Brahma Purana — Chapter 163

BrP 163.1

सारस्वतं नाम तीर्थं सर्वकामप्रदं शुभम् भुक्तिमुक्तिप्रदं नॄणां सर्वपापप्रणाशनम् ॥

sārasvataṃ nāma tīrthaṃ sarvakāmapradaṃ śubham bhuktimuktipradaṃ nṝṇāṃ sarvapāpapraṇāśanam //

There is an auspicious sacred ford named Sārasvata, granting all desires, bestowing on men enjoyment and liberation, destroying all sins,

AI translation rendered from the Sanskrit, not a published edition

BrP 163.2

सर्वरोगप्रशमनं सर्वसिद्धिप्रदायकम् तत्रेमं शृणु वृत्तान्तं विस्तरेणाथ नारद ॥

sarvarogapraśamanaṃ sarvasiddhipradāyakam tatremaṃ śṛṇu vṛttāntaṃ vistareṇātha nārada //

allaying all diseases, granting all attainments. Hear now in full this account concerning it, O Nārada.

AI translation rendered from the Sanskrit, not a published edition

BrP 163.3

पुष्पोत्कटात् पूर्वभागे पर्वतो लोकविश्रुतः शुभ्रो नाम गिरिश्रेष्ठो गौतम्या दक्षिणे तटे ॥

puṣpotkaṭāt pūrvabhāge parvato lokaviśrutaḥ śubhro nāma giriśreṣṭho gautamyā dakṣiṇe taṭe //

To the east of Puṣpotkaṭā there is a mountain famed in the world, the best of mountains named Śubhra, on the southern bank of the Gautamī.

AI translation rendered from the Sanskrit, not a published edition

BrP 163.4

शाकल्य इति विख्यातो मुनिः परमनैष्ठिकः तस्मिञ् शुभ्रे पुण्यगिरौ तपस् तेपे ह्य् अनुत्तमम् ॥

śākalya iti vikhyāto muniḥ paramanaiṣṭhikaḥ tasmiñ śubhre puṇyagirau tapas tepe hy anuttamam //

A sage renowned as Śākalya, supremely steadfast (in his vows), performed unsurpassed austerity on that holy mountain Śubhra.

AI translation rendered from the Sanskrit, not a published edition

BrP 163.5

तपस्यन्तं द्विजश्रेष्ठं गौतमीतीरम् आश्रितम् सर्वे भूतगणा नित्यं प्रणमन्ति स्तुवन्ति तम् ॥

tapasyantaṃ dvijaśreṣṭhaṃ gautamītīram āśritam sarve bhūtagaṇā nityaṃ praṇamanti stuvanti tam //

That best of twice-born ones, practising austerity, dwelling on the bank of the Gautamī—all the hosts of beings constantly bow to him and praise him;

AI translation rendered from the Sanskrit, not a published edition

BrP 163.6

अग्निशुश्रूषणपरं वेदाध्ययनतत्परम् ऋषिगन्धर्वसुमनःसेविते तत्र पर्वते ॥

agniśuśrūṣaṇaparaṃ vedādhyayanatatparam ṛṣigandharvasumanaḥsevite tatra parvate //

(him who was) devoted to the tending of the (sacrificial) fire and intent upon the study of the Vedas, there on that mountain frequented by sages, gandharvas, and the well-disposed (or: by sages, gandharvas and flowers).

AI translation rendered from the Sanskrit, not a published edition — the model flagged this verse as uncertain

BrP 163.7

तस्मिन् गिरौ महापुण्ये देवद्विजभयंकरः यज्ञद्वेषी ब्रह्महन्ता परशुर् नाम राक्षसः ॥

tasmin girau mahāpuṇye devadvijabhayaṃkaraḥ yajñadveṣī brahmahantā paraśur nāma rākṣasaḥ //

On that greatly holy mountain there was a rākṣasa named Paraśu, a terror to gods and brahmins, a hater of sacrifices, a slayer of brahmins.

