Brahma Purana — Chapter 169
BrP 169.1
भिल्लतीर्थम् इति ख्यातं रोगघ्नं पापनाशनम् महादेवपदाम्भोजयुगभक्तिप्रदायकम् ॥
bhillatīrtham iti khyātaṃ rogaghnaṃ pāpanāśanam mahādevapadāmbhojayugabhaktipradāyakam //
There is (a ford) known as Bhillatīrtha, destroyer of disease and remover of sin, which bestows devotion to the pair of lotus-feet of Mahādeva.
AI translation rendered from the Sanskrit, not a published edition
BrP 169.2
तत्राप्य् एवंविधां पुण्यां कथां शृणु महामते गङ्गाया दक्षिणे तीरे श्रीगिरेर् उत्तरे तटे ॥
tatrāpy evaṃvidhāṃ puṇyāṃ kathāṃ śṛṇu mahāmate gaṅgāyā dakṣiṇe tīre śrīgirer uttare taṭe //
About that place too hear a holy tale of this same kind, O greatly wise one: on the southern bank of the Gaṅgā, on the northern slope of Śrīgiri —
AI translation rendered from the Sanskrit, not a published edition
BrP 169.3
आदिकेश इति ख्यात ऋषिभिः परिपूजितः महादेवो लिङ्गरूपी सदास्ते सर्वकामदः ॥
ādikeśa iti khyāta ṛṣibhiḥ paripūjitaḥ mahādevo liṅgarūpī sadāste sarvakāmadaḥ //
there, known as Ādikeśa, worshipped by the sages, Mahādeva abides always in the form of a liṅga, granting all desires.
AI translation rendered from the Sanskrit, not a published edition
BrP 169.4
सिन्धुद्वीप इति ख्यातो मुनिः परमधार्मिकः तस्य भ्राता वेद इति स चापि परमो ऋषिः ॥
sindhudvīpa iti khyāto muniḥ paramadhārmikaḥ tasya bhrātā veda iti sa cāpi paramo ṛṣiḥ //
There was a sage known as Sindhudvīpa, supremely righteous; his brother was called Veda, and he too was a supreme seer.
AI translation rendered from the Sanskrit, not a published edition
BrP 169.5
तम् आदिकेशं वै देवं त्रिपुरारिं त्रिलोचनम् नित्यं पूजयते भक्त्या प्राप्ते मध्यंदिने रवौ ॥
tam ādikeśaṃ vai devaṃ tripurāriṃ trilocanam nityaṃ pūjayate bhaktyā prāpte madhyaṃdine ravau //
That god Ādikeśa, the enemy of Tripura, the three-eyed one, he (Veda) worships daily with devotion when the sun has reached midday.
AI translation rendered from the Sanskrit, not a published edition
BrP 169.6
भिक्षाटनाय वेदो ऽपि याति ग्रामं विचक्षणः याते तस्मिन् द्विजवरे व्याधः परमधार्मिकः ॥
bhikṣāṭanāya vedo 'pi yāti grāmaṃ vicakṣaṇaḥ yāte tasmin dvijavare vyādhaḥ paramadhārmikaḥ //
And Veda, the discerning one, goes to the village to wander for alms; when that best of brahmins had gone, a hunter, supremely righteous (in his own way),
AI translation rendered from the Sanskrit, not a published edition
BrP 169.7
तस्मिन् गिरिवरे पुण्ये मृगयां याति नित्यशः अटित्वा विविधान् देशान् मृगान् हत्वा यथासुखम् ॥
tasmin girivare puṇye mṛgayāṃ yāti nityaśaḥ aṭitvā vividhān deśān mṛgān hatvā yathāsukham //
goes hunting every day on that holy, excellent mountain; having roamed through various regions and killed deer at his pleasure,
AI translation rendered from the Sanskrit, not a published edition
