Brahma Purana — Chapter 127

BrP 127.1

देवतीर्थम् इति ख्यातं गङ्गाया उत्तरे तटे तस्य प्रभावं वक्ष्यामि सर्वपापप्रणाशनम् ॥

devatīrtham iti khyātaṃ gaṅgāyā uttare taṭe tasya prabhāvaṃ vakṣyāmi sarvapāpapraṇāśanam //

On the northern bank of the Gaṅgā there is (a ford) known as Devatīrtha; I shall tell of its power, which destroys all sins.

AI translation rendered from the Sanskrit, not a published edition

BrP 127.2

आर्ष्टिषेण इति ख्यातो राजा सर्वगुणान्वितः तस्य भार्या जया नाम साक्षाल् लक्ष्मीर् इवापरा ॥

ārṣṭiṣeṇa iti khyāto rājā sarvaguṇānvitaḥ tasya bhāryā jayā nāma sākṣāl lakṣmīr ivāparā //

There was a king renowned as Ārṣṭiṣeṇa, endowed with all virtues; his wife was named Jayā, like a second Lakṣmī in person.

AI translation rendered from the Sanskrit, not a published edition

BrP 127.3

तस्य पुत्रो भरो नाम मतिमान् पितृवत्सलः धनुर्वेदे च वेदे च निष्णातो दक्ष एव च ॥

tasya putro bharo nāma matimān pitṛvatsalaḥ dhanurvede ca vede ca niṣṇāto dakṣa eva ca //

His son was named Bhara, intelligent and devoted to his father, skilled in the science of archery and in the Veda, and capable indeed.

AI translation rendered from the Sanskrit, not a published edition

BrP 127.4

तस्य भार्या रूपवती सुप्रभेत्य् अभिविश्रुता आर्ष्टिषेणस् ततो राजा पुत्रे राज्यं निवेश्य सः ॥

tasya bhāryā rūpavatī suprabhety abhiviśrutā ārṣṭiṣeṇas tato rājā putre rājyaṃ niveśya saḥ //

His wife was beautiful, widely renowned as Suprabhā. Then King Ārṣṭiṣeṇa, having established the kingdom upon his son,

AI translation rendered from the Sanskrit, not a published edition

BrP 127.5

पुरोधसा च मुख्येन दीक्षां चक्रे नरेश्वरः सरस्वत्यास् ततस् तीरे हयमेधाय यत्नवान् ॥

purodhasā ca mukhyena dīkṣāṃ cakre nareśvaraḥ sarasvatyās tatas tīre hayamedhāya yatnavān //

that lord of men underwent consecration together with his chief household priest, striving then for a horse-sacrifice on the bank of the Sarasvatī,

AI translation rendered from the Sanskrit, not a published edition

BrP 127.6

ऋत्विग्भिर् ऋषिमुख्यैश् च वेदशास्त्रपरायणैः दीक्षितं तं नृपश्रेष्ठं ब्राह्मणाग्निसमीपतः ॥

ṛtvigbhir ṛṣimukhyaiś ca vedaśāstraparāyaṇaiḥ dīkṣitaṃ taṃ nṛpaśreṣṭhaṃ brāhmaṇāgnisamīpataḥ //

(consecrated) by the officiating priests and the foremost seers, wholly devoted to the Vedas and the treatises — that best of kings, consecrated, near the brahmins and the fire —

AI translation rendered from the Sanskrit, not a published edition

BrP 127.7

मिथुर् दानवराट् शूरः पापबुद्धिः प्रतापवान् मखं विध्वस्य नृपतिं सभार्यं सपुरोहितम् ॥

mithur dānavarāṭ śūraḥ pāpabuddhiḥ pratāpavān makhaṃ vidhvasya nṛpatiṃ sabhāryaṃ sapurohitam //

Mithu, the valiant king of the Dānavas, of evil mind and great might, having wrecked the sacrifice, (took) the king together with his wife and his priest,

AI translation rendered from the Sanskrit, not a published edition — the model flagged this verse as uncertain

BrP 127.8

आदाय वेगात् स प्रागाद् रसातलतलं मुने नीते तस्मिन् नृपवरे यज्ञे नष्टे ततो ऽमराः ॥

ādāya vegāt sa prāgād rasātalatalaṃ mune nīte tasmin nṛpavare yajñe naṣṭe tato 'marāḥ //

and taking (them), he went swiftly to the floor of Rasātala, O sage. When that best of kings had been carried off and the sacrifice was ruined, then the immortals

