Brahma Purana — Chapter 14
BrP 14.1
गान्धारी चैव माद्री च क्रोष्टोर् भार्ये बभूवतुः गान्धारी जनयाम् आस अनमित्रं महाबलम् ॥
gāndhārī caiva mādrī ca kroṣṭor bhārye babhūvatuḥ gāndhārī janayām āsa anamitraṃ mahābalam //
Gāndhārī and Mādrī were the two wives of Kroṣṭu. Gāndhārī bore Anamitra, of great strength.
AI translation rendered from the Sanskrit, not a published edition
BrP 14.2
माद्री युधाजितं पुत्रं ततो ऽन्यं देवमीढुषम् तेषां वंशस् त्रिधा भूतो वृष्णीनां कुलवर्धनः ॥
mādrī yudhājitaṃ putraṃ tato 'nyaṃ devamīḍhuṣam teṣāṃ vaṃśas tridhā bhūto vṛṣṇīnāṃ kulavardhanaḥ //
Mādrī (bore) a son Yudhājit, and after him another, Devamīḍhus. Their lineage became threefold, increasing the family of the Vṛṣṇis.
AI translation rendered from the Sanskrit, not a published edition
BrP 14.3
माद्र्याः पुत्रौ तु जज्ञाते श्रुतौ वृष्ण्यन्धकाव् उभौ जज्ञाते तनयौ वृष्णेः श्वफल्कश् चित्रकस् तथा ॥
mādryāḥ putrau tu jajñāte śrutau vṛṣṇyandhakāv ubhau jajñāte tanayau vṛṣṇeḥ śvaphalkaś citrakas tathā //
And two sons of Mādrī were born, the renowned Vṛṣṇi and Andhaka, both; and of Vṛṣṇi were born two sons, Śvaphalka and Citraka.
AI translation rendered from the Sanskrit, not a published edition
BrP 14.4
श्वफल्कस् तु मुनिश्रेष्ठा धर्मात्मा यत्र वर्तते नास्ति व्याधिभयं तत्र नावर्षस् तपम् एव च ॥
śvaphalkas tu muniśreṣṭhā dharmātmā yatra vartate nāsti vyādhibhayaṃ tatra nāvarṣas tapam eva ca //
But where Śvaphalka, righteous of soul, dwells, O best of sages, there is no fear of disease there, nor drought nor scorching heat.
AI translation rendered from the Sanskrit, not a published edition — the model flagged this verse as uncertain
BrP 14.5
कदाचित् काशिराजस्य विषये मुनिसत्तमाः त्रीणि वर्षाणि पूर्णानि नावर्षत् पाकशासनः ॥
kadācit kāśirājasya viṣaye munisattamāḥ trīṇi varṣāṇi pūrṇāni nāvarṣat pākaśāsanaḥ //
Once, O most excellent of sages, in the realm of the king of Kāśī the Chastiser of Pāka (Indra) did not rain for three full years.
AI translation rendered from the Sanskrit, not a published edition
BrP 14.6
स तत्र चानयाम् आस श्वफल्कं परमार्चितम् श्वफल्कपरिवर्तेन ववर्ष हरिवाहनः ॥
sa tatra cānayām āsa śvaphalkaṃ paramārcitam śvaphalkaparivartena vavarṣa harivāhanaḥ //
And he brought Śvaphalka there, highly honoured; and at Śvaphalka's coming the one borne by bay horses (Indra) rained.
AI translation rendered from the Sanskrit, not a published edition — the model flagged this verse as uncertain
BrP 14.7
श्वफल्कः काशिराजस्य सुतां भार्याम् अविन्दत गान्दिनीं नाम गां सा च ददौ विप्राय नित्यशः ॥
śvaphalkaḥ kāśirājasya sutāṃ bhāryām avindata gāndinīṃ nāma gāṃ sā ca dadau viprāya nityaśaḥ //
Śvaphalka obtained as wife the daughter of the king of Kāśī, named Gāndinī; and she used to give a cow to a brahmin every day.
