Brahma Purana — Chapter 108
BrP 108.1
इलातीर्थम् इति ख्यातं सर्वसिद्धिकरं नृणाम् ब्रह्महत्यादिपापानां पावनं सर्वकामदम् ॥
ilātīrtham iti khyātaṃ sarvasiddhikaraṃ nṛṇām brahmahatyādipāpānāṃ pāvanaṃ sarvakāmadam //
It is known as Ilā's ford, granting all attainments to men, purifying (them) of sins such as brahmin-murder, bestowing every desire.
AI translation rendered from the Sanskrit, not a published edition
BrP 108.2
वैवस्वतान्वये जात इलो नाम जनेश्वरः महत्या सेनया सार्धं जगाम मृगयावनम् ॥
vaivasvatānvaye jāta ilo nāma janeśvaraḥ mahatyā senayā sārdhaṃ jagāma mṛgayāvanam //
A lord of men named Ila, born in the line of Vivasvat's son, went with a great army to the forest for the hunt.
AI translation rendered from the Sanskrit, not a published edition
BrP 108.3
परिबभ्राम गहनं बहुव्यालसमाकुलम् नानाकारद्विजयुतं विटपैः परिशोभितम् ॥
paribabhrāma gahanaṃ bahuvyālasamākulam nānākāradvijayutaṃ viṭapaiḥ pariśobhitam //
He roamed about the thicket, crowded with many beasts of prey, filled with birds of various kinds, made lovely with branching trees.
AI translation rendered from the Sanskrit, not a published edition
BrP 108.4
वनेचरं नृपश्रेष्ठो मृगयागतमानसः तत्रैव मतिम् आधत्त इलो ऽमात्यान् अथाब्रवीत् ॥
vanecaraṃ nṛpaśreṣṭho mṛgayāgatamānasaḥ tatraiva matim ādhatta ilo 'mātyān athābravīt //
The best of kings, his mind set on hunting, fixed his thought on that very forest-dwelling (place), and then Ila spoke to his ministers:
AI translation rendered from the Sanskrit, not a published edition
BrP 108.5
गच्छन्तु नगरं सर्वे मम पुत्रेण पालितम् देशं कोशं बलं राज्यं पालयन्तु पुनश् च तम् ॥
gacchantu nagaraṃ sarve mama putreṇa pālitam deśaṃ kośaṃ balaṃ rājyaṃ pālayantu punaś ca tam //
"Let them all go to the city that is guarded by my son; let them protect the land, the treasury, the army, the kingdom, and him too."
AI translation rendered from the Sanskrit, not a published edition
BrP 108.6
वसिष्ठो ऽपि तथा यातु आदायाग्नीन् पितेव नः पत्नीभिः सहितो धीमान् अरण्ये ऽहं वसाम्य् अथ ॥
vasiṣṭho 'pi tathā yātu ādāyāgnīn piteva naḥ patnībhiḥ sahito dhīmān araṇye 'haṃ vasāmy atha //
"Let Vasiṣṭha too go likewise, taking the (sacred) fires, like a father to us, the wise one, together with the wives; and I shall dwell in the forest."
AI translation rendered from the Sanskrit, not a published edition
BrP 108.7
अरण्यभोगभुग्भिश् च वाजिवारणमानुषैः मृगयाशीलिभिः कैश्चिद् यान्तु सर्व इतः पुरीम् ॥
araṇyabhogabhugbhiś ca vājivāraṇamānuṣaiḥ mṛgayāśīlibhiḥ kaiścid yāntu sarva itaḥ purīm //
"Except for some who live off the forest's yield — with horses, elephants, and men, given to hunting — let all go from here to the city."
AI translation rendered from the Sanskrit, not a published edition — the model flagged this verse as uncertain
BrP 108.8
तथेत्य् उक्त्वा ययुस् ते ऽपि स्वयं प्रायाच् छनैर् गिरिम् हिमवन्तं रत्नमयं वसंस् तत्र इलो नृपः ॥
tathety uktvā yayus te 'pi svayaṃ prāyāc chanair girim himavantaṃ ratnamayaṃ vasaṃs tatra ilo nṛpaḥ //
Saying "So be it," they went, and he himself proceeded slowly to the jewel-filled Himālaya mountain; king Ila dwelt there.
AI translation rendered from the Sanskrit, not a published edition
BrP 108.9
ददर्श कन्दरं तत्र नानारत्नविचित्रितम् तत्र यक्षेश्वरः कश्चित् समन्युर् इति विश्रुतः ॥
dadarśa kandaraṃ tatra nānāratnavicitritam tatra yakṣeśvaraḥ kaścit samanyur iti viśrutaḥ //
There he saw a cave variegated with many jewels; there was a certain lord of yakṣas renowned as Samanyu.
AI translation rendered from the Sanskrit, not a published edition
BrP 108.10
तस्य भार्या समानाम्नी भर्तृव्रतपरायणा तस्मिन् वसत्य् असौ यक्षो रमणीये नगोत्तमे ॥
tasya bhāryā samānāmnī bhartṛvrataparāyaṇā tasmin vasaty asau yakṣo ramaṇīye nagottame //
His wife bore the same name and was devoted to the vow (of fidelity) to her husband; that yakṣa dwells in that delightful best of mountains.
AI translation rendered from the Sanskrit, not a published edition
BrP 108.11
मृगरूपेण व्यचरद् भार्यया स महामतिः स्वेच्छया स्ववने यक्षः क्रीडते नृत्यगीतकैः ॥
mṛgarūpeṇa vyacarad bhāryayā sa mahāmatiḥ svecchayā svavane yakṣaḥ krīḍate nṛtyagītakaiḥ //
That great-minded one roamed in the form of a deer with his wife; at his pleasure the yakṣa sports in his own wood with dances and songs.
AI translation rendered from the Sanskrit, not a published edition
BrP 108.12
इत्थं स यक्षो जानाति मृगरूपधरो ऽपि च इलस् तु तं न जानाति कन्दरं यक्षपालितम् ॥
itthaṃ sa yakṣo jānāti mṛgarūpadharo 'pi ca ilas tu taṃ na jānāti kandaraṃ yakṣapālitam //
Thus the yakṣa knows (what happens), even while wearing the deer's form; but Ila does not know that cave to be guarded by a yakṣa.
AI translation rendered from the Sanskrit, not a published edition
BrP 108.13
यक्षस्य गेहं विपुलं नानारत्नविचित्रितम् तत्रोपविष्टो नृपतिर् महत्या सेनया वृतः ॥
yakṣasya gehaṃ vipulaṃ nānāratnavicitritam tatropaviṣṭo nṛpatir mahatyā senayā vṛtaḥ //
The yakṣa's house was spacious, variegated with many jewels; the king, surrounded by his great army, took his seat there.
AI translation rendered from the Sanskrit, not a published edition
BrP 108.14
वासं चक्रे स तत्रैव गेहे यक्षस्य धीमतः स यक्षो ऽधर्मकोपेन भार्यया मृगरूपधृक् ॥
vāsaṃ cakre sa tatraiva gehe yakṣasya dhīmataḥ sa yakṣo 'dharmakopena bhāryayā mṛgarūpadhṛk //
He made his dwelling right there, in the house of the wise yakṣa; that yakṣa, out of anger at the wrong, was wearing the deer's form with his wife.
AI translation rendered from the Sanskrit, not a published edition
BrP 108.15
इलं जेतुं न शक्नोमि याचितो न ददाति च हृतं गेहं ममानेन किं करोमीत्य् अचिन्तयत् ॥
ilaṃ jetuṃ na śaknomi yācito na dadāti ca hṛtaṃ gehaṃ mamānena kiṃ karomīty acintayat //
"I cannot defeat Ila, and when asked he does not give (it) up; my house has been seized by him — what shall I do?" — so he thought.
AI translation rendered from the Sanskrit, not a published edition
BrP 108.16
युधि मत्तं कथं हन्यां चेति स्थित्वा स यक्षराट् आत्मीयान् प्रेषयाम् आस यक्षाञ् शूरान् धनुर्धरान् ॥
yudhi mattaṃ kathaṃ hanyāṃ ceti sthitvā sa yakṣarāṭ ātmīyān preṣayām āsa yakṣāñ śūrān dhanurdharān //
"And how could I kill one intoxicated in battle?" — so remaining, that king of yakṣas sent his own yakṣas, heroes bearing bows:
AI translation rendered from the Sanskrit, not a published edition
BrP 108.17
युद्धे जित्वा च राजानम् इलम् उद्धतदन्तिनम् गृहाद् यथान्यतो याति मम तत् कर्तुम् अर्हथ ॥
yuddhe jitvā ca rājānam ilam uddhatadantinam gṛhād yathānyato yāti mama tat kartum arhatha //
"Having conquered in battle king Ila, whose elephants are arrogant, you should so act for me that he goes elsewhere from the house."
