Brahma Purana — Chapter 12
BrP 12.1
उत्पन्नाः पितृकन्यायां विरजायां महौजसः नहुषस्य तु दायादाः षड् इन्द्रोपमतेजसः ॥
utpannāḥ pitṛkanyāyāṃ virajāyāṃ mahaujasaḥ nahuṣasya tu dāyādāḥ ṣaḍ indropamatejasaḥ //
Born of Virajā, a daughter of the Pitṛs, of great vigour, were the six heirs of Nahuṣa, whose splendour was like Indra's.
AI translation rendered from the Sanskrit, not a published edition
BrP 12.2
यतिर् ययातिः संयातिर् आयातिः पार्श्वको ऽभवत् यतिर् ज्येष्ठस् तु तेषां वै ययातिस् तु ततः परम् ॥
yatir yayātiḥ saṃyātir āyātiḥ pārśvako 'bhavat yatir jyeṣṭhas tu teṣāṃ vai yayātis tu tataḥ param //
They were Yati, Yayāti, Saṃyāti, Āyāti, and Pārśvaka; of them Yati was the eldest, and Yayāti next after him.
AI translation rendered from the Sanskrit, not a published edition
BrP 12.3
ककुत्स्थकन्यां गां नाम लेभे परमधार्मिकः यतिस् तु मोक्षम् आस्थाय ब्रह्मभूतो ऽभवन् मुनिः ॥
kakutsthakanyāṃ gāṃ nāma lebhe paramadhārmikaḥ yatis tu mokṣam āsthāya brahmabhūto 'bhavan muniḥ //
That most righteous one obtained the daughter of Kakutstha, named Gā; but Yati, taking his stand on liberation, became a sage who had become Brahman.
AI translation rendered from the Sanskrit, not a published edition
BrP 12.4
तेषां ययातिः पञ्चानां विजित्य वसुधाम् इमाम् देवयानीम् उशनसः सुतां भार्याम् अवाप सः ॥
teṣāṃ yayātiḥ pañcānāṃ vijitya vasudhām imām devayānīm uśanasaḥ sutāṃ bhāryām avāpa saḥ //
Of those five, Yayāti, having conquered this earth, took as his wife Devayānī, the daughter of Uśanas.
AI translation rendered from the Sanskrit, not a published edition
BrP 12.5
शर्मिष्ठाम् आसुरीं चैव तनयां वृषपर्वणः यदुं च तुर्वसुं चैव देवयानी व्यजायत ॥
śarmiṣṭhām āsurīṃ caiva tanayāṃ vṛṣaparvaṇaḥ yaduṃ ca turvasuṃ caiva devayānī vyajāyata //
(He took) also Śarmiṣṭhā the Asura woman, the daughter of Vṛṣaparvan; and Devayānī bore Yadu and Turvasu.
AI translation rendered from the Sanskrit, not a published edition
BrP 12.6
द्रुह्यं चानुं च पुरुं च शर्मिष्ठा वार्षपर्वणी तस्मै शक्रो ददौ प्रीतो रथं परमभास्वरम् ॥
druhyaṃ cānuṃ ca puruṃ ca śarmiṣṭhā vārṣaparvaṇī tasmai śakro dadau prīto rathaṃ paramabhāsvaram //
And Śarmiṣṭhā, Vṛṣaparvan's daughter, (bore) Druhya, Anu and Pūru. To him Śakra, being pleased, gave a chariot of surpassing brilliance,
AI translation rendered from the Sanskrit, not a published edition
BrP 12.7
अङ्गदं काञ्चनं दिव्यं दिव्यैः परमवाजिभिः युक्तं मनोजवैः शुभ्रैर् येन कार्यं समुद्वहन् ॥
aṅgadaṃ kāñcanaṃ divyaṃ divyaiḥ paramavājibhiḥ yuktaṃ manojavaiḥ śubhrair yena kāryaṃ samudvahan //
golden, divine, adorned with armlets, yoked with divine, excellent horses, white and swift as thought — by which he accomplished his purpose.
