Brahma Purana — Chapter 106
BrP 106.1
प्रवरासंगमो नाम श्रेष्ठा चैव महानदी यत्र सिद्धेश्वरो देवः सर्वलोकोपकारकृत् ॥
pravarāsaṃgamo nāma śreṣṭhā caiva mahānadī yatra siddheśvaro devaḥ sarvalokopakārakṛt //
There is the great river, the best (of rivers), named the Pravarā-confluence, where the god Siddheśvara does good to all the worlds.
AI translation rendered from the Sanskrit, not a published edition
BrP 106.2
देवानां दानवानां च संगमो ऽभूत् सुदारुणः तेषां परस्परं वापि प्रीतिश् चाभून् महामुने ॥
devānāṃ dānavānāṃ ca saṃgamo 'bhūt sudāruṇaḥ teṣāṃ parasparaṃ vāpi prītiś cābhūn mahāmune //
There was a most dreadful clash between the gods and the Dānavas, and there was also mutual friendship between them, O great sage.
AI translation rendered from the Sanskrit, not a published edition
BrP 106.3
ते ऽप्य् एवं मन्त्रयाम् आसुर् देवा वै दानवा मिथः मेरुपर्वतम् आसाद्य परस्परहितैषिणः ॥
te 'py evaṃ mantrayām āsur devā vai dānavā mithaḥ meruparvatam āsādya parasparahitaiṣiṇaḥ //
And they too, gods and Dānavas together, took counsel in this way, having reached Mount Meru, each seeking the other's welfare.
AI translation rendered from the Sanskrit, not a published edition
BrP 106.4
अमृतेनामरत्वं स्याद् उत्पाद्यामृतम् उत्तमम् पिबामः सर्व एवैते भवामश् चामरा वयम् ॥
amṛtenāmaratvaṃ syād utpādyāmṛtam uttamam pibāmaḥ sarva evaite bhavāmaś cāmarā vayam //
"By the nectar there would be immortality; let us produce the supreme nectar and let all of us here drink it, and let us become immortal."
AI translation rendered from the Sanskrit, not a published edition
BrP 106.5
एकीभूत्वा वयं लोकान् पालयामः सुखानि च प्राप्स्यामः संगरं हित्वा संगरो दुःखकारणम् ॥
ekībhūtvā vayaṃ lokān pālayāmaḥ sukhāni ca prāpsyāmaḥ saṃgaraṃ hitvā saṃgaro duḥkhakāraṇam //
"Having become one, let us protect the worlds and obtain pleasures, giving up strife; strife is the cause of suffering."
AI translation rendered from the Sanskrit, not a published edition
BrP 106.6
प्रीत्या चैवार्जितान् अर्थान् भोक्ष्यामो गतमत्सराः यतः स्नेहेन वृत्तिर् या सास्माकं सुखदा सदा ॥
prītyā caivārjitān arthān bhokṣyāmo gatamatsarāḥ yataḥ snehena vṛttir yā sāsmākaṃ sukhadā sadā //
"And, free of jealousy, we shall enjoy the goods acquired in friendship; for the way of life that goes by affection is what always gives us happiness."
AI translation rendered from the Sanskrit, not a published edition
BrP 106.7
वैपरीत्यं तु यद् वृत्तं न स्मर्तव्यं कदाचन न च त्रैलोक्यराज्ये ऽपि कैवल्ये वा सुखं मनाक् तद् ऊर्ध्वम् अपि वा यत् तु निर्वैरत्वाद् अवाप्यते ॥
vaiparītyaṃ tu yad vṛttaṃ na smartavyaṃ kadācana na ca trailokyarājye 'pi kaivalye vā sukhaṃ manāk tad ūrdhvam api vā yat tu nirvairatvād avāpyate //
But whatever conduct was the opposite (of this) should never be remembered; there is not the least happiness even in the sovereignty of the three worlds, nor in liberation, nor even in what is beyond that, such as is gained through freedom from enmity.