BrP 169.8
मुखे गृहीत्वा पानीयम् अभिषेकाय शूलिनः न्यस्य मांसं धनुष्कोट्यां श्रान्तो व्याधः शिवं प्रभुम् ॥
mukhe gṛhītvā pānīyam abhiṣekāya śūlinaḥ nyasya māṃsaṃ dhanuṣkoṭyāṃ śrānto vyādhaḥ śivaṃ prabhum //
taking water in his mouth for the bathing of the trident-bearer, and setting the meat on the tip of his bow, the weary hunter (approached) Śiva the lord —
AI translation rendered from the Sanskrit, not a published edition
BrP 169.9
आदिकेशं समागत्य न्यस्य मांसं ततो बहिः गङ्गां गत्वा मुखे वारि गृहीत्वागत्य तं शिवम् ॥
ādikeśaṃ samāgatya nyasya māṃsaṃ tato bahiḥ gaṅgāṃ gatvā mukhe vāri gṛhītvāgatya taṃ śivam //
coming to Ādikeśa, setting the meat down outside, then going to the Gaṅgā, taking water in his mouth and coming back to that Śiva,
AI translation rendered from the Sanskrit, not a published edition
BrP 169.10
यस्य कस्यापि पत्त्राणि करेणादाय भक्तितः अपरेण च मांसानि नैवेद्यार्थं च तन्मनाः ॥
yasya kasyāpi pattrāṇi kareṇādāya bhaktitaḥ apareṇa ca māṃsāni naivedyārthaṃ ca tanmanāḥ //
taking in one hand, out of devotion, leaves of whatever (tree there was), and in the other the pieces of meat for an offering, with his mind fixed on him,
AI translation rendered from the Sanskrit, not a published edition
BrP 169.11
आदिकेशं समागत्य वेदेनार्चितम् ओजसा पादेनाहत्य तां पूजां मुखानीतेन वारिणा ॥
ādikeśaṃ samāgatya vedenārcitam ojasā pādenāhatya tāṃ pūjāṃ mukhānītena vāriṇā //
coming to Ādikeśa, he strikes with his foot that worship which had been performed by Veda with vigour, and with the water brought in his mouth
AI translation rendered from the Sanskrit, not a published edition
BrP 169.12
स्नापयित्वा शिवं देवम् अर्चयित्वा तु पत्त्रकैः कल्पयित्वा तु तन् मांसं शिवो मे प्रीयताम् इति ॥
snāpayitvā śivaṃ devam arcayitvā tu pattrakaiḥ kalpayitvā tu tan māṃsaṃ śivo me prīyatām iti //
having bathed the god Śiva and worshipped him with leaves, and having presented that meat, (saying) "May Śiva be pleased with me" —
AI translation rendered from the Sanskrit, not a published edition
BrP 169.13
नैव किंचित् स जानाति शिवभक्तिं विना शुभाम् ततो याति स्वकं स्थानं मांसेन तु यथागतम् ॥
naiva kiṃcit sa jānāti śivabhaktiṃ vinā śubhām tato yāti svakaṃ sthānaṃ māṃsena tu yathāgatam //
he knows nothing at all except that auspicious devotion to Śiva; then he goes to his own place with the meat, just as he came.
AI translation rendered from the Sanskrit, not a published edition
BrP 169.14
करोत्य् एतादृग् आगत्यागत्य प्रत्यहम् एव सः तथापीशस् तुतोषास्य विचित्रा हीश्वरस्थितिः ॥
karoty etādṛg āgatyāgatya pratyaham eva saḥ tathāpīśas tutoṣāsya vicitrā hīśvarasthitiḥ //
Such is what he does, coming again and again, every single day; and yet the Lord was pleased with him — for the Lord's ways are strange indeed.
