Brahma Purana — Chapter 111
BrP 111.1
नागतीर्थम् इति ख्यातं सर्वकामप्रदं शुभम् यत्र नागेश्वरो देवः शृणु तस्यापि विस्तरम् ॥
nāgatīrtham iti khyātaṃ sarvakāmapradaṃ śubham yatra nāgeśvaro devaḥ śṛṇu tasyāpi vistaram //
There is (a place) renowned as Nāgatīrtha, auspicious, granting all desires, where the god Nāgeśvara is; hear the full account of that too.
AI translation rendered from the Sanskrit, not a published edition
BrP 111.2
प्रतिष्ठानपुरे राजा शूरसेन इति श्रुतः सोमवंशभवः श्रीमान् मतिमान् गुणसागरः ॥
pratiṣṭhānapure rājā śūrasena iti śrutaḥ somavaṃśabhavaḥ śrīmān matimān guṇasāgaraḥ //
In the city of Pratiṣṭhāna there was a king known as Śūrasena, born of the lunar line, illustrious, wise, an ocean of good qualities.
AI translation rendered from the Sanskrit, not a published edition
BrP 111.3
पुत्रार्थं स महायत्नम् अकरोत् प्रियया सह तस्य पुत्रश् चिराद् आसीत् सर्पो वै भीषणाकृतिः ॥
putrārthaṃ sa mahāyatnam akarot priyayā saha tasya putraś cirād āsīt sarpo vai bhīṣaṇākṛtiḥ //
For the sake of a son he made great effort together with his beloved wife; after a long time a son was born to him — a serpent, of terrifying form.
AI translation rendered from the Sanskrit, not a published edition
BrP 111.4
पुत्रं तं गोपयाम् आस शूरसेनो महीपतिः राज्ञः पुत्रः सर्प इति न कश्चिद् विन्दते जनः ॥
putraṃ taṃ gopayām āsa śūraseno mahīpatiḥ rājñaḥ putraḥ sarpa iti na kaścid vindate janaḥ //
Śūrasena, the lord of the earth, kept that son hidden; no one among the people found out that the king's son was a serpent.
AI translation rendered from the Sanskrit, not a published edition
BrP 111.5
अन्तर्वर्ती परो वापि मातरं पितरं विना धात्रेय्य् अपि न जानाति नामात्यो न पुरोहितः ॥
antarvartī paro vāpi mātaraṃ pitaraṃ vinā dhātreyy api na jānāti nāmātyo na purohitaḥ //
Neither insider nor outsider — apart from the mother and the father — not even the nurse's daughter knew, nor the minister, nor the family priest.
AI translation rendered from the Sanskrit, not a published edition
BrP 111.6
तं दृष्ट्वा भीषणं सर्पं सभार्यो नृपसत्तमः संतापं नित्यम् आप्नोति सर्पाद् वरम् अपुत्रता ॥
taṃ dṛṣṭvā bhīṣaṇaṃ sarpaṃ sabhāryo nṛpasattamaḥ saṃtāpaṃ nityam āpnoti sarpād varam aputratā //
Seeing that terrifying serpent, the best of kings, together with his wife, was constantly in anguish: better childlessness than a serpent!
AI translation rendered from the Sanskrit, not a published edition
BrP 111.7
एतद् अस्ति महासर्पो वक्ति नित्यं मनुष्यवत् स सर्पः पितरं प्राह कुरु चूडाम् अपि क्रियाम् ॥
etad asti mahāsarpo vakti nityaṃ manuṣyavat sa sarpaḥ pitaraṃ prāha kuru cūḍām api kriyām //
Yet there was this: the great serpent always spoke like a human being. That serpent said to his father: "Perform for me the tonsure rite as well,
AI translation rendered from the Sanskrit, not a published edition
BrP 111.8
तथोपनयनं चापि वेदाध्ययनम् एव च यावद् वेदं न चाधीते तावच् छूद्रसमो द्विजः ॥
tathopanayanaṃ cāpi vedādhyayanam eva ca yāvad vedaṃ na cādhīte tāvac chūdrasamo dvijaḥ //
and likewise the initiation, and the study of the Veda; for so long as he does not study the Veda, a twice-born is the equal of a śūdra."
AI translation rendered from the Sanskrit, not a published edition
BrP 111.9
एतच् छ्रुत्वा पुत्रवचः शूरसेनो ऽतिदुःखितः ब्राह्मणं कंचनानीय संस्कारादि तदाकरोत् अधीतवेदः सर्पो ऽपि पितरं चाब्रवीद् इदम् ॥
etac chrutvā putravacaḥ śūraseno 'tiduḥkhitaḥ brāhmaṇaṃ kaṃcanānīya saṃskārādi tadākarot adhītavedaḥ sarpo 'pi pitaraṃ cābravīd idam //
Having heard this speech of his son, Śūrasena, deeply grieved, brought some brahmin and had the initiation and the other rites performed for him; and the serpent, having studied the Veda, said this to his father:
AI translation rendered from the Sanskrit, not a published edition
BrP 111.10
विवाहं कुरु मे राजन् स्त्रीकामो ऽहं नृपोत्तम अन्यथापि च कृत्यं ते न सिध्येद् इति मे मतिः ॥
vivāhaṃ kuru me rājan strīkāmo 'haṃ nṛpottama anyathāpi ca kṛtyaṃ te na sidhyed iti me matiḥ //
"Arrange a marriage for me, O king; I desire a wife, best of kings. And otherwise too your duty would not be accomplished — such is my view."
