Brahma Purana — Chapter 109
BrP 109.1
चक्रतीर्थम् इति ख्यातं ब्रह्महत्यादिनाशनम् यत्र चक्रेश्वरो देवश् चक्रम् आप यतो हरिः ॥
cakratīrtham iti khyātaṃ brahmahatyādināśanam yatra cakreśvaro devaś cakram āpa yato hariḥ //
(There is one) known as Cakratīrtha, destroyer of the killing of a brahmin and other (sins), where the god Cakreśvara (dwells), from whom Hari obtained the discus.
AI translation rendered from the Sanskrit, not a published edition
BrP 109.2
यत्र विष्णुः स्वयं स्थित्वा चक्रार्थं शंकरं प्रभुः पूजयाम् आस तत् तीर्थं चक्रतीर्थम् उदाहृतम् ॥
yatra viṣṇuḥ svayaṃ sthitvā cakrārthaṃ śaṃkaraṃ prabhuḥ pūjayām āsa tat tīrthaṃ cakratīrtham udāhṛtam //
That tīrtha where Viṣṇu the lord, standing there himself, worshipped Śaṃkara for the sake of the discus, is called Cakratīrtha,
AI translation rendered from the Sanskrit, not a published edition
BrP 109.3
यस्य श्रवणमात्रेण सर्वपापैः प्रमुच्यते दक्षक्रतौ प्रवृत्ते तु देवानां च समागमे ॥
yasya śravaṇamātreṇa sarvapāpaiḥ pramucyate dakṣakratau pravṛtte tu devānāṃ ca samāgame //
by the mere hearing of which one is released from all sins. But when Dakṣa's sacrifice was under way and the gods had assembled,
AI translation rendered from the Sanskrit, not a published edition
BrP 109.4
दक्षेण दूषिते देवे शिवे शर्वे महेश्वरे अनाह्वाने सुरेशस्य दक्षचित्ते मलीमसे ॥
dakṣeṇa dūṣite deve śive śarve maheśvare anāhvāne sureśasya dakṣacitte malīmase //
when the god Śiva, Śarva, Maheśvara, was slighted by Dakṣa, when the lord of the gods was not invited, Dakṣa's mind being foul,
AI translation rendered from the Sanskrit, not a published edition
BrP 109.5
दाक्षायण्या श्रुते वाक्ये अनाह्वानस्य कारणे अहल्यायां चोक्तवत्यां कुपिताभूत् सुरेश्वरी ॥
dākṣāyaṇyā śrute vākye anāhvānasya kāraṇe ahalyāyāṃ coktavatyāṃ kupitābhūt sureśvarī //
when Dākṣāyaṇī heard the words about the reason for the non-invitation, and when Ahalyā had spoken (of it), the queen of the gods became angry.
AI translation rendered from the Sanskrit, not a published edition
BrP 109.6
पितरं नाशये पापं क्षमेयं न कथंचन शृण्वती दोषवाक्यानि पित्रा चोक्तानि भर्तरि ॥
pitaraṃ nāśaye pāpaṃ kṣameyaṃ na kathaṃcana śṛṇvatī doṣavākyāni pitrā coktāni bhartari //
"I shall destroy my sinful father; I shall not forgive him in any way" — (so she said,) hearing the words of blame spoken by her father against her husband.
AI translation rendered from the Sanskrit, not a published edition
BrP 109.7
पत्युः शृण्वन्ति या निन्दां तासां पापावधिः कुतः यादृशस् तादृशो वापि पतिः स्त्रीणां परा गतिः ॥
patyuḥ śṛṇvanti yā nindāṃ tāsāṃ pāpāvadhiḥ kutaḥ yādṛśas tādṛśo vāpi patiḥ strīṇāṃ parā gatiḥ //
For those women who listen to censure of their husband, how can there be any limit to their sin? Whatever sort he may be, the husband is the supreme recourse of women.
