Brahma Purana — Chapter 159
BrP 159.1
वञ्जरासंगमं नाम तीर्थं त्रैलोक्यविश्रुतम् ऋषिभिः सेवितं नित्यं सिद्धै राजर्षिभिस् तथा ॥
vañjarāsaṃgamaṃ nāma tīrthaṃ trailokyaviśrutam ṛṣibhiḥ sevitaṃ nityaṃ siddhai rājarṣibhis tathā //
There is a ford named the Confluence of the Vañjarā, famed in the three worlds, ever frequented by seers, by the Siddhas and by the royal sages.
AI translation rendered from the Sanskrit, not a published edition
BrP 159.2
दासत्वम् अगमत् पूर्वं नागानां गरुडः खगः मातृदास्यात् तदा दुःखपरिसंतप्तमानसः कदाचिच् चिन्तयाम् आस रहः स्थित्वा विनिश्वसन् ॥
dāsatvam agamat pūrvaṃ nāgānāṃ garuḍaḥ khagaḥ mātṛdāsyāt tadā duḥkhaparisaṃtaptamānasaḥ kadācic cintayām āsa rahaḥ sthitvā viniśvasan //
Formerly Garuḍa the bird came into servitude to the serpents because of his mother's slavery; then, his mind scorched with grief, he once, staying in a solitary place and sighing, fell to thinking:
AI translation rendered from the Sanskrit, not a published edition
BrP 159.3
त एव धन्या लोके ऽस्मिन् कृतपुण्यास् त एव हि नान्यसेवा कृता यैस् तु न येषां व्यसनागमः ॥
ta eva dhanyā loke 'smin kṛtapuṇyās ta eva hi nānyasevā kṛtā yais tu na yeṣāṃ vyasanāgamaḥ //
"Only they are fortunate in this world, only they have done meritorious deeds, who have rendered no service to another and to whom no calamity comes.
AI translation rendered from the Sanskrit, not a published edition
BrP 159.4
सुखं तिष्ठन्ति गायन्ति स्वपन्ति च हसन्ति च स्वदेहप्रभवो धन्या धिग् धिग् अन्यवशे स्थितान् ॥
sukhaṃ tiṣṭhanti gāyanti svapanti ca hasanti ca svadehaprabhavo dhanyā dhig dhig anyavaśe sthitān //
They stand at ease, they sing, they sleep and they laugh; blessed are those whose livelihood springs from their own body. Fie, fie upon those who live in another's power!"
AI translation rendered from the Sanskrit, not a published edition
BrP 159.5
इति चिन्तासमाविष्टो जननीम् एत्य दुःखितः पर्यपृच्छद् अमेयात्मा वैनतेयो ऽथ मातरम् ॥
iti cintāsamāviṣṭo jananīm etya duḥkhitaḥ paryapṛcchad ameyātmā vainateyo 'tha mātaram //
Filled with such brooding, the son of Vinatā, of immeasurable spirit, in sorrow went to his mother and questioned her:
AI translation rendered from the Sanskrit, not a published edition
BrP 159.6
कस्यापराधान् मातस् त्वं पितुर् वा मम वान्यतः दासीत्वम् आप्ता वद तत्कारणं मम पृच्छतः ॥
kasyāparādhān mātas tvaṃ pitur vā mama vānyataḥ dāsītvam āptā vada tatkāraṇaṃ mama pṛcchataḥ //
"Through whose offence, mother — my father's, or mine, or another's — have you come to slavery? Tell me the cause of it, since I ask."
AI translation rendered from the Sanskrit, not a published edition
BrP 159.7
साब्रवीत् पुत्रम् आत्मीयम् अरुणस्यानुजं प्रियम् ॥
sābravīt putram ātmīyam aruṇasyānujaṃ priyam //
She said to her own dear son, the younger brother of Aruṇa:
AI translation rendered from the Sanskrit, not a published edition
BrP 159.8
नैव कस्यापराधो ऽस्ति स्वापराधो मयोदितः यस्या वाक्यं विपर्येति सा दासी स्यान् मयोदितम् ॥
naiva kasyāparādho 'sti svāparādho mayoditaḥ yasyā vākyaṃ viparyeti sā dāsī syān mayoditam //
"It is no one's offence at all; the offence declared was my own. 'Whichever of us's word proves false, she shall be a slave' — that was said by me.