AI translation rendered from the Sanskrit, not a published edition
BrP 111.11
जनयित्वात्मजान् वेदविधिनाखिलसंस्कृतीः न कुर्याद् यः पिता तस्य नरकान् नास्ति निष्कृतिः ॥
janayitvātmajān vedavidhinākhilasaṃskṛtīḥ na kuryād yaḥ pitā tasya narakān nāsti niṣkṛtiḥ //
"That father who, having begotten sons, does not perform for them all the sacraments according to the Vedic rule — for him there is no release from the hells."
AI translation rendered from the Sanskrit, not a published edition
BrP 111.12
विस्मितः स पिता प्राह सुतं तम् उरगाकृतिम् ॥
vismitaḥ sa pitā prāha sutaṃ tam uragākṛtim //
Astonished, that father spoke to his son, who had the form of a snake:
AI translation rendered from the Sanskrit, not a published edition
BrP 111.13
यस्य शब्दाद् अपि त्रासं यान्ति शूराश् च पूरुषाः तस्मै कन्यां तु को दद्याद् वद पुत्र करोमि किम् ॥
yasya śabdād api trāsaṃ yānti śūrāś ca pūruṣāḥ tasmai kanyāṃ tu ko dadyād vada putra karomi kim //
"At whose very sound even brave men are struck with terror — who would give a girl to him? Tell me, son, what am I to do?"
AI translation rendered from the Sanskrit, not a published edition
BrP 111.14
तत् पितुर् वचनं श्रुत्वा सर्पः प्राह विचक्षणः ॥
tat pitur vacanaṃ śrutvā sarpaḥ prāha vicakṣaṇaḥ //
Hearing that speech of his father, the discerning serpent said:
AI translation rendered from the Sanskrit, not a published edition
BrP 111.15
विवाहा बहवो राजन् राज्ञां सन्ति जनेश्वर प्रसह्याहरणं चापि शस्त्रैर् वैवाह एव च ॥
vivāhā bahavo rājan rājñāṃ santi janeśvara prasahyāharaṇaṃ cāpi śastrair vaivāha eva ca //
"There are many (forms of) marriage for kings, O king, lord of men: even carrying (a bride) off by force, and marriage by weapons."
AI translation rendered from the Sanskrit, not a published edition
BrP 111.16
जाते विवाहे पुत्रस्य पितासौ कृतकृद् भवेत् नो चेद् अत्रैव गङ्गायां मरिष्ये नात्र संशयः ॥
jāte vivāhe putrasya pitāsau kṛtakṛd bhavet no ced atraiva gaṅgāyāṃ mariṣye nātra saṃśayaḥ //
"When the son's marriage has taken place, that father becomes one who has done his duty; if not, I shall die right here in the Ganges — of this there is no doubt."
AI translation rendered from the Sanskrit, not a published edition
BrP 111.17
तत् पुत्रनिश्चयं ज्ञात्वा अपुत्रो नृपसत्तमः विवाहार्थम् अमात्यांस् तान् आहूयेदं वचो ऽब्रवीत् ॥
tat putraniścayaṃ jñātvā aputro nṛpasattamaḥ vivāhārtham amātyāṃs tān āhūyedaṃ vaco 'bravīt //
Knowing that resolve of his son, the best of kings, (otherwise) sonless, summoned those ministers for the sake of the marriage and spoke these words:
AI translation rendered from the Sanskrit, not a published edition
BrP 111.18
नागेश्वरो मम सुतो युवराजो गुणाकरः गुणवान् मतिमाञ् शूरो दुर्जयः शत्रुतापनः ॥
nāgeśvaro mama suto yuvarājo guṇākaraḥ guṇavān matimāñ śūro durjayaḥ śatrutāpanaḥ //
"My son Nāgeśvara, the crown prince, is a mine of virtues: virtuous, intelligent, brave, hard to conquer, a scorcher of foes."
AI translation rendered from the Sanskrit, not a published edition
BrP 111.19
रथे नागे स धनुषि पृथिव्यां नोपमीयते विवाहस् तस्य कर्तव्यो ह्य् अहं वृद्धस् तथैव च ॥
rathe nāge sa dhanuṣi pṛthivyāṃ nopamīyate vivāhas tasya kartavyo hy ahaṃ vṛddhas tathaiva ca //
"In (fighting from) a chariot, on an elephant, with the bow, he has no equal on earth. His marriage must be brought about, for I am old as well."
AI translation rendered from the Sanskrit, not a published edition
BrP 111.20
राज्यभारं सुते न्यस्य निश्चिन्तो ऽहं भवाम्य् अतः न दारसंग्रहो यावत् तावत् पुत्रो मम प्रियः ॥
rājyabhāraṃ sute nyasya niścinto 'haṃ bhavāmy ataḥ na dārasaṃgraho yāvat tāvat putro mama priyaḥ //
"Having laid the burden of the kingdom upon my son, I shall thereby become free of care. So long as he takes no wife, so long is my son (still) dear (as a child)."
AI translation rendered from the Sanskrit, not a published edition — the model flagged this verse as uncertain
BrP 111.21
बालभावं नो जहाति तस्मात् सर्वे ऽनुमन्य च विवाहायाथ कुर्वन्तु यत्नं मम हिते रताः ॥
bālabhāvaṃ no jahāti tasmāt sarve 'numanya ca vivāhāyātha kurvantu yatnaṃ mama hite ratāḥ //
"...he does not give up the state of a child. Therefore let all of you, having consented, now make effort for the marriage, being devoted to my welfare."
AI translation rendered from the Sanskrit, not a published edition
BrP 111.22
न मे काचित् तदा चिन्ता कृतोद्वाहो यदात्मजः सुते न्यस्तभरा यान्ति कृतिनस् तपसे वनम् ॥
na me kācit tadā cintā kṛtodvāho yadātmajaḥ sute nyastabharā yānti kṛtinas tapase vanam //
"Then I shall have no care at all, once my son is married; those who have accomplished their task go to the forest for asceticism, having laid their burden on a son."