AI translation rendered from the Sanskrit, not a published edition — the model flagged this verse as uncertain
BrP 12.8
स तेन रथमुख्येन षड्रात्रेणाजयन् महीम् ययातिर् युधि दुर्धर्षस् तथा देवान् सदानवान् ॥
sa tena rathamukhyena ṣaḍrātreṇājayan mahīm yayātir yudhi durdharṣas tathā devān sadānavān //
With that foremost of chariots Yayāti, hard to assail in battle, conquered the earth in six nights, and likewise the gods together with the Dānavas.
AI translation rendered from the Sanskrit, not a published edition
BrP 12.9
सरथः कौरवाणां तु सर्वेषाम् अभवत् तदा संवर्तवसुनाम्नस् तु कौरवाज् जनमेजयात् ॥
sarathaḥ kauravāṇāṃ tu sarveṣām abhavat tadā saṃvartavasunāmnas tu kauravāj janamejayāt //
That chariot then belonged to all the Kauravas, (passing) from the Kaurava Janamejaya, who bore the name Saṃvartavasu,
AI translation rendered from the Sanskrit, not a published edition — the model flagged this verse as uncertain
BrP 12.10
कुरोः पुत्रस्य राजेन्द्रराज्ञः पारीक्षितस्य ह जगाम स रथो नाशं शापाद् गर्गस्य धीमतः ॥
kuroḥ putrasya rājendrarājñaḥ pārīkṣitasya ha jagāma sa ratho nāśaṃ śāpād gargasya dhīmataḥ //
to Kuru's son, the lord of kings, the king (descended) from Parīkṣit; (there) that chariot came to destruction through the curse of the wise Garga.
AI translation rendered from the Sanskrit, not a published edition — the model flagged this verse as uncertain
BrP 12.11
गर्गस्य हि सुतं बालं स राजा जनमेजयः कालेन हिंसयाम् आस ब्रह्महत्याम् अवाप सः ॥
gargasya hi sutaṃ bālaṃ sa rājā janamejayaḥ kālena hiṃsayām āsa brahmahatyām avāpa saḥ //
For that king Janamejaya in time had Garga's young son killed, and thereby incurred the guilt of brahmin-murder.
AI translation rendered from the Sanskrit, not a published edition
BrP 12.12
स लोहगन्धी राजर्षिः परिधावन्न् इतस् ततः पौरजानपदैस् त्यक्तो न लेभे शर्म कर्हिचित् ॥
sa lohagandhī rājarṣiḥ paridhāvann itas tataḥ paurajānapadais tyakto na lebhe śarma karhicit //
That royal seer, smelling of iron, running about hither and thither, abandoned by the townsfolk and country folk, found no refuge anywhere.
AI translation rendered from the Sanskrit, not a published edition
BrP 12.13
ततः स दुःखसंतप्तो नालभत् संविदं क्वचित् विप्रेन्द्रं शौनकं राजा शरणं प्रत्यपद्यत ॥
tataḥ sa duḥkhasaṃtapto nālabhat saṃvidaṃ kvacit viprendraṃ śaunakaṃ rājā śaraṇaṃ pratyapadyata //
Then, burned with grief and finding no counsel anywhere, the king took refuge with Śaunaka, the best of brahmins.
AI translation rendered from the Sanskrit, not a published edition
BrP 12.14
याजयाम् आस च ज्ञानी शौनको जनमेजयम् अश्वमेधेन राजानं पावनार्थं द्विजोत्तमाः ॥
yājayām āsa ca jñānī śaunako janamejayam aśvamedhena rājānaṃ pāvanārthaṃ dvijottamāḥ //
And the knowing Śaunaka had King Janamejaya perform sacrifice — the horse sacrifice, for the sake of purification, O best of the twice-born.