AI translation rendered from the Sanskrit, not a published edition

BrP 127.9

ऋत्विजश् च ययुः सर्वे स्वं स्वं स्थानं मखात् ततः पुरोहितसुतो राज्ञो देवापिर् इति विश्रुतः ॥

ṛtvijaś ca yayuḥ sarve svaṃ svaṃ sthānaṃ makhāt tataḥ purohitasuto rājño devāpir iti viśrutaḥ //

and all the officiating priests went each to his own place, away from the sacrifice. Then the son of the king's household priest, renowned as Devāpi,

AI translation rendered from the Sanskrit, not a published edition

BrP 127.10

बालस् तां मातरं दृष्ट्वा आत्मनः पितरं न च दृष्ट्वा सविस्मयो भूत्वा दुःखितो ऽतीव चाभवत् ॥

bālas tāṃ mātaraṃ dṛṣṭvā ātmanaḥ pitaraṃ na ca dṛṣṭvā savismayo bhūtvā duḥkhito 'tīva cābhavat //

the boy, seeing that mother of his and not seeing his own father, became filled with astonishment and grew exceedingly sorrowful.

AI translation rendered from the Sanskrit, not a published edition

BrP 127.11

स मातरं तु पप्रच्छ पिता मे क्व गतो ऽम्बिके पितृहीनो न जीवेयं मातः सत्यं वदस्व मे ॥

sa mātaraṃ tu papraccha pitā me kva gato 'mbike pitṛhīno na jīveyaṃ mātaḥ satyaṃ vadasva me //

And he asked his mother: "Where has my father gone, mother? Bereft of my father I would not live; mother, tell me the truth.

AI translation rendered from the Sanskrit, not a published edition

BrP 127.12

धिग् धिक् पितृविहीनानां जीवितं पापकर्मणाम् न वक्षि यदि मे मातर् जलम् अग्निम् अथाविशे ॥

dhig dhik pitṛvihīnānāṃ jīvitaṃ pāpakarmaṇām na vakṣi yadi me mātar jalam agnim athāviśe //

Fie, fie upon the life of those who are without a father, of evil deeds! If you will not tell me, mother, then I shall enter water or fire."

AI translation rendered from the Sanskrit, not a published edition

BrP 127.13

पुत्रं प्रोवाच सा माता राज्ञो भार्या पुरोधसः दानवेन तलं नीतो राज्ञा सह पिता तव ॥

putraṃ provāca sā mātā rājño bhāryā purodhasaḥ dānavena talaṃ nīto rājñā saha pitā tava //

That mother, the wife of the king's chaplain, said to her son: "Your father was carried off to the nether world by a Dānava, together with the king."

AI translation rendered from the Sanskrit, not a published edition

BrP 127.14

क्व नीतः केन वा नीतः कथं नीतः क्व कर्मणि केषु पश्यत्सु किं स्थानं दानवस्य वदस्व मे ॥

kva nītaḥ kena vā nītaḥ kathaṃ nītaḥ kva karmaṇi keṣu paśyatsu kiṃ sthānaṃ dānavasya vadasva me //

"Where was he taken, and by whom was he taken, how was he taken, at what rite, while which (persons) looked on? What is the Dānava's abode? Tell me."

AI translation rendered from the Sanskrit, not a published edition

BrP 127.15

दीक्षितं यज्ञसदसि सभार्यं सपुरोधसम् राजानं तं मिथुर् दैत्यो नीतवान् स रसातलम् पश्यत्सु देवसंघेषु वह्निब्राह्मणसंनिधौ ॥

dīkṣitaṃ yajñasadasi sabhāryaṃ sapurodhasam rājānaṃ taṃ mithur daityo nītavān sa rasātalam paśyatsu devasaṃgheṣu vahnibrāhmaṇasaṃnidhau //

"That king, consecrated in the sacrificial assembly, together with his wife and with his chaplain — the Daitya took the pair (?) down to the nether world, while the hosts of gods looked on, in the presence of the fire and of the brahmins."

AI translation rendered from the Sanskrit, not a published edition — the model flagged this verse as uncertain

BrP 127.16

तन् मातृवचनं श्रुत्वा देवापिः कृत्यम् अस्मरत् देवान् पश्ये ऽथवाग्निं वा ऋत्विजो वासुरांस् तथा ॥

tan mātṛvacanaṃ śrutvā devāpiḥ kṛtyam asmarat devān paśye 'thavāgniṃ vā ṛtvijo vāsurāṃs tathā //

Having heard that speech of his mother, Devāpi thought of what was to be done: "I should look to the gods, or else to the fire, or to the officiating priests, or to the Asuras."