AI translation rendered from the Sanskrit, not a published edition
BrP 111.23
अमात्या राजवचनं श्रुत्वा सर्वे विनीतवत् ऊचुः प्राञ्जलयो हर्षाद् राजानं भूरितेजसम् ॥
amātyā rājavacanaṃ śrutvā sarve vinītavat ūcuḥ prāñjalayo harṣād rājānaṃ bhūritejasam //
The ministers, all having heard the king's words, spoke humbly, with palms joined, out of joy, to the king of abundant splendour:
AI translation rendered from the Sanskrit, not a published edition
BrP 111.24
तव पुत्रो गुणज्येष्ठस् त्वं च सर्वत्र विश्रुतः विवाहे तव पुत्रस्य किं मन्त्र्यं किं तु चिन्त्यते ॥
tava putro guṇajyeṣṭhas tvaṃ ca sarvatra viśrutaḥ vivāhe tava putrasya kiṃ mantryaṃ kiṃ tu cintyate //
"Your son is foremost in virtues, and you are renowned everywhere. In the matter of your son's marriage, what is there to deliberate, what is there to worry about?"
AI translation rendered from the Sanskrit, not a published edition
BrP 111.25
अमात्येषु तथोक्तेषु गम्भीरो नृपसत्तमः पुत्रं सर्पं त्व् अमात्यानां न चाख्याति न ते विदुः ॥
amātyeṣu tathokteṣu gambhīro nṛpasattamaḥ putraṃ sarpaṃ tv amātyānāṃ na cākhyāti na te viduḥ //
When the ministers had spoken thus, the best of kings, being reserved, did not tell the ministers that his son was a serpent, and they did not know it.
AI translation rendered from the Sanskrit, not a published edition
BrP 111.26
राजा पुनस् तान् उवाच का स्यात् कन्या गुणाधिका महावंशभवः श्रीमान् को राजा स्याद् गुणाश्रयः ॥
rājā punas tān uvāca kā syāt kanyā guṇādhikā mahāvaṃśabhavaḥ śrīmān ko rājā syād guṇāśrayaḥ //
The king spoke to them again: "Which girl would be superior in qualities? Which king, born of a great lineage and prosperous, would be a repository of virtues,
AI translation rendered from the Sanskrit, not a published edition
BrP 111.27
संबन्धयोग्यः शूरश् च यत्संबन्धः प्रशस्यते तद् राजवचनं श्रुत्वा अमात्यानां महामतिः ॥
saṃbandhayogyaḥ śūraś ca yatsaṃbandhaḥ praśasyate tad rājavacanaṃ śrutvā amātyānāṃ mahāmatiḥ //
and fit for an alliance, and brave, alliance with whom is commended?" Having heard that speech of the king, the very intelligent one among the ministers —
AI translation rendered from the Sanskrit, not a published edition
BrP 111.28
कुलीनः साधुर् अत्यन्तं राजकार्यहिते रतः राज्ञो मतिं विदित्वा तु इङ्गितज्ञो ऽब्रवीद् इदम् ॥
kulīnaḥ sādhur atyantaṃ rājakāryahite rataḥ rājño matiṃ viditvā tu iṅgitajño 'bravīd idam //
of good family, exceedingly upright, devoted to the good of the king's affairs — knowing the king's mind and skilled in reading signs, said this:
AI translation rendered from the Sanskrit, not a published edition
BrP 111.29
पूर्वदेशे महाराज विजयो नाम भूपतिः वाजिवारणरत्नानां यस्य संख्या न विद्यते ॥
pūrvadeśe mahārāja vijayo nāma bhūpatiḥ vājivāraṇaratnānāṃ yasya saṃkhyā na vidyate //
"In the eastern country, great king, there is a ruler named Vijaya, of whose horses, elephants and jewels there is no counting.
AI translation rendered from the Sanskrit, not a published edition
BrP 111.30
अष्टौ पुत्रा महेष्वासा महाराजस्य धीमतः तेषां स्वसा भोगवती साक्षाल् लक्ष्मीर् इवापरा तव पुत्रस्य योग्या सा भार्या राजन् मयोदिता ॥
aṣṭau putrā maheṣvāsā mahārājasya dhīmataḥ teṣāṃ svasā bhogavatī sākṣāl lakṣmīr ivāparā tava putrasya yogyā sā bhāryā rājan mayoditā //
That wise great king has eight sons, great archers; their sister is Bhogavatī, like a second Lakṣmī in visible form. She, O king, is—so I declare—a fit wife for your son.
AI translation rendered from the Sanskrit, not a published edition
BrP 111.31
वृद्धामात्यवचः श्रुत्वा राजा तं प्रत्यभाषत ॥
vṛddhāmātyavacaḥ śrutvā rājā taṃ pratyabhāṣata //
Hearing the old minister's words, the king replied to him:
AI translation rendered from the Sanskrit, not a published edition
BrP 111.32
सुता तस्य कथं मे ऽस्य सुतस्य स्याद् वदस्व तत् ॥
sutā tasya kathaṃ me 'sya sutasya syād vadasva tat //
"How could his daughter become (the wife) of this son of mine? Tell me that."
AI translation rendered from the Sanskrit, not a published edition
BrP 111.33
लक्षितो ऽसि महाराज यत् ते मनसि वर्तते यच् छूरसेन कृत्यं स्याद् अनुजानीहि मां ततः ॥
lakṣito 'si mahārāja yat te manasi vartate yac chūrasena kṛtyaṃ syād anujānīhi māṃ tataḥ //
"I have observed, great king, what is in your mind. Grant me leave, then, for whatever is to be done for Śūrasena."
