Brahma Purana — Chapter 164

BrP 164.1

चिच्चिकातीर्थम् इत्य् उक्तं सर्वरोगविनाशनम् सर्वचिन्ताप्रहरणं सर्वशान्तिकरं नृणाम् ॥

ciccikātīrtham ity uktaṃ sarvarogavināśanam sarvacintāpraharaṇaṃ sarvaśāntikaraṃ nṛṇām //

The ford called Ciccikā has been declared to be the destroyer of all diseases, the remover of all anxiety, and the bringer of complete peace to men.

AI translation rendered from the Sanskrit, not a published edition

BrP 164.2

तस्य स्वरूपं वक्ष्यामि शुभ्रे तस्मिन् नगोत्तमे गङ्गाया उत्तरे पारे यत्र देवो गदाधरः ॥

tasya svarūpaṃ vakṣyāmi śubhre tasmin nagottame gaṅgāyā uttare pāre yatra devo gadādharaḥ //

I shall tell of its nature: on that bright, most excellent mountain, on the northern bank of the Gaṅgā, where the god who bears the mace (dwells) —

AI translation rendered from the Sanskrit, not a published edition

BrP 164.3

चिच्चिकः पक्षिराट् तत्र भेरुण्डो यो ऽभिधीयते सदा वसति तत्रैव मांसाशी श्वेतपर्वते ॥

ciccikaḥ pakṣirāṭ tatra bheruṇḍo yo 'bhidhīyate sadā vasati tatraiva māṃsāśī śvetaparvate //

there the king of birds Ciccika, who is called Bheruṇḍa, a flesh-eater, dwells always on that very White Mountain,

AI translation rendered from the Sanskrit, not a published edition

BrP 164.4

नानापुष्पफलाकीर्णैः सर्वर्तुकुसुमैर् नगैः सेविते द्विजमुख्यैश् च गौतम्या चोपशोभिते ॥

nānāpuṣpaphalākīrṇaiḥ sarvartukusumair nagaiḥ sevite dvijamukhyaiś ca gautamyā copaśobhite //

(on that mountain,) resorted to by trees strewn with many kinds of flowers and fruits, bearing blossoms of every season, and by the foremost twice-born, and beautified by the Gautamī —

AI translation rendered from the Sanskrit, not a published edition

BrP 164.5

सिद्धचारणगन्धर्वकिंनरामरसंकुले तत्समीपे नगः कश्चिद् द्विपदां च चतुष्पदाम् ॥

siddhacāraṇagandharvakiṃnarāmarasaṃkule tatsamīpe nagaḥ kaścid dvipadāṃ ca catuṣpadām //

in (that place) thronged with siddhas, cāraṇas, gandharvas, kiṃnaras and gods — near it stands a certain tree; and (there) the two-footed and four-footed creatures

AI translation rendered from the Sanskrit, not a published edition — the model flagged this verse as uncertain

BrP 164.6

रोगार्तिक्षुत्तृषाचिन्तामरणानां न भाजनम् एवं गुणान्विते शैले नानामुनिगणावृते ॥

rogārtikṣuttṛṣācintāmaraṇānāṃ na bhājanam evaṃ guṇānvite śaile nānāmunigaṇāvṛte //

are no vessel for disease, pain, hunger, thirst, anxiety, or death — on that mountain endowed with such qualities, surrounded by many bands of sages.

AI translation rendered from the Sanskrit, not a published edition

BrP 164.7

पूर्वदेशाधिपः कश्चित् पवमान इति श्रुतः क्षत्रधर्मरतः श्रीमान् देवब्राह्मणपालकः ॥

pūrvadeśādhipaḥ kaścit pavamāna iti śrutaḥ kṣatradharmarataḥ śrīmān devabrāhmaṇapālakaḥ //

A certain lord of the eastern country, known as Pavamāna, devoted to the duty of a kṣatriya, illustrious, a protector of gods and brahmins,

AI translation rendered from the Sanskrit, not a published edition

BrP 164.8

बलेन महता युक्तः सपुरोधा वनं ययौ रेमे स्त्रीभिर् मनोज्ञाभिर् नृत्यवादित्रजैः सुखैः ॥

balena mahatā yuktaḥ sapurodhā vanaṃ yayau reme strībhir manojñābhir nṛtyavāditrajaiḥ sukhaiḥ //

accompanied by a great army and with his family priest, went to the forest; he took his pleasure with charming women, with the delights that come of dance and instrumental music.