AI translation rendered from the Sanskrit, not a published edition
BrP 12.15
स लोहगन्धो व्यनशत् तस्यावभृथम् एत्य च स च दिव्यरथो राज्ञो वशश् चेदिपतेस् तदा ॥
sa lohagandho vyanaśat tasyāvabhṛtham etya ca sa ca divyaratho rājño vaśaś cedipates tadā //
That smell of iron vanished when he had reached the final ablution of that (sacrifice); and that divine chariot then came into the possession of the king, the lord of Cedi —
AI translation rendered from the Sanskrit, not a published edition
BrP 12.16
दत्तः शक्रेण तुष्टेन लेभे तस्माद् बृहद्रथः बृहद्रथात् क्रमेणैव गतो बार्हद्रथं नृपम् ॥
dattaḥ śakreṇa tuṣṭena lebhe tasmād bṛhadrathaḥ bṛhadrathāt krameṇaiva gato bārhadrathaṃ nṛpam //
given by Śakra when pleased. Bṛhadratha obtained it from him, and from Bṛhadratha it passed in due order to king Bārhadratha.
AI translation rendered from the Sanskrit, not a published edition
BrP 12.17
ततो हत्वा जरासंधं भीमस् तं रथम् उत्तमम् प्रददौ वासुदेवाय प्रीत्या कौरवनन्दनः ॥
tato hatvā jarāsaṃdhaṃ bhīmas taṃ ratham uttamam pradadau vāsudevāya prītyā kauravanandanaḥ //
Then, having slain Jarāsaṃdha, Bhīma, the delight of the Kauravas, gave that excellent chariot to Vāsudeva out of affection.
AI translation rendered from the Sanskrit, not a published edition
BrP 12.18
सप्तद्वीपां ययातिस् तु जित्वा पृथ्वीं ससागराम् विभज्य पञ्चधा राज्यं पुत्राणां नाहुषस् तदा ॥
saptadvīpāṃ yayātis tu jitvā pṛthvīṃ sasāgarām vibhajya pañcadhā rājyaṃ putrāṇāṃ nāhuṣas tadā //
And Yayāti, son of Nahuṣa, having conquered the earth of seven continents together with its oceans, then divided the kingdom fivefold among his sons.
AI translation rendered from the Sanskrit, not a published edition
BrP 12.19
ययातिर् दिशि पूर्वस्यां यदुं ज्येष्ठं न्ययोजयत् मध्ये पुरुं च राजानम् अभ्यषिञ्चत् स नाहुषः ॥
yayātir diśi pūrvasyāṃ yaduṃ jyeṣṭhaṃ nyayojayat madhye puruṃ ca rājānam abhyaṣiñcat sa nāhuṣaḥ //
Yayāti appointed Yadu, the eldest, in the eastern quarter, and that son of Nahuṣa consecrated Puru as king in the middle (region).
AI translation rendered from the Sanskrit, not a published edition
BrP 12.20
दिशि दक्षिणपूर्वस्यां तुर्वसुं मतिमान् नृपः तैर् इयं पृथिवी सर्वा सप्तद्वीपा सपत्तना ॥
diśi dakṣiṇapūrvasyāṃ turvasuṃ matimān nṛpaḥ tair iyaṃ pṛthivī sarvā saptadvīpā sapattanā //
The wise king (placed) Turvasu in the southeastern quarter; by them this whole earth, with its seven continents and its towns,
AI translation rendered from the Sanskrit, not a published edition
BrP 12.21
यथाप्रदेशम् अद्यापि धर्मेण प्रतिपाल्यते प्रजास् तेषां पुरस्तात् तु वक्ष्यामि मुनिसत्तमाः ॥
yathāpradeśam adyāpi dharmeṇa pratipālyate prajās teṣāṃ purastāt tu vakṣyāmi munisattamāḥ //
is even today protected according to their allotted regions in accordance with dharma. Their offspring I shall relate further on, O best of sages.
