Brahma Purana — Chapter 122
BrP 122.1
पूर्णतीर्थम् इति ख्यातं गङ्गाया उत्तरे तटे तत्र स्नात्वा नरो ऽज्ञानात् तथापि शुभम् आप्नुयात् ॥
pūrṇatīrtham iti khyātaṃ gaṅgāyā uttare taṭe tatra snātvā naro 'jñānāt tathāpi śubham āpnuyāt //
On the northern bank of the Gaṅgā there is (a place) known as Pūrṇatīrtha; bathing there, a man would obtain good even if (he does so) in ignorance.
AI translation rendered from the Sanskrit, not a published edition
BrP 122.2
पूर्णतीर्थस्य माहात्म्यं वर्ण्यते केन जन्तुना स्वयं संस्थीयते यत्र चक्रिणा च पिनाकिना ॥
pūrṇatīrthasya māhātmyaṃ varṇyate kena jantunā svayaṃ saṃsthīyate yatra cakriṇā ca pinākinā //
By what creature can the greatness of Pūrṇatīrtha be described, where the Discus-bearer and the Pināka-bearer themselves abide?
AI translation rendered from the Sanskrit, not a published edition
BrP 122.3
पुरा धन्वन्तरिर् नाम कल्पादाव् आयुषः सुतः इष्ट्वा बहुविधैर् यज्ञैर् अश्वमेधपुरःसरैः ॥
purā dhanvantarir nāma kalpādāv āyuṣaḥ sutaḥ iṣṭvā bahuvidhair yajñair aśvamedhapuraḥsaraiḥ //
Formerly, at the beginning of the kalpa, one named Dhanvantari, the son of Āyus, having sacrificed with many kinds of sacrifices headed by the horse-sacrifice,
AI translation rendered from the Sanskrit, not a published edition
BrP 122.4
दत्त्वा दानान्य् अनेकानि भुक्त्वा भोगांश् च पुष्कलान् विज्ञाय भोगवैषम्यं परं वैराग्यम् आश्रितः ॥
dattvā dānāny anekāni bhuktvā bhogāṃś ca puṣkalān vijñāya bhogavaiṣamyaṃ paraṃ vairāgyam āśritaḥ //
having given many gifts and enjoyed abundant pleasures, having recognized the unevenness of pleasures, took to supreme detachment.
AI translation rendered from the Sanskrit, not a published edition
BrP 122.5
गिरिशृङ्गे ऽम्बुधेः पारे तथा गङ्गानदीतटे शिवविष्ण्वोर् गृहे वापि विशेषात् पुण्यसंगमे ॥
giriśṛṅge 'mbudheḥ pāre tathā gaṅgānadītaṭe śivaviṣṇvor gṛhe vāpi viśeṣāt puṇyasaṃgame //
On a mountain peak, on the far shore of the ocean, and on the bank of the river Gaṅgā, or in the house of Śiva and Viṣṇu, and especially at a holy confluence—
AI translation rendered from the Sanskrit, not a published edition
BrP 122.6
तप्तं हुतं च जप्तं च सर्वम् अक्षयतां व्रजेत् धन्वन्तरिर् इति ज्ञात्वा तत्र तेपे तपो महत् ॥
taptaṃ hutaṃ ca japtaṃ ca sarvam akṣayatāṃ vrajet dhanvantarir iti jñātvā tatra tepe tapo mahat //
Whatever is heated in penance, offered in fire, and muttered — all of it becomes imperishable (there). Knowing this, Dhanvantari performed great austerity in that place.
AI translation rendered from the Sanskrit, not a published edition
BrP 122.7
ज्ञानवैराग्यसंपन्नो भीमेशचरणाश्रयः तपश् चकार विपुलं गङ्गासागरसंगमे ॥
jñānavairāgyasaṃpanno bhīmeśacaraṇāśrayaḥ tapaś cakāra vipulaṃ gaṅgāsāgarasaṃgame //
Endowed with knowledge and dispassion, taking refuge at the feet of Bhīmeśa, he performed vast austerity at the confluence of the Ganges and the ocean.
AI translation rendered from the Sanskrit, not a published edition
BrP 122.8
पुरा च निकृतो राज्ञा रणं हित्वा महासुरः सहस्रम् एकं वर्षाणां समुद्रं प्राविशद् भयात् ॥
purā ca nikṛto rājñā raṇaṃ hitvā mahāsuraḥ sahasram ekaṃ varṣāṇāṃ samudraṃ prāviśad bhayāt //
And formerly the great asura, worsted by the king, had abandoned the battle and out of fear entered the ocean for a thousand years.
AI translation rendered from the Sanskrit, not a published edition
BrP 122.9
धन्वन्तरौ वनं प्राप्ते राज्यं प्राप्ते तु तत्सुते विरागं च गते राज्ञि ततः प्रायाद् अथार्णवात् ॥
dhanvantarau vanaṃ prāpte rājyaṃ prāpte tu tatsute virāgaṃ ca gate rājñi tataḥ prāyād athārṇavāt //
When Dhanvantari had gone to the forest, and his son had obtained the kingdom, and the king had turned to dispassion, then he came forth from the sea.
AI translation rendered from the Sanskrit, not a published edition
BrP 122.10
तपस्यन्तं तमो नाम बलवान् असुरो मुने गङ्गातीरं समाश्रित्य राजा धन्वन्तरिर् यतः ॥
tapasyantaṃ tamo nāma balavān asuro mune gaṅgātīraṃ samāśritya rājā dhanvantarir yataḥ //
A powerful asura named Tamas, O sage, drew near to the bank of the Ganges where king Dhanvantari was practising austerity —
AI translation rendered from the Sanskrit, not a published edition
BrP 122.11
जपहोमरतो नित्यं ब्रह्मज्ञानपरायणः तं रिपुं नाशयामीति तमः प्रायाद् अथार्णवात् ॥
japahomarato nityaṃ brahmajñānaparāyaṇaḥ taṃ ripuṃ nāśayāmīti tamaḥ prāyād athārṇavāt //
(the king) constantly devoted to muttered prayer and oblation, wholly intent on the knowledge of brahman. "I shall destroy that enemy" — (thinking thus) Tamas came forth from the sea.
AI translation rendered from the Sanskrit, not a published edition
BrP 122.12
नाशितो बहुशो ऽनेन राज्ञा बलवता त्व् अहम् तं रिपुं नाशयामीति तमः प्रायाद् अथार्णवात् ॥
nāśito bahuśo 'nena rājñā balavatā tv aham taṃ ripuṃ nāśayāmīti tamaḥ prāyād athārṇavāt //
"Many times have I been crushed by this mighty king; I shall destroy that enemy" — (so thinking) Tamas came forth from the sea.
AI translation rendered from the Sanskrit, not a published edition
BrP 122.13
मायया प्रमदारूपं कृत्वा राजानम् अभ्यगात् नृत्यगीतवती सुभ्रूर् हसन्ती चारुदर्शना ॥
māyayā pramadārūpaṃ kṛtvā rājānam abhyagāt nṛtyagītavatī subhrūr hasantī cārudarśanā //
By magic he took the form of a young woman and approached the king — dancing and singing, fair-browed, laughing, lovely to behold.
