Brahma Purana — Chapter 16

BrP 16.1

भजमानस्य पुत्रो ऽथ रथमुख्यो विदूरथः राजाधिदेवः शूरस् तु विदूरथसुतो ऽभवत् ॥

bhajamānasya putro 'tha rathamukhyo vidūrathaḥ rājādhidevaḥ śūras tu vidūrathasuto 'bhavat //

Now Bhajamāna's son was Vidūratha, foremost of charioteers; and Rājādhideva Śūra was Vidūratha's son.

AI translation rendered from the Sanskrit, not a published edition

BrP 16.2

राजाधिदेवस्य सुता जज्ञिरे वीर्यवत्तराः दत्तातिदत्तौ बलिनौ शोणाश्वः श्वेतवाहनः ॥

rājādhidevasya sutā jajñire vīryavattarāḥ dattātidattau balinau śoṇāśvaḥ śvetavāhanaḥ //

To Rājādhideva were born sons of surpassing valour: the mighty Datta and Atidatta, Śoṇāśva, and Śvetavāhana,

AI translation rendered from the Sanskrit, not a published edition

BrP 16.3

शमी च दण्डशर्मा च दन्तशत्रुश् च शत्रुजित् श्रवणा च श्रविष्ठा च स्वसारौ संबभूवतुः ॥

śamī ca daṇḍaśarmā ca dantaśatruś ca śatrujit śravaṇā ca śraviṣṭhā ca svasārau saṃbabhūvatuḥ //

and Śamī and Daṇḍaśarman, and Dantaśatru and Śatrujit; and two sisters were born, Śravaṇā and Śraviṣṭhā.

AI translation rendered from the Sanskrit, not a published edition

BrP 16.4

शमिपुत्रः प्रतिक्षत्रः प्रतिक्षत्रस्य चात्मजः स्वयंभोजः स्वयंभोजाद् भदिकः संबभूव ह ॥

śamiputraḥ pratikṣatraḥ pratikṣatrasya cātmajaḥ svayaṃbhojaḥ svayaṃbhojād bhadikaḥ saṃbabhūva ha //

Śamī's son was Pratikṣatra, and Pratikṣatra's son was Svayaṃbhoja; from Svayaṃbhoja was born Bhadika.

AI translation rendered from the Sanskrit, not a published edition

BrP 16.5

तस्य पुत्रा बभूवुर् हि सर्वे भीमपराक्रमाः कृतवर्माग्रजस् तेषां शतधन्वा तु मध्यमः ॥

tasya putrā babhūvur hi sarve bhīmaparākramāḥ kṛtavarmāgrajas teṣāṃ śatadhanvā tu madhyamaḥ //

His sons were all of terrible prowess; Kṛtavarman was the eldest of them, and Śatadhanvan the middle one,

AI translation rendered from the Sanskrit, not a published edition

BrP 16.6

देवान्तश् च नरान्तश् च भिषग्वैतरणश् च यः सुदान्तश् चातिदान्तश् च निकाश्यः कामदम्भकः ॥

devāntaś ca narāntaś ca bhiṣagvaitaraṇaś ca yaḥ sudāntaś cātidāntaś ca nikāśyaḥ kāmadambhakaḥ //

and Devānta and Narānta, and he who was Bhiṣagvaitaraṇa, and Sudānta and Atidānta, Nikāśya and Kāmadambhaka.

AI translation rendered from the Sanskrit, not a published edition

BrP 16.7

देवान्तस्याभवत् पुत्रो विद्वान् कम्बलबर्हिषः असमौजाः सुतस् तस्य नासमौजाश् च ताव् उभौ ॥

devāntasyābhavat putro vidvān kambalabarhiṣaḥ asamaujāḥ sutas tasya nāsamaujāś ca tāv ubhau //

Devānta's son was the learned Kambalabarhiṣa; his sons were Asamaujas and Nāsamaujas, those two.

