Brahma Purana — Chapter 161
BrP 161.1
कुशतर्पणम् आख्यातं प्रणीतासंगमं तथा तीर्थं सर्वेषु लोकेषु भुक्तिमुक्तिप्रदायकम् ॥
kuśatarpaṇam ākhyātaṃ praṇītāsaṃgamaṃ tathā tīrthaṃ sarveṣu lokeṣu bhuktimuktipradāyakam //
Kuśatarpaṇa is declared, and likewise the confluence with the Praṇītā — a sacred ford in all the worlds, bestowing enjoyment and liberation.
AI translation rendered from the Sanskrit, not a published edition
BrP 161.2
तस्य स्वरूपं वक्ष्यामि शृणु पापहरं शुभम् विन्ध्यस्य दक्षिणे पार्श्वे सह्यो नाम महागिरिः ॥
tasya svarūpaṃ vakṣyāmi śṛṇu pāpaharaṃ śubham vindhyasya dakṣiṇe pārśve sahyo nāma mahāgiriḥ //
I shall tell its nature; hear it, auspicious and destroying sin. On the southern side of the Vindhya is a great mountain named Sahya,
AI translation rendered from the Sanskrit, not a published edition
BrP 161.3
यदङ्घ्रिभ्यो ऽभवन् नद्यो गोदाभीमरथीमुखाः यत्राभवत् तद् विरजम् एकवीरा च यत्र सा ॥
yadaṅghribhyo 'bhavan nadyo godābhīmarathīmukhāḥ yatrābhavat tad virajam ekavīrā ca yatra sā //
from whose feet arose the rivers headed by the Godā and the Bhīmarathī, where that Viraja came to be, and where she, Ekavīrā, is.
AI translation rendered from the Sanskrit, not a published edition
BrP 161.4
न तस्य महिमा कैश्चिद् अपि शक्यो ऽनुवर्णितुम् तस्मिन् गिरौ पुण्यदेशे शृणु नारद यत्नतः ॥
na tasya mahimā kaiścid api śakyo 'nuvarṇitum tasmin girau puṇyadeśe śṛṇu nārada yatnataḥ //
Its greatness cannot be described by anyone at all. On that mountain, in that holy region — hear attentively, Nārada.
AI translation rendered from the Sanskrit, not a published edition
BrP 161.5
गुह्याद् गुह्यतरं वक्ष्ये साक्षाद् वेदोदितं शुभम् यन् न जानन्ति मुनयो देवाश् च पितरो ऽसुराः ॥
guhyād guhyataraṃ vakṣye sākṣād vedoditaṃ śubham yan na jānanti munayo devāś ca pitaro 'surāḥ //
I shall tell what is more secret than the secret, auspicious, directly declared in the Veda, which the sages do not know, nor the gods, the ancestors, or the Asuras.
AI translation rendered from the Sanskrit, not a published edition
BrP 161.6
तद् अहं प्रीतये वक्ष्ये श्रवणात् सर्वकामदम् परः स पुरुषो ज्ञेयो ह्य् अव्यक्तो ऽक्षर एव तु ॥
tad ahaṃ prītaye vakṣye śravaṇāt sarvakāmadam paraḥ sa puruṣo jñeyo hy avyakto 'kṣara eva tu //
That I shall tell for (your) pleasure; from the hearing of it it grants all desires. He is to be known as the supreme Puruṣa, unmanifest and indeed imperishable.
AI translation rendered from the Sanskrit, not a published edition
BrP 161.7
अपरश् च क्षरस् तस्मात् प्रकृत्यन्वित एव च निराकारात् सावयवः पुरुषः समजायत ॥
aparaś ca kṣaras tasmāt prakṛtyanvita eva ca nirākārāt sāvayavaḥ puruṣaḥ samajāyata //
And lower (than he) is the perishable, arising from him and joined with Prakṛti; from the formless one there was born a Puruṣa possessing parts.
AI translation rendered from the Sanskrit, not a published edition
BrP 161.8
तस्माद् आपः समुद्भूता अद्भ्यश् च पुरुषस् तथा ताभ्याम् अब्जं समुद्भूतं तत्राहम् अभवं मुने ॥
tasmād āpaḥ samudbhūtā adbhyaś ca puruṣas tathā tābhyām abjaṃ samudbhūtaṃ tatrāham abhavaṃ mune //
From that the waters arose, and from the waters likewise a Person; from those two a lotus arose, and there I came to be, O sage.
AI translation rendered from the Sanskrit, not a published edition
BrP 161.9
पृथिवी वायुर् आकाश आपो ज्योतिस् तथैव च एते मत्तः पूर्वतरा एकदैवाभवन् मुने ॥
pṛthivī vāyur ākāśa āpo jyotis tathaiva ca ete mattaḥ pūrvatarā ekadaivābhavan mune //
Earth, wind, ether, water and fire as well — these were earlier than I, and they came to be all at one time, O sage.
AI translation rendered from the Sanskrit, not a published edition
BrP 161.10
एतान् एव प्रपश्यामि नान्यत् स्थावरजङ्गमम् नैव वेदास् तदा चासन् नाहं द्रष्टास्मि किंचन ॥
etān eva prapaśyāmi nānyat sthāvarajaṅgamam naiva vedās tadā cāsan nāhaṃ draṣṭāsmi kiṃcana //
These alone I see, nothing else, whether unmoving or moving; nor did the Vedas exist then, nor am I the seer of anything.