AI translation rendered from the Sanskrit, not a published edition
BrP 108.18
यक्षेश्वरस्य तद् वाक्याद् यक्षास् ते युद्धदुर्मदाः इलं गत्वाब्रुवन् सर्वे निर्गच्छास्माद् गुहालयात् ॥
yakṣeśvarasya tad vākyād yakṣās te yuddhadurmadāḥ ilaṃ gatvābruvan sarve nirgacchāsmād guhālayāt //
At that word of the lord of yakṣas, those yakṣas, wild with battle-lust, all went to Ila and said: "Get out of this cave-dwelling!"
AI translation rendered from the Sanskrit, not a published edition
BrP 108.19
न चेद् युद्धात् परिभ्रष्टः पलाय्य क्व गमिष्यसि तद् यक्षवचनात् कोपाद् युद्धं चक्रे स राजराट् ॥
na ced yuddhāt paribhraṣṭaḥ palāyya kva gamiṣyasi tad yakṣavacanāt kopād yuddhaṃ cakre sa rājarāṭ //
"If not, fallen from the fight, where will you flee and go?" At that speech of the yakṣas, that king of kings gave battle in anger.
AI translation rendered from the Sanskrit, not a published edition
BrP 108.20
जित्वा यक्षान् बहुविधान् उवास दश शर्वरीः यक्षेश्वरो मृगो भूत्वा भार्ययापि वने वसन् ॥
jitvā yakṣān bahuvidhān uvāsa daśa śarvarīḥ yakṣeśvaro mṛgo bhūtvā bhāryayāpi vane vasan //
Having conquered yakṣas of many kinds, he dwelt (there) ten nights, the lord of the yakṣas, who had become a deer and was living in the forest together with his wife.
AI translation rendered from the Sanskrit, not a published edition
BrP 108.21
हृतगेहो वनं प्राप्तो हृतभृत्यः स यक्षिणीम् प्राह चिन्तापरो भूत्वा मृगीरूपधरां प्रियाम् ॥
hṛtageho vanaṃ prāpto hṛtabhṛtyaḥ sa yakṣiṇīm prāha cintāparo bhūtvā mṛgīrūpadharāṃ priyām //
His house taken from him, his servants taken from him, he had come to the forest; becoming absorbed in worry, he spoke to the yakṣiṇī, his beloved, who wore the form of a doe.
AI translation rendered from the Sanskrit, not a published edition
BrP 108.22
राजा ऽयं दुर्मनाः कान्ते व्यसनासक्तमानसः कथम् आयाति विपदं तत्रोपायो विचिन्त्यताम् ॥
rājā 'yaṃ durmanāḥ kānte vyasanāsaktamānasaḥ katham āyāti vipadaṃ tatropāyo vicintyatām //
"This king is downcast, my dear, his mind fastened on the vice (of hunting). How may he come to disaster? Let a means for that be thought out."
AI translation rendered from the Sanskrit, not a published edition
BrP 108.23
पापर्द्धिव्यसनान्तानि राज्यान्य् अखिलभूभुजाम् प्रापयोमावनं सुभ्रूर् मृगी भूत्वा मनोहरा ॥
pāparddhivyasanāntāni rājyāny akhilabhūbhujām prāpayomāvanaṃ subhrūr mṛgī bhūtvā manoharā //
"The kingdoms of all rulers of the earth end in the vice of hunting. Bring (him) to Umā's grove, fair-browed one, becoming a charming doe."
AI translation rendered from the Sanskrit, not a published edition
BrP 108.24
प्रविशेत् तत्र राजायं स्त्री भविष्यत्य् असंशयम् करणीयं त्वया भद्रे न चैतद् युज्यते मम अहं तु पुरुषो येन त्वं पुनः स्त्री च यक्षिणी ॥
praviśet tatra rājāyaṃ strī bhaviṣyaty asaṃśayam karaṇīyaṃ tvayā bhadre na caitad yujyate mama ahaṃ tu puruṣo yena tvaṃ punaḥ strī ca yakṣiṇī //
"Should this king enter there, he will without doubt become a woman. This is to be done by you, good lady, and it is not fitting for me — for I am a man, whereas you again are a woman, and a yakṣiṇī."
AI translation rendered from the Sanskrit, not a published edition
BrP 108.25
कथं त्वया न गन्तव्यम् उमावनम् अनुत्तमम् गते ऽपि त्वयि को दोषस् तन् मे कथय तत्त्वतः ॥
kathaṃ tvayā na gantavyam umāvanam anuttamam gate 'pi tvayi ko doṣas tan me kathaya tattvataḥ //
"Why must you not go to that most excellent grove of Umā? And if you did go, what fault (would there be)? Tell me that truly."
AI translation rendered from the Sanskrit, not a published edition
BrP 108.26
हिमवत्पर्वतश्रेष्ठ उमया सहितः शिवः देवैर् गणैर् अनुवृतो विचचार यथासुखम् पार्वती शंकरं प्राह कदाचिद् रहसि स्थितम् ॥
himavatparvataśreṣṭha umayā sahitaḥ śivaḥ devair gaṇair anuvṛto vicacāra yathāsukham pārvatī śaṃkaraṃ prāha kadācid rahasi sthitam //
On Himavat, best of mountains, Śiva, together with Umā, attended by the gods and his hosts, roamed about as he pleased. Once Pārvatī spoke to Śaṃkara as he sat in a private place:
AI translation rendered from the Sanskrit, not a published edition
BrP 108.27
स्त्रीणाम् एष स्वभावो ऽस्ति रतं गोपायितं भवेत् तस्मान् मे नियतं देशम् आज्ञया रक्षितं तव ॥
strīṇām eṣa svabhāvo 'sti rataṃ gopāyitaṃ bhavet tasmān me niyataṃ deśam ājñayā rakṣitaṃ tava //
"This is the nature of women: that love-making should be kept concealed. Therefore let a region be fixed for me, guarded by your command."
AI translation rendered from the Sanskrit, not a published edition
BrP 108.28
देहि मे त्रिदशेशान उमावनम् इति श्रुतम् विना त्वया गणेशेन कार्त्तिकेयेन नन्दिना ॥
dehi me tridaśeśāna umāvanam iti śrutam vinā tvayā gaṇeśena kārttikeyena nandinā //
"Grant me, lord of the thirty (gods), the grove of Umā" — so it has been heard — "apart from you, Gaṇeśa, Kārttikeya and Nandin,
AI translation rendered from the Sanskrit, not a published edition
BrP 108.29
यस् त्व् अत्र प्रविशेन् नाथ स्त्रीत्वं तस्य भवेद् इति ॥
yas tv atra praviśen nātha strītvaṃ tasya bhaved iti //
whoever should enter here, my lord, let womanhood be his."
AI translation rendered from the Sanskrit, not a published edition
BrP 108.30
इत्य् आज्ञोमावने दत्ता प्रसन्नेनेन्दुमौलिना किं करोमि पुमान् कान्ते त्वया प्रणयनार्दितः तस्मान् मया न गन्तव्यम् उमाया वनम् उत्तमम् ॥
ity ājñomāvane dattā prasannenendumaulinā kiṃ karomi pumān kānte tvayā praṇayanārditaḥ tasmān mayā na gantavyam umāyā vanam uttamam //
Thus the command was given concerning Umā's grove by the pleased one who wears the moon on his crest. What can I do, my dear, being a man, tormented by your urging? Therefore I must not go to Umā's excellent grove.
AI translation rendered from the Sanskrit, not a published edition
BrP 108.31
तद् भर्तृवचनं श्रुत्वा यक्षिणी कामरूपिणी मृगी भूत्वा विशालाक्षी इलस्य पुरतो ऽभवत् ॥
tad bhartṛvacanaṃ śrutvā yakṣiṇī kāmarūpiṇī mṛgī bhūtvā viśālākṣī ilasya purato 'bhavat //
Having heard her husband's words, the yakṣiṇī who could take any form at will, the large-eyed one, became a doe and appeared before Ila.
