Brahma Purana — Chapter 165
BrP 165.1
भद्रतीर्थम् इति प्रोक्तं सर्वानिष्टनिवारणम् सर्वपापप्रशमनं महाशान्तिप्रदायकम् ॥
bhadratīrtham iti proktaṃ sarvāniṣṭanivāraṇam sarvapāpapraśamanaṃ mahāśāntipradāyakam //
It is called Bhadratīrtha, which averts all that is unwanted, quells all sin, and bestows great peace.
AI translation rendered from the Sanskrit, not a published edition
BrP 165.2
आदित्यस्य प्रिया भार्या उषा त्वाष्ट्री पतिव्रता छायापि भार्या सवितुस् तस्याः पुत्रः शनैश्चरः ॥
ādityasya priyā bhāryā uṣā tvāṣṭrī pativratā chāyāpi bhāryā savitus tasyāḥ putraḥ śanaiścaraḥ //
Āditya's dear wife was Uṣā, Tvaṣṭṛ's daughter, devoted to her husband; Chāyā too was a wife of Savitṛ, and her son was Śanaiścara (Saturn).
AI translation rendered from the Sanskrit, not a published edition
BrP 165.3
तस्य स्वसा विष्टिर् इति भीषणा पापरूपिणी तां कन्यां सविता कस्मै ददामीति मतिं दधे ॥
tasya svasā viṣṭir iti bhīṣaṇā pāparūpiṇī tāṃ kanyāṃ savitā kasmai dadāmīti matiṃ dadhe //
His sister was named Viṣṭi, terrifying, sin embodied; Savitṛ set his mind (to the question), "To whom shall I give this girl?"
AI translation rendered from the Sanskrit, not a published edition
BrP 165.4
यस्मै यस्मै दातुकामः सूर्यो लोकगुरुः प्रभुः तच् छ्रुत्वा भीषणा चेति किं कुर्मो भार्ययानया एवं तु वर्तमाने सा पितरं प्राह दुःखिता ॥
yasmai yasmai dātukāmaḥ sūryo lokaguruḥ prabhuḥ tac chrutvā bhīṣaṇā ceti kiṃ kurmo bhāryayānayā evaṃ tu vartamāne sā pitaraṃ prāha duḥkhitā //
To whomever the Sun, lord and teacher of the world, wished to give her, that one, hearing "and she is terrifying," (said) "what shall we do with such a wife?" While matters stood thus, she, distressed, spoke to her father:
AI translation rendered from the Sanskrit, not a published edition
BrP 165.6
बालाम् एव पिता यस् तु दद्यात् कन्यां सुरूपिणे स कृतार्थो भवेल् लोके न चेद् दुष्कृतवान् पिता ॥
bālām eva pitā yas tu dadyāt kanyāṃ surūpiṇe sa kṛtārtho bhavel loke na ced duṣkṛtavān pitā //
"The father who gives his daughter (in marriage) while she is still a child, to a handsome man, becomes one whose purpose is accomplished in the world; if not, the father is a doer of evil.
AI translation rendered from the Sanskrit, not a published edition
BrP 165.7
चतुर्थाद् वत्सराद् ऊर्ध्वं यावन् न दशमात्ययः तावद् विवाहः कन्यायाः पित्रा कार्यः प्रयत्नतः ॥
caturthād vatsarād ūrdhvaṃ yāvan na daśamātyayaḥ tāvad vivāhaḥ kanyāyāḥ pitrā kāryaḥ prayatnataḥ //
From beyond the fourth year until the tenth has not passed—within that time the daughter's marriage must be brought about by the father with effort.
AI translation rendered from the Sanskrit, not a published edition
BrP 165.8
श्रीमते विदुषे यूने कुलीनाय यशस्विने उदाराय सनाथाय कन्या देया वराय वै ॥
śrīmate viduṣe yūne kulīnāya yaśasvine udārāya sanāthāya kanyā deyā varāya vai //
To one who is prosperous, learned, young, of good family, renowned, generous, and having a protector—to such a bridegroom the girl should indeed be given.