AI translation rendered from the Sanskrit, not a published edition

BrP 16.8

अजातपुत्राय सुतान् प्रददाव् असमौजसे सुदंष्ट्रश् च सुचारुश् च कृष्ण इत्य् अन्धकाः स्मृताः ॥

ajātaputrāya sutān pradadāv asamaujase sudaṃṣṭraś ca sucāruś ca kṛṣṇa ity andhakāḥ smṛtāḥ //

He gave (his) sons to Asamaujas, who had no son (of his own): Sudaṃṣṭra, Sucāru, and Kṛṣṇa — these are known as the Andhakas.

AI translation rendered from the Sanskrit, not a published edition — the model flagged this verse as uncertain

BrP 16.9

गान्धारी चैव माद्री च क्रोष्टुभार्ये बभूवतुः गान्धारी जनयाम् आस अनमित्रं महाबलम् ॥

gāndhārī caiva mādrī ca kroṣṭubhārye babhūvatuḥ gāndhārī janayām āsa anamitraṃ mahābalam //

Gāndhārī and Mādrī became the two wives of Kroṣṭu; Gāndhārī bore Anamitra of great strength.

AI translation rendered from the Sanskrit, not a published edition

BrP 16.10

माद्री युधाजितं पुत्रं ततो वै देवमीधुषम् अनमित्रम् अमित्राणां जेतारम् अपराजितम् ॥

mādrī yudhājitaṃ putraṃ tato vai devamīdhuṣam anamitram amitrāṇāṃ jetāram aparājitam //

Mādrī (bore) a son Yudhājit, and then Devamīḍhuṣa, and Anamitra, conqueror of foes, unconquered.

AI translation rendered from the Sanskrit, not a published edition

BrP 16.11

अनमित्रसुतो निघ्नो निघ्नतो द्वौ बभूवतुः प्रसेनश् चाथ सत्राजिच् छत्रुसेनाजिताव् उभौ ॥

anamitrasuto nighno nighnato dvau babhūvatuḥ prasenaś cātha satrājic chatrusenājitāv ubhau //

Anamitra's son was Nighna; Nighna had two (sons), Prasena and Satrājit, both conquerors of the armies of enemies.

AI translation rendered from the Sanskrit, not a published edition — the model flagged this verse as uncertain

BrP 16.12

प्रसेनो द्वारवत्यां तु निवसन् यो महामणिम् दिव्यं स्यमन्तकं नाम स सूर्याद् उपलब्धवान् ॥

praseno dvāravatyāṃ tu nivasan yo mahāmaṇim divyaṃ syamantakaṃ nāma sa sūryād upalabdhavān //

Prasena, dwelling in Dvāravatī, obtained from the Sun the great divine jewel named Syamantaka.

AI translation rendered from the Sanskrit, not a published edition

BrP 16.13

तस्य सत्राजितः सूर्यः सखा प्राणसमो ऽभवत् स कदाचिन् निशापाये रथेन रथिनां वरः ॥

tasya satrājitaḥ sūryaḥ sakhā prāṇasamo 'bhavat sa kadācin niśāpāye rathena rathināṃ varaḥ //

The Sun became the friend of that Satrājit, dear to him as his own life. Once, at the end of night, that best of charioteers, by chariot,

AI translation rendered from the Sanskrit, not a published edition

BrP 16.14

तोयकूलम् अपः स्प्रष्टुम् उपस्थातुं ययौ रविम् तस्योपतिष्ठतः सूर्यं विवस्वान् अग्रतः स्थितः ॥

toyakūlam apaḥ spraṣṭum upasthātuṃ yayau ravim tasyopatiṣṭhataḥ sūryaṃ vivasvān agrataḥ sthitaḥ //

went to the bank of the water to touch the water and to worship the Sun; and as he stood worshipping the Sun, Vivasvat stood before him,

AI translation rendered from the Sanskrit, not a published edition

BrP 16.15

विस्पष्टमूर्तिर् भगवांस् तेजोमण्डलवान् विभुः अथ राजा विवस्वन्तम् उवाच स्थितम् अग्रतः ॥

vispaṣṭamūrtir bhagavāṃs tejomaṇḍalavān vibhuḥ atha rājā vivasvantam uvāca sthitam agrataḥ //

the Lord, the pervading one, with clearly visible form, possessing an orb of radiance. Then the king spoke to Vivasvat, who stood before him:

AI translation rendered from the Sanskrit, not a published edition

BrP 16.16

यथैव व्योम्नि पश्यामि सदा त्वां ज्योतिषां पते तेजोमण्डलिनं देवं तथैव पुरतः स्थितम् ॥

yathaiva vyomni paśyāmi sadā tvāṃ jyotiṣāṃ pate tejomaṇḍalinaṃ devaṃ tathaiva purataḥ sthitam //

"Just as in the sky I always see you, O lord of lights, the god circled with radiance, so exactly (do I see you) standing before me."

AI translation rendered from the Sanskrit, not a published edition

BrP 16.17

को विशेषो ऽस्ति मे त्वत्तः सख्येनोपगतस्य वै एतच् छ्रुत्वा तु भगवान् मणिरत्नं स्यमन्तकम् ॥

ko viśeṣo 'sti me tvattaḥ sakhyenopagatasya vai etac chrutvā tu bhagavān maṇiratnaṃ syamantakam //

"What difference is there for me between you (thus seen) and (you now that) I have come to you in friendship?" Hearing this, the lord (took) that best of gems, the Syamantaka,

AI translation rendered from the Sanskrit, not a published edition — the model flagged this verse as uncertain

BrP 16.18

स्वकण्ठाद् अवमुच्याथ एकान्ते न्यस्तवान् विभुः ततो विग्रहवन्तं तं ददर्श नृपतिस् तदा ॥

svakaṇṭhād avamucyātha ekānte nyastavān vibhuḥ tato vigrahavantaṃ taṃ dadarśa nṛpatis tadā //

and having loosened (it) from his own neck, the mighty one laid it aside in a place apart; then the king saw him as possessing a (visible) form.

AI translation rendered from the Sanskrit, not a published edition

BrP 16.19

प्रीतिमान् अथ तं दृष्ट्वा मुहूर्तं कृतवान् कथाम् तम् अभिप्रस्थितं भूयो विवस्वन्तं स सत्रजित् ॥

prītimān atha taṃ dṛṣṭvā muhūrtaṃ kṛtavān kathām tam abhiprasthitaṃ bhūyo vivasvantaṃ sa satrajit //

Then, delighted at seeing him, he conversed (with him) for a while; and as Vivasvat set out again, Satrājit (said) to him:

AI translation rendered from the Sanskrit, not a published edition

BrP 16.20

लोकान् भासयसे सर्वान् येन त्वं सततं प्रभो तद् एतन् मणिरत्नं मे भगवन् दातुम् अर्हसि ॥

lokān bhāsayase sarvān yena tvaṃ satataṃ prabho tad etan maṇiratnaṃ me bhagavan dātum arhasi //

"That very jewel by which you constantly illuminate all the worlds, O lord — that, O blessed one, you ought to give to me."

AI translation rendered from the Sanskrit, not a published edition

BrP 16.21

ततः स्यमन्तकमणिं दत्तवान् भास्करस् तदा स तम् आबध्य नगरीं प्रविवेश महीपतिः ॥

tataḥ syamantakamaṇiṃ dattavān bhāskaras tadā sa tam ābadhya nagarīṃ praviveśa mahīpatiḥ //

Then the sun gave (him) the Syamantaka jewel, and the king, having fastened it on, entered the city.

AI translation rendered from the Sanskrit, not a published edition

BrP 16.22

तं जनाः पर्यधावन्त सूर्यो ऽयं गच्छतीति ह स्वां पुरीं स विसिष्माय राजा त्व् अन्तःपुरं तथा ॥

taṃ janāḥ paryadhāvanta sūryo 'yaṃ gacchatīti ha svāṃ purīṃ sa visiṣmāya rājā tv antaḥpuraṃ tathā //

People ran about after him, (saying) "This is the sun going by!" His own city was amazed, and so too the royal inner apartments.