AI translation rendered from the Sanskrit, not a published edition

BrP 164.9

स च एवं धनुष्पाणिर् मृगयाशीलिभिर् वृतः एवं भ्रमन् कदाचित् स श्रान्तो द्रुमम् उपागतः ॥

sa ca evaṃ dhanuṣpāṇir mṛgayāśīlibhir vṛtaḥ evaṃ bhraman kadācit sa śrānto drumam upāgataḥ //

And so, bow in hand, surrounded by men given to hunting, roaming about in this way, he once grew weary and came to a tree,

AI translation rendered from the Sanskrit, not a published edition

BrP 164.10

गौतमीतीरसंभूतं नानापक्षिगणैर् वृतम् आश्रमाणां गृहपतिं धर्मज्ञम् इव सेवितम् ॥

gautamītīrasaṃbhūtaṃ nānāpakṣigaṇair vṛtam āśramāṇāṃ gṛhapatiṃ dharmajñam iva sevitam //

(a tree) grown on the bank of the Gautamī, encircled by flocks of many birds, attended upon like a knower of dharma who is the householder of hermitages.

AI translation rendered from the Sanskrit, not a published edition — the model flagged this verse as uncertain

BrP 164.11

तम् आश्रित्य नगश्रेष्ठं पवमानो नृपोत्तमः स विश्रान्तो जनवृत ईक्षां चक्रे नगोत्तमम् ॥

tam āśritya nagaśreṣṭhaṃ pavamāno nṛpottamaḥ sa viśrānto janavṛta īkṣāṃ cakre nagottamam //

Taking shelter by that best of trees, Pavamāna, the best of kings, rested, surrounded by his people, and looked over that finest of trees.

AI translation rendered from the Sanskrit, not a published edition

BrP 164.12

तत्रापश्यद् द्विजं स्थूलं द्विमुखं शोभनाकृतिम् चिन्ताविष्टं तथा श्रान्तं तम् अपृच्छन् नृपोत्तमः ॥

tatrāpaśyad dvijaṃ sthūlaṃ dvimukhaṃ śobhanākṛtim cintāviṣṭaṃ tathā śrāntaṃ tam apṛcchan nṛpottamaḥ //

There he saw a bird, stout, two-headed, of handsome form, sunk in brooding and also weary; and the best of kings asked him:

AI translation rendered from the Sanskrit, not a published edition

BrP 164.13

को भवान् द्विमुखः पक्षी चिन्तावान् इव लक्ष्यसे नैवात्र कश्चिद् दुःखार्तः कस्मात् त्वं दुःखम् आगतः ॥

ko bhavān dvimukhaḥ pakṣī cintāvān iva lakṣyase naivātra kaścid duḥkhārtaḥ kasmāt tvaṃ duḥkham āgataḥ //

"Who are you, two-mouthed bird? You seem as if full of care. No one here is afflicted with sorrow — why have you come to sorrow?"

AI translation rendered from the Sanskrit, not a published edition

BrP 164.14

ततः प्रोवाच नृपतिं पवमानं शनैः शनैः समाश्वस्तमनाः पक्षी चिच्चिको निःश्वसन् मुहुः ॥

tataḥ provāca nṛpatiṃ pavamānaṃ śanaiḥ śanaiḥ samāśvastamanāḥ pakṣī cicciko niḥśvasan muhuḥ //

Then, his mind gradually reassured, the Ciccika bird, sighing again and again, spoke to King Pavamāna:

AI translation rendered from the Sanskrit, not a published edition

BrP 164.15

मत्तो भयं न चान्येषां मम वान्योपपादितम् नानापुष्पफलाकीर्णं मुनिभिः परिसेवितम् ॥

matto bhayaṃ na cānyeṣāṃ mama vānyopapāditam nānāpuṣpaphalākīrṇaṃ munibhiḥ parisevitam //