AI translation rendered from the Sanskrit, not a published edition
BrP 14.8
दाता यज्वा च वीरश् च श्रुतवान् अतिथिप्रियः अक्रूरः सुषुवे तस्माच् छ्वफल्काद् भूरिदक्षिणः ॥
dātā yajvā ca vīraś ca śrutavān atithipriyaḥ akrūraḥ suṣuve tasmāc chvaphalkād bhūridakṣiṇaḥ //
A giver, a sacrificer, a hero, learned, fond of guests, one of abundant sacrificial gifts — Akrūra she bore from that Śvaphalka.
AI translation rendered from the Sanskrit, not a published edition
BrP 14.9
उपमद्गुस् तथा मद्गुर् मेदुरश् चारिमेजयः अविक्षितस् तथाक्षेपः शत्रुघ्नश् चारिमर्दनः ॥
upamadgus tathā madgur meduraś cārimejayaḥ avikṣitas tathākṣepaḥ śatrughnaś cārimardanaḥ //
Upamadgu and Madgu, Medura and Arimejaya, Avikṣita and Ākṣepa, Śatrughna and Arimardana,
AI translation rendered from the Sanskrit, not a published edition
BrP 14.10
धर्मधृग् यतिधर्मा च धर्मोक्षान्धकरुस् तथा आवाहप्रतिवाहौ च सुन्दरी च वराङ्गना ॥
dharmadhṛg yatidharmā ca dharmokṣāndhakarus tathā āvāhaprativāhau ca sundarī ca varāṅganā //
Dharmadhṛk and Yatidharmā, and Dharmokṣa and Andhakaru, and Āvāha and Prativāha, and Sundarī, a lovely woman.
AI translation rendered from the Sanskrit, not a published edition
BrP 14.11
अक्रूरेणोग्रसेनायां सुगात्र्यां द्विजसत्तमाः प्रसेनश् चोपदेवश् च जज्ञाते देववर्चसौ ॥
akrūreṇograsenāyāṃ sugātryāṃ dvijasattamāḥ prasenaś copadevaś ca jajñāte devavarcasau //
By Akrūra, in Ugrasenā of fair limbs, O most excellent of the twice-born, were born Prasena and Upadeva, both with the splendour of gods.
AI translation rendered from the Sanskrit, not a published edition
BrP 14.12
चित्रकस्याभवन् पुत्राः पृथुर् विपृथुर् एव च अश्वग्रीवो ऽश्वबाहुश् च स्वपार्श्वकगवेषणौ ॥
citrakasyābhavan putrāḥ pṛthur vipṛthur eva ca aśvagrīvo 'śvabāhuś ca svapārśvakagaveṣaṇau //
Citraka's sons were Pṛthu and Vipṛthu, Aśvagrīva and Aśvabāhu, and Svapārśvaka and Gaveṣaṇa,
AI translation rendered from the Sanskrit, not a published edition
BrP 14.13
अरिष्टनेमिर् अश्वश् च सुधर्मा धर्मभृत् तथा सुबाहुर् बहुबाहुश् च श्रविष्ठाश्रवणे स्त्रियौ ॥
ariṣṭanemir aśvaś ca sudharmā dharmabhṛt tathā subāhur bahubāhuś ca śraviṣṭhāśravaṇe striyau //
Ariṣṭanemi and Aśva, Sudharmā and Dharmabhṛt, Subāhu and Bahubāhu; and Śraviṣṭhā and Śravaṇā were the two women.
AI translation rendered from the Sanskrit, not a published edition
BrP 14.14
असिक्न्यां जनयाम् आस शूरं वै देवमीढुषम् महिष्यां जज्ञिरे शूरा भोज्यायां पुरुषा दश ॥
asiknyāṃ janayām āsa śūraṃ vai devamīḍhuṣam mahiṣyāṃ jajñire śūrā bhojyāyāṃ puruṣā daśa //
Devamīḍhus begot Śūra in Asiknī; and of Śūra ten heroic men were born in his chief queen Bhojyā.
