Brahma Purana — Chapter 151
BrP 151.1
निम्नभेदम् इति ख्यातं सर्वपापप्रणाशनम् गङ्गाया उत्तरे पारे तीर्थं त्रैलोक्यविश्रुतम् ॥
nimnabhedam iti khyātaṃ sarvapāpapraṇāśanam gaṅgāyā uttare pāre tīrthaṃ trailokyaviśrutam //
There is a tīrtha known as Nimnabheda, destroyer of all sins, on the northern bank of the Gaṅgā, renowned in the three worlds,
AI translation rendered from the Sanskrit, not a published edition
BrP 151.2
यस्य संस्मरणेनापि सर्वपापक्षयो भवेत् वेदद्वीपश् च तत्रैव दर्शनाद् वेदविद् भवेत् ॥
yasya saṃsmaraṇenāpi sarvapāpakṣayo bhavet vedadvīpaś ca tatraiva darśanād vedavid bhavet //
by the mere remembrance of which the destruction of all sins occurs; and there itself is Vedadvīpa, by seeing which one becomes a knower of the Veda.
AI translation rendered from the Sanskrit, not a published edition
BrP 151.3
उर्वशीं चकमे राजा ऐलः परमधार्मिकः को न मोहम् उपायाति विलोक्य मदिरेक्षणाम् ॥
urvaśīṃ cakame rājā ailaḥ paramadhārmikaḥ ko na moham upāyāti vilokya madirekṣaṇām //
King Aila, most righteous, desired Urvaśī—who does not come to infatuation on beholding a woman with intoxicating eyes?
AI translation rendered from the Sanskrit, not a published edition
BrP 151.4
सा प्रायाद् यत्र राजासौ घृतं स्तोकं समश्नुते आनग्नदर्शनात् कृत्वा तस्याः कालावधिं नृपः ॥
sā prāyād yatra rājāsau ghṛtaṃ stokaṃ samaśnute ānagnadarśanāt kṛtvā tasyāḥ kālāvadhiṃ nṛpaḥ //
She went to where that king consumes a little ghee; and the king set her a time-limit (with the condition) that he not be seen naked.
AI translation rendered from the Sanskrit, not a published edition — the model flagged this verse as uncertain
BrP 151.5
तां स्वीचकार ललनां यूनां रम्यां नवां नवाम् सुप्तायां शयने तस्यां समुत्तस्थौ पुरूरवाः ॥
tāṃ svīcakāra lalanāṃ yūnāṃ ramyāṃ navāṃ navām suptāyāṃ śayane tasyāṃ samuttasthau purūravāḥ //
He made that woman his own, delightful to young men, ever new; and while she slept on the bed, Purūravas rose up.
AI translation rendered from the Sanskrit, not a published edition
BrP 151.6
विलोक्य तं विवसनं तदैवासौ विनिर्गता विद्युच्चञ्चलचित्तानां क्व स्थैर्यं ननु योषिताम् ॥
vilokya taṃ vivasanaṃ tadaivāsau vinirgatā vidyuccañcalacittānāṃ kva sthairyaṃ nanu yoṣitām //
Seeing him unclothed, she departed that very moment—for women, whose minds are as unsteady as lightning, where indeed is constancy?
AI translation rendered from the Sanskrit, not a published edition
BrP 151.7
ईक्षां चक्रे स शर्वर्यां विवस्त्रो विस्मितो महान् एतस्मिन्न् अन्तरे राजा युद्धायागाद् रिपून् प्रति ॥
īkṣāṃ cakre sa śarvaryāṃ vivastro vismito mahān etasminn antare rājā yuddhāyāgād ripūn prati //
He, that great man, unclothed, looked about in the night, astonished; and in this interval the king went out against his enemies for battle.