AI translation rendered from the Sanskrit, not a published edition

BrP 127.17

एतेष्व् एव पितान्वेष्यो नान्यत्रेति मतिर् मम इति निश्चित्य देवापिर् भरं प्राह नृपात्मजम् ॥

eteṣv eva pitānveṣyo nānyatreti matir mama iti niścitya devāpir bharaṃ prāha nṛpātmajam //

"My father is to be sought among these very ones and nowhere else — such is my judgement." Having so resolved, Devāpi spoke to Bhara, the king's son.

AI translation rendered from the Sanskrit, not a published edition

BrP 127.18

तपसा ब्रह्मचर्येण व्रतेन नियमेन च आनेतव्या मया सर्वे नीता ये च रसातलम् ॥

tapasā brahmacaryeṇa vratena niyamena ca ānetavyā mayā sarve nītā ye ca rasātalam //

"By austerity, by chastity, by vows and by self-restraint, all those who were carried off to the nether world must be brought back by me."

AI translation rendered from the Sanskrit, not a published edition

BrP 127.19

जाते पराभवे घोरे यो न कुर्यात् प्रतिक्रियाम् नराधमेन किं तेन जीवता वा मृतेन वा ॥

jāte parābhave ghore yo na kuryāt pratikriyām narādhamena kiṃ tena jīvatā vā mṛtena vā //

"When a terrible defeat has occurred, the man who would not take countermeasures — what use is that lowest of men, whether alive or dead?"

AI translation rendered from the Sanskrit, not a published edition

BrP 127.20

त्वं प्रशाधि महीं कृत्स्नाम् आर्ष्टिषेणः पिता यथा माता मम त्वया पाल्या राजन् यावन् ममागतिः भवेच् च कृतकार्यस्य अनुजानीहि मां भर ॥

tvaṃ praśādhi mahīṃ kṛtsnām ārṣṭiṣeṇaḥ pitā yathā mātā mama tvayā pālyā rājan yāvan mamāgatiḥ bhavec ca kṛtakāryasya anujānīhi māṃ bhara //

"You rule the whole earth, as your father Ārṣṭiṣeṇa did; my mother is to be protected by you, O king, until my return; and let it be (so) for one whose task is accomplished. Grant me leave, Bhara."

AI translation rendered from the Sanskrit, not a published edition

BrP 127.21

भरेणोक्तः स देवापिः सर्वं निश्चित्य यत्नतः ॥

bhareṇoktaḥ sa devāpiḥ sarvaṃ niścitya yatnataḥ //

That Devāpi, thus addressed by Bhara, having carefully determined everything —

AI translation rendered from the Sanskrit, not a published edition

BrP 127.22

सिद्धिं कुरु सुखं याहि मा चिन्ताम् अल्पिकां भज ॥

siddhiṃ kuru sukhaṃ yāhi mā cintām alpikāṃ bhaja //

"Achieve success, go happily; do not entertain the slightest worry."

AI translation rendered from the Sanskrit, not a published edition

BrP 127.23

ततो देवापिर् अमरराजाङ्घ्रिध्यानतत्परः ऋत्विजो ऽन्वेष्य यत्नेन नत्वा तान् ऋत्विजः पृथक् कृताञ्जलिपुटो बालो देवापिर् वाक्यम् अब्रवीत् ॥

tato devāpir amararājāṅghridhyānatatparaḥ ṛtvijo 'nveṣya yatnena natvā tān ṛtvijaḥ pṛthak kṛtāñjalipuṭo bālo devāpir vākyam abravīt //

Then Devāpi, intent on meditation upon the feet of the king of the immortals, having searched out the officiating priests with effort and bowed to those priests one by one, the boy Devāpi, with his palms joined, spoke these words:

AI translation rendered from the Sanskrit, not a published edition

BrP 127.24

भवद्भिश् च मखो रक्ष्यो यजमानश् च दीक्षितः पुरोधाश् च तथा रक्ष्यः पत्नी या दीक्षितस्य तु ॥

bhavadbhiś ca makho rakṣyo yajamānaś ca dīkṣitaḥ purodhāś ca tathā rakṣyaḥ patnī yā dīkṣitasya tu //

"The sacrifice was to be guarded by you, and so too the consecrated sacrificer, and likewise the chaplain was to be guarded, and the wife of the consecrated one."