AI translation rendered from the Sanskrit, not a published edition
BrP 111.34
वृद्धामात्यवचः श्रुत्वा भूषणाच्छादनोक्तिभिः संपूज्य प्रेषयाम् आस महत्या सेनया सह ॥
vṛddhāmātyavacaḥ śrutvā bhūṣaṇācchādanoktibhiḥ saṃpūjya preṣayām āsa mahatyā senayā saha //
Hearing the old minister's words, (the king) honoured him with ornaments, garments and (kind) speech, and sent him off together with a great army.
AI translation rendered from the Sanskrit, not a published edition
BrP 111.35
स पूर्वदेशम् आगत्य महाराजं समेत्य च संपूज्य विविधैर् वाक्यैर् उपायैर् नीतिसंभवैः ॥
sa pūrvadeśam āgatya mahārājaṃ sametya ca saṃpūjya vividhair vākyair upāyair nītisaṃbhavaiḥ //
He, having come to the eastern country and met the great king, honoured (him) with manifold words and with expedients arising from statecraft,
AI translation rendered from the Sanskrit, not a published edition
BrP 111.36
महाराजसुतायाश् च भोगवत्या महामतिः शूरसेनस्य नृपतेः सूनोर् नागस्य धीमतः ॥
mahārājasutāyāś ca bhogavatyā mahāmatiḥ śūrasenasya nṛpateḥ sūnor nāgasya dhīmataḥ //
and that man of great intelligence (arranged), for Bhogavatī the daughter of the great king and for Nāga, the wise son of king Śūrasena,
AI translation rendered from the Sanskrit, not a published edition
BrP 111.37
विवाहायाकरोत् संधिं मिथ्यामिथ्यावचोउक्तिभिः पूजयाम् आस नृपतिं भूषणाच्छादनादिभिः ॥
vivāhāyākarot saṃdhiṃ mithyāmithyāvacouktibhiḥ pūjayām āsa nṛpatiṃ bhūṣaṇācchādanādibhiḥ //
he made a compact for the marriage with words that were false upon false; he honoured the king with ornaments, garments and the rest.
AI translation rendered from the Sanskrit, not a published edition
BrP 111.38
अवाप्य पूजां नृपतिर् ददामीत्य् अवदत् तदा तत आगत्य राज्ञे ऽसौ वृद्धामात्यो महामतिः ॥
avāpya pūjāṃ nṛpatir dadāmīty avadat tadā tata āgatya rājñe 'sau vṛddhāmātyo mahāmatiḥ //
Having received the honour, the king then said, "I give (her)." Then this old minister of great intelligence came (back) to (his own) king,
AI translation rendered from the Sanskrit, not a published edition
BrP 111.39
शूरसेनाय तद् वृत्तं वैवाहिकम् अवेदयत् ततो बहुतिथे काले वृद्धामात्यो महामतिः ॥
śūrasenāya tad vṛttaṃ vaivāhikam avedayat tato bahutithe kāle vṛddhāmātyo mahāmatiḥ //
and reported to Śūrasena that matter of the marriage. Then, after a good many days, the old minister of great intelligence
AI translation rendered from the Sanskrit, not a published edition
BrP 111.40
पुनर् बलेन महता वस्त्रालंकारभूषितः जगाम तरसा सर्वैर् अन्यैश् च सचिवैर् वृतः ॥
punar balena mahatā vastrālaṃkārabhūṣitaḥ jagāma tarasā sarvair anyaiś ca sacivair vṛtaḥ //
again, adorned with garments and ornaments, went swiftly with a great force, surrounded by all the other counsellors too.
AI translation rendered from the Sanskrit, not a published edition
BrP 111.41
विवाहाय महामात्यो महाराजाय बुद्धिमान् सर्वं प्रोवाच वृद्धो ऽसाव् अमात्यः सचिवैर् वृतः ॥
vivāhāya mahāmātyo mahārājāya buddhimān sarvaṃ provāca vṛddho 'sāv amātyaḥ sacivair vṛtaḥ //
For the marriage, that wise old chief minister, surrounded by counsellors, told the great king everything:
AI translation rendered from the Sanskrit, not a published edition
BrP 111.42
अत्रागन्तुं न चायाति शूरसेनस्य भूपतेः पुत्रो नाग इति ख्यातो बुद्धिमान् गुणसागरः ॥
atrāgantuṃ na cāyāti śūrasenasya bhūpateḥ putro nāga iti khyāto buddhimān guṇasāgaraḥ //
"He does not come to come here—the son of king Śūrasena, renowned as Nāga, the wise one, an ocean of virtues.
AI translation rendered from the Sanskrit, not a published edition — the model flagged this verse as uncertain
BrP 111.43
क्षत्रियाणां विवाहाश् च भवेयुर् बहुधा नृप तस्माच् छस्त्रैर् अलंकारैर् विवाहः स्यान् महामते ॥
kṣatriyāṇāṃ vivāhāś ca bhaveyur bahudhā nṛpa tasmāc chastrair alaṃkārair vivāhaḥ syān mahāmate //
And the marriages of kṣatriyas may be of many kinds, O king; therefore, O wise one, let the marriage be (performed) by means of weapons and ornaments.
AI translation rendered from the Sanskrit, not a published edition
BrP 111.44
क्षत्रिया ब्राह्मणाश् चैव सत्यां वाचं वदन्ति हि तस्माच् छस्त्रैर् अलंकारैर् विवाहस् त्व् अनुमन्यताम् ॥
kṣatriyā brāhmaṇāś caiva satyāṃ vācaṃ vadanti hi tasmāc chastrair alaṃkārair vivāhas tv anumanyatām //
For kṣatriyas and brahmins do speak true speech; therefore let a marriage by weapons and ornaments be approved."