AI translation rendered from the Sanskrit, not a published edition
BrP 122.14
तां दृष्ट्वा चारुसर्वाङ्गीं बहुकालं नयान्विताम् शान्ताम् अनुव्रतां भक्तां कृपया चाब्रवीन् नृपः ॥
tāṃ dṛṣṭvā cārusarvāṅgīṃ bahukālaṃ nayānvitām śāntām anuvratāṃ bhaktāṃ kṛpayā cābravīn nṛpaḥ //
Seeing her, lovely in every limb, for a long while behaving properly, calm, compliant and devoted, the king spoke out of compassion:
AI translation rendered from the Sanskrit, not a published edition
BrP 122.15
कासि त्वं कस्य हेतोर् वा वर्तसे गहने वने कं दृष्ट्वा हर्षसीव त्वं वद कल्याणि पृच्छते ॥
kāsi tvaṃ kasya hetor vā vartase gahane vane kaṃ dṛṣṭvā harṣasīva tvaṃ vada kalyāṇi pṛcchate //
"Who are you, and for what reason do you move about in the deep forest? Whom have you seen, that you seem to rejoice? Tell me, good lady, since I ask."
AI translation rendered from the Sanskrit, not a published edition
BrP 122.16
प्रमदा चापि तद्वाक्यं श्रुत्वा राजानम् अब्रवीत् ॥
pramadā cāpi tadvākyaṃ śrutvā rājānam abravīt //
And the young woman, hearing that speech, said to the king:
AI translation rendered from the Sanskrit, not a published edition
BrP 122.17
त्वयि तिष्ठति को लोके हेतुर् हर्षस्य मे भवेत् अहम् इन्द्रस्य या लक्ष्मीस् त्वां दृष्ट्वा कामसंभृतम् ॥
tvayi tiṣṭhati ko loke hetur harṣasya me bhavet aham indrasya yā lakṣmīs tvāṃ dṛṣṭvā kāmasaṃbhṛtam //
"While you exist, what other cause of joy could there be for me in the world? I am she who is Indra's Lakṣmī; and seeing you filled with desire,
AI translation rendered from the Sanskrit, not a published edition
BrP 122.18
हर्षाच् चरामि पुरतो राजंस् तव पुनः पुनः अगण्यपुण्यविरहाद् अहं सर्वस्य दुर्लभा ॥
harṣāc carāmi purato rājaṃs tava punaḥ punaḥ agaṇyapuṇyavirahād ahaṃ sarvasya durlabhā //
out of joy I walk before you, O king, again and again. For want of countless merit, I am hard for anyone to obtain."
AI translation rendered from the Sanskrit, not a published edition
BrP 122.19
एतद् वचो निशम्याशु तपस् त्यक्त्वा सुदुष्करम् ताम् एव मनसा ध्यायंस् तन्निष्ठस् तत्परायणः ॥
etad vaco niśamyāśu tapas tyaktvā suduṣkaram tām eva manasā dhyāyaṃs tanniṣṭhas tatparāyaṇaḥ //
Hearing this speech, at once abandoning his most difficult austerity, meditating on her alone in his mind, fixed on her, devoted to her,
AI translation rendered from the Sanskrit, not a published edition
BrP 122.20
तदेकशरणो राजा बभूव स यदा तमः अन्तर्धानं गतो ब्रह्मन् नाशयित्वा तपो बृहत् ॥
tadekaśaraṇo rājā babhūva sa yadā tamaḥ antardhānaṃ gato brahman nāśayitvā tapo bṛhat //
the king came to have her as his sole refuge. Then Tamas, O brahman, having destroyed (that) great austerity, vanished.
AI translation rendered from the Sanskrit, not a published edition
BrP 122.21
एतस्मिन्न् अन्तरे ऽहं वै वरान् दातुं समभ्यगाम् तं दृष्ट्वा विह्वलीभूतं तपोभ्रष्टं यथा मृतम् ॥
etasminn antare 'haṃ vai varān dātuṃ samabhyagām taṃ dṛṣṭvā vihvalībhūtaṃ tapobhraṣṭaṃ yathā mṛtam //
In this interval I came to grant boons, and I saw him overwhelmed, fallen from his austerity, as if dead.
AI translation rendered from the Sanskrit, not a published edition
BrP 122.22
तम् आश्वास्याथ विविधैर् हेतुभिर् नृपसत्तमम् तव शत्रुस् तमो नाम कृत्वा तां तपसश् च्युतिम् ॥
tam āśvāsyātha vividhair hetubhir nṛpasattamam tava śatrus tamo nāma kṛtvā tāṃ tapasaś cyutim //
Then, comforting that best of kings with various arguments (I said): "Your enemy named Tamas, having brought about that fall from austerity,
AI translation rendered from the Sanskrit, not a published edition
BrP 122.23
चरितार्थो गतो राजन् न त्वं शोचितुम् अर्हसि आनन्दयन्ति प्रमदास् तापयन्ति च मानवम् ॥
caritārtho gato rājan na tvaṃ śocitum arhasi ānandayanti pramadās tāpayanti ca mānavam //
has gone, his purpose accomplished; you ought not to grieve, O king. Women both delight a man and torment him —
AI translation rendered from the Sanskrit, not a published edition
BrP 122.24
सर्वा एव विशेषेण किम् उ मायामयी तु सा ततः कृताञ्जली राजा माम् आह विगतभ्रमः ॥
sarvā eva viśeṣeṇa kim u māyāmayī tu sā tataḥ kṛtāñjalī rājā mām āha vigatabhramaḥ //
all of them indeed, and especially so — how much more one who was made of illusion!" Then the king, palms joined, his delusion gone, said to me:
AI translation rendered from the Sanskrit, not a published edition
BrP 122.25
किं करोमि कथं ब्रह्मंस् तपसः पारम् आप्नुयाम् ॥
kiṃ karomi kathaṃ brahmaṃs tapasaḥ pāram āpnuyām //
"What am I to do, O brahman? How may I reach the far shore of austerity?"
AI translation rendered from the Sanskrit, not a published edition
BrP 122.26
ततस् तस्योत्तरं प्रादां देवदेवं जनार्दनम् स्तुहि सर्वप्रयत्नेन ततः सिद्धिम् अवाप्स्यसि ॥
tatas tasyottaraṃ prādāṃ devadevaṃ janārdanam stuhi sarvaprayatnena tataḥ siddhim avāpsyasi //
Then (the sage) gave him this reply: "Praise with every effort Janārdana, the god of gods; thereby you will attain success."
AI translation rendered from the Sanskrit, not a published edition
BrP 122.27
स ह्य् अशेषजगत्स्रष्टा वेदवेद्यः पुरातनः सर्वार्थसिद्धिदः पुंसां नान्यो ऽस्ति भुवनत्रये ॥
sa hy aśeṣajagatsraṣṭā vedavedyaḥ purātanaḥ sarvārthasiddhidaḥ puṃsāṃ nānyo 'sti bhuvanatraye //
For he is the creator of the entire world, the ancient one to be known through the Vedas, the granter of the accomplishment of all aims for men; there is no other in the three worlds.
AI translation rendered from the Sanskrit, not a published edition
BrP 122.28
स जगाम नगश्रेष्ठं हिमवन्तं नृपोत्तमः कृताञ्जलिपुटो भूत्वा विष्णुं तुष्टाव भक्तितः ॥
sa jagāma nagaśreṣṭhaṃ himavantaṃ nṛpottamaḥ kṛtāñjalipuṭo bhūtvā viṣṇuṃ tuṣṭāva bhaktitaḥ //
That best of kings went to Himavat, the foremost of mountains, and with his palms joined he praised Viṣṇu with devotion.