AI translation rendered from the Sanskrit, not a published edition — the model flagged this verse as uncertain

BrP 16.23

तं प्रसेनजितं दिव्यं मणिरत्नं स्यमन्तकम् ददौ भ्रात्रे नरपतिः प्रेम्णा सत्राजिद् उत्तमम् ॥

taṃ prasenajitaṃ divyaṃ maṇiratnaṃ syamantakam dadau bhrātre narapatiḥ premṇā satrājid uttamam //

That divine, supreme best of gems, the Syamantaka, King Satrājit gave out of affection to his brother Prasenajit.

AI translation rendered from the Sanskrit, not a published edition

BrP 16.24

स मणिः स्यन्दते रुक्मं वृष्ण्यन्धकनिवेशने कालवर्षी च पर्जन्यो न च व्याधिभयं ह्य् अभूत् ॥

sa maṇiḥ syandate rukmaṃ vṛṣṇyandhakaniveśane kālavarṣī ca parjanyo na ca vyādhibhayaṃ hy abhūt //

That jewel poured forth gold in the dwelling of the Vṛṣṇis and Andhakas, and the rain-cloud rained in season, and there was no fear of disease.

AI translation rendered from the Sanskrit, not a published edition

BrP 16.25

लिप्सां चक्रे प्रसेनस्य मणिरत्ने स्यमन्तके गोविन्दो न च तं लेभे शक्तो ऽपि न जहार सः ॥

lipsāṃ cakre prasenasya maṇiratne syamantake govindo na ca taṃ lebhe śakto 'pi na jahāra saḥ //

Govinda conceived a desire for Prasena's best of gems, the Syamantaka, and did not obtain it; yet, though able, he did not take it by force.

AI translation rendered from the Sanskrit, not a published edition

BrP 16.26

कदाचिन् मृगयां यातः प्रसेनस् तेन भूषितः स्यमन्तककृते सिंहाद् वधं प्राप वनेचरात् ॥

kadācin mṛgayāṃ yātaḥ prasenas tena bhūṣitaḥ syamantakakṛte siṃhād vadhaṃ prāpa vanecarāt //

Once Prasena, adorned with it, went hunting, and on account of the Syamantaka met his death from a lion roaming the forest.

AI translation rendered from the Sanskrit, not a published edition

BrP 16.27

अथ सिंहं प्रधावन्तम् ऋक्षराजो महाबलः निहत्य मणिरत्नं तद् आदाय प्राविशद् गुहाम् ॥

atha siṃhaṃ pradhāvantam ṛkṣarājo mahābalaḥ nihatya maṇiratnaṃ tad ādāya prāviśad guhām //

Then the mighty king of bears, having slain the lion as it charged forward, took that best of gems and entered his cave.

AI translation rendered from the Sanskrit, not a published edition

BrP 16.28

ततो वृष्ण्यन्धकाः कृष्णं प्रसेनवधकारणात् प्रार्थनां तां मणेर् बद्ध्वा सर्व एव शशङ्किरे ॥

tato vṛṣṇyandhakāḥ kṛṣṇaṃ prasenavadhakāraṇāt prārthanāṃ tāṃ maṇer baddhvā sarva eva śaśaṅkire //

Then the Vṛṣṇis and Andhakas, one and all, suspected Kṛṣṇa as the cause of Prasena's slaying, linking (it) with that request of his for the jewel.

AI translation rendered from the Sanskrit, not a published edition

BrP 16.29

स शङ्क्यमानो धर्मात्मा अकारी तस्य कर्मणः आहरिष्ये मणिम् इति प्रतिज्ञाय वनं ययौ ॥

sa śaṅkyamāno dharmātmā akārī tasya karmaṇaḥ āhariṣye maṇim iti pratijñāya vanaṃ yayau //

Though suspected, the righteous one, who had not done that deed, vowed "I shall fetch back the jewel," and went to the forest,

AI translation rendered from the Sanskrit, not a published edition

BrP 16.30

यत्र प्रसेनो मृगयां व्यचरत् तत्र चाप्य् अथ प्रसेनस्य पदं गृह्य पुरुषैर् आप्तकारिभिः ॥

yatra praseno mṛgayāṃ vyacarat tatra cāpy atha prasenasya padaṃ gṛhya puruṣair āptakāribhiḥ //

to that place where Prasena had roamed hunting; and there, with trustworthy men, he took up Prasena's tracks.