AI translation rendered from the Sanskrit, not a published edition
BrP 165.9
एतच् चेद् अन्यथा कुर्यात् पिता स निरयी सदा धर्मस्य साधनं कन्या विदुषाम् अपि भास्कर ॥
etac ced anyathā kuryāt pitā sa nirayī sadā dharmasya sādhanaṃ kanyā viduṣām api bhāskara //
If a father acts otherwise than this, he is forever bound for hell. A daughter is a means to dharma even for the learned, O Bhāskara,
AI translation rendered from the Sanskrit, not a published edition
BrP 165.10
नरकस्येव मूर्खाणां कामोपहतचेतसाम् एकतः पृथिवी कृत्स्ना सशैलवनकानना ॥
narakasyeva mūrkhāṇāṃ kāmopahatacetasām ekataḥ pṛthivī kṛtsnā saśailavanakānanā //
but as it were (a means) to hell for fools whose minds are ruined by desire. On the one side the entire earth with its mountains, woods, and forests,
AI translation rendered from the Sanskrit, not a published edition
BrP 165.11
स्वलंकृतोपाधिहीना सुकन्या चैकतः स्मृता विक्रीणीते यश् च कन्याम् अश्वं वा गां तिलान् अपि ॥
svalaṃkṛtopādhihīnā sukanyā caikataḥ smṛtā vikrīṇīte yaś ca kanyām aśvaṃ vā gāṃ tilān api //
and on the other side is reckoned a fair maiden, well adorned and free of blemish; and whoever sells a maiden, or a horse, or a cow, or even sesame seeds—
AI translation rendered from the Sanskrit, not a published edition — the model flagged this verse as uncertain
BrP 165.12
न तस्य रौरवादिभ्यः कदाचिन् निष्कृतिर् भवेत् विवाहातिक्रमः कार्यो न कन्यायाः कदाचन ॥
na tasya rauravādibhyaḥ kadācin niṣkṛtir bhavet vivāhātikramaḥ kāryo na kanyāyāḥ kadācana //
for him there would never be any release from the Raurava and the other (hells). The marriage of a maiden must never be let pass (beyond its time).
AI translation rendered from the Sanskrit, not a published edition
BrP 165.13
तस्मिन् कृते यत् पितुः स्यात् पापं तत् केन कथ्यते यावल् लज्जां न जानाति यावत् क्रीडति पांशुभिः ॥
tasmin kṛte yat pituḥ syāt pāpaṃ tat kena kathyate yāval lajjāṃ na jānāti yāvat krīḍati pāṃśubhiḥ //
When that (delay) has been committed, the sin that falls upon the father—by whom can it be told? So long as she does not yet know shame, so long as she plays in the dust,
AI translation rendered from the Sanskrit, not a published edition
BrP 165.14
तावत् कन्या प्रदातव्या नो चेत् पित्रोर् अधोगतिः पितुः स्वरूपं पुत्रः स्याद् यः पिता पुत्र एव सः ॥
tāvat kanyā pradātavyā no cet pitror adhogatiḥ pituḥ svarūpaṃ putraḥ syād yaḥ pitā putra eva saḥ //
just so long is the maiden to be given away; if not, there is a downward course for the parents. A son would be the very likeness of his father: whoever is the father, that same one is the son.
AI translation rendered from the Sanskrit, not a published edition
BrP 165.15
आत्मनः सुखितां लोके को न कुर्यात् करोति च यत् कन्यायां पिता कुर्याद् दानं पूजनम् ईक्षणम् ॥
ātmanaḥ sukhitāṃ loke ko na kuryāt karoti ca yat kanyāyāṃ pitā kuryād dānaṃ pūjanam īkṣaṇam //
Who in the world would not work for his own happiness—and indeed he does work for it? Whatever a father should do for a daughter: giving (her away), honouring her, watching over her—
AI translation rendered from the Sanskrit, not a published edition
BrP 165.16
यत् कृतं तत् कृतं विद्यात् तासु दत्तं तद् अक्षयम् यद् दत्तं तासु कन्यासु तद् आनन्त्याय कल्पते ॥
yat kṛtaṃ tat kṛtaṃ vidyāt tāsu dattaṃ tad akṣayam yad dattaṃ tāsu kanyāsu tad ānantyāya kalpate //
whatever is done, let him know it as (truly) done; what is given to them is imperishable. What is given to those maidens turns to endlessness.
AI translation rendered from the Sanskrit, not a published edition
BrP 165.17
पुत्रेषु चैव पौत्रेषु को न कुर्यात् सुखं रवे करोति यः कन्यकानां स संपद्भाजनं भवेत् ॥
putreṣu caiva pautreṣu ko na kuryāt sukhaṃ rave karoti yaḥ kanyakānāṃ sa saṃpadbhājanaṃ bhavet //
Who would not provide comfort for sons and for grandsons, O Ravi? He who does so for maidens becomes a vessel of good fortune.