AI translation rendered from the Sanskrit, not a published edition

BrP 163.8

कामरूपी विचरति नानारूपधरो वने क्षणं च ब्रह्मरूपेण कदाचिद् व्याघ्ररूपधृक् ॥

kāmarūpī vicarati nānārūpadharo vane kṣaṇaṃ ca brahmarūpeṇa kadācid vyāghrarūpadhṛk //

Taking whatever form he wished, assuming many forms, he roamed the forest—one moment in the form of a brahmin, at another time wearing the form of a tiger,

AI translation rendered from the Sanskrit, not a published edition

BrP 163.9

कदाचिद् देवरूपेण कदाचित् पशुरूपधृक् कदाचित् प्रमदारूपः कदाचिन् मृगरूपतः ॥

kadācid devarūpeṇa kadācit paśurūpadhṛk kadācit pramadārūpaḥ kadācin mṛgarūpataḥ //

sometimes in the form of a god, sometimes taking the form of a beast, sometimes in the form of a young woman, sometimes in the form of a deer,

AI translation rendered from the Sanskrit, not a published edition

BrP 163.10

कदाचिद् बालरूपेण एवं चरति पापकृत् यत्रास्ते ब्राह्मणो विद्वाञ् शाकल्यो मुनिसत्तमः ॥

kadācid bālarūpeṇa evaṃ carati pāpakṛt yatrāste brāhmaṇo vidvāñ śākalyo munisattamaḥ //

sometimes in the form of a child—thus the evildoer roamed about, where the learned brahmin Śākalya, best of sages, dwelt.

AI translation rendered from the Sanskrit, not a published edition

BrP 163.11

तम् आयाति महापापी परशू राक्षसाधमः शुचिष्मन्तं द्विजश्रेष्ठं परशुर् नित्यम् एव च ॥

tam āyāti mahāpāpī paraśū rākṣasādhamaḥ śuciṣmantaṃ dvijaśreṣṭhaṃ paraśur nityam eva ca //

To him the greatly sinful Paraśu, lowest of rākṣasas, came—Paraśu came constantly to that pure best of the twice-born.

AI translation rendered from the Sanskrit, not a published edition

BrP 163.12

नेतुं हन्तुं प्रवृत्तो ऽपि न शशाक स पापकृत् स कदाचिद् द्विजश्रेष्ठो देवान् अभ्यर्च्य यत्नतः ॥

netuṃ hantuṃ pravṛtto 'pi na śaśāka sa pāpakṛt sa kadācid dvijaśreṣṭho devān abhyarcya yatnataḥ //

Though he set about carrying (him) off and killing (him), that evildoer was not able (to do so). Once that best of the twice-born, having carefully worshipped the gods,

AI translation rendered from the Sanskrit, not a published edition

BrP 163.13

भोक्तुकामः किलायातस् तत्रायात् परशुर् मुने ब्रह्मरूपधरो भूत्वा शिथिलः पलितो ऽबली कन्याम् आदाय कांचिच् च शाकल्यं वाक्यम् अब्रवीत् ॥

bhoktukāmaḥ kilāyātas tatrāyāt paraśur mune brahmarūpadharo bhūtvā śithilaḥ palito 'balī kanyām ādāya kāṃcic ca śākalyaṃ vākyam abravīt //

was minded to eat, and just then Paraśu came there, O sage: having become a brahmin in form, feeble, grey-haired, without strength, and having brought some girl with him, he spoke these words to Śākalya:

AI translation rendered from the Sanskrit, not a published edition

BrP 163.14

भोजनस्यार्थिनं विद्धि मां च कन्याम् इमां द्विज आतिथ्यकाले संप्राप्तं कृतकृत्यो ऽसि मानद ॥

bhojanasyārthinaṃ viddhi māṃ ca kanyām imāṃ dvija ātithyakāle saṃprāptaṃ kṛtakṛtyo 'si mānada //

"Know me and this girl to be seeking food, O twice-born one; since (we) have arrived at the time for hospitality, you have accomplished your duty, O giver of honour.

AI translation rendered from the Sanskrit, not a published edition

BrP 163.15

त एव धन्या लोके ऽस्मिन् येषाम् अतिथयो गृहात् पूर्णाभिलाषा निर्यान्ति जीवन्तो ऽपि मृताः परे ॥

ta eva dhanyā loke 'smin yeṣām atithayo gṛhāt pūrṇābhilāṣā niryānti jīvanto 'pi mṛtāḥ pare //

Only they are fortunate in this world from whose house guests go forth with their wishes fulfilled; the others, though living, are dead.