AI translation rendered from the Sanskrit, not a published edition

BrP 127.25

भवत्सु तत्र पश्यत्सु यज्ञं विध्वस्य दैत्यराट् राजादयस् तेन नीतास् तन् न युक्ततमं भवेत् ॥

bhavatsu tatra paśyatsu yajñaṃ vidhvasya daityarāṭ rājādayas tena nītās tan na yuktatamaṃ bhavet //

"While you were looking on there, the Daitya king wrecked the sacrifice, and the king and the others were carried off by him — that would not be at all proper."

AI translation rendered from the Sanskrit, not a published edition

BrP 127.26

अथाप्य् एतद् अहं मन्ये भवन्तस् तान् अरोगिणः दातुम् अर्हन्ति तान् सर्वान् अन्यथा शापम् अर्हथ ॥

athāpy etad ahaṃ manye bhavantas tān arogiṇaḥ dātum arhanti tān sarvān anyathā śāpam arhatha //

"Even so, I hold this: that you are able to give them (back) unharmed — give them all back; otherwise you deserve a curse."

AI translation rendered from the Sanskrit, not a published edition

BrP 127.27

मखे ऽग्निः प्रथमं पूज्यो ह्य् अग्निर् एवात्र दैवतम् तस्माद् वयं न जानीमो ह्य् अग्नीनां परिचारकाः ॥

makhe 'gniḥ prathamaṃ pūjyo hy agnir evātra daivatam tasmād vayaṃ na jānīmo hy agnīnāṃ paricārakāḥ //

"In the sacrifice Agni is to be honoured first, for Agni indeed is the deity here; therefore we do not know (of it) — we are (merely) attendants of the fires."

AI translation rendered from the Sanskrit, not a published edition

BrP 127.28

स एव दाता भोक्ता च हर्ता कर्ता च हव्यवाट् ॥

sa eva dātā bhoktā ca hartā kartā ca havyavāṭ //

"He alone, the bearer of oblations, is the giver and the eater, the taker and the doer."

AI translation rendered from the Sanskrit, not a published edition

BrP 127.29

ऋत्विजः पृष्ठतः कृत्वा देवापिर् जातवेदसम् पूजयित्वा यथान्यायम् अग्नये तन् न्यवेदयत् ॥

ṛtvijaḥ pṛṣṭhataḥ kṛtvā devāpir jātavedasam pūjayitvā yathānyāyam agnaye tan nyavedayat //

Leaving the officiating priests behind, Devāpi worshipped Jātavedas (Agni) according to the rule and reported that matter to Agni.

AI translation rendered from the Sanskrit, not a published edition

BrP 127.30

यथर्त्विजस् तथा चाहं देवानां परिचारकः हव्यं वहामि देवानां भोक्तारो रक्षकाश् च ते ॥

yathartvijas tathā cāhaṃ devānāṃ paricārakaḥ havyaṃ vahāmi devānāṃ bhoktāro rakṣakāś ca te //

"As the priests are, so too am I an attendant of the gods; I convey the oblation to the gods — they are the eaters and the protectors."

AI translation rendered from the Sanskrit, not a published edition

BrP 127.31

देवान् आहूय यत्नेन हविर्भागान् पृथक् पृथक् दास्ये ऽहम् एष दोषो मे तस्माद् याहि सुरान् प्रति ॥

devān āhūya yatnena havirbhāgān pṛthak pṛthak dāsye 'ham eṣa doṣo me tasmād yāhi surān prati //

"Having summoned the gods with effort, I give the shares of the oblation to each separately — that is my duty (only); therefore go to the gods."

AI translation rendered from the Sanskrit, not a published edition

BrP 127.32

देवापिः स सुरान् प्राप्य नत्वा तेभ्यः पृथक् पृथक् ऋत्विग्वाक्यं चाग्निवाक्यं शापं चापि न्यवेदयत् ॥

devāpiḥ sa surān prāpya natvā tebhyaḥ pṛthak pṛthak ṛtvigvākyaṃ cāgnivākyaṃ śāpaṃ cāpi nyavedayat //

That Devāpi, having reached the gods and bowed to them one by one, reported the priests' words and Agni's words, and also the curse.