AI translation rendered from the Sanskrit, not a published edition
BrP 151.8
ताञ् जित्वा पुनर् अप्य् आगाद् देवलोकं सुपूजितम् स चागत्य महाराजो वसिष्ठाच् च पुरोधसः ॥
tāñ jitvā punar apy āgād devalokaṃ supūjitam sa cāgatya mahārājo vasiṣṭhāc ca purodhasaḥ //
Having conquered them, he went again to the well-honoured world of the gods; and the great king, having come (back), from Vasiṣṭha his chaplain—
AI translation rendered from the Sanskrit, not a published edition
BrP 151.9
उर्वश्या गमनं श्रुत्वा ततो दुःखसमन्वितः न जुहोति न चाश्नाति न शृणोति न पश्यति ॥
urvaśyā gamanaṃ śrutvā tato duḥkhasamanvitaḥ na juhoti na cāśnāti na śṛṇoti na paśyati //
—hearing of Urvaśī's departure, then, filled with grief, he does not sacrifice, nor eat, nor hear, nor see.
AI translation rendered from the Sanskrit, not a published edition
BrP 151.10
एतस्मिन्न् अन्तरे तत्र मृतावस्थं नृपोत्तमम् बोधयाम् आस वाक्यैश् च हेतुभूतैः पुरोहितः ॥
etasminn antare tatra mṛtāvasthaṃ nṛpottamam bodhayām āsa vākyaiś ca hetubhūtaiḥ purohitaḥ //
In this interval the chaplain, with words that gave reasons, roused that best of kings there, who was in a state as if dead.
AI translation rendered from the Sanskrit, not a published edition
BrP 151.11
सा मृताद्य महाराज मा व्यथस्व महामते एवं स्थितं तु मा त्वां वै अशिवाः स्पृश्युर् आशुगाः ॥
sā mṛtādya mahārāja mā vyathasva mahāmate evaṃ sthitaṃ tu mā tvāṃ vai aśivāḥ spṛśyur āśugāḥ //
"She is dead as of today, great king; do not be distressed, O great-minded one. But while you remain thus, let not swift-moving inauspicious (powers) touch you.
AI translation rendered from the Sanskrit, not a published edition — the model flagged this verse as uncertain
BrP 151.12
न वै स्त्रैणानि जानीषे हृदयानि महामते शालावृकाणां यादॄंशि तस्मात् त्वं भूप मा शुचः ॥
na vai straiṇāni jānīṣe hṛdayāni mahāmate śālāvṛkāṇāṃ yādṝṃśi tasmāt tvaṃ bhūpa mā śucaḥ //
Do you not know, O great-minded one, that women's hearts are like those of wolves? Therefore, O king, do not grieve.
AI translation rendered from the Sanskrit, not a published edition
BrP 151.13
को नाम लोके राजेन्द्र कामिनीभिर् न वञ्चितः वञ्चकत्वं नृशंसत्वं चञ्चलत्वं कुशीलता ॥
ko nāma loke rājendra kāminībhir na vañcitaḥ vañcakatvaṃ nṛśaṃsatvaṃ cañcalatvaṃ kuśīlatā //
Who indeed in this world, O lord of kings, has not been deceived by women? Deceitfulness, cruelty, fickleness, bad conduct —
AI translation rendered from the Sanskrit, not a published edition
BrP 151.14
इति स्वाभाविकं यासां ताः कथं सुखहेतवः कालेन को न निहतः को ऽर्थी गौरवम् आगतः ॥
iti svābhāvikaṃ yāsāṃ tāḥ kathaṃ sukhahetavaḥ kālena ko na nihataḥ ko 'rthī gauravam āgataḥ //
— since this is their very nature, how can they be a cause of happiness? Who has not been struck down by time? What suppliant has ever attained honour?
AI translation rendered from the Sanskrit, not a published edition
BrP 151.15
श्रिया न भ्रामितः को वा योषिद्भिः को न खण्डितः स्वप्नमायोपमा राजन् मदविप्लुतचेतसः ॥
śriyā na bhrāmitaḥ ko vā yoṣidbhiḥ ko na khaṇḍitaḥ svapnamāyopamā rājan madaviplutacetasaḥ //
Who has not been made to reel by fortune? Who has not been broken by women? Like a dream or an illusion (are they), O king, to (men) whose minds are swept away by intoxication.