AI translation rendered from the Sanskrit, not a published edition
BrP 108.32
यक्षस् तु संस्थितस् तत्र ददर्शेलो मृगीं तदा मृगयासक्तचित्तो वै मृगीं दृष्ट्वा विशेषतः ॥
yakṣas tu saṃsthitas tatra dadarśelo mṛgīṃ tadā mṛgayāsaktacitto vai mṛgīṃ dṛṣṭvā viśeṣataḥ //
The yakṣa, however, remained there; and then Ila saw the doe — his mind being fixed on hunting, and all the more so on seeing a doe.
AI translation rendered from the Sanskrit, not a published edition
BrP 108.33
एक एव हयारूढो निर्ययौ तां मृगीम् अनु साकर्षत शनैस् तं तु राजानं मृगयाकुलम् ॥
eka eva hayārūḍho niryayau tāṃ mṛgīm anu sākarṣata śanais taṃ tu rājānaṃ mṛgayākulam //
All alone, mounted on his horse, he rode out after that doe; and she slowly drew on that king, who was absorbed in the hunt.
AI translation rendered from the Sanskrit, not a published edition
BrP 108.34
शनैर् जगाम सा तत्र यद् उमावनम् उच्यते अदृश्या तु मृगी तस्मै दर्शयन्ती क्वचित् क्वचित् ॥
śanair jagāma sā tatra yad umāvanam ucyate adṛśyā tu mṛgī tasmai darśayantī kvacit kvacit //
Slowly she went to that place which is called Umā's grove; the doe, unseen (by him), yet showing herself to him here and there,
AI translation rendered from the Sanskrit, not a published edition
BrP 108.35
तिष्ठन्ती चैव गच्छन्ती धावन्ती च विभीतवत् हरिणी चपलाक्षी सा तम् आकर्षद् उमावनम् ॥
tiṣṭhantī caiva gacchantī dhāvantī ca vibhītavat hariṇī capalākṣī sā tam ākarṣad umāvanam //
now standing still, now moving off, now running as though frightened — that doe with restless eyes drew him to Umā's grove.
AI translation rendered from the Sanskrit, not a published edition
BrP 108.36
अनुप्राप्तो हयारूढस् तत् प्राप स उमावनम् उमावनं प्रविष्टं तं ज्ञात्वा सा यक्षिणी तदा ॥
anuprāpto hayārūḍhas tat prāpa sa umāvanam umāvanaṃ praviṣṭaṃ taṃ jñātvā sā yakṣiṇī tadā //
Following after, mounted on his horse, he reached that grove of Umā; and when she, the yakṣiṇī, knew that he had entered Umā's grove, then,
AI translation rendered from the Sanskrit, not a published edition
BrP 108.37
मृगीरूपं परित्यज्य यक्षिणी कामरूपिणी दिव्यरूपं समास्थाय चाशोकतरुसंनिधौ ॥
mṛgīrūpaṃ parityajya yakṣiṇī kāmarūpiṇī divyarūpaṃ samāsthāya cāśokatarusaṃnidhau //
abandoning the doe's form, the yakṣiṇī who could take any form at will assumed a divine form, close by an aśoka tree,
AI translation rendered from the Sanskrit, not a published edition
BrP 108.38
तच्छाखालम्बितकरा दिव्यगन्धानुलेपना दिव्यरूपधरा तन्वी कृतकार्या समा तदा ॥
tacchākhālambitakarā divyagandhānulepanā divyarūpadharā tanvī kṛtakāryā samā tadā //
her hand resting on a branch of it, anointed with divine perfumes, slender, wearing a divine form, her task accomplished — then, standing there,
AI translation rendered from the Sanskrit, not a published edition — the model flagged this verse as uncertain
BrP 108.39
हसन्ती नृपतिं प्रेक्ष्य श्रान्तं हयगतं तदा मृगीम् आलोकयन्तं तं चपलाक्षम् इलं तदा ॥
hasantī nṛpatiṃ prekṣya śrāntaṃ hayagataṃ tadā mṛgīm ālokayantaṃ taṃ capalākṣam ilaṃ tadā //
laughing as she looked at the king, weary, seated on his horse, that Ila of the restless eyes who was then gazing after the doe,
AI translation rendered from the Sanskrit, not a published edition
BrP 108.40
भर्तृवाक्यम् अशेषेण स्मरन्ती प्राह भूमिपम् ॥
bhartṛvākyam aśeṣeṇa smarantī prāha bhūmipam //
Remembering her husband's words entirely, she spoke to the king:
AI translation rendered from the Sanskrit, not a published edition
BrP 108.41
हयारूढाबला तन्वि क्व एकैव तु गच्छसि पुरुषस्य च वेषेण इले कम् अनुयास्यसि ॥
hayārūḍhābalā tanvi kva ekaiva tu gacchasi puruṣasya ca veṣeṇa ile kam anuyāsyasi //
"O slender woman mounted on a horse, where do you go, all alone? And in the guise of a man, Ilā, whom will you follow?"
AI translation rendered from the Sanskrit, not a published edition
BrP 108.42
इलेति वचनं श्रुत्वा राजासौ क्रोधमूर्छितः यक्षिणीं भर्त्सयित्वासौ ताम् अपृच्छन् मृगीं पुनः ॥
ileti vacanaṃ śrutvā rājāsau krodhamūrchitaḥ yakṣiṇīṃ bhartsayitvāsau tām apṛcchan mṛgīṃ punaḥ //
Hearing the word "Ilā" (in the feminine), that king, stupefied with anger, after rebuking the yakṣī, asked her, the doe, again.
AI translation rendered from the Sanskrit, not a published edition
BrP 108.43
तथापि यक्षिणी प्राह इले किम् अनुवीक्षसे इलेति वचनं श्रुत्वा धृतचापो हयस्थितः ॥
tathāpi yakṣiṇī prāha ile kim anuvīkṣase ileti vacanaṃ śrutvā dhṛtacāpo hayasthitaḥ //
Even so the yakṣī said: "Ilā, why do you keep looking (at me)?" Hearing the word "Ilā," (the king,) bow in hand, seated on his horse,
AI translation rendered from the Sanskrit, not a published edition
BrP 108.44
कुपितो दर्शयाम् आस त्रैलोक्यविजयी धनुः पुनः सा प्राह नृपतिं महात्मानम् इले स्वयम् ॥
kupito darśayām āsa trailokyavijayī dhanuḥ punaḥ sā prāha nṛpatiṃ mahātmānam ile svayam //
angered, displayed his bow that conquers the three worlds. Again she said to the king, the great-souled one: "Ilā, yourself—
AI translation rendered from the Sanskrit, not a published edition
BrP 108.45
प्रेक्षस्व पश्चान् मां ब्रूहि असत्यां सत्यवादिनीम् तदा चालोकयद् राजा स्तनौ तुङ्गौ भुजान्तरे ॥
prekṣasva paścān māṃ brūhi asatyāṃ satyavādinīm tadā cālokayad rājā stanau tuṅgau bhujāntare //
look at yourself, and then call me, the truth-speaker, a liar!" Then the king looked and saw high breasts upon his chest.
AI translation rendered from the Sanskrit, not a published edition
BrP 108.46
किम् इदं मम संजातम् इत्य् एवं चकितो ऽभवत् ॥
kim idaṃ mama saṃjātam ity evaṃ cakito 'bhavat //
"What is this that has happened to me?"—thus he became alarmed.
AI translation rendered from the Sanskrit, not a published edition
BrP 108.47
किम् इदं मम संजातं जानीते भवती स्फुटम् वद सर्वं यथातथ्यं त्वं का वा वद सुव्रते ॥
kim idaṃ mama saṃjātaṃ jānīte bhavatī sphuṭam vada sarvaṃ yathātathyaṃ tvaṃ kā vā vada suvrate //
"What is this that has happened to me? Does your ladyship know clearly? Tell it all as it truly is; and who are you? Tell (me), O you of good vows."
AI translation rendered from the Sanskrit, not a published edition
BrP 108.48
हिमवत्कन्दरश्रेष्ठे समन्युर् वसते पतिः यक्षाणाम् अधिपः श्रीमांस् तद्भार्याहं तु यक्षिणी ॥
himavatkandaraśreṣṭhe samanyur vasate patiḥ yakṣāṇām adhipaḥ śrīmāṃs tadbhāryāhaṃ tu yakṣiṇī //
"In the finest cave of the Himālaya dwells my husband, angry, the lord of the yakṣas, the illustrious one; and I am his wife, a yakṣī—
AI translation rendered from the Sanskrit, not a published edition
BrP 108.49
यत्कन्दरे भवान् राजा तूपविष्टः सुशीतले यस्य यक्षा हता मोहात् त्वया हि संगरं विना ॥
yatkandare bhavān rājā tūpaviṣṭaḥ suśītale yasya yakṣā hatā mohāt tvayā hi saṃgaraṃ vinā //
he in whose cave you, king, sat down, in that cool place, and whose yakṣas were killed by you out of delusion, without a battle.
