Brahma Purana — Chapter 153
BrP 153.1
भावतीर्थम् इति प्रोक्तं यत्र साक्षाद् भवः स्थितः अशेषजगदन्तस्थो भूतात्मा सच्चिदाकृतिः ॥
bhāvatīrtham iti proktaṃ yatra sākṣād bhavaḥ sthitaḥ aśeṣajagadantastho bhūtātmā saccidākṛtiḥ //
It is called Bhāvatīrtha, where Bhava stands in person — he who dwells within the entire world, the self of beings, whose form is being and consciousness.
AI translation rendered from the Sanskrit, not a published edition
BrP 153.2
तत्रेमां शृणु वक्ष्यामि कथां पुण्यतमां शुभाम् सूर्यवंशकरः श्रीमान् क्षत्रियाणां धुरंधरः ॥
tatremāṃ śṛṇu vakṣyāmi kathāṃ puṇyatamāṃ śubhām sūryavaṃśakaraḥ śrīmān kṣatriyāṇāṃ dhuraṃdharaḥ //
Hear this most meritorious and auspicious story that I shall tell about that place: the illustrious one who upheld the solar line, the foremost bearer of the burden among kṣatriyas—
AI translation rendered from the Sanskrit, not a published edition
BrP 153.3
प्राचीनबर्हिर् आख्यातः सर्वधर्मेषु पारगः तिस्रः कोट्यो ऽर्धकोटिश् च वर्षाणां राज्य आस्थितः ॥
prācīnabarhir ākhyātaḥ sarvadharmeṣu pāragaḥ tisraḥ koṭyo 'rdhakoṭiś ca varṣāṇāṃ rājya āsthitaḥ //
—he was called Prācīnabarhi, one who had gone to the far shore of all the duties; he remained in kingship for three and a half crores of years.
AI translation rendered from the Sanskrit, not a published edition
BrP 153.4
तस्येदृशं व्रतं चासीद् यद् अहं यौवनच्युतः भवेयं प्रियया वापि पुत्रैर् वा प्रियवस्तुभिः ॥
tasyedṛśaṃ vrataṃ cāsīd yad ahaṃ yauvanacyutaḥ bhaveyaṃ priyayā vāpi putrair vā priyavastubhiḥ //
And this was his vow: "If I should lose my youth, or if I should be parted from my beloved wife, or from my sons, or from the things I hold dear,
AI translation rendered from the Sanskrit, not a published edition
BrP 153.5
वियुज्येयं ततो राज्यं त्यक्ष्ये ऽहं नात्र संशयः विवेकिनां कुलीनानाम् इदम् एवोचितं नृणाम् ॥
viyujyeyaṃ tato rājyaṃ tyakṣye 'haṃ nātra saṃśayaḥ vivekināṃ kulīnānām idam evocitaṃ nṛṇām //
then I shall abandon the kingdom—of this there is no doubt. For men of discrimination and of good family just this is fitting."
AI translation rendered from the Sanskrit, not a published edition
BrP 153.6
स्थीयते विजने क्वापि विरक्तैर् विभवक्षये तस्मिन् प्रशासति महीं न वियोगः प्रियैः क्वचित् ॥
sthīyate vijane kvāpi viraktair vibhavakṣaye tasmin praśāsati mahīṃ na viyogaḥ priyaiḥ kvacit //
When wealth is destroyed, men who have grown detached dwell somewhere in a solitary place. While he ruled the earth there was never any separation from those one loves.
AI translation rendered from the Sanskrit, not a published edition
BrP 153.7
नाधिव्याधी न दुर्भिक्षं न बन्धुकलहो नृणाम् तस्मिञ् शासति राज्यं तु न च कश्चिद् वियुज्यते ॥
nādhivyādhī na durbhikṣaṃ na bandhukalaho nṛṇām tasmiñ śāsati rājyaṃ tu na ca kaścid viyujyate //
While he ruled the kingdom men had no mental or bodily illness, no famine, no quarrel among kinsmen, and no one was ever parted (from his dear ones).
AI translation rendered from the Sanskrit, not a published edition
BrP 153.8
ततः पुत्रार्थम् अकरोद् यज्ञं राजा महामतिः ततः प्रसन्नो भगवान् वरं प्रादाद् यथेप्सितम् ॥
tataḥ putrārtham akarod yajñaṃ rājā mahāmatiḥ tataḥ prasanno bhagavān varaṃ prādād yathepsitam //
Then the king of great mind performed a sacrifice for the sake of a son, and thereupon the Lord, well pleased, granted the boon just as desired.
