Brahma Purana — Chapter 107
BrP 107.1
वृद्धासंगमम् आख्यातं यत्र वृद्धेश्वरः शिवः तस्याख्यानं प्रवक्ष्यामि शृणु पापप्रणाशनम् ॥
vṛddhāsaṃgamam ākhyātaṃ yatra vṛddheśvaraḥ śivaḥ tasyākhyānaṃ pravakṣyāmi śṛṇu pāpapraṇāśanam //
The Vṛddhā confluence has been spoken of, where Śiva is Vṛddheśvara; I shall now relate its story — hear it, (for it) destroys sins.
AI translation rendered from the Sanskrit, not a published edition
BrP 107.2
गौतमो वृद्ध इत्य् उक्तो मुनिर् आसीन् महातपाः यदा पुराभवद् बालो गौतमस्य सुतो द्विजः ॥
gautamo vṛddha ity ukto munir āsīn mahātapāḥ yadā purābhavad bālo gautamasya suto dvijaḥ //
There was a sage, called Gautama the Elder, of great austerity. Once, long ago, a boy was born to Gautama, a brahmin son.
AI translation rendered from the Sanskrit, not a published edition
BrP 107.3
अनासः स पुरोत्पन्नस् तस्माद् विकृतरूपधृक् स वैराग्याज् जगामाथ देशं तीर्थम् इतस् ततः ॥
anāsaḥ sa purotpannas tasmād vikṛtarūpadhṛk sa vairāgyāj jagāmātha deśaṃ tīrtham itas tataḥ //
He was born noseless, and hence bore a deformed appearance; then out of disgust (with the world) he went from place to place, from tīrtha to tīrtha.
AI translation rendered from the Sanskrit, not a published edition
BrP 107.4
उपाध्यायेन नैवासील् लज्जितस्य समागमः शिष्यैर् अन्यैः सहाध्यायो लज्जितस्य च नाभवत् ॥
upādhyāyena naivāsīl lajjitasya samāgamaḥ śiṣyair anyaiḥ sahādhyāyo lajjitasya ca nābhavat //
The ashamed one had no meeting with a teacher, nor did he, being ashamed, have any joint study with other pupils.
AI translation rendered from the Sanskrit, not a published edition
BrP 107.5
उपनीतः कथंचिच् च पित्रा वै गौतमेन सः एतावता गौतमो ऽपि व्यगमच् चरितुं बहिः ॥
upanītaḥ kathaṃcic ca pitrā vai gautamena saḥ etāvatā gautamo 'pi vyagamac carituṃ bahiḥ //
Somehow he was invested (with the sacred thread) by his father Gautama; and with just that much, Gautama too went off outside to wander.
AI translation rendered from the Sanskrit, not a published edition
BrP 107.6
एवं बहुतिथे काले ब्रह्ममात्रा धृते द्विजे नैव चाध्ययनं तस्य संजातं गौतमस्य हि ॥
evaṃ bahutithe kāle brahmamātrā dhṛte dvije naiva cādhyayanaṃ tasya saṃjātaṃ gautamasya hi //
Thus, over a long time, though the twice-born one held only the brahman (the Gāyatrī), no study at all came about for that Gautama.
AI translation rendered from the Sanskrit, not a published edition — the model flagged this verse as uncertain
BrP 107.7
नैव शास्त्रस्य चाभ्यासो गौतमस्याभवत् तदा अग्निकार्यं ततश् चक्रे नित्यम् एव यतव्रतः ॥
naiva śāstrasya cābhyāso gautamasyābhavat tadā agnikāryaṃ tataś cakre nityam eva yatavrataḥ //
Gautama then had no practice of the scriptures either; so, firm in his vows, he performed the fire rite daily.
AI translation rendered from the Sanskrit, not a published edition
BrP 107.8
गायत्र्यभ्यासमात्रेण ब्राह्मणो नामधारकः अग्न्युपासनमात्रं च गायत्र्यभ्यसनं तथा ॥
gāyatryabhyāsamātreṇa brāhmaṇo nāmadhārakaḥ agnyupāsanamātraṃ ca gāyatryabhyasanaṃ tathā //
By the mere practice of the Gāyatrī he was a brahmin who bore the name (only), and (his religious life was) merely the tending of the fire and the recitation of the Gāyatrī.
AI translation rendered from the Sanskrit, not a published edition
BrP 107.9
एतावता ब्राह्मणत्वं गौतमस्याभवन् मुने उपासतो ऽग्निं विधिवद् गायत्रीं च महात्मनः ॥
etāvatā brāhmaṇatvaṃ gautamasyābhavan mune upāsato 'gniṃ vidhivad gāyatrīṃ ca mahātmanaḥ //
By just that much did Gautama's brahminhood come about, O sage — of that great-souled one who worshipped the fire according to rule and (recited) the Gāyatrī.