AI translation rendered from the Sanskrit, not a published edition — the model flagged this verse as uncertain
BrP 106.8
एवं परस्परं प्रीताः सन्तो देवाश् च दानवाः एकीभूताश् च सुप्रीता विमथ्य वरुणालयम् ॥
evaṃ parasparaṃ prītāḥ santo devāś ca dānavāḥ ekībhūtāś ca suprītā vimathya varuṇālayam //
Thus the gods and the Dānavas, being pleased with one another and become one, well pleased, churned the abode of Varuṇa (the ocean).
AI translation rendered from the Sanskrit, not a published edition
BrP 106.9
मन्थानं मन्दरं कृत्वा रज्जुं कृत्वा तु वासुकिम् देवाश् च दानवाः सर्वे ममन्थुर् वरुणालयम् ॥
manthānaṃ mandaraṃ kṛtvā rajjuṃ kṛtvā tu vāsukim devāś ca dānavāḥ sarve mamanthur varuṇālayam //
Making Mandara the churning-stick and Vāsuki the rope, all the gods and Dānavas churned the ocean.
AI translation rendered from the Sanskrit, not a published edition
BrP 106.10
उत्पन्नं च ततः पुण्यम् अमृतं सुरवल्लभम् निष्पन्ने चामृते पुण्ये ते च प्रोचुः परस्परम् ॥
utpannaṃ ca tataḥ puṇyam amṛtaṃ suravallabham niṣpanne cāmṛte puṇye te ca procuḥ parasparam //
And from it arose the holy nectar, dear to the gods; and when the holy nectar was produced, they said to one another:
AI translation rendered from the Sanskrit, not a published edition
BrP 106.11
यामः स्वं स्वम् अधिष्ठानं कृतकार्याः श्रमं गताः सर्वे समं च सर्वेभ्यो यथायोग्यं विभज्यताम् ॥
yāmaḥ svaṃ svam adhiṣṭhānaṃ kṛtakāryāḥ śramaṃ gatāḥ sarve samaṃ ca sarvebhyo yathāyogyaṃ vibhajyatām //
"Let us go, each to his own station, our task done and grown weary; and let (the nectar) be divided equally among all, as is fitting.
AI translation rendered from the Sanskrit, not a published edition
BrP 106.12
यदा सर्वागमो यत्र यस्मिंल् लग्ने शुभावहे विभज्यताम् इदं पुण्यम् अमृतं सुरसत्तमाः ॥
yadā sarvāgamo yatra yasmiṃl lagne śubhāvahe vibhajyatām idaṃ puṇyam amṛtaṃ surasattamāḥ //
"When all have assembled, wherever (that be), at whatever auspicious hour, let this holy nectar be divided, O best of gods."
AI translation rendered from the Sanskrit, not a published edition
BrP 106.13
इत्य् उक्त्वा ते ययुः सर्वे दैत्यदानवराक्षसाः गतेषु दैत्यसंघेषु देवाः सर्वे ऽन्वमन्त्रयन् ॥
ity uktvā te yayuḥ sarve daityadānavarākṣasāḥ gateṣu daityasaṃgheṣu devāḥ sarve 'nvamantrayan //
Having said this, all the Daityas, Dānavas and Rākṣasas went away; and when the hosts of Daityas had gone, all the gods took counsel together.
AI translation rendered from the Sanskrit, not a published edition
BrP 106.14
गतास् ते रिपवो ऽस्माकं दैवयोगाद् अरिंदमाः रिपूणाम् अमृतं नैव देयं भवति सर्वथा ॥
gatās te ripavo 'smākaṃ daivayogād ariṃdamāḥ ripūṇām amṛtaṃ naiva deyaṃ bhavati sarvathā //
"Those enemies of ours have gone, by the working of fate, O subduers of foes; the nectar should in no way at all be given to enemies."