AI translation rendered from the Sanskrit, not a published edition

BrP 16.31

ऋक्षवन्तं गिरिवरं विन्ध्यं च गिरिम् उत्तमम् अन्वेषयन् परिश्रान्तः स ददर्श महामनाः ॥

ṛkṣavantaṃ girivaraṃ vindhyaṃ ca girim uttamam anveṣayan pariśrāntaḥ sa dadarśa mahāmanāḥ //

Searching the Ṛkṣavat, best of mountains, and Vindhya, the highest mountain, the great-minded one, worn out, saw

AI translation rendered from the Sanskrit, not a published edition

BrP 16.32

साश्वं हतं प्रसेनं तु नाविन्दत च तन्मणिम् अथ सिंहः प्रसेनस्य शरीरस्याविदूरतः ॥

sāśvaṃ hataṃ prasenaṃ tu nāvindata ca tanmaṇim atha siṃhaḥ prasenasya śarīrasyāvidūrataḥ //

Prasena slain together with his horse; but he did not find that jewel of his. Then, not far from Prasena's body, the lion

AI translation rendered from the Sanskrit, not a published edition

BrP 16.33

ऋक्षेण निहतो दृष्टः पदैर् ऋक्षस् तु सूचितः पदैस् तैर् अन्वियायाथ गुहाम् ऋक्षस्य माधवः ॥

ṛkṣeṇa nihato dṛṣṭaḥ padair ṛkṣas tu sūcitaḥ padais tair anviyāyātha guhām ṛkṣasya mādhavaḥ //

was seen slain by a bear, and the bear was pointed out by its footprints; by those prints Mādhava then followed to the bear's cave.

AI translation rendered from the Sanskrit, not a published edition

BrP 16.34

स हि ऋक्षबिले वाणीं शुश्राव प्रमदेरिताम् धात्र्या कुमारम् आदाय सुतं जाम्बवतो द्विजाः ॥

sa hi ṛkṣabile vāṇīṃ śuśrāva pramaderitām dhātryā kumāram ādāya sutaṃ jāmbavato dvijāḥ //

For in the bear's hole he heard a voice uttered in delight by a nurse who had taken up the little boy, the son of Jāmbavat, O twice-born ones,

AI translation rendered from the Sanskrit, not a published edition

BrP 16.35

क्रीडयन्त्या च मणिना मा रोदीर् इत्य् अथेरिताम् ॥

krīḍayantyā ca maṇinā mā rodīr ity atheritām //

and who, making (him) play with the jewel, was saying, "Do not cry!"

AI translation rendered from the Sanskrit, not a published edition

BrP 16.36

सिंहः प्रसेनम् अवधीत् सिंहो जाम्बवता हतः सुकुमारक मा रोदीस् तव ह्य् एष स्यमन्तकः ॥

siṃhaḥ prasenam avadhīt siṃho jāmbavatā hataḥ sukumāraka mā rodīs tava hy eṣa syamantakaḥ //

"A lion killed Prasena; the lion was slain by Jāmbavat. Do not cry, dear little one—this Syamantaka is yours."

AI translation rendered from the Sanskrit, not a published edition

BrP 16.37

व्यक्तितस् तस्य शब्दस्य तूर्णम् एव बिलं ययौ प्रविश्य तत्र भगवांस् तद् ऋक्षबिलम् अञ्जसा ॥

vyaktitas tasya śabdasya tūrṇam eva bilaṃ yayau praviśya tatra bhagavāṃs tad ṛkṣabilam añjasā //

From the source of that sound made plain, (Kṛṣṇa) went at once to the cave; and entering there, the Lord (came) straightway into that bear's cave.