AI translation rendered from the Sanskrit, not a published edition

BrP 163.16

भोजने तूपविष्टे तु आत्मार्थं कल्पितं तु यत् अतिथिभ्यस् तु यो दद्याद् दत्ता तेन वसुंधरा ॥

bhojane tūpaviṣṭe tu ātmārthaṃ kalpitaṃ tu yat atithibhyas tu yo dadyād dattā tena vasuṃdharā //

When one is seated at his meal, whoever should give to guests what was prepared for himself—by him the whole earth has been given away.

AI translation rendered from the Sanskrit, not a published edition

BrP 163.17

एतच् छ्रुत्वा तु शाकल्यो ददामीत्य् एवम् अब्रवीत् आसने चोपवेश्याथाज्ञानात् तं परशुं द्विजम् ॥

etac chrutvā tu śākalyo dadāmīty evam abravīt āsane copaveśyāthājñānāt taṃ paraśuṃ dvijam //

Hearing this, Śākalya said, "I give," and having seated that brahmin Paraśu on a seat, not knowing (who he was),

AI translation rendered from the Sanskrit, not a published edition

BrP 163.18

यथान्यायं पूजयित्वा शाकल्यो भोजनं ददौ आपोशनं करे कृत्वा परशुर् वाक्यम् अब्रवीत् ॥

yathānyāyaṃ pūjayitvā śākalyo bhojanaṃ dadau āpośanaṃ kare kṛtvā paraśur vākyam abravīt //

having honoured (him) as is proper, Śākalya gave him food; having taken the sipping-water in his hand, Paraśu spoke these words:

AI translation rendered from the Sanskrit, not a published edition

BrP 163.19

दूराद् अभ्यागतं श्रान्तम् अनुगच्छन्ति देवताः तस्मिंस् तृप्ते तु तृप्ताः स्युर् अतृप्ते तु विपर्ययः ॥

dūrād abhyāgataṃ śrāntam anugacchanti devatāḥ tasmiṃs tṛpte tu tṛptāḥ syur atṛpte tu viparyayaḥ //

"The gods follow one who has come from afar, weary; when he is satisfied they too are satisfied, but when he is unsatisfied it is the reverse.

AI translation rendered from the Sanskrit, not a published edition

BrP 163.20

अतिथिश् चापवादी च द्वाव् एतौ विश्वबान्धवौ अपवादी हरेत् पापम् अतिथिः स्वर्गसंक्रमः ॥

atithiś cāpavādī ca dvāv etau viśvabāndhavau apavādī haret pāpam atithiḥ svargasaṃkramaḥ //

The guest and the reviler—these two are kin to all: the reviler carries away (one's) sin, the guest is a passage to heaven.

AI translation rendered from the Sanskrit, not a published edition

BrP 163.21

अभ्यागतं पथि श्रान्तं सावज्ञं यो ऽभिवीक्षते तत्क्षणाद् एव नश्यन्ति तस्य धर्मयशःश्रियः ॥

abhyāgataṃ pathi śrāntaṃ sāvajñaṃ yo 'bhivīkṣate tatkṣaṇād eva naśyanti tasya dharmayaśaḥśriyaḥ //

Whoever looks with contempt upon one arrived weary from the road—in that very instant his merit, fame and fortune perish.

AI translation rendered from the Sanskrit, not a published edition

BrP 163.22

तस्माद् अभ्यागतः श्रान्तो याचे ऽहं त्वां द्विजोत्तम दास्यसे यदि मे कामं तद् भोक्ष्ये ऽहं न चान्यथा ॥

tasmād abhyāgataḥ śrānto yāce 'haṃ tvāṃ dvijottama dāsyase yadi me kāmaṃ tad bhokṣye 'haṃ na cānyathā //

Therefore, having arrived weary, I ask you, best of brahmins: if you will grant me my desire, then I shall eat, and not otherwise."

AI translation rendered from the Sanskrit, not a published edition

BrP 163.23

दत्तम् इत्य् एव शाकल्यो भुङ्क्ष्वेत्य् एवाह राक्षसम् ततः प्रोवाच परशुर् अहं राक्षससत्तमः ॥

dattam ity eva śākalyo bhuṅkṣvety evāha rākṣasam tataḥ provāca paraśur ahaṃ rākṣasasattamaḥ //

Śākalya said to the rākṣasa only, "It is granted; eat." Then Paraśu said, "I am the foremost of rākṣasas.