AI translation rendered from the Sanskrit, not a published edition
BrP 106.15
बृहस्पतिस् तथेत्य् आह पुनर् आह सुरान् इदम् ॥
bṛhaspatis tathety āha punar āha surān idam //
Bṛhaspati said, "So be it," and again said this to the gods:
AI translation rendered from the Sanskrit, not a published edition
BrP 106.16
न जानन्ति यथा पापा पिबध्वं च तथामृतम् अयम् एवोचितो मन्त्रो यच् छत्रूणां पराभवः ॥
na jānanti yathā pāpā pibadhvaṃ ca tathāmṛtam ayam evocito mantro yac chatrūṇāṃ parābhavaḥ //
"Drink the nectar in such a way that the wicked ones do not know of it; just this is the proper counsel, namely the defeat of enemies.
AI translation rendered from the Sanskrit, not a published edition
BrP 106.17
द्वेष्याः सर्वात्मना द्वेष्या इति नीतिविदो विदुः न विश्वास्या न चाख्येया नैव मन्त्र्याश् च शत्रवः ॥
dveṣyāḥ sarvātmanā dveṣyā iti nītivido viduḥ na viśvāsyā na cākhyeyā naiva mantryāś ca śatravaḥ //
"Those to be hated are to be hated with one's whole being — so those versed in polity know; enemies are not to be trusted, not to be informed, and not to be consulted.
AI translation rendered from the Sanskrit, not a published edition
BrP 106.18
तेभ्यो न देयम् अमृतं भवेयुर् अमरास् ततः अमरेषु च जातेषु तेषु दैत्येषु शत्रुषु ताञ् जेतुं नैव शक्ष्यामो न देयम् अमृतं ततः ॥
tebhyo na deyam amṛtaṃ bhaveyur amarās tataḥ amareṣu ca jāteṣu teṣu daityeṣu śatruṣu tāñ jetuṃ naiva śakṣyāmo na deyam amṛtaṃ tataḥ //
"The nectar must not be given to them, for then they would become immortal; and if those Daitya enemies became immortal, we should not be able to conquer them — therefore the nectar must not be given."
AI translation rendered from the Sanskrit, not a published edition
BrP 106.19
इति संमन्त्र्य ते देवा वाचस्पतिम् अथाब्रुवन् ॥
iti saṃmantrya te devā vācaspatim athābruvan //
Having thus taken counsel, the gods then said to the Lord of Speech (Bṛhaspati):
AI translation rendered from the Sanskrit, not a published edition
BrP 106.20
क्व यामः कुत्र मन्त्रः स्यात् क्व पिबामः क्व संस्थितिः कुर्मस् तद् एव प्रथमं वद वाचस्पते तथा ॥
kva yāmaḥ kutra mantraḥ syāt kva pibāmaḥ kva saṃsthitiḥ kurmas tad eva prathamaṃ vada vācaspate tathā //
"Where shall we go? Where should the counsel take place? Where shall we drink? Where shall we stay? Tell us that first, O Vācaspati, and we shall so act."
AI translation rendered from the Sanskrit, not a published edition
BrP 106.21
यान्तु ब्रह्माणम् अमराः पृच्छन्त्व् अत्र गतिं पराम् स तु ज्ञाता च वक्ता च दाता चैव पितामहः ॥
yāntu brahmāṇam amarāḥ pṛcchantv atra gatiṃ parām sa tu jñātā ca vaktā ca dātā caiva pitāmahaḥ //
"Let the immortals go to Brahmā and ask him the best course in this matter; for the Grandfather is the one who knows, who tells, and who grants."
AI translation rendered from the Sanskrit, not a published edition
BrP 106.22
बृहस्पतेर् वचः श्रुत्वा मदन्तिकम् अथागमन् नमस्य मां सुराः सर्वे यद् वृत्तं तन् न्यवेदयन् ॥
bṛhaspater vacaḥ śrutvā madantikam athāgaman namasya māṃ surāḥ sarve yad vṛttaṃ tan nyavedayan //
Having heard Bṛhaspati's words, they then came into my presence; all the gods, saluting me, reported what had happened.