AI translation rendered from the Sanskrit, not a published edition
BrP 109.8
किं पुनः सकलाधीशो महादेवो जगद्गुरुः श्रुतं तन्निन्दनं तर्हि धारयामि न देहकम् ॥
kiṃ punaḥ sakalādhīśo mahādevo jagadguruḥ śrutaṃ tannindanaṃ tarhi dhārayāmi na dehakam //
How much more (when it is) the lord of all, Mahādeva, the teacher of the world! Since censure of him has been heard, I shall not keep this body.
AI translation rendered from the Sanskrit, not a published edition
BrP 109.9
तस्मात् त्यक्ष्य इमं देहम् इत्य् उक्त्वा सा महासती कोपेन महताविष्टा प्रजज्वाल सुरेश्वरी ॥
tasmāt tyakṣya imaṃ deham ity uktvā sā mahāsatī kopena mahatāviṣṭā prajajvāla sureśvarī //
"Therefore I shall abandon this body" — having said this, that great and faithful wife, the queen of the gods, seized by a great rage, blazed up.
AI translation rendered from the Sanskrit, not a published edition
BrP 109.10
शिवैकचेतना देहं बलाद् योगाच् च तत्यजे महेश्वरो ऽपि सकलं वृत्तम् आकर्ण्य नारदात् ॥
śivaikacetanā dehaṃ balād yogāc ca tatyaje maheśvaro 'pi sakalaṃ vṛttam ākarṇya nāradāt //
With her thought fixed on Śiva alone, she gave up her body by force and by yoga; and Maheśvara too, hearing the whole affair from Nārada,
AI translation rendered from the Sanskrit, not a published edition
BrP 109.11
दृष्ट्वा चुकोप पप्रच्छ जयां च विजयां तथा ते ऊचतुर् उभे देवं दक्षक्रतुविनाशनम् ॥
dṛṣṭvā cukopa papraccha jayāṃ ca vijayāṃ tathā te ūcatur ubhe devaṃ dakṣakratuvināśanam //
and seeing (it), grew angry and questioned Jayā and Vijayā; the two of them both told the god of the destruction of Dakṣa's sacrifice.
AI translation rendered from the Sanskrit, not a published edition — the model flagged this verse as uncertain
BrP 109.12
दाक्षायण्या इति श्रुत्वा मखं प्रायान् महेश्वरः भीमैर् गणैः परिवृतो भूतनाथैः समं ययौ ॥
dākṣāyaṇyā iti śrutvā makhaṃ prāyān maheśvaraḥ bhīmair gaṇaiḥ parivṛto bhūtanāthaiḥ samaṃ yayau //
Hearing (this) about Dākṣāyaṇī, Maheśvara set out for the sacrifice; surrounded by his terrible troops, he went along with the lords of the spirits.
AI translation rendered from the Sanskrit, not a published edition
BrP 109.13
मखस् तैर् वेष्टितः सर्वो देवब्रह्मपुरस्कृतः दक्षेण यजमानेन शुद्धभावेन रक्षितः ॥
makhas tair veṣṭitaḥ sarvo devabrahmapuraskṛtaḥ dakṣeṇa yajamānena śuddhabhāvena rakṣitaḥ //
The whole sacrifice was encircled by them — with the gods and Brahmā set in front, guarded by Dakṣa the sacrificer with pure intent,
AI translation rendered from the Sanskrit, not a published edition
BrP 109.14
वसिष्ठादिभिर् अत्युग्रैर् मुनिभिः परिवारितः इन्द्रादित्याद्यैर् वसुभिः सर्वतःपरिपालितः ॥
vasiṣṭhādibhir atyugrair munibhiḥ parivāritaḥ indrādityādyair vasubhiḥ sarvataḥparipālitaḥ //
encompassed by the exceedingly fierce sages headed by Vasiṣṭha, protected on all sides by Indra, the Ādityas and the rest, and the Vasus,
AI translation rendered from the Sanskrit, not a published edition
BrP 109.15
ऋग्यजुःसामवेदैश् च स्वाहाशब्दैर् अलंकृतः श्रद्धा पुष्टिस् तथा तुष्टिः शान्तिर् लज्जा सरस्वती ॥
ṛgyajuḥsāmavedaiś ca svāhāśabdair alaṃkṛtaḥ śraddhā puṣṭis tathā tuṣṭiḥ śāntir lajjā sarasvatī //
adorned with the Ṛg, Yajus and Sāma Vedas and with cries of "svāhā"; Śraddhā, Puṣṭi, and Tuṣṭi, Śānti, Lajjā, Sarasvatī,
AI translation rendered from the Sanskrit, not a published edition
BrP 109.16
भूमिर् द्यौः शर्वरी क्षान्तिर् उषा आशा जया मतिः एताभिश् च तथान्याभिः सर्वतः समलंकृतः ॥
bhūmir dyauḥ śarvarī kṣāntir uṣā āśā jayā matiḥ etābhiś ca tathānyābhiḥ sarvataḥ samalaṃkṛtaḥ //
Bhūmi, Dyaus, Śarvarī, Kṣānti, Uṣā, Āśā, Jayā, Mati — by these and by others too it was fully adorned on every side.
