Brahma Purana — Chapter 112
BrP 112.1
मातृतीर्थम् इति ख्यातं सर्वसिद्धिकरं नृणाम् आधिभिर् मुच्यते जन्तुस् तत्तीर्थस्मरणाद् अपि ॥
mātṛtīrtham iti khyātaṃ sarvasiddhikaraṃ nṛṇām ādhibhir mucyate jantus tattīrthasmaraṇād api //
(There is a ford) known as Mātṛtīrtha, granting men every accomplishment; a creature is freed from mental afflictions merely by remembering that ford.
AI translation rendered from the Sanskrit, not a published edition
BrP 112.2
देवानाम् असुराणां च संगरो ऽभूत् सुदारुणः नाशक्नुवंस् तदा जेतुं देवा दानवसंगरम् ॥
devānām asurāṇāṃ ca saṃgaro 'bhūt sudāruṇaḥ nāśaknuvaṃs tadā jetuṃ devā dānavasaṃgaram //
There was a most terrible battle between the gods and the asuras; the gods were then unable to win the encounter with the Dānavas.
AI translation rendered from the Sanskrit, not a published edition
BrP 112.3
तदाहम् अगमं देवैस् तिष्ठन्तं शूलपाणिनम् अस्तवं विविधैर् वाक्यैः कृताञ्जलिपुटः शनैः ॥
tadāham agamaṃ devais tiṣṭhantaṃ śūlapāṇinam astavaṃ vividhair vākyaiḥ kṛtāñjalipuṭaḥ śanaiḥ //
Then I went with the gods (to him), the trident-bearer, as he stood there; with hands folded in reverence I praised (him) softly with manifold words.
AI translation rendered from the Sanskrit, not a published edition
BrP 112.4
संमन्त्र्य देवैर् असुरैश् च सर्वैर् यदाहृतं संमथितुं समुद्रम् यत् कालकूटं समभून् महेश तत् त्वां विना को ग्रसितुं समर्थः
saṃmantrya devair asuraiś ca sarvair yadāhṛtaṃ saṃmathituṃ samudram yat kālakūṭaṃ samabhūn maheśa tat tvāṃ vinā ko grasituṃ samarthaḥ
"When, after taking counsel with all the gods and the asuras, the ocean was churned, that deadly poison (kālakūṭa) which arose from it—O Great Lord, who but you is able to swallow it?"
AI translation rendered from the Sanskrit, not a published edition
BrP 112.5
पुष्पप्रहारेण जगत्त्रयं यः स्वाधीनम् आपादयितुं समर्थः मारो हरे ऽप्य् अन्यसुरादिवन्द्यो वितायमानो विलयं प्रयातः
puṣpaprahāreṇa jagattrayaṃ yaḥ svādhīnam āpādayituṃ samarthaḥ māro hare 'py anyasurādivandyo vitāyamāno vilayaṃ prayātaḥ
"Māra, who was able to bring the three worlds under his own sway with a blow of flowers, who is honoured even by Hari and by the other gods, when he spread himself out (against you) went to destruction."
AI translation rendered from the Sanskrit, not a published edition — the model flagged this verse as uncertain
BrP 112.6
विमथ्य वारीशम् अनङ्गशत्रो यद् उत्तमं तत् तु दिवौकसेभ्यः दत्त्वा विषं संहरन् नीलकण्ठ को वा धर्तुं त्वाम् ऋते वै समर्थः
vimathya vārīśam anaṅgaśatro yad uttamaṃ tat tu divaukasebhyaḥ dattvā viṣaṃ saṃharan nīlakaṇṭha ko vā dhartuṃ tvām ṛte vai samarthaḥ
"O enemy of the Bodiless one (Kāma), having churned the lord of waters, you gave the best of it to the dwellers in heaven, but drew the poison to yourself, O Blue-throated One—who indeed but you is able to hold it?"
