Brahma Purana — Chapter 162
BrP 162.1
मन्युतीर्थम् इति ख्यातं सर्वपापप्रणाशनम् सर्वकामप्रदं नॄणां स्मरणाद् अघनाशनम् ॥
manyutīrtham iti khyātaṃ sarvapāpapraṇāśanam sarvakāmapradaṃ nṝṇāṃ smaraṇād aghanāśanam //
(There is a ford) known as Manyutīrtha, which destroys all sins, grants men all their desires, and removes evil by being remembered.
AI translation rendered from the Sanskrit, not a published edition
BrP 162.2
तस्य प्रभावं वक्ष्यामि शृणुष्वावहितो मुने देवानां दानवानां च संगरो ऽभून् मिथः पुरा ॥
tasya prabhāvaṃ vakṣyāmi śṛṇuṣvāvahito mune devānāṃ dānavānāṃ ca saṃgaro 'bhūn mithaḥ purā //
I shall tell its power; listen attentively, O sage. Long ago there was a battle between the gods and the dānavas with one another.
AI translation rendered from the Sanskrit, not a published edition
BrP 162.3
तत्राजयन् नैव सुरा दानवा जयिनो ऽभवन् पराङ्मुखाः सुरगणाः संगराद् गतचेतसः ॥
tatrājayan naiva surā dānavā jayino 'bhavan parāṅmukhāḥ suragaṇāḥ saṃgarād gatacetasaḥ //
There the gods did not conquer at all; the dānavas became the victors. The hosts of gods turned their faces away, their senses lost from the battle.
AI translation rendered from the Sanskrit, not a published edition
BrP 162.4
माम् अभ्येत्य समूचुस् ते देहि नो ऽभयकारणम् तान् अहं प्रत्यवोचं वै गङ्गां गच्छत सर्वशः ॥
mām abhyetya samūcus te dehi no 'bhayakāraṇam tān ahaṃ pratyavocaṃ vai gaṅgāṃ gacchata sarvaśaḥ //
Coming to me they said: "Grant us a means of safety." To them I replied: "Go, all of you, to the Gaṅgā."
AI translation rendered from the Sanskrit, not a published edition
BrP 162.5
तत्र वै गौतमीतीरे स्तुत्वा देवं महेश्वरम् अनपायनिरायाससहजानन्दसुन्दरम् ॥
tatra vai gautamītīre stutvā devaṃ maheśvaram anapāyanirāyāsasahajānandasundaram //
"There, on the bank of the Gautamī, praising the god Maheśvara, who is beautiful with innate bliss, free of decline and of effort—"
AI translation rendered from the Sanskrit, not a published edition
BrP 162.6
लप्स्यते सर्वविबुधा जयहेतुर् महेश्वरात् तथेत्य् उक्त्वा सुरगणाः स्तुवन्ति स्म महेश्वरम् ॥
lapsyate sarvavibudhā jayahetur maheśvarāt tathety uktvā suragaṇāḥ stuvanti sma maheśvaram //
"—all you gods will obtain from Maheśvara the cause of victory." Saying "So be it," the hosts of gods praised Maheśvara.
AI translation rendered from the Sanskrit, not a published edition — the model flagged this verse as uncertain
BrP 162.7
तपो ऽतप्यन्त केचिद् वै ननृतुश् च तथापरे अस्नापयंश् च केचिच् च ऽपूजयंश् च तथापरे ॥
tapo 'tapyanta kecid vai nanṛtuś ca tathāpare asnāpayaṃś ca kecic ca 'pūjayaṃś ca tathāpare //
Some of them practised austerity, and others danced; some bathed (the god), and others worshipped him.
AI translation rendered from the Sanskrit, not a published edition
BrP 162.8
ततः प्रसन्नो भगवाञ् शूलपाणिर् महेश्वरः देवान् अथाब्रवीत् तुष्टो व्रियतां यद् अभीप्सितम् ॥
tataḥ prasanno bhagavāñ śūlapāṇir maheśvaraḥ devān athābravīt tuṣṭo vriyatāṃ yad abhīpsitam //
Then the blessed Maheśvara, the trident-bearer, being pleased and satisfied, said to the gods: "Let what is desired be chosen."