AI translation rendered from the Sanskrit, not a published edition
BrP 106.23
तद् देववचनात् पुत्र तैः सुरैर् अगमं हरिम् विष्णवे कथितं सर्वं शंभवे विषहारिणे ॥
tad devavacanāt putra taiḥ surair agamaṃ harim viṣṇave kathitaṃ sarvaṃ śaṃbhave viṣahāriṇe //
Then, at the gods' word, my son, I went with those gods to Hari; everything was told to Viṣṇu and to Śambhu, the remover of the poison.
AI translation rendered from the Sanskrit, not a published edition
BrP 106.24
अहं विष्णुश् च शंभुश् च देवगन्धर्वकिंनरैः मेरुकन्दरम् आगत्य न जानन्ति यथासुराः ॥
ahaṃ viṣṇuś ca śaṃbhuś ca devagandharvakiṃnaraiḥ merukandaram āgatya na jānanti yathāsurāḥ //
I and Viṣṇu and Śambhu, with the gods, Gandharvas and Kiṃnaras, came to the cave of Meru, in such a way that the Asuras did not know.
AI translation rendered from the Sanskrit, not a published edition
BrP 106.25
रक्षकं च हरिं कृत्वा सोमपानाय तस्थिरे आदित्यस् तत्र विज्ञाता सोमभोज्यान् अथेतरान् ॥
rakṣakaṃ ca hariṃ kṛtvā somapānāya tasthire ādityas tatra vijñātā somabhojyān athetarān //
And making Hari the guardian, they took their places to drink the soma; there the Sun was the one who distinguished those who were to partake of the soma from the others.
AI translation rendered from the Sanskrit, not a published edition
BrP 106.26
सोमो दातामृतं भागं चक्रधृग् रक्षकस् तथा नैव जानन्ति तद् दैत्या दनुजा राक्षसास् तथा ॥
somo dātāmṛtaṃ bhāgaṃ cakradhṛg rakṣakas tathā naiva jānanti tad daityā danujā rākṣasās tathā //
Soma was the giver of the nectar portion, and the bearer of the discus (Viṣṇu) the guardian; the Daityas, the sons of Danu and the Rākṣasas did not know of it at all.
AI translation rendered from the Sanskrit, not a published edition
BrP 106.27
विना राहुं महाप्राज्ञं सैंहिकेयं च सोमपम् कामरूपधरो राहुर् मरुतां मध्यम् आविशत् ॥
vinā rāhuṃ mahāprājñaṃ saiṃhikeyaṃ ca somapam kāmarūpadharo rāhur marutāṃ madhyam āviśat //
—all except Rāhu, the greatly wise son of Siṃhikā, a drinker of soma: Rāhu, who can take any form he wishes, entered into the midst of the Maruts.
AI translation rendered from the Sanskrit, not a published edition
BrP 106.28
मरुद्रूपं समास्थाय पानपात्रधरस् तथा ज्ञात्वा दिवाकरो दैत्यं तं सोमाय न्यवेदयत् ॥
marudrūpaṃ samāsthāya pānapātradharas tathā jñātvā divākaro daityaṃ taṃ somāya nyavedayat //
Having assumed the form of a Marut and holding a drinking-cup, (he took his place); but the sun, recognizing him as a daitya, made him known to Soma.
AI translation rendered from the Sanskrit, not a published edition
BrP 106.29
तदा तद् अमृतं तस्मै दैत्यायादैत्यरूपिणे दत्त्वा सोमं तदा सोमो विष्णवे तन् न्यवेदयत् ॥
tadā tad amṛtaṃ tasmai daityāyādaityarūpiṇe dattvā somaṃ tadā somo viṣṇave tan nyavedayat //
Then Soma, having given that amṛta, the soma, to that daitya who had a non-daitya's form, reported it to Viṣṇu.