AI translation rendered from the Sanskrit, not a published edition
BrP 122.29
जय विष्णो जयाचिन्त्य जय जिष्णो जयाच्युत जय गोपाल लक्ष्मीश जय कृष्ण जगन्मय ॥
jaya viṣṇo jayācintya jaya jiṣṇo jayācyuta jaya gopāla lakṣmīśa jaya kṛṣṇa jaganmaya //
Victory to you, Viṣṇu! Victory, O inconceivable one! Victory, O victorious one! Victory, O Acyuta! Victory, O Gopāla, lord of Lakṣmī! Victory, O Kṛṣṇa, you who pervade the world!
AI translation rendered from the Sanskrit, not a published edition
BrP 122.30
जय भूतपते नाथ जय पन्नगशायिने जय सर्वग गोविन्द जय विश्वकृते नमः ॥
jaya bhūtapate nātha jaya pannagaśāyine jaya sarvaga govinda jaya viśvakṛte namaḥ //
Victory, O lord of beings, O master! Victory to him who lies upon the serpent! Victory, O all-pervading Govinda! Victory, homage to the maker of the universe!
AI translation rendered from the Sanskrit, not a published edition
BrP 122.31
जय विश्वभुजे देव जय विश्वधृते नमः जयेश सदसत् त्वं वै जय माधव धर्मिणे ॥
jaya viśvabhuje deva jaya viśvadhṛte namaḥ jayeśa sadasat tvaṃ vai jaya mādhava dharmiṇe //
Victory, O god who enjoys (or devours) the universe! Victory, homage to the upholder of the universe! Victory, O Lord — you are indeed both the existent and the non-existent! Victory, O Mādhava, to the righteous one!
AI translation rendered from the Sanskrit, not a published edition
BrP 122.32
जय कामद काम त्वं जय राम गुणार्णव जय पुष्टिद पुष्टीश जय कल्याणदायिने ॥
jaya kāmada kāma tvaṃ jaya rāma guṇārṇava jaya puṣṭida puṣṭīśa jaya kalyāṇadāyine //
Victory, O giver of desires — you are desire itself! Victory, O Rāma, ocean of virtues! Victory, O giver of prosperity, lord of prosperity! Victory to the bestower of well-being!
AI translation rendered from the Sanskrit, not a published edition
BrP 122.33
जय भूतप भूतेश जय मानविधायिने जय कर्मद कर्म त्वं जय पीताम्बरच्छद ॥
jaya bhūtapa bhūteśa jaya mānavidhāyine jaya karmada karma tvaṃ jaya pītāmbaracchada //
Victory, O protector of beings, lord of beings! Victory to the ordainer of honour! Victory, O giver of action — you are action itself! Victory, O you whose garment is a yellow robe!
AI translation rendered from the Sanskrit, not a published edition
BrP 122.34
जय सर्वेश सर्वस् त्वं जय मङ्गलरूपिणे जय सत्त्वाधिनाथाय जय वेदविदे नमः ॥
jaya sarveśa sarvas tvaṃ jaya maṅgalarūpiṇe jaya sattvādhināthāya jaya vedavide namaḥ //
Victory, O lord of all — you are all! Victory to him whose form is auspiciousness! Victory to the sovereign lord of sattva! Victory, homage to the knower of the Veda!
AI translation rendered from the Sanskrit, not a published edition
BrP 122.35
जय जन्मद जन्मिस्थ परमात्मन् नमो ऽस्तु ते जय मुक्तिद मुक्तिस् त्वं जय भुक्तिद केशव ॥
jaya janmada janmistha paramātman namo 'stu te jaya muktida muktis tvaṃ jaya bhuktida keśava //
Victory, O giver of birth, O you who abide in the born! Homage be to you, supreme Self! Victory, O giver of liberation — you are liberation! Victory, O giver of enjoyment, Keśava!
AI translation rendered from the Sanskrit, not a published edition
BrP 122.36
जय लोकद लोकेश जय पापविनाशन जय वत्सल भक्तानां जय चक्रधृते नमः ॥
jaya lokada lokeśa jaya pāpavināśana jaya vatsala bhaktānāṃ jaya cakradhṛte namaḥ //
Victory, O giver of worlds, lord of the world! Victory, O destroyer of sin! Victory, O you who are tender toward your devotees! Victory, homage to the bearer of the discus!
AI translation rendered from the Sanskrit, not a published edition
BrP 122.37
जय मानद मानस् त्वं जय लोकनमस्कृत जय धर्मद धर्मस् त्वं जय संसारपारग ॥
jaya mānada mānas tvaṃ jaya lokanamaskṛta jaya dharmada dharmas tvaṃ jaya saṃsārapāraga //
Victory, O giver of honour — you are honour! Victory, O you who are saluted by the world! Victory, O giver of dharma — you are dharma! Victory, O you who go beyond the round of rebirth!
AI translation rendered from the Sanskrit, not a published edition
BrP 122.38
जय अन्नद अन्नं त्वं जय वाचस्पते नमः जय शक्तिद शक्तिस् त्वं जय जैत्रवरप्रद ॥
jaya annada annaṃ tvaṃ jaya vācaspate namaḥ jaya śaktida śaktis tvaṃ jaya jaitravaraprada //
Victory, O giver of food — you are food! Victory, homage to the lord of speech! Victory, O giver of power — you are power! Victory, O bestower of the boon of victory!
AI translation rendered from the Sanskrit, not a published edition
BrP 122.39
जय यज्ञद यज्ञस् त्वं जय पद्मदलेक्षण जय दानद दानं त्वं जय कैटभसूदन ॥
jaya yajñada yajñas tvaṃ jaya padmadalekṣaṇa jaya dānada dānaṃ tvaṃ jaya kaiṭabhasūdana //
Victory, O giver of sacrifice — you are sacrifice! Victory, O you whose eyes are lotus petals! Victory, O giver of gifts — you are the gift! Victory, O slayer of Kaiṭabha!
AI translation rendered from the Sanskrit, not a published edition
BrP 122.40
जय कीर्तिद कीर्तिस् त्वं जय मूर्तिद मूर्तिधृक् जय सौख्यद सौख्यात्मञ् जय पावनपावन ॥
jaya kīrtida kīrtis tvaṃ jaya mūrtida mūrtidhṛk jaya saukhyada saukhyātmañ jaya pāvanapāvana //
Victory, O giver of fame — you are fame! Victory, O giver of form, bearer of form! Victory, O giver of happiness, whose very self is happiness! Victory, O purifier of the pure!
AI translation rendered from the Sanskrit, not a published edition
BrP 122.41
जय शान्तिद शान्तिस् त्वं जय शंकरसंभव जय पानद पानस् त्वं जय ज्योतिःस्वरूपिणे ॥
jaya śāntida śāntis tvaṃ jaya śaṃkarasaṃbhava jaya pānada pānas tvaṃ jaya jyotiḥsvarūpiṇe //
Victory, O giver of peace — you are peace! Victory, O source of Śaṃkara! Victory, O giver of drink — you are the drink! Victory to him whose own form is light!
AI translation rendered from the Sanskrit, not a published edition
BrP 122.42
जय वामन वित्तेश जय धूमपताकिने जय सर्वस्य जगतो दातृमूर्ते नमो ऽस्तु ते ॥
jaya vāmana vitteśa jaya dhūmapatākine jaya sarvasya jagato dātṛmūrte namo 'stu te //
Victory, O Vāmana, lord of wealth! Victory to him whose banner is smoke! Victory! Homage be to you, the embodiment of the giver to the whole world!