AI translation rendered from the Sanskrit, not a published edition

BrP 163.24

नाहं द्विजस् तव रिपुर् न वृद्धः पलितः कृशः बहूनि मे व्यतीतानि वर्षाणि त्वां प्रपश्यतः ॥

nāhaṃ dvijas tava ripur na vṛddhaḥ palitaḥ kṛśaḥ bahūni me vyatītāni varṣāṇi tvāṃ prapaśyataḥ //

I am no brahmin, (but) your enemy; not old, grey-haired, or thin. Many years of mine have passed while I watched for you.

AI translation rendered from the Sanskrit, not a published edition

BrP 163.25

शुष्यन्ति मम गात्राणि ग्रीष्मे स्वल्पोदकं यथा तस्मान् नेष्ये सानुगं त्वां भक्षयिष्ये द्विजोत्तम ॥

śuṣyanti mama gātrāṇi grīṣme svalpodakaṃ yathā tasmān neṣye sānugaṃ tvāṃ bhakṣayiṣye dvijottama //

My limbs are drying up, like scant water in the hot season; therefore I shall not carry you off—I shall eat you together with your followers, best of brahmins."

AI translation rendered from the Sanskrit, not a published edition

BrP 163.26

श्रुत्वा परशुवाक्यं तच् छाकल्यो वाक्यम् अब्रवीत् ॥

śrutvā paraśuvākyaṃ tac chākalyo vākyam abravīt //

Having heard that speech of Paraśu, Śākalya spoke these words:

AI translation rendered from the Sanskrit, not a published edition

BrP 163.27

ये महाकुलसंभूता विज्ञातसकलागमाः तत् प्रतिश्रुतम् अभ्येति न जात्व् अत्र विपर्ययम् ॥

ye mahākulasaṃbhūtā vijñātasakalāgamāḥ tat pratiśrutam abhyeti na jātv atra viparyayam //

"Those who are born of a great family and have learned all the scriptures—what has been promised (by them) comes about; here there is never any reversal.

AI translation rendered from the Sanskrit, not a published edition

BrP 163.28

यथोचितं कुरु सखे तथापि शृणु मे वचः निहन्तुम् अप्य् उद्यतेषु वक्तव्यं हितम् उत्तमैः ॥

yathocitaṃ kuru sakhe tathāpi śṛṇu me vacaḥ nihantum apy udyateṣu vaktavyaṃ hitam uttamaiḥ //

Do as is fitting, friend; yet hear my word: even to those set on killing, the best of men should speak what is beneficial.

AI translation rendered from the Sanskrit, not a published edition

BrP 163.29

ब्राह्मणो ऽहं वज्रतनुः सर्वतो रक्षको हरिः पादौ रक्षतु मे विष्णुः शिरो देवो जनार्दनः ॥

brāhmaṇo 'haṃ vajratanuḥ sarvato rakṣako hariḥ pādau rakṣatu me viṣṇuḥ śiro devo janārdanaḥ //

I am a brahmin with a body of adamant; Hari is my protector on all sides. May Viṣṇu guard my feet, the god Janārdana my head;

AI translation rendered from the Sanskrit, not a published edition

BrP 163.30

बाहू रक्षतु वाराहः पृष्ठं रक्षतु कूर्मराट् हृदयं रक्षतात् कृष्णो ह्य् अङ्गुली रक्षतान् मृगः ॥

bāhū rakṣatu vārāhaḥ pṛṣṭhaṃ rakṣatu kūrmarāṭ hṛdayaṃ rakṣatāt kṛṣṇo hy aṅgulī rakṣatān mṛgaḥ //

may the Boar guard my arms, may the king of tortoises guard my back, may Kṛṣṇa guard my heart, may the deer guard my fingers;

AI translation rendered from the Sanskrit, not a published edition

BrP 163.31

मुखं रक्षतु वागीशो नेत्रे रक्षतु पक्षिगः श्रोत्रं रक्षतु वित्तेशः सर्वतो रक्षताद् भवः नानापत्स्व् एकशरणं देवो नारायणः स्वयम् ॥

mukhaṃ rakṣatu vāgīśo netre rakṣatu pakṣigaḥ śrotraṃ rakṣatu vitteśaḥ sarvato rakṣatād bhavaḥ nānāpatsv ekaśaraṇaṃ devo nārāyaṇaḥ svayam //

may the lord of speech guard my mouth, may the bird-rider guard my eyes, may the lord of wealth guard my hearing, may Bhava guard me on all sides; in manifold calamities the one refuge is the god Nārāyaṇa himself."