AI translation rendered from the Sanskrit, not a published edition
BrP 159.9
कद्रूश् चापि तथैवाहं सा मया संयुता ययौ कद्र्वा ममाभवद् वादश् छद्मनाहं तया जिता ॥
kadrūś cāpi tathaivāhaṃ sā mayā saṃyutā yayau kadrvā mamābhavad vādaś chadmanāhaṃ tayā jitā //
And Kadrū likewise, and I; she went along with me. Kadrū and I had a dispute, and by trickery I was defeated by her.
AI translation rendered from the Sanskrit, not a published edition
BrP 159.10
विधिर् हि बलवांस् तात कां कां चेष्टां न चेष्टते एवं दासीत्वम् अगमं कद्र्वाः कश्यपनन्दन यदा दासी तु जाताहं दासो ऽभूस् त्वं द्विजन्मज ॥
vidhir hi balavāṃs tāta kāṃ kāṃ ceṣṭāṃ na ceṣṭate evaṃ dāsītvam agamaṃ kadrvāḥ kaśyapanandana yadā dāsī tu jātāhaṃ dāso 'bhūs tvaṃ dvijanmaja //
For fate is strong, my child; what contrivance does it not contrive? Thus I came into Kadrū's slavery, O son of Kaśyapa; and when I was made a slave, you too became a slave, O egg-born one.
AI translation rendered from the Sanskrit, not a published edition
BrP 159.11
तूष्णीं तदा बभूवासौ गरुडो ऽतीव दुःखितः न किंचिद् ऊचे जननीं चिन्तयन् भवितव्यताम् ॥
tūṣṇīṃ tadā babhūvāsau garuḍo 'tīva duḥkhitaḥ na kiṃcid ūce jananīṃ cintayan bhavitavyatām //
Then Garuḍa fell silent, exceedingly grieved; he said nothing to his mother, reflecting on what must be.
AI translation rendered from the Sanskrit, not a published edition
BrP 159.12
कद्रूः कदाचित् सा प्राह पुत्राणां हितम् इच्छती आत्मनो भूतिम् इच्छन्ती विनतां खगमातरम् ॥
kadrūḥ kadācit sā prāha putrāṇāṃ hitam icchatī ātmano bhūtim icchantī vinatāṃ khagamātaram //
Once Kadrū, wishing the welfare of her sons and desiring her own prosperity, spoke to Vinatā, the mother of the bird:
AI translation rendered from the Sanskrit, not a published edition
BrP 159.13
पुत्रः सूर्यं नमस्कर्तुं तव यात्य् अनिवारितः अहो लोकत्रये ऽप्य् अस्मिन् धन्यासि बत दास्य् अपि ॥
putraḥ sūryaṃ namaskartuṃ tava yāty anivāritaḥ aho lokatraye 'py asmin dhanyāsi bata dāsy api //
"Your son goes unhindered to make obeisance to the sun. Ah, in these three worlds you are fortunate indeed, slave though you are!"
AI translation rendered from the Sanskrit, not a published edition
BrP 159.14
स्वदुःखं गूहमाना सा कद्रूं प्राह सुविस्मिता ॥
svaduḥkhaṃ gūhamānā sā kadrūṃ prāha suvismitā //
Concealing her own grief, she, much astonished, said to Kadrū:
AI translation rendered from the Sanskrit, not a published edition
BrP 159.15
तव पुत्रास् तु किम् इति रविं द्रष्टुं न यान्ति च ॥
tava putrās tu kim iti raviṃ draṣṭuṃ na yānti ca //
"But why is it that your sons do not go to see the sun?"
AI translation rendered from the Sanskrit, not a published edition
BrP 159.16
पुत्रान् मदीयान् सुभगे नय नागालयं प्रति समुद्रस्य समीपे तु तद् आस्ते शीतलं सरः ॥
putrān madīyān subhage naya nāgālayaṃ prati samudrasya samīpe tu tad āste śītalaṃ saraḥ //
"Take my sons, good lady, to the dwelling of the nāgas; near the ocean lies that cool lake."