"There is no danger to others from me, nor any brought upon me by others. (This mountain,) strewn with many kinds of flowers and fruits, frequented by sages —

AI translation rendered from the Sanskrit, not a published edition

BrP 164.16

पश्येयं शून्यम् एवाद्रिं ततः शोचामि माम् अहम् न लभामि सुखं किंचिन् न तृप्यामि कदाचन निद्रां प्राप्नोमि न क्वापि न विश्रान्तिं न निर्वृतिम् ॥

paśyeyaṃ śūnyam evādriṃ tataḥ śocāmi mām aham na labhāmi sukhaṃ kiṃcin na tṛpyāmi kadācana nidrāṃ prāpnomi na kvāpi na viśrāntiṃ na nirvṛtim //

yet I see the mountain as empty; therefore I grieve for myself. I get no pleasure at all, I am never satisfied, nowhere do I find sleep, nor rest, nor peace."

AI translation rendered from the Sanskrit, not a published edition

BrP 164.17

द्विमुखस्य द्विजस्योक्तं श्रुत्वा राजातिविस्मितः ॥

dvimukhasya dvijasyoktaṃ śrutvā rājātivismitaḥ //

Hearing what was said by the two-mouthed bird, the king was greatly astonished (and said):

AI translation rendered from the Sanskrit, not a published edition

BrP 164.18

को भवान् किं कृतं पापं कस्माच् छून्यश् च पर्वतः एकेनास्येन तृप्यन्ति प्राणिनो ऽत्र नगोत्तमे ॥

ko bhavān kiṃ kṛtaṃ pāpaṃ kasmāc chūnyaś ca parvataḥ ekenāsyena tṛpyanti prāṇino 'tra nagottame //

"Who are you? What sin has been done? And why is the mountain empty (for you)? With a single mouth living creatures here on this best of mountains are satisfied —

AI translation rendered from the Sanskrit, not a published edition

BrP 164.19

किम् उतास्यद्वयेन त्वं न तृप्तिम् उपयास्यसि किं वा ते दुष्कृतं प्राप्तम् इह जन्मन्य् अथो पुरा ॥

kim utāsyadvayena tvaṃ na tṛptim upayāsyasi kiṃ vā te duṣkṛtaṃ prāptam iha janmany atho purā //

how is it then that with two mouths you will not attain satisfaction? Or what evil deed of yours has overtaken you, in this birth or formerly?

AI translation rendered from the Sanskrit, not a published edition

BrP 164.20

तत् सर्वं शंस मे सत्यं त्रास्ये त्वां महतो भयात् ॥

tat sarvaṃ śaṃsa me satyaṃ trāsye tvāṃ mahato bhayāt //

Tell me all that truly; I will rescue you from great fear."

AI translation rendered from the Sanskrit, not a published edition

BrP 164.21

राजानं तं द्विजः प्राह निःश्वसन्न् अथ चिच्चिकः ॥

rājānaṃ taṃ dvijaḥ prāha niḥśvasann atha ciccikaḥ //

Then the twice-born Ciccika, sighing, said to that king:

AI translation rendered from the Sanskrit, not a published edition

BrP 164.22

वक्ष्ये ऽहं त्वां पूर्ववृत्तं पवमान शृणुष्व तत् अहं द्विजातिप्रवरो वेदवेदाङ्गपारगः ॥

vakṣye 'haṃ tvāṃ pūrvavṛttaṃ pavamāna śṛṇuṣva tat ahaṃ dvijātipravaro vedavedāṅgapāragaḥ //

"I will tell you what happened before; hear it, Pavamāna. I was the foremost of the twice-born, one who had mastered the Vedas and the ancillary sciences,

AI translation rendered from the Sanskrit, not a published edition

BrP 164.23

कुलीनो विदितप्राज्ञः कार्यहन्ता कलिप्रियः वदे पुरस् तथा पृष्ठे अन्यद् अन्यच् च जन्तुषु ॥

kulīno viditaprājñaḥ kāryahantā kalipriyaḥ vade puras tathā pṛṣṭhe anyad anyac ca jantuṣu //

of good family, reputed to be learned — (yet) a wrecker of undertakings, fond of strife. I would say one thing to the face and another behind the back, and yet other things about creatures.