AI translation rendered from the Sanskrit, not a published edition — the model flagged this verse as uncertain
BrP 14.15
वसुदेवो महाबाहुः पूर्वम् आनकदुन्दुभिः जज्ञे यस्य प्रसूतस्य दुन्दुभ्यः प्राणदन् दिवि ॥
vasudevo mahābāhuḥ pūrvam ānakadundubhiḥ jajñe yasya prasūtasya dundubhyaḥ prāṇadan divi //
The mighty-armed Vasudeva, formerly (called) Ānakadundubhi, was born; when he was brought forth, kettledrums resounded in heaven.
AI translation rendered from the Sanskrit, not a published edition
BrP 14.16
आनकानां च संह्रादः सुमहान् अभवद् दिवि पपात पुष्पवर्षश् च शूरस्य जनने महान् ॥
ānakānāṃ ca saṃhrādaḥ sumahān abhavad divi papāta puṣpavarṣaś ca śūrasya janane mahān //
And a very great crashing of drums arose in the sky, and a great rain of flowers fell at the birth of Śūra('s son).
AI translation rendered from the Sanskrit, not a published edition
BrP 14.17
मनुष्यलोके कृत्स्ने ऽपि रूपे नास्ति समो भुवि यस्यासीत् पुरुषाग्र्यस्य कान्तिश् चन्द्रमसो यथा ॥
manuṣyaloke kṛtsne 'pi rūpe nāsti samo bhuvi yasyāsīt puruṣāgryasya kāntiś candramaso yathā //
In the whole world of men there is none on earth equal to him in beauty — that foremost of men, whose radiance was like the moon's.
AI translation rendered from the Sanskrit, not a published edition
BrP 14.18
देवभागस् ततो जज्ञे तथा देवश्रवाः पुनः अनाधृष्टिः कनवको वत्सवान् अथ गृञ्जमः ॥
devabhāgas tato jajñe tathā devaśravāḥ punaḥ anādhṛṣṭiḥ kanavako vatsavān atha gṛñjamaḥ //
Then were born Devabhāga, and again Devaśravas, Anādhṛṣṭi, Kanavaka, Vatsavān, and then Gṛñjama,
AI translation rendered from the Sanskrit, not a published edition
BrP 14.19
श्यामः शमीको गण्डूषः पञ्च चास्य वराङ्गनाः पृथुकीर्तिः पृथा चैव श्रुतदेवा श्रुतश्रवा ॥
śyāmaḥ śamīko gaṇḍūṣaḥ pañca cāsya varāṅganāḥ pṛthukīrtiḥ pṛthā caiva śrutadevā śrutaśravā //
Śyāma, Śamīka, Gaṇḍūṣa; and he had five excellent women (as daughters): Pṛthukīrti, and Pṛthā, Śrutadevā, Śrutaśravā,
AI translation rendered from the Sanskrit, not a published edition
BrP 14.20
राजाधिदेवी च तथा पञ्चैता वीरमातरः श्रुतश्रवायां चैद्यस् तु शिशुपालो ऽभवन् नृपः ॥
rājādhidevī ca tathā pañcaitā vīramātaraḥ śrutaśravāyāṃ caidyas tu śiśupālo 'bhavan nṛpaḥ //
and Rājādhidevī: these five were mothers of heroes. Of Śrutaśravā was born the Cedi king Śiśupāla,
AI translation rendered from the Sanskrit, not a published edition
BrP 14.21
हिरण्यकशिपुर् यो ऽसौ दैत्यराजो ऽभवत् पुरा पृथुकीर्त्यां तु संजज्ञे तनयो वृद्धशर्मणः ॥
hiraṇyakaśipur yo 'sau daityarājo 'bhavat purā pṛthukīrtyāṃ tu saṃjajñe tanayo vṛddhaśarmaṇaḥ //
who was formerly that Hiraṇyakaśipu, king of the Daityas. But of Pṛthukīrti was born a son of Vṛddhaśarman,
AI translation rendered from the Sanskrit, not a published edition
BrP 14.22
करूषाधिपतिर् वीरो दन्तवक्रो महाबलः पृथां दुहितरं चक्रे कुन्तिस् तां पाण्डुर् आवहत् ॥
karūṣādhipatir vīro dantavakro mahābalaḥ pṛthāṃ duhitaraṃ cakre kuntis tāṃ pāṇḍur āvahat //
the hero Dantavakra, lord of Karūṣa, of great strength. Kunti made Pṛthā his daughter, and Pāṇḍu married her.
