Brahma Purana — Chapter 120
BrP 120.1
धान्यतीर्थम् इति ख्यातं सर्वकामप्रदं नृणाम् सुभिक्षं क्षेमदं पुंसां सर्वापद्विनिवारणम् ॥
dhānyatīrtham iti khyātaṃ sarvakāmapradaṃ nṛṇām subhikṣaṃ kṣemadaṃ puṃsāṃ sarvāpadvinivāraṇam //
(There is a tīrtha) renowned as Dhānyatīrtha, granting men all their desires, giving abundance of food and security to men, warding off every calamity.
AI translation rendered from the Sanskrit, not a published edition
BrP 120.2
ओषध्यः सोमराजानं पतिं प्राप्य मुदान्विताः ऊचुः सर्वस्य लोकस्य गङ्गायाश् चेप्सितं वचः ॥
oṣadhyaḥ somarājānaṃ patiṃ prāpya mudānvitāḥ ūcuḥ sarvasya lokasya gaṅgāyāś cepsitaṃ vacaḥ //
The herbs, having obtained king Soma as husband, filled with joy, spoke the word desired by all the world and by Ganga.
AI translation rendered from the Sanskrit, not a published edition
BrP 120.3
वैदिकी पुण्यगाथास्ति यां वै वेदविदो विदुः भूमिं सस्यवतीं कश्चिन् मातरं मातृसंमिताम् ॥
vaidikī puṇyagāthāsti yāṃ vai vedavido viduḥ bhūmiṃ sasyavatīṃ kaścin mātaraṃ mātṛsaṃmitām //
"There is a holy Vedic verse which those who know the Veda know: (that) someone (should give) crop-bearing earth, a mother equal to a mother."
AI translation rendered from the Sanskrit, not a published edition — the model flagged this verse as uncertain
BrP 120.4
गङ्गासमीपे यो दद्यात् सर्वकामान् अवाप्नुयात् भूमिं सस्यवतीं गाश् च ओषधीश् च मुदान्वितः ॥
gaṅgāsamīpe yo dadyāt sarvakāmān avāpnuyāt bhūmiṃ sasyavatīṃ gāś ca oṣadhīś ca mudānvitaḥ //
Whoever, near the Ganga, should give with joy crop-bearing land, and cows, and herbs, would obtain all his desires.
AI translation rendered from the Sanskrit, not a published edition
BrP 120.5
विष्णुब्रह्मेशरूपाय यो दद्याद् भक्तिमान् नरः सर्वं तद् अक्षयं विद्यात् सर्वकामान् अवाप्नुयात् ॥
viṣṇubrahmeśarūpāya yo dadyād bhaktimān naraḥ sarvaṃ tad akṣayaṃ vidyāt sarvakāmān avāpnuyāt //
The devout man who gives to (a brahmin) in the form of Viṣṇu, Brahmā and Īśa — let him know all that to be imperishable; he would obtain all his desires.
AI translation rendered from the Sanskrit, not a published edition
BrP 120.6
ओषध्यः सोमराजन्याः सोमश् चाप्य् ओषधीपतिः इति ज्ञात्वा ब्रह्मविद ओषधीर् यः प्रदास्यति ॥
oṣadhyaḥ somarājanyāḥ somaś cāpy oṣadhīpatiḥ iti jñātvā brahmavida oṣadhīr yaḥ pradāsyati //
"The herbs have Soma for king, and Soma is lord of the herbs" — knowing this, whoever will give herbs to knowers of brahman,
AI translation rendered from the Sanskrit, not a published edition
BrP 120.7
सर्वान् कामान् अवाप्नोति ब्रह्मलोके महीयते ता एव सोमराजन्याः प्रीताः प्रोचुः पुनः पुनः ॥
sarvān kāmān avāpnoti brahmaloke mahīyate tā eva somarājanyāḥ prītāḥ procuḥ punaḥ punaḥ //
he obtains all desires and is honoured in the world of Brahmā. Those very ones who have Soma for king, being pleased, said again and again:
AI translation rendered from the Sanskrit, not a published edition
BrP 120.8
यो ऽस्मान् ददाति गङ्गायां तं राजन् पारयामसि त्वम् उत्तमश् चौषधीश त्वदधीनं चराचरम् ॥
yo 'smān dadāti gaṅgāyāṃ taṃ rājan pārayāmasi tvam uttamaś cauṣadhīśa tvadadhīnaṃ carācaram //
"Whoever gives us away at the Ganga, him, O king, we carry across; and you, O lord of herbs, are supreme — the moving and unmoving is subject to you."
AI translation rendered from the Sanskrit, not a published edition
BrP 120.9
ओषधयः संवदन्ते सोमेन सह राज्ञा यो ऽस्मान् ददाति विप्रेभ्यस् तं राजन् पारयामसि ॥
oṣadhayaḥ saṃvadante somena saha rājñā yo 'smān dadāti viprebhyas taṃ rājan pārayāmasi //
The herbs converse together with king Soma: "Whoever gives us to brahmins, him, O king, we carry across."