AI translation rendered from the Sanskrit, not a published edition

BrP 16.38

स्थापयित्वा बिलद्वारे यदूंल् लाङ्गलिना सह शार्ङ्गधन्वा बिलस्थं तु जाम्बवन्तं ददर्श सः ॥

sthāpayitvā biladvāre yadūṃl lāṅgalinā saha śārṅgadhanvā bilasthaṃ tu jāmbavantaṃ dadarśa saḥ //

Having stationed the Yadus, together with the plough-bearer (Balarāma), at the mouth of the cave, he, the wielder of the Śārṅga bow, saw Jāmbavat within the cave.

AI translation rendered from the Sanskrit, not a published edition

BrP 16.39

युयुधे वासुदेवस् तु बिले जाम्बवता सह बाहुभ्याम् एव गोविन्दो दिवसान् एकविंशतिम् ॥

yuyudhe vāsudevas tu bile jāmbavatā saha bāhubhyām eva govindo divasān ekaviṃśatim //

And Vāsudeva fought in the cave with Jāmbavat—Govinda, with his arms alone—for twenty-one days.

AI translation rendered from the Sanskrit, not a published edition

BrP 16.40

प्रविष्टे ऽथ बिले कृष्णे बलदेवपुरःसराः पुरीं द्वारवतीम् एत्य हतं कृष्णं न्यवेदयन् ॥

praviṣṭe 'tha bile kṛṣṇe baladevapuraḥsarāḥ purīṃ dvāravatīm etya hataṃ kṛṣṇaṃ nyavedayan //

Now when Kṛṣṇa had entered the cave, those led by Baladeva came to the city of Dvāravatī and reported that Kṛṣṇa had been killed.

AI translation rendered from the Sanskrit, not a published edition

BrP 16.41

वासुदेवो ऽपि निर्जित्य जाम्बवन्तं महाबलम् लेभे जाम्बवतीं कन्याम् ऋक्षराजस्य संमताम् ॥

vāsudevo 'pi nirjitya jāmbavantaṃ mahābalam lebhe jāmbavatīṃ kanyām ṛkṣarājasya saṃmatām //

And Vāsudeva, having vanquished the mighty Jāmbavat, obtained the maiden Jāmbavatī, granted (to him) by the king of the bears.

AI translation rendered from the Sanskrit, not a published edition

BrP 16.42

मणिं स्यमन्तकं चैव जग्राहात्मविशुद्धये अनुनीयर्क्षराजं तु निर्ययौ च ततो बिलात् ॥

maṇiṃ syamantakaṃ caiva jagrāhātmaviśuddhaye anunīyarkṣarājaṃ tu niryayau ca tato bilāt //

He took the Syamantaka jewel for the clearing of his own (name), and, having conciliated the bear king, went out from that cave.

AI translation rendered from the Sanskrit, not a published edition

BrP 16.43

उपायाद् द्वारकां कृष्णः स विनीतैः पुरःसरैः एवं स मणिम् आहृत्य विशोध्यात्मानम् अच्युतः ॥

upāyād dvārakāṃ kṛṣṇaḥ sa vinītaiḥ puraḥsaraiḥ evaṃ sa maṇim āhṛtya viśodhyātmānam acyutaḥ //

Kṛṣṇa approached Dvārakā with his attendants (now) submissive; thus that imperishable one, having brought back the jewel and cleared himself,

AI translation rendered from the Sanskrit, not a published edition

BrP 16.44

ददौ सत्राजिते तं वै सर्वसात्वतसंसदि एवं मिथ्याभिशस्तेन कृष्णेनामित्रघातिना ॥

dadau satrājite taṃ vai sarvasātvatasaṃsadi evaṃ mithyābhiśastena kṛṣṇenāmitraghātinā //

gave it to Satrājit in the assembly of all the Sātvatas. Thus by Kṛṣṇa, the slayer of foes, who had been falsely accused,

AI translation rendered from the Sanskrit, not a published edition

BrP 16.45

आत्मा विशोधितः पापाद् विनिर्जित्य स्यमन्तकम् सत्राजितो दश त्व् आसन् भार्यास् तासां शतं सुताः ॥

ātmā viśodhitaḥ pāpād vinirjitya syamantakam satrājito daśa tv āsan bhāryās tāsāṃ śataṃ sutāḥ //

his own self was cleansed of the offence by winning the Syamantaka. Now Satrājit had ten wives, and by them a hundred sons.