AI translation rendered from the Sanskrit, not a published edition
BrP 169.15
यावन् नायात्य् असौ भिल्लः शिवस् तावन् न सौख्यभाक् भक्तानुकम्पितां शंभोर् मानातीतां तु वेत्ति कः ॥
yāvan nāyāty asau bhillaḥ śivas tāvan na saukhyabhāk bhaktānukampitāṃ śaṃbhor mānātītāṃ tu vetti kaḥ //
So long as that Bhilla does not come, so long Śiva does not partake of happiness. Who can know Śaṃbhu's compassion for his devotees, which passes all measure?
AI translation rendered from the Sanskrit, not a published edition
BrP 169.16
संपूजयत्य् आदिकेशम् उमया प्रत्यहं शिवम् एवं बहुतिथे काले याते वेदश् चुकोप ह ॥
saṃpūjayaty ādikeśam umayā pratyahaṃ śivam evaṃ bahutithe kāle yāte vedaś cukopa ha //
He worships Ādikeśa, Śiva together with Umā, every day. When much time had passed in this way, Veda grew angry.
AI translation rendered from the Sanskrit, not a published edition
BrP 169.17
पूजां मन्त्रवतीं चित्रां शिवभक्तिसमन्विताम् को नु विध्वंसते पापो मत्तः स वधम् आप्नुयात् ॥
pūjāṃ mantravatīṃ citrāṃ śivabhaktisamanvitām ko nu vidhvaṃsate pāpo mattaḥ sa vadham āpnuyāt //
"Who is the wicked man who destroys the worship, performed with mantras and elaborate, done with devotion to Śiva? Let him meet death at my hands!
AI translation rendered from the Sanskrit, not a published edition
BrP 169.18
गुरुदेवद्विजस्वामिद्रोही वध्यो मुनेर् अपि सर्वस्यापि वधार्हो ऽसौ शिवस्य द्रोहकृन् नरः ॥
gurudevadvijasvāmidrohī vadhyo muner api sarvasyāpi vadhārho 'sau śivasya drohakṛn naraḥ //
One who wrongs his teacher, a god, a brahmin, or his master deserves to be slain even by a sage; that man who does injury to Śiva deserves to be slain by everyone.
AI translation rendered from the Sanskrit, not a published edition
BrP 169.19
एवं निश्चित्य मेधावी वेदः सिन्धोस् तथानुजः कस्येयं पापचेष्टा स्यात् पापिष्ठस्य दुरात्मनः ॥
evaṃ niścitya medhāvī vedaḥ sindhos tathānujaḥ kasyeyaṃ pāpaceṣṭā syāt pāpiṣṭhasya durātmanaḥ //
Having settled this, the wise Veda, the younger brother of Sindhu, (thought:) "Whose is this sinful deed? Of what most sinful, evil-souled man?"
AI translation rendered from the Sanskrit, not a published edition
BrP 169.20
पुष्पैर् वन्यभवैर् दिव्यैः कन्दैर् मूलफलैः शुभैः कृतां पूजां स विध्वस्य ह्य् अन्यां पूजां करोति यः ॥
puṣpair vanyabhavair divyaiḥ kandair mūlaphalaiḥ śubhaiḥ kṛtāṃ pūjāṃ sa vidhvasya hy anyāṃ pūjāṃ karoti yaḥ //
"He who, having destroyed the worship performed with splendid forest-grown flowers, with bulbs, roots, and pure fruits, performs another worship..."
AI translation rendered from the Sanskrit, not a published edition
BrP 169.21
मांसेन तरुपत्त्रैश् च स च वध्यो भवेन् मम एवं संचिन्त्य मेधावी गोपयित्वा तनुं तदा ॥
māṃsena tarupattraiś ca sa ca vadhyo bhaven mama evaṃ saṃcintya medhāvī gopayitvā tanuṃ tadā //
"...with meat and with tree-leaves — he too should be slain by me." Thinking thus, the wise one then concealed his body,
AI translation rendered from the Sanskrit, not a published edition
BrP 169.22
तं पश्येयम् अहं पापं पूजाकर्तारम् ईश्वरे एतस्मिन्न् अन्तरे प्रायाद् व्याधो देवं यथा पुरा ॥
taṃ paśyeyam ahaṃ pāpaṃ pūjākartāram īśvare etasminn antare prāyād vyādho devaṃ yathā purā //
(thinking) "Let me see that sinner who performs worship upon the Lord." In this interval the hunter came to the god, as before.