AI translation rendered from the Sanskrit, not a published edition
BrP 106.30
विष्णुः पीतामृतं दैत्यं चक्रेणोद्यम्य तच्छिरः चिच्छेद तरसा वत्स तच्छिरस् त्व् अमरं त्व् अभूत् ॥
viṣṇuḥ pītāmṛtaṃ daityaṃ cakreṇodyamya tacchiraḥ ciccheda tarasā vatsa tacchiras tv amaraṃ tv abhūt //
Viṣṇu, raising his discus, swiftly cut off the head of that daitya who had drunk the amṛta; but that head, dear child, became immortal.
AI translation rendered from the Sanskrit, not a published edition
BrP 106.31
शिरोमात्रविहीनं यद् देहं तद् अपतद् भुवि देहं तद् अमृतस्पृष्टं पतितं दक्षिणे तटे ॥
śiromātravihīnaṃ yad dehaṃ tad apatad bhuvi dehaṃ tad amṛtaspṛṣṭaṃ patitaṃ dakṣiṇe taṭe //
The body, which lacked only the head, fell to the earth; that body, having been touched by the amṛta, fell on the southern bank
AI translation rendered from the Sanskrit, not a published edition
BrP 106.32
गौतम्या मुनिशार्दूल कम्पयद् वसुधातलम् देहं चाप्य् अमरं पुत्र तद् अद्भुतम् इवाभवत् ॥
gautamyā muniśārdūla kampayad vasudhātalam dehaṃ cāpy amaraṃ putra tad adbhutam ivābhavat //
of the Gautamī, O tiger among sages, and it made the surface of the earth tremble; and the body too was immortal, my son — that was like a marvel.
AI translation rendered from the Sanskrit, not a published edition
BrP 106.33
देहं च शिरसो ऽपेक्षि शिरो देहम् अपेक्षते उभयं चामरं जातं दैत्यश् चायं महाबलः ॥
dehaṃ ca śiraso 'pekṣi śiro deham apekṣate ubhayaṃ cāmaraṃ jātaṃ daityaś cāyaṃ mahābalaḥ //
And the body longs for the head, and the head longs for the body; both have become immortal, and this daitya is of great strength.
AI translation rendered from the Sanskrit, not a published edition
BrP 106.34
शिरः काये समाविष्टं सर्वान् भक्षयते सुरान् तस्माद् देहम् इदं पूर्वं नाशयामो महीगतम् ततस् ते शंकरं प्राहुर् देवाः सर्वे ससंभ्रमाः ॥
śiraḥ kāye samāviṣṭaṃ sarvān bhakṣayate surān tasmād deham idaṃ pūrvaṃ nāśayāmo mahīgatam tatas te śaṃkaraṃ prāhur devāḥ sarve sasaṃbhramāḥ //
If the head enters the trunk, he will devour all the gods; therefore let us first destroy this body that lies on the earth. Then all the gods, in agitation, said to Śaṃkara:
AI translation rendered from the Sanskrit, not a published edition
BrP 106.35
महीगतं दैत्यदेहं नाशयस्व सुरोत्तम त्वं देव करुणासिन्धुः शरणागतरक्षकः ॥
mahīgataṃ daityadehaṃ nāśayasva surottama tvaṃ deva karuṇāsindhuḥ śaraṇāgatarakṣakaḥ //
"Destroy the daitya's body that lies on the earth, O best of gods; you, O god, are an ocean of compassion, the protector of those who come for refuge.
AI translation rendered from the Sanskrit, not a published edition
BrP 106.36
शिरसा नैव युज्येत दैत्यदेहं तथा कुरु ॥
śirasā naiva yujyeta daityadehaṃ tathā kuru //
Act in such a way that the daitya's body cannot be joined with the head."