AI translation rendered from the Sanskrit, not a published edition
BrP 14.23
यस्यां स धर्मविद् राजा धर्मो जज्ञे युधिष्ठिरः भीमसेनस् तथा वाताद् इन्द्राच् चैव धनंजयः ॥
yasyāṃ sa dharmavid rājā dharmo jajñe yudhiṣṭhiraḥ bhīmasenas tathā vātād indrāc caiva dhanaṃjayaḥ //
On her the knower of dharma, king Yudhiṣṭhira, was begotten by Dharma, and Bhīmasena by the Wind, and Dhanaṃjaya by Indra.
AI translation rendered from the Sanskrit, not a published edition
BrP 14.24
लोके प्रतिरथो वीरः शक्रतुल्यपराक्रमः अनमित्राच् छनिर् जज्ञे कनिष्ठाद् वृष्णिनन्दनात् ॥
loke pratiratho vīraḥ śakratulyaparākramaḥ anamitrāc chanir jajñe kaniṣṭhād vṛṣṇinandanāt //
In the world (there was) the hero Pratiratha, of prowess equal to Śakra's. Of Anamitra, the youngest son of Vṛṣṇi's delight, Śini was born.
AI translation rendered from the Sanskrit, not a published edition — the model flagged this verse as uncertain
BrP 14.25
शैनेयः सत्यकस् तस्माद् युयुधानश् च सात्यकिः उद्धवो देवभागस्य महाभागः सुतो ऽभवत् ॥
śaineyaḥ satyakas tasmād yuyudhānaś ca sātyakiḥ uddhavo devabhāgasya mahābhāgaḥ suto 'bhavat //
From him (came) Satyaka, son of Śini, and Yuyudhāna, son of Satyaka. Uddhava, of great fortune, was the son of Devabhāga.
AI translation rendered from the Sanskrit, not a published edition
BrP 14.26
पण्डितानां परं प्राहुर् देवश्रवसम् उत्तमम् अश्मक्यं प्राप्तवान् पुत्रम् अनाधृष्टिर् यशस्विनम् ॥
paṇḍitānāṃ paraṃ prāhur devaśravasam uttamam aśmakyaṃ prāptavān putram anādhṛṣṭir yaśasvinam //
They call Devaśravas the highest, the foremost among the learned. Anādhṛṣṭi obtained from Aśmakī an illustrious son,
AI translation rendered from the Sanskrit, not a published edition
BrP 14.27
निवृत्तशत्रुं शत्रुघ्नं श्रुतदेवा त्व् अजायत श्रुतदेवात्मजास् ते तु नैषादिर् यः परिश्रुतः ॥
nivṛttaśatruṃ śatrughnaṃ śrutadevā tv ajāyata śrutadevātmajās te tu naiṣādir yaḥ pariśrutaḥ //
Śrutadevā bore Nivṛttaśatru and Śatrughna; these were the sons of Śrutadevā. But he who is widely known as the son of the Niṣāda (chief) —
AI translation rendered from the Sanskrit, not a published edition — the model flagged this verse as uncertain
BrP 14.28
एकलव्यो मुनिश्रेष्ठा निषादैः परिवर्धितः वत्सवते त्व् अपुत्राय वसुदेवः प्रतापवान् अद्भिर् ददौ सुतं वीरं शौरिः कौशिकम् औरसम् ॥
ekalavyo muniśreṣṭhā niṣādaiḥ parivardhitaḥ vatsavate tv aputrāya vasudevaḥ pratāpavān adbhir dadau sutaṃ vīraṃ śauriḥ kauśikam aurasam //
— (is) Ekalavya, O best of sages, brought up among the Niṣādas. And to Vatsavat, who was sonless, the mighty Vasudeva, son of Śūra, gave with a water-libation his own-born son, the hero Kauśika.