AI translation rendered from the Sanskrit, not a published edition
BrP 109.17
त्वष्ट्रा महात्मना चापि कारितो विश्वकर्मणा सुरभिर् नन्दिनी धेनुः कामधुक् कामदोहिनी ॥
tvaṣṭrā mahātmanā cāpi kārito viśvakarmaṇā surabhir nandinī dhenuḥ kāmadhuk kāmadohinī //
And by Tvaṣṭṛ, the great-souled Viśvakarman, there was made (there) Surabhi, Nandinī the cow, the wish-yielding one who is milked for desires.
AI translation rendered from the Sanskrit, not a published edition — the model flagged this verse as uncertain
BrP 109.18
एताभिः कामवर्षाभिः सर्वकामसमृद्धिमान् कल्पवृक्षः पारिजातो लताः कल्पलतादिकाः ॥
etābhiḥ kāmavarṣābhiḥ sarvakāmasamṛddhimān kalpavṛkṣaḥ pārijāto latāḥ kalpalatādikāḥ //
By these that rain down desires he was rich in the fullness of every wish: the wish-granting tree, the pārijāta, and creepers such as the wish-granting vines.
AI translation rendered from the Sanskrit, not a published edition — the model flagged this verse as uncertain
BrP 109.19
यद् यद् इष्टतमं किंचित् तत्र तस्मिन् मखे स्थितम् स्वयं मघवता पूष्णा हरिणा परिरक्षितः ॥
yad yad iṣṭatamaṃ kiṃcit tatra tasmin makhe sthitam svayaṃ maghavatā pūṣṇā hariṇā parirakṣitaḥ //
Whatever was most desirable, anything at all, was present there at that sacrifice; it was guarded on every side by Maghavan (Indra) himself, by Pūṣan and by Hari.
AI translation rendered from the Sanskrit, not a published edition
BrP 109.20
दीयतां भुज्यतां वापि क्रियतां स्थीयतां सुखम् एतैश् च सर्वतो वाक्यैर् दक्षस्य पूजितं मखम् ॥
dīyatāṃ bhujyatāṃ vāpi kriyatāṃ sthīyatāṃ sukham etaiś ca sarvato vākyair dakṣasya pūjitaṃ makham //
"Let it be given, let it be enjoyed, let it be done, let one stay at ease" — with such words on all sides Dakṣa's sacrifice was honoured.
AI translation rendered from the Sanskrit, not a published edition
BrP 109.21
आदौ तु वीरभद्रो ऽसौ भद्रकाल्या युतो ययौ शोककोपपरीतात्मा पश्चाच् छूलपिनाकधृक् ॥
ādau tu vīrabhadro 'sau bhadrakālyā yuto yayau śokakopaparītātmā paścāc chūlapinākadhṛk //
First that Vīrabhadra went forth, accompanied by Bhadrakālī, and afterwards the bearer of the trident and the Pināka bow, his mind overcome with grief and rage.