AI translation rendered from the Sanskrit, not a published edition
BrP 12.22
धनुर् न्यस्य पृषत्कांश् च पञ्चभिः पुरुषर्षभैः जरावान् अभवद् राजा भारम् आवेश्य बन्धुषु ॥
dhanur nyasya pṛṣatkāṃś ca pañcabhiḥ puruṣarṣabhaiḥ jarāvān abhavad rājā bhāram āveśya bandhuṣu //
Having laid down his bow and arrows, having placed the burden upon his kinsmen, the king, with those five bulls among men, became aged.
AI translation rendered from the Sanskrit, not a published edition
BrP 12.23
निक्षिप्तशस्त्रः पृथिवीं चचार पृथिवीपतिः प्रीतिमान् अभवद् राजा ययातिर् अपराजितः ॥
nikṣiptaśastraḥ pṛthivīṃ cacāra pṛthivīpatiḥ prītimān abhavad rājā yayātir aparājitaḥ //
With his weapons laid aside, the lord of the earth roamed the earth; the unconquered king Yayāti became content.
AI translation rendered from the Sanskrit, not a published edition
BrP 12.24
एवं विभज्य पृथिवीं ययातिर् यदुम् अब्रवीत् जरां मे प्रतिगृह्णीष्व पुत्र कृत्यान्तरेण वै ॥
evaṃ vibhajya pṛthivīṃ yayātir yadum abravīt jarāṃ me pratigṛhṇīṣva putra kṛtyāntareṇa vai //
Having thus divided the earth, Yayāti said to Yadu: "Take on my old age, son, since I have another task (to do)."
AI translation rendered from the Sanskrit, not a published edition
BrP 12.25
तरुणस् तव रूपेण चरेयं पृथिवीम् इमाम् जरां त्वयि समाधाय तं यदुः प्रत्युवाच ह ॥
taruṇas tava rūpeṇa careyaṃ pṛthivīm imām jarāṃ tvayi samādhāya taṃ yaduḥ pratyuvāca ha //
"Young, in your form, I would roam this earth, having laid my old age upon you." Yadu answered him:
AI translation rendered from the Sanskrit, not a published edition
BrP 12.26
अनिर्दिष्टा मया भिक्षा ब्राह्मणस्य प्रतिश्रुता अनपाकृत्य तां राजन् न ग्रहीष्यामि ते जराम् ॥
anirdiṣṭā mayā bhikṣā brāhmaṇasya pratiśrutā anapākṛtya tāṃ rājan na grahīṣyāmi te jarām //
"Alms have been promised by me to a brahmin, without being specified; without discharging that (promise), O king, I shall not take your old age."
AI translation rendered from the Sanskrit, not a published edition
BrP 12.27
जरायां बहवो दोषाः पानभोजनकारिताः तस्माज् जरां न ते राजन् ग्रहीतुम् अहम् उत्सहे ॥
jarāyāṃ bahavo doṣāḥ pānabhojanakāritāḥ tasmāj jarāṃ na te rājan grahītum aham utsahe //
"In old age there are many defects caused by drink and food; therefore, O king, I am not able to take your old age."
AI translation rendered from the Sanskrit, not a published edition
BrP 12.28
सन्ति ते बहवः पुत्रा मत्तः प्रियतरा नृप प्रतिग्रहीतुं धर्मज्ञ पुत्रम् अन्यं वृणीष्व वै ॥
santi te bahavaḥ putrā mattaḥ priyatarā nṛpa pratigrahītuṃ dharmajña putram anyaṃ vṛṇīṣva vai //
"You have many sons dearer to you than I, O king; choose another son, knower of dharma, to receive (it)."
AI translation rendered from the Sanskrit, not a published edition
BrP 12.29
स एवम् उक्तो यदुना राजा कोपसमन्वितः उवाच वदतां श्रेष्ठो ययातिर् गर्हयन् सुतम् ॥
sa evam ukto yadunā rājā kopasamanvitaḥ uvāca vadatāṃ śreṣṭho yayātir garhayan sutam //
Thus addressed by Yadu, the king, filled with anger—Yayāti, best of speakers—spoke, reproaching his son:
AI translation rendered from the Sanskrit, not a published edition
BrP 12.30
क आश्रमस् तवान्यो ऽस्ति को वा धर्मो विधीयते माम् अनादृत्य दुर्बुद्धे यद् अहं तव देशिकः ॥
ka āśramas tavānyo 'sti ko vā dharmo vidhīyate mām anādṛtya durbuddhe yad ahaṃ tava deśikaḥ //
"What other stage of life is there for you, or what dharma is laid down (for you), that you disregard me, evil-minded one, when I am your instructor?"