AI translation rendered from the Sanskrit, not a published edition
BrP 14.29
गण्डूषाय ह्य् अपुत्राय विष्वक्सेनो ददौ सुतान् चारुदेष्णं सुदेष्णं च पञ्चालं कृतलक्षणम् ॥
gaṇḍūṣāya hy aputrāya viṣvakseno dadau sutān cārudeṣṇaṃ sudeṣṇaṃ ca pañcālaṃ kṛtalakṣaṇam //
And to Gaṇḍūṣa, who was sonless, Viṣvaksena gave sons: Cārudeṣṇa, Sudeṣṇa, and Pañcāla, and Kṛtalakṣaṇa,
AI translation rendered from the Sanskrit, not a published edition
BrP 14.30
असंग्रामेण यो वीरो नावर्तत कदाचन रौक्मिणेयो महाबाहुः कनीयान् द्विजसत्तमाः ॥
asaṃgrāmeṇa yo vīro nāvartata kadācana raukmiṇeyo mahābāhuḥ kanīyān dvijasattamāḥ //
the hero who never turned back without a battle — the mighty-armed son of Rukmiṇī, the younger one, O best of brahmins,
AI translation rendered from the Sanskrit, not a published edition
BrP 14.31
वायसानां सहस्राणि यं यान्तं पृष्ठतो ऽन्वयुः चारून् अद्योपभोक्ष्यामश् चारुदेष्णहतान् इति ॥
vāyasānāṃ sahasrāṇi yaṃ yāntaṃ pṛṣṭhato 'nvayuḥ cārūn adyopabhokṣyāmaś cārudeṣṇahatān iti //
whom, as he went, thousands of crows followed behind, (saying) "Today we shall feed on the pleasant (corpses) slain by Cārudeṣṇa."
AI translation rendered from the Sanskrit, not a published edition — the model flagged this verse as uncertain
BrP 14.32
तन्त्रिजस् तन्त्रिपालश् च सुतौ कनवकस्य तौ वीरुश् चाश्वहनुश् चैव वीरौ ताव् अथ गृञ्जिमौ ॥
tantrijas tantripālaś ca sutau kanavakasya tau vīruś cāśvahanuś caiva vīrau tāv atha gṛñjimau //
Tantrija and Tantripāla were those two sons of Kanavaka; and Vīru and Aśvahanu, those two heroes, were the sons of Gṛñjima.
AI translation rendered from the Sanskrit, not a published edition
BrP 14.33
श्यामपुत्रः शमीकस् तु शमीको राज्यम् आवहत् जुगुप्समानो भोजत्वाद् राजसूयम् अवाप सः ॥
śyāmaputraḥ śamīkas tu śamīko rājyam āvahat jugupsamāno bhojatvād rājasūyam avāpa saḥ //
And Śamīka was the son of Śyāma; Śamīka took up the kingdom, and, being disgusted at (mere) Bhoja rank, he attained the Rājasūya (sacrifice).
AI translation rendered from the Sanskrit, not a published edition — the model flagged this verse as uncertain
BrP 14.34
अजातशत्रुः शत्रूणां जज्ञे तस्य विनाशनः वसुदेवसुतान् वीरान् कीर्तयिष्याम्य् अतः परम् ॥
ajātaśatruḥ śatrūṇāṃ jajñe tasya vināśanaḥ vasudevasutān vīrān kīrtayiṣyāmy ataḥ param //
Ajātaśatru, the destroyer of his enemies, was born to him. Hereafter I shall proclaim the heroic sons of Vasudeva.
AI translation rendered from the Sanskrit, not a published edition
BrP 14.35
वृष्णेस् त्रिविधम् एवं तु बहुशाखं महौजसम् धारयन् विपुलं वंशं नानर्थैर् इह युज्यते ॥
vṛṣṇes trividham evaṃ tu bahuśākhaṃ mahaujasam dhārayan vipulaṃ vaṃśaṃ nānarthair iha yujyate //
Thus, upholding Vṛṣṇi's threefold, many-branched, greatly vigorous and extensive lineage, one is not beset here by misfortunes.