AI translation rendered from the Sanskrit, not a published edition

BrP 164.24

परवृद्ध्या सदा दुःखी मायया विश्ववञ्चकः कृतघ्नः सत्यरहितः परनिन्दाविचक्षणः ॥

paravṛddhyā sadā duḥkhī māyayā viśvavañcakaḥ kṛtaghnaḥ satyarahitaḥ paranindāvicakṣaṇaḥ //

Always miserable at another's prosperity, a deceiver of all through trickery, ungrateful, devoid of truth, expert at slandering others —

AI translation rendered from the Sanskrit, not a published edition

BrP 164.25

मित्रस्वामिगुरुद्रोही दम्भाचारो ऽतिनिर्घृणः मनसा कर्मणा वाचा तापयामि जनान् बहून् ॥

mitrasvāmigurudrohī dambhācāro 'tinirghṛṇaḥ manasā karmaṇā vācā tāpayāmi janān bahūn //

a betrayer of friend, master and teacher, hypocritical in conduct, utterly pitiless — with mind, with deed, with speech I torment many people.

AI translation rendered from the Sanskrit, not a published edition

BrP 164.26

अयम् एव विनोदो मे सदा यत् परहिंसनम् युग्मभेदं गणोच्छेदं मर्यादाभेदनं सदा ॥

ayam eva vinodo me sadā yat parahiṃsanam yugmabhedaṃ gaṇocchedaṃ maryādābhedanaṃ sadā //

This alone is always my amusement: injuring others, splitting up pairs, destroying groups, and forever breaking through boundaries.

AI translation rendered from the Sanskrit, not a published edition

BrP 164.27

करोमि निर्विचारो ऽहं विद्वत्सेवापराङ्मुखः न मया सदृशः कश्चित् पातकी भवनत्रये ॥

karomi nirvicāro 'haṃ vidvatsevāparāṅmukhaḥ na mayā sadṛśaḥ kaścit pātakī bhavanatraye //

I act without reflection, averse to serving the learned; there is no sinner like me in the three worlds.

AI translation rendered from the Sanskrit, not a published edition

BrP 164.28

तेनाहं द्विमुखो जातस् तापनाद् दुःखभाग्य् अहम् तस्माद् दुःखेन संतप्तः शून्यो ऽयं पर्वतो मम ॥

tenāhaṃ dvimukho jātas tāpanād duḥkhabhāgy aham tasmād duḥkhena saṃtaptaḥ śūnyo 'yaṃ parvato mama //

Therefore I was born two-faced; because of (my) tormenting (others) I have misery for my portion. Hence, burned with sorrow, this mountain of mine is empty (for me).

AI translation rendered from the Sanskrit, not a published edition — the model flagged this verse as uncertain

BrP 164.29

अन्यच् च शृणु भूपाल वाक्यं धर्मार्थसंहितम् ब्रह्महत्यासमं पापं तद् विना तद् अवाप्यते ॥

anyac ca śṛṇu bhūpāla vākyaṃ dharmārthasaṃhitam brahmahatyāsamaṃ pāpaṃ tad vinā tad avāpyate //

And hear another saying, O king, one joined with dharma and profit: (there is) a sin equal to the killing of a brahmin, which is incurred even without (actually doing) that.

AI translation rendered from the Sanskrit, not a published edition

BrP 164.30

क्षत्रियः संगरं गत्वा अथवान्यत्र संगरात् पलायन्तं न्यस्तशस्त्रं विश्वस्तं च पराङ्मुखम् ॥

kṣatriyaḥ saṃgaraṃ gatvā athavānyatra saṃgarāt palāyantaṃ nyastaśastraṃ viśvastaṃ ca parāṅmukham //

A kshatriya, having gone into battle — or elsewhere than in battle — (seeing a man) fleeing, with his weapons laid down, trusting, or with his back turned,

AI translation rendered from the Sanskrit, not a published edition

BrP 164.31

अविज्ञातं चोपविष्टं बिभेमीति च वादिनम् तं यदि क्षत्रियो हन्यात् स तु स्याद् ब्रह्मघातकः ॥

avijñātaṃ copaviṣṭaṃ bibhemīti ca vādinam taṃ yadi kṣatriyo hanyāt sa tu syād brahmaghātakaḥ //

or unaware and seated, or saying "I am afraid" — if a kshatriya should kill him, he would be a slayer of a brahmin.