AI translation rendered from the Sanskrit, not a published edition
BrP 12.31
एवम् उक्त्वा यदुं विप्राः शशापैनं स मन्युमान् अराज्या ते प्रजा मूढ भवित्रीति न संशयः ॥
evam uktvā yaduṃ viprāḥ śaśāpainaṃ sa manyumān arājyā te prajā mūḍha bhavitrīti na saṃśayaḥ //
Having said this to Yadu, O brahmins, he, full of wrath, cursed him: "Your offspring shall be without kingship, fool—there is no doubt of it."
AI translation rendered from the Sanskrit, not a published edition
BrP 12.32
द्रुह्यं च तुर्वसुं चैवाप्य् अनुं च द्विजसत्तमाः एवम् एवाब्रवीद् राजा प्रत्याख्यातश् च तैर् अपि ॥
druhyaṃ ca turvasuṃ caivāpy anuṃ ca dvijasattamāḥ evam evābravīd rājā pratyākhyātaś ca tair api //
And to Druhyu and Turvasu and also Anu, O best of the twice-born, the king spoke in just the same way, and he was refused by them too.
AI translation rendered from the Sanskrit, not a published edition
BrP 12.33
शशाप तान् अतिक्रुद्धो ययातिर् अपराजितः यथावत् कथितं सर्वं मयास्य द्विजसत्तमाः ॥
śaśāpa tān atikruddho yayātir aparājitaḥ yathāvat kathitaṃ sarvaṃ mayāsya dvijasattamāḥ //
The unconquered Yayāti, greatly enraged, cursed them. All this has been told by me just as it happened, O best of the twice-born.
AI translation rendered from the Sanskrit, not a published edition
BrP 12.34
एवं शप्त्वा सुतान् सर्वांश् चतुरः पुरुपूर्वजान् तद् एव वचनं राजा पुरुम् अप्य् आह भो द्विजाः ॥
evaṃ śaptvā sutān sarvāṃś caturaḥ purupūrvajān tad eva vacanaṃ rājā purum apy āha bho dvijāḥ //
Having thus cursed all four sons, Puru's elders, the king spoke that very same word to Puru also, O brahmins:
AI translation rendered from the Sanskrit, not a published edition
BrP 12.35
तरुणस् तव रूपेण चरेयं पृथिवीम् इमाम् जरां त्वयि समाधाय त्वं पुरो यदि मन्यसे ॥
taruṇas tava rūpeṇa careyaṃ pṛthivīm imām jarāṃ tvayi samādhāya tvaṃ puro yadi manyase //
"Young, in your form, I would roam this earth, having laid my old age upon you—if you, Puru, consent."
AI translation rendered from the Sanskrit, not a published edition
BrP 12.36
स जरां प्रतिजग्राह पितुः पुरुः प्रतापवान् ययातिर् अपि रूपेण पुरोः पर्यचरन् महीम् ॥
sa jarāṃ pratijagrāha pituḥ puruḥ pratāpavān yayātir api rūpeṇa puroḥ paryacaran mahīm //
Mighty Puru took upon himself his father's old age, and Yayāti too, in Puru's form, roamed about the earth.
AI translation rendered from the Sanskrit, not a published edition
BrP 12.37
स मार्गमाणः कामानाम् अन्तं नृपतिसत्तमः विश्वाच्या सहितो रेमे वने चैत्ररथे प्रभुः ॥
sa mārgamāṇaḥ kāmānām antaṃ nṛpatisattamaḥ viśvācyā sahito reme vane caitrarathe prabhuḥ //
Seeking the end of desires, that best of kings, the lord, took his pleasure in the Caitraratha wood together with Viśvācī.