AI translation rendered from the Sanskrit, not a published edition
BrP 108.50
ततो ऽहं निर्गमार्थं ते मृगी भूत्वा उमावनम् प्रविष्टा त्वं प्रविष्टो ऽसि पुरा प्राह महेश्वरः ॥
tato 'haṃ nirgamārthaṃ te mṛgī bhūtvā umāvanam praviṣṭā tvaṃ praviṣṭo 'si purā prāha maheśvaraḥ //
Then I, in order to get you out, became a doe and entered Umā's grove; you have entered it (too). Long ago Maheśvara declared:
AI translation rendered from the Sanskrit, not a published edition
BrP 108.51
यस् त्व् अत्र प्रविशेन् मन्दः पुमान् स्त्रीत्वम् अवाप्स्यति तस्मात् स्त्रीत्वम् अवाप्तो ऽसि न त्वं दुःखितुम् अर्हसि प्रौढो ऽपि को ऽत्र जानाति विचित्रभवितव्यताम् ॥
yas tv atra praviśen mandaḥ pumān strītvam avāpsyati tasmāt strītvam avāpto 'si na tvaṃ duḥkhitum arhasi prauḍho 'pi ko 'tra jānāti vicitrabhavitavyatām //
'Whatever foolish man should enter here shall obtain womanhood.' Therefore you have obtained womanhood; you ought not to grieve. Even one full-grown—who here knows the strangeness of what is destined to be?"
AI translation rendered from the Sanskrit, not a published edition
BrP 108.52
यक्षिणीवचनं श्रुत्वा हयारूढस् तदापतत् तम् आश्वास्य पुनः सैव यक्षिणी वाक्यम् अब्रवीत् ॥
yakṣiṇīvacanaṃ śrutvā hayārūḍhas tadāpatat tam āśvāsya punaḥ saiva yakṣiṇī vākyam abravīt //
Hearing the yakṣī's words, he who was mounted on the horse fell down then. Reviving him, that same yakṣī again spoke these words:
AI translation rendered from the Sanskrit, not a published edition
BrP 108.53
स्त्रीत्वं जातं जातम् एव न पुंस्त्वं कर्तुम् अर्हसि गृहाण विद्यां स्त्रीयोग्यां नृत्यं गीतम् अलंकृतिम् स्त्रीलालित्यं स्त्रीविलासं स्त्रीकृत्यं सर्वम् एव तत् ॥
strītvaṃ jātaṃ jātam eva na puṃstvaṃ kartum arhasi gṛhāṇa vidyāṃ strīyogyāṃ nṛtyaṃ gītam alaṃkṛtim strīlālityaṃ strīvilāsaṃ strīkṛtyaṃ sarvam eva tat //
"Womanhood has come about; it has simply come about—you cannot make it manhood. Take up the knowledge fit for a woman: dance, song, adornment, a woman's grace, a woman's coquetry, a woman's duties—all of that."
AI translation rendered from the Sanskrit, not a published edition
BrP 108.54
इला सर्वम् अथावाप्य यक्षिणीं वाक्यम् अब्रवीत् ॥
ilā sarvam athāvāpya yakṣiṇīṃ vākyam abravīt //
Then Ilā, having acquired it all, spoke these words to the yakṣī:
AI translation rendered from the Sanskrit, not a published edition
BrP 108.55
को वा भर्ता किं तु कृत्यं पुनः पुंस्त्वं कथं भवेत् एतद् वदस्व कल्याणी दुःखार्ताया विशेषतः आर्तानाम् आर्तिशमनाच् छ्रेयो नाभ्यधिकं क्वचित् ॥
ko vā bhartā kiṃ tu kṛtyaṃ punaḥ puṃstvaṃ kathaṃ bhavet etad vadasva kalyāṇī duḥkhārtāyā viśeṣataḥ ārtānām ārtiśamanāc chreyo nābhyadhikaṃ kvacit //
"Who then is (to be my) husband, and what is (my) duty, and how may manhood come again? Tell this, O auspicious one, especially to one afflicted with sorrow. For the afflicted there is nowhere any good greater than the quelling of affliction."
AI translation rendered from the Sanskrit, not a published edition
BrP 108.56
बुधः सोमसुतो नाम वनाद् अस्माच् च पूर्वतः आश्रमस् तस्य सुभगे पितरं नित्यम् एष्यति ॥
budhaḥ somasuto nāma vanād asmāc ca pūrvataḥ āśramas tasya subhage pitaraṃ nityam eṣyati //
"There is one named Budha, the son of Soma; his hermitage is to the east of this forest, O fair one, and he goes constantly to his father.
AI translation rendered from the Sanskrit, not a published edition
BrP 108.57
अनेनैव पथा सोमं पितरं स बुधो ग्रहः द्रष्टुं याति ततो नित्यं नमस्कर्तुं तथैव च ॥
anenaiva pathā somaṃ pitaraṃ sa budho grahaḥ draṣṭuṃ yāti tato nityaṃ namaskartuṃ tathaiva ca //
By this very path that Budha, the planet, goes regularly to see his father Soma, and likewise to make obeisance (to him).
AI translation rendered from the Sanskrit, not a published edition
BrP 108.58
यदा याति बुधः शान्तस् तदात्मानं च दर्शय तं दृष्ट्वा त्वं तु सुभगे सर्वकामान् अवाप्स्यसि ॥
yadā yāti budhaḥ śāntas tadātmānaṃ ca darśaya taṃ dṛṣṭvā tvaṃ tu subhage sarvakāmān avāpsyasi //
When the tranquil Budha goes (by), then show yourself; and having seen him, O fair one, you will obtain all your desires."
AI translation rendered from the Sanskrit, not a published edition
BrP 108.59
ताम् आश्वास्य ततः सुभ्रूर् यक्षिण्य् अन्तरधीयत यक्षिणी सा तम् आचष्ट यक्षो ऽपि सुखम् आप्तवान् ॥
tām āśvāsya tataḥ subhrūr yakṣiṇy antaradhīyata yakṣiṇī sā tam ācaṣṭa yakṣo 'pi sukham āptavān //
Then, having consoled her, the fair-browed yakṣī vanished. That yakṣī reported it to him (her husband), and the yakṣa too obtained satisfaction.
AI translation rendered from the Sanskrit, not a published edition
BrP 108.60
इलसैन्यं च तत्रासीत् तद् गतं च यथासुखम् उमावनस्थिता चेला गायन्ती नृत्यती पुनः ॥
ilasainyaṃ ca tatrāsīt tad gataṃ ca yathāsukham umāvanasthitā celā gāyantī nṛtyatī punaḥ //
And Ilā's army was there, and it went off as it pleased; she remained in Umā's grove, singing and dancing again and again.
AI translation rendered from the Sanskrit, not a published edition — the model flagged this verse as uncertain
BrP 108.61
स्त्रीभावम् अनुचेष्टन्ती स्मरन्ती कर्मणो गतिम् कदाचित् क्रियमाणे तु इलया नृत्यकर्मणि ॥
strībhāvam anuceṣṭantī smarantī karmaṇo gatim kadācit kriyamāṇe tu ilayā nṛtyakarmaṇi //
Behaving in accordance with her womanhood, yet recalling the course of (her past) deeds — and once, while Ilā was engaged in dancing,
AI translation rendered from the Sanskrit, not a published edition
BrP 108.62
ताम् अपश्यद् बुधो धीमान् पितरं गन्तुम् उद्यतः इलां दृष्ट्वा गतिं त्यक्त्वा ताम् आगत्याब्रवीद् बुधः ॥
tām apaśyad budho dhīmān pitaraṃ gantum udyataḥ ilāṃ dṛṣṭvā gatiṃ tyaktvā tām āgatyābravīd budhaḥ //
the wise Budha, who was setting out to go to his father, saw her; and seeing Ilā, Budha abandoned his journey, came to her, and said:
AI translation rendered from the Sanskrit, not a published edition
BrP 108.63
भार्या भव मम स्वस्था सर्वाभ्यस् त्वं प्रिया भव ॥
bhāryā bhava mama svasthā sarvābhyas tvaṃ priyā bhava //
"Be my wife, be at ease; may you be dearer (to me) than all (women)."