AI translation rendered from the Sanskrit, not a published edition
BrP 109.22
अभ्याययौ महादेवो महाभूतैर् अलंकृतः तानि भूतानि परितो मखे वेष्ट्य महेश्वरम् ॥
abhyāyayau mahādevo mahābhūtair alaṃkṛtaḥ tāni bhūtāni parito makhe veṣṭya maheśvaram //
Mahādeva came on, adorned with (attended by) the great beings; and those beings, encircling Maheśvara on all sides at the sacrifice—
AI translation rendered from the Sanskrit, not a published edition — the model flagged this verse as uncertain
BrP 109.23
क्रतुं विध्वंसयाम् आसुस् तत्र क्षोभो महान् अभूत् पलायन्त ततः केचित् केचिद् गत्वा ततः शिवम् ॥
kratuṃ vidhvaṃsayām āsus tatra kṣobho mahān abhūt palāyanta tataḥ kecit kecid gatvā tataḥ śivam //
—they destroyed the rite; there arose a great commotion. Then some fled, and some, going from there, (approached) Śiva.
AI translation rendered from the Sanskrit, not a published edition
BrP 109.24
केचित् स्तुवन्ति देवेशं केचित् कुप्यन्ति शंकरम् एवं विध्वंसितं यज्ञं दृष्ट्वा पूषा समभ्यगात् ॥
kecit stuvanti deveśaṃ kecit kupyanti śaṃkaram evaṃ vidhvaṃsitaṃ yajñaṃ dṛṣṭvā pūṣā samabhyagāt //
Some praise the lord of the gods, some are enraged at Śaṃkara. Seeing the sacrifice thus destroyed, Pūṣan came forward.
AI translation rendered from the Sanskrit, not a published edition
BrP 109.25
पूष्णो दन्तान् अथोत्पाट्य इन्द्रं व्यद्रावयत् क्षणात् भगस्य चक्षुषी विप्र वीरभद्रो व्यपाटयत् ॥
pūṣṇo dantān athotpāṭya indraṃ vyadrāvayat kṣaṇāt bhagasya cakṣuṣī vipra vīrabhadro vyapāṭayat //
Then, having torn out Pūṣan's teeth, he put Indra to flight in an instant; and, O brahmin, Vīrabhadra tore out Bhaga's eyes.
AI translation rendered from the Sanskrit, not a published edition
BrP 109.26
दिवाकरं पुनर् दोर्भ्यां परिभ्राम्य समाक्षिपत् ततः सुरगणाः सर्वे विष्णुं ते शरणं ययुः ॥
divākaraṃ punar dorbhyāṃ paribhrāmya samākṣipat tataḥ suragaṇāḥ sarve viṣṇuṃ te śaraṇaṃ yayuḥ //
Again, whirling the sun about with his two arms, he flung him down. Then all the hosts of gods went to Viṣṇu for refuge.
AI translation rendered from the Sanskrit, not a published edition
BrP 109.27
त्राहि त्राहि गदापाणे भूतनाथकृताद् भयात् महेश्वरगणः कश्चित् प्रमथानां तु नायकः तेन दग्धो मखः सर्वो वैष्णवः पश्यतो हरेः ॥
trāhi trāhi gadāpāṇe bhūtanāthakṛtād bhayāt maheśvaragaṇaḥ kaścit pramathānāṃ tu nāyakaḥ tena dagdho makhaḥ sarvo vaiṣṇavaḥ paśyato hareḥ //
"Save us, save us, O club-bearer, from the danger caused by the lord of the beings!" A certain attendant of Maheśvara, a leader of the Pramathas — by him the whole Vaiṣṇava sacrifice was burnt while Hari looked on.
AI translation rendered from the Sanskrit, not a published edition
BrP 109.28
हरिणा चक्रम् उत्सृष्टं भूतनाथवधं प्रति भूतनाथो ऽपि तच् चक्रम् आपतच् च तदाग्रसत् ॥
hariṇā cakram utsṛṣṭaṃ bhūtanāthavadhaṃ prati bhūtanātho 'pi tac cakram āpatac ca tadāgrasat //
The discus was hurled by Hari at the slaying of the lord of the beings; but the lord of the beings swallowed that discus as it came flying.