AI translation rendered from the Sanskrit, not a published edition — the model flagged this verse as uncertain
BrP 165.18
एवं तां वादिनीं कन्यां विष्टिं प्रोवाच भास्करः ॥
evaṃ tāṃ vādinīṃ kanyāṃ viṣṭiṃ provāca bhāskaraḥ //
To the maiden Viṣṭi, who spoke in this way, Bhāskara (the Sun) said:
AI translation rendered from the Sanskrit, not a published edition
BrP 165.19
किं करोमि न गृह्णाति त्वां कश्चिद् भीषणाकृतिम् कुलं रूपं वयो वित्तं विद्यां वृत्तं सुशीलताम् ॥
kiṃ karomi na gṛhṇāti tvāṃ kaścid bhīṣaṇākṛtim kulaṃ rūpaṃ vayo vittaṃ vidyāṃ vṛttaṃ suśīlatām //
"What am I to do? No one will take you, of terrifying appearance. Family, beauty, age, wealth, learning, conduct, good character—
AI translation rendered from the Sanskrit, not a published edition
BrP 165.20
मिथः पश्यन्ति संबन्धे विवाहे स्त्रीषु पुंसु च अस्मासु सर्वम् अप्य् अस्ति विना तव गुणैः शुभे किं करोमि क्व दास्यामि वृथा मां धिक् करोषि किम् ॥
mithaḥ paśyanti saṃbandhe vivāhe strīṣu puṃsu ca asmāsu sarvam apy asti vinā tava guṇaiḥ śubhe kiṃ karomi kva dāsyāmi vṛthā māṃ dhik karoṣi kim //
these they look at in each other in forming an alliance, in marriage, in women and in men. In us all of it is present—except for your qualities, my dear. What am I to do, where shall I give you? Why do you bring reproach upon me for nothing?"
AI translation rendered from the Sanskrit, not a published edition
BrP 165.21
एवम् उक्त्वा पुनस् तां च विष्टिं प्रोवाच भास्करः ॥
evam uktvā punas tāṃ ca viṣṭiṃ provāca bhāskaraḥ //
Having spoken thus, Bhāskara said again to that Viṣṭi:
AI translation rendered from the Sanskrit, not a published edition
BrP 165.22
यस्मै कस्मै च दातव्या त्वं वै यद्य् अनुमन्यसे दीयसे ऽद्य मया विष्टे अनुजानीहि मां ततः ॥
yasmai kasmai ca dātavyā tvaṃ vai yady anumanyase dīyase 'dya mayā viṣṭe anujānīhi māṃ tataḥ //
"You must be given to whoever it may be, if you agree to it. Today you are being given away by me, Viṣṭi; so grant me your consent."
AI translation rendered from the Sanskrit, not a published edition
BrP 165.23
पितरं प्राह सा विष्टिर् भर्ता पुत्रा धनं सुखम् आयू रूपं च संप्रीतिर् जायते प्राक्तनानुगम् ॥
pitaraṃ prāha sā viṣṭir bhartā putrā dhanaṃ sukham āyū rūpaṃ ca saṃprītir jāyate prāktanānugam //
Viṣṭi said to her father: "A husband, sons, wealth, comfort, long life, beauty and mutual love—(all this) comes about in accordance with what was done before.
AI translation rendered from the Sanskrit, not a published edition
BrP 165.24
यत् पुरा विहितं कर्म प्राणिना साध्व् असाधु वा फलं तदनुरोधेन प्राप्यते ऽपि भवान्तरे ॥
yat purā vihitaṃ karma prāṇinā sādhv asādhu vā phalaṃ tadanurodhena prāpyate 'pi bhavāntare //
Whatever deed, good or bad, a living being has performed before, the fruit of it is obtained, in conformity with that deed, even in another existence.
AI translation rendered from the Sanskrit, not a published edition
BrP 165.25
स्वदोष एव तत् पित्रा परिहर्तव्य आदरात् तादृग् एव फलं तु स्याद् यादृग् आचरितं पुरा ॥
svadoṣa eva tat pitrā parihartavya ādarāt tādṛg eva phalaṃ tu syād yādṛg ācaritaṃ purā //
That is my own fault alone, and it must be set aside by my father with due care; the fruit will be just of the kind as was formerly done.