AI translation rendered from the Sanskrit, not a published edition
BrP 169.23
नित्यवत् पूजयन्तं तम् आदिकेशस् तदाब्रवीत् ॥
nityavat pūjayantaṃ tam ādikeśas tadābravīt //
To him, as he was worshipping as he did daily, Ādikeśa then said:
AI translation rendered from the Sanskrit, not a published edition
BrP 169.24
भो भो व्याध महाबुद्धे श्रान्तो ऽसीति पुनः पुनः चिराय कथम् आयातस् त्वां विना तात दुःखितः न विन्दामि सुखं किंचित् समाश्वसिहि पुत्रक ॥
bho bho vyādha mahābuddhe śrānto 'sīti punaḥ punaḥ cirāya katham āyātas tvāṃ vinā tāta duḥkhitaḥ na vindāmi sukhaṃ kiṃcit samāśvasihi putraka //
"Ho, ho, hunter of great understanding! 'You are tired,' (you say) again and again. How is it you have come only after so long? Without you, dear one, I am miserable; I find no happiness at all. Take heart, little son!"
AI translation rendered from the Sanskrit, not a published edition
BrP 169.25
तम् एवंवादिनं देवं वेदः श्रुत्वा विलोक्य तु चुकोप विस्मयाविष्टो न च किंचिद् उवाच ह ॥
tam evaṃvādinaṃ devaṃ vedaḥ śrutvā vilokya tu cukopa vismayāviṣṭo na ca kiṃcid uvāca ha //
But Veda, hearing and seeing the god speaking thus, became angry, and, seized with amazement, said nothing at all.
AI translation rendered from the Sanskrit, not a published edition
BrP 169.26
व्याधश् च नित्यवत् पूजां कृत्वा स्वभवनं ययौ वेदश् च कुपितो भूत्वा आगत्येशम् उवाच ह ॥
vyādhaś ca nityavat pūjāṃ kṛtvā svabhavanaṃ yayau vedaś ca kupito bhūtvā āgatyeśam uvāca ha //
And the hunter, having performed the worship as he did daily, went to his own dwelling; and Veda, having become enraged, came and said to the Lord:
AI translation rendered from the Sanskrit, not a published edition
BrP 169.27
अयं व्याधः पापरतः क्रियाज्ञानविवर्जितः प्राणिहिंसारतः क्रूरो निर्दयः सर्वजन्तुषु ॥
ayaṃ vyādhaḥ pāparataḥ kriyājñānavivarjitaḥ prāṇihiṃsārataḥ krūro nirdayaḥ sarvajantuṣu //
"This hunter is devoted to sin, bereft of ritual and of knowledge, given to the killing of living beings, cruel, without pity toward all creatures;
AI translation rendered from the Sanskrit, not a published edition
BrP 169.28
हीनजातिर् अकिंचिज्ज्ञो गुरुक्रमविवर्जितः सदानुचितकारी चानिर्जिताखिलगोगणः ॥
hīnajātir akiṃcijjño gurukramavivarjitaḥ sadānucitakārī cānirjitākhilagogaṇaḥ //
of low birth, knowing nothing at all, without any line of teachers, always doing what is improper, and with the whole herd of his senses unsubdued.