AI translation rendered from the Sanskrit, not a published edition
BrP 106.37
प्रेषयाम् आस चेशो ऽपि श्रेष्ठां शक्तिं तदात्मनः मातृभिः सहितां देवीं मातरं लोकपालिनीम् ॥
preṣayām āsa ceśo 'pi śreṣṭhāṃ śaktiṃ tadātmanaḥ mātṛbhiḥ sahitāṃ devīṃ mātaraṃ lokapālinīm //
And the Lord too sent forth his own supreme Śakti, the goddess, the world-protecting Mother, together with the Mothers.
AI translation rendered from the Sanskrit, not a published edition
BrP 106.38
ईशायुधधरा देवी ईशशक्तिसमन्विता महीगतं यत्र देहं तत्रागाद् भक्ष्यकाङ्क्षिणी ॥
īśāyudhadharā devī īśaśaktisamanvitā mahīgataṃ yatra dehaṃ tatrāgād bhakṣyakāṅkṣiṇī //
The goddess, bearing the Lord's weapons and endowed with the Lord's power, went, eager for food, to where the body lay on the earth.
AI translation rendered from the Sanskrit, not a published edition
BrP 106.39
शिरोमात्रं सुराः सर्वे मेरौ तत्रैव सान्त्वयन् देहो देव्या पुनस् तत्र युयुधे बहवः समाः ॥
śiromātraṃ surāḥ sarve merau tatraiva sāntvayan deho devyā punas tatra yuyudhe bahavaḥ samāḥ //
All the gods pacified the mere head there on Meru; but the body fought there with the goddess again for many years.
AI translation rendered from the Sanskrit, not a published edition
BrP 106.40
राहुस् तत्र सुरान् आह भित्त्वा देहं पुरा मम अत्रास्ते रसम् उत्कृष्टं तद् आकृष्य शरीरतः ॥
rāhus tatra surān āha bhittvā dehaṃ purā mama atrāste rasam utkṛṣṭaṃ tad ākṛṣya śarīrataḥ //
There Rāhu said to the gods: "Having formerly split open my body — there resides in it a superior fluid; draw that out from the body.
AI translation rendered from the Sanskrit, not a published edition — the model flagged this verse as uncertain
BrP 106.41
पृथक्भूते रसे देहं प्रवरे ऽमृतम् उत्तमम् भस्मीभूयात् क्षणेनैव तस्मात् कुर्वन्तु तत् पुरा ॥
pṛthakbhūte rase dehaṃ pravare 'mṛtam uttamam bhasmībhūyāt kṣaṇenaiva tasmāt kurvantu tat purā //
When the fluid has been separated out — the body, and the supreme amṛta in the choicest (fluid) — it would become ash in a mere instant; therefore let them do that first."
AI translation rendered from the Sanskrit, not a published edition — the model flagged this verse as uncertain
BrP 106.42
एतद् राहुवचः श्रुत्वा प्रीताः सर्वे ऽसुरारयः अभ्यषिञ्चन् ग्रहाणां त्वं ग्रहो भूया मुदान्वितः ॥
etad rāhuvacaḥ śrutvā prītāḥ sarve 'surārayaḥ abhyaṣiñcan grahāṇāṃ tvaṃ graho bhūyā mudānvitaḥ //
Hearing this speech of Rāhu, all the enemies of the asuras were pleased and consecrated him among the planets: "Be a planet, and be filled with joy!"
AI translation rendered from the Sanskrit, not a published edition
BrP 106.43
तद्देववचनाच् छक्तिर् ईश्वरी या निगद्यते देहं भित्त्वा दैत्यपतेः सुरशक्तिसमन्विता ॥
taddevavacanāc chaktir īśvarī yā nigadyate dehaṃ bhittvā daityapateḥ suraśaktisamanvitā //
At that word of the gods, the Śakti who is spoken of as the sovereign lady, endowed with the power of the gods, split open the body of the daityas' lord,
AI translation rendered from the Sanskrit, not a published edition
BrP 106.44
आकृष्य शीघ्रम् उत्कृष्टं प्रवरं चामृतं बहिः स्थापयित्वा तु तद् देहं भक्षयाम् आस चाम्बिका ॥
ākṛṣya śīghram utkṛṣṭaṃ pravaraṃ cāmṛtaṃ bahiḥ sthāpayitvā tu tad dehaṃ bhakṣayām āsa cāmbikā //
and having quickly drawn out the superior, choicest amṛta and set it outside, Ambikā devoured that body.