AI translation rendered from the Sanskrit, not a published edition

BrP 164.32

अधीतं विस्मरति यस् त्वं करोति तथोत्तमम् अनादरं च गुरुषु तम् आहुर् ब्रह्मघातकम् ॥

adhītaṃ vismarati yas tvaṃ karoti tathottamam anādaraṃ ca guruṣu tam āhur brahmaghātakam //

He who forgets what he has learned, and likewise treats the highest (so), and (shows) disrespect toward teachers — him they call a slayer of a brahmin.

AI translation rendered from the Sanskrit, not a published edition — the model flagged this verse as uncertain

BrP 164.33

प्रत्यक्षे च प्रियं वक्ति परोक्षे परुषाणि च अन्यद् धृदि वचस्य् अन्यत् करोत्य् अन्यत् सदैव यः ॥

pratyakṣe ca priyaṃ vakti parokṣe paruṣāṇi ca anyad dhṛdi vacasy anyat karoty anyat sadaiva yaḥ //

He who in (another's) presence speaks pleasantly and behind his back harshly, and who always has one thing in his heart, another in his speech, and does yet another —

AI translation rendered from the Sanskrit, not a published edition

BrP 164.34

गुरूणां शपथं कर्ता द्वेष्टा ब्राह्मणनिन्दकः मिथ्या विनीतः पापात्मा स तु स्याद् ब्रह्मघातकः ॥

gurūṇāṃ śapathaṃ kartā dveṣṭā brāhmaṇanindakaḥ mithyā vinītaḥ pāpātmā sa tu syād brahmaghātakaḥ //

one who curses his teachers, a hater, a reviler of brahmins, falsely humble, an evil soul — he would be a slayer of a brahmin.

AI translation rendered from the Sanskrit, not a published edition

BrP 164.35

देवं वेदम् अथाध्यात्मं धर्मब्राह्मणसंगतिम् एतान् निन्दति यो द्वेषात् स तु स्याद् ब्रह्मघातकः ॥

devaṃ vedam athādhyātmaṃ dharmabrāhmaṇasaṃgatim etān nindati yo dveṣāt sa tu syād brahmaghātakaḥ //

He who out of hatred reviles these — God, the Veda, the teaching about the self, and the company of dharma and of brahmins — he would be a slayer of a brahmin.

AI translation rendered from the Sanskrit, not a published edition

BrP 164.36

एवं भूतो ऽप्य् अहं राजन् दम्भार्थं लज्जया तथा सद्वृत्त इव वर्ते ऽहं तस्माद् राजन् द्विजो ऽभवम् ॥

evaṃ bhūto 'py ahaṃ rājan dambhārthaṃ lajjayā tathā sadvṛtta iva varte 'haṃ tasmād rājan dvijo 'bhavam //

Though I am such, O king, for the sake of hypocrisy and out of shame I behave as though I were of good conduct; therefore, O king, I became a twice-born.

AI translation rendered from the Sanskrit, not a published edition

BrP 164.37

एवं भूतो ऽपि सत्कर्म किंचित् कर्तास्मि कुत्रचित् तेनाहं कर्मणा राजन् स्वतः स्मर्ता पुरा कृतम् ॥

evaṃ bhūto 'pi satkarma kiṃcit kartāsmi kutracit tenāhaṃ karmaṇā rājan svataḥ smartā purā kṛtam //

Though such, I do somewhere some good deed; by that deed, O king, I remember of myself what was done formerly.

AI translation rendered from the Sanskrit, not a published edition

BrP 164.38

तच् चिच्चिकवचः श्रुत्वा पवमानः सुविस्मितः कर्मणा केन ते मुक्तिर् इत्य् आह नृपतिर् द्विजम् ॥

tac ciccikavacaḥ śrutvā pavamānaḥ suvismitaḥ karmaṇā kena te muktir ity āha nṛpatir dvijam //

Hearing that speech of the ciccika bird, Pavamāna, greatly astonished, said to the twice-born: "By what act (comes) your release?"