AI translation rendered from the Sanskrit, not a published edition
BrP 107.10
तस्यायुर् ववृधे पुत्र गौतमस्य चिरायुषः न दारसंग्रहं लेभे नैव दातास्ति कन्यकाम् ॥
tasyāyur vavṛdhe putra gautamasya cirāyuṣaḥ na dārasaṃgrahaṃ lebhe naiva dātāsti kanyakām //
His lifespan grew, my son — that of long-lived Gautama; (yet) he obtained no wife, nor was there anyone to give him a girl.
AI translation rendered from the Sanskrit, not a published edition
BrP 107.11
तथा चरंस् तीर्थदेशे वनेषु विविधेषु च आश्रमेषु च पुण्येषु अटन्न् आस्ते स गौतमः ॥
tathā caraṃs tīrthadeśe vaneṣu vividheṣu ca āśrameṣu ca puṇyeṣu aṭann āste sa gautamaḥ //
So wandering in places of pilgrimage and in various forests, and roaming among holy hermitages, that Gautama lived on.
AI translation rendered from the Sanskrit, not a published edition
BrP 107.12
एवं भ्रमञ् शीतगिरिम् आश्रित्यास्ते स गौतमः तत्रापश्यद् गुहां रम्यां वल्लीविटपमालिनीम् ॥
evaṃ bhramañ śītagirim āśrityāste sa gautamaḥ tatrāpaśyad guhāṃ ramyāṃ vallīviṭapamālinīm //
Roaming thus, Gautama took refuge on the Cool Mountain (Śītagiri) and dwelt there; there he saw a lovely cave garlanded with creepers and boughs.
AI translation rendered from the Sanskrit, not a published edition
BrP 107.13
तत्रोपविश्य विप्रेन्द्रो वस्तुं समकरोन् मतिम् चिन्तयंस् तु प्रविष्टो ऽसाव् अपश्यत् स्त्रियम् उत्तमाम् ॥
tatropaviśya viprendro vastuṃ samakaron matim cintayaṃs tu praviṣṭo 'sāv apaśyat striyam uttamām //
Sitting down there, the best of brahmins made up his mind to dwell (there); and while pondering, having entered, he saw an excellent woman.
AI translation rendered from the Sanskrit, not a published edition
BrP 107.14
शिथिलाङ्गीम् अथ कृशां वृद्धां च तपसि स्थिताम् ब्रह्मचर्येण वर्तन्तीं विरागां रहसि स्थिताम् ॥
śithilāṅgīm atha kṛśāṃ vṛddhāṃ ca tapasi sthitām brahmacaryeṇa vartantīṃ virāgāṃ rahasi sthitām //
(He saw her) with slackened limbs, thin, and old, established in austerity, living in chastity, dispassionate, staying in solitude.
AI translation rendered from the Sanskrit, not a published edition
BrP 107.15
स तां दृष्ट्वा मुनिश्रेष्ठो नमस्काराय तस्थिवान् नमस्यन्तं मुनिश्रेष्ठं तं गौतमम् अवारयत् ॥
sa tāṃ dṛṣṭvā muniśreṣṭho namaskārāya tasthivān namasyantaṃ muniśreṣṭhaṃ taṃ gautamam avārayat //
Seeing her, that best of sages stood (ready) to make obeisance; but she restrained that best of sages, Gautama, as he was bowing.
AI translation rendered from the Sanskrit, not a published edition
BrP 107.16
गुरुस् त्वं भविता मह्यं न मां वन्दितुम् अर्हसि आयुर् विद्या धनं कीर्तिर् धर्मः स्वर्गादिकं च यत् तस्य नश्यति वै सर्वं यं नमस्यति वै गुरुः ॥
gurus tvaṃ bhavitā mahyaṃ na māṃ vanditum arhasi āyur vidyā dhanaṃ kīrtir dharmaḥ svargādikaṃ ca yat tasya naśyati vai sarvaṃ yaṃ namasyati vai guruḥ //
"You are to become my husband/teacher; you must not salute me. Lifespan, learning, wealth, fame, merit, and whatever heaven and the rest there is — all of it perishes for him whom a guru salutes."
AI translation rendered from the Sanskrit, not a published edition — the model flagged this verse as uncertain
BrP 107.17
कृताञ्जलिपुटस् तां वै गौतमः प्राह विस्मितः ॥
kṛtāñjalipuṭas tāṃ vai gautamaḥ prāha vismitaḥ //
With his palms joined, Gautama, astonished, said to her:
AI translation rendered from the Sanskrit, not a published edition
BrP 107.18
तपस्विनी त्वं वृद्धा च गुणज्येष्ठा च भामिनी अल्पविद्यस् त्व् अल्पवया अहं तव गुरुः कथम् ॥
tapasvinī tvaṃ vṛddhā ca guṇajyeṣṭhā ca bhāminī alpavidyas tv alpavayā ahaṃ tava guruḥ katham //
"You are an ascetic woman, and old, and foremost in virtues, O lady; but I am of little learning and of little age — how am I your guru?"