AI translation rendered from the Sanskrit, not a published edition
BrP 111.45
वृद्धामात्यवचः श्रुत्वा विजयो राजसत्तमः मेने वाक्यं तथा सत्यम् अमात्यं भूपतिं तदा ॥
vṛddhāmātyavacaḥ śrutvā vijayo rājasattamaḥ mene vākyaṃ tathā satyam amātyaṃ bhūpatiṃ tadā //
Hearing the old minister's words, Vijaya, best of kings, then held the speech to be true, and (so held) the minister and the king (to be true).
AI translation rendered from the Sanskrit, not a published edition — the model flagged this verse as uncertain
BrP 111.46
विवाहम् अकरोद् राजा भोगवत्याः सविस्तरम् शस्त्रेण च यथाशास्त्रं प्रेषयाम् आस तां पुनः ॥
vivāham akarod rājā bhogavatyāḥ savistaram śastreṇa ca yathāśāstraṃ preṣayām āsa tāṃ punaḥ //
The king performed Bhogavatī's marriage in full detail, and by means of the weapon, according to the scriptures, and then sent her forth.
AI translation rendered from the Sanskrit, not a published edition
BrP 111.47
स्वान् अमात्यांस् तथा गाश् च हिरण्यतुरगादिकम् बहु दत्त्वाथ विजयो हर्षेण महता युतः ॥
svān amātyāṃs tathā gāś ca hiraṇyaturagādikam bahu dattvātha vijayo harṣeṇa mahatā yutaḥ //
Then Vijaya, filled with great joy, having given much—his own ministers, and cows, gold, horses and so forth—
AI translation rendered from the Sanskrit, not a published edition
BrP 111.48
ताम् आदायाथ सचिवा वृद्धामात्यपुरोगमाः प्रतिष्ठानम् अथाभ्येत्य शूरसेनाय तां स्नुषाम् ॥
tām ādāyātha sacivā vṛddhāmātyapurogamāḥ pratiṣṭhānam athābhyetya śūrasenāya tāṃ snuṣām //
then the counsellors, with the old minister at their head, took her and, coming to Pratiṣṭhāna, (presented) her as daughter-in-law to Śūrasena,
AI translation rendered from the Sanskrit, not a published edition
BrP 111.49
न्यवेदयंस् तथोचुस् ते विजयस्य वचो बहु भूषणानि विचित्राणि दास्यो वस्त्रादिकं च यत् ॥
nyavedayaṃs tathocus te vijayasya vaco bahu bhūṣaṇāni vicitrāṇi dāsyo vastrādikaṃ ca yat //
They presented (her) and reported at length Vijaya's message, and the many varied ornaments, the maidservants, and the garments and the rest — all of it.
AI translation rendered from the Sanskrit, not a published edition
BrP 111.50
निवेद्य शूरसेनाय कृतकृत्या बभूविरे विजयस्य तु ये ऽमात्या भोगवत्या सहागताः ॥
nivedya śūrasenāya kṛtakṛtyā babhūvire vijayasya tu ye 'mātyā bhogavatyā sahāgatāḥ //
Having made the presentation to Śūrasena, they became (men whose) duty (was) accomplished — those ministers of Vijaya who had come along with Bhogavatī.
AI translation rendered from the Sanskrit, not a published edition
BrP 111.51
तान् पूजयित्वा राजासौ बहुमानपुरःसरम् विजयाय यथा प्रीतिस् तथा कृत्वा व्यसर्जयत् ॥
tān pūjayitvā rājāsau bahumānapuraḥsaram vijayāya yathā prītis tathā kṛtvā vyasarjayat //
That king, having honoured them with great respect foremost, and having acted so as to please Vijaya, dismissed (them).
AI translation rendered from the Sanskrit, not a published edition
BrP 111.52
विजयस्य सुता बाला रूपयौवनशालिनी श्वश्रूश्वशुरयोर् नित्यं शुश्रूषन्ती सुमध्यमा ॥
vijayasya sutā bālā rūpayauvanaśālinī śvaśrūśvaśurayor nityaṃ śuśrūṣantī sumadhyamā //
Vijaya's daughter, a young girl endowed with beauty and youth, slender-waisted, constantly served her mother-in-law and father-in-law.
AI translation rendered from the Sanskrit, not a published edition
BrP 111.53
भोगवत्याश् च यो भर्ता महासर्पो ऽतिभीषणः एकान्तदेशे विजने गृहे रत्नसुशोभिते ॥
bhogavatyāś ca yo bhartā mahāsarpo 'tibhīṣaṇaḥ ekāntadeśe vijane gṛhe ratnasuśobhite //
And he who was Bhogavatī's husband, a great and most terrifying serpent, (dwelt) in a solitary place, in a deserted house well adorned with jewels,
AI translation rendered from the Sanskrit, not a published edition
BrP 111.54
सुगन्धकुसुमाकीर्णे तत्रास्ते सुखशीतले स सर्पो मातरं प्राह पितरं च पुनः पुनः ॥
sugandhakusumākīrṇe tatrāste sukhaśītale sa sarpo mātaraṃ prāha pitaraṃ ca punaḥ punaḥ //
strewn with fragrant flowers, pleasantly cool — there he stayed. That serpent said again and again to his mother and to his father:
AI translation rendered from the Sanskrit, not a published edition
BrP 111.55
मम भार्या राजपुत्री किं मां नैवोपसर्पति तत् पुत्रवचनं श्रुत्वा सर्पमातेदम् अब्रवीत् ॥
mama bhāryā rājaputrī kiṃ māṃ naivopasarpati tat putravacanaṃ śrutvā sarpamātedam abravīt //
"My wife, the king's daughter — why does she not come near me at all?" Hearing that speech of her son, the serpent's mother said this:
AI translation rendered from the Sanskrit, not a published edition
BrP 111.56
धात्रिके गच्छ सुभगे शीघ्रं भोगवतीं वद तव भर्ता सर्प इति ततः सा किं वदिष्यति ॥
dhātrike gaccha subhage śīghraṃ bhogavatīṃ vada tava bhartā sarpa iti tataḥ sā kiṃ vadiṣyati //
"Go quickly, good nurse, and tell Bhogavatī: 'Your husband is a serpent' — then (see) what she will say."