AI translation rendered from the Sanskrit, not a published edition
BrP 108.64
बुधवाक्यम् इला भक्त्या त्व् अभिनन्द्य तथाकरोत् स्मृत्वा च यक्षिणीवाक्यं ततस् तुष्टाभवन् मुने ॥
budhavākyam ilā bhaktyā tv abhinandya tathākarot smṛtvā ca yakṣiṇīvākyaṃ tatas tuṣṭābhavan mune //
Ilā welcomed Budha's words with devotion and did accordingly; and recalling the Yakṣiṇī's words, she then became content, O sage.
AI translation rendered from the Sanskrit, not a published edition
BrP 108.65
बुधो रेमे तया प्रीत्या नीत्वा स्वस्थानम् उत्तमम् सा चापि सर्वभावेन तोषयाम् आस तं पतिम् ततो बहुतिथे काले बुधस् तुष्टो ऽवदत् प्रियाम् ॥
budho reme tayā prītyā nītvā svasthānam uttamam sā cāpi sarvabhāvena toṣayām āsa taṃ patim tato bahutithe kāle budhas tuṣṭo 'vadat priyām //
Budha took her to his own excellent abode and enjoyed himself with her in love; and she too pleased that husband with her whole being. Then, after a long time, Budha, being pleased, said to his beloved:
AI translation rendered from the Sanskrit, not a published edition
BrP 108.66
किं ते देयं मया भद्रे प्रियं यन् मनसि स्थितम् ॥
kiṃ te deyaṃ mayā bhadre priyaṃ yan manasi sthitam //
"What is to be given to you by me, good lady — whatever dear thing is in your mind?"
AI translation rendered from the Sanskrit, not a published edition
BrP 108.67
तद्वाक्यसमकालं तु पुत्रं देहीत्य् अभाषत इला बुधं सोमसुतं प्रीतिमन्तं प्रियं तथा ॥
tadvākyasamakālaṃ tu putraṃ dehīty abhāṣata ilā budhaṃ somasutaṃ prītimantaṃ priyaṃ tathā //
And at the very moment of those words, Ilā said, "Give (me) a son," to Budha, the son of Soma, who was affectionate and dear (to her).
AI translation rendered from the Sanskrit, not a published edition
BrP 108.68
अमोघम् एतन् मद्वीर्यं तथा प्रीतिसमुद्भवम् पुत्रस् ते भविता तस्मात् क्षत्रियो लोकविश्रुतः ॥
amogham etan madvīryaṃ tathā prītisamudbhavam putras te bhavitā tasmāt kṣatriyo lokaviśrutaḥ //
"This virile power of mine is not fruitless, and it arises from love; therefore you shall have a son, a Kṣatriya renowned in the world,
AI translation rendered from the Sanskrit, not a published edition
BrP 108.69
सोमवंशकरः श्रीमान् आदित्य इव तेजसा बुद्ध्या बृहस्पतिसमः क्षमया पृथिवीसमः ॥
somavaṃśakaraḥ śrīmān āditya iva tejasā buddhyā bṛhaspatisamaḥ kṣamayā pṛthivīsamaḥ //
a maker of the lunar dynasty, glorious, like the sun in splendour, equal to Bṛhaspati in intelligence, equal to the earth in patience,
AI translation rendered from the Sanskrit, not a published edition
BrP 108.70
वीर्येणाजौ हरिर् इव कोपेन हुतभुग् यथा ॥
vīryeṇājau harir iva kopena hutabhug yathā //
like Hari in valour in battle, and like the fire that receives oblations in wrath."
AI translation rendered from the Sanskrit, not a published edition
BrP 108.71
तस्मिन्न् उत्पद्यमाने तु बुधपुत्रे महात्मनि जयशब्दश् च सर्वत्र त्व् आसीच् च सुरवेश्मनि ॥
tasminn utpadyamāne tu budhaputre mahātmani jayaśabdaś ca sarvatra tv āsīc ca suraveśmani //
And when that great-souled son of Budha was being born, there was a cry of "Victory!" everywhere, and in the dwelling of the gods (as well).
AI translation rendered from the Sanskrit, not a published edition
BrP 108.72
बुधपुत्रे समुत्पन्ने तत्राजग्मुः सुरेश्वराः अहम् अप्य् आगमं तत्र मुदा युक्तो महामते ॥
budhaputre samutpanne tatrājagmuḥ sureśvarāḥ aham apy āgamaṃ tatra mudā yukto mahāmate //
When Budha's son was born, the lords of the gods came there; I too came there, filled with joy, O greatly wise one.
AI translation rendered from the Sanskrit, not a published edition
BrP 108.73
जातमात्रः सुतो रावम् अकरोत् स पृथुस्वरम् तेन सर्वे ऽप्य् अवोचन् वै संगता ऋषयः सुराः ॥
jātamātraḥ suto rāvam akarot sa pṛthusvaram tena sarve 'py avocan vai saṃgatā ṛṣayaḥ surāḥ //
As soon as he was born the son made a cry, with a mighty sound; because of that all the assembled sages and gods said:
AI translation rendered from the Sanskrit, not a published edition
BrP 108.74
यस्मात् पुरू रवो ऽस्येति तस्माद् एष पुरूरवाः स्याद् इत्य् एवं नाम चक्रुः सर्वे संतुष्टमानसाः ॥
yasmāt purū ravo 'syeti tasmād eṣa purūravāḥ syād ity evaṃ nāma cakruḥ sarve saṃtuṣṭamānasāḥ //
"Since his cry is loud (purū ravaḥ), therefore let him be Purūravas" — thus all, with contented minds, made his name.
AI translation rendered from the Sanskrit, not a published edition
BrP 108.75
बुधो ऽप्य् अध्यापयाम् आस क्षात्रविद्यां सुतं शुभाम् धनुर्वेदं सप्रयोगं बुधः प्रादात् तदात्मजे ॥
budho 'py adhyāpayām āsa kṣātravidyāṃ sutaṃ śubhām dhanurvedaṃ saprayogaṃ budhaḥ prādāt tadātmaje //
And Budha taught his son the auspicious science of the Kṣatriyas; Budha then gave his son the science of archery together with its practice.
AI translation rendered from the Sanskrit, not a published edition
BrP 108.76
स शीघ्रं वृद्धिम् अगमच् छुक्लपक्षे यथा शशी स मातरं दुःखयुतां समीक्ष्येलां महामतिः नमस्याथ विनीतात्मा इलाम् ऐलो ऽब्रवीद् इदम् ॥
sa śīghraṃ vṛddhim agamac chuklapakṣe yathā śaśī sa mātaraṃ duḥkhayutāṃ samīkṣyelāṃ mahāmatiḥ namasyātha vinītātmā ilām ailo 'bravīd idam //
He quickly grew, like the moon in the bright fortnight. Seeing his mother Ilā filled with sorrow, that greatly wise one, of disciplined self, then bowed and said this to Ilā, he, the son of Ilā:
AI translation rendered from the Sanskrit, not a published edition
BrP 108.77
बुधो मातर् मम पिता तव भर्ता प्रियस् तथा अहं च पुत्रः कर्मण्यः कस्मात् ते मानसो ज्वरः ॥
budho mātar mama pitā tava bhartā priyas tathā ahaṃ ca putraḥ karmaṇyaḥ kasmāt te mānaso jvaraḥ //
"Mother, Budha is my father and your dear husband, and I am your capable son: why then this fever of your mind?"
AI translation rendered from the Sanskrit, not a published edition
BrP 108.78
सत्यं पुत्र बुधो भर्ता त्वं च पुत्रो गुणाकरः भर्तृपुत्रकृता चिन्ता न ममास्ति कदाचन ॥
satyaṃ putra budho bhartā tvaṃ ca putro guṇākaraḥ bhartṛputrakṛtā cintā na mamāsti kadācana //
"It is true, my son, that Budha is my husband and that you are my son, a mine of virtues; I have no anxiety at all caused by husband or son.