AI translation rendered from the Sanskrit, not a published edition

BrP 16.46

ख्यातिमन्तस् त्रयस् तेषां भगंकारस् तु पूर्वजः वीरो वातपतिश् चैव वसुमेधस् तथैव च ॥

khyātimantas trayas teṣāṃ bhagaṃkāras tu pūrvajaḥ vīro vātapatiś caiva vasumedhas tathaiva ca //

Three of them were renowned: Bhagaṃkāra was the eldest, and the hero Vātapati, and likewise Vasumedha.

AI translation rendered from the Sanskrit, not a published edition

BrP 16.47

कुमार्यश् चापि तिस्रो वै दिक्षु ख्याता द्विजोत्तमाः सत्यभामोत्तमा तासां व्रतिनी च दृढव्रता ॥

kumāryaś cāpi tisro vai dikṣu khyātā dvijottamāḥ satyabhāmottamā tāsāṃ vratinī ca dṛḍhavratā //

And he had three daughters too, famed in (all) the directions, O best of brahmins: Satyabhāmā the foremost of them, and Vratinī, and Dṛḍhavratā.

AI translation rendered from the Sanskrit, not a published edition

BrP 16.48

तथा प्रस्वापिनी चैव भार्यां कृष्णाय तां ददौ सभाक्षो भङ्गकारिस् तु नावेयश् च नरोत्तमौ ॥

tathā prasvāpinī caiva bhāryāṃ kṛṣṇāya tāṃ dadau sabhākṣo bhaṅgakāris tu nāveyaś ca narottamau //

And likewise Prasvāpinī—he gave her as wife to Kṛṣṇa. Sabhākṣa and Bhaṅgakāri and Nāveya, best of men,

AI translation rendered from the Sanskrit, not a published edition — the model flagged this verse as uncertain

BrP 16.49

जज्ञाते गुणसंपन्नौ विश्रुतौ रूपसंपदा माद्र्याः पुत्रो ऽथ जज्ञे ऽथ वृष्णिपुत्रो युधाजितः ॥

jajñāte guṇasaṃpannau viśrutau rūpasaṃpadā mādryāḥ putro 'tha jajñe 'tha vṛṣṇiputro yudhājitaḥ //

were born endowed with virtues and famed for their beauty. Then Mādrī's son was born, and then Yudhājit, son of Vṛṣṇi.

AI translation rendered from the Sanskrit, not a published edition — the model flagged this verse as uncertain

BrP 16.50

जज्ञाते तनयौ वृष्णेः श्वफल्कश् चित्रकस् तथा श्वफल्कः काशिराजस्य सुतां भार्याम् अविन्दत ॥

jajñāte tanayau vṛṣṇeḥ śvaphalkaś citrakas tathā śvaphalkaḥ kāśirājasya sutāṃ bhāryām avindata //

Two sons of Vṛṣṇi were born, Śvaphalka and Citraka; Śvaphalka obtained as wife the daughter of the king of Kāśi,

AI translation rendered from the Sanskrit, not a published edition

BrP 16.51

गान्दिनीं नाम तस्याश् च गाः सदा प्रददौ पिता तस्यां जज्ञे महाबाहुः श्रुतवान् अतिथिप्रियः ॥

gāndinīṃ nāma tasyāś ca gāḥ sadā pradadau pitā tasyāṃ jajñe mahābāhuḥ śrutavān atithipriyaḥ //

named Gāndinī; and her father used always to give away cows (on her account). Of her was born the great-armed one, learned, fond of guests,

AI translation rendered from the Sanskrit, not a published edition

BrP 16.52

अक्रूरो ऽथ महाभागो जज्ञे विपुलदक्षिणः उपमद्गुस् तथा मद्गुर् मुदरश् चारिमर्दनः ॥

akrūro 'tha mahābhāgo jajñe vipuladakṣiṇaḥ upamadgus tathā madgur mudaraś cārimardanaḥ //

the greatly fortunate Akrūra, of ample gifts; also Upamadgu and Madgu, Mudara and Arimardana,