AI translation rendered from the Sanskrit, not a published edition
BrP 151.16
सुखाय योषितः कस्य ज्ञात्वैतद् विज्वरो भव विहाय शंकरं विष्णुं गौतमीं वा महामते दुःखिनां शरणं नान्यद् विद्यते भुवनत्रये ॥
sukhāya yoṣitaḥ kasya jñātvaitad vijvaro bhava vihāya śaṃkaraṃ viṣṇuṃ gautamīṃ vā mahāmate duḥkhināṃ śaraṇaṃ nānyad vidyate bhuvanatraye //
Whose happiness do women serve? Knowing this, be free of fever (of grief). Apart from Śaṅkara, Viṣṇu, or the Gautamī, O great-minded one, no other refuge for the sorrowful is found in the three worlds.
AI translation rendered from the Sanskrit, not a published edition
BrP 151.17
एतच् छ्रुत्वा ततो राजा दुःखं संहृत्य यत्नतः गौतम्या मध्यसंस्थो ऽसाव् ऐलः परमधार्मिकः ॥
etac chrutvā tato rājā duḥkhaṃ saṃhṛtya yatnataḥ gautamyā madhyasaṃstho 'sāv ailaḥ paramadhārmikaḥ //
Then, having heard this, the king with effort put away his grief, and that Aila, supremely righteous, took up his abode in the middle of the Gautamī.
AI translation rendered from the Sanskrit, not a published edition
BrP 151.18
तत्र चाराधयाम् आस शिवं देवं जनार्दनम् ब्रह्माणं भास्करं गङ्गां देवान् अन्यांश् च यत्नतः ॥
tatra cārādhayām āsa śivaṃ devaṃ janārdanam brahmāṇaṃ bhāskaraṃ gaṅgāṃ devān anyāṃś ca yatnataḥ //
And there he worshipped Śiva, the god Janārdana, Brahmā, the Sun, the Gaṅgā, and other gods too, with effort.
AI translation rendered from the Sanskrit, not a published edition
BrP 151.19
यो विपन्नो न तीर्थानि देवताश् च न सेवते स कालवशगो जन्तुः कां दशाम् अनुयास्यति ॥
yo vipanno na tīrthāni devatāś ca na sevate sa kālavaśago jantuḥ kāṃ daśām anuyāsyati //
He who, fallen into misfortune, does not resort to holy fords and to the gods — that creature, being in the power of time, into what condition will he go?
AI translation rendered from the Sanskrit, not a published edition
BrP 151.20
तदीश्वरैकशरणो गौतमीसेवनोत्सुकः परां श्रद्धाम् उपगतः संसारास्थापराङ्मुखः ॥
tadīśvaraikaśaraṇo gautamīsevanotsukaḥ parāṃ śraddhām upagataḥ saṃsārāsthāparāṅmukhaḥ //
So he, having the Lord as his sole refuge, eager for the service of the Gautamī, attained the highest faith, turning his face from attachment to the round of existence.
AI translation rendered from the Sanskrit, not a published edition
BrP 151.21
ईजे यज्ञांश् च बहुलान् ऋत्विग्भिर् बहुदक्षिणान् वेदद्वीपो ऽभवत् तेन यज्ञद्वीपः स उच्यते ॥
īje yajñāṃś ca bahulān ṛtvigbhir bahudakṣiṇān vedadvīpo 'bhavat tena yajñadvīpaḥ sa ucyate //
And he offered abundant sacrifices, with (many) priests and large fees; thereby he became the Isle of the Veda, and it is called the Isle of Sacrifice.