AI translation rendered from the Sanskrit, not a published edition

BrP 127.33

आहूता वैदिकैर् मन्त्रैर् ऋत्विग्भिश् च यथाक्रमम् भोक्ष्यामहे हविर्भागान् न स्वतन्त्रा द्विजोत्तम ॥

āhūtā vaidikair mantrair ṛtvigbhiś ca yathākramam bhokṣyāmahe havirbhāgān na svatantrā dvijottama //

"Summoned by Vedic mantras and by the officiating priests in due order, we shall consume our shares of the oblation; we are not our own masters, O best of the twice-born."

AI translation rendered from the Sanskrit, not a published edition

BrP 127.34

तस्माद् वेदानुगा नित्यं वयं वेदेन चोदिताः परतन्त्रास् ततो विप्र वेदेभ्यस् तन् निवेदय ॥

tasmād vedānugā nityaṃ vayaṃ vedena coditāḥ paratantrās tato vipra vedebhyas tan nivedaya //

"Therefore we always follow the Veda; we are impelled by the Veda, and hence dependent on another. So, brahmin, report that matter to the Vedas."

AI translation rendered from the Sanskrit, not a published edition

BrP 127.35

स देवापिः शुचिर् भूत्वा वेदान् आहूय यत्नतः ध्यानेन तपसा युक्तो वेदाश् चापि पुरो ऽभवन् ॥

sa devāpiḥ śucir bhūtvā vedān āhūya yatnataḥ dhyānena tapasā yukto vedāś cāpi puro 'bhavan //

That Devāpi, having purified himself, summoned the Vedas with effort; joined with meditation and austerity (he called), and the Vedas indeed appeared before him.

AI translation rendered from the Sanskrit, not a published edition

BrP 127.36

वेदान् उवाच देवापिर् नमस्य तु पुनः पुनः ऋत्विग्वाक्यं चाग्निवाक्यं देववाक्यं न्यवेदयत् ॥

vedān uvāca devāpir namasya tu punaḥ punaḥ ṛtvigvākyaṃ cāgnivākyaṃ devavākyaṃ nyavedayat //

Devāpi spoke to the Vedas, bowing again and again, and reported the priests' words, the words of Agni, and the words of the gods.

AI translation rendered from the Sanskrit, not a published edition

BrP 127.37

परतन्त्रा वयं तात ईश्वरस्य वशानुगाः अशेषजगदाधारो निराधारो निरञ्जनः ॥

paratantrā vayaṃ tāta īśvarasya vaśānugāḥ aśeṣajagadādhāro nirādhāro nirañjanaḥ //

"We are dependent on another, dear one, subject to the will of the Lord — (he who is) the support of the entire world, himself without support, untainted;

AI translation rendered from the Sanskrit, not a published edition

BrP 127.38

सर्वशक्त्यैकसदनं निधानं सर्वसंपदाम् स तु कर्ता महादेवः संहर्ता स महेश्वरः ॥

sarvaśaktyaikasadanaṃ nidhānaṃ sarvasaṃpadām sa tu kartā mahādevaḥ saṃhartā sa maheśvaraḥ //

the one abode of all power, the treasury of all riches — he indeed is the maker, the Great God; he, Maheśvara, is the destroyer.

AI translation rendered from the Sanskrit, not a published edition

BrP 127.39

वयं शब्दमया ब्रह्मन् वदामो विद्म एव च अस्माकम् एतत् कृत्यं स्याद् वदामो यत् तु पृच्छसि ॥

vayaṃ śabdamayā brahman vadāmo vidma eva ca asmākam etat kṛtyaṃ syād vadāmo yat tu pṛcchasi //

We consist of sound, brahmin; we speak, and we do know. This should be our task: we tell what you ask.

AI translation rendered from the Sanskrit, not a published edition

BrP 127.40

केन नीतास् तस्य नाम तत्पुरं तद्बलं तथा भक्षिताः किं तु नो नष्टा एतज् जानीमहे वयम् ॥

kena nītās tasya nāma tatpuraṃ tadbalaṃ tathā bhakṣitāḥ kiṃ tu no naṣṭā etaj jānīmahe vayam //

By whom they were carried off, his name, his city and likewise his strength, and whether they were devoured or not destroyed — this we know.