AI translation rendered from the Sanskrit, not a published edition
BrP 107.19
आर्ष्टिषेणप्रियपुत्र ऋतध्वज इति श्रुतः गुणवान् मतिमाञ् शूरः क्षत्रधर्मपरायणः ॥
ārṣṭiṣeṇapriyaputra ṛtadhvaja iti śrutaḥ guṇavān matimāñ śūraḥ kṣatradharmaparāyaṇaḥ //
"There was one known as Ṛtadhvaja, the dear son of Ārṣṭiṣeṇa, endowed with virtues, wise, valiant, devoted to the duty of a kṣatriya.
AI translation rendered from the Sanskrit, not a published edition
BrP 107.20
स कदाचिद् वनं प्रायान् मृगयाकृष्टचेतनः विश्रामम् अकरोद् अस्यां गुहायां स ऋतध्वजः ॥
sa kadācid vanaṃ prāyān mṛgayākṛṣṭacetanaḥ viśrāmam akarod asyāṃ guhāyāṃ sa ṛtadhvajaḥ //
Once he went to the forest, his mind drawn by the hunt, and that Ṛtadhvaja took his rest in this cave.
AI translation rendered from the Sanskrit, not a published edition
BrP 107.21
युवा स मतिमान् दक्षो बलेन महता वृतः तं विश्रान्तं नृपवरम् अप्सरा ददृशे ततः ॥
yuvā sa matimān dakṣo balena mahatā vṛtaḥ taṃ viśrāntaṃ nṛpavaram apsarā dadṛśe tataḥ //
He was young, wise, and able, surrounded by a great force; then an apsaras saw that best of kings as he rested.
AI translation rendered from the Sanskrit, not a published edition
BrP 107.22
गन्धर्वराजस्य सुता सुश्यामा इति विश्रुता तां दृष्ट्वा चकमे राजा राजानं चकमे च सा ॥
gandharvarājasya sutā suśyāmā iti viśrutā tāṃ dṛṣṭvā cakame rājā rājānaṃ cakame ca sā //
She was the daughter of the gandharva king, renowned as Suśyāmā; seeing her the king desired her, and she desired the king.
AI translation rendered from the Sanskrit, not a published edition
BrP 107.23
इति क्रीडा समभवत् तया राज्ञो महामते निवृत्तकामो राजेन्द्रस् ताम् आपृच्छ्यागमद् गृहम् ॥
iti krīḍā samabhavat tayā rājño mahāmate nivṛttakāmo rājendras tām āpṛcchyāgamad gṛham //
Thus, O great-minded one, the king's dalliance with her took place; his desire spent, that lord of kings took leave of her and went home.
AI translation rendered from the Sanskrit, not a published edition
BrP 107.24
उत्पन्नाहं ततस् तस्यां सुश्यामायां महामते गच्छन्ती मां तदा माता इदम् आह तपोधन ॥
utpannāhaṃ tatas tasyāṃ suśyāmāyāṃ mahāmate gacchantī māṃ tadā mātā idam āha tapodhana //
Then I was born of her, of Suśyāmā, O great-minded one; and as she was departing my mother said this to me, O you rich in austerity:
AI translation rendered from the Sanskrit, not a published edition
BrP 107.25
यस् त्व् अस्यां प्रविशेद् भद्रे स ते भर्ता भविष्यति ॥
yas tv asyāṃ praviśed bhadre sa te bhartā bhaviṣyati //
"Whoever should enter this (cave), good lady, he will be your husband."
AI translation rendered from the Sanskrit, not a published edition
BrP 107.26
इत्य् उक्त्वा सा जगमाथ माता मम महामते तस्माद् अत्र प्रविष्टस् त्वं पुमान् नान्यः कदाचन ॥
ity uktvā sā jagamātha mātā mama mahāmate tasmād atra praviṣṭas tvaṃ pumān nānyaḥ kadācana //
Having said this my mother went away, O great-minded one; therefore you are the (one) man who has entered here — no other, ever.
AI translation rendered from the Sanskrit, not a published edition
BrP 107.27
सहस्राणि तथाशीतिं कृत्वा राज्यं पिता मम अत्रैव च तपस् तप्त्वा ततः स्वर्गम् उपेयिवान् ॥
sahasrāṇi tathāśītiṃ kṛtvā rājyaṃ pitā mama atraiva ca tapas taptvā tataḥ svargam upeyivān //
My father, having ruled the kingdom for eighty thousand (years) and having practised austerity right here, then went to heaven.