AI translation rendered from the Sanskrit, not a published edition

BrP 163.32

एवम् उक्त्वा तु शाकल्यो नय वा भक्ष वा सुखम् मां राक्षसेन्द्र परशो त्वम् इदानीम् अतन्द्रितः ॥

evam uktvā tu śākalyo naya vā bhakṣa vā sukham māṃ rākṣasendra paraśo tvam idānīm atandritaḥ //

Having spoken thus, Śākalya (said): "Carry me off or eat me at your ease now, unwearied Paraśu, lord of rākṣasas."

AI translation rendered from the Sanskrit, not a published edition

BrP 163.33

राक्षसस् तस्य वचनाद् भक्षणाय समुद्यतः नास्त्य् एव हृदये नूनं पापिनां करुणाकणः ॥

rākṣasas tasya vacanād bhakṣaṇāya samudyataḥ nāsty eva hṛdaye nūnaṃ pāpināṃ karuṇākaṇaḥ //

At his word the rākṣasa made ready to devour (him)—surely there is not in the heart of the wicked even a grain of compassion.

AI translation rendered from the Sanskrit, not a published edition

BrP 163.34

दंष्ट्राकरालवदनो गत्वा तस्यान्तिकं तदा ब्राह्मणं तं निरीक्ष्यैवं परशुर् वाक्यम् अब्रवीत् ॥

daṃṣṭrākarālavadano gatvā tasyāntikaṃ tadā brāhmaṇaṃ taṃ nirīkṣyaivaṃ paraśur vākyam abravīt //

Then, his mouth gaping with fangs, having gone near him and looked at that brahmin, Paraśu spoke these words:

AI translation rendered from the Sanskrit, not a published edition

BrP 163.35

शङ्खचक्रगदापाणिं त्वां पश्ये ऽहं द्विजोत्तम सहस्रपादशिरसं सहस्राक्षकरं विभुम् ॥

śaṅkhacakragadāpāṇiṃ tvāṃ paśye 'haṃ dvijottama sahasrapādaśirasaṃ sahasrākṣakaraṃ vibhum //

"I see you, best of brahmins, with conch, discus and mace in your hands, thousand-footed and thousand-headed, thousand-eyed and thousand-handed, all-pervading,

AI translation rendered from the Sanskrit, not a published edition

BrP 163.36

सर्वभूतैकनिलयं छन्दोरूपं जगन्मयम् त्वाम् अद्य विप्र पश्यामि नास्ति ते पूर्वकं वपुः ॥

sarvabhūtaikanilayaṃ chandorūpaṃ jaganmayam tvām adya vipra paśyāmi nāsti te pūrvakaṃ vapuḥ //

the single abode of all beings, whose form is the Vedic metres, consisting of the world—thus I see you today, brahmin; your former body is no more.

AI translation rendered from the Sanskrit, not a published edition

BrP 163.37

तस्मात् प्रसादये विप्र त्वम् एव शरणं भव ज्ञानं देहि महाबुद्धे तीर्थं ब्रूह्य् अघनिष्कृतिम् ॥

tasmāt prasādaye vipra tvam eva śaraṇaṃ bhava jñānaṃ dehi mahābuddhe tīrthaṃ brūhy aghaniṣkṛtim //

"Therefore I seek your favour, brahmin; be you yourself (my) refuge. Grant me knowledge, O greatly wise one; tell me of a sacred ford, the expiation of sin."