AI translation rendered from the Sanskrit, not a published edition
BrP 162.9
देवा ऊचुः सुरपतिं विजयाय ददस्व नः पुरुषं परमश्लाघ्यं रणेषु पुरतः स्थितम् ॥
devā ūcuḥ surapatiṃ vijayāya dadasva naḥ puruṣaṃ paramaślāghyaṃ raṇeṣu purataḥ sthitam //
The gods said: "For victory give us as lord of the gods a supremely praiseworthy man, one who stands in front in battles,
AI translation rendered from the Sanskrit, not a published edition
BrP 162.10
यद्बाहुबलम् आश्रित्य भवामः सुखिनो वयम् तथेत्य् उवाच भगवान् देवान् प्रति महेश्वरः ॥
yadbāhubalam āśritya bhavāmaḥ sukhino vayam tathety uvāca bhagavān devān prati maheśvaraḥ //
"(Give us one) upon whose strength of arm we may rely and become happy." "So be it," said the Lord Maheśvara to the gods.
AI translation rendered from the Sanskrit, not a published edition
BrP 162.11
आत्मनस् तेजसा कश्चिन् निर्मितः परमेष्ठिना मन्युनामानम् अत्युग्रं देवसैन्यपुरोगमम् ॥
ātmanas tejasā kaścin nirmitaḥ parameṣṭhinā manyunāmānam atyugraṃ devasainyapurogamam //
By the Supreme One, out of his own fiery energy, someone was fashioned, named Manyu (Wrath), exceedingly fierce, to go at the head of the army of the gods.
AI translation rendered from the Sanskrit, not a published edition — the model flagged this verse as uncertain
BrP 162.12
तं नत्वा त्रिदशाः सर्वे शिवं नत्वा स्वम् आलयम् मन्युना सह चाभ्येत्य पुनर् युद्धाय तस्थिरे ॥
taṃ natvā tridaśāḥ sarve śivaṃ natvā svam ālayam manyunā saha cābhyetya punar yuddhāya tasthire //
Having bowed to him and having bowed to Śiva, all the thirty gods (went) to their own abode, and coming together again with Manyu they took their stand for battle.
AI translation rendered from the Sanskrit, not a published edition — the model flagged this verse as uncertain
BrP 162.13
युद्धे स्थित्वा तु दनुजैर् दैतेयैश् च महाबलैः विबुधा जातसंनद्धा मन्युम् ऊचुः पुरः स्थिताः ॥
yuddhe sthitvā tu danujair daiteyaiś ca mahābalaiḥ vibudhā jātasaṃnaddhā manyum ūcuḥ puraḥ sthitāḥ //
But standing in battle with the danujas and the daiteyas of great might, the gods, having girded themselves, standing in front, said to Manyu:
AI translation rendered from the Sanskrit, not a published edition
BrP 162.14
सामर्थ्यं तव पश्यामः पश्चाद् योत्स्यामहे परैः तस्माद् दर्शय चात्मानं मन्यो ऽस्माकं युयुत्सताम् ॥
sāmarthyaṃ tava paśyāmaḥ paścād yotsyāmahe paraiḥ tasmād darśaya cātmānaṃ manyo 'smākaṃ yuyutsatām //
"We would (first) see your power; afterwards we shall fight with the foes. Therefore, Manyu, show yourself to us, who are eager for battle."
AI translation rendered from the Sanskrit, not a published edition
BrP 162.15
तद् देववचनं श्रुत्वा मन्युर् आह स्मयन्न् इव ॥
tad devavacanaṃ śrutvā manyur āha smayann iva //
Hearing that speech of the gods, Manyu said, as though smiling:
AI translation rendered from the Sanskrit, not a published edition
BrP 162.16
जनिता मम देवेशः सर्वज्ञः सर्वदृक् प्रभुः यः सर्वं वेत्ति सर्वेषां धामनाम मनःस्थितम् ॥
janitā mama deveśaḥ sarvajñaḥ sarvadṛk prabhuḥ yaḥ sarvaṃ vetti sarveṣāṃ dhāmanāma manaḥsthitam //
"My begetter is the lord of the gods, all-knowing, all-seeing, the master, who knows everything — the abode and the name of all (beings), which rests in the mind."
AI translation rendered from the Sanskrit, not a published edition — the model flagged this verse as uncertain
BrP 162.17
नैव कश्चिच् च तं वेत्ति यः सर्वं वेत्ति सर्वदा अमूर्तं मूर्तम् अप्य् एतद् वेत्ति कर्ता जगन्मयः ॥
naiva kaścic ca taṃ vetti yaḥ sarvaṃ vetti sarvadā amūrtaṃ mūrtam apy etad vetti kartā jaganmayaḥ //
"And no one at all knows him who knows everything at all times; he knows this (world), both formless and having form — the maker, who consists of the world."