AI translation rendered from the Sanskrit, not a published edition
BrP 106.45
कालरात्रिर् भद्रकाली प्रोच्यते या महाबला स्थापितं रसम् उत्कृष्टं रसानां प्रवरं रसम् ॥
kālarātrir bhadrakālī procyate yā mahābalā sthāpitaṃ rasam utkṛṣṭaṃ rasānāṃ pravaraṃ rasam //
She who is called Kālarātri, Bhadrakālī, of great strength — the superior fluid that had been set down, the fluid choicest among fluids,
AI translation rendered from the Sanskrit, not a published edition
BrP 106.46
व्यस्रवत् स्थापितं तत् तु प्रवरा साभवन् नदी आकृष्टम् अमृतं चैव स्थापितं साप्य् अभक्षयत् ॥
vyasravat sthāpitaṃ tat tu pravarā sābhavan nadī ākṛṣṭam amṛtaṃ caiva sthāpitaṃ sāpy abhakṣayat //
that which had been set down flowed away, and it became the river Pravarā; and the amṛta that had been drawn out and set down, that too she devoured.
AI translation rendered from the Sanskrit, not a published edition
BrP 106.47
ततः श्रेष्ठा नदी जाता प्रवरा चामृता शुभा राहुदेहसमुद्भूता रुद्रशक्तिसमन्विता ॥
tataḥ śreṣṭhā nadī jātā pravarā cāmṛtā śubhā rāhudehasamudbhūtā rudraśaktisamanvitā //
Then the most excellent river came into being, foremost, nectarous and auspicious, arisen from the body of Rāhu, endowed with Rudra's power.
AI translation rendered from the Sanskrit, not a published edition
BrP 106.48
नदीनां प्रवरा रम्या चामृता प्रेरिता तहा तत्र पञ्च सहस्राणि तीर्थानि गुणवन्ति च ॥
nadīnāṃ pravarā ramyā cāmṛtā preritā tahā tatra pañca sahasrāṇi tīrthāni guṇavanti ca //
Thus was she impelled — the foremost of rivers, delightful and nectarous; and there are five thousand tīrthas there, possessed of virtues.
AI translation rendered from the Sanskrit, not a published edition
BrP 106.49
तत्र शंभुः स्वयं तस्थौ सर्वदा सुरपूजितः तस्यै तुष्टाः सुराः सर्वे देव्यै नद्यै पृथक् पृथक् ॥
tatra śaṃbhuḥ svayaṃ tasthau sarvadā surapūjitaḥ tasyai tuṣṭāḥ surāḥ sarve devyai nadyai pṛthak pṛthak //
There Śambhu himself took up his station, ever worshipped by the gods; and all the gods, pleased with her, the goddess, the river, each one separately
AI translation rendered from the Sanskrit, not a published edition
BrP 106.50
वरान् ददुर् मुदा युक्ता यथा पूजाम् अवाप्स्यति शंभुः सुरपतिर् लोके तथा पूजाम् अवाप्स्यसि ॥
varān dadur mudā yuktā yathā pūjām avāpsyati śaṃbhuḥ surapatir loke tathā pūjām avāpsyasi //
gave (her) boons, filled with joy: "Just as Śambhu, the lord of the gods, obtains worship in the world, so shall you obtain worship.