AI translation rendered from the Sanskrit, not a published edition
BrP 109.29
ग्रस्ते चक्रे ततो विष्णोर् लोकपाला भयाद् ययुः तथा स्थितान् अवेक्ष्याथ दक्षो यज्ञं सुरान् अपि तुष्टाव शंकरं देवं दक्षो भक्त्या प्रजापतिः ॥
graste cakre tato viṣṇor lokapālā bhayād yayuḥ tathā sthitān avekṣyātha dakṣo yajñaṃ surān api tuṣṭāva śaṃkaraṃ devaṃ dakṣo bhaktyā prajāpatiḥ //
When Viṣṇu's discus had been swallowed, the world-guardians fled in fear. Then, seeing the sacrifice and the gods in such a state, Dakṣa the Prajāpati praised the god Śaṃkara with devotion.
AI translation rendered from the Sanskrit, not a published edition
BrP 109.30
जय शंकर सोमेश जय सर्वज्ञ शंभवे जय कल्याणभृच् छंभो जय कालात्मने नमः ॥
jaya śaṃkara someśa jaya sarvajña śaṃbhave jaya kalyāṇabhṛc chaṃbho jaya kālātmane namaḥ //
Hail, Śaṃkara, lord of Soma! Hail, all-knowing one, to Śambhu! Hail, bearer of welfare, Śambhu! Hail! Homage to him whose self is Time.
AI translation rendered from the Sanskrit, not a published edition
BrP 109.31
आदिकर्तर् नमस् ते ऽस्तु नीलकण्ठ नमो ऽस्तु ते ब्रह्मप्रिय नमस् ते ऽस्तु ब्रह्मरूप नमो ऽस्तु ते ॥
ādikartar namas te 'stu nīlakaṇṭha namo 'stu te brahmapriya namas te 'stu brahmarūpa namo 'stu te //
O primal maker, homage be to you; O blue-throated one, homage to you; O lover of the brahman (or: of brahmins), homage be to you; O one whose form is brahman, homage to you.
AI translation rendered from the Sanskrit, not a published edition
BrP 109.32
त्रिमूर्तये नमो देव त्रिधाम परमेश्वर सर्वमूर्ते नमस् ते ऽस्तु त्रैलोक्याधार कामद ॥
trimūrtaye namo deva tridhāma parameśvara sarvamūrte namas te 'stu trailokyādhāra kāmada //
Homage to the one of three forms, O god; O supreme lord of the three abodes; homage be to you whose form is all, O support of the three worlds, O granter of desires.
AI translation rendered from the Sanskrit, not a published edition
BrP 109.33
नमो वेदान्तवेद्याय नमस् ते परमात्मने यज्ञरूप नमस् ते ऽस्तु यज्ञधाम नमो ऽस्तु ते ॥
namo vedāntavedyāya namas te paramātmane yajñarūpa namas te 'stu yajñadhāma namo 'stu te //
Homage to him who is to be known through the Vedānta; homage to you, the supreme Self; homage be to you whose form is the sacrifice; homage be to you, the abode of sacrifice.
AI translation rendered from the Sanskrit, not a published edition
BrP 109.34
यज्ञदान नमस् ते ऽस्तु हव्यवाह नमो ऽस्तु ते यज्ञहर्त्रे नमस् ते ऽस्तु फलदाय नमो ऽस्तु ते ॥
yajñadāna namas te 'stu havyavāha namo 'stu te yajñahartre namas te 'stu phaladāya namo 'stu te //
O giver of the sacrifice, homage be to you; O bearer of the oblation, homage be to you; homage be to the destroyer of the sacrifice; homage be to the giver of fruit.
AI translation rendered from the Sanskrit, not a published edition
BrP 109.35
त्राहि त्राहि जगन्नाथ शरणागतवत्सल भक्तानाम् अप्य् अभक्तानां त्वम् एव शरणं प्रभो ॥
trāhi trāhi jagannātha śaraṇāgatavatsala bhaktānām apy abhaktānāṃ tvam eva śaraṇaṃ prabho //
Save (me), save (me), O lord of the world, tender to those who come for refuge! For devotees and non-devotees alike you alone are the refuge, O master.