AI translation rendered from the Sanskrit, not a published edition
BrP 111.57
धात्रिका च तथेत्य् उक्त्वा गत्वा भोगवतीं तदा रहोगता उवाचेदं विनीतवद् अपूर्ववत् ॥
dhātrikā ca tathety uktvā gatvā bhogavatīṃ tadā rahogatā uvācedaṃ vinītavad apūrvavat //
And the nurse, saying "So be it," then went to Bhogavatī and, having gone (with her) in private, said this humbly, as never before:
AI translation rendered from the Sanskrit, not a published edition
BrP 111.58
जाने ऽहं सुभगे भद्रे भर्तारं तव दैवतम् न चाख्येयं त्वया क्वापि सर्पो न पुरुषो ध्रुवम् ॥
jāne 'haṃ subhage bhadre bhartāraṃ tava daivatam na cākhyeyaṃ tvayā kvāpi sarpo na puruṣo dhruvam //
"I know, good and gracious lady, that your husband is a deity; and it is not to be told by you anywhere — he is certainly a serpent, not a man."
AI translation rendered from the Sanskrit, not a published edition
BrP 111.59
तस्यास् तद् वचनं श्रुत्वा भोगवत्य् अब्रवीद् इदम् ॥
tasyās tad vacanaṃ śrutvā bhogavaty abravīd idam //
Hearing that speech of hers, Bhogavatī said this:
AI translation rendered from the Sanskrit, not a published edition
BrP 111.60
मानुषीणां मनुष्यो हि भर्ता सामान्यतो भवेत् किं पुनर् देवजातिस् तु भर्ता पुण्येन लभ्यते ॥
mānuṣīṇāṃ manuṣyo hi bhartā sāmānyato bhavet kiṃ punar devajātis tu bhartā puṇyena labhyate //
"For human women a husband would ordinarily be a human being; how much more (fortunate), when a husband of divine kind is obtained through merit!"
AI translation rendered from the Sanskrit, not a published edition
BrP 111.61
भोगवत्यास् तु तद् वाक्यं सा च सर्वं न्यवेदयत् सर्पाय सर्पमात्रे च राज्ञे चैव यथाक्रमम् ॥
bhogavatyās tu tad vākyaṃ sā ca sarvaṃ nyavedayat sarpāya sarpamātre ca rājñe caiva yathākramam //
And she reported all of Bhogavatī's words — to the serpent, to the serpent's mother, and to the king, in due order.
AI translation rendered from the Sanskrit, not a published edition
BrP 111.62
रुरोद राजा तद्वाक्यात् स्मृत्वा तां कर्मणो गतिम् भोगवत्य् अपि तां प्राह उक्तपूर्वां पुनः सखीम् ॥
ruroda rājā tadvākyāt smṛtvā tāṃ karmaṇo gatim bhogavaty api tāṃ prāha uktapūrvāṃ punaḥ sakhīm //
At her words the king wept, recalling that course of (past) action. Bhogavatī too spoke again to that friend who had spoken before:
AI translation rendered from the Sanskrit, not a published edition
BrP 111.63
कान्तं दर्शय भद्रं ते वृथा याति वयो मम ॥
kāntaṃ darśaya bhadraṃ te vṛthā yāti vayo mama //
"Show me my beloved — blessings on you; my youth is passing in vain."
AI translation rendered from the Sanskrit, not a published edition
BrP 111.64
ततः सा दर्शयाम् आस सर्पं तम् अतिभीषणम् सुगन्धकुसुमाकीर्णे शयने सा रहोगता ॥
tataḥ sā darśayām āsa sarpaṃ tam atibhīṣaṇam sugandhakusumākīrṇe śayane sā rahogatā //
Then she showed her that most terrifying serpent, on a bed strewn with fragrant flowers, she having gone (there) in private.
AI translation rendered from the Sanskrit, not a published edition
BrP 111.65
तं दृष्ट्वा भीषणं सर्पं भर्तारं रत्नभूषितम् कृताञ्जलिपुटा वाक्यम् अवदत् कान्तम् अञ्जसा ॥
taṃ dṛṣṭvā bhīṣaṇaṃ sarpaṃ bhartāraṃ ratnabhūṣitam kṛtāñjalipuṭā vākyam avadat kāntam añjasā //
Seeing that terrifying serpent, her husband, adorned with jewels, she made a hollow of her joined palms and at once spoke these words to her beloved:
AI translation rendered from the Sanskrit, not a published edition
BrP 111.66
धन्यास्म्य् अनुगृहीतास्मि यस्या मे दैवतं पतिः ॥
dhanyāsmy anugṛhītāsmi yasyā me daivataṃ patiḥ //
"I am blessed, I am favoured, I whose husband is a deity."