AI translation rendered from the Sanskrit, not a published edition
BrP 159.17
सुपर्णस् त्व् अवहन् नागान् कद्रूं च विनता तथा ततः प्रोवाच मुदिता वैनतेयस्य मातरम् ॥
suparṇas tv avahan nāgān kadrūṃ ca vinatā tathā tataḥ provāca muditā vainateyasya mātaram //
So Suparṇa carried the nāgas, and Vinatā carried Kadrū; then, delighted, she spoke to the mother of Vainateya:
AI translation rendered from the Sanskrit, not a published edition
BrP 159.18
सुराणां नेतु निलयं गरुडो मत्सुतान् इति पुनः प्राह सर्पमाता गरुडं विनयान्वितम् ॥
surāṇāṃ netu nilayaṃ garuḍo matsutān iti punaḥ prāha sarpamātā garuḍaṃ vinayānvitam //
"Let Garuḍa carry my sons to the dwelling of the gods" — so again the mother of the serpents said to Garuḍa, who was full of deference.
AI translation rendered from the Sanskrit, not a published edition
BrP 159.19
पुत्रा मे द्रष्टुम् इच्छन्ति हंसं त्रिजगतां गुरुम् नमस्कृत्वा ततः सूर्यम् एष्यन्ति निलयं मम हण्डे त्वं नय पुत्रान् मे सूर्यमण्डलम् अन्वहम् ॥
putrā me draṣṭum icchanti haṃsaṃ trijagatāṃ gurum namaskṛtvā tataḥ sūryam eṣyanti nilayaṃ mama haṇḍe tvaṃ naya putrān me sūryamaṇḍalam anvaham //
“My sons wish to see the swan, the teacher of the three worlds; then, having made obeisance to the sun, they will come (back) to my dwelling. Hey there! You lead my sons to the sun's orb, day after day.”
AI translation rendered from the Sanskrit, not a published edition
BrP 159.20
सा वेपमाना विनता दीना कद्रूम् अभाषत ॥
sā vepamānā vinatā dīnā kadrūm abhāṣata //
She, Vinatā, trembling and wretched, spoke to Kadrū:
AI translation rendered from the Sanskrit, not a published edition
BrP 159.21
नाहं क्षमा सर्पमातः पुत्रो मे नेष्यते सुतान् दृष्ट्वा दिनकरं देवं पुनर् एव प्रयान्तु ते ॥
nāhaṃ kṣamā sarpamātaḥ putro me neṣyate sutān dṛṣṭvā dinakaraṃ devaṃ punar eva prayāntu te //
“I am not able (to allow it), O mother of serpents. (Yet) my son will lead your sons; having seen the day-making god, let them come back again.”
AI translation rendered from the Sanskrit, not a published edition
BrP 159.22
विनता स्वसुतं प्राह विहगानाम् अधीश्वरम् नमस्कर्तुम् अथेच्छन्ति नागाः स्वामित्वम् आगताः ॥
vinatā svasutaṃ prāha vihagānām adhīśvaram namaskartum athecchanti nāgāḥ svāmitvam āgatāḥ //
Vinatā spoke to her own son, the overlord of birds: “The nāgas, who have come into (our) mastery, wish now to make obeisance
AI translation rendered from the Sanskrit, not a published edition
BrP 159.23
भास्वन्तम् इत्य् उवाचेयं मां सर्पजननी हठात् तथेत्य् उक्त्वा स गरुडो माम् आरोहन्तु पन्नगाः ॥
bhāsvantam ity uvāceyaṃ māṃ sarpajananī haṭhāt tathety uktvā sa garuḍo mām ārohantu pannagāḥ //
to the shining one” — thus the serpents' mother said to me forcibly. Saying “so be it,” Garuḍa (said): “Let the serpents mount me.”
AI translation rendered from the Sanskrit, not a published edition — the model flagged this verse as uncertain
BrP 159.24
तदारूढं सर्पसैन्यं गरुडं विहगाधिपम् शनैः शनैर् उपगमद् यत्र देवो दिवाकरः ते दह्यमानास् तीक्ष्णेन भानुतापेन विव्यथुः ॥
tadārūḍhaṃ sarpasainyaṃ garuḍaṃ vihagādhipam śanaiḥ śanair upagamad yatra devo divākaraḥ te dahyamānās tīkṣṇena bhānutāpena vivyathuḥ //
The serpent host, mounted upon Garuḍa, lord of birds, went slowly, slowly, to where the god, the maker of day, was; and they, being scorched, suffered from the sharp heat of the sun.
