयाम् आस गङ्गायां तं सर्वाघनिवृत्तये ॥
dharmāṇāṃ tu prabhāvaṃ taṃ tasmai sarvaṃ nyavedayat snāpayām āsa gaṅgāyāṃ taṃ sarvāghanivṛttaye //
And he reported to him all that power of the (acts of) dharma; he had him bathe in the Gaṅgā for the removal of all sin.
AI translation rendered from the Sanskrit, not a published edition
BrP 170.87
तेन विप्रेण सर्वैस् तैः स्वकीयैर् गोत्रजैर् वृतः वैश्यैः स्वदेशसंभूतैर् ब्राह्मणस्य तु बान्धवैः ॥
tena vipreṇa sarvais taiḥ svakīyair gotrajair vṛtaḥ vaiśyaiḥ svadeśasaṃbhūtair brāhmaṇasya tu bāndhavaiḥ //
Surrounded by that brahmin, by all his own kinsmen of his gotra, by the vaiśyas born in his own land, and by the brahmin's relatives,
AI translation rendered from the Sanskrit, not a published edition
BrP 170.88
वृद्धकौशिकमुख्यैश् च तस्मिन् योगेश्वरान्तिके यज्ञान् इष्ट्वा सुरान् पूज्य ततः स्वर्गम् उपेयिवान् ॥
vṛddhakauśikamukhyaiś ca tasmin yogeśvarāntike yajñān iṣṭvā surān pūjya tataḥ svargam upeyivān //
and by Vṛddhakauśika and the chief ones, there in the vicinity of Yogeśvara he offered sacrifices, worshipped the gods, and thereafter went to heaven.
AI translation rendered from the Sanskrit, not a published edition
BrP 170.89
ततः प्रभृति तत् तीर्थं मृतसंजीवनं विदुः चक्षुस्तीर्थं सयोगेशं स्मरणाद् अपि पुण्यदम् मनःप्रसादजननं सर्वदुर्भावनाशनम् ॥
tataḥ prabhṛti tat tīrthaṃ mṛtasaṃjīvanaṃ viduḥ cakṣustīrthaṃ sayogeśaṃ smaraṇād api puṇyadam manaḥprasādajananaṃ sarvadurbhāvanāśanam //
From then on they know that sacred ford as "Reviver of the Dead"; the Eye-ford together with Yogeśa, granting merit even by being remembered, producing serenity of mind, destroying all ill thoughts.
AI translation rendered from the Sanskrit, not a published edition