AI translation rendered from the Sanskrit, not a published edition
BrP 161.11
यस्माद् अहं समुद्भूतो न पश्येयं तम् अप्य् अथ तूष्णीं स्थिते मयि तदा अश्रौषं वाचम् उत्तमाम् ॥
yasmād ahaṃ samudbhūto na paśyeyaṃ tam apy atha tūṣṇīṃ sthite mayi tadā aśrauṣaṃ vācam uttamām //
Him from whom I arose I could not see either; then, while I remained silent, I heard a supreme voice.
AI translation rendered from the Sanskrit, not a published edition
BrP 161.12
ब्रह्मन् कुरु जगत्सृष्टिं स्थावरस्य चरस्य च ॥
brahman kuru jagatsṛṣṭiṃ sthāvarasya carasya ca //
"Brahmā, make the creation of the world, of what is unmoving and what moves."
AI translation rendered from the Sanskrit, not a published edition
BrP 161.13
ततो ऽहम् अब्रवं वाचं परुषां तत्र नारद कथं स्रक्ष्ये क्व वा स्रक्ष्ये केन स्रक्ष्य इदं जगत् ॥
tato 'ham abravaṃ vācaṃ paruṣāṃ tatra nārada kathaṃ srakṣye kva vā srakṣye kena srakṣya idaṃ jagat //
Then I spoke a harsh word there, O Nārada: "How shall I create, or where shall I create, by what means shall I create this world?"
AI translation rendered from the Sanskrit, not a published edition
BrP 161.14
सैव वाग् अब्रवीद् दैवी प्रकृतिर् याभिधीयते विष्णुना प्रेरिता माता जगदीशा जगन्मयी ॥
saiva vāg abravīd daivī prakṛtir yābhidhīyate viṣṇunā preritā mātā jagadīśā jaganmayī //
That same voice spoke, the divine one which is called Prakṛti, impelled by Viṣṇu, the mother, ruler of the world, consisting of the world:
AI translation rendered from the Sanskrit, not a published edition
BrP 161.15
यज्ञं कुरु ततः शक्तिस् ते भवित्री न संशयः यज्ञो वै विष्णुर् इत्य् एषा श्रुतिर् ब्रह्मन् सनातनी ॥
yajñaṃ kuru tataḥ śaktis te bhavitrī na saṃśayaḥ yajño vai viṣṇur ity eṣā śrutir brahman sanātanī //
"Perform a sacrifice; from that the power will come to be for you, there is no doubt. 'Sacrifice is indeed Viṣṇu' — this, O Brahmā, is the eternal Vedic word.
AI translation rendered from the Sanskrit, not a published edition
BrP 161.16
किं यज्वनाम् असाध्यं स्याद् इह लोके परत्र च ॥
kiṃ yajvanām asādhyaṃ syād iha loke paratra ca //
What could be unattainable for the sacrificers, in this world and in the next?"
AI translation rendered from the Sanskrit, not a published edition
BrP 161.17
पुनस् ताम् अब्रवं देवीं क्व वा केनेति तद् वद यज्ञः कार्यो महाभागे ततः सोवाच मां प्रति ॥
punas tām abravaṃ devīṃ kva vā keneti tad vada yajñaḥ kāryo mahābhāge tataḥ sovāca māṃ prati //
Again I said to that goddess: "Tell that — where, or by what means, is the sacrifice to be performed, O greatly blessed one?" Then she spoke to me:
AI translation rendered from the Sanskrit, not a published edition
BrP 161.18
ॐकारभूता या देवी मातृकल्पा जगन्मयी कर्मभूमौ यजस्वेह यज्ञेशं यज्ञपूरुषम् ॥
oṃkārabhūtā yā devī mātṛkalpā jaganmayī karmabhūmau yajasveha yajñeśaṃ yajñapūruṣam //
The goddess who has become the syllable Oṃ, who is like a mother, who consists of the world (said): "Here, on the field of action, sacrifice to the lord of sacrifice, the Sacrifice-Person.
AI translation rendered from the Sanskrit, not a published edition
BrP 161.19
स एव साधनं ते स्यात् तेन तं यज सुव्रत यज्ञः स्वाहा स्वधा मन्त्रा ब्राह्मणा हविरादिकम् ॥
sa eva sādhanaṃ te syāt tena taṃ yaja suvrata yajñaḥ svāhā svadhā mantrā brāhmaṇā havirādikam //
He himself will be your means; by him sacrifice to him, O you of good vows. Sacrifice, svāhā, svadhā, the mantras, the brahmins, the oblation and the rest —
AI translation rendered from the Sanskrit, not a published edition
BrP 161.20
हरिर् एवाखिलं तेन सर्वं विष्णोर् अवाप्यते ॥
harir evākhilaṃ tena sarvaṃ viṣṇor avāpyate //
all that is Hari alone; by him everything is obtained from Viṣṇu."