AI translation rendered from the Sanskrit, not a published edition — the model flagged this verse as uncertain
BrP 165.26
तस्मात् तद्दानसंबन्धं स्ववंशानुगतं पिता करोति शेषं दैवेन यद् भाव्यं तद् भविष्यति ॥
tasmāt taddānasaṃbandhaṃ svavaṃśānugataṃ pitā karoti śeṣaṃ daivena yad bhāvyaṃ tad bhaviṣyati //
Therefore the father makes that giving-away and connection in keeping with his own lineage; as for the rest, whatever is destined by fate, that will come to be."
AI translation rendered from the Sanskrit, not a published edition
BrP 165.27
तच् छ्रुत्वा दुहितुर् वाक्यं त्वष्टुः पुत्राय भीषणाम् विश्वरूपाय तां प्रादाद् विष्टिं लोकभयंकरीम् ॥
tac chrutvā duhitur vākyaṃ tvaṣṭuḥ putrāya bhīṣaṇām viśvarūpāya tāṃ prādād viṣṭiṃ lokabhayaṃkarīm //
Having heard those words of his daughter, he gave that terrifying Viṣṭi, the terror of the world, to Viśvarūpa, the son of Tvaṣṭṛ.
AI translation rendered from the Sanskrit, not a published edition
BrP 165.28
विश्वरूपो ऽपि तद्वच् च भीषणो भीषणाकृतिः एवं मिथः संचरतोः शीलरूपसमानयोः ॥
viśvarūpo 'pi tadvac ca bhīṣaṇo bhīṣaṇākṛtiḥ evaṃ mithaḥ saṃcaratoḥ śīlarūpasamānayoḥ //
Viśvarūpa too was likewise terrifying, of terrifying form. So, as the two went about together, alike in character and in appearance,
AI translation rendered from the Sanskrit, not a published edition
BrP 165.29
प्रीतिः कदाचिद् वैषम्यं दंपत्योर् अभवन् मिथः गण्डो नामाभवत् पुत्रो ह्य् अतिगण्डस् तथैव च ॥
prītiḥ kadācid vaiṣamyaṃ daṃpatyor abhavan mithaḥ gaṇḍo nāmābhavat putro hy atigaṇḍas tathaiva ca //
there was sometimes affection and sometimes discord between the couple towards each other. A son named Gaṇḍa was born, and likewise Atigaṇḍa,
AI translation rendered from the Sanskrit, not a published edition
BrP 165.30
रक्ताक्षः क्रोधनश् चैव व्ययो दुर्मुख एव च तेभ्यः कनीयान् अभवद् धर्षणो नाम पुण्यभाक् ॥
raktākṣaḥ krodhanaś caiva vyayo durmukha eva ca tebhyaḥ kanīyān abhavad dharṣaṇo nāma puṇyabhāk //
and Raktākṣa, and Krodhana, and Vyaya, and Durmukha. Younger than these was born one named Harṣaṇa, who had a share of merit,
AI translation rendered from the Sanskrit, not a published edition
BrP 165.31
सुतः सुशीलः सुभगः शान्तः शुद्धमतिः शुचिः स कदाचिद् यमगृहं द्रष्टुं मातुलम् अभ्यगात् ॥
sutaḥ suśīlaḥ subhagaḥ śāntaḥ śuddhamatiḥ śuciḥ sa kadācid yamagṛhaṃ draṣṭuṃ mātulam abhyagāt //
(He was) a son of good conduct, fortunate, calm, of pure mind, pure. Once he went to Yama's house to see his maternal uncle.
AI translation rendered from the Sanskrit, not a published edition
BrP 165.32
स ददर्श बहूञ् जन्तून् स्वर्गस्थान् इव दुःखिनः स मातुलं तु पप्रच्छ नत्वा धर्मं सनातनम् ॥
sa dadarśa bahūñ jantūn svargasthān iva duḥkhinaḥ sa mātulaṃ tu papraccha natvā dharmaṃ sanātanam //
He saw many creatures suffering, (and others) as though established in heaven; and, having bowed, he asked his uncle about the eternal law.