AI translation rendered from the Sanskrit, not a published edition
BrP 159.25
निवर्तस्व महाप्राज्ञ पतंगाय नमो नमः अलं सूर्यस्य सदनं दग्धाः सूर्यस्य तेजसा यामस् त्वया वा गरुड विहाय त्वाम् अथापि वा ॥
nivartasva mahāprājña pataṃgāya namo namaḥ alaṃ sūryasya sadanaṃ dagdhāḥ sūryasya tejasā yāmas tvayā vā garuḍa vihāya tvām athāpi vā //
“Turn back, greatly wise one! Homage, homage to the sun! Enough of the sun's abode — we are burnt by the sun's fiery heat. We shall go, Garuḍa, either with you or else leaving you (behind).”
AI translation rendered from the Sanskrit, not a published edition
BrP 159.26
एवं नागैर् उच्यमान आदित्यं दर्शयामि वः इत्य् उक्त्वा गगनं शीघ्रं जगामादित्यसंमुखः ॥
evaṃ nāgair ucyamāna ādityaṃ darśayāmi vaḥ ity uktvā gaganaṃ śīghraṃ jagāmādityasaṃmukhaḥ //
Being addressed thus by the nāgas, (he said) “I will show you the sun,” and having said this he went swiftly into the sky, facing the sun.
AI translation rendered from the Sanskrit, not a published edition
BrP 159.27
दग्धभोगा निपेतुस् ते द्वीपं तं वीरणं प्रति बहवः शतसाहस्राः पीडिता दग्धविग्रहाः ॥
dagdhabhogā nipetus te dvīpaṃ taṃ vīraṇaṃ prati bahavaḥ śatasāhasrāḥ pīḍitā dagdhavigrahāḥ //
Their coils burnt, they fell down onto that island of Vīraṇa — many, hundreds of thousands, afflicted, their bodies burnt.
AI translation rendered from the Sanskrit, not a published edition
BrP 159.28
पुत्राणाम् आर्तसंनादं पतितानां महीतले आश्वासितुं समायाता तान् सा कद्रूः सुविह्वला ॥
putrāṇām ārtasaṃnādaṃ patitānāṃ mahītale āśvāsituṃ samāyātā tān sā kadrūḥ suvihvalā //
That Kadrū, greatly distraught, came to comfort her sons, (hearing) the anguished cry of those who had fallen on the earth.
AI translation rendered from the Sanskrit, not a published edition
BrP 159.29
उवाच विनतां कद्रूस् तव पुत्रो ऽतिदुष्कृतम् कृतवान् अतिदुर्मेधा येषां शान्तिर् न विद्यते ॥
uvāca vinatāṃ kadrūs tava putro 'tiduṣkṛtam kṛtavān atidurmedhā yeṣāṃ śāntir na vidyate //
Kadrū said to Vinatā: “Your son, exceedingly witless, has done a very evil deed — one for which (my sons) find no relief.”
AI translation rendered from the Sanskrit, not a published edition
BrP 159.30
नान्यथा कर्तुम् आयाति स्वामिवाक्यं फणीश्वरः स काश्यपो बृहत्तेजा यद्य् अत्र स्याद् अनामयम् ॥
nānyathā kartum āyāti svāmivākyaṃ phaṇīśvaraḥ sa kāśyapo bṛhattejā yady atra syād anāmayam //
“The lord of serpents cannot act otherwise than the master's word. If that Kāśyapa of vast fiery power were here (there) would be well-being.
AI translation rendered from the Sanskrit, not a published edition — the model flagged this verse as uncertain
BrP 159.31
भवेच् चैवं कथं शान्तिः पुत्राणां मम भामिनि कद्र्वास् तद् वचनं श्रुत्वा विनता ह्य् अतिभीतवत् ॥
bhavec caivaṃ kathaṃ śāntiḥ putrāṇāṃ mama bhāmini kadrvās tad vacanaṃ śrutvā vinatā hy atibhītavat //
And so how might there be relief for my sons, O lady?” Having heard that speech of Kadrū, Vinatā, as if greatly frightened,
AI translation rendered from the Sanskrit, not a published edition
BrP 159.32
पुत्रम् आह महात्मानं गरुडं विहगाधिपम् ॥
putram āha mahātmānaṃ garuḍaṃ vihagādhipam //
spoke to her great-souled son Garuḍa, the lord of birds:
AI translation rendered from the Sanskrit, not a published edition
BrP 159.33
नेदं युक्ततरं पुत्र भूषणं विनयेन हि वर्तितुं युक्तम् इत्य् उक्तं वैपरीत्यं न युज्यते ॥
nedaṃ yuktataraṃ putra bhūṣaṇaṃ vinayena hi vartituṃ yuktam ity uktaṃ vaiparītyaṃ na yujyate //
“This is not very fitting, son; for the ornament (of the good) is modesty. It is said that it is proper to conduct oneself (so); the contrary is not proper.