AI translation rendered from the Sanskrit, not a published edition
BrP 111.67
इत्य् उक्त्वा शयने स्थित्वा तं सर्पं सर्पभावनैः खेलयाम् आस तन्वङ्गी गीतैश् चैवाङ्गसंगमैः ॥
ity uktvā śayane sthitvā taṃ sarpaṃ sarpabhāvanaiḥ khelayām āsa tanvaṅgī gītaiś caivāṅgasaṃgamaiḥ //
Having said this, staying on the bed, the slender-limbed woman made that serpent play, with serpent-like gestures, with songs and with embraces of the limbs.
AI translation rendered from the Sanskrit, not a published edition — the model flagged this verse as uncertain
BrP 111.68
सुगन्धकुसुमैः पानैस् तोषयाम् आस तं पतिम् तस्याश् चैव प्रसादेन सर्पस्याभूत् स्मृतिर् मुने स्मृत्वा सर्वं दैवकृतं रात्रौ सर्पो ऽब्रवीत् प्रियाम् ॥
sugandhakusumaiḥ pānais toṣayām āsa taṃ patim tasyāś caiva prasādena sarpasyābhūt smṛtir mune smṛtvā sarvaṃ daivakṛtaṃ rātrau sarpo 'bravīt priyām //
With fragrant flowers and with drinks she gratified that husband; and by her very grace the serpent's memory came to him, O sage. Remembering all that fate had done, at night the serpent said to his beloved:
AI translation rendered from the Sanskrit, not a published edition
BrP 111.69
राजकन्यापि मां दृष्ट्वा न भीतासि कथं प्रिये सोवाच दैवविहितं को ऽतिक्रमितुम् ईश्वरः पतिर् एव गतिः स्त्रीणां सर्वदैव विशेषतः ॥
rājakanyāpi māṃ dṛṣṭvā na bhītāsi kathaṃ priye sovāca daivavihitaṃ ko 'tikramitum īśvaraḥ patir eva gatiḥ strīṇāṃ sarvadaiva viśeṣataḥ //
"Though a king's daughter, how is it, dear, that you are not afraid on seeing me?" She said: "Who is able to transgress what fate has ordained? For women the husband alone is always the refuge, above all else."
AI translation rendered from the Sanskrit, not a published edition
BrP 111.70
श्रुत्वेति हृष्टस् ताम् आह नागः प्रहसिताननः ॥
śrutveti hṛṣṭas tām āha nāgaḥ prahasitānanaḥ //
Hearing this, the Nāga was delighted and said to her, his face breaking into a smile:
AI translation rendered from the Sanskrit, not a published edition
BrP 111.71
तुष्टो ऽस्मि तव भक्त्याहं किं ददामि तवेप्सितम् तव प्रसादाच् चार्वङ्गि सर्वस्मृतिर् अभूद् इयम् ॥
tuṣṭo 'smi tava bhaktyāhaṃ kiṃ dadāmi tavepsitam tava prasādāc cārvaṅgi sarvasmṛtir abhūd iyam //
"I am pleased with your devotion; what desired thing shall I give you? By your favour, fair-limbed one, this full memory (of mine) has arisen.
AI translation rendered from the Sanskrit, not a published edition
BrP 111.72
शप्तो ऽहं देवदेवेन कुपितेन पिनाकिना महेश्वरकरे नागः शेषपुत्रो महाबलः ॥
śapto 'haṃ devadevena kupitena pinākinā maheśvarakare nāgaḥ śeṣaputro mahābalaḥ //
I was cursed by the god of gods, the bearer of the Pināka, in anger — a Nāga in Maheśvara's hand, the son of Śeṣa, of great strength.
AI translation rendered from the Sanskrit, not a published edition
BrP 111.73
सो ऽहं पतिस् त्वं च भार्या नाम्ना भोगवती पुरा उमावाक्याज् जहासोच्चैः शंभुः प्रीतो रहोगतः ॥
so 'haṃ patis tvaṃ ca bhāryā nāmnā bhogavatī purā umāvākyāj jahāsoccaiḥ śaṃbhuḥ prīto rahogataḥ //
That am I, your husband, and you were formerly my wife, Bhogavatī by name. At a word of Umā's, Śambhu, pleased, laughed aloud when they were alone.
AI translation rendered from the Sanskrit, not a published edition
BrP 111.74
ममापि चागतं भद्रे हास्यं तद्देवसंनिधौ ततस् तु कुपितः शंभुः प्रादाच् छापं ममेदृशम् ॥
mamāpi cāgataṃ bhadre hāsyaṃ taddevasaṃnidhau tatas tu kupitaḥ śaṃbhuḥ prādāc chāpaṃ mamedṛśam //
And laughter came to me too, good lady, in the presence of that god; thereupon Śambhu, angered, gave me such a curse as this:
AI translation rendered from the Sanskrit, not a published edition
BrP 111.75
मनुष्ययोनौ त्वं सर्पो भविता ज्ञानवान् इति ॥
manuṣyayonau tvaṃ sarpo bhavitā jñānavān iti //
"You shall become a serpent in a human womb, (yet) possessed of knowledge."
AI translation rendered from the Sanskrit, not a published edition
BrP 111.76
ततः प्रसादितः शंभुस् त्वया भद्रे मया सह ततश् चोक्तं तेन भद्रे गौतम्यां मम पूजनम् ॥
tataḥ prasāditaḥ śaṃbhus tvayā bhadre mayā saha tataś coktaṃ tena bhadre gautamyāṃ mama pūjanam //
Then Śambhu was propitiated by you, good lady, together with me; and then he said, good lady: "(There shall be) worship of me on the Gautamī.