AI translation rendered from the Sanskrit, not a published edition — the model flagged this verse as uncertain
BrP 14.36
याः पत्न्यो वसुदेवस्य चतुर्दश वराङ्गनाः पौरवी रोहिणी नाम मदिरादितथावरा ॥
yāḥ patnyo vasudevasya caturdaśa varāṅganāḥ pauravī rohiṇī nāma madirāditathāvarā //
The wives of Vasudeva were fourteen fair-limbed women: Pauravī, Rohiṇī by name, Madirā and the others in order.
AI translation rendered from the Sanskrit, not a published edition
BrP 14.37
वैशाखी च तथा भद्रा सुनाम्नी चैव पञ्चमी सहदेवा शान्तिदेवा श्रीदेवी देवरक्षिता ॥
vaiśākhī ca tathā bhadrā sunāmnī caiva pañcamī sahadevā śāntidevā śrīdevī devarakṣitā //
And Vaiśākhī, and likewise Bhadrā, and Sunāmnī the fifth, Sahadevā, Śāntidevā, Śrīdevī, Devarakṣitā,
AI translation rendered from the Sanskrit, not a published edition
BrP 14.38
वृकदेव्य् उपदेवी च देवकी चैव सप्तमी सुतनुर् वडवा चैव द्वे एते परिचारिके ॥
vṛkadevy upadevī ca devakī caiva saptamī sutanur vaḍavā caiva dve ete paricārike //
Vṛkadevī and Upadevī, and Devakī the seventh; and Sutanu and Vaḍavā — these two were serving-women.
AI translation rendered from the Sanskrit, not a published edition
BrP 14.39
पौरवी रोहिणी नाम बाह्लिकस्यात्मजाभवत् ज्येष्ठा पत्नी मुनिश्रेष्ठा दयितानकदुन्दुभेः ॥
pauravī rohiṇī nāma bāhlikasyātmajābhavat jyeṣṭhā patnī muniśreṣṭhā dayitānakadundubheḥ //
Pauravī, Rohiṇī by name, was the daughter of Bāhlika; she was the eldest wife, O best of sages, and the beloved of Ānakadundubhi (Vasudeva).
AI translation rendered from the Sanskrit, not a published edition
BrP 14.40
लेभे ज्येष्ठं सुतं रामं शरण्यं शठम् एव च दुर्दमं दमनं शुभ्रं पिण्डारकम् उशीनरम् ॥
lebhe jyeṣṭhaṃ sutaṃ rāmaṃ śaraṇyaṃ śaṭham eva ca durdamaṃ damanaṃ śubhraṃ piṇḍārakam uśīnaram //
She bore as eldest son Rāma, and Śaraṇya, and Śaṭha, Durdama, Damana, Śubhra, Piṇḍāraka, Uśīnara,
AI translation rendered from the Sanskrit, not a published edition
BrP 14.41
चित्रा नाम कुमारी च रोहिणीतनया नव चित्रा सुभद्रेति पुनर् विख्याता मुनिसत्तमाः ॥
citrā nāma kumārī ca rohiṇītanayā nava citrā subhadreti punar vikhyātā munisattamāḥ //
and a maiden named Citrā: Rohiṇī's children were nine. Citrā is again known as Subhadrā, O best of sages.
AI translation rendered from the Sanskrit, not a published edition
BrP 14.42
वसुदेवाच् च देवक्यां जज्ञे शौरिर् महायशाः रामाच् च निशठो जज्ञे रेवत्यां दयितः सुतः ॥
vasudevāc ca devakyāṃ jajñe śaurir mahāyaśāḥ rāmāc ca niśaṭho jajñe revatyāṃ dayitaḥ sutaḥ //
And from Vasudeva, in Devakī, was born Śauri (Kṛṣṇa) of great fame; and from Rāma, in Revatī, was born a beloved son, Niśaṭha.