AI translation rendered from the Sanskrit, not a published edition — the model flagged this verse as uncertain
BrP 161.21
पुनस् ताम् अब्रवं देवीं कर्मभूः क्व विधीयते तदा नारद नैवासीद् भागीरथ्य् अथ नर्मदा ॥
punas tām abravaṃ devīṃ karmabhūḥ kva vidhīyate tadā nārada naivāsīd bhāgīrathy atha narmadā //
Again I said to that goddess: "Where is the field of action ordained?" For then, O Nārada, there was no Bhāgīrathī, nor Narmadā,
AI translation rendered from the Sanskrit, not a published edition
BrP 161.22
यमुना नैव तापी सा सरस्वत्य् अथ गौतमी समुद्रो वा नदः कश्चिन् न सरः सरितो ऽमलाः सा शक्तिः पुनर् अप्य् एवं माम् उवाच पुनः पुनः ॥
yamunā naiva tāpī sā sarasvaty atha gautamī samudro vā nadaḥ kaścin na saraḥ sarito 'malāḥ sā śaktiḥ punar apy evaṃ mām uvāca punaḥ punaḥ //
no Yamunā, no Tāpī, no Sarasvatī nor Gautamī, no ocean nor any great river, no lake, no spotless streams. That Power spoke to me thus once more, again and again:
AI translation rendered from the Sanskrit, not a published edition
BrP 161.23
सुमेरोर् दक्षिणे पार्श्वे तथा हिमवतो गिरेः दक्षिणे चापि विन्ध्यस्य सह्याच् चैवाथ दक्षिणे सर्वस्य सर्वकाले तु कर्मभूमिः शुभोदया ॥
sumeror dakṣiṇe pārśve tathā himavato gireḥ dakṣiṇe cāpi vindhyasya sahyāc caivātha dakṣiṇe sarvasya sarvakāle tu karmabhūmiḥ śubhodayā //
"On the southern side of Sumeru, and likewise south of the Himavat mountain, and also south of the Vindhya and south of the Sahya — for everyone, at every time, there is the field of action, of auspicious outcome."
AI translation rendered from the Sanskrit, not a published edition
BrP 161.24
तत् तु वाक्यम् अथो श्रुत्वा त्यक्त्वा मेरुं महागिरिम् तं प्रदेशम् अथागत्य स्थातव्यं क्वेत्य् अचिन्तयम् ततो माम् अब्रवीत् सैव विष्णोर् वाण्य् अशरीरिणी ॥
tat tu vākyam atho śrutvā tyaktvā meruṃ mahāgirim taṃ pradeśam athāgatya sthātavyaṃ kvety acintayam tato mām abravīt saiva viṣṇor vāṇy aśarīriṇī //
Then, having heard that speech, having left Meru the great mountain and come to that region, I thought: "Where should I take my stand?" Then that same bodiless voice of Viṣṇu spoke to me:
AI translation rendered from the Sanskrit, not a published edition
BrP 161.25
इतो गच्छ इतस् तिष्ठ तथोपविश चात्र हि संकल्पं कुरु यज्ञस्य स ते यज्ञः समाप्यते ॥
ito gaccha itas tiṣṭha tathopaviśa cātra hi saṃkalpaṃ kuru yajñasya sa te yajñaḥ samāpyate //
"Go from here, stand here, and sit down right here; make the resolve for the sacrifice — that sacrifice of yours will be completed.
AI translation rendered from the Sanskrit, not a published edition
BrP 161.26
कृते चैवाथ संकल्पे यज्ञार्थे सुरसत्तम यद् वदन्त्य् अखिला वेदा विधे तत् तत् समाचर ॥
kṛte caivātha saṃkalpe yajñārthe surasattama yad vadanty akhilā vedā vidhe tat tat samācara //
And when the resolve has been made for the sake of the sacrifice, O best of gods, whatever all the Vedas say, that and that carry out, O Ordainer."
AI translation rendered from the Sanskrit, not a published edition
BrP 161.27
इतिहासपुराणानि यद् अन्यच् छब्दगोचरम् स्वतो मुखे मम प्रायाद् अभूच् च स्मृतिगोचरम् ॥
itihāsapurāṇāni yad anyac chabdagocaram svato mukhe mama prāyād abhūc ca smṛtigocaram //
The epic and Purāṇic (texts), and whatever else is the range of speech, came of itself into my mouth and entered the range of memory.
AI translation rendered from the Sanskrit, not a published edition
BrP 161.28
वेदार्थश् च मया सर्वो ज्ञातो ऽसौ तत्क्षणेन च ततः पुरुषसूक्तं तद् अस्मरं लोकविश्रुतम् ॥
vedārthaś ca mayā sarvo jñāto 'sau tatkṣaṇena ca tataḥ puruṣasūktaṃ tad asmaraṃ lokaviśrutam //
And the whole meaning of the Veda became known to me in that very instant; then I recalled that Puruṣa hymn, famed in the worlds.
AI translation rendered from the Sanskrit, not a published edition
BrP 161.29
यज्ञोपकरणं सर्वं तद् उक्तं च त्व् अकल्पयम् तदुक्तेन प्रकारेण यज्ञपात्राण्य् अकल्पयम् ॥
yajñopakaraṇaṃ sarvaṃ tad uktaṃ ca tv akalpayam taduktena prakāreṇa yajñapātrāṇy akalpayam //
And I arranged all the apparatus of the sacrifice as it was prescribed there; in the manner stated therein I fashioned the sacrificial vessels.
AI translation rendered from the Sanskrit, not a published edition
BrP 161.30
अहं स्थित्वा यत्र देशे शुचिर् भूत्वा यतात्मवान् दीक्षितो विप्रदेशो ऽसौ मन्नाम्ना तु प्रकीर्तितः ॥
ahaṃ sthitvā yatra deśe śucir bhūtvā yatātmavān dīkṣito vipradeśo 'sau mannāmnā tu prakīrtitaḥ //
The place where I stood, having become pure and self-controlled and consecrated—that region of the brahmins is proclaimed by my name.