AI translation rendered from the Sanskrit, not a published edition
BrP 122.43
त्वम् एव लोकत्रयवर्तिजीव निकायसंक्लेशविनाशदक्ष श्रीपुण्डरीकाक्ष कृपानिधे त्वं निधेहि पाणिं मम मूर्ध्नि विष्णो
tvam eva lokatrayavartijīva nikāyasaṃkleśavināśadakṣa śrīpuṇḍarīkākṣa kṛpānidhe tvaṃ nidhehi pāṇiṃ mama mūrdhni viṣṇo
You alone are able to destroy the afflictions of the host of living beings that dwell in the three worlds; O glorious lotus-eyed one, treasury of compassion, lay your hand upon my head, O Viṣṇu.
AI translation rendered from the Sanskrit, not a published edition
BrP 122.44
एवं स्तुवन्तं भगवाञ् शङ्खचक्रगदाधरः वरेण च्छन्दयाम् आस सर्वकामसमृद्धिदः ॥
evaṃ stuvantaṃ bhagavāñ śaṅkhacakragadādharaḥ vareṇa cchandayām āsa sarvakāmasamṛddhidaḥ //
To him who praised him thus, the Lord who bears conch, discus, and mace, the granter of the abundance of all desires, offered a boon of his choice.
AI translation rendered from the Sanskrit, not a published edition
BrP 122.45
धन्वन्तरिः प्रीतमना वरदानेन चक्रिणः वरदानाय देवेशं गोविन्दं संस्थितं पुरः ॥
dhanvantariḥ prītamanā varadānena cakriṇaḥ varadānāya deveśaṃ govindaṃ saṃsthitaṃ puraḥ //
Dhanvantari, his mind delighted by the discus-bearer's granting of a boon, (beheld) Govinda, the lord of the gods, standing before him to grant the boon.
AI translation rendered from the Sanskrit, not a published edition — the model flagged this verse as uncertain
BrP 122.46
तम् आह नृपतिः प्रह्वः सुरराज्यं ममेप्सितम् तच् च दत्तं त्वया विष्णो प्राप्तो ऽस्मि कृतकृत्यताम् ॥
tam āha nṛpatiḥ prahvaḥ surarājyaṃ mamepsitam tac ca dattaṃ tvayā viṣṇo prāpto 'smi kṛtakṛtyatām //
Bowing, the king said to him: "The kingship of the gods was my desire, and that has been given by me—O Viṣṇu, I have attained the state of having accomplished my purpose."
AI translation rendered from the Sanskrit, not a published edition
BrP 122.47
स्तुतः संपूजितो विष्णुस् तत्रैवान्तरधीयत तथैव त्रिदशेशत्वम् अवाप नृपतिः क्रमात् ॥
stutaḥ saṃpūjito viṣṇus tatraivāntaradhīyata tathaiva tridaśeśatvam avāpa nṛpatiḥ kramāt //
Viṣṇu, thus praised and worshipped, vanished right there; and just so the king in due course obtained lordship over the thirty (gods).
AI translation rendered from the Sanskrit, not a published edition
BrP 122.48
प्रागर्जितानेककर्मपरिपाकवशात् ततः त्रिःकृत्वो नाशम् अगमत् सहस्राक्षः स्वकात् पदात् ॥
prāgarjitānekakarmaparipākavaśāt tataḥ triḥkṛtvo nāśam agamat sahasrākṣaḥ svakāt padāt //
Then, by force of the ripening of the many deeds accumulated earlier, the thousand-eyed one three times came to ruin, (falling) from his own station.
AI translation rendered from the Sanskrit, not a published edition
BrP 122.49
नहुषाद् वृत्रहत्यायाः सिन्धुसेनवधात् ततः अहल्यायां च गमनाद् येन केन च हेतुना ॥
nahuṣād vṛtrahatyāyāḥ sindhusenavadhāt tataḥ ahalyāyāṃ ca gamanād yena kena ca hetunā //
Because of Nahuṣa, because of the slaying of Vṛtra, then because of the killing of Sindhusena, and because of going in to Ahalyā—by this cause or that.
AI translation rendered from the Sanskrit, not a published edition
BrP 122.50
स्मारं स्मारं तत् तद् इन्द्रश् चिन्तासंतापदुर्मनाः ततः सुरपतिः प्राह वाचस्पतिम् इदं वचः ॥
smāraṃ smāraṃ tat tad indraś cintāsaṃtāpadurmanāḥ tataḥ surapatiḥ prāha vācaspatim idaṃ vacaḥ //
Recalling again and again each of those things, Indra, sick at heart with the burning of anxiety—then the lord of the gods spoke this word to the lord of speech (Bṛhaspati):
AI translation rendered from the Sanskrit, not a published edition
BrP 122.51
हेतुना केन वागीश भ्रष्टराज्यो भवाम्य् अहम् मध्ये मध्ये पदभ्रंशाद् वरं निःश्रीकता नृणाम् ॥
hetunā kena vāgīśa bhraṣṭarājyo bhavāmy aham madhye madhye padabhraṃśād varaṃ niḥśrīkatā nṛṇām //
"For what cause, O lord of speech, do I become one fallen from his kingdom? Better for men is being without fortune (altogether) than the loss of station again and again in the midst (of enjoying it)."
AI translation rendered from the Sanskrit, not a published edition
BrP 122.52
गहनां कर्मणां जीवगतिं को वेत्ति तत्त्वतः रहस्यं सर्वभावानां ज्ञातुं नान्यः प्रगल्भते ॥
gahanāṃ karmaṇāṃ jīvagatiṃ ko vetti tattvataḥ rahasyaṃ sarvabhāvānāṃ jñātuṃ nānyaḥ pragalbhate //
"Who knows truly the impenetrable course of living beings (determined) by their deeds? No one else is competent to know the secret of all states of being."
AI translation rendered from the Sanskrit, not a published edition
BrP 122.53
बृहस्पतिर् हरिं प्राह ब्रह्माणं पृच्छ गच्छ तम् स तु जानाति यद् भूतं भविष्यच् चापि वर्तनम् ॥
bṛhaspatir hariṃ prāha brahmāṇaṃ pṛccha gaccha tam sa tu jānāti yad bhūtaṃ bhaviṣyac cāpi vartanam //
Bṛhaspati said to Hari (Indra): "Go, ask Brahmā; he indeed knows what has been and also what course is to come."
AI translation rendered from the Sanskrit, not a published edition
BrP 122.54
स तु वक्ष्यति येनेदं जातं तच् च महामते ताव् आगत्य महाप्राज्ञौ नमस्कृत्य ममान्तिकम् कृताञ्जलिपुटो भूत्वा माम् ऊचतुर् इदं वचः ॥
sa tu vakṣyati yenedaṃ jātaṃ tac ca mahāmate tāv āgatya mahāprājñau namaskṛtya mamāntikam kṛtāñjalipuṭo bhūtvā mām ūcatur idaṃ vacaḥ //
"He will tell by what this has come about"—and that, O great-minded one, (is how) those two, greatly wise, having come into my presence and bowed, with palms joined, spoke this word to me:
AI translation rendered from the Sanskrit, not a published edition — the model flagged this verse as uncertain
BrP 122.55
भगवन् केन दोषेण शचीभर्ता उदारधीः राज्यात् प्रभ्रश्यते नाथ संशयं छेत्तुम् अर्हसि ॥
bhagavan kena doṣeṇa śacībhartā udāradhīḥ rājyāt prabhraśyate nātha saṃśayaṃ chettum arhasi //
"Lord, through what fault does the noble-minded husband of Śacī fall from his kingdom? Master, you should cut off (our) doubt."