AI translation rendered from the Sanskrit, not a published edition
BrP 120.10
वयं च ब्रह्मरूपिण्यः प्राणरूपिण्य एव च यो ऽस्मान् ददाति विप्रेभ्यस् तं राजन् पारयामसि ॥
vayaṃ ca brahmarūpiṇyaḥ prāṇarūpiṇya eva ca yo 'smān dadāti viprebhyas taṃ rājan pārayāmasi //
And we are of the form of brahman, indeed of the form of breath; whoever gives us to the brahmins — him, O king, we carry across.
AI translation rendered from the Sanskrit, not a published edition
BrP 120.11
अस्मान् ददाति यो नित्यं ब्राह्मणेभ्यो जितव्रतः उपास्तिर् अस्ति सास्माकं तं राजन् पारयामसि ॥
asmān dadāti yo nityaṃ brāhmaṇebhyo jitavrataḥ upāstir asti sāsmākaṃ taṃ rājan pārayāmasi //
He who, with his vows mastered, gives us constantly to the brahmins — that is our worship — him, O king, we carry across.
AI translation rendered from the Sanskrit, not a published edition
BrP 120.12
स्थावरं जङ्गमं किंचिद् अस्माभिर् व्यापृतं जगत् यो ऽस्मान् ददाति विप्रेभ्यस् तं राजन् पारयामसि ॥
sthāvaraṃ jaṅgamaṃ kiṃcid asmābhir vyāpṛtaṃ jagat yo 'smān dadāti viprebhyas taṃ rājan pārayāmasi //
Whatever world there is, standing or moving, is pervaded by us; whoever gives us to the brahmins — him, O king, we carry across.
AI translation rendered from the Sanskrit, not a published edition
BrP 120.13
हव्यं कव्यं यद् अमृतं यत् किंचिद् उपभुज्यते तद्गरीयश् च यो दद्यात् तं राजन् पारयामसि ॥
havyaṃ kavyaṃ yad amṛtaṃ yat kiṃcid upabhujyate tadgarīyaś ca yo dadyāt taṃ rājan pārayāmasi //
The offering to the gods, the offering to the ancestors, the nectar, whatever is consumed — and whoever gives what is weightier than that — him, O king, we carry across.
AI translation rendered from the Sanskrit, not a published edition — the model flagged this verse as uncertain
BrP 120.14
इत्य् एतां वैदिकीं गाथां यः शृणोति स्मरेत वा पठते भक्तिम् आपन्नस् तं राजन् पारयामसि ॥
ity etāṃ vaidikīṃ gāthāṃ yaḥ śṛṇoti smareta vā paṭhate bhaktim āpannas taṃ rājan pārayāmasi //
Whoever hears this Vedic song, or remembers it, or recites it, having come to devotion — him, O king, we carry across.
AI translation rendered from the Sanskrit, not a published edition
BrP 120.15
यत्रैषा पठिता गाथा सोमेन सह राज्ञा गङ्गातीरे चौषधीभिर् धान्यतीर्थं तद् उच्यते ॥
yatraiṣā paṭhitā gāthā somena saha rājñā gaṅgātīre cauṣadhībhir dhānyatīrthaṃ tad ucyate //
Where this song was recited by the herbs together with King Soma, on the bank of the Gaṅgā, that is called Dhānyatīrtha.
AI translation rendered from the Sanskrit, not a published edition
BrP 120.16
ततः प्रभृति तत् तीर्थम् औषध्यं सौम्यम् एव च अमृतं वेदगाथं च मातृतीर्थं तथैव च ॥
tataḥ prabhṛti tat tīrtham auṣadhyaṃ saumyam eva ca amṛtaṃ vedagāthaṃ ca mātṛtīrthaṃ tathaiva ca //
From then on that sacred ford (is known as) Auṣadhya and Saumya, and Amṛta and Vedagātha, and likewise Mātṛtīrtha.
AI translation rendered from the Sanskrit, not a published edition
BrP 120.17
एषु स्नानं जपो होमो दानं च पितृतर्पणम् अन्नदानं तु यः कुर्यात् तद् आनन्त्याय कल्पते ॥
eṣu snānaṃ japo homo dānaṃ ca pitṛtarpaṇam annadānaṃ tu yaḥ kuryāt tad ānantyāya kalpate //
Bathing at these, muttering of prayers, oblation, giving, and the refreshing of the ancestors — and whoever performs the gift of food, that turns to endlessness (for him).
AI translation rendered from the Sanskrit, not a published edition
BrP 120.18
षट्शताधिकसाहस्रं तीर्थानां तीरयोर् द्वयोः सर्वपापनिहन्तॄणां सर्वसंपद्विवर्धनम् ॥
ṣaṭśatādhikasāhasraṃ tīrthānāṃ tīrayor dvayoḥ sarvapāpanihantṝṇāṃ sarvasaṃpadvivardhanam //
On the two banks there are a thousand and six hundred fords, destroyers of all sins, increasers of every prosperity.
AI translation rendered from the Sanskrit, not a published edition