AI translation rendered from the Sanskrit, not a published edition
BrP 112.7
ततश् च तुष्टो भगवान् आदिकर्ता त्रिलोचनः ॥
tataś ca tuṣṭo bhagavān ādikartā trilocanaḥ //
And thereupon the Lord, the first maker, the three-eyed one, was pleased.
AI translation rendered from the Sanskrit, not a published edition
BrP 112.8
दास्ये ऽहं यद् अभीष्टं वो ब्रुवन्तु सुरसत्तमाः ॥
dāsye 'haṃ yad abhīṣṭaṃ vo bruvantu surasattamāḥ //
"I shall give whatever is desired by you; speak, O best of gods."
AI translation rendered from the Sanskrit, not a published edition
BrP 112.9
दानवेभ्यो भयं घोरं तत्रैहि वृषभध्वज जहि शत्रून् सुरान् पाहि नाथवन्तस् त्वया प्रभो ॥
dānavebhyo bhayaṃ ghoraṃ tatraihi vṛṣabhadhvaja jahi śatrūn surān pāhi nāthavantas tvayā prabho //
"There is terrible fear from the Dānavas; come there, O you whose banner is the bull. Slay the enemies, protect the gods—through you, O Lord, we have a protector."
AI translation rendered from the Sanskrit, not a published edition
BrP 112.10
निष्कारणः सुहृच् छंभो नाभविष्यद् भवान् यदि तदाकरिष्यन् किम् इव दुःखार्ताः सर्वदेहिनः ॥
niṣkāraṇaḥ suhṛc chaṃbho nābhaviṣyad bhavān yadi tadākariṣyan kim iva duḥkhārtāḥ sarvadehinaḥ //
"O Śambhu, if you were not a friend without cause, what indeed would all embodied beings, afflicted with sorrow, then do?"
AI translation rendered from the Sanskrit, not a published edition
BrP 112.11
इत्य् उक्तस् तत्क्षणात् प्रायाद् यत्र ते देवशत्रवः तत्र तद् युद्धम् अभवच् छंकरेण सुरद्विषाम् ॥
ity uktas tatkṣaṇāt prāyād yatra te devaśatravaḥ tatra tad yuddham abhavac chaṃkareṇa suradviṣām //
Thus addressed, that very instant he went to where those enemies of the gods were; there that battle of Śaṃkara with the foes of the gods took place.
AI translation rendered from the Sanskrit, not a published edition
BrP 112.12
ततस् त्रिलोचनः श्रान्तस् तमोरूपधरः शिवः ललाटाद् व्यपतंस् तस्य युध्यतः स्वेदबिन्दवः ॥
tatas trilocanaḥ śrāntas tamorūpadharaḥ śivaḥ lalāṭād vyapataṃs tasya yudhyataḥ svedabindavaḥ //
Then the three-eyed Śiva, wearied, took on a form of darkness; as he fought, drops of sweat fell from his forehead.
AI translation rendered from the Sanskrit, not a published edition
BrP 112.13
स संहरन् दैत्यगणांस् तामसीं मूर्तिम् आश्रितः तां मूर्तिम् असुरा दृष्ट्वा मेरुपृष्ठाद् भुवं ययुः ॥
sa saṃharan daityagaṇāṃs tāmasīṃ mūrtim āśritaḥ tāṃ mūrtim asurā dṛṣṭvā merupṛṣṭhād bhuvaṃ yayuḥ //
Destroying the hosts of Daityas, he had resorted to a dark (tāmasī) form; seeing that form, the asuras went from the back of Meru down to the earth.
AI translation rendered from the Sanskrit, not a published edition
BrP 112.14
स संहरन् सर्वदैत्यांस् तदागच्छद् भुवं हरः इतश् चेतश् च भीतास् ते ऽधावन् सर्वां महीम् इमाम् ॥
sa saṃharan sarvadaityāṃs tadāgacchad bhuvaṃ haraḥ itaś cetaś ca bhītās te 'dhāvan sarvāṃ mahīm imām //
Hara, destroying all the Daityas, then came to the earth; terrified, they ran hither and thither over this whole world.