AI translation rendered from the Sanskrit, not a published edition

BrP 127.41

यथा च तव सामर्थ्यं यम् आराध्य च यत्र च स्याद् इत्य् एतच् च जानीमो यथा प्राप्स्यसि तान् पुरः ॥

yathā ca tava sāmarthyaṃ yam ārādhya ca yatra ca syād ity etac ca jānīmo yathā prāpsyasi tān puraḥ //

And how your capacity (may come about), and by propitiating whom, and where it may be — this too we know, and how you will reach those cities.

AI translation rendered from the Sanskrit, not a published edition

BrP 127.42

एतच् छ्रुत्वावदद् वेदान् विचार्य सुचिरं हृदि ॥

etac chrutvāvadad vedān vicārya suciraṃ hṛdi //

Hearing this he spoke to the Vedas, after long reflecting in his heart:

AI translation rendered from the Sanskrit, not a published edition

BrP 127.43

वेदा वदन्त्व् एतद् एव सर्वम् एव यथार्थतः सर्वान् प्राप्स्ये तलं नीतान् अलं तेभ्यो नमो ऽस्तु वः ॥

vedā vadantv etad eva sarvam eva yathārthataḥ sarvān prāpsye talaṃ nītān alaṃ tebhyo namo 'stu vaḥ //

"Let the Vedas declare just this, the whole of it as it truly is. I shall recover all those who were carried down to the netherworld — enough of them! Homage be to you."

AI translation rendered from the Sanskrit, not a published edition — the model flagged this verse as uncertain

BrP 127.44

गौतमीं गच्छ देवापे तत्र स्तुहि महेश्वरम् सुप्रसन्नस् तवाभीष्टं दास्यत्य् एव कृपाकरः ॥

gautamīṃ gaccha devāpe tatra stuhi maheśvaram suprasannas tavābhīṣṭaṃ dāsyaty eva kṛpākaraḥ //

"Go to the Gautamī, Devāpi; there praise Maheśvara. Well pleased, that maker of compassion will surely give you what you desire.

AI translation rendered from the Sanskrit, not a published edition

BrP 127.45

भवेद् देवः शिवः प्रीतः स्तुतः सत्यं महामते आर्ष्टिषेणश् च नृपतिस् तस्य जाया जया सती ॥

bhaved devaḥ śivaḥ prītaḥ stutaḥ satyaṃ mahāmate ārṣṭiṣeṇaś ca nṛpatis tasya jāyā jayā satī //

The god Śiva, when praised, would become pleased — this is true, O greatly wise one. And king Ārṣṭiṣeṇa, and his wife, the virtuous Jayā,

AI translation rendered from the Sanskrit, not a published edition

BrP 127.46

पिता तवाप्य् उपमन्युस् तले तिष्ठन्त्य् अरोगिणः वरदानान् महेशस्य मिथुं हत्वा च राक्षसम् यशः प्राप्स्यसि धर्मं च एतच् छक्यं न चेतरत् ॥

pitā tavāpy upamanyus tale tiṣṭhanty arogiṇaḥ varadānān maheśasya mithuṃ hatvā ca rākṣasam yaśaḥ prāpsyasi dharmaṃ ca etac chakyaṃ na cetarat //

and your father Upamanyu as well, are staying in the netherworld, free of sickness. Through Maheśa's granting of a boon, and by slaying the rākṣasa pair, you will obtain fame and merit; this is possible, and nothing else."

AI translation rendered from the Sanskrit, not a published edition — the model flagged this verse as uncertain

BrP 127.47

तद् वेदवचनाद् बालो देवापिर् गौतमीं गतः स्नात्वा कृतक्षणो विप्रस् तुष्टाव च महेश्वरम् ॥

tad vedavacanād bālo devāpir gautamīṃ gataḥ snātvā kṛtakṣaṇo vipras tuṣṭāva ca maheśvaram //

Then, at the Vedas' word, the boy Devāpi went to the Gautamī, and the brahmin, having bathed and awaited the (proper) moment, praised Maheśvara.

AI translation rendered from the Sanskrit, not a published edition

BrP 127.48

बालो ऽहं देवदेवेश गुरूणां त्वं गुरुर् मम न मे शक्तिस् त्वत्स्तवने तुभ्यं शंभो नमो ऽस्तु ते ॥

bālo 'haṃ devadeveśa gurūṇāṃ tvaṃ gurur mama na me śaktis tvatstavane tubhyaṃ śaṃbho namo 'stu te //

"I am a child, O lord of the gods of gods; you are my teacher, the teacher of teachers. I have no power to praise you; homage to you, Śambhu, homage be to you.