AI translation rendered from the Sanskrit, not a published edition
BrP 161.31
मद्देवयजनं पुण्यं नाम्ना ब्रह्मगिरिः स्मृतः चतुरशीतिपर्यन्तं योजनानि महामुने ॥
maddevayajanaṃ puṇyaṃ nāmnā brahmagiriḥ smṛtaḥ caturaśītiparyantaṃ yojanāni mahāmune //
My holy place of sacrifice to the gods is known by the name Brahmagiri, extending as far as eighty-four yojanas, O great sage.
AI translation rendered from the Sanskrit, not a published edition
BrP 161.32
मद्देवयजनं पुण्यं पूर्वतो ब्रह्मणो गिरेः तत्र मध्ये वेदिका स्याद् गार्हपत्यो ऽस्य दक्षिणे ॥
maddevayajanaṃ puṇyaṃ pūrvato brahmaṇo gireḥ tatra madhye vedikā syād gārhapatyo 'sya dakṣiṇe //
My holy place of sacrifice to the gods is to the east of Brahmagiri; there in the middle would be the altar, and to its south the household fire (gārhapatya).
AI translation rendered from the Sanskrit, not a published edition
BrP 161.33
तत्र चाहवनीयस्य एवम् अग्नींस् त्व् अकल्पयम् विना पत्न्या न सिध्येत यज्ञः श्रुतिनिदर्शनात् ॥
tatra cāhavanīyasya evam agnīṃs tv akalpayam vinā patnyā na sidhyeta yajñaḥ śrutinidarśanāt //
And there (the place) of the āhavanīya fire—thus did I arrange the fires; without a wife the sacrifice would not succeed, on the evidence of scripture.
AI translation rendered from the Sanskrit, not a published edition
BrP 161.34
शरीरम् आत्मनो ऽहं वै द्वेधा चाकरवं मुने पूर्वार्धेन ततः पत्नी ममाभूद् यज्ञसिद्धये ॥
śarīram ātmano 'haṃ vai dvedhā cākaravaṃ mune pūrvārdhena tataḥ patnī mamābhūd yajñasiddhaye //
So I made my own body twofold, O sage; then from the front half a wife came to be for me, for the accomplishment of the sacrifice.
AI translation rendered from the Sanskrit, not a published edition
BrP 161.35
उत्तरेण त्व् अहं तद्वद् अर्धो जाया इति श्रुतेः कालं वसन्तम् उत्कृष्टम् आज्यरूपेण नारद ॥
uttareṇa tv ahaṃ tadvad ardho jāyā iti śruteḥ kālaṃ vasantam utkṛṣṭam ājyarūpeṇa nārada //
And with the other (half) I likewise (remained myself), since scripture says "the wife is half"; the choice season spring (I made) in the form of clarified butter, O Nārada.
AI translation rendered from the Sanskrit, not a published edition
BrP 161.36
अकल्पयं तथा चेध्मं ग्रीष्मं चापि शरद् धविः ऋतुं च प्रावृषं पुत्र तदा बर्हिर् अकल्पयम् ॥
akalpayaṃ tathā cedhmaṃ grīṣmaṃ cāpi śarad dhaviḥ ṛtuṃ ca prāvṛṣaṃ putra tadā barhir akalpayam //
And so I fashioned the summer as the firewood, and autumn as the oblation; and the rainy season, my son, I then made the sacrificial grass.
AI translation rendered from the Sanskrit, not a published edition
BrP 161.37
छन्दांसि सप्त वै तत्र तदा परिधयो ऽभवन् कलाकाष्ठानिमेषा हि समित्पात्रकुशाः स्मृताः ॥
chandāṃsi sapta vai tatra tadā paridhayo 'bhavan kalākāṣṭhānimeṣā hi samitpātrakuśāḥ smṛtāḥ //
The seven metres became there at that time the enclosing sticks; and the kalās, kāṣṭhās and moments are said to have been the kindling-sticks, the vessels and the kuśa grass.
AI translation rendered from the Sanskrit, not a published edition
BrP 161.38
यो ऽनादिश् च त्व् अनन्तश् च स्वयं कालो ऽभवत् तदा यूपरूपेण देवर्षे योक्त्रं च पशुबन्धनम् ॥
yo 'nādiś ca tv anantaś ca svayaṃ kālo 'bhavat tadā yūparūpeṇa devarṣe yoktraṃ ca paśubandhanam //
Time itself, which is without beginning and without end, then became, in the form of the sacrificial post, O divine sage, and the rope for binding the victim.
AI translation rendered from the Sanskrit, not a published edition
BrP 161.39
सत्त्वादित्रिगुणाः पाशा नैव तत्राभवत् पशुः ततो ऽहम् अब्रवं वाचं वैष्णवीम् अशरीरिणीम् ॥
sattvāditriguṇāḥ pāśā naiva tatrābhavat paśuḥ tato 'ham abravaṃ vācaṃ vaiṣṇavīm aśarīriṇīm //
The three qualities beginning with sattva were the tethers; but there was no victim there. Then I spoke to the bodiless voice of Viṣṇu.