AI translation rendered from the Sanskrit, not a published edition
BrP 153.9
गौतमीतीरसंस्थाय राज्ञे देवो महेश्वरः पुत्रं देहीति राजा वै भवं प्राह स भार्यया ॥
gautamītīrasaṃsthāya rājñe devo maheśvaraḥ putraṃ dehīti rājā vai bhavaṃ prāha sa bhāryayā //
The god Maheśvara, standing on the bank of the Gautamī, (appeared) to the king; and the king together with his wife said to Bhava, "Grant a son."
AI translation rendered from the Sanskrit, not a published edition — the model flagged this verse as uncertain
BrP 153.10
भवः प्राह नृपं प्रीत्या पश्य नेत्रं तृतीयकम् ततः पश्यति राजेन्द्रे भवस्याक्षि तु मानद ॥
bhavaḥ prāha nṛpaṃ prītyā paśya netraṃ tṛtīyakam tataḥ paśyati rājendre bhavasyākṣi tu mānada //
Bhava said to the king affectionately, "Look at my third eye." Then, O bestower of honour, when that best of kings looked at Bhava's eye,
AI translation rendered from the Sanskrit, not a published edition
BrP 153.11
चक्षुर्दीप्त्याभवत् पुत्रो महिमा नाम विश्रुतः येनाकारि स्तुतिः पुण्या महिम्न इति विश्रुता ॥
cakṣurdīptyābhavat putro mahimā nāma viśrutaḥ yenākāri stutiḥ puṇyā mahimna iti viśrutā //
from the radiance of the eye there came to be a son, renowned by the name Mahiman, by whom was composed the holy hymn famed as the Mahimnaḥ (Stotra).
AI translation rendered from the Sanskrit, not a published edition
BrP 153.12
किम् अलभ्यं भगवति प्रसन्ने त्रिपुरान्तके यं नित्यम् अनुवर्तन्ते हरिब्रह्मादयः सुराः ॥
kim alabhyaṃ bhagavati prasanne tripurāntake yaṃ nityam anuvartante haribrahmādayaḥ surāḥ //
What is unobtainable when the Lord, the ender of Tripura, is pleased—he whom Hari, Brahmā and the other gods constantly follow?
AI translation rendered from the Sanskrit, not a published edition
BrP 153.13
प्राप्तपुत्रश् च नृपतिस् तीर्थश्रैष्ठ्यम् अयाचत महापापमहारोगमहाव्यसनिनां नृणाम् ॥
prāptaputraś ca nṛpatis tīrthaśraiṣṭhyam ayācata mahāpāpamahārogamahāvyasanināṃ nṛṇām //
And the king, having obtained a son, asked that this be the foremost of holy fords—for men of great sin, great disease and great misfortune,
AI translation rendered from the Sanskrit, not a published edition
BrP 153.14
नानाविपद्गणार्तानां सर्वाभिमतलब्धये प्रादाज् ज्यैष्ठ्यं भवश् चापि भावतीर्थं तद् उच्यते ॥
nānāvipadgaṇārtānāṃ sarvābhimatalabdhaye prādāj jyaiṣṭhyaṃ bhavaś cāpi bhāvatīrthaṃ tad ucyate //
and for those afflicted by the various sorts of calamity, so that they might obtain all they wish for; and Bhava did grant it the first rank. Therefore it is called Bhāvatīrtha.
AI translation rendered from the Sanskrit, not a published edition
BrP 153.15
तत्र स्नानेन दानेन सर्वान् कामान् अवाप्नुयात् भवप्रसादाद् अभवत् सुतः प्राचीनबर्हिषः ॥
tatra snānena dānena sarvān kāmān avāpnuyāt bhavaprasādād abhavat sutaḥ prācīnabarhiṣaḥ //
There, by bathing and by giving, one may obtain all one's desires. By Bhava's favour a son was born to Prācīnabarhi—
AI translation rendered from the Sanskrit, not a published edition
BrP 153.16
महिमा गौतमीतीरे भावतीर्थं तद् उच्यते तत्र सप्तति तीर्थानि पुण्यान्य् अखिलदानि च ॥
mahimā gautamītīre bhāvatīrthaṃ tad ucyate tatra saptati tīrthāni puṇyāny akhiladāni ca //
Mahiman, on the bank of the Gautamī; and that is called Bhāvatīrtha. There are seventy holy fords there, meritorious and granting everything.
AI translation rendered from the Sanskrit, not a published edition