AI translation rendered from the Sanskrit, not a published edition
BrP 12.38
यदा च तृप्तः कामेषु भोगेषु च नराधिपः तदा पुरोः सकाशाद् वै स्वां जरां प्रत्यपद्यत ॥
yadā ca tṛptaḥ kāmeṣu bhogeṣu ca narādhipaḥ tadā puroḥ sakāśād vai svāṃ jarāṃ pratyapadyata //
And when the ruler of men was sated with desires and enjoyments, then he took back his own old age from Puru.
AI translation rendered from the Sanskrit, not a published edition
BrP 12.39
यत्र गाथा मुनिश्रेष्ठा गीताः किल ययातिना याभिः प्रत्याहरेत् कामान् सर्वशो ऽङ्गानि कूर्मवत् ॥
yatra gāthā muniśreṣṭhā gītāḥ kila yayātinā yābhiḥ pratyāharet kāmān sarvaśo 'ṅgāni kūrmavat //
On this (theme) there are verses, best of sages, said to have been sung by Yayāti, by which one should withdraw the desires entirely, as a tortoise (withdraws) its limbs.
AI translation rendered from the Sanskrit, not a published edition
BrP 12.40
न जातु कामः कामानाम् उपभोगेन शाम्यति हविषा कृष्णवर्त्मेव भूय एवाभिवर्धते ॥
na jātu kāmaḥ kāmānām upabhogena śāmyati haviṣā kṛṣṇavartmeva bhūya evābhivardhate //
Desire is never quieted by the enjoyment of the objects of desire; like fire with an oblation, it only grows the more.
AI translation rendered from the Sanskrit, not a published edition
BrP 12.41
यत् पृथिव्यां व्रीहियवं हिरण्यं पशवः स्त्रियः नालम् एकस्य तत् सर्वम् इति कृत्वा न मुह्यति ॥
yat pṛthivyāṃ vrīhiyavaṃ hiraṇyaṃ paśavaḥ striyaḥ nālam ekasya tat sarvam iti kṛtvā na muhyati //
Whatever rice and barley there is on earth, the gold, the cattle, the women — all that is not enough for a single man: realizing this, one is not deluded.
AI translation rendered from the Sanskrit, not a published edition
BrP 12.42
यदा भावं न कुरुते सर्वभूतेषु पापकम् कर्मणा मनसा वाचा ब्रह्म संपद्यते तदा ॥
yadā bhāvaṃ na kurute sarvabhūteṣu pāpakam karmaṇā manasā vācā brahma saṃpadyate tadā //
When one forms no evil intent toward any beings, in deed, in thought, and in speech, then one attains brahman.
AI translation rendered from the Sanskrit, not a published edition
BrP 12.43
यदा तेभ्यो न बिभेति यदा चास्मान् न बिभ्यति यदा नेच्छति न द्वेष्टि ब्रह्म संपद्यते तदा ॥
yadā tebhyo na bibheti yadā cāsmān na bibhyati yadā necchati na dveṣṭi brahma saṃpadyate tadā //
When one does not fear them and when they do not fear him, when one neither desires nor hates, then one attains brahman.
AI translation rendered from the Sanskrit, not a published edition
BrP 12.44
या दुस्त्यजा दुर्मतिभिर् या न जीर्यति जीर्यतः यो ऽसौ प्राणान्तिको रोगस् तां तृष्णां त्यजतः सुखम् ॥
yā dustyajā durmatibhir yā na jīryati jīryataḥ yo 'sau prāṇāntiko rogas tāṃ tṛṣṇāṃ tyajataḥ sukham //
That which is hard for the dull-witted to give up, which does not age as (a man) ages, that disease which lasts to the end of life — for one who gives up that craving, there is happiness.