AI translation rendered from the Sanskrit, not a published edition
BrP 109.36
एवं तु स्तुवतस् तस्य प्रसन्नो ऽभून् महेश्वरः किं ददामीति तं प्राह क्रतुः पूर्णो ऽस्तु मे प्रभो ॥
evaṃ tu stuvatas tasya prasanno 'bhūn maheśvaraḥ kiṃ dadāmīti taṃ prāha kratuḥ pūrṇo 'stu me prabho //
As he praised (him) thus, Maheśvara became pleased and said to him, "What shall I give?" — "Let my rite be completed, O lord."
AI translation rendered from the Sanskrit, not a published edition
BrP 109.37
तथेत्य् उवाच भगवान् देवदेवो महेश्वरः शंकरः सर्वभूतात्मा करुणावरुणालयः ॥
tathety uvāca bhagavān devadevo maheśvaraḥ śaṃkaraḥ sarvabhūtātmā karuṇāvaruṇālayaḥ //
"So be it," said the Lord, the god of gods, Maheśvara, Śaṃkara, the self of all beings, the ocean of compassion.
AI translation rendered from the Sanskrit, not a published edition
BrP 109.38
क्रतुं कृत्वा ततः पूर्णं तस्य दक्षस्य वै मुने एवम् उक्त्वा स भगवान् भूतैर् अन्तरधीयत ॥
kratuṃ kṛtvā tataḥ pūrṇaṃ tasya dakṣasya vai mune evam uktvā sa bhagavān bhūtair antaradhīyata //
Having then made that sacrifice of Dakṣa complete, O sage, that Lord, after speaking thus, vanished together with (his) attendant beings.
AI translation rendered from the Sanskrit, not a published edition
BrP 109.39
यथागतं सुरा जग्मुः स्वम् एव सदनं प्रति ततः कदाचिद् देवानां दैत्यानां विग्रहो महान् ॥
yathāgataṃ surā jagmuḥ svam eva sadanaṃ prati tataḥ kadācid devānāṃ daityānāṃ vigraho mahān //
The gods went as they had come, each to his own abode. Then at some time there was a great conflict of the gods and the demons.
AI translation rendered from the Sanskrit, not a published edition
BrP 109.40
बभूव तत्र दैत्येभ्यो भीता देवाः श्रियः पतिम् तुष्टुवुः सर्वभावेन वचोभिस् तं जनार्दनम् ॥
babhūva tatra daityebhyo bhītā devāḥ śriyaḥ patim tuṣṭuvuḥ sarvabhāvena vacobhis taṃ janārdanam //
There the gods, afraid of the demons, praised the lord of Śrī, that Janārdana, with all their being, with words.
AI translation rendered from the Sanskrit, not a published edition
BrP 109.41
शक्रादयो ऽपि त्रिदशाः कटाक्षम् अवेक्ष्य यस्यास् तप आचरन्ति सा चापि यत्पादरता च लक्ष्मीस् तं ब्रह्मभूतं शरणं प्रपद्ये
śakrādayo 'pi tridaśāḥ kaṭākṣam avekṣya yasyās tapa ācaranti sā cāpi yatpādaratā ca lakṣmīs taṃ brahmabhūtaṃ śaraṇaṃ prapadye
Even Indra and the other thirty (gods) practise austerities looking for her sidelong glance, and she too, Lakṣmī, is devoted to his feet — to him, who has become brahman, I go for refuge.
AI translation rendered from the Sanskrit, not a published edition
BrP 109.42
यस्मात् त्रिलोक्यां न परः समानो न चाधिकस् तार्क्ष्यरथान् नृसिंहात् स देवदेवो ऽवतु नः समस्तान् महाभयेभ्यः कृपया प्रपन्नान्
yasmāt trilokyāṃ na paraḥ samāno na cādhikas tārkṣyarathān nṛsiṃhāt sa devadevo 'vatu naḥ samastān mahābhayebhyaḥ kṛpayā prapannān
Since in the three worlds there is none other equal, nor greater, than the man-lion whose chariot is Garuḍa — may that god of gods, out of compassion, protect us all who have taken refuge, from great fears.