AI translation rendered from the Sanskrit, not a published edition
BrP 162.18
परो ऽसौ भगवान् साक्षात् तथा दिव्य् अन्तरिक्षगः कस् तस्य रूपं यो वेद कस्य कर्ता जगन्मयः ॥
paro 'sau bhagavān sākṣāt tathā divy antarikṣagaḥ kas tasya rūpaṃ yo veda kasya kartā jaganmayaḥ //
That Blessed One is supreme, immediately present, and likewise moving in the divine sky. Who is there who knows his form? Whose maker is he, the one made of (all) the world?
AI translation rendered from the Sanskrit, not a published edition — the model flagged this verse as uncertain
BrP 162.19
एवंविधाद् अहं जातो मां कथं वेत्तुम् अर्हथ अथवा द्रष्टुकामा वै भवन्तो मानुपश्यत ॥
evaṃvidhād ahaṃ jāto māṃ kathaṃ vettum arhatha athavā draṣṭukāmā vai bhavanto mānupaśyata //
I am born from such a one; how then are you fit to know me? Or, if you truly wish to see, look upon me.
AI translation rendered from the Sanskrit, not a published edition
BrP 162.20
इत्य् उक्त्वा दर्शयाम् आस मन्यू रूपं स्वकं महत् तार्तीयचक्षुषोद्भूतं भवस्य परमेष्ठिनः ॥
ity uktvā darśayām āsa manyū rūpaṃ svakaṃ mahat tārtīyacakṣuṣodbhūtaṃ bhavasya parameṣṭhinaḥ //
Having said this, Manyu displayed his own great form, which had arisen from the third eye of Bhava, the supreme lord.
AI translation rendered from the Sanskrit, not a published edition
BrP 162.21
तेजसा संभृतं रूपं यतः सर्वं तद् उच्यते पौरुषं पुरुषेष्व् एव अहंकारश् च जन्तुषु ॥
tejasā saṃbhṛtaṃ rūpaṃ yataḥ sarvaṃ tad ucyate pauruṣaṃ puruṣeṣv eva ahaṃkāraś ca jantuṣu //
(It was) a form massed together out of fiery energy, from which all that is called virile power in men, and egoism in living beings, (derives).
AI translation rendered from the Sanskrit, not a published edition — the model flagged this verse as uncertain
BrP 162.22
क्रोधः सर्वस्य यो भीम उपसंहारकृद् भवेत् तं शंकरप्रतिनिधिं ज्वलन्तं निजतेजसा ॥
krodhaḥ sarvasya yo bhīma upasaṃhārakṛd bhavet taṃ śaṃkarapratinidhiṃ jvalantaṃ nijatejasā //
The wrath of all (beings), which is terrible and becomes the agent of destruction — (that was) he, the counterpart of Śaṃkara, blazing with his own fiery energy;
AI translation rendered from the Sanskrit, not a published edition — the model flagged this verse as uncertain
BrP 162.23
सर्वायुधधरं दृष्ट्वा प्रणेमुः सर्वदेवताः वित्रेसुर् दैत्यदनुजाः कृताञ्जलिपुटाः सुराः ॥
sarvāyudhadharaṃ dṛṣṭvā praṇemuḥ sarvadevatāḥ vitresur daityadanujāḥ kṛtāñjalipuṭāḥ surāḥ //
Seeing (him) bearing all weapons, all the deities bowed down; the Daityas and Dānavas trembled, and the gods (stood) with their palms joined in salutation.
AI translation rendered from the Sanskrit, not a published edition
BrP 162.24
भूत्वा मन्युम् अथोचुस् ते त्वं सेनानीः प्रभो भव त्वया दत्तम् इदं राज्यं मन्यो भोक्ष्यामहे वयम् ॥
bhūtvā manyum athocus te tvaṃ senānīḥ prabho bhava tvayā dattam idaṃ rājyaṃ manyo bhokṣyāmahe vayam //
Then, having become (thus assembled), they said to Manyu: "You, O lord, be (our) commander of the army. This kingdom, given by you, O Manyu, we shall enjoy."