AI translation rendered from the Sanskrit, not a published edition

BrP 163.38

महतां दर्शनं ब्रह्मञ् जायते नहि निष्फलम् द्वेषाद् अज्ञानतो वापि प्रसङ्गाद् वा प्रमादतः ॥

mahatāṃ darśanaṃ brahmañ jāyate nahi niṣphalam dveṣād ajñānato vāpi prasaṅgād vā pramādataḥ //

"The sight of the great ones, O brahmin, never becomes fruitless — (whether it come about) through hatred, or through ignorance, or through mere contact, or through inadvertence."

AI translation rendered from the Sanskrit, not a published edition

BrP 163.39

अयसः स्पर्शसंस्पर्शो रुक्मत्वायैव जायते ॥

ayasaḥ sparśasaṃsparśo rukmatvāyaiva jāyate //

"The touch of contact with the (touch-)stone occurs for iron only for the sake of its becoming gold."

AI translation rendered from the Sanskrit, not a published edition — the model flagged this verse as uncertain

BrP 163.40

एतद् वाक्यं समाकर्ण्य राक्षसेन समीरितम् शाकल्यः कृपया प्राह वरदा सा सरस्वती ॥

etad vākyaṃ samākarṇya rākṣasena samīritam śākalyaḥ kṛpayā prāha varadā sā sarasvatī //

Having heard this speech uttered by the rākṣasa, Śākalya out of compassion spoke — that Sarasvatī (i.e. speech) of his being boon-granting:

AI translation rendered from the Sanskrit, not a published edition

BrP 163.41

तवाचिराद् दैत्यपते ततः स्तुहि जनार्दनम् मनोरथफलप्राप्तौ नान्यन् नारायणस्तुतेः ॥

tavācirād daityapate tataḥ stuhi janārdanam manorathaphalaprāptau nānyan nārāyaṇastuteḥ //

"(It will be granted) to you before long, O lord of the daityas; therefore praise Janārdana. For the obtaining of the fruit of one's wish there is nothing other than the praise of Nārāyaṇa —

AI translation rendered from the Sanskrit, not a published edition — the model flagged this verse as uncertain

BrP 163.42

किंचिद् अप्य् अस्ति लोके ऽस्मिन् कारणं शृणु राक्षस प्रसन्ना तव सा देवी मद्वाक्याच् च भविष्यति ॥

kiṃcid apy asti loke 'smin kāraṇaṃ śṛṇu rākṣasa prasannā tava sā devī madvākyāc ca bhaviṣyati //

— nor is there any (other) cause at all in this world. Listen, rākṣasa: by my word too that goddess will become gracious to you."

AI translation rendered from the Sanskrit, not a published edition

BrP 163.43

तथेत्य् उक्त्वा स परशुर् गङ्गां त्रैलोक्यपावनीम् स्नात्वा शुचिर् यतमना गङ्गाम् अभिमुखः स्थितः ॥

tathety uktvā sa paraśur gaṅgāṃ trailokyapāvanīm snātvā śucir yatamanā gaṅgām abhimukhaḥ sthitaḥ //

Saying "So be it," that Paraśu, having bathed in the Gaṅgā that purifies the three worlds, pure and with restrained mind, stood facing the Gaṅgā.

AI translation rendered from the Sanskrit, not a published edition

BrP 163.44

तत्रापश्यद् दिव्यरूपां दिव्यगन्धानुलेपनाम् सरस्वतीं जगद्धात्रीं शाकल्यवचने स्थिताम् ॥

tatrāpaśyad divyarūpāṃ divyagandhānulepanām sarasvatīṃ jagaddhātrīṃ śākalyavacane sthitām //

There he saw Sarasvatī, the sustainer of the world, of divine form, anointed with divine fragrance, present in Śākalya's speech,

AI translation rendered from the Sanskrit, not a published edition

BrP 163.45

जगज्जाड्यहरां विश्वजननीं भुवनेश्वरीम् ताम् उवाच विनीतात्मा परशुर् गतकल्मषः ॥

jagajjāḍyaharāṃ viśvajananīṃ bhuvaneśvarīm tām uvāca vinītātmā paraśur gatakalmaṣaḥ //

her who removes the world's dullness, the mother of all, mistress of the worlds. To her Paraśu, humble-minded and freed of his stain, said:

AI translation rendered from the Sanskrit, not a published edition

BrP 163.46

गुरुः शाकल्य इत्य् आह माकान्तं स्तुहि विध्वजम् तव प्रसादात् सा शक्तिर् यथा मे स्यात् तथा कुरु ॥

guruḥ śākalya ity āha mākāntaṃ stuhi vidhvajam tava prasādāt sā śaktir yathā me syāt tathā kuru //

"My teacher Śākalya spoke thus: 'Praise the beloved of Mā (Lakṣmī), the bannered one.' By your grace, act so that I may have that power."