AI translation rendered from the Sanskrit, not a published edition

BrP 164.39

इति तस्य वचः श्रुत्वा नृपतिं प्राह पक्षिराट् ॥

iti tasya vacaḥ śrutvā nṛpatiṃ prāha pakṣirāṭ //

Hearing this speech of his, the king of birds said to the king:

AI translation rendered from the Sanskrit, not a published edition

BrP 164.40

अस्मिन्न् एव नगश्रेष्ठे गौतम्या उत्तरे तटे गदाधरं नाम तीर्थं तत्र मां नय सुव्रत ॥

asminn eva nagaśreṣṭhe gautamyā uttare taṭe gadādharaṃ nāma tīrthaṃ tatra māṃ naya suvrata //

"On this very best of mountains, on the northern bank of the Gautamī, there is a sacred ford named Gadādhara; take me there, O you of good vows.

AI translation rendered from the Sanskrit, not a published edition

BrP 164.41

तद् धि तीर्थं पुण्यतमं सर्वपापप्रणाशनम् सर्वकामप्रदं चेति महद्भिर् मुनिभिः श्रुतम् ॥

tad dhi tīrthaṃ puṇyatamaṃ sarvapāpapraṇāśanam sarvakāmapradaṃ ceti mahadbhir munibhiḥ śrutam //

For it has been heard from the great sages that that ford is most holy, destroyer of all sins, and granter of all desires.

AI translation rendered from the Sanskrit, not a published edition

BrP 164.42

न गौतम्यास् तथा विष्णोर् अपरं क्लेशनाशनम् सर्वभावेन तत् तीर्थं पश्येयम् इति मे मतिः ॥

na gautamyās tathā viṣṇor aparaṃ kleśanāśanam sarvabhāvena tat tīrthaṃ paśyeyam iti me matiḥ //

There is no other destroyer of affliction than the Gautamī and Viṣṇu; my thought is: let me behold that ford with my whole being.

AI translation rendered from the Sanskrit, not a published edition

BrP 164.43

मत्कृतेन प्रयत्नेन नैतच् छक्यं कदाचन कथम् आकाङ्क्षितप्राप्तिर् भवेद् दुष्कृतकर्मणाम् ॥

matkṛtena prayatnena naitac chakyaṃ kadācana katham ākāṅkṣitaprāptir bhaved duṣkṛtakarmaṇām //

By effort made by me this is never possible; how could there be attainment of what is wished for, for those of evil deeds?

AI translation rendered from the Sanskrit, not a published edition

BrP 164.44

सप्रयत्नो ऽप्य् अहं वीर न पश्ये तत् सुदुष्करम् तस्मात् तव प्रसादाच् च पश्येयं हि गदाधरम् ॥

saprayatno 'py ahaṃ vīra na paśye tat suduṣkaram tasmāt tava prasādāc ca paśyeyaṃ hi gadādharam //

Even with effort, O hero, I cannot see that (which is) so very hard (to attain); therefore, by your grace, may I behold Gadādhara,

AI translation rendered from the Sanskrit, not a published edition

BrP 164.45

अविज्ञापितदुःखज्ञं करुणावरुणालयम् यस्मिन् दृष्टे भवक्लेशा न दृश्यन्ते पुनर् नरैः ॥

avijñāpitaduḥkhajñaṃ karuṇāvaruṇālayam yasmin dṛṣṭe bhavakleśā na dṛśyante punar naraiḥ //

who knows sorrow that has not been told to him, who is an ocean of compassion, upon whose being seen the afflictions of worldly existence are not seen again by men.

AI translation rendered from the Sanskrit, not a published edition

BrP 164.46

दृष्ट्वैव तं दिवं यास्ये प्रसादात् तव सुव्रत ॥

dṛṣṭvaiva taṃ divaṃ yāsye prasādāt tava suvrata //

Once I have seen him I shall go to heaven, by your grace, O you of good vows.

AI translation rendered from the Sanskrit, not a published edition

BrP 164.47

एवम् उक्तः स नृपतिश् चिच्चिकेन द्विजन्मना दर्शयाम् आस तं देवं तां च गङ्गां द्विजन्मने ॥

evam uktaḥ sa nṛpatiś ciccikena dvijanmanā darśayām āsa taṃ devaṃ tāṃ ca gaṅgāṃ dvijanmane //

Thus addressed by Ciccika the twice-born, that king showed the twice-born that god and that Gaṅgā.