AI translation rendered from the Sanskrit, not a published edition
BrP 14.43
सुभद्रायां रथी पार्थाद् अभिमन्युर् अजायत अक्रूरात् काशिकन्यायां सत्यकेतुर् अजायत ॥
subhadrāyāṃ rathī pārthād abhimanyur ajāyata akrūrāt kāśikanyāyāṃ satyaketur ajāyata //
In Subhadrā, from Pārtha (Arjuna), was born the charioteer Abhimanyu; from Akrūra, in the Kāśi princess, was born Satyaketu.
AI translation rendered from the Sanskrit, not a published edition
BrP 14.44
वसुदेवस्य भार्यासु महाभागासु सप्तसु ये पुत्रा जज्ञिरे शूराः समस्तांस् तान् निबोधत ॥
vasudevasya bhāryāsu mahābhāgāsu saptasu ye putrā jajñire śūrāḥ samastāṃs tān nibodhata //
Learn of all those valiant sons who were born among the seven greatly fortunate wives of Vasudeva.
AI translation rendered from the Sanskrit, not a published edition
BrP 14.45
भोजश् च विजयश् चैव शान्तिदेवासुताव् उभौ वृकदेवः सुनामायां गदश् चास्तां सुताव् उभौ ॥
bhojaś ca vijayaś caiva śāntidevāsutāv ubhau vṛkadevaḥ sunāmāyāṃ gadaś cāstāṃ sutāv ubhau //
Bhoja and Vijaya were both sons of Śāntidevā; Vṛkadeva and Gada were the two sons in Sunāmā.
AI translation rendered from the Sanskrit, not a published edition
BrP 14.46
अगावहं महात्मानं वृकदेवी व्यजायत कन्या त्रिगर्तराजस्य भार्या वै शिशिरायणेः ॥
agāvahaṃ mahātmānaṃ vṛkadevī vyajāyata kanyā trigartarājasya bhāryā vai śiśirāyaṇeḥ //
Vṛkadevī gave birth to the great-souled Agāvaha; she was the daughter of the king of Trigarta and the wife of Śiśirāyaṇi.
AI translation rendered from the Sanskrit, not a published edition — the model flagged this verse as uncertain
BrP 14.47
जिज्ञासां पौरुषे चक्रे न चस्कन्दे च पौरुषम् कृष्णायससमप्रख्यो वर्षे द्वादशमे तथा ॥
jijñāsāṃ pauruṣe cakre na caskande ca pauruṣam kṛṣṇāyasasamaprakhyo varṣe dvādaśame tathā //
(She/he) made an inquiry into (his) virility, and (his) virility did not fall away; and in the twelfth year, resembling black iron (in hue) —
AI translation rendered from the Sanskrit, not a published edition — the model flagged this verse as uncertain
BrP 14.48
मिथ्याभिशस्तो गार्ग्यस् तु मन्युनातिसमीरितः घोषकन्याम् उपादाय मैथुनायोपचक्रमे ॥
mithyābhiśasto gārgyas tu manyunātisamīritaḥ ghoṣakanyām upādāya maithunāyopacakrame //
But Gārgya, falsely accused, being greatly driven by rage, took a cowherd girl and set about intercourse.
AI translation rendered from the Sanskrit, not a published edition
BrP 14.49
गोपाली चाप्सरास् तस्य गोपस्त्रीवेषधारिणी धारयाम् आस गार्ग्यस्य गर्भं दुर्धरम् अच्युतम् ॥
gopālī cāpsarās tasya gopastrīveṣadhāriṇī dhārayām āsa gārgyasya garbhaṃ durdharam acyutam //
And the apsaras Gopālī, wearing the guise of a cowherd woman, bore that Gārgya's embryo, hard to bear, imperishable.
AI translation rendered from the Sanskrit, not a published edition
BrP 14.50
मानुष्यां गर्गभार्यायां नियोगाच् छूलपाणिनः स कालयवनो नाम जज्ञे राजा महाबलः ॥
mānuṣyāṃ gargabhāryāyāṃ niyogāc chūlapāṇinaḥ sa kālayavano nāma jajñe rājā mahābalaḥ //
In a human woman, the wife of Garga, by the command of the Trident-bearer (Śiva), was born that king of great strength named Kālayavana.