AI translation rendered from the Sanskrit, not a published edition

BrP 127.49

न त्वां जानन्ति निगमा न देवा मुनयो न च न ब्रह्मा नापि वैकुण्ठो यो ऽसि सो ऽसि नमो ऽस्तु ते ॥

na tvāṃ jānanti nigamā na devā munayo na ca na brahmā nāpi vaikuṇṭho yo 'si so 'si namo 'stu te //

The scriptures do not know you, nor the gods, nor the sages, nor Brahmā, nor even Vaikuṇṭha (Viṣṇu); whoever you are, that you are — homage be to you.

AI translation rendered from the Sanskrit, not a published edition

BrP 127.50

ये ऽनाथा ये च कृपणा ये दरिद्राश् च रोगिणः पापात्मानो ये च लोके तांस् त्वं पासि महेश्वर ॥

ye 'nāthā ye ca kṛpaṇā ye daridrāś ca rogiṇaḥ pāpātmāno ye ca loke tāṃs tvaṃ pāsi maheśvara //

Those who are without protector, those who are wretched, those who are poor and diseased, and those in the world who are of sinful nature — you protect them, Maheśvara.

AI translation rendered from the Sanskrit, not a published edition

BrP 127.51

तपसा नियमैर् मन्त्रैः पूजितास् त्रिदिवौकसः त्वया दत्तं फलं तेभ्यो दास्यन्ति जगतां पते ॥

tapasā niyamair mantraiḥ pūjitās tridivaukasaḥ tvayā dattaṃ phalaṃ tebhyo dāsyanti jagatāṃ pate //

The dwellers of the triple heaven, worshipped with austerity, observances and mantras, will give to them the fruit that is granted by you, O lord of the worlds.

AI translation rendered from the Sanskrit, not a published edition

BrP 127.52

याचितारश् च दातारस् तेभ्यो यद् यन् मनीषितम् भवतीति न चित्रं स्यात् त्वं विपर्ययकारकः ॥

yācitāraś ca dātāras tebhyo yad yan manīṣitam bhavatīti na citraṃ syāt tvaṃ viparyayakārakaḥ //

That petitioners become givers, and that whatever is wished for by them comes about, would be no wonder: you are the one who does the reverse.

AI translation rendered from the Sanskrit, not a published edition — the model flagged this verse as uncertain

BrP 127.53

ये ऽज्ञानिनो ये च पापा ये मग्ना नरकार्णवे शिवेति वचनान् नाथ तान् पासि त्वं जगद्गुरो ॥

ye 'jñānino ye ca pāpā ye magnā narakārṇave śiveti vacanān nātha tān pāsi tvaṃ jagadguro //

Those who are without knowledge, and those who are sinners, and those sunk in the ocean of hell — those, O Lord, you protect, merely because of the word "Śiva," O teacher of the world.

AI translation rendered from the Sanskrit, not a published edition

BrP 127.54

एवं तु स्तुवतस् तस्य पुरः प्राह त्रिलोचनः ॥

evaṃ tu stuvatas tasya puraḥ prāha trilocanaḥ //

As he praised (him) thus, the Three-eyed One spoke before (him):

AI translation rendered from the Sanskrit, not a published edition

BrP 127.55

वरं ब्रूह्य् अथ देवापे अलं दैन्येन बालक ॥

varaṃ brūhy atha devāpe alaṃ dainyena bālaka //

"Name your boon, then, O Devāpi; enough of this abjectness, boy!"

AI translation rendered from the Sanskrit, not a published edition

BrP 127.56

राजानं राजपत्नीं च पितरं च गुरुं मम प्राप्तुम् इच्छे जगन्नाथ निधनं च रिपोर् मम ॥

rājānaṃ rājapatnīṃ ca pitaraṃ ca guruṃ mama prāptum icche jagannātha nidhanaṃ ca ripor mama //

"I wish to obtain the king, and the king's wife, and my father, and my teacher, O Lord of the world, and the destruction of my enemy."

AI translation rendered from the Sanskrit, not a published edition

BrP 127.57

देवापिवचनं श्रुत्वा तथेत्य् आहाखिलेश्वरः देवापेः सर्वम् अभवद् आज्ञया शंकरस्य तत् ॥

devāpivacanaṃ śrutvā tathety āhākhileśvaraḥ devāpeḥ sarvam abhavad ājñayā śaṃkarasya tat //

Hearing Devāpi's words, the Lord of all said, "So be it," and by Śaṃkara's command all that came about for Devāpi.