AI translation rendered from the Sanskrit, not a published edition
BrP 108.79
तथापि पूर्वजं किंचिद् दुःखं स्मृत्वा पुनः पुनः चिन्तयेयं महाबुद्धे ततो मातरम् अब्रवीत् ॥
tathāpi pūrvajaṃ kiṃcid duḥkhaṃ smṛtvā punaḥ punaḥ cintayeyaṃ mahābuddhe tato mātaram abravīt //
Even so, recalling again and again a certain sorrow of an earlier birth, I brood, O greatly wise one." Then he said to his mother:
AI translation rendered from the Sanskrit, not a published edition
BrP 108.80
निवेदयस्व मे मातस् तद् एव प्रथमं मम ॥
nivedayasva me mātas tad eva prathamaṃ mama //
"Tell me that, mother — that very thing, first of all, for me."
AI translation rendered from the Sanskrit, not a published edition
BrP 108.81
इला चैनम् उवाचेदं रहोवाचं कथं वदे तथापि पुत्र ते वच्मि पित्रोः पुत्रो यतो गतिः मग्नानां दुःखपाथोब्धौ पुत्रः प्रवहणं परम् ॥
ilā cainam uvācedaṃ rahovācaṃ kathaṃ vade tathāpi putra te vacmi pitroḥ putro yato gatiḥ magnānāṃ duḥkhapāthobdhau putraḥ pravahaṇaṃ param //
And Ilā said this to him: "How am I to speak of a matter (to be kept) secret? Yet, son, I will tell you, since for parents the son is (their) refuge; for those sunk in the ocean of the waters of sorrow, a son is the best vessel."
AI translation rendered from the Sanskrit, not a published edition
BrP 108.82
तन् मातृवचनं श्रुत्वा विनीतः प्राह मातरम् पादयोः पतितश् चापि वद मातर् यथा तथा ॥
tan mātṛvacanaṃ śrutvā vinītaḥ prāha mātaram pādayoḥ patitaś cāpi vada mātar yathā tathā //
Hearing that speech of (his) mother, he humbly spoke to (his) mother, and having fallen at (her) feet (said): "Speak, mother, however it may be."
AI translation rendered from the Sanskrit, not a published edition
BrP 108.83
सा पुरूरवसं प्राह इक्ष्वाकूणां तथा कुलम् तत्रोत्पत्तिं स्वस्य नाम राज्यप्राप्तिं प्रियान् सुतान् ॥
sā purūravasaṃ prāha ikṣvākūṇāṃ tathā kulam tatrotpattiṃ svasya nāma rājyaprāptiṃ priyān sutān //
She told (him) of Purūravas, and likewise of the lineage of the Ikṣvākus, of her own birth there, her name, the obtaining of the kingdom, her dear sons,
AI translation rendered from the Sanskrit, not a published edition
BrP 108.84
पुरोधसं वसिष्ठं च प्रियां भार्यां स्वकं पदम् वननिर्याणम् एवाथ अमात्यानां पुरोधसः ॥
purodhasaṃ vasiṣṭhaṃ ca priyāṃ bhāryāṃ svakaṃ padam vananiryāṇam evātha amātyānāṃ purodhasaḥ //
and the household priest Vasiṣṭha, (her) dear wife, her own station, and then the departure to the forest, (and that) of the ministers and of the household priest,
AI translation rendered from the Sanskrit, not a published edition — the model flagged this verse as uncertain
BrP 108.85
प्रेषणं च नगर्यां तां मृगयासक्तिम् एव च हिमवत्कन्दरगतिं यक्षेश्वरगृहे गतिम् ॥
preṣaṇaṃ ca nagaryāṃ tāṃ mṛgayāsaktim eva ca himavatkandaragatiṃ yakṣeśvaragṛhe gatim //
and the sending (of them) to that city, and (her) attachment to the hunt, the going into a cave of the Himālaya, the going to the house of the lord of the Yakṣas,
AI translation rendered from the Sanskrit, not a published edition
BrP 108.86
उमावनप्रवेशं च स्त्रीत्वप्राप्तिम् अशेषतः महेश्वराज्ञया तत्र चाप्रवेशं नरस्य तु ॥
umāvanapraveśaṃ ca strītvaprāptim aśeṣataḥ maheśvarājñayā tatra cāpraveśaṃ narasya tu //
and the entering of Umā's grove, the obtaining of womanhood in full, and the non-admittance of a man there by the command of Maheśvara,
AI translation rendered from the Sanskrit, not a published edition
BrP 108.87
यक्षिणीवाक्यम् अप्य् अस्य वरदानं तथैव च बुधप्राप्तिं तथा प्रीतिं पुत्रोत्पत्त्याद्य् अशेषतः ॥
yakṣiṇīvākyam apy asya varadānaṃ tathaiva ca budhaprāptiṃ tathā prītiṃ putrotpattyādy aśeṣataḥ //
and also the Yakṣiṇī's words to her, and likewise the granting of the boon, the obtaining of Budha, and the love (between them), the birth of a son and the rest, entirely —
AI translation rendered from the Sanskrit, not a published edition
BrP 108.88
कथयाम् आस तत् सर्वं श्रुत्वा मातरम् अब्रवीत् पुरूरवाः किं करोमि किं कृत्वा सुकृतं भवेत् ॥
kathayām āsa tat sarvaṃ śrutvā mātaram abravīt purūravāḥ kiṃ karomi kiṃ kṛtvā sukṛtaṃ bhavet //
all that she related. Having heard (it), Purūravas said to (his) mother: "What am I to do? By doing what would good be done?
AI translation rendered from the Sanskrit, not a published edition
BrP 108.89
एतावता ते तृप्तिश् चेद् अलम् एतेन चाम्बिके यद् अप्य् अन्यन् मनोवर्ति तद् अप्य् आज्ञापयस्व मे ॥
etāvatā te tṛptiś ced alam etena cāmbike yad apy anyan manovarti tad apy ājñāpayasva me //
If this much is (enough for) your satisfaction, then enough of this, O mother; but if there is anything else that is in your mind, command me that too."
AI translation rendered from the Sanskrit, not a published edition
BrP 108.90
इच्छेयं पुंस्त्वम् उत्कृष्टम् इच्छेयं राज्यम् उत्तमम् अभिषेकं च पुत्राणां तव चापि विशेषतः ॥
iccheyaṃ puṃstvam utkṛṣṭam iccheyaṃ rājyam uttamam abhiṣekaṃ ca putrāṇāṃ tava cāpi viśeṣataḥ //
"I would wish for the highest manhood, I would wish for an excellent kingdom, and the consecration of (my) sons, and especially of you as well;
AI translation rendered from the Sanskrit, not a published edition
BrP 108.91
दानं दातुं च यष्टुं च मुक्तिमार्गस्य वीक्षणम् सर्वं च कर्तुम् इच्छामि तव पुत्र प्रसादतः ॥
dānaṃ dātuṃ ca yaṣṭuṃ ca muktimārgasya vīkṣaṇam sarvaṃ ca kartum icchāmi tava putra prasādataḥ //
and to give gifts and to sacrifice, and the beholding of the path of liberation — I wish to do everything, son, by your favour.
AI translation rendered from the Sanskrit, not a published edition
BrP 108.92
उपायं त्वा तु पृच्छामि येन पुंस्त्वम् अवाप्स्यसि तपसो वान्यतो वापि वदस्व मम तत्त्वतः ॥
upāyaṃ tvā tu pṛcchāmi yena puṃstvam avāpsyasi tapaso vānyato vāpi vadasva mama tattvataḥ //
But I ask you for the means by which you will obtain manhood — whether through ascetic practice or from something else: tell me truly."
AI translation rendered from the Sanskrit, not a published edition
BrP 108.93
बुधं त्वं पितरं पृच्छ गत्वा पुत्र यथार्थवत् स तु सर्वं तु जानाति उपदेक्ष्यति ते हितम् ॥
budhaṃ tvaṃ pitaraṃ pṛccha gatvā putra yathārthavat sa tu sarvaṃ tu jānāti upadekṣyati te hitam //
"Go, son, and ask (your) father Budha, as is fitting; for he knows everything, (and) he will instruct you in what is good for you."
AI translation rendered from the Sanskrit, not a published edition
BrP 108.94
तन्मातृवचनाद् ऐलो गत्वा पितरम् अञ्जसा उवाच प्रणतो भूत्वा मातुः कृत्यं तथात्मनः ॥
tanmātṛvacanād ailo gatvā pitaram añjasā uvāca praṇato bhūtvā mātuḥ kṛtyaṃ tathātmanaḥ //
At those words of (his) mother, Aila went straight to (his) father and, bowing down, told (him) of (his) mother's business and likewise of his own.