AI translation rendered from the Sanskrit, not a published edition — the model flagged this verse as uncertain
BrP 169.29
तस्यात्मानं दर्शितवान् न मां किंचन वक्ष्यसि पूजां मन्त्रविधानेन करोमीश यतव्रतः ॥
tasyātmānaṃ darśitavān na māṃ kiṃcana vakṣyasi pūjāṃ mantravidhānena karomīśa yatavrataḥ //
To him you have shown yourself; to me you will say nothing. I, O Lord, perform the worship according to the prescription of mantras, holding to my vows,
AI translation rendered from the Sanskrit, not a published edition
BrP 169.30
त्वदेकशरणो नित्यं भार्यापुत्रविवर्जितः व्याधो मांसेन दुष्टेन पूजां तव करोत्य् असौ ॥
tvadekaśaraṇo nityaṃ bhāryāputravivarjitaḥ vyādho māṃsena duṣṭena pūjāṃ tava karoty asau //
taking refuge in you alone always, forsaking wife and sons; (yet) this hunter performs your worship with foul meat.
AI translation rendered from the Sanskrit, not a published edition
BrP 169.31
तस्य प्रसन्नो भगवान् न ममेति महाद्भुतम् शास्तिम् अस्य करिष्यामि भिल्लस्य ह्य् अपकारिणः ॥
tasya prasanno bhagavān na mameti mahādbhutam śāstim asya kariṣyāmi bhillasya hy apakāriṇaḥ //
The Blessed One is pleased with him and not with me — a great wonder! I shall inflict punishment on this Bhilla, the offender.
AI translation rendered from the Sanskrit, not a published edition
BrP 169.32
मृदोः कोपि भवेत् प्रीतः कोपि तद्वद् दुरात्मनः तस्माद् अहं मूर्ध्नि शिलां पातयेयम् असंशयम् ॥
mṛdoḥ kopi bhavet prītaḥ kopi tadvad durātmanaḥ tasmād ahaṃ mūrdhni śilāṃ pātayeyam asaṃśayam //
One may be pleased with a gentle man, and another likewise with an evil-souled one; therefore I shall without doubt let a rock fall on (his) head."
AI translation rendered from the Sanskrit, not a published edition — the model flagged this verse as uncertain
BrP 169.33
इत्य् उक्तवति वै वेदे विहस्येशो ऽब्रवीद् इदम् ॥
ity uktavati vai vede vihasyeśo 'bravīd idam //
When Veda had spoken thus, the Lord laughed and said this:
AI translation rendered from the Sanskrit, not a published edition
BrP 169.34
श्वः प्रतीक्षस्व पश्चान् मे शिलां पातय मूर्धनि ॥
śvaḥ pratīkṣasva paścān me śilāṃ pātaya mūrdhani //
"Wait until tomorrow; after that, let the rock fall on my head."
AI translation rendered from the Sanskrit, not a published edition
BrP 169.35
तथेत्य् उक्त्वा स वेदो ऽपि शिलां संत्यज्य बाहुना उपसंहृत्य तं कोपं श्वः करोमीत्य् उवाच ह ॥
tathety uktvā sa vedo 'pi śilāṃ saṃtyajya bāhunā upasaṃhṛtya taṃ kopaṃ śvaḥ karomīty uvāca ha //
Saying "so be it," Veda too let the rock go from his arm, and, drawing back that anger, said, "I shall do it tomorrow."
AI translation rendered from the Sanskrit, not a published edition
BrP 169.36
ततः प्रातः समागत्य कृत्वा स्नानादिकर्म च वेदो ऽपि नित्यवत् पूजां कुर्वन् पश्यति मस्तके ॥
tataḥ prātaḥ samāgatya kṛtvā snānādikarma ca vedo 'pi nityavat pūjāṃ kurvan paśyati mastake //
Then, having come in the morning and performed the bathing and the other rites, Veda, while doing the worship as he did daily, sees upon the head
AI translation rendered from the Sanskrit, not a published edition
BrP 169.37
लिङ्गस्य सव्रणां भीमां धारां च रुधिरप्लुताम् वेदः स विस्मितो भूत्वा किम् इदं लिङ्गमूर्धनि ॥
liṅgasya savraṇāṃ bhīmāṃ dhārāṃ ca rudhiraplutām vedaḥ sa vismito bhūtvā kim idaṃ liṅgamūrdhani //
of the liṅga a terrible wounded gash, flooded with blood; and Veda, filled with amazement, (thought) "What is this on the top of the liṅga?