AI translation rendered from the Sanskrit, not a published edition
BrP 161.40
विनैव पशुना नायं यज्ञः परिसमाप्यते ततो माम् अवदद् देवी सैव नित्याशरीरिणी ॥
vinaiva paśunā nāyaṃ yajñaḥ parisamāpyate tato mām avadad devī saiva nityāśarīriṇī //
"Without a victim this sacrifice is not brought to completion." Then that same eternal bodiless goddess spoke to me:
AI translation rendered from the Sanskrit, not a published edition
BrP 161.41
पौरुषेणाथ सूक्तेन स्तुहि तं पुरुषं परम् ॥
pauruṣeṇātha sūktena stuhi taṃ puruṣaṃ param //
"Now praise that supreme Puruṣa with the Puruṣa hymn."
AI translation rendered from the Sanskrit, not a published edition
BrP 161.42
तथेत्य् उक्त्वा स्तूयमाने देवदेवे जनार्दने मम चोत्पादके भक्त्या सूक्तेन पुरुषस्य हि ॥
tathety uktvā stūyamāne devadeve janārdane mama cotpādake bhaktyā sūktena puruṣasya hi //
Saying "so be it," while the god of gods Janārdana, my begetter, was being praised with devotion by the hymn of the Puruṣa—
AI translation rendered from the Sanskrit, not a published edition
BrP 161.43
सा च माम् अब्रवीद् देवी ब्रह्मन् मां त्वं पशुं कुरु तदा विज्ञाय पुरुषं जनकं मम चाव्ययम् ॥
sā ca mām abravīd devī brahman māṃ tvaṃ paśuṃ kuru tadā vijñāya puruṣaṃ janakaṃ mama cāvyayam //
—that goddess said to me: "Brahman, make me the victim." Then, having recognized the Puruṣa, my imperishable progenitor,
AI translation rendered from the Sanskrit, not a published edition
BrP 161.44
कालयूपस्य पार्श्वे तं गुणपाशैर् निवेशितम् बर्हिस्थितम् अहं प्रौक्षं पुरुषं जातम् अग्रतः ॥
kālayūpasya pārśve taṃ guṇapāśair niveśitam barhisthitam ahaṃ praukṣaṃ puruṣaṃ jātam agrataḥ //
beside the post that was Time, him fixed there with the tethers of the guṇas, set on the sacrificial grass—I sprinkled that Puruṣa, born there before me.
AI translation rendered from the Sanskrit, not a published edition
BrP 161.45
एतस्मिन्न् अन्तरे तत्र तस्मात् सर्वम् अभूद् इदम् ब्राह्मणास् तु मुखात् तस्य ऽभवन् बाह्वोश् च क्षत्रियाः ॥
etasminn antare tatra tasmāt sarvam abhūd idam brāhmaṇās tu mukhāt tasya 'bhavan bāhvoś ca kṣatriyāḥ //
In this interval all this came to be there from him: the brahmins arose from his mouth, and from his arms the kṣatriyas.
AI translation rendered from the Sanskrit, not a published edition
BrP 161.46
मुखाद् इन्द्रस् तथाग्निश् च श्वसनः प्राणतो ऽभवत् दिशः श्रोत्रात् तथा शीर्ष्णः सर्वः स्वर्गो ऽभवत् तदा ॥
mukhād indras tathāgniś ca śvasanaḥ prāṇato 'bhavat diśaḥ śrotrāt tathā śīrṣṇaḥ sarvaḥ svargo 'bhavat tadā //
From his mouth came Indra and Agni, from his breath came the wind, from his hearing the directions, and from his head arose the whole heaven then.
AI translation rendered from the Sanskrit, not a published edition
BrP 161.47
मनसश् चन्द्रमा जातः सूर्यो ऽभूच् चक्षुषस् तथा अन्तरिक्षं तथा नाभेर् ऊरुभ्यां विश एव च ॥
manasaś candramā jātaḥ sūryo 'bhūc cakṣuṣas tathā antarikṣaṃ tathā nābher ūrubhyāṃ viśa eva ca //
From his mind the moon was born, and from his eye the sun came to be; from his navel the mid-region, and from his thighs the vaiśyas.
AI translation rendered from the Sanskrit, not a published edition
BrP 161.48
पद्भ्यां शूद्रश् च संजातस् तथा भूमिर् अजायत ऋषयो रोमकूपेभ्य ओषध्यः केशतो ऽभवन् ॥
padbhyāṃ śūdraś ca saṃjātas tathā bhūmir ajāyata ṛṣayo romakūpebhya oṣadhyaḥ keśato 'bhavan //
From the feet the Śūdra was produced, and likewise the earth came to be; the seers (arose) from the pores of his hair, and the plants came from his hair.
AI translation rendered from the Sanskrit, not a published edition
BrP 161.49
ग्राम्यारण्याश् च पशवो नखेभ्यः सर्वतो ऽभवन् कृमिकीटपतंगादि पायूपस्थाद् अजायत ॥
grāmyāraṇyāś ca paśavo nakhebhyaḥ sarvato 'bhavan kṛmikīṭapataṃgādi pāyūpasthād ajāyata //
And the animals, village-dwelling and wild, arose from his nails on every side; worms, insects, moths and the like were born from the anus and the genitals.