AI translation rendered from the Sanskrit, not a published edition
BrP 107.28
स्वर्गं याते ऽपि पितरि सहस्राणि तथा दश वर्षाणि मुनिशार्दूल राज्यं कृत्वा तथा परः ॥
svargaṃ yāte 'pi pitari sahasrāṇi tathā daśa varṣāṇi muniśārdūla rājyaṃ kṛtvā tathā paraḥ //
Even after my father had gone to heaven, O tiger among sages, the next one likewise ruled the kingdom for ten thousand years.
AI translation rendered from the Sanskrit, not a published edition
BrP 107.29
स्वर्गे यातो मम भ्राता अहम् अत्रैव संस्थिता अहं ब्रह्मन् नान्यवृत्ता न माता न पिता मम ॥
svarge yāto mama bhrātā aham atraiva saṃsthitā ahaṃ brahman nānyavṛttā na mātā na pitā mama //
"My brother has gone to heaven; I remain here in this very place. I, brahmin, have not turned to another (man); I have neither mother nor father."
AI translation rendered from the Sanskrit, not a published edition
BrP 107.30
अहम् आत्मेश्वरी ब्रह्मन् निविष्टा क्षत्रकन्यका तस्माद् भजस्व मां ब्रह्मन् व्रतस्थां पुरुषार्थिनीम् ॥
aham ātmeśvarī brahman niviṣṭā kṣatrakanyakā tasmād bhajasva māṃ brahman vratasthāṃ puruṣārthinīm //
"I am my own mistress, brahmin, a kṣatriya maiden, resolved (upon this); therefore take me, brahmin, who keep a vow and seek a husband."
AI translation rendered from the Sanskrit, not a published edition
BrP 107.31
सहस्रायुर् अहं भद्रे मत्तस् त्वं वयसाधिका अहं बालस् त्वं तु वृद्धा नैवायं घटते मिथः ॥
sahasrāyur ahaṃ bhadre mattas tvaṃ vayasādhikā ahaṃ bālas tvaṃ tu vṛddhā naivāyaṃ ghaṭate mithaḥ //
"My life-span is a thousand (years), good lady; you are older than I in age. I am a boy, but you are an old woman — this does not fit together between us."
AI translation rendered from the Sanskrit, not a published edition
BrP 107.32
त्वं भर्ता मे पुरा दिष्टो नान्यो भर्ता मतो मम धात्रा दत्तस् ततस् त्वं मां न निराकर्तुम् अर्हसि ॥
tvaṃ bhartā me purā diṣṭo nānyo bhartā mato mama dhātrā dattas tatas tvaṃ māṃ na nirākartum arhasi //
"You were long ago appointed my husband; no other is regarded by me as husband. You were given (to me) by the Creator, therefore you must not reject me."
AI translation rendered from the Sanskrit, not a published edition
BrP 107.33
अथवा नेच्छसि मां त्वम् अप्रदुष्टाम् अनुव्रताम् ततस् त्यक्ष्यामि जीवं मे इदानीं तव पश्यतः ॥
athavā necchasi māṃ tvam apraduṣṭām anuvratām tatas tyakṣyāmi jīvaṃ me idānīṃ tava paśyataḥ //
"Or if you do not want me, unsullied and devoted to you, then I shall give up my life this instant, before your eyes."
AI translation rendered from the Sanskrit, not a published edition
BrP 107.34
अपेक्षिताप्राप्तितो हि देहिनां मरणं वरम् अनुरक्तजनत्यागे पातकान्तो न विद्यते ॥
apekṣitāprāptito hi dehināṃ maraṇaṃ varam anuraktajanatyāge pātakānto na vidyate //
"For embodied beings death is better than not obtaining what is longed for; in the abandoning of one who loves (you) there is no end to the sin."
AI translation rendered from the Sanskrit, not a published edition
BrP 107.35
वृद्धायास् तद् वचः श्रुत्वा गौतमो वाक्यम् अब्रवीत् ॥
vṛddhāyās tad vacaḥ śrutvā gautamo vākyam abravīt //
Hearing that speech of the old woman, Gautama spoke these words:
AI translation rendered from the Sanskrit, not a published edition
BrP 107.36
अहं तपोविरहितो विद्याहीनो ह्य् अकिंचनः नाहं वरो हि योग्यस् ते कुरूपो भोगवर्जितः ॥
ahaṃ tapovirahito vidyāhīno hy akiṃcanaḥ nāhaṃ varo hi yogyas te kurūpo bhogavarjitaḥ //
"I am devoid of ascetic power, lacking in learning, and possessing nothing. I am no fit bridegroom for you — ugly and destitute of enjoyments."