AI translation rendered from the Sanskrit, not a published edition — the model flagged this verse as uncertain
BrP 159.34
नामित्रेष्व् अपि कर्तव्यं सद्भिर् जिह्मं कदाचन श्रोत्रिये चान्त्यजे वापि समं चन्द्रः प्रकाशते ॥
nāmitreṣv api kartavyaṃ sadbhir jihmaṃ kadācana śrotriye cāntyaje vāpi samaṃ candraḥ prakāśate //
Crookedness should never be practised by the good, not even toward enemies; the moon shines equally upon the Vedic scholar and upon the lowest-born.
AI translation rendered from the Sanskrit, not a published edition
BrP 159.35
कुर्वन्त्य् अनिष्टं कपटैस् त एव मम पुत्रक प्रसह्य कर्तुं ये साक्षाद् अशक्ताः पुरुषाधमाः ॥
kurvanty aniṣṭaṃ kapaṭais ta eva mama putraka prasahya kartuṃ ye sākṣād aśaktāḥ puruṣādhamāḥ //
Those very lowest of men, my little son, who are unable to do it openly by force, work harm by deceits.”
AI translation rendered from the Sanskrit, not a published edition
BrP 159.36
विनता च ततः प्राह कद्रूं तां सर्पमातरम् ॥
vinatā ca tataḥ prāha kadrūṃ tāṃ sarpamātaram //
And then Vinatā spoke to that Kadrū, the mother of serpents:
AI translation rendered from the Sanskrit, not a published edition
BrP 159.37
किं कृत्वा शान्तिर् अभ्येति पुत्राणां ते करोमि तत् जरया तु गृहीतास् ते वद शान्तिं करोमि तत् ॥
kiṃ kṛtvā śāntir abhyeti putrāṇāṃ te karomi tat jarayā tu gṛhītās te vada śāntiṃ karomi tat //
“By doing what does relief come to your sons? That I will do. They are gripped by decay — tell me, I will bring about their relief.”
AI translation rendered from the Sanskrit, not a published edition — the model flagged this verse as uncertain
BrP 159.38
कद्रूर् अप्य् आह विनतां रसातलगतं पयः तेनाभिषेचितानां मे पुत्राणां शान्तिर् एष्यति ॥
kadrūr apy āha vinatāṃ rasātalagataṃ payaḥ tenābhiṣecitānāṃ me putrāṇāṃ śāntir eṣyati //
Kadrū too said to Vinatā: “(There is) milk that has gone to Rasātala; when my sons are sprinkled with that, relief will come to them.”
AI translation rendered from the Sanskrit, not a published edition
BrP 159.39
कद्र्वास् तद् वचनं श्रुत्वा रसातलगतं पयः क्षणेनैव समानीय नागांस् तान् अभ्यषेचयत् ततः प्रोवाच गरुडो मघवानं शतक्रतुम् ॥
kadrvās tad vacanaṃ śrutvā rasātalagataṃ payaḥ kṣaṇenaiva samānīya nāgāṃs tān abhyaṣecayat tataḥ provāca garuḍo maghavānaṃ śatakratum //
Hearing that speech of Kadrū, (Garuḍa) brought the water lying in Rasātala in but an instant and sprinkled those nāgas with it. Then Garuḍa said to Maghavan, the performer of a hundred sacrifices:
AI translation rendered from the Sanskrit, not a published edition
BrP 159.40
मेघाश् चाप्य् अत्र वर्षन्तु त्रैलोक्यस्योपकारिणः ॥
meghāś cāpy atra varṣantu trailokyasyopakāriṇaḥ //
"And let the clouds too rain here, doing a service to the three worlds."
AI translation rendered from the Sanskrit, not a published edition
BrP 159.41
तथा ववर्ष पर्जन्यो नागानाम् अभवच् छिवम् रसातलभवं गाङ्गं नागसंजीवनं पयः ॥
tathā vavarṣa parjanyo nāgānām abhavac chivam rasātalabhavaṃ gāṅgaṃ nāgasaṃjīvanaṃ payaḥ //
So the rain-god rained, and well-being came to the nāgas — the water of the Ganges arisen from Rasātala, which is the reviver of nāgas.