AI translation rendered from the Sanskrit, not a published edition
BrP 14.51
वृत्तपूर्वार्धकायस् तु सिंहसंहननो युवा अपुत्रस्य स राज्ञस् तु ववृधे ऽन्तःपुरे शिशुः ॥
vṛttapūrvārdhakāyas tu siṃhasaṃhanano yuvā aputrasya sa rājñas tu vavṛdhe 'ntaḥpure śiśuḥ //
With a rounded upper half of the body, of a lion's build, a youth — that child grew up in the inner apartments of the sonless king.
AI translation rendered from the Sanskrit, not a published edition
BrP 14.52
यवनस्य मुनिश्रेष्ठाः स कालयवनो ऽभवत् आयुध्यमानो नृपतिः पर्यपृच्छद् द्विजोत्तमम् ॥
yavanasya muniśreṣṭhāḥ sa kālayavano 'bhavat āyudhyamāno nṛpatiḥ paryapṛcchad dvijottamam //
He became Kālayavana, (son) of the Yavana (king), O best of sages; the king, eager to fight, questioned the foremost brahmin.
AI translation rendered from the Sanskrit, not a published edition
BrP 14.53
वृष्ण्यन्धककुलं तस्य नारदो ऽकथयद् विभुः अक्षौहिण्या तु सैन्यस्य मथुराम् अभ्ययात् तदा ॥
vṛṣṇyandhakakulaṃ tasya nārado 'kathayad vibhuḥ akṣauhiṇyā tu sainyasya mathurām abhyayāt tadā //
The mighty Nārada told him of the family of the Vṛṣṇis and Andhakas; then with an akṣauhiṇī of troops he marched against Mathurā.
AI translation rendered from the Sanskrit, not a published edition
BrP 14.54
दूतं संप्रेषयाम् आस वृष्ण्यन्धकनिवेशनम् ततो वृष्ण्यन्धकाः कृष्णं पुरस्कृत्य महामतिम् ॥
dūtaṃ saṃpreṣayām āsa vṛṣṇyandhakaniveśanam tato vṛṣṇyandhakāḥ kṛṣṇaṃ puraskṛtya mahāmatim //
He sent a messenger to the dwelling of the Vṛṣṇis and Andhakas; then the Vṛṣṇis and Andhakas, placing the greatly wise Kṛṣṇa at their head,
AI translation rendered from the Sanskrit, not a published edition
BrP 14.55
समेता मन्त्रयाम् आसुर् यवनस्य भयात् तदा कृत्वा विनिश्चयं सर्वे पलायनम् अरोचयन् ॥
sametā mantrayām āsur yavanasya bhayāt tadā kṛtvā viniścayaṃ sarve palāyanam arocayan //
Assembled, they then took counsel out of fear of the Yavana; and all of them, having reached a decision, approved of flight.
AI translation rendered from the Sanskrit, not a published edition
BrP 14.56
विहाय मथुरां रम्यां मानयन्तः पिनाकिनम् कुशस्थलीं द्वारवतीं निवेशयितुम् ईप्सवः ॥
vihāya mathurāṃ ramyāṃ mānayantaḥ pinākinam kuśasthalīṃ dvāravatīṃ niveśayitum īpsavaḥ //
Abandoning lovely Mathurā, out of regard for Pinākin (Śiva), desiring to settle at Kuśasthalī, (that is) Dvāravatī.
AI translation rendered from the Sanskrit, not a published edition
BrP 14.59
इति कृष्णस्य जन्मेदं यः शुचिर् नियतेन्द्रियः पर्वसु श्रावयेद् विद्वान् अनृणः स सुखी भवेत् ॥
iti kṛṣṇasya janmedaṃ yaḥ śucir niyatendriyaḥ parvasu śrāvayed vidvān anṛṇaḥ sa sukhī bhavet //
Thus (has been told) this birth of Kṛṣṇa. The learned man who, pure and with his senses controlled, recites it (for others to hear) on the parvan days becomes free of debt and happy.
AI translation rendered from the Sanskrit, not a published edition