AI translation rendered from the Sanskrit, not a published edition
BrP 165.33
क इमे सुखिनस् तात पच्यन्ते नरके च के ॥
ka ime sukhinas tāta pacyante narake ca ke //
"Who are these happy ones, uncle, and who are those being cooked in hell?"
AI translation rendered from the Sanskrit, not a published edition
BrP 165.34
एवं पृष्टो धर्मराजः सर्वं प्राह यथार्थवत् तत्कर्मणां गतिं सर्वाम् अशेषेण न्यवेदयत् ॥
evaṃ pṛṣṭo dharmarājaḥ sarvaṃ prāha yathārthavat tatkarmaṇāṃ gatiṃ sarvām aśeṣeṇa nyavedayat //
Thus questioned, the King of Dharma told everything as it truly is; he made known in full the entire course of those (beings') deeds.
AI translation rendered from the Sanskrit, not a published edition
BrP 165.35
विहितस्य न कुर्वन्ति ये कदाचिद् अतिक्रमम् न ते पश्यन्ति निरयं कदाचिद् अपि मानवाः ॥
vihitasya na kurvanti ye kadācid atikramam na te paśyanti nirayaṃ kadācid api mānavāḥ //
Those men who never commit any transgression of what is enjoined — they never see hell.
AI translation rendered from the Sanskrit, not a published edition
BrP 165.36
न मानयन्ति ये शास्त्रं नाचारं न बहुश्रुतान् विहितातिक्रमं कुर्युर् ये ते नरकगामिनः ॥
na mānayanti ye śāstraṃ nācāraṃ na bahuśrutān vihitātikramaṃ kuryur ye te narakagāminaḥ //
Those who do not honour the scripture, nor right conduct, nor the widely learned, and who would transgress what is enjoined — they go to hell.
AI translation rendered from the Sanskrit, not a published edition
BrP 165.37
स तु श्रुत्वा धर्मवाक्यं हर्षणः पुनर् अब्रवीत् ॥
sa tu śrutvā dharmavākyaṃ harṣaṇaḥ punar abravīt //
But he, having heard that speech about dharma, Harṣaṇa spoke again:
AI translation rendered from the Sanskrit, not a published edition
BrP 165.38
पिता त्वाष्ट्रो भीषणश् च माता विष्टिश् च भीषणा भ्रातरश् च महात्मानो येन ते शान्तबुद्धयः ॥
pitā tvāṣṭro bhīṣaṇaś ca mātā viṣṭiś ca bhīṣaṇā bhrātaraś ca mahātmāno yena te śāntabuddhayaḥ //
"My father, the son of Tvaṣṭṛ, is terrifying, and my mother Viṣṭi is terrifying, and my brothers are great-souled — by what (means) may they become calm-minded,
AI translation rendered from the Sanskrit, not a published edition — the model flagged this verse as uncertain
BrP 165.39
सुरूपाश् च भविष्यन्ति निर्दोषा मङ्गलप्रदाः तन् मे कर्म वदस्वाद्य तत्कर्तास्मि सुरोत्तम ॥
surūpāś ca bhaviṣyanti nirdoṣā maṅgalapradāḥ tan me karma vadasvādya tatkartāsmi surottama //
"and become fair of form, faultless, bestowers of good fortune? Tell me that deed today; I will do it, O best of gods.
AI translation rendered from the Sanskrit, not a published edition
BrP 165.40
अन्यथा तान् न गच्छेयम् इत्य् उक्तः प्राह धर्मराट् हर्षणं शुद्धबुद्धिं तं हर्षणो ऽसि न संशयः ॥
anyathā tān na gaccheyam ity uktaḥ prāha dharmarāṭ harṣaṇaṃ śuddhabuddhiṃ taṃ harṣaṇo 'si na saṃśayaḥ //
"Otherwise I would not go to them." So addressed, the King of Dharma said to that Harṣaṇa of pure mind: "You are (rightly named) Harṣaṇa, 'the gladdener' — no doubt of it.
AI translation rendered from the Sanskrit, not a published edition
BrP 165.41
बहवः स्युः सुताः केचिन् नैव ते कुलतन्तवः एक एव सुतः कश्चिद् येन तद् ध्रियते कुलम् ॥
bahavaḥ syuḥ sutāḥ kecin naiva te kulatantavaḥ eka eva sutaḥ kaścid yena tad dhriyate kulam //
"Some may have many sons, yet they are not the threads (that continue) the family; there is some single son by whom that family is upheld.