AI translation rendered from the Sanskrit, not a published edition
BrP 112.15
तथैव कोपाद् रुद्रो ऽपि शत्रूंस् तान् अनुधावति तथैव युध्यतः शंभोः पतिताः स्वेदबिन्दवः ॥
tathaiva kopād rudro 'pi śatrūṃs tān anudhāvati tathaiva yudhyataḥ śaṃbhoḥ patitāḥ svedabindavaḥ //
In the same way Rudra too, out of anger, ran after those enemies, and just so, as Śambhu fought, drops of sweat fell.
AI translation rendered from the Sanskrit, not a published edition
BrP 112.16
यत्र यत्र भुवं प्राप्तो बिन्दुर् माहेश्वरो मुने तत्र तत्र शिवाकारा मातरो जज्ञिरे ततः ॥
yatra yatra bhuvaṃ prāpto bindur māheśvaro mune tatra tatra śivākārā mātaro jajñire tataḥ //
Wherever a drop of Maheśvara's (sweat) reached the ground, O sage, there arose from it Mothers having the form of Śiva.
AI translation rendered from the Sanskrit, not a published edition
BrP 112.17
प्रोचुर् महेश्वरं सर्वाः खादामस् त्व् असुरान् इति ततः प्रोवाच भगवान् सर्वैः सुरगणैर् वृतः ॥
procur maheśvaraṃ sarvāḥ khādāmas tv asurān iti tataḥ provāca bhagavān sarvaiḥ suragaṇair vṛtaḥ //
They all said to Maheśvara, "Let us devour the asuras!" Then the Lord, surrounded by all the hosts of gods, said:
AI translation rendered from the Sanskrit, not a published edition
BrP 112.18
स्वर्गाद् भुवम् अनुप्राप्ता राक्षसास् ते रसातलम् अनुप्राप्तास् ततः सर्वाः शृण्वन्तु मम भाषितम् ॥
svargād bhuvam anuprāptā rākṣasās te rasātalam anuprāptās tataḥ sarvāḥ śṛṇvantu mama bhāṣitam //
"Those rākṣasas, having come from heaven to the earth, have (now) reached Rasātala; therefore let all of you hear my word."
AI translation rendered from the Sanskrit, not a published edition
BrP 112.19
यत्र यत्र द्विषो यान्ति तत्र गच्छन्तु मातरः रसातलम् अनुप्राप्ता इदानीं मद्भयाद् द्विषः भवत्यो ऽप्य् अनुगच्छन्तु रसातलम् अनु द्विषः ॥
yatra yatra dviṣo yānti tatra gacchantu mātaraḥ rasātalam anuprāptā idānīṃ madbhayād dviṣaḥ bhavatyo 'py anugacchantu rasātalam anu dviṣaḥ //
"Wherever the foes go, there let the Mothers go. The foes have now reached Rasātala out of fear of me; let you ladies too follow the foes down to Rasātala."
AI translation rendered from the Sanskrit, not a published edition
BrP 112.20
ताश् च जग्मुर् भुवं भित्त्वा यत्र ते दैत्यदानवाः तान् हत्वा मातरः सर्वान् देवारीन् अतिभीषणान् ॥
tāś ca jagmur bhuvaṃ bhittvā yatra te daityadānavāḥ tān hatvā mātaraḥ sarvān devārīn atibhīṣaṇān //
And they, splitting open the earth, went to where those Daityas and Dānavas were; and the Mothers, having slain all those most terrifying enemies of the gods,
AI translation rendered from the Sanskrit, not a published edition
BrP 112.21
पुनर् देवान् उपाजग्मुः पथा तेनैव मातरः गताश् च मातरो यावद् यावच् च पुनर् आगताः ॥
punar devān upājagmuḥ pathā tenaiva mātaraḥ gatāś ca mātaro yāvad yāvac ca punar āgatāḥ //
the Mothers came back again to the gods by that very path. And for as long as the Mothers were gone and until they returned,
AI translation rendered from the Sanskrit, not a published edition
BrP 112.22
तावद् देवाः स्थिता आसन् गौतमीतीरम् आश्रिताः प्रस्थानात् तत्र मातॄणां सुराणां च प्रतिष्ठितेः ॥
tāvad devāḥ sthitā āsan gautamītīram āśritāḥ prasthānāt tatra mātṝṇāṃ surāṇāṃ ca pratiṣṭhiteḥ //
for that long the gods remained stationed, having taken up their place on the bank of the Gautamī—from the setting out of the Mothers there until the (re)establishment of the gods.