AI translation rendered from the Sanskrit, not a published edition
BrP 109.43
ततः प्रसन्नो भगवाञ् शङ्खचक्रगदाधरः किमर्थम् आगताः सर्वे तत्कर्तास्मीत्य् उवाच तान् ॥
tataḥ prasanno bhagavāñ śaṅkhacakragadādharaḥ kimartham āgatāḥ sarve tatkartāsmīty uvāca tān //
Then the Lord, bearer of conch, discus and mace, being gracious, said to them: "For what purpose have you all come? I shall do it."
AI translation rendered from the Sanskrit, not a published edition
BrP 109.44
भयं च तीव्रं दैत्येभ्यो देवानां मधुसूदन ततस् त्राणाय देवानां मतिं कुरु जनार्दन ॥
bhayaṃ ca tīvraṃ daityebhyo devānāṃ madhusūdana tatas trāṇāya devānāṃ matiṃ kuru janārdana //
"And there is a keen fear of the demons for the gods, O slayer of Madhu; therefore set your mind upon the protection of the gods, O Janārdana."
AI translation rendered from the Sanskrit, not a published edition
BrP 109.46
तान् आगतान् हरिः प्राह ग्रस्तं चक्रं हरेण मे किं करोमि गतं चक्रं भवन्तश् चार्तिम् आगताः यान्तु सर्वे देवगणा रक्षा वः क्रियते मया ॥
tān āgatān hariḥ prāha grastaṃ cakraṃ hareṇa me kiṃ karomi gataṃ cakraṃ bhavantaś cārtim āgatāḥ yāntu sarve devagaṇā rakṣā vaḥ kriyate mayā //
To them who had come Hari said: "My discus has been swallowed by Hara. What can I do? The discus is gone, and you have come in distress. Let all the hosts of gods go; protection will be made for you by me."
AI translation rendered from the Sanskrit, not a published edition
BrP 109.47
ततो गतेषु देवेषु विष्णुश् चक्रार्थम् उद्यतः गोदावरीं ततो गत्वा शंभोः पूजां प्रचक्रमे ॥
tato gateṣu deveṣu viṣṇuś cakrārtham udyataḥ godāvarīṃ tato gatvā śaṃbhoḥ pūjāṃ pracakrame //
Then, when the gods had gone, Viṣṇu, intent on (recovering) the discus, went to the Godāvarī and began the worship of Śambhu.
AI translation rendered from the Sanskrit, not a published edition
BrP 109.48
सुवर्णकमलैर् दिव्यैः सुगन्धैर् दशभिः शतैः भक्तितो नित्यवत् पूजां चक्रे विष्णुर् उमापतेः ॥
suvarṇakamalair divyaiḥ sugandhair daśabhiḥ śataiḥ bhaktito nityavat pūjāṃ cakre viṣṇur umāpateḥ //
With a thousand divine, fragrant golden lotuses, Viṣṇu devotedly performed, as daily, the worship of Umā's lord.
AI translation rendered from the Sanskrit, not a published edition
BrP 109.49
एवं संपूज्यमाने तु तयोस् तत्त्वम् इदं शृणु कमलानां सहस्रे तु यदैकं नैव पूर्यते ॥
evaṃ saṃpūjyamāne tu tayos tattvam idaṃ śṛṇu kamalānāṃ sahasre tu yadaikaṃ naiva pūryate //
While (Śiva) was being thus worshipped, hear this truth about the two of them: when, of the thousand lotuses, one was not made up (i.e. was missing),
AI translation rendered from the Sanskrit, not a published edition
BrP 109.50
तदासुरारिः स्वं नेत्रम् उत्पाट्यार्घ्यम् अकल्पयत् अर्घ्यपात्रं करे गृह्य सहस्रकमलान्वितम् ध्यात्वा शंभुं ददाव् अर्घ्यम् अनन्यशरणो हरिः ॥
tadāsurāriḥ svaṃ netram utpāṭyārghyam akalpayat arghyapātraṃ kare gṛhya sahasrakamalānvitam dhyātvā śaṃbhuṃ dadāv arghyam ananyaśaraṇo hariḥ //
then the enemy of the demons, tearing out his own eye, made it into an offering; taking in his hand the offering-vessel together with the thousand lotuses, and meditating on Śambhu, Hari, having no other refuge, gave the offering.