AI translation rendered from the Sanskrit, not a published edition
BrP 165.42
कुलस्याधारभूतो यो यः पित्रोः प्रियकारकः यः पूर्वजान् उद्धरति स पुत्रस् त्व् इतरो गदः ॥
kulasyādhārabhūto yo yaḥ pitroḥ priyakārakaḥ yaḥ pūrvajān uddharati sa putras tv itaro gadaḥ //
"He who becomes the support of the family, who does what is dear to his parents, who rescues his forebears — he is a son; the other is a disease.
AI translation rendered from the Sanskrit, not a published edition
BrP 165.43
यस्मात् त्वयानुरूपं मे प्रोक्तं मातामह प्रियम् तस्मात् त्वं गौतमीं गच्छ स्नात्वा नियतमानसः ॥
yasmāt tvayānurūpaṃ me proktaṃ mātāmaha priyam tasmāt tvaṃ gautamīṃ gaccha snātvā niyatamānasaḥ //
"Since you have spoken to me, grandfather (i.e. as my daughter's son), what is fitting and pleasing, therefore go to the Gautamī, bathe, and with your mind restrained
AI translation rendered from the Sanskrit, not a published edition
BrP 165.44
स्तुहि विष्णुं जगद्योनिं शान्तं प्रीतेन चेतसा स तु प्रीतो यदि भवेत् सर्वम् इष्टं प्रदास्यति ॥
stuhi viṣṇuṃ jagadyoniṃ śāntaṃ prītena cetasā sa tu prīto yadi bhavet sarvam iṣṭaṃ pradāsyati //
"praise Viṣṇu, the womb of the world, the tranquil one, with a gladdened heart. And if he becomes pleased, he will grant every wish."
AI translation rendered from the Sanskrit, not a published edition
BrP 165.45
इति श्रुत्वा धर्मवाक्यं हर्षणो गौतमीं ययौ शुचिस् तुष्टाव देवेशं हरिं प्रीतो ऽभवद् धरिः ॥
iti śrutvā dharmavākyaṃ harṣaṇo gautamīṃ yayau śucis tuṣṭāva deveśaṃ hariṃ prīto 'bhavad dhariḥ //
Having heard this speech on dharma, Harṣaṇa went to the Gautamī; pure, he praised Hari, the lord of the gods, and Hari became pleased.
AI translation rendered from the Sanskrit, not a published edition
BrP 165.46
हर्षणाय ततः प्रादात् कुलभद्रं ततस् तु सः सर्वाभद्रप्रशमनपूर्वकं भद्रम् अस्तु ते ॥
harṣaṇāya tataḥ prādāt kulabhadraṃ tatas tu saḥ sarvābhadrapraśamanapūrvakaṃ bhadram astu te //
Then he granted to Harṣaṇa welfare for his family, preceded by the quelling of all that is not well: "May there be good fortune to you."
AI translation rendered from the Sanskrit, not a published edition
BrP 165.47
तद् भद्रा प्रोच्यते विष्टिः पिता भद्रस् तथा सुताः ततः प्रभृति तत् तीर्थं भद्रतीर्थं तद् उच्यते ॥
tad bhadrā procyate viṣṭiḥ pitā bhadras tathā sutāḥ tataḥ prabhṛti tat tīrthaṃ bhadratīrthaṃ tad ucyate //
Therefore Viṣṭi is called Bhadrā, and the father Bhadra, and likewise the sons; from that time on that tīrtha is called Bhadratīrtha.
AI translation rendered from the Sanskrit, not a published edition
BrP 165.48
सर्वमङ्गलदं पुंसां तत्र भद्रपतिर् हरिः तत्तीर्थसेविनां पुंसां सर्वसिद्धिप्रदायकम् मङ्गलैकनिधिः साक्षाद् देवदेवो जनार्दनः ॥
sarvamaṅgaladaṃ puṃsāṃ tatra bhadrapatir hariḥ tattīrthasevināṃ puṃsāṃ sarvasiddhipradāyakam maṅgalaikanidhiḥ sākṣād devadevo janārdanaḥ //
There Hari, the lord of good fortune, grants all auspiciousness to men; for men who resort to that tīrtha it bestows every attainment; the very treasury of auspiciousness is the god of gods, Janārdana, present in person.
AI translation rendered from the Sanskrit, not a published edition