AI translation rendered from the Sanskrit, not a published edition
BrP 112.23
प्रतिष्ठानं तु तत् क्षेत्रं पुण्यं विजयवर्धनम् मातॄणां यत्र चोत्पत्तिर् मातृतीर्थं पृथक् पृथक् ॥
pratiṣṭhānaṃ tu tat kṣetraṃ puṇyaṃ vijayavardhanam mātṝṇāṃ yatra cotpattir mātṛtīrthaṃ pṛthak pṛthak //
And that holy field is Pratiṣṭhāna, which increases victory, where the Mothers had their origin—the Mothers' tīrtha, each one separately.
AI translation rendered from the Sanskrit, not a published edition
BrP 112.24
तत्र तत्र बिलान्य् आसन् रसातलगतानि च सुरास् ताभ्यो वरान् प्रोचुर् लोके पूजां यथा शिवः ॥
tatra tatra bilāny āsan rasātalagatāni ca surās tābhyo varān procur loke pūjāṃ yathā śivaḥ //
In each of those places there were openings reaching down to Rasātala; the gods declared boons to them (the Mothers): "Just as Śiva
AI translation rendered from the Sanskrit, not a published edition
BrP 112.25
प्राप्नोति तद्वन् मातृभ्यः पूजा भवतु सर्वदा इत्य् उक्त्वान्तर्दधुर् देवा आसंस् तत्रैव मातरः ॥
prāpnoti tadvan mātṛbhyaḥ pūjā bhavatu sarvadā ity uktvāntardadhur devā āsaṃs tatraiva mātaraḥ //
receives worship in the world, so let there always be worship for the Mothers." Having said this, the gods vanished, and the Mothers remained right there.
AI translation rendered from the Sanskrit, not a published edition
BrP 112.26
यत्र यत्र स्थिता देव्यो मातृतीर्थं ततो विदुः सुराणाम् अपि सेव्यानि किं पुनर् मानुषादिभिः ॥
yatra yatra sthitā devyo mātṛtīrthaṃ tato viduḥ surāṇām api sevyāni kiṃ punar mānuṣādibhiḥ //
Wherever the goddesses have taken their stand, from that they know it as a Mothers' tīrtha; these are to be resorted to even by the gods—how much more by men and the rest.
AI translation rendered from the Sanskrit, not a published edition
BrP 112.27
तेषु स्नानम् अथो दानं पितॄणां चैव तर्पणम् सर्वं तद् अक्षयं ज्ञेयं शिवस्य वचनं यथा ॥
teṣu snānam atho dānaṃ pitṝṇāṃ caiva tarpaṇam sarvaṃ tad akṣayaṃ jñeyaṃ śivasya vacanaṃ yathā //
Bathing in them, and giving, and the refreshing of the ancestors—all that is to be known as imperishable, according to Śiva's own word.
AI translation rendered from the Sanskrit, not a published edition
BrP 112.28
यस् त्व् इदं शृणुयान् नित्यं स्मरेद् अपि पठेत् तथा आख्यानं मातृतीर्थानाम् आयुष्मान् स सुखी भवेत् ॥
yas tv idaṃ śṛṇuyān nityaṃ smared api paṭhet tathā ākhyānaṃ mātṛtīrthānām āyuṣmān sa sukhī bhavet //
But whoever should constantly hear this, and remember and recite it—this account of the Mothers' tīrthas—he will be long-lived and happy.
AI translation rendered from the Sanskrit, not a published edition