AI translation rendered from the Sanskrit, not a published edition

BrP 164.48

ततः स चिच्चिकः स्नात्वा गङ्गां त्रैलोक्यपावनीम् ॥

tataḥ sa ciccikaḥ snātvā gaṅgāṃ trailokyapāvanīm //

Then that Ciccika, having bathed in the Gaṅgā, purifier of the three worlds, (said):

AI translation rendered from the Sanskrit, not a published edition

BrP 164.49

गङ्गे गौतमि यावत् त्वां त्रिजगत्पावनीं नरः न पश्यत्य् उच्यते तावद् इहामुत्रापि पातकी ॥

gaṅge gautami yāvat tvāṃ trijagatpāvanīṃ naraḥ na paśyaty ucyate tāvad ihāmutrāpi pātakī //

"O Gaṅgā, Gautamī, so long as a man does not see you, the purifier of the three worlds, so long is he called a sinner both here and in the world beyond.

AI translation rendered from the Sanskrit, not a published edition

BrP 164.50

तस्मात् सर्वागसम् अपि माम् उद्धर सरिद्वरे संसारे देहिनाम् अन्या न गतिः कापि कुत्रचित् त्वां विना विष्णुचरणसरोरुहसमुद्भवे ॥

tasmāt sarvāgasam api mām uddhara saridvare saṃsāre dehinām anyā na gatiḥ kāpi kutracit tvāṃ vinā viṣṇucaraṇasaroruhasamudbhave //

Therefore, sinful in every way though I am, raise me up, O best of rivers; in the round of rebirth there is for embodied beings no other refuge anywhere at all apart from you, O you who arose from the lotus of Viṣṇu's foot."

AI translation rendered from the Sanskrit, not a published edition

BrP 164.51

इति श्रद्धाविशुद्धात्मा गङ्गैकशरणो द्विजः स्नानं चक्रे स्मरन्न् अन्तर् गङ्गे त्रायस्व माम् इति ॥

iti śraddhāviśuddhātmā gaṅgaikaśaraṇo dvijaḥ snānaṃ cakre smarann antar gaṅge trāyasva mām iti //

Thus the twice-born, his self purified by faith, taking Gaṅgā as his sole refuge, performed the bath, remembering inwardly, "O Gaṅgā, deliver me."

AI translation rendered from the Sanskrit, not a published edition

BrP 164.52

गदाधरं ततो नत्वा पश्यत्सु नगवासिषु पवमानाभ्यनुज्ञातस् तदैव दिवम् आक्रमत् ॥

gadādharaṃ tato natvā paśyatsu nagavāsiṣu pavamānābhyanujñātas tadaiva divam ākramat //

Then, bowing to Gadādhara, while the town-dwellers looked on, and permitted by Pavamāna, at that very moment he ascended to heaven.

AI translation rendered from the Sanskrit, not a published edition

BrP 164.53

पवमानः स्वनगरं प्रययौ सानुगस् ततः ततः प्रभृति तत् तीर्थं पावमानं सचिच्चिकम् ॥

pavamānaḥ svanagaraṃ prayayau sānugas tataḥ tataḥ prabhṛti tat tīrthaṃ pāvamānaṃ saciccikam //

Then Pavamāna went to his own city together with his followers; from that time on that sacred ford (is called) Pāvamāna, along with (the name) Ciccika.

AI translation rendered from the Sanskrit, not a published edition

BrP 164.54

गदाधरं कोटितीर्थम् इति वेदविदो विदुः कोटिकोटिगुणं कर्म कृतं तत्र भवेन् नृणाम् ॥

gadādharaṃ koṭitīrtham iti vedavido viduḥ koṭikoṭiguṇaṃ karma kṛtaṃ tatra bhaven nṛṇām //

Those who know the Veda know Gadādhara as Koṭitīrtha; a rite performed there becomes for men a koṭi times a koṭi in effect.

AI translation rendered from the Sanskrit, not a published edition