AI translation rendered from the Sanskrit, not a published edition

BrP 127.58

पुनर् अप्य् आह तं शंभुर् देवापिकरुणाकरः नन्दिनं प्रेषयाम् आस शंभुः शूलेन नारद ॥

punar apy āha taṃ śaṃbhur devāpikaruṇākaraḥ nandinaṃ preṣayām āsa śaṃbhuḥ śūlena nārada //

Again Śaṃbhu, full of compassion for Devāpi, spoke to him; and Śaṃbhu, O Nārada, sent Nandin with the trident.

AI translation rendered from the Sanskrit, not a published edition

BrP 127.59

रसातलं मिथुं नन्दी हत्वा चासुरपुंगवान् तत्पित्रादीन् समानीय तस्मै तान् स न्यवेदयत् ॥

rasātalaṃ mithuṃ nandī hatvā cāsurapuṃgavān tatpitrādīn samānīya tasmai tān sa nyavedayat //

Nandin, (going) to Rasātala and slaying the foremost of the asuras, brought back his father and the others and presented them to him.

AI translation rendered from the Sanskrit, not a published edition — the model flagged this verse as uncertain

BrP 127.60

हयमेधश् च तत्रासीद् आर्ष्टिषेणस्य धीमतः अग्निश् च ऋत्विजो देवा वेदाश् च ऋषयो ऽब्रुवन् ॥

hayamedhaś ca tatrāsīd ārṣṭiṣeṇasya dhīmataḥ agniś ca ṛtvijo devā vedāś ca ṛṣayo 'bruvan //

And a horse-sacrifice took place there, (that) of wise Ārṣṭiṣeṇa; and Agni, the officiating priests, the gods, the Vedas and the seers said:

AI translation rendered from the Sanskrit, not a published edition

BrP 127.61

यत्र साक्षाद् अभूच् छंभुर् देवापे भक्तवत्सलः देवदेवो जगन्नाथो देवतीर्थम् अभूच् च तत् ॥

yatra sākṣād abhūc chaṃbhur devāpe bhaktavatsalaḥ devadevo jagannātho devatīrtham abhūc ca tat //

"Since Śaṃbhu, who is fond of his devotees, the god of gods, the Lord of the world, became manifest here, O Devāpi, this became Devatīrtha (the gods' ford)."

AI translation rendered from the Sanskrit, not a published edition

BrP 127.62

सर्वपापक्षयकरं सर्वसिद्धिप्रदं नृणाम् पुण्यदं तीर्थम् एतत् स्यात् तव कीर्तिश् च शाश्वती ॥

sarvapāpakṣayakaraṃ sarvasiddhipradaṃ nṛṇām puṇyadaṃ tīrtham etat syāt tava kīrtiś ca śāśvatī //

"This tīrtha shall be destructive of all sin, bestowing all attainments upon men, and granting merit; and your fame shall be everlasting."

AI translation rendered from the Sanskrit, not a published edition

BrP 127.63

अश्वमेधे निवृत्ते तु सुरास् तेभ्यो वरान् ददुः स्नात्वा कृतार्था गङ्गायां ततस् ते दिवम् आक्रमन् ॥

aśvamedhe nivṛtte tu surās tebhyo varān daduḥ snātvā kṛtārthā gaṅgāyāṃ tatas te divam ākraman //

When the horse-sacrifice was concluded, the gods gave them boons; and having bathed in the Gaṅgā, their purposes fulfilled, they then ascended to heaven.

AI translation rendered from the Sanskrit, not a published edition

BrP 127.64

ततः प्रभृति तत्रासंस् तीर्थानि दश पञ्च च सहस्राणि शतान्य् अष्टाव् उभयोर् अपि तीरयोः तेषु स्नानं च दानं च ह्य् अतीव फलदं विदुः ॥

tataḥ prabhṛti tatrāsaṃs tīrthāni daśa pañca ca sahasrāṇi śatāny aṣṭāv ubhayor api tīrayoḥ teṣu snānaṃ ca dānaṃ ca hy atīva phaladaṃ viduḥ //

From that time on there were tīrthas there — fifteen thousand and eight hundred — on both banks; and bathing and giving at them, (the wise) know, is exceedingly fruitful.

AI translation rendered from the Sanskrit, not a published edition