AI translation rendered from the Sanskrit, not a published edition — the model flagged this verse as uncertain

BrP 163.47

तथास्त्व् इति च सा प्राह परशुं श्रीसरस्वती सरस्वत्याः प्रसादेन परशुस् तं जनार्दनम् ॥

tathāstv iti ca sā prāha paraśuṃ śrīsarasvatī sarasvatyāḥ prasādena paraśus taṃ janārdanam //

And she, the glorious Sarasvatī, said to Paraśu, "So be it." By Sarasvatī's grace Paraśu (praised) that Janārdana

AI translation rendered from the Sanskrit, not a published edition

BrP 163.48

तुष्टाव विविधैर् वाक्यैस् ततस् तुष्टो ऽभवद् धरिः वरं प्रादाद् राक्षसाय कृपासिन्धुर् जनार्दनः ॥

tuṣṭāva vividhair vākyais tatas tuṣṭo 'bhavad dhariḥ varaṃ prādād rākṣasāya kṛpāsindhur janārdanaḥ //

— he praised (him) with manifold words; then Hari became pleased, and Janārdana, an ocean of compassion, granted a boon to the rākṣasa:

AI translation rendered from the Sanskrit, not a published edition

BrP 163.49

यद् यन् मनोगतं रक्षस् तत् तत् सर्वं भविष्यति ॥

yad yan manogataṃ rakṣas tat tat sarvaṃ bhaviṣyati //

"Whatever is in your mind, rākṣasa, all that shall come to be."

AI translation rendered from the Sanskrit, not a published edition

BrP 163.50

शाकल्यस्य प्रसादेन गौतम्याश् च प्रसादतः सरस्वत्याः प्रसादेन नरसिंहप्रसादतः ॥

śākalyasya prasādena gautamyāś ca prasādataḥ sarasvatyāḥ prasādena narasiṃhaprasādataḥ //

By the grace of Śākalya and by the grace of the Gautamī, by the grace of Sarasvatī and by the grace of Narasiṃha —

AI translation rendered from the Sanskrit, not a published edition

BrP 163.51

पापिष्ठो ऽपि तदा रक्षः परशुर् दिवम् एयिवान् सर्वतीर्थाङ्घ्रिपद्मस्य प्रसादाच् छार्ङ्गधन्वनः ॥

pāpiṣṭho 'pi tadā rakṣaḥ paraśur divam eyivān sarvatīrthāṅghripadmasya prasādāc chārṅgadhanvanaḥ //

the rākṣasa Paraśu, though most sinful, then went to heaven, by the grace of the bearer of the Śārṅga bow, whose lotus feet are all the sacred fords.

AI translation rendered from the Sanskrit, not a published edition

BrP 163.52

ततः प्रभृति तत् तीर्थं सारस्वतम् इति श्रुतम् तत्र स्नानेन दानेन विष्णुलोके महीयते ॥

tataḥ prabhṛti tat tīrthaṃ sārasvatam iti śrutam tatra snānena dānena viṣṇuloke mahīyate //

From then on that ford has been known as Sārasvata; by bathing and by giving there one is honoured in Viṣṇu's world.

AI translation rendered from the Sanskrit, not a published edition

BrP 163.53

वाग्जवैष्णवशाकल्यपरशुप्रभवाणि हि बहून्य् अभूवंस् तीर्थानि तस्मिन् वै श्वेतपर्वते ॥

vāgjavaiṣṇavaśākalyaparaśuprabhavāṇi hi bahūny abhūvaṃs tīrthāni tasmin vai śvetaparvate //

Indeed many fords arose on that White Mountain, originating from Vāgjā (Sarasvatī), from Vaiṣṇava, from Śākalya and from Paraśu.

AI translation rendered from the Sanskrit, not a published edition — the model flagged this verse as uncertain