AI translation rendered from the Sanskrit, not a published edition
BrP 169.38
महोत्पातो भवेत् कस्य सूचयेद् इत्य् अचिन्तयत् मृद्भिश् च गोमयेनापि कुशैस् तं गाङ्गवारिभिः ॥
mahotpāto bhavet kasya sūcayed ity acintayat mṛdbhiś ca gomayenāpi kuśais taṃ gāṅgavāribhiḥ //
Whose great calamity might it be that (this) portends?" — so he pondered; and with earth, with cow-dung, with kuśa grass and with Ganges water
AI translation rendered from the Sanskrit, not a published edition
BrP 169.39
प्रक्षालयित्वा तां पूजां कृतवान् नित्यवत् तदा एतस्मिन्न् अन्तरे प्रायाद् व्याधो विगतकल्मषः ॥
prakṣālayitvā tāṃ pūjāṃ kṛtavān nityavat tadā etasminn antare prāyād vyādho vigatakalmaṣaḥ //
Having washed (the liṅga), he then performed the worship as he did every day; and at that very moment a hunter, freed of sin, came along.
AI translation rendered from the Sanskrit, not a published edition
BrP 169.40
मूर्धानं व्रणसंयुक्तं सरक्तं लिङ्गमस्तके शंकरस्यादिकेशस्य ददृशे ऽन्तर्गतस् तदा ॥
mūrdhānaṃ vraṇasaṃyuktaṃ saraktaṃ liṅgamastake śaṃkarasyādikeśasya dadṛśe 'ntargatas tadā //
Then, having entered in, he saw upon the top of the liṅga of Śaṃkara, whose hair (there) is primeval, a head marked with a wound and bloody.
AI translation rendered from the Sanskrit, not a published edition — the model flagged this verse as uncertain
BrP 169.41
दृष्ट्वैव किम् इदं चित्रम् इत्य् उक्त्वा निशितैः शरैः आत्मानं भेदयाम् आस शतधा च सहस्रधा ॥
dṛṣṭvaiva kim idaṃ citram ity uktvā niśitaiḥ śaraiḥ ātmānaṃ bhedayām āsa śatadhā ca sahasradhā //
The moment he saw (it) he said, "What strange thing is this?" and with sharpened arrows pierced his own body a hundredfold and a thousandfold.
AI translation rendered from the Sanskrit, not a published edition
BrP 169.42
स्वामिनो वैकृतं दृष्ट्वा कः क्षमेतोत्तमाशयः मुहुर् निनिन्द चात्मानं मयि जीवत्य् अभूद् इदम् ॥
svāmino vaikṛtaṃ dṛṣṭvā kaḥ kṣametottamāśayaḥ muhur nininda cātmānaṃ mayi jīvaty abhūd idam //
Who of noble disposition could endure it, seeing an injury done to his lord? And again and again he reproached himself: "This has happened while I am alive!"
AI translation rendered from the Sanskrit, not a published edition
BrP 169.43
कष्टम् आपतितं कीदृग् अहो दुर्विधिवैशसात् तत् कर्म तस्य संवीक्ष्य महादेवो ऽतिविस्मितः ततः प्रोवाच भगवान् वेदं वेदविदां वरम् ॥
kaṣṭam āpatitaṃ kīdṛg aho durvidhivaiśasāt tat karma tasya saṃvīkṣya mahādevo 'tivismitaḥ tataḥ provāca bhagavān vedaṃ vedavidāṃ varam //
"What a calamity has befallen, alas, through the cruelty of evil fate!" Seeing that deed of his, Mahādeva was greatly astonished; then the Lord spoke to Veda, the best of those who know the Vedas.