AI translation rendered from the Sanskrit, not a published edition
BrP 161.50
स्थावरं जङ्गमं किंचिद् दृश्यादृश्यं च किंचन तस्मात् सर्वम् अभूद् देवा मत्तश् चाप्य् अभवन् पुनः एतस्मिन्न् अन्तरे सैव विष्णोर् वाग् अब्रवीच् च माम् ॥
sthāvaraṃ jaṅgamaṃ kiṃcid dṛśyādṛśyaṃ ca kiṃcana tasmāt sarvam abhūd devā mattaś cāpy abhavan punaḥ etasminn antare saiva viṣṇor vāg abravīc ca mām //
Whatever is immovable or moving, whatever is visible or invisible — all of it came to be from him; the gods too, and again from me they came to be. In that interval that same Voice of Viṣṇu spoke to me:
AI translation rendered from the Sanskrit, not a published edition
BrP 161.51
सर्वं संपूर्णम् अभवत् सृष्टिर् जाता तथेप्सिता इदानीं जुहुधि ह्य् अग्नौ पात्राणि च समानि च ॥
sarvaṃ saṃpūrṇam abhavat sṛṣṭir jātā tathepsitā idānīṃ juhudhi hy agnau pātrāṇi ca samāni ca //
"Everything has become complete; the creation has come about as desired. Now offer into the fire the vessels and the equal (portions)."
AI translation rendered from the Sanskrit, not a published edition — the model flagged this verse as uncertain
BrP 161.52
विसर्जय तथा यूपं प्रणीतां च कुशांस् तथा ऋत्विग्रूपं यज्ञरूपम् उद्देश्यं ध्येयम् एव च ॥
visarjaya tathā yūpaṃ praṇītāṃ ca kuśāṃs tathā ṛtvigrūpaṃ yajñarūpam uddeśyaṃ dhyeyam eva ca //
"Dismiss likewise the sacrificial post, the praṇītā water and the kuśa grass, and the form of the officiating priest, the form of the sacrifice, the object of dedication and the object of meditation,
AI translation rendered from the Sanskrit, not a published edition
BrP 161.53
स्रुवं च पुरुषं पाशान् सर्वं ब्रह्मन् विसर्जय ॥
sruvaṃ ca puruṣaṃ pāśān sarvaṃ brahman visarjaya //
and the sruva ladle, and the (sacrificial) man, and the fetters — dismiss it all, O brahman."
AI translation rendered from the Sanskrit, not a published edition
BrP 161.54
तद्वाक्यसमकालं तु क्रमशो यज्ञयोनिषु गार्हपत्ये दक्षिणाग्नौ तथा चैव महामुने ॥
tadvākyasamakālaṃ tu kramaśo yajñayoniṣu gārhapatye dakṣiṇāgnau tathā caiva mahāmune //
And at the very moment of that speech, in due order, in the wombs of the sacrifice — in the householder's fire, in the southern fire, and likewise, O great sage,
AI translation rendered from the Sanskrit, not a published edition
BrP 161.55
पूर्वस्मिन्न् अपि चैवाग्नौ क्रमशो जुह्वतस् तदा तत्र तत्र जगद्योनिम् अनुसंधाय पूरुषम् ॥
pūrvasminn api caivāgnau kramaśo juhvatas tadā tatra tatra jagadyonim anusaṃdhāya pūruṣam //
and also in the eastern fire — as (I was) offering in order, then in each place, contemplating the Person who is the womb of the world,
AI translation rendered from the Sanskrit, not a published edition
BrP 161.56
मन्त्रपूतं शुचिः सम्यग् यज्ञदेवो जगन्मयः लोकनाथो विश्वकर्ता कुण्डानां तत्र संनिधौ ॥
mantrapūtaṃ śuciḥ samyag yajñadevo jaganmayaḥ lokanātho viśvakartā kuṇḍānāṃ tatra saṃnidhau //
purified by mantra, pure, wholly, the god of the sacrifice, made of the world, the lord of the worlds, the maker of all, there in the presence of the fire-pits —
AI translation rendered from the Sanskrit, not a published edition — the model flagged this verse as uncertain
BrP 161.57
शुक्लरूपधरो विष्णुर् भवेद् आहवनीयके श्यामो विष्णुर् दक्षिणाग्नेः पीतो गृहपतेः कवेः ॥
śuklarūpadharo viṣṇur bhaved āhavanīyake śyāmo viṣṇur dakṣiṇāgneḥ pīto gṛhapateḥ kaveḥ //
Viṣṇu, bearing a white form, comes to be in the āhavanīya fire; Viṣṇu is dark for the southern fire, and yellow for the householder's fire, O seer.
AI translation rendered from the Sanskrit, not a published edition
BrP 161.58
सर्वकालं तेषु विष्णुर् अतो देशेषु संस्थितः न तेन रहितं किंचिद् विष्णुना विश्वयोनिना ॥
sarvakālaṃ teṣu viṣṇur ato deśeṣu saṃsthitaḥ na tena rahitaṃ kiṃcid viṣṇunā viśvayoninā //
At all times Viṣṇu abides in them, and therefore in (those) places; nothing at all is devoid of him, of Viṣṇu, the womb of the universe.
AI translation rendered from the Sanskrit, not a published edition
BrP 161.59
प्रणीतायाः प्रणयनं मन्त्रैश् चाकरवं ततः प्रणीतोदकम् अप्य् एतत् प्रणीतेति नदी शुभा ॥
praṇītāyāḥ praṇayanaṃ mantraiś cākaravaṃ tataḥ praṇītodakam apy etat praṇīteti nadī śubhā //
Then I performed the bringing forward of the praṇītā water with mantras; this praṇītā water is also the auspicious river called Praṇītā.