AI translation rendered from the Sanskrit, not a published edition
BrP 106.51
निवासं कुरु देवि त्वं लोकानां हितकाम्यया सदा तिष्ठ रसेशानि सर्वेषां सर्वसिद्धिदा ॥
nivāsaṃ kuru devi tvaṃ lokānāṃ hitakāmyayā sadā tiṣṭha raseśāni sarveṣāṃ sarvasiddhidā //
Make your dwelling (here), O goddess, out of desire for the welfare of the worlds; abide always, O mistress of the waters, granting all attainments to all.
AI translation rendered from the Sanskrit, not a published edition
BrP 106.52
स्तवनात् कीर्तनाद् ध्यानात् सर्वकामप्रदायिनी त्वां नमस्यन्ति ये भक्त्या किंचिद् आपेक्ष्य सर्वदा ॥
stavanāt kīrtanād dhyānāt sarvakāmapradāyinī tvāṃ namasyanti ye bhaktyā kiṃcid āpekṣya sarvadā //
Through praise, through proclamation, through meditation you are the giver of every desire; those who bow to you with devotion, always looking to (obtain) something —
AI translation rendered from the Sanskrit, not a published edition
BrP 106.53
तेषां सर्वाणि कार्याणि भवेयुर् देवताज्ञया शिवशक्त्योर् यतस् तस्मिन् निवासो ऽभूत् सनातनः ॥
teṣāṃ sarvāṇi kāryāṇi bhaveyur devatājñayā śivaśaktyor yatas tasmin nivāso 'bhūt sanātanaḥ //
for them may all their undertakings come to pass, by the command of the deity." Since there came to be an eternal dwelling of Śiva and Śakti in that place,
AI translation rendered from the Sanskrit, not a published edition
BrP 106.54
अतो वदन्ति मुनयो निवासपुरम् इत्य् अदः प्रवरायाः पुरा देवाः सुप्रीतास् ते वरान् ददुः ॥
ato vadanti munayo nivāsapuram ity adaḥ pravarāyāḥ purā devāḥ suprītās te varān daduḥ //
therefore the sages call this place Nivāsapura ('the city of the dwelling'). Formerly the gods, being well pleased, gave those boons to Pravarā:
AI translation rendered from the Sanskrit, not a published edition
BrP 106.55
गङ्गायाः संगमो यस् ते विख्यातः सुरवल्लभः तत्राप्लुतानां सर्वेषां भुक्तिर् वा मुक्तिर् एव च ॥
gaṅgāyāḥ saṃgamo yas te vikhyātaḥ suravallabhaḥ tatrāplutānāṃ sarveṣāṃ bhuktir vā muktir eva ca //
"That confluence of yours with the Gaṅgā which is renowned and dear to the gods — for all who bathe there, there is either enjoyment or liberation;
AI translation rendered from the Sanskrit, not a published edition
BrP 106.56
यद् वापि मनसः काम्यं देवानाम् अपि दुर्लभम् स्यात् तेषां सर्वम् एवेह एवं दत्त्वा सुरा ययुः ॥
yad vāpi manasaḥ kāmyaṃ devānām api durlabham syāt teṣāṃ sarvam eveha evaṃ dattvā surā yayuḥ //
and whatever is desired by the mind, hard to obtain even for the gods, all that shall be theirs here." Having granted this, the gods went away.
AI translation rendered from the Sanskrit, not a published edition
BrP 106.57
ततः प्रभृति तत् तीर्थं प्रवरासंगमं विदुः प्रेरिता देवदेवेन शक्तिर् या प्रेरिता तु सा ॥
tataḥ prabhṛti tat tīrthaṃ pravarāsaṃgamaṃ viduḥ preritā devadevena śaktir yā preritā tu sā //
From that time on they know that tīrtha as Pravarā's confluence. And she, the Śakti, who was impelled by the god of gods —
AI translation rendered from the Sanskrit, not a published edition
BrP 106.58
अमृता सैव विख्याता प्रवरैवं महानदी ॥
amṛtā saiva vikhyātā pravaraivaṃ mahānadī //
she is famed as Amṛtā; and thus Pravarā is a great river.
AI translation rendered from the Sanskrit, not a published edition