AI translation rendered from the Sanskrit, not a published edition
BrP 107.37
अनासो ऽहं किं करोमि अतपोविद्य एव च तस्मात् सुरूपं सुविद्याम् आपाद्य प्रथमं शुभे पश्चात् ते वचनं कार्यं ततो वृद्धाब्रवीद् द्विजम् ॥
anāso 'haṃ kiṃ karomi atapovidya eva ca tasmāt surūpaṃ suvidyām āpādya prathamaṃ śubhe paścāt te vacanaṃ kāryaṃ tato vṛddhābravīd dvijam //
"I am noseless — what can I do? — and without austerity or learning. Therefore, fair lady, first make (me) handsome and learned; afterwards your request shall be carried out." Then the old woman said to the brahmin:
AI translation rendered from the Sanskrit, not a published edition — the model flagged this verse as uncertain
BrP 107.38
मया सरस्वती देवी तोषिता तपसा द्विज तथैवापो रूपवत्यो रूपदाताग्निर् एव च ॥
mayā sarasvatī devī toṣitā tapasā dvija tathaivāpo rūpavatyo rūpadātāgnir eva ca //
"By me, brahmin, the goddess Sarasvatī was propitiated by austerity, and likewise the waters, which possess beauty, and Agni, the giver of beauty."
AI translation rendered from the Sanskrit, not a published edition
BrP 107.39
तस्माद् वागीश्वरी देवी सा ते विद्यां प्रदास्यति अग्निश् च रूपवान् देवस् तव रूपं प्रदास्यति ॥
tasmād vāgīśvarī devī sā te vidyāṃ pradāsyati agniś ca rūpavān devas tava rūpaṃ pradāsyati //
"Therefore that goddess, the mistress of speech, will bestow learning on you, and the god Agni, who possesses beauty, will bestow beauty on you."
AI translation rendered from the Sanskrit, not a published edition
BrP 107.40
एवम् उक्त्वा गौतमं तं वृद्धोवाच विभावसुम् प्रार्थयित्वा सुविद्यं तं सुरूपं चाकरोन् मुनिम् ॥
evam uktvā gautamaṃ taṃ vṛddhovāca vibhāvasum prārthayitvā suvidyaṃ taṃ surūpaṃ cākaron munim //
Having spoken thus to Gautama, the old woman addressed Vibhāvasu (Agni), and having entreated (him and the goddess) she made the sage learned and handsome.
AI translation rendered from the Sanskrit, not a published edition
BrP 107.41
ततः सुविद्यः सुभगः सुकान्तो वृद्धां स पत्नीम् अकरोत् प्रीतियुक्तः तया स रेमे बहुला मनोज्ञया समाः सुखं प्रीतमना गुहायाम्
tataḥ suvidyaḥ subhagaḥ sukānto vṛddhāṃ sa patnīm akarot prītiyuktaḥ tayā sa reme bahulā manojñayā samāḥ sukhaṃ prītamanā guhāyām
Then, learned, fortunate and comely, filled with affection, he made the old woman his wife; and with her, lovely (to him), glad at heart, he happily enjoyed himself for many years in the cave.
AI translation rendered from the Sanskrit, not a published edition
BrP 107.42
कदाचित् तत्र वसतोर् दंपत्योर् मुदतोर् गिरौ गुहायां मुनिशार्दूल आजग्मुर् मुनयो ऽमलाः ॥
kadācit tatra vasator daṃpatyor mudator girau guhāyāṃ muniśārdūla ājagmur munayo 'malāḥ //
Once, while the couple were dwelling there in a cave on the mountain and taking their pleasure, O tiger among sages, spotless sages arrived.
AI translation rendered from the Sanskrit, not a published edition
BrP 107.43
वसिष्ठवामदेवाद्या ये चान्ये च महर्षयः भ्रमन्तः पुण्यतीर्थानि प्राप्नुवंस् तस्य तां गुहाम् ॥
vasiṣṭhavāmadevādyā ye cānye ca maharṣayaḥ bhramantaḥ puṇyatīrthāni prāpnuvaṃs tasya tāṃ guhām //
Vasiṣṭha, Vāmadeva and the rest, and whatever other great seers there were, wandering among the holy fords, reached that cave of his.
AI translation rendered from the Sanskrit, not a published edition
BrP 107.44
आगतांस् तान् ऋषीञ् ज्ञात्वा गौतमः सह भार्यया सत्कारम् अकरोत् तेषां जहसुस् तं च केचन ॥
āgatāṃs tān ṛṣīñ jñātvā gautamaḥ saha bhāryayā satkāram akarot teṣāṃ jahasus taṃ ca kecana //
Learning that those seers had come, Gautama together with his wife did them honour; and some of them laughed at him.