AI translation rendered from the Sanskrit, not a published edition — the model flagged this verse as uncertain
BrP 162.25
तस्मात् सर्वेषु कार्येषु जेता त्वं जयवर्धनः त्वम् इन्द्रस् त्वं च वरुणो लोकपालास् त्वम् एव च ॥
tasmāt sarveṣu kāryeṣu jetā tvaṃ jayavardhanaḥ tvam indras tvaṃ ca varuṇo lokapālās tvam eva ca //
— tr. refused: cyber
BrP 162.26
अस्मासु सर्वदेवेषु प्रविश त्वं जयाय वै मन्युः प्रोवाच तान् सर्वान् विना मत्तो न किंचन ॥
asmāsu sarvadeveṣu praviśa tvaṃ jayāya vai manyuḥ provāca tān sarvān vinā matto na kiṃcana //
"Enter into us, into all the gods, for the sake of victory." Manyu (Wrath) said to them all: "Apart from me there is nothing whatever."
AI translation rendered from the Sanskrit, not a published edition
BrP 162.27
सर्वेष्व् अन्तः प्रविष्टो ऽहं न मां जानाति कश्चन स एव भगवान् मन्युस् ततो जातः पृथक् पृथक् ॥
sarveṣv antaḥ praviṣṭo 'haṃ na māṃ jānāti kaścana sa eva bhagavān manyus tato jātaḥ pṛthak pṛthak //
"I have entered within all beings; no one knows me." That very lord Manyu was thereupon born separately (in each).
AI translation rendered from the Sanskrit, not a published edition
BrP 162.28
स एव रुद्ररूपी स्याद् रुद्रो मन्युः शिवो ऽभवत् स्थावरं जङ्गमं चैव सर्वं व्याप्तं हि मन्युना ॥
sa eva rudrarūpī syād rudro manyuḥ śivo 'bhavat sthāvaraṃ jaṅgamaṃ caiva sarvaṃ vyāptaṃ hi manyunā //
He himself would be the one having Rudra's form; Rudra, (that is) Wrath, became Śiva. Whatever is unmoving and whatever moves — all of it is pervaded by Wrath.
AI translation rendered from the Sanskrit, not a published edition
BrP 162.29
तम् अवाप्य सुराः सर्वे जयम् आपुश् च संगरे जयो मन्युश् च शौर्यं च ईशतेजःसमुद्भवम् ॥
tam avāpya surāḥ sarve jayam āpuś ca saṃgare jayo manyuś ca śauryaṃ ca īśatejaḥsamudbhavam //
Having obtained him, all the gods attained victory in the encounter; victory, wrath, and valour arise from the splendour of Īśa.
AI translation rendered from the Sanskrit, not a published edition
BrP 162.30
मन्युना जयम् आप्याथ कृत्वा दैत्यैश् च संगमम् यथागतं ययुः सर्वे मन्युना परिरक्षिताः ॥
manyunā jayam āpyātha kṛtvā daityaiś ca saṃgamam yathāgataṃ yayuḥ sarve manyunā parirakṣitāḥ //
Then, having gained victory through Manyu (Wrath) and having joined battle with the Daityas, they all went as they had come, protected by Manyu.
AI translation rendered from the Sanskrit, not a published edition
BrP 162.31
यत्र वै गौतमीतीरे शिवम् आराध्य ते सुराः मन्युम् आपुर् जयं चैव मन्युतीर्थं तद् उच्यते ॥
yatra vai gautamītīre śivam ārādhya te surāḥ manyum āpur jayaṃ caiva manyutīrthaṃ tad ucyate //
Because there, on the bank of the Gautamī, those gods, having propitiated Śiva, obtained Manyu and victory too, that (place) is called Manyutīrtha.
AI translation rendered from the Sanskrit, not a published edition
BrP 162.32
उत्पत्तिं च तथा मन्योर् यो नरः प्रयतः स्मरेत् विजयो जायते तस्य न कैश्चित् परिभूयते ॥
utpattiṃ ca tathā manyor yo naraḥ prayataḥ smaret vijayo jāyate tasya na kaiścit paribhūyate //
And the man who, self-restrained, calls to mind the origin of Manyu—victory comes to be his, and he is not overcome by any.
AI translation rendered from the Sanskrit, not a published edition
BrP 162.33
न मन्युतीर्थसदृशं पावनं हि महामुने यत्र साक्षान् मन्युरूपी सर्वदा शंकरः स्थितः तत्र स्नानं च दानं च स्मरणं सर्वकामदम् ॥
na manyutīrthasadṛśaṃ pāvanaṃ hi mahāmune yatra sākṣān manyurūpī sarvadā śaṃkaraḥ sthitaḥ tatra snānaṃ ca dānaṃ ca smaraṇaṃ sarvakāmadam //
There is no purifier equal to Manyutīrtha, O great sage, where Śaṃkara in the form of Manyu is present in person always; there bathing and giving and remembrance grant all desires.
AI translation rendered from the Sanskrit, not a published edition