AI translation rendered from the Sanskrit, not a published edition
BrP 122.56
तदाहम् अब्रवं ब्रह्मंश् चिरं ध्यात्वा बृहस्पतिम् खण्डधर्माख्यदोषेण तेन राज्यपदाच् च्युतः ॥
tadāham abravaṃ brahmaṃś ciraṃ dhyātvā bṛhaspatim khaṇḍadharmākhyadoṣeṇa tena rājyapadāc cyutaḥ //
Then, O Brahman, having reflected a long while, I said to Bṛhaspati: "By the fault called broken dharma he has fallen from the royal station—
AI translation rendered from the Sanskrit, not a published edition
BrP 122.57
देशकालादिदोषेण श्रद्धामन्त्रविपर्ययात् यथावद्दक्षिणादानाद् असद्द्रव्यप्रदानतः ॥
deśakālādidoṣeṇa śraddhāmantraviparyayāt yathāvaddakṣiṇādānād asaddravyapradānataḥ //
by fault of place, time and the rest, by error in faith or in the mantras, by not giving the sacrificial fee as prescribed, by giving unworthy goods,
AI translation rendered from the Sanskrit, not a published edition
BrP 122.58
देवभूदेवतावज्ञापातकाच् च विशेषतः यत् खण्डत्वं स्वधर्मस्य देहिनाम् उपजायते ॥
devabhūdevatāvajñāpātakāc ca viśeṣataḥ yat khaṇḍatvaṃ svadharmasya dehinām upajāyate //
and especially through the sin of contempt for the gods and for the gods on earth (brahmins)—that brokenness of their own dharma arises for embodied beings.
AI translation rendered from the Sanskrit, not a published edition
BrP 122.59
तेनातिमानसस् तापः पदहानिश् च दुस्त्यजा कृतो ऽपि धर्मो ऽनिष्टाय जायते क्षुब्धचेतसा ॥
tenātimānasas tāpaḥ padahāniś ca dustyajā kṛto 'pi dharmo 'niṣṭāya jāyate kṣubdhacetasā //
By that come excessive mental anguish and loss of station, hard to be rid of; even dharma performed by one whose mind is agitated turns out to (bring) misfortune.
AI translation rendered from the Sanskrit, not a published edition
BrP 122.60
कार्यस्य न भवेत् सिद्ध्यै तस्माद् अव्याकुलाय च असंपूर्णे स्वधर्मे हि किम् अनिष्टं न जायते ॥
kāryasya na bhavet siddhyai tasmād avyākulāya ca asaṃpūrṇe svadharme hi kim aniṣṭaṃ na jāyate //
It would not conduce to the accomplishment of the undertaking; therefore (let it be done) by one who is unperturbed. For when one's own dharma is left incomplete, what misfortune does not arise?
AI translation rendered from the Sanskrit, not a published edition — the model flagged this verse as uncertain
BrP 122.61
ताभ्यां यत् पूर्ववृत्तान्तं तद् अप्य् उक्तं मयानघ आयुषस् तु सुतः श्रीमान् धन्वन्तरिर् उदारधीः ॥
tābhyāṃ yat pūrvavṛttāntaṃ tad apy uktaṃ mayānagha āyuṣas tu sutaḥ śrīmān dhanvantarir udāradhīḥ //
Whatever earlier happening (was asked about) by those two, that too was told by me, O sinless one: (namely that) Dhanvantari, the illustrious, noble-minded, was the son of Āyus,
AI translation rendered from the Sanskrit, not a published edition
BrP 122.62
तमसा च कृतं विघ्नं विष्णुना तच् च नाशितम् पूर्वजन्मसु वृत्तान्तम् इत्यादि परिकीर्तितम् ॥
tamasā ca kṛtaṃ vighnaṃ viṣṇunā tac ca nāśitam pūrvajanmasu vṛttāntam ityādi parikīrtitam //
and the obstruction made by Tamas, and how that was destroyed by Viṣṇu—the happening in former births, all this and the rest was recounted.
AI translation rendered from the Sanskrit, not a published edition
BrP 122.63
तच् छ्रुत्वा विस्मितौ चोभौ माम् एव पुनर् ऊचतुः ॥
tac chrutvā vismitau cobhau mām eva punar ūcatuḥ //
Hearing that, both of them, astonished, spoke to me once again:
AI translation rendered from the Sanskrit, not a published edition
BrP 122.64
तद्दोषप्रतिबन्धस् तु केन स्यात् सुरसत्तम ॥
taddoṣapratibandhas tu kena syāt surasattama //
"But by what would there be a blocking of that fault, O best of the gods?"
AI translation rendered from the Sanskrit, not a published edition
BrP 122.65
पुनर् ध्यात्वा ताव् अवदं श्रूयतां दोषकारकम् कारणं सर्वसिद्धीनां दुःखसंसारतारणम् ॥
punar dhyātvā tāv avadaṃ śrūyatāṃ doṣakārakam kāraṇaṃ sarvasiddhīnāṃ duḥkhasaṃsāratāraṇam //
Having reflected again, I said to those two: "Let it be heard—(that which) works upon the fault, the cause of all attainments, the ferrying across the saṃsāra of sorrow,
AI translation rendered from the Sanskrit, not a published edition — the model flagged this verse as uncertain
BrP 122.66
शरणं तप्तचित्तानां निर्वाणं जीवताम् अपि गत्वा तु गौतमीं देवीं स्तूयेतां हरिशंकरौ ॥
śaraṇaṃ taptacittānāṃ nirvāṇaṃ jīvatām api gatvā tu gautamīṃ devīṃ stūyetāṃ hariśaṃkarau //
"(She is) the refuge of those whose minds are tormented, extinction (of sorrow) even for the living. So let Hari and Śaṃkara go and praise the goddess Gautamī."
AI translation rendered from the Sanskrit, not a published edition
BrP 122.67
नोपायो ऽन्यो ऽस्ति संशुद्ध्यै तौ तां हित्वा जगत्त्रये तदैव जग्मतुर् उभौ गौतमीं मुनिसत्तम स्नातौ कृतक्षणौ चोभौ देवौ तुष्टुवतुर् मुदा ॥
nopāyo 'nyo 'sti saṃśuddhyai tau tāṃ hitvā jagattraye tadaiva jagmatur ubhau gautamīṃ munisattama snātau kṛtakṣaṇau cobhau devau tuṣṭuvatur mudā //
"There is no other means for complete purification than her in the three worlds" — and at that very moment the two went to the Gautamī, O best of sages; and both gods, having bathed and observed the (proper) moment, praised (her) with joy.
AI translation rendered from the Sanskrit, not a published edition
BrP 122.68
नमो मत्स्याय कूर्माय वराहाय नमो नमः नरसिंहाय देवाय वामनाय नमो नमः ॥
namo matsyāya kūrmāya varāhāya namo namaḥ narasiṃhāya devāya vāmanāya namo namaḥ //
Homage to the Fish, to the Tortoise, to the Boar homage, homage; to the Man-Lion, to the god, to the Dwarf homage, homage.