AI translation rendered from the Sanskrit, not a published edition
BrP 109.51
त्वम् एव देव जानीषे भावम् अन्तर्गतं नृणाम् त्वम् एव शरणो ऽधीशो ऽत्र का भवेद् विचारणा ॥
tvam eva deva jānīṣe bhāvam antargataṃ nṛṇām tvam eva śaraṇo 'dhīśo 'tra kā bhaved vicāraṇā //
"You alone, O god, know the inward disposition of men; you alone are the refuge, the overlord — what deliberation could there be here?"
AI translation rendered from the Sanskrit, not a published edition
BrP 109.52
वदन्न् उदश्रुनयनो निलिल्ये ऽसाव् इतीश्वरे भवानीसहितः शंभुः पुरस्ताद् अभवत् तदा ॥
vadann udaśrunayano nililye 'sāv itīśvare bhavānīsahitaḥ śaṃbhuḥ purastād abhavat tadā //
Speaking thus with tear-filled eyes, he merged into the Lord; then Śambhu, together with Bhavānī, appeared before (him).
AI translation rendered from the Sanskrit, not a published edition
BrP 109.53
गाढम् आलिङ्ग्य विविधैर् वरैर् आपूरयद् धरिम् तद् एव चक्रम् अभवन् नेत्रं चापि यथा पुरा ॥
gāḍham āliṅgya vividhair varair āpūrayad dharim tad eva cakram abhavan netraṃ cāpi yathā purā //
Embracing (him) closely, (Śiva) filled Hari with manifold boons; and that very discus came to be, and the eye too, as before.
AI translation rendered from the Sanskrit, not a published edition
BrP 109.54
ततः सुरगणाः सर्वे तुष्टुवुर् हरिशंकरौ गङ्गां चापि सरिच्छ्रेष्ठां देवं च वृषभध्वजम् ॥
tataḥ suragaṇāḥ sarve tuṣṭuvur hariśaṃkarau gaṅgāṃ cāpi saricchreṣṭhāṃ devaṃ ca vṛṣabhadhvajam //
Then all the hosts of gods praised Hari and Śaṃkara, and also Gaṅgā, best of rivers, and the god whose banner is the bull.
AI translation rendered from the Sanskrit, not a published edition
BrP 109.55
ततः प्रभृति तत् तीर्थं चक्रतीर्थम् इति स्मृतम् यस्यानुश्रवणेनैव मुच्यते सर्वकिल्बिषैः ॥
tataḥ prabhṛti tat tīrthaṃ cakratīrtham iti smṛtam yasyānuśravaṇenaiva mucyate sarvakilbiṣaiḥ //
From then on that sacred place has been known as Cakratīrtha, by merely hearing of which one is freed from all sins.
AI translation rendered from the Sanskrit, not a published edition
BrP 109.56
तत्र स्नानं च दानं च यः कुर्यात् पितृतर्पणम् सर्वपापविनिर्मुक्तः पितृभिः स्वर्गभाग् भवेत् तत् तु चक्राङ्कितं तीर्थम् अद्यापि परिदृश्यते ॥
tatra snānaṃ ca dānaṃ ca yaḥ kuryāt pitṛtarpaṇam sarvapāpavinirmuktaḥ pitṛbhiḥ svargabhāg bhavet tat tu cakrāṅkitaṃ tīrtham adyāpi paridṛśyate //
Whoever performs bathing there, and giving, and the offering to the ancestors, becomes freed from all sins and, with his ancestors, a sharer of heaven; and that sacred place, marked with a discus, is seen even today.
AI translation rendered from the Sanskrit, not a published edition