AI translation rendered from the Sanskrit, not a published edition
BrP 169.44
पश्य व्याधं महाबुद्धे भक्तं भावेन संयुतम् त्वं तु मृद्भिः कुशैर् वार्भिर् मूर्धानं स्पृष्टवान् असि ॥
paśya vyādhaṃ mahābuddhe bhaktaṃ bhāvena saṃyutam tvaṃ tu mṛdbhiḥ kuśair vārbhir mūrdhānaṃ spṛṣṭavān asi //
"Look, O you of great intellect, at the hunter, a devotee filled with (true) feeling. You, indeed, touched the head (of the liṅga) with earth, with kuśa grass, and with water;
AI translation rendered from the Sanskrit, not a published edition
BrP 169.45
अनेन सहसा ब्रह्मन् ममात्मापि निवेदितः भक्तिः प्रेमाथवा शक्तिर् विचारो यत्र विद्यते तस्माद् अस्मै वरान् दास्ये पश्चात् तुभ्यं द्विजोत्तम ॥
anena sahasā brahman mamātmāpi niveditaḥ bhaktiḥ premāthavā śaktir vicāro yatra vidyate tasmād asmai varān dāsye paścāt tubhyaṃ dvijottama //
but by this man, O brahmin, even his own self was at once offered up. Where there is devotion, or love, or capacity, and (right) discernment—therefore I shall grant boons to him (first), and afterwards to you, O best of the twice-born."
AI translation rendered from the Sanskrit, not a published edition — the model flagged this verse as uncertain
BrP 169.46
वरेण च्छन्दयाम् आस व्याधं देवो महेश्वरः व्याधः प्रोवाच देवेशं निर्माल्यं तव यद् भवेत् ॥
vareṇa cchandayām āsa vyādhaṃ devo maheśvaraḥ vyādhaḥ provāca deveśaṃ nirmālyaṃ tava yad bhavet //
The god Maheśvara invited the hunter (to choose) a boon. The hunter said to the lord of gods: "Whatever leavings of your worship there may be—
AI translation rendered from the Sanskrit, not a published edition
BrP 169.47
तद् अस्माकं भवेन् नाथ मन्नाम्ना तीर्थम् उच्यताम् सर्वक्रतुफलं तीर्थं स्मरणाद् एव जायताम् ॥
tad asmākaṃ bhaven nātha mannāmnā tīrtham ucyatām sarvakratuphalaṃ tīrthaṃ smaraṇād eva jāyatām //
let them be ours, O lord; and let the sacred ford be called by my name; let the ford yield the fruit of all sacrifices by the mere remembering of it."
AI translation rendered from the Sanskrit, not a published edition
BrP 169.48
तथेत्य् उवाच देवेशस् ततस् तत् तीर्थम् उत्तमम् भिल्लतीर्थं समस्ताघसंघविच्छेदकारणम् ॥
tathety uvāca deveśas tatas tat tīrtham uttamam bhillatīrthaṃ samastāghasaṃghavicchedakāraṇam //
"So be it," said the lord of gods. Thereupon that excellent ford (became) the Bhilla-tīrtha, the cause of the severing of the whole mass of sins,
AI translation rendered from the Sanskrit, not a published edition
BrP 169.49
श्रीमहादेवचरणमहाभक्तिविधायकम् अभवत् स्नानदानाद्यैर् भुक्तिमुक्तिप्रदायकम् वेदस्यापि वरान् प्रादाच् छिवो नानाविधान् बहून् ॥
śrīmahādevacaraṇamahābhaktividhāyakam abhavat snānadānādyair bhuktimuktipradāyakam vedasyāpi varān prādāc chivo nānāvidhān bahūn //
and it became the bestower of great devotion to the feet of the glorious Mahādeva, granting enjoyment and liberation through bathing, giving, and the rest. To Veda too Śiva gave many boons of various kinds.
AI translation rendered from the Sanskrit, not a published edition