AI translation rendered from the Sanskrit, not a published edition
BrP 122.69
नमो ऽस्तु हयरूपाय त्रिविक्रम नमो ऽस्तु ते नमो ऽस्तु बुद्धरूपाय रामरूपाय कल्किने ॥
namo 'stu hayarūpāya trivikrama namo 'stu te namo 'stu buddharūpāya rāmarūpāya kalkine //
Homage be to him whose form is a horse; O Trivikrama, homage be to you; homage be to him in the form of the Buddha, in the form of Rāma, to Kalkin.
AI translation rendered from the Sanskrit, not a published edition
BrP 122.70
अनन्तायाच्युतायेश जामदग्न्याय ते नमः वरुणेन्द्रस्वरूपाय यमरूपाय ते नमः ॥
anantāyācyutāyeśa jāmadagnyāya te namaḥ varuṇendrasvarūpāya yamarūpāya te namaḥ //
To the Endless one, to Acyuta, O Lord, to the son of Jamadagni homage to you; to him whose own form is Varuṇa and Indra, to him in the form of Yama, homage to you.
AI translation rendered from the Sanskrit, not a published edition
BrP 122.71
परमेशाय देवाय नमस् त्रैलोक्यरूपिणे बिभ्रत्सरस्वतीं वक्त्रे सर्वज्ञो ऽसि नमो ऽस्तु ते ॥
parameśāya devāya namas trailokyarūpiṇe bibhratsarasvatīṃ vaktre sarvajño 'si namo 'stu te //
Homage to the supreme Lord, to the god who has the three worlds for his form; bearing Sarasvatī in your mouth, you are all-knowing — homage be to you.
AI translation rendered from the Sanskrit, not a published edition
BrP 122.72
लक्ष्मीवान् अस्य् अतो लक्ष्मीं बिभ्रद् वक्षसि चानघ बहुबाहूरुपादस् त्वं बहुकर्णाक्षिशीर्षकः त्वाम् एव सुखिनं प्राप्य बहवः सुखिनो ऽभवन् ॥
lakṣmīvān asy ato lakṣmīṃ bibhrad vakṣasi cānagha bahubāhūrupādas tvaṃ bahukarṇākṣiśīrṣakaḥ tvām eva sukhinaṃ prāpya bahavaḥ sukhino 'bhavan //
You possess Lakṣmī, and hence you bear Lakṣmī on your breast, O sinless one; you have many arms, thighs and feet, many ears, eyes and heads; and having attained you alone, who are happy, many have become happy.
AI translation rendered from the Sanskrit, not a published edition
BrP 122.73
तावन् निःश्रीकता पुंसां मालिन्यं दैन्यम् एव वा यावन् न यान्ति शरणं हरे त्वां करुणार्णवम् ॥
tāvan niḥśrīkatā puṃsāṃ mālinyaṃ dainyam eva vā yāvan na yānti śaraṇaṃ hare tvāṃ karuṇārṇavam //
Men have lack of fortune, defilement, or indeed wretchedness only so long as they do not go for refuge to you, O Hari, ocean of compassion.
AI translation rendered from the Sanskrit, not a published edition
BrP 122.74
सूक्ष्मं परं जोतिर् अनन्तरूपम् ॐकारमात्रं प्रकृतेः परं यत् चिद्रूपम् आनन्दमयं समस्तम् एवं वदन्तीश मुमुक्षवस् त्वाम्
sūkṣmaṃ paraṃ jotir anantarūpam oṃkāramātraṃ prakṛteḥ paraṃ yat cidrūpam ānandamayaṃ samastam evaṃ vadantīśa mumukṣavas tvām
Subtle, supreme, light, of endless form, mere Oṃ, that which is beyond primal nature, of the nature of consciousness, made of bliss, entire — thus, O Lord, do those who desire release speak of you.
AI translation rendered from the Sanskrit, not a published edition
BrP 122.75
आराधयन्त्य् अत्र भवन्तम् ईशं महामखैः पञ्चभिर् अप्य् अकामाः संसारसिन्धोः परम् आप्तकामा विशन्ति दिव्यं भुवनं वपुस् ते
ārādhayanty atra bhavantam īśaṃ mahāmakhaiḥ pañcabhir apy akāmāḥ saṃsārasindhoḥ param āptakāmā viśanti divyaṃ bhuvanaṃ vapus te
Here free of desire they worship you, the Lord, with the five great sacrifices; and having attained their desire, they pass to the far shore of the ocean of transmigration and enter your divine world, your body.
AI translation rendered from the Sanskrit, not a published edition
BrP 122.76
सर्वेषु सत्त्वेषु समत्वबुद्ध्या संवीक्ष्य षट्सूर्मिषु शान्तभावाः ज्ञानेन ते कर्मफलानि हित्वा ध्यानेन ते त्वां प्रविशन्ति शंभो
sarveṣu sattveṣu samatvabuddhyā saṃvīkṣya ṣaṭsūrmiṣu śāntabhāvāḥ jñānena te karmaphalāni hitvā dhyānena te tvāṃ praviśanti śaṃbho
Beholding (all) with the mind of sameness in all beings, tranquil amid the six waves, abandoning by knowledge the fruits of their deeds, by meditation on you they enter you, O Śaṃbhu.
AI translation rendered from the Sanskrit, not a published edition
BrP 122.77
न जातिधर्माणि न वेदशास्त्रं न ध्यानयोगो न समाधिधर्मः रुद्रं शिवं शंकरं शान्तिचित्तं भक्त्या देवं सोमम् अहं नमस्ये
na jātidharmāṇi na vedaśāstraṃ na dhyānayogo na samādhidharmaḥ rudraṃ śivaṃ śaṃkaraṃ śānticittaṃ bhaktyā devaṃ somam ahaṃ namasye
Not the duties of caste, not the Vedic teaching, not the yoga of meditation, not the practice of concentration — (but) with devotion I bow to Rudra, Śiva, Śaṃkara, whose mind is peace, the god Soma.
AI translation rendered from the Sanskrit, not a published edition
BrP 122.78
मूर्खो ऽपि शंभो तव पादभक्त्या समाप्नुयान् मुक्तिमयीं तनुं ते ज्ञानेषु यज्ञेषु तपःसु चैव ध्यानेषु होमेषु महाफलेषु
mūrkho 'pi śaṃbho tava pādabhaktyā samāpnuyān muktimayīṃ tanuṃ te jñāneṣu yajñeṣu tapaḥsu caiva dhyāneṣu homeṣu mahāphaleṣu
Even a fool, O Śaṃbhu, through devotion to your feet may fully attain that body of yours which consists of liberation — among (all) knowledges, sacrifices, austerities, meditations, and oblations of great fruit,
AI translation rendered from the Sanskrit, not a published edition
BrP 122.79
संपन्नम् एतत् फलम् उत्तमं यत् सोमेश्वरे भक्तिर् अहर्निशं यत् सर्वस्य जीवस्य सदा प्रियस्य फलस्य दृष्टस्य तथा श्रुतस्य
saṃpannam etat phalam uttamaṃ yat someśvare bhaktir aharniśaṃ yat sarvasya jīvasya sadā priyasya phalasya dṛṣṭasya tathā śrutasya
this is the highest fruit attained: that there is devotion to Someśvara day and night — of every living being's ever-dear fruit, seen or heard of.