AI translation rendered from the Sanskrit, not a published edition

BrP 16.53

आरिक्षेपस् तथोपेक्षः शत्रुहा चारिमेजयः धर्मभृच् चापि धर्मा च गृध्रभोजान्धकस् तथा ॥

ārikṣepas tathopekṣaḥ śatruhā cārimejayaḥ dharmabhṛc cāpi dharmā ca gṛdhrabhojāndhakas tathā //

Ārikṣepa and Upekṣa, Śatruhā and Arimejaya, Dharmabhṛt and Dharmā, and Gṛdhrabhoja and Andhaka,

AI translation rendered from the Sanskrit, not a published edition

BrP 16.54

आवाहप्रतिवाहौ च सुन्दरी च वराङ्गना विश्रुताश्वस्य महिषी कन्या चास्य वसुंधरा ॥

āvāhaprativāhau ca sundarī ca varāṅganā viśrutāśvasya mahiṣī kanyā cāsya vasuṃdharā //

and Āvāha and Prativāha, and Sundarī, a lovely-limbed woman, who became the chief queen of Viśrutāśva; and his daughter was Vasuṃdharā,

AI translation rendered from the Sanskrit, not a published edition

BrP 16.55

रूपयौवनसंपन्ना सर्वसत्त्वमनोहरा अक्रूरेणोग्रसेनायां सुतौ वै कुलनन्दनौ ॥

rūpayauvanasaṃpannā sarvasattvamanoharā akrūreṇograsenāyāṃ sutau vai kulanandanau //

endowed with beauty and youth, captivating the minds of all beings. By Akrūra, in Ugrasenā, (were begotten) two sons, delighters of the family:

AI translation rendered from the Sanskrit, not a published edition

BrP 16.56

वसुदेवश् चोपदेवश् च जज्ञाते देववर्चसौ चित्रकस्याभवन् पुत्राः पृथुर् विपृथुर् एव च ॥

vasudevaś copadevaś ca jajñāte devavarcasau citrakasyābhavan putrāḥ pṛthur vipṛthur eva ca //

Vasudeva and Upadeva were born, both with the splendour of gods. Citraka's sons were Pṛthu and Vipṛthu,

AI translation rendered from the Sanskrit, not a published edition

BrP 16.57

अश्वग्रीवो ऽश्वबाहुश् च सुपार्श्वकगवेषणौ अरिष्टनेमिश् च सुता धर्मो धर्मभृद् एव च ॥

aśvagrīvo 'śvabāhuś ca supārśvakagaveṣaṇau ariṣṭanemiś ca sutā dharmo dharmabhṛd eva ca //

Aśvagrīva and Aśvabāhu, Supārśvaka and Gaveṣaṇa, and Ariṣṭanemi, and the sons Dharma and Dharmabhṛt,

AI translation rendered from the Sanskrit, not a published edition

BrP 16.58

सुबाहुर् बहुबाहुश् च श्रविष्ठाश्रवणे स्त्रियौ इमां मिथ्याभिशस्तिं यः कृष्णस्य समुदाहृताम् ॥

subāhur bahubāhuś ca śraviṣṭhāśravaṇe striyau imāṃ mithyābhiśastiṃ yaḥ kṛṣṇasya samudāhṛtām //

Subāhu and Bahubāhu; and the two women Śraviṣṭhā and Śravaṇā. He who (knows) this false accusation that was brought against Kṛṣṇa —

AI translation rendered from the Sanskrit, not a published edition — the model flagged this verse as uncertain

BrP 16.59

वेद मिथ्याभिशापास् तं न स्पृशन्ति कदाचन ॥

veda mithyābhiśāpās taṃ na spṛśanti kadācana //

— knows (it), false accusations never touch him.

AI translation rendered from the Sanskrit, not a published edition — the model flagged this verse as uncertain