AI translation rendered from the Sanskrit, not a published edition
BrP 107.45
ये बाला यौवनोन्मत्ता वयसा ये च मध्यमाः वृद्धां च गौतमं प्रेक्ष्य जहसुस् तत्र केचन ॥
ye bālā yauvanonmattā vayasā ye ca madhyamāḥ vṛddhāṃ ca gautamaṃ prekṣya jahasus tatra kecana //
Those who were young, intoxicated with youth, and those who were of middle age — seeing the old woman and Gautama, some of them laughed there.
AI translation rendered from the Sanskrit, not a published edition
BrP 107.46
पुत्रो ऽयं तव पौत्रो वा वृद्धे को गौतमो ऽभवत् सत्यं वदस्व कल्याणि इत्य् एवं जहसुर् द्विजाः ॥
putro 'yaṃ tava pautro vā vṛddhe ko gautamo 'bhavat satyaṃ vadasva kalyāṇi ity evaṃ jahasur dvijāḥ //
"Is this your son or your grandson, old woman? Which one has become Gautama? Tell the truth, good lady!" — thus the brahmins laughed.
AI translation rendered from the Sanskrit, not a published edition
BrP 107.47
विषं वृद्धस्य युवती वृद्धाया अमृतं युवा इष्टानिष्टसमायोगो दृष्टो ऽस्माभिर् अहो चिरात् ॥
viṣaṃ vṛddhasya yuvatī vṛddhāyā amṛtaṃ yuvā iṣṭāniṣṭasamāyogo dṛṣṭo 'smābhir aho cirāt //
"A young woman is poison for an old man; a young man is nectar for an old woman. Ah, after long we have seen a union of the desirable and the undesirable!"
AI translation rendered from the Sanskrit, not a published edition
BrP 107.48
इत्य् एवम् ऊचिरे केचिद् दंपत्योः शृण्वतोस् तदा एवम् उक्त्वा कृतातिथ्या ययुः सर्वे महर्षयः ॥
ity evam ūcire kecid daṃpatyoḥ śṛṇvatos tadā evam uktvā kṛtātithyā yayuḥ sarve maharṣayaḥ //
Thus some spoke then, while the couple were listening. Having said this, and having been given hospitality, all the great seers departed.
AI translation rendered from the Sanskrit, not a published edition
BrP 107.49
ऋषीणां वचनं श्रुत्वा उभाव् अपि सुदुःखितौ लज्जितौ च महाप्राज्ञौ गौतमो भार्यया सह पप्रच्छ मुनिशार्दूलम् अगस्त्यम् ऋषिसत्तमम् ॥
ṛṣīṇāṃ vacanaṃ śrutvā ubhāv api suduḥkhitau lajjitau ca mahāprājñau gautamo bhāryayā saha papraccha muniśārdūlam agastyam ṛṣisattamam //
Having heard the words of the sages, both of them, greatly grieved and ashamed, though very wise—Gautama together with his wife—asked Agastya, the tiger among sages, the best of ṛṣis:
AI translation rendered from the Sanskrit, not a published edition
BrP 107.50
को देशः किम् उ तीर्थं वा यत्र श्रेयः समाप्यते शीघ्रम् एव महाप्राज्ञ भुक्तिमुक्तिप्रदायकम् ॥
ko deśaḥ kim u tīrthaṃ vā yatra śreyaḥ samāpyate śīghram eva mahāprājña bhuktimuktipradāyakam //
"What region, or what sacred ford, is there where welfare is attained quickly, O greatly wise one—(a place) that grants both enjoyment and liberation?"
AI translation rendered from the Sanskrit, not a published edition
BrP 107.51
वदद्भिर् मुनिभिर् ब्रह्मन् मया श्रुतम् इदं वचः सर्वे कामास् तत्र पूर्णा गौतम्यां नात्र संशयः ॥
vadadbhir munibhir brahman mayā śrutam idaṃ vacaḥ sarve kāmās tatra pūrṇā gautamyāṃ nātra saṃśayaḥ //
"(Agastya said:) O brahman, I have heard this word from the sages when they spoke: all desires are fulfilled there, on the Gautamī; there is no doubt of this.
AI translation rendered from the Sanskrit, not a published edition
BrP 107.52
तस्माद् गच्छ महाबुद्धे गौतमीं पापनाशिनीम् अहं त्वाम् अनुयास्यामि यथेच्छसि तथा कुरु ॥
tasmād gaccha mahābuddhe gautamīṃ pāpanāśinīm ahaṃ tvām anuyāsyāmi yathecchasi tathā kuru //
Therefore go, O greatly intelligent one, to the Gautamī, destroyer of sin. I will follow you; do as you wish."