AI translation rendered from the Sanskrit, not a published edition — the model flagged this verse as uncertain
BrP 122.80
स्वर्गस्य मोक्षस्य जगन्निवास सोपानपङ्क्तिस् तव भक्तिर् एषा त्वत्पादसंप्राप्तिफलाप्तये तु सोपानपङ्क्तिं न वदन्ति धीराः
svargasya mokṣasya jagannivāsa sopānapaṅktis tava bhaktir eṣā tvatpādasaṃprāptiphalāptaye tu sopānapaṅktiṃ na vadanti dhīrāḥ
Of heaven, of release, O dwelling of the world, this devotion to you is the flight of steps; but for attaining the fruit which is the reaching of your feet the wise do not speak of any flight of steps.
AI translation rendered from the Sanskrit, not a published edition
BrP 122.81
तस्माद् दयालो मम भक्तिर् अस्तु नैवास्त्य् उपायस् तव रूपसेवा आत्मीयम् आलोक्य महत्त्वम् ईश पापेषु चास्मासु कुरु प्रसादम्
tasmād dayālo mama bhaktir astu naivāsty upāyas tava rūpasevā ātmīyam ālokya mahattvam īśa pāpeṣu cāsmāsu kuru prasādam
Therefore, O compassionate one, let there be devotion in me; there is no other means than the service of your form. Looking upon your own greatness, O Lord, show favour to us sinners.
AI translation rendered from the Sanskrit, not a published edition
BrP 122.82
स्थूलं च सूक्ष्मं त्वम् अनादि नित्यं पिता च माता यद् असच् च सच् च एवं स्तुतो यः श्रुतिभिः पुराणैर् नमामि सोमेश्वरम् ईशितारम्
sthūlaṃ ca sūkṣmaṃ tvam anādi nityaṃ pitā ca mātā yad asac ca sac ca evaṃ stuto yaḥ śrutibhiḥ purāṇair namāmi someśvaram īśitāram
You are the gross and the subtle, beginningless, eternal, father and mother, what is non-existent and what is existent; him who is thus praised by the Vedas and the Purāṇas, Someśvara the ruler, I salute.
AI translation rendered from the Sanskrit, not a published edition
BrP 122.83
ततः प्रीतौ हरिहराव् ऊचतुस् त्रिदशेश्वरौ ॥
tataḥ prītau hariharāv ūcatus tridaśeśvarau //
Then Hari and Hara, the two lords of the thirty (gods), being pleased, said:
AI translation rendered from the Sanskrit, not a published edition
BrP 122.84
व्रियतां यन् मनोभीष्टं यद् वरं चातिदुर्लभम् ॥
vriyatāṃ yan manobhīṣṭaṃ yad varaṃ cātidurlabham //
"Let whatever is desired in your mind be chosen, and whatever boon is most difficult to obtain."
AI translation rendered from the Sanskrit, not a published edition
BrP 122.85
इन्द्रः प्राह सुरेशानं मद्राज्यं तु पुनः पुनः जायते भ्रश्यते चैव तत् पापम् उपशाम्यताम् ॥
indraḥ prāha sureśānaṃ madrājyaṃ tu punaḥ punaḥ jāyate bhraśyate caiva tat pāpam upaśāmyatām //
Indra said to the lords of the gods: "My kingship arises again and again and falls away again; let that sin be appeased."
AI translation rendered from the Sanskrit, not a published edition
BrP 122.86
यथा स्थिरो ऽहं राज्ये स्यां सर्वं स्यान् निश्चलं मम सुप्रीतौ यदि देवेशौ सर्वं स्यान् निश्चलं सदा ॥
yathā sthiro 'haṃ rājye syāṃ sarvaṃ syān niścalaṃ mama suprītau yadi deveśau sarvaṃ syān niścalaṃ sadā //
"So that I may stand firm in my kingship, and that all that is mine may be unshaken — if you two lords of the gods are well pleased, may everything be unshaken forever."
AI translation rendered from the Sanskrit, not a published edition
BrP 122.87
तथेति हरिवाक्यं ताव् अभिनन्द्येदम् ऊचतुः परं प्रसादम् आपन्नौ ताव् आलोक्य स्मिताननौ ॥
tatheti harivākyaṃ tāv abhinandyedam ūcatuḥ paraṃ prasādam āpannau tāv ālokya smitānanau //
"So be it," (they said); and the two, welcoming Hari's words, spoke this, having attained the highest grace, looking at those two with smiling faces.
AI translation rendered from the Sanskrit, not a published edition — the model flagged this verse as uncertain
BrP 122.88
निरपायनिराधारनिर्विकारस्वरूपिणौ शरण्यौ सर्वलोकानां भुक्तिमुक्तिप्रदाव् उभौ ॥
nirapāyanirādhāranirvikārasvarūpiṇau śaraṇyau sarvalokānāṃ bhuktimuktipradāv ubhau //
The two whose nature is imperishable, without support, and without change, the refuge of all worlds, both granting enjoyment and liberation —
AI translation rendered from the Sanskrit, not a published edition
BrP 122.89
त्रिदैवत्यं महातीर्थं गौतमी वाञ्छितप्रदा तस्याम् अनेन मन्त्रेण कुरुतां स्नानम् आदरात् ॥
tridaivatyaṃ mahātīrthaṃ gautamī vāñchitapradā tasyām anena mantreṇa kurutāṃ snānam ādarāt //
"The great tīrtha (sacred to) the three deities, the Gautamī, grants what is wished; in it let (you two) reverently perform the bath with this mantra.
AI translation rendered from the Sanskrit, not a published edition
BrP 122.90
अभिषेकं महेन्द्रस्य मङ्गलाय बृहस्पतिः करोतु संस्मरन्न् आवां संपदां स्थैर्यसिद्धये ॥
abhiṣekaṃ mahendrasya maṅgalāya bṛhaspatiḥ karotu saṃsmarann āvāṃ saṃpadāṃ sthairyasiddhaye //
"Let Bṛhaspati perform the consecration of great Indra for auspiciousness, remembering us two, for the attainment of stability of his fortunes.
AI translation rendered from the Sanskrit, not a published edition
BrP 122.91
इह जन्मनि पूर्वस्मिन् यत् किंचित् सुकृतं कृतम् तत् सर्वं पूर्णताम् एतु गोदावरि नमो ऽस्तु ते ॥
iha janmani pūrvasmin yat kiṃcit sukṛtaṃ kṛtam tat sarvaṃ pūrṇatām etu godāvari namo 'stu te //
"'Whatever merit has been done in this birth or in a former one, let all of it come to fullness. O Godāvarī, homage be to you.'
AI translation rendered from the Sanskrit, not a published edition
BrP 122.92
एवं स्मृत्वा तु यः कश्चिद् गौतम्यां स्नानम् आचरेत् आवाभ्यां तु प्रसादेन धर्मः संपूर्णताम् इयात् पूर्वजन्मकृताद् दोषात् स मुक्तः पुण्यवान् भवेत् ॥
evaṃ smṛtvā tu yaḥ kaścid gautamyāṃ snānam ācaret āvābhyāṃ tu prasādena dharmaḥ saṃpūrṇatām iyāt pūrvajanmakṛtād doṣāt sa muktaḥ puṇyavān bhavet //
"Whoever, remembering thus, performs the bath in the Gautamī — by the grace of us two his merit (dharma) will reach fullness; released from the fault committed in a former birth, he will become meritorious."