AI translation rendered from the Sanskrit, not a published edition
BrP 108.95
इलं जाने महाप्राज्ञ इलां जातां पुनस् तथा उमावनप्रवेशं च शंभोर् आज्ञां तथैव च ॥
ilaṃ jāne mahāprājña ilāṃ jātāṃ punas tathā umāvanapraveśaṃ ca śaṃbhor ājñāṃ tathaiva ca //
"I know Ila, O greatly wise one, and (that he) became Ilā again, and the entering of Umā's grove, and likewise the command of Śambhu.
AI translation rendered from the Sanskrit, not a published edition
BrP 108.96
तस्माच् छंभुप्रसादेन उमायाश् च प्रसादतः विशापो भविता पुत्र ताव् आराध्य न चान्यथा ॥
tasmāc chaṃbhuprasādena umāyāś ca prasādataḥ viśāpo bhavitā putra tāv ārādhya na cānyathā //
Therefore, by the grace of Śambhu and by the favour of Umā, the curse will be removed, son, (only) by propitiating those two, and not otherwise."
AI translation rendered from the Sanskrit, not a published edition
BrP 108.97
पश्येयं तं कथं देवं कथं वा मातरं शिवाम् तीर्थाद् वा तपसो वापि तत् पितः प्रथमं वद ॥
paśyeyaṃ taṃ kathaṃ devaṃ kathaṃ vā mātaraṃ śivām tīrthād vā tapaso vāpi tat pitaḥ prathamaṃ vada //
"How may I see that god, or how the mother Śivā? Whether from a sacred ford or from ascetic practice — tell me that first, father."
AI translation rendered from the Sanskrit, not a published edition
BrP 108.98
गौतमीं गच्छ पुत्र त्वं तत्रास्ते सर्वदा शिवः उमया सहितः श्रीमाञ् शापहन्ता वरप्रदः ॥
gautamīṃ gaccha putra tvaṃ tatrāste sarvadā śivaḥ umayā sahitaḥ śrīmāñ śāpahantā varapradaḥ //
"Go, son, to the Gautamī; there Śiva always dwells, glorious, together with Umā, destroyer of curses, giver of boons."
AI translation rendered from the Sanskrit, not a published edition
BrP 108.99
पुरूरवाः पितुर् वाक्यं श्रुत्वा तु मुदितो ऽभवत् गौतमीं तपसे धीमान् गङ्गां त्रैलोक्यपावनीम् ॥
purūravāḥ pitur vākyaṃ śrutvā tu mudito 'bhavat gautamīṃ tapase dhīmān gaṅgāṃ trailokyapāvanīm //
And Purūravas, having heard (his) father's words, became glad; the wise one (went) to the Gautamī for ascetic practice, to the Gaṅgā that purifies the three worlds,
AI translation rendered from the Sanskrit, not a published edition
BrP 108.100
पुंस्त्वम् इच्छंस् तथा मातुर् जगाम तपसे त्वरन् हिमवन्तं गिरिं नत्वा मातरं पितरं गुरुम् ॥
puṃstvam icchaṃs tathā mātur jagāma tapase tvaran himavantaṃ giriṃ natvā mātaraṃ pitaraṃ gurum //
Desiring manhood for his mother, he went hastening to (perform) austerity, having bowed to his mother, his father, and his teacher, (he went) to the Himavat mountain.
AI translation rendered from the Sanskrit, not a published edition
BrP 108.101
गच्छन्तम् अन्वगात् पुत्रम् इला सोमसुतस् तथा ते सर्वे गौतमीं प्राप्ता हिमवत्पर्वतोत्तमात् ॥
gacchantam anvagāt putram ilā somasutas tathā te sarve gautamīṃ prāptā himavatparvatottamāt //
Ilā and likewise Budha, the son of Soma, followed the son as he went; all of them reached the Gautamī (Godāvarī) from Himavat, best of mountains.
AI translation rendered from the Sanskrit, not a published edition
BrP 108.102
तत्र स्नात्वा तपः किंचित् कृत्वा चक्रुः स्तुतिं पराम् भवस्य देवदेवस्य स्तुतिक्रमम् इमं शृणु ॥
tatra snātvā tapaḥ kiṃcit kṛtvā cakruḥ stutiṃ parām bhavasya devadevasya stutikramam imaṃ śṛṇu //
Having bathed there and performed some austerity, they made a supreme hymn of praise to Bhava, the god of gods. Hear this sequence of praise.
AI translation rendered from the Sanskrit, not a published edition
BrP 108.103
बुधस् तुष्टाव प्रथमम् इला च तदनन्तरम् ततः पुरूरवाः पुत्रो गौरीं देवीं च शंकरम् ॥
budhas tuṣṭāva prathamam ilā ca tadanantaram tataḥ purūravāḥ putro gaurīṃ devīṃ ca śaṃkaram //
Budha praised first, and Ilā after that, then the son Purūravas (praised) the goddess Gaurī and Śaṃkara.
AI translation rendered from the Sanskrit, not a published edition
BrP 108.104
यौ कुङ्कुमेन स्वशरीरजेन स्वभावहेमप्रतिमौ सरूपौ याव् अर्चितौ स्कन्दगणेश्वराभ्यां तौ मे शरण्यौ शरणं भवेताम्
yau kuṅkumena svaśarīrajena svabhāvahemapratimau sarūpau yāv arcitau skandagaṇeśvarābhyāṃ tau me śaraṇyau śaraṇaṃ bhavetām
The two who, alike in form, images naturally of gold, were worshipped with saffron produced from their own bodies by Skanda and Gaṇeśvara — may those two, granters of refuge, be my refuge.
AI translation rendered from the Sanskrit, not a published edition — the model flagged this verse as uncertain
BrP 108.105
संसारतापत्रयदावदग्धाः शरीरिणो यौ परिचिन्तयन्तः सद्यः परां निर्वृतिम् आप्नुवन्ति तौ शंकरौ मे शरणं भवेताम्
saṃsāratāpatrayadāvadagdhāḥ śarīriṇo yau paricintayantaḥ sadyaḥ parāṃ nirvṛtim āpnuvanti tau śaṃkarau me śaraṇaṃ bhavetām
The two whom embodied beings, scorched by the forest-fire of the threefold heat of transmigration, contemplating, at once attain the highest cessation — may those two Śaṃkaras (Śiva and his consort) be my refuge.
AI translation rendered from the Sanskrit, not a published edition
BrP 108.106
आर्ता ह्य् अहं पीडितमानसा ते क्लेशादिगोप्ता न परो ऽस्ति कश्चित् देव त्वदीयौ चरणौ सुपुण्यौ तौ मे शरण्यौ शरणं भवेताम्
ārtā hy ahaṃ pīḍitamānasā te kleśādigoptā na paro 'sti kaścit deva tvadīyau caraṇau supuṇyau tau me śaraṇyau śaraṇaṃ bhavetām
For I am afflicted, my mind tormented; there is no other protector from your afflictions and the rest. O god, those two most holy feet of yours, granting refuge — may they be my refuge.
AI translation rendered from the Sanskrit, not a published edition — the model flagged this verse as uncertain
BrP 108.107
ययोः सकाशाद् इदम् अभ्युदैति प्रयाति चान्ते लयम् एव सर्वम् जगच्छरण्यौ जगदात्मकौ तु गौरीहरौ मे शरणं भवेताम्
yayoḥ sakāśād idam abhyudaiti prayāti cānte layam eva sarvam jagaccharaṇyau jagadātmakau tu gaurīharau me śaraṇaṃ bhavetām
From whose presence all this arises and at the end goes to dissolution — Gaurī and Hara, the refuge of the world and the very self of the world, may they be my refuge.
AI translation rendered from the Sanskrit, not a published edition
BrP 108.108
यौ देववृन्देषु महोत्सवे तु पादौ गृहाणेश गिरीशपुत्र्याः प्रोक्तं धृतौ प्रीतिवशाच् छिवेन तौ मे शरण्यौ शरणं भवेताम्
yau devavṛndeṣu mahotsave tu pādau gṛhāṇeśa girīśaputryāḥ proktaṃ dhṛtau prītivaśāc chivena tau me śaraṇyau śaraṇaṃ bhavetām
The two feet of the mountain-lord's daughter which, at the great festival amid the hosts of gods, were held by Śiva out of affection, when it was said, "Take (them), O lord" — may those two, granters of refuge, be my refuge.