AI translation rendered from the Sanskrit, not a published edition
BrP 107.53
एतच् छ्रुत्वागस्त्यवाक्यं वृद्धया गौतमो ऽभ्यगात् तत्र तेपे तपस् तीव्रं पत्न्या स भगवान् ऋषिः ॥
etac chrutvāgastyavākyaṃ vṛddhayā gautamo 'bhyagāt tatra tepe tapas tīvraṃ patnyā sa bhagavān ṛṣiḥ //
Hearing this speech of Agastya, Gautama went there with his aged (wife); there that venerable ṛṣi performed fierce austerity with his wife.
AI translation rendered from the Sanskrit, not a published edition
BrP 107.54
स्तुतिं चकार देवस्य शंभोर् विष्णोस् तथैव च गङ्गां च तोषयाम् आस भार्यार्थं भगवान् ऋषिः ॥
stutiṃ cakāra devasya śaṃbhor viṣṇos tathaiva ca gaṅgāṃ ca toṣayām āsa bhāryārthaṃ bhagavān ṛṣiḥ //
The venerable ṛṣi made praise of the god Śambhu and likewise of Viṣṇu, and he propitiated Gaṅgā for his wife's sake.
AI translation rendered from the Sanskrit, not a published edition
BrP 107.55
खिन्नात्मनाम् अत्र भवे त्वम् एव शरणं शिवः मरुभूमाव् अध्वगानां विटपीव प्रियायुतः ॥
khinnātmanām atra bhave tvam eva śaraṇaṃ śivaḥ marubhūmāv adhvagānāṃ viṭapīva priyāyutaḥ //
"For those whose minds are afflicted here in this world, you alone are the auspicious refuge, like a tree laden with (fruit that is) dear (to them) for travellers in a desert land.
AI translation rendered from the Sanskrit, not a published edition
BrP 107.56
उच्चावचानां भूतानां सर्वथा पापनोदनः सस्यानां घनवत् कृष्ण त्वम् अवग्रहशोषिणाम् ॥
uccāvacānāṃ bhūtānāṃ sarvathā pāpanodanaḥ sasyānāṃ ghanavat kṛṣṇa tvam avagrahaśoṣiṇām //
For beings high and low you are in every way the dispeller of sin; you are like a dark cloud for crops withered by drought.
AI translation rendered from the Sanskrit, not a published edition
BrP 107.57
वैकुण्ठदुर्गनिःश्रेणिस् त्वं पीयूषतरंगिणी अधोगतानां तप्तानां शरणं भव गौतमि ॥
vaikuṇṭhadurganiḥśreṇis tvaṃ pīyūṣataraṃgiṇī adhogatānāṃ taptānāṃ śaraṇaṃ bhava gautami //
You are the ladder up the fortress of Vaikuṇṭha, a river of nectar; be a refuge, O Gautamī, for those fallen low and tormented."
AI translation rendered from the Sanskrit, not a published edition
BrP 107.58
ततस् तुष्टावदद् वाक्यं गौतमं वृद्धया युतम् शरणागतदीनार्तं शरण्या गौतमी मुदा ॥
tatas tuṣṭāvadad vākyaṃ gautamaṃ vṛddhayā yutam śaraṇāgatadīnārtaṃ śaraṇyā gautamī mudā //
Then Gautamī, granter of refuge, being pleased, joyfully spoke a word to Gautama, who was accompanied by his aged wife and was wretched and afflicted as one come for refuge:
AI translation rendered from the Sanskrit, not a published edition
BrP 107.59
अभिषिञ्चस्व भार्यां त्वं मज्जलैर् मन्त्रसंयुतैः कलशैर् उपचारैश् च ततः पत्नी तव प्रिया ॥
abhiṣiñcasva bhāryāṃ tvaṃ majjalair mantrasaṃyutaiḥ kalaśair upacāraiś ca tataḥ patnī tava priyā //
"Sprinkle your wife with my waters, accompanied by mantras, with pitchers and with (the proper) rites; then your dear wife
AI translation rendered from the Sanskrit, not a published edition
BrP 107.60
सुरूपा चारुसर्वाङ्गी सुभगा चारुलोचना सर्वलक्षणसंपूर्णा रम्यरूपम् अवाप्स्यति ॥
surūpā cārusarvāṅgī subhagā cārulocanā sarvalakṣaṇasaṃpūrṇā ramyarūpam avāpsyati //
will become beautiful, lovely in every limb, fortunate, fair-eyed, complete in all auspicious marks—she will obtain a delightful form.
AI translation rendered from the Sanskrit, not a published edition
BrP 107.61
रूपवत्या पुनस् त्वं वै भार्यया चाभिषेचितः सर्वलक्षणसंपूर्णः कान्तं रूपम् अवाप्स्यसि ॥
rūpavatyā punas tvaṃ vai bhāryayā cābhiṣecitaḥ sarvalakṣaṇasaṃpūrṇaḥ kāntaṃ rūpam avāpsyasi //
And you in turn, sprinkled by your now beautiful wife, complete in all auspicious marks, will obtain a lovely form."