AI translation rendered from the Sanskrit, not a published edition
BrP 122.93
तथेति चक्रतुः प्रीतौ सुरेन्द्रधिषणौ ततः महाभिषेकम् इन्द्रस्य चकार द्युसदां गुरुः ॥
tatheti cakratuḥ prītau surendradhiṣaṇau tataḥ mahābhiṣekam indrasya cakāra dyusadāṃ guruḥ //
"So be it," the two — the lord of the gods and Bṛhaspati — did, being pleased; then the preceptor of the sky-dwellers performed the great consecration of Indra.
AI translation rendered from the Sanskrit, not a published edition
BrP 122.94
तेनाभूद् या नदी पुण्या मङ्गलेत्य् उदिता तु सा तया च संगमः पुण्यो गङ्गायाः शुभदस् त्व् असौ ॥
tenābhūd yā nadī puṇyā maṅgalety uditā tu sā tayā ca saṃgamaḥ puṇyo gaṅgāyāḥ śubhadas tv asau //
The holy river that came into being from that is called Maṅgalā; and the confluence of the Gaṅgā with her is holy and gives good fortune.
AI translation rendered from the Sanskrit, not a published edition
BrP 122.95
इन्द्रेण संस्तुतो विष्णुः प्रत्यक्षो ऽभूज् जगन्मयः त्रिलोकसंमितां शक्रो भूमिं लेभे जगत्पतेः ॥
indreṇa saṃstuto viṣṇuḥ pratyakṣo 'bhūj jaganmayaḥ trilokasaṃmitāṃ śakro bhūmiṃ lebhe jagatpateḥ //
Praised by Indra, Viṣṇu, who consists of the world, became visible; and Śakra obtained from the lord of the world an earth commensurate with the three worlds.
AI translation rendered from the Sanskrit, not a published edition
BrP 122.96
तन्नाम्ना चापि विख्यातो गोविन्द इति तत्र च त्रिलोकसंमिता लब्धा तेन गौर् वज्रधारिणा ॥
tannāmnā cāpi vikhyāto govinda iti tatra ca trilokasaṃmitā labdhā tena gaur vajradhāriṇā //
And by that name he is renowned there as Govinda; and by him, the wielder of the thunderbolt, was obtained a cow (gau/earth) commensurate with the three worlds.
AI translation rendered from the Sanskrit, not a published edition
BrP 122.97
दत्ता च हरिणा तत्र गोविन्दस् तद् अभूद् धरिः त्रैलोक्यराज्यं यत् प्राप्तं हरिणा च हरेर् मुने ॥
dattā ca hariṇā tatra govindas tad abhūd dhariḥ trailokyarājyaṃ yat prāptaṃ hariṇā ca harer mune //
And it was given there by Hari; therefore Hari became Govinda. And the sovereignty over the three worlds which was obtained by Hari (Indra) from Hari (Viṣṇu), O sage —
AI translation rendered from the Sanskrit, not a published edition — the model flagged this verse as uncertain
BrP 122.98
निश्चलं येन संजातं देवदेवान् महेश्वरात् बृहस्पतिर् देवगुरुर् यत्रास्तौषीन् महेश्वरम् ॥
niścalaṃ yena saṃjātaṃ devadevān maheśvarāt bṛhaspatir devagurur yatrāstauṣīn maheśvaram //
— by which (means) it became unshakable, through the god of gods, Maheśvara: where Bṛhaspati, the preceptor of the gods, praised Maheśvara,
AI translation rendered from the Sanskrit, not a published edition — the model flagged this verse as uncertain
BrP 122.99
राज्यस्य स्थिरभावाय देवेन्द्रस्य महात्मनः सिद्धेश्वरस् तत्र देवो लिङ्गं तु त्रिदशार्चितम् ॥
rājyasya sthirabhāvāya devendrasya mahātmanaḥ siddheśvaras tatra devo liṅgaṃ tu tridaśārcitam //
for the firm condition of the kingship of the great-souled lord of the gods — there (is) the god Siddheśvara, a liṅga worshipped by the thirty (gods).
AI translation rendered from the Sanskrit, not a published edition
BrP 122.100
ततः प्रभृति तत् तीर्थं गोविन्दम् इति विश्रुतम् मङ्गलासंगमं चैव पूर्णतीर्थं ततः परम् ॥
tataḥ prabhṛti tat tīrthaṃ govindam iti viśrutam maṅgalāsaṃgamaṃ caiva pūrṇatīrthaṃ tataḥ param //
From then on that tīrtha is famed as Govinda, and (there is) the confluence of the Maṅgalā, and beyond that the Pūrṇatīrtha,
AI translation rendered from the Sanskrit, not a published edition
BrP 122.101
इन्द्रतीर्थम् इति ख्यातं बार्हस्पत्यं च विश्रुतम् यत्र सिद्धेश्वरो देवो विष्णुर् गोविन्द एव च ॥
indratīrtham iti khyātaṃ bārhaspatyaṃ ca viśrutam yatra siddheśvaro devo viṣṇur govinda eva ca //
and (that) known as Indratīrtha and (that) renowned as Bārhaspatya, where (are) the god Siddheśvara and Viṣṇu Govinda.
AI translation rendered from the Sanskrit, not a published edition
BrP 122.102
तेषु स्नानं च दानं च यत् किंचित् सुकृतार्जनम् सर्वं तद् अक्षयं विद्यात् पितॄणाम् अतिवल्लभम् ॥
teṣu snānaṃ ca dānaṃ ca yat kiṃcit sukṛtārjanam sarvaṃ tad akṣayaṃ vidyāt pitṝṇām ativallabham //
Bathing at these, and giving, and whatever gaining of merit — one should know all that to be imperishable and most dear to the ancestors.
AI translation rendered from the Sanskrit, not a published edition
BrP 122.103
शृणोति यश् चापि पठेद् यश् च स्मरति नित्यशः तस्य तीर्थस्य माहात्म्यं भ्रष्टराज्यप्रदायकम् ॥
śṛṇoti yaś cāpi paṭhed yaś ca smarati nityaśaḥ tasya tīrthasya māhātmyaṃ bhraṣṭarājyapradāyakam //
And whoever hears, and whoever reads, and remembers constantly the greatness of that tīrtha — it bestows a lost kingdom.
AI translation rendered from the Sanskrit, not a published edition
BrP 122.104
सप्तत्रिंशत् सहस्राणि तीर्थानां तीरयोर् द्वयोः उभयोर् मुनिशार्दूल सर्वसिद्धिप्रदायिनाम् ॥
saptatriṃśat sahasrāṇi tīrthānāṃ tīrayor dvayoḥ ubhayor muniśārdūla sarvasiddhipradāyinām //
Thirty-seven thousand tīrthas are on both the two banks, O tiger among sages, granting every attainment.
AI translation rendered from the Sanskrit, not a published edition
BrP 122.105
न पूर्णतीर्थसदृशं तीर्थम् अस्ति महाफलम् निष्फलं तस्य जन्मादि यो न सेवेत तन् नरः ॥
na pūrṇatīrthasadṛśaṃ tīrtham asti mahāphalam niṣphalaṃ tasya janmādi yo na seveta tan naraḥ //
There is no tīrtha of great fruit equal to the Pūrṇatīrtha; fruitless are the birth and the rest of that man who does not resort to it.
AI translation rendered from the Sanskrit, not a published edition