AI translation rendered from the Sanskrit, not a published edition — the model flagged this verse as uncertain
BrP 108.109
किम् अभीष्टं प्रदास्यामि युष्मभ्यं तद् वदन्तु मे कृतकृत्याः स्थ भद्रं वो देवानाम् अपि दुष्करम् ॥
kim abhīṣṭaṃ pradāsyāmi yuṣmabhyaṃ tad vadantu me kṛtakṛtyāḥ stha bhadraṃ vo devānām api duṣkaram //
"What desired thing shall I grant you? Tell me that. You have accomplished your task; blessings on you — (even) what is hard for the gods (to do)."
AI translation rendered from the Sanskrit, not a published edition
BrP 108.110
इलो राजा तवाज्ञात्वा वनं प्राविशद् अम्बिके तत् क्षमस्व सुरेशानि पुंस्त्वं दातुं त्वम् अर्हसि ॥
ilo rājā tavājñātvā vanaṃ prāviśad ambike tat kṣamasva sureśāni puṃstvaṃ dātuṃ tvam arhasi //
"King Ila entered the forest unknowingly of you, O Mother; forgive that, O mistress of the gods; you ought to grant (him) manhood."
AI translation rendered from the Sanskrit, not a published edition
BrP 108.111
तथेत्य् उवाच तान् सर्वान् भवस्य तु मते स्थिता ततः स भगवान् आह देवीवाक्यरतः सदा ॥
tathety uvāca tān sarvān bhavasya tu mate sthitā tataḥ sa bhagavān āha devīvākyarataḥ sadā //
She said "So be it" to them all, abiding by Bhava's intent; then that lord, ever devoted to the goddess's word, said:
AI translation rendered from the Sanskrit, not a published edition
BrP 108.112
अत्राभिषेकमात्रेण पुंस्त्वं प्राप्नोत्व् अयं नृपः ॥
atrābhiṣekamātreṇa puṃstvaṃ prāpnotv ayaṃ nṛpaḥ //
"By mere bathing here let this king obtain manhood."
AI translation rendered from the Sanskrit, not a published edition
BrP 108.113
स्नाताया बुधभार्यायाः शरीराद् वारि सुस्रुवे नृत्यं गीतं च लावण्यं यक्षिण्या यद् उपार्जितम् ॥
snātāyā budhabhāryāyāḥ śarīrād vāri susruve nṛtyaṃ gītaṃ ca lāvaṇyaṃ yakṣiṇyā yad upārjitam //
When Budha's wife had bathed, water flowed from her body — the dance, the song, and the beauty that had been acquired from the Yakṣiṇī.
AI translation rendered from the Sanskrit, not a published edition
BrP 108.114
तत् सर्वं वारिधाराभिर् गङ्गाम्भसि समाविशत् नृत्या गीता च सौभाग्या इमा नद्यो बभूविरे ॥
tat sarvaṃ vāridhārābhir gaṅgāmbhasi samāviśat nṛtyā gītā ca saubhāgyā imā nadyo babhūvire //
All that entered into the water of the Gaṅgā in streams of water, and these became the rivers Nṛtyā, Gītā, and Saubhāgyā.
AI translation rendered from the Sanskrit, not a published edition
BrP 108.115
ताश् चापि संगता गङ्गां ते पुण्याः संगमास् त्रयः तेषु स्नानं च दानं च सुरराज्यफलप्रदम् ॥
tāś cāpi saṃgatā gaṅgāṃ te puṇyāḥ saṃgamās trayaḥ teṣu snānaṃ ca dānaṃ ca surarājyaphalapradam //
And these too joined the Gaṅgā; those three confluences are holy. Bathing and giving at them bestows the fruit of the kingship of the gods.
AI translation rendered from the Sanskrit, not a published edition
BrP 108.116
इला पुंस्त्वम् अवाप्याथ गौरीशंभोः प्रसादतः महाभ्युदयसिद्ध्यर्थं वाजिमेधम् अथाकरोत् ॥
ilā puṃstvam avāpyātha gaurīśaṃbhoḥ prasādataḥ mahābhyudayasiddhyarthaṃ vājimedham athākarot //
Then Ilā, having obtained manhood by the favour of Gaurī and Śambhu, performed a horse-sacrifice for the attainment of great prosperity.
AI translation rendered from the Sanskrit, not a published edition
BrP 108.117
पुरोधसं वसिष्ठं च भार्यां पुत्रांस् तथैव च अमात्यांश् च बलं कोशम् आनीय स नृपोत्तमः ॥
purodhasaṃ vasiṣṭhaṃ ca bhāryāṃ putrāṃs tathaiva ca amātyāṃś ca balaṃ kośam ānīya sa nṛpottamaḥ //
That best of kings, having brought his chaplain Vasiṣṭha, his wife and likewise his sons, his ministers, his army and his treasury —
AI translation rendered from the Sanskrit, not a published edition
BrP 108.118
चतुरङ्गं बलं राज्यं दण्डके ऽस्थापयत् तदा इलस्य नाम्ना विख्यातं तत्र तत् पुरम् उच्यते ॥
caturaṅgaṃ balaṃ rājyaṃ daṇḍake 'sthāpayat tadā ilasya nāmnā vikhyātaṃ tatra tat puram ucyate //
he then established the fourfold army and the kingdom in Daṇḍaka; that city there is said to be famous by the name of Ila.
AI translation rendered from the Sanskrit, not a published edition
BrP 108.119
पूर्वजातान् अथो पुत्रान् सूर्यवंशक्रमागते राज्ये ऽभिषिच्य पश्चात् तम् ऐलं स्नेहाद् असिञ्चयत् ॥
pūrvajātān atho putrān sūryavaṃśakramāgate rājye 'bhiṣicya paścāt tam ailaṃ snehād asiñcayat //
Then, having consecrated the earlier-born sons in the kingdom that had come down by the succession of the solar line, afterwards he consecrated Aila out of affection.
AI translation rendered from the Sanskrit, not a published edition
BrP 108.120
सोमवंशकरः श्रीमान् अयं राजा भवेद् इति सर्वेभ्यो मतिमानेभ्यो ज्येष्ठः श्रेष्ठो ऽभवन् मुने ॥
somavaṃśakaraḥ śrīmān ayaṃ rājā bhaved iti sarvebhyo matimānebhyo jyeṣṭhaḥ śreṣṭho 'bhavan mune //
"Let this glorious one become king, the founder of the lunar dynasty" — so he became the eldest and the foremost of all the wise ones, O sage.
AI translation rendered from the Sanskrit, not a published edition — the model flagged this verse as uncertain
BrP 108.121
यत्र च क्रतवो वृत्ता इलस्य नृपतेः शुभाः यत्र पुंस्त्वम् अवाप्याथ यत्र पुत्राः समागताः ॥
yatra ca kratavo vṛttā ilasya nṛpateḥ śubhāḥ yatra puṃstvam avāpyātha yatra putrāḥ samāgatāḥ //
And where the auspicious sacrifices of King Ila were performed, where he then regained his manhood, where the sons came together,
AI translation rendered from the Sanskrit, not a published edition
BrP 108.122
यक्षिणीदत्तनृत्यादिगीतसौभाग्यमङ्गलाः नद्यो भूत्वा यत्र गङ्गां संगतास् तानि नारद ॥
yakṣiṇīdattanṛtyādigītasaubhāgyamaṅgalāḥ nadyo bhūtvā yatra gaṅgāṃ saṃgatās tāni nārada //
(and where) those (women), with dancing and the rest, song, good fortune and blessings bestowed by the yakṣiṇī, became rivers and joined the Gaṅgā there, O Nārada —
AI translation rendered from the Sanskrit, not a published edition — the model flagged this verse as uncertain
BrP 108.123
तीर्थानि शुभदान्य् आसन् सहस्राण्य् अथ षोडश उभयोस् तीरयोस् तात तत्र शंभुर् इलेश्वरः तेषु स्नानं च दानं च सर्वक्रतुफलप्रदम् ॥
tīrthāni śubhadāny āsan sahasrāṇy atha ṣoḍaśa ubhayos tīrayos tāta tatra śaṃbhur ileśvaraḥ teṣu snānaṃ ca dānaṃ ca sarvakratuphalapradam //
there were sixteen thousand tīrthas that bestow good fortune, on both banks, my son; there Śambhu is Ileśvara. Bathing and giving in them bestows the fruit of all sacrifices.
AI translation rendered from the Sanskrit, not a published edition