AI translation rendered from the Sanskrit, not a published edition
BrP 159.42
जराशोकविनाशार्थम् आनीतं गरुडेन यत् यत्राभिषेचिता नागास् तन् नागालयम् उच्यते ॥
jarāśokavināśārtham ānītaṃ garuḍena yat yatrābhiṣecitā nāgās tan nāgālayam ucyate //
That which was brought by Garuḍa for the destruction of old age and sorrow, (and) the place where the nāgas were sprinkled (with it) — that is called Nāgālaya.
AI translation rendered from the Sanskrit, not a published edition
BrP 159.43
गरुडेन यतो वारि आनीतं तद् रसातलात् तद् गाङ्गं वारि सर्वेषां सर्वपापप्रणाशनम् ॥
garuḍena yato vāri ānītaṃ tad rasātalāt tad gāṅgaṃ vāri sarveṣāṃ sarvapāpapraṇāśanam //
Since the water was brought by Garuḍa from Rasātala, that water of the Ganges destroys all the sins of all (people).
AI translation rendered from the Sanskrit, not a published edition
BrP 159.44
जराया वारणं यस्मान् नागानाम् अभवच् छिवम् रसातलभवं गाङ्गं नागसंजीवनं यतः ॥
jarāyā vāraṇaṃ yasmān nāgānām abhavac chivam rasātalabhavaṃ gāṅgaṃ nāgasaṃjīvanaṃ yataḥ //
Because it was a warding off (vāraṇa) of old age (jarā), since well-being came to the nāgas (from) the Ganges water arisen from Rasātala, the reviver of nāgas —
AI translation rendered from the Sanskrit, not a published edition
BrP 159.45
जराशोकविनाशार्थं गङ्गाया दक्षिणे तटे साक्षाद् अमृतसंवाहा वञ्जरा साभवन् नदी ॥
jarāśokavināśārthaṃ gaṅgāyā dakṣiṇe taṭe sākṣād amṛtasaṃvāhā vañjarā sābhavan nadī //
— for the destruction of old age and sorrow, on the southern bank of the Ganges, that river Vañjarā came into being, verily a stream carrying nectar.
AI translation rendered from the Sanskrit, not a published edition
BrP 159.46
जरादारिद्र्यसंतापहारिणी क्लेशवारिणी रसातलभवा गङ्गा मर्त्यलोकभवा तु या ॥
jarādāridryasaṃtāpahāriṇī kleśavāriṇī rasātalabhavā gaṅgā martyalokabhavā tu yā //
The Ganges arisen from Rasātala takes away old age, poverty and affliction and wards off distress; and (there is) that (Ganges) which arose in the world of mortals.
AI translation rendered from the Sanskrit, not a published edition
BrP 159.47
तयोश् च संगमो यः स्यात् किं पुनस् तत्र वर्ण्यते यस्यानुस्मरणाद् एव नाशं यान्त्य् अघसंचयाः ॥
tayoś ca saṃgamo yaḥ syāt kiṃ punas tatra varṇyate yasyānusmaraṇād eva nāśaṃ yānty aghasaṃcayāḥ //
And as for the confluence of those two — what more can be described there, by the mere remembering of which heaps of evil go to destruction?
AI translation rendered from the Sanskrit, not a published edition
BrP 159.48
तत्र च स्नानदानानां फलं को वक्तुम् ईश्वरः सपादं तत्र तीर्थानां लक्षम् आहुर् मनीषिणः ॥
tatra ca snānadānānāṃ phalaṃ ko vaktum īśvaraḥ sapādaṃ tatra tīrthānāṃ lakṣam āhur manīṣiṇaḥ //
And who is able to state the fruit of bathings and gifts there? The wise say that there are a hundred thousand and a quarter of holy fords there.
AI translation rendered from the Sanskrit, not a published edition
BrP 159.49
सर्वसंपत्तिदातॄणां सर्वपापौघहारिणाम् वञ्जरासंगमसमं तीर्थं क्वापि न विद्यते यदनुस्मरणेनापि विपद्यन्ते विपत्तयः ॥
sarvasaṃpattidātṝṇāṃ sarvapāpaughahāriṇām vañjarāsaṃgamasamaṃ tīrthaṃ kvāpi na vidyate yadanusmaraṇenāpi vipadyante vipattayaḥ //
Nowhere at all is there a tīrtha equal to the Vañjarā confluence, (foremost) among (tīrthas) that grant every prosperity and carry away every flood of sin — by the mere remembering of which calamities are undone.
AI translation rendered from the Sanskrit, not a published edition