AI translation rendered from the Sanskrit, not a published edition
BrP 107.62
तथेति गाङ्गवचनाद् यथोक्तं तौ च चक्रतुः सुरूपताम् उभौ प्राप्तौ गौतम्याश् च प्रसादतः ॥
tatheti gāṅgavacanād yathoktaṃ tau ca cakratuḥ surūpatām ubhau prāptau gautamyāś ca prasādataḥ //
"So be it"—and following Gaṅgā's word the two did as was said, and both attained beauty of form by the grace of the Gautamī.
AI translation rendered from the Sanskrit, not a published edition
BrP 107.63
अभिषेकोदकं यच् च सा नदी समजायत तस्या नाम्ना तु विख्याता वृद्धाया मुनिसत्तम ॥
abhiṣekodakaṃ yac ca sā nadī samajāyata tasyā nāmnā tu vikhyātā vṛddhāyā munisattama //
And the water of that consecration became a river; it is renowned by her name, (the name) of the aged woman, O best of sages.
AI translation rendered from the Sanskrit, not a published edition
BrP 107.64
वृद्धा नदीति विख्याता गौतमो ऽपि तथोच्यते वृद्धगौतम इत्य् उक्त ऋषिभिः समवासिभिः वृद्धा तु गौतमीं प्राह गङ्गां प्रत्यक्षरूपिणीम् ॥
vṛddhā nadīti vikhyātā gautamo 'pi tathocyate vṛddhagautama ity ukta ṛṣibhiḥ samavāsibhiḥ vṛddhā tu gautamīṃ prāha gaṅgāṃ pratyakṣarūpiṇīm //
It is renowned as the river Vṛddhā, and Gautama too is spoken of thus: he was called "Vṛddhagautama" by the sages dwelling together (there). But Vṛddhā said to the Gautamī, to Gaṅgā manifest in visible form:
AI translation rendered from the Sanskrit, not a published edition
BrP 107.65
मन्नाम्नीयं नदी देवि वृद्धा चेत्य् अभिधीयताम् त्वया च संगमस् तस्यास् तस्यास् तीर्थम् अनुत्तमम् ॥
mannāmnīyaṃ nadī devi vṛddhā cety abhidhīyatām tvayā ca saṃgamas tasyās tasyās tīrtham anuttamam //
"O goddess, let this river be called by my name, 'Vṛddhā'; and her confluence with you—that is the unsurpassed sacred ford,
AI translation rendered from the Sanskrit, not a published edition
BrP 107.66
रूपसौभाग्यसंपत्तिपुत्रपौत्रप्रवर्धनम् आयुरारोग्यकल्याणं जयप्रीतिविवर्धनम् स्नानदानादिहोमैश् च पितॄणां पावनं परम् ॥
rūpasaubhāgyasaṃpattiputrapautrapravardhanam āyurārogyakalyāṇaṃ jayaprītivivardhanam snānadānādihomaiś ca pitṝṇāṃ pāvanaṃ param //
increasing beauty, good fortune, wealth, sons and grandsons, (giving) long life, health and welfare, augmenting victory and love, and, by bathing, giving, oblations and the rest, the supreme purifier of the ancestors."
AI translation rendered from the Sanskrit, not a published edition
BrP 107.67
अस्त्व् इत्य् आह च तां गङ्गा सुवृद्धां गौतमप्रियाम् गौतमस्थापितं लिङ्गं वृद्धानाम्नैव कीर्तितम् ॥
astv ity āha ca tāṃ gaṅgā suvṛddhāṃ gautamapriyām gautamasthāpitaṃ liṅgaṃ vṛddhānāmnaiva kīrtitam //
And Gaṅgā said to her, to the very aged beloved of Gautama, "So be it." The liṅga set up by Gautama is celebrated by the very name Vṛddhā.
AI translation rendered from the Sanskrit, not a published edition
BrP 107.68
तत्रैव च मुदं प्राप्तो वृद्धया मुनिसत्तमः तत्र स्नानं च दानं च सर्वाभीष्टप्रदायकम् ॥
tatraiva ca mudaṃ prāpto vṛddhayā munisattamaḥ tatra snānaṃ ca dānaṃ ca sarvābhīṣṭapradāyakam //
And right there the best of sages attained joy together with his aged wife; bathing and giving there grants all that is desired.
AI translation rendered from the Sanskrit, not a published edition
BrP 107.69
ततः प्रभृति तत् तीर्थं वृद्धासंगमम् उच्यते ॥
tataḥ prabhṛti tat tīrthaṃ vṛddhāsaṃgamam ucyate //
From that time on that ford is called Vṛddhāsaṃgama ("the meeting with the old woman").
AI translation rendered from the Sanskrit, not a published edition