AI translation rendered from the Sanskrit, not a published edition
BrP 111.77
कुर्वतो ज्ञानम् आधास्ये यदा सर्पाकृतेस् तव तदा विशापो भविता भोगवत्याः प्रसादतः ॥
kurvato jñānam ādhāsye yadā sarpākṛtes tava tadā viśāpo bhavitā bhogavatyāḥ prasādataḥ //
When you, in the form of a serpent, perform it, I will confer knowledge; then release from the curse will come about through Bhogavatī's favour."
AI translation rendered from the Sanskrit, not a published edition
BrP 111.78
तस्माद् इदं ममापन्नं तव चापि शुभानने तस्मान् नीत्वा गौतमीं मां पूजां कुरु मया सह ॥
tasmād idaṃ mamāpannaṃ tava cāpi śubhānane tasmān nītvā gautamīṃ māṃ pūjāṃ kuru mayā saha //
Therefore this has befallen me and you too, fair-faced one; so take me to the Gautamī and perform the worship together with me.
AI translation rendered from the Sanskrit, not a published edition
BrP 111.79
ततो विशापो भविता आवां यावः शिवं पुनः सर्वेषां सर्वदार्तानां शिव एव परा गतिः ॥
tato viśāpo bhavitā āvāṃ yāvaḥ śivaṃ punaḥ sarveṣāṃ sarvadārtānāṃ śiva eva parā gatiḥ //
Then release from the curse will come, and we two shall go again to Śiva; for all who are afflicted at all times, Śiva alone is the supreme refuge."
AI translation rendered from the Sanskrit, not a published edition
BrP 111.80
तच् छ्रुत्वा भर्तृवचनं सा भर्त्रा गौतमीं ययौ ततः स्नात्वा तु गौतम्यां पूजां चक्रे शिवस्य तु ॥
tac chrutvā bhartṛvacanaṃ sā bhartrā gautamīṃ yayau tataḥ snātvā tu gautamyāṃ pūjāṃ cakre śivasya tu //
Hearing that speech of her husband, she went with her husband to the Gautamī; then, having bathed in the Gautamī, she performed the worship of Śiva.
AI translation rendered from the Sanskrit, not a published edition
BrP 111.81
ततः प्रसन्नो भगवान् दिव्यरूपं ददौ मुने आपृच्छ्य पितरौ सर्पो भार्यया गन्तुम् उद्यतः शिवलोकं ततो ज्ञात्वा पिता प्राह महामतिः ॥
tataḥ prasanno bhagavān divyarūpaṃ dadau mune āpṛcchya pitarau sarpo bhāryayā gantum udyataḥ śivalokaṃ tato jñātvā pitā prāha mahāmatiḥ //
Then the Lord, pleased, granted (him) a divine form, O sage. Having taken leave of his parents, the serpent was set to go with his wife to Śiva's world; then, learning of it, his father, of great wisdom, said:
AI translation rendered from the Sanskrit, not a published edition
BrP 111.82
युवराज्यधरो ज्येष्ठः पुत्र एको भवान् इति तस्माद् राज्यम् अशेषेण कृत्वोत्पाद्य सुतान् बहून् याते मयि परं धाम ततो याहि शिवं पुरम् ॥
yuvarājyadharo jyeṣṭhaḥ putra eko bhavān iti tasmād rājyam aśeṣeṇa kṛtvotpādya sutān bahūn yāte mayi paraṃ dhāma tato yāhi śivaṃ puram //
"You are the eldest son, the sole holder of the office of crown prince; therefore, after ruling the kingdom in its entirety and begetting many sons, when I have gone to the supreme abode, then go to Śiva's city."
AI translation rendered from the Sanskrit, not a published edition
BrP 111.83
एतच् छ्रुत्वा पितृवचस् तथेत्य् आह स नागराट् कामरूपम् अवाप्याथ भार्यया सह सुव्रतः ॥
etac chrutvā pitṛvacas tathety āha sa nāgarāṭ kāmarūpam avāpyātha bhāryayā saha suvrataḥ //
Hearing this word of his father, that king of Nāgas said "So be it," and then, firm in his vow, obtained (the power of) taking any form at will, together with his wife.
AI translation rendered from the Sanskrit, not a published edition
BrP 111.84
पित्रा मात्रा तथा पुत्रै राज्यं कृत्वा सुविस्तरम् याते पितरि स्वर्लोकं पुत्रान् स्थाप्य स्वके पदे ॥
pitrā mātrā tathā putrai rājyaṃ kṛtvā suvistaram yāte pitari svarlokaṃ putrān sthāpya svake pade //
Having ruled the kingdom most extensively together with his father, his mother and his sons, when his father had gone to the heavenly world, he established his sons in his own position,
AI translation rendered from the Sanskrit, not a published edition
BrP 111.85
भार्यामात्यादिसहितस् ततः शिवपुरं ययौ ततः प्रभृति तत् तीर्थं नागतीर्थम् इति श्रुतम् ॥
bhāryāmātyādisahitas tataḥ śivapuraṃ yayau tataḥ prabhṛti tat tīrthaṃ nāgatīrtham iti śrutam //
and then, accompanied by his wife, ministers and the rest, he went to Śiva's city. From that time on that ford has been known as Nāgatīrtha.
AI translation rendered from the Sanskrit, not a published edition
BrP 111.86
यत्र नागेश्वरो देवो भोगवत्या प्रतिष्ठितः तत्र स्नानं च दानं च सर्वक्रतुफलप्रदम् ॥
yatra nāgeśvaro devo bhogavatyā pratiṣṭhitaḥ tatra snānaṃ ca dānaṃ ca sarvakratuphalapradam //
Where the god Nāgeśvara is established together with Bhogavatī — there bathing and giving bestow the fruit of all sacrifices.
AI translation rendered from the Sanskrit, not a published edition