AI translation rendered from the Sanskrit, not a published edition
BrP 161.60
व्यसर्जयं प्रणीतां तां मार्जयित्वा कुशैर् अथ मार्जने क्रियमाणे तु प्रणीतोदकबिन्दवः ॥
vyasarjayaṃ praṇītāṃ tāṃ mārjayitvā kuśair atha mārjane kriyamāṇe tu praṇītodakabindavaḥ //
I dismissed that praṇītā water, having wiped it with kuśa grasses; and while the wiping was being done, the drops of the praṇītā water
AI translation rendered from the Sanskrit, not a published edition
BrP 161.61
पतितास् तत्र तीर्थानि जातानि गुणवन्ति च संजाता मुनिशार्दूल स्नानात् क्रतुफलप्रदा ॥
patitās tatra tīrthāni jātāni guṇavanti ca saṃjātā muniśārdūla snānāt kratuphalapradā //
fell there, and holy fords arose (from them), endowed with virtues, O tiger among sages, and they came to be bestowers of the fruit of a sacrifice by bathing (in them).
AI translation rendered from the Sanskrit, not a published edition
BrP 161.62
यालंकृता सर्वकालं देवदेवेन शार्ङ्गिणा सोपानपङ्क्तिः सर्वेषां वैकुण्ठारोहणाय सा ॥
yālaṃkṛtā sarvakālaṃ devadevena śārṅgiṇā sopānapaṅktiḥ sarveṣāṃ vaikuṇṭhārohaṇāya sā //
She who is adorned at all times by the god of gods, the bearer of the bow (Śārṅgin) — she is for all a flight of stairs for ascending to Vaikuṇṭha.
AI translation rendered from the Sanskrit, not a published edition
BrP 161.63
संमार्जिताः कुशा यत्र पतिता भूतले शुभे कुशतर्पणम् आख्यातं बहुपुण्यफलप्रदम् ॥
saṃmārjitāḥ kuśā yatra patitā bhūtale śubhe kuśatarpaṇam ākhyātaṃ bahupuṇyaphalapradam //
Where the wiped kuśa grasses fell upon the auspicious ground, that is declared to be Kuśatarpaṇa, bestowing the fruit of much merit.
AI translation rendered from the Sanskrit, not a published edition
BrP 161.64
कुशैश् च तर्पिताः सर्वे कुशतर्पणम् उच्यते पश्चाच् च संगता तत्र गौतमी कारणान्तरात् ॥
kuśaiś ca tarpitāḥ sarve kuśatarpaṇam ucyate paścāc ca saṃgatā tatra gautamī kāraṇāntarāt //
And all were gratified with kuśa grasses; (hence) it is called Kuśatarpaṇa. Afterwards the Gautamī joined there, for another reason.
AI translation rendered from the Sanskrit, not a published edition
BrP 161.65
प्रणीतायां महाबुद्धे प्रणीतासंगमो ऽभवत् कुशतर्पणदेशे तु तत् तीर्थं कुशतर्पणम् ॥
praṇītāyāṃ mahābuddhe praṇītāsaṃgamo 'bhavat kuśatarpaṇadeśe tu tat tīrthaṃ kuśatarpaṇam //
O greatly wise one, in the Praṇītā there came about the confluence with the Praṇītā, and in the region of Kuśatarpaṇa; that holy ford is Kuśatarpaṇa.
AI translation rendered from the Sanskrit, not a published edition — the model flagged this verse as uncertain
BrP 161.66
तत्रैव कल्पितो यूपो मया विन्ध्यस्य चोत्तरे विसृष्टो लोकपूज्यो ऽसौ विष्णोर् आसीत् समाश्रयः ॥
tatraiva kalpito yūpo mayā vindhyasya cottare visṛṣṭo lokapūjyo 'sau viṣṇor āsīt samāśrayaḥ //
There too a sacrificial post was set up by me, north of the Vindhya; when dismissed, that post, worshipped by the world, became a resting place of Viṣṇu.
AI translation rendered from the Sanskrit, not a published edition
BrP 161.67
अक्षयश् चाभवच् छ्रीमान् अक्षयो ऽसौ वटो ऽभवत् नित्यश् च कालरूपो ऽसौ स्मरणात् क्रतुपुण्यदः ॥
akṣayaś cābhavac chrīmān akṣayo 'sau vaṭo 'bhavat nityaś ca kālarūpo 'sau smaraṇāt kratupuṇyadaḥ //
And it became imperishable and glorious; that imperishable one became a banyan tree, and it is eternal and of the form of Time, granting the merit of a sacrifice by (mere) remembrance.
AI translation rendered from the Sanskrit, not a published edition
BrP 161.68
मद्देवयजनं चेदं दण्डकारण्यम् उच्यते संपूर्णे तु क्रतौ विष्णुर् मया भक्त्या प्रसादितः ॥
maddevayajanaṃ cedaṃ daṇḍakāraṇyam ucyate saṃpūrṇe tu kratau viṣṇur mayā bhaktyā prasāditaḥ //
And this Daṇḍaka forest is called my place of sacrifice to the gods; when the rite was completed, Viṣṇu was made gracious by me through devotion.