AI translation rendered from the Sanskrit, not a published edition
BrP 151.22
पौर्णमास्यां तु शर्वर्यां तत्रायाति सदोर्वशी तस्य दीपस्य यः कुर्यात् प्रदक्षिणम् अथो नरः ॥
paurṇamāsyāṃ tu śarvaryāṃ tatrāyāti sadorvaśī tasya dīpasya yaḥ kuryāt pradakṣiṇam atho naraḥ //
But on the night of the full moon Urvaśī always comes there; and whatever man makes a circumambulation of that lamp,
AI translation rendered from the Sanskrit, not a published edition — the model flagged this verse as uncertain
BrP 151.23
प्रदक्षिणीकृता तेन पृथिवी सागराम्बरा वेदानां स्मरणं तत्र यज्ञानां स्मरणं तथा ॥
pradakṣiṇīkṛtā tena pṛthivī sāgarāmbarā vedānāṃ smaraṇaṃ tatra yajñānāṃ smaraṇaṃ tathā //
by him the earth girdled by the ocean has been circumambulated. There (occurs) recollection of the Vedas and likewise recollection of the sacrifices.
AI translation rendered from the Sanskrit, not a published edition
BrP 151.24
सुकृती तत्र यः कुर्याद् वेदयज्ञफलं लभेत् ऐलतीर्थं तु तज् ज्ञेयं तद् एव च पुरूरवम् ॥
sukṛtī tatra yaḥ kuryād vedayajñaphalaṃ labhet ailatīrthaṃ tu taj jñeyaṃ tad eva ca purūravam //
A meritorious man who performs (rites) there obtains the fruit of the Vedas and of sacrifices. That is to be known as the Aila ford, and that same as the Purūravas (ford).
AI translation rendered from the Sanskrit, not a published edition
BrP 151.25
वासिष्ठं चापि तत् तु स्यान् निम्नभेदं तद् उच्यते ऐले राज्ञि न किंचित् स्यान् निम्नं सर्वेषु कर्मसु ॥
vāsiṣṭhaṃ cāpi tat tu syān nimnabhedaṃ tad ucyate aile rājñi na kiṃcit syān nimnaṃ sarveṣu karmasu //
And that too would be the Vāsiṣṭha (ford); it is called Nimnabheda ('the breaking of lowness'), for in King Aila there was nothing low in any of his acts.
AI translation rendered from the Sanskrit, not a published edition
BrP 151.26
यद् एतन् निम्नम् उर्वश्यां सर्वभावेन वर्तनम् तच् चापि भेदितं निम्नं वसिष्ठेन च गङ्गया ॥
yad etan nimnam urvaśyāṃ sarvabhāvena vartanam tac cāpi bheditaṃ nimnaṃ vasiṣṭhena ca gaṅgayā //
What lowness there was — his behaving toward Urvaśī with his whole being — that lowness too was broken by Vasiṣṭha and by the Gaṅgā.
AI translation rendered from the Sanskrit, not a published edition
BrP 151.27
निम्नभेदम् अभूत् तेन दृष्टादृष्टेष्टसिद्धिदम् तत्र सप्त शतान्य् आहुस् तीर्थानि गुणवन्ति च ॥
nimnabhedam abhūt tena dṛṣṭādṛṣṭeṣṭasiddhidam tatra sapta śatāny āhus tīrthāni guṇavanti ca //
Thereby it became Nimnabheda, granting the fulfilment of desires seen and unseen; and there, they say, are seven hundred fords endowed with virtues.
AI translation rendered from the Sanskrit, not a published edition
BrP 151.28
तेषु स्नानं च दानं च सर्वक्रतुफलप्रदम् स्नानं कृत्वा निम्नभेदे यः पश्यति सुरान् इमान् ॥
teṣu snānaṃ ca dānaṃ ca sarvakratuphalapradam snānaṃ kṛtvā nimnabhede yaḥ paśyati surān imān //
Bathing and giving in them bestows the fruit of all sacrifices. He who, having bathed at Nimnabheda, beholds these gods —
AI translation rendered from the Sanskrit, not a published edition
BrP 151.29
इह चामुत्र वा निम्नं न किंचित् तस्य विद्यते सर्वोन्नतिम् अवाप्यासौ मोदते दिवि शक्रवत् ॥
iha cāmutra vā nimnaṃ na kiṃcit tasya vidyate sarvonnatim avāpyāsau modate divi śakravat //
for him there is nothing low, either here or in the world beyond; having attained complete elevation, he rejoices in heaven like Śakra.
AI translation rendered from the Sanskrit, not a published edition