AI translation rendered from the Sanskrit, not a published edition
BrP 12.45
जीर्यन्ति जीर्यतः केशा दन्ता जीर्यन्ति जीर्यतः धनाशा जीविताशा च जीर्यतो ऽपि न जीर्यति ॥
jīryanti jīryataḥ keśā dantā jīryanti jīryataḥ dhanāśā jīvitāśā ca jīryato 'pi na jīryati //
The hair of one who ages grows old, the teeth of one who ages grow old, but the hope for wealth and the hope for life do not grow old even in one who is aging.
AI translation rendered from the Sanskrit, not a published edition
BrP 12.46
यच् च कामसुखं लोके यच् च दिव्यं महत् सुखम् तृष्णाक्षयसुखस्यैते नार्हन्ति षोडशीं कलाम् ॥
yac ca kāmasukhaṃ loke yac ca divyaṃ mahat sukham tṛṣṇākṣayasukhasyaite nārhanti ṣoḍaśīṃ kalām //
Whatever pleasure of desire there is in the world, and whatever great heavenly pleasure, these are not worth a sixteenth part of the pleasure of the extinction of craving.
AI translation rendered from the Sanskrit, not a published edition
BrP 12.47
एवम् उक्त्वा स राजर्षिः सदारः प्राविशद् वनम् कालेन महता चायं चचार विपुलं तपः ॥
evam uktvā sa rājarṣiḥ sadāraḥ prāviśad vanam kālena mahatā cāyaṃ cacāra vipulaṃ tapaḥ //
Having spoken thus, that royal sage entered the forest with his wife, and for a long time he practiced extensive austerity.
AI translation rendered from the Sanskrit, not a published edition
BrP 12.48
भृगुतुङ्गे गतिं प्राप तपसो ऽन्ते महायशाः अनश्नन् देहम् उत्सृज्य सदारः स्वर्गम् आप्तवान् ॥
bhṛgutuṅge gatiṃ prāpa tapaso 'nte mahāyaśāḥ anaśnan deham utsṛjya sadāraḥ svargam āptavān //
At Bhṛgutuṅga, at the end of his austerity, the greatly renowned one attained (his) goal; fasting, he abandoned his body and, with his wife, reached heaven.
AI translation rendered from the Sanskrit, not a published edition
BrP 12.49
तस्य वंशे मुनिश्रेष्ठाः पञ्च राजर्षिसत्तमाः यैर् व्याप्ता पृथिवी सर्वा सूर्यस्येव गभस्तिभिः ॥
tasya vaṃśe muniśreṣṭhāḥ pañca rājarṣisattamāḥ yair vyāptā pṛthivī sarvā sūryasyeva gabhastibhiḥ //
In his line, best of sages, (there were) five most excellent royal sages, by whom the whole earth was pervaded as by the rays of the sun.
AI translation rendered from the Sanskrit, not a published edition
BrP 12.50
यदोस् तु वंशं वक्ष्यामि शृणुध्वं राजसत्कृतम् यत्र नारायणो जज्ञे हरिर् वृष्णिकुलोद्वहः ॥
yados tu vaṃśaṃ vakṣyāmi śṛṇudhvaṃ rājasatkṛtam yatra nārāyaṇo jajñe harir vṛṣṇikulodvahaḥ //
But I shall relate the line of Yadu — listen, (that line) honored by kings — in which Nārāyaṇa was born, Hari, the upholder of the Vṛṣṇi family.
AI translation rendered from the Sanskrit, not a published edition
BrP 12.51
सुस्थः प्रजावान् आयुष्मान् कीर्तिमांश् च भवेन् नरः ययातिचरितं नित्यम् इदं शृण्वन् द्विजोत्तमाः ॥
susthaḥ prajāvān āyuṣmān kīrtimāṃś ca bhaven naraḥ yayāticaritaṃ nityam idaṃ śṛṇvan dvijottamāḥ //
A man will become well-off, rich in offspring, long-lived and famous, by constantly hearing this deed of Yayāti, O best of the twice-born.
AI translation rendered from the Sanskrit, not a published edition