AI translation rendered from the Sanskrit, not a published edition
BrP 161.69
यो विराड् उच्यते वेदे यस्मान् मूर्तम् अजायत यस्माच् च मम चोत्पत्तिर् यस्येदं विकृतं जगत् ॥
yo virāḍ ucyate vede yasmān mūrtam ajāyata yasmāc ca mama cotpattir yasyedaṃ vikṛtaṃ jagat //
He who is called Virāj in the Veda, from whom what has form was born, and from whom my own origin comes, and whose transformation this world is—
AI translation rendered from the Sanskrit, not a published edition
BrP 161.70
तम् अहं देवदेवेशम् अभिवन्द्य व्यसर्जयम् योजनानि चतुर्विंशन् मद्देवयजनं शुभम् ॥
tam ahaṃ devadeveśam abhivandya vyasarjayam yojanāni caturviṃśan maddevayajanaṃ śubham //
—him, the lord of the lords of gods, I saluted and took leave of; twenty-four yojanas (in extent) is my auspicious place of sacrifice.
AI translation rendered from the Sanskrit, not a published edition
BrP 161.71
तस्माद् अद्यापि कुण्डानि सन्ति च त्रीणि नारद यज्ञेश्वरस्वरूपाणि विष्णोर् वै चक्रपाणिनः ॥
tasmād adyāpi kuṇḍāni santi ca trīṇi nārada yajñeśvarasvarūpāṇi viṣṇor vai cakrapāṇinaḥ //
Therefore even today, Nārada, there are three fire-pits there, having the form of the Lord of Sacrifice, of Viṣṇu the discus-bearer.
AI translation rendered from the Sanskrit, not a published edition
BrP 161.72
ततः प्रभृति चाख्यातं मद्देवयजनं च तत् तत्रस्थः कृमिकीटादिः सो ऽप्य् अन्ते मुक्तिभाजनम् ॥
tataḥ prabhṛti cākhyātaṃ maddevayajanaṃ ca tat tatrasthaḥ kṛmikīṭādiḥ so 'py ante muktibhājanam //
From that time onward that has been declared my place of sacrifice to the gods; even a worm or insect that stays there becomes at the end a vessel of liberation.
AI translation rendered from the Sanskrit, not a published edition
BrP 161.73
धर्मबीजं मुक्तिबीजं दण्डकारण्यम् उच्यते विशेषाद् गौतमीश्लिष्टो देशः पुण्यतमो ऽभवत् ॥
dharmabījaṃ muktibījaṃ daṇḍakāraṇyam ucyate viśeṣād gautamīśliṣṭo deśaḥ puṇyatamo 'bhavat //
The Daṇḍaka forest is called the seed of dharma and the seed of liberation; and especially the region touched by the Gautamī became most holy.
AI translation rendered from the Sanskrit, not a published edition
BrP 161.74
प्रणीतासंगमे चापि कुशतर्पण एव वा स्नानदानादि यः कुर्यात् स गच्छेत् परमं पदम् ॥
praṇītāsaṃgame cāpi kuśatarpaṇa eva vā snānadānādi yaḥ kuryāt sa gacchet paramaṃ padam //
And whoever performs bathing, giving and the rest at the confluence of the Praṇītā, or indeed at Kuśatarpaṇa, he will go to the highest state.
AI translation rendered from the Sanskrit, not a published edition
BrP 161.75
स्मरणं पठनं वापि श्रवणं चापि भक्तितः सर्वकामप्रदं पुंसां भुक्तिमुक्तिप्रदं विदुः ॥
smaraṇaṃ paṭhanaṃ vāpi śravaṇaṃ cāpi bhaktitaḥ sarvakāmapradaṃ puṃsāṃ bhuktimuktipradaṃ viduḥ //
They know that remembering it, or reciting it, or even hearing it with devotion, grants men all their desires and bestows enjoyment and liberation.
AI translation rendered from the Sanskrit, not a published edition
BrP 161.76
उभयोस् तीरयोस् तत्र तीर्थान्य् आहुर् मनीषिणः षडशीतिसहस्राणि तेषु पुण्यं पुरोदितम् ॥
ubhayos tīrayos tatra tīrthāny āhur manīṣiṇaḥ ṣaḍaśītisahasrāṇi teṣu puṇyaṃ puroditam //
The wise say that there on both banks are eighty-six thousand sacred fords; the merit in them has been told before.
AI translation rendered from the Sanskrit, not a published edition
BrP 161.77
वाराणस्या अपि मुने कुशतर्पणम् उत्तमम् नानेन सदृशं तीर्थं विद्यते सचराचरे ॥
vārāṇasyā api mune kuśatarpaṇam uttamam nānena sadṛśaṃ tīrthaṃ vidyate sacarācare //
Even beyond Vārāṇasī, O sage, Kuśatarpaṇa is supreme; no ford equal to this exists in (the world) with its moving and unmoving beings.
AI translation rendered from the Sanskrit, not a published edition
BrP 161.78
ब्रह्महत्यादिपापानां स्मरणाद् अपि नाशनम् तीर्थम् एतन् मुने प्रोक्तं स्वर्गद्वारं महीतले ॥
brahmahatyādipāpānāṃ smaraṇād api nāśanam tīrtham etan mune proktaṃ svargadvāraṃ mahītale //
It destroys sins such as the killing of a brahmin even by being remembered; this ford, O sage, is declared to be the gate of heaven on the surface of the earth.
AI translation rendered from the Sanskrit, not a published edition