Brahma Purana — Chapter 105
BrP 105.1
सोमतीर्थम् इति ख्यातं पितॄणां प्रीतिवर्धनम् तत्र वृत्तं महापुण्यं शृणु यत्नेन नारद ॥
somatīrtham iti khyātaṃ pitṝṇāṃ prītivardhanam tatra vṛttaṃ mahāpuṇyaṃ śṛṇu yatnena nārada //
There is (a ford) known as Somatīrtha, which increases the delight of the ancestors; hear attentively, Nārada, what happened there, (a tale) of great merit.
AI translation rendered from the Sanskrit, not a published edition
BrP 105.2
सोमो राजामृतमयो गन्धर्वाणां पुराभवत् न देवानां तदा देवा माम् अभ्येत्येदम् अब्रुवन् ॥
somo rājāmṛtamayo gandharvāṇāṃ purābhavat na devānāṃ tadā devā mām abhyetyedam abruvan //
Soma the king, consisting of nectar, formerly belonged to the Gandharvas, not to the gods; then the gods came to me and said this:
AI translation rendered from the Sanskrit, not a published edition
BrP 105.3
गन्धर्वैर् आहृतः सोमो देवानां प्राणदः पुरा तम् अध्यायन् सुरगणा ऋषयस् त्व् अतिदुःखिताः यथा स्यात् सोमो ह्य् अस्माकं तथा नीतिर् विधीयताम् ॥
gandharvair āhṛtaḥ somo devānāṃ prāṇadaḥ purā tam adhyāyan suragaṇā ṛṣayas tv atiduḥkhitāḥ yathā syāt somo hy asmākaṃ tathā nītir vidhīyatām //
"Soma, the giver of life to the gods, was formerly carried off by the Gandharvas; the hosts of gods and the sages, exceedingly distressed, brooded upon him: let such a course be devised that Soma may be ours."
AI translation rendered from the Sanskrit, not a published edition
BrP 105.4
तत्र वाग् विबुधान् आह गन्धर्वाः स्त्रीषु कामुकाः तेभ्यो दत्त्वाथ मां देवाः सोमम् आहर्तुम् अर्हथ ॥
tatra vāg vibudhān āha gandharvāḥ strīṣu kāmukāḥ tebhyo dattvātha māṃ devāḥ somam āhartum arhatha //
Thereupon Speech said to the gods: "The Gandharvas are lustful for women; so, gods, having given me to them, you should fetch Soma."
AI translation rendered from the Sanskrit, not a published edition
BrP 105.5
वाचं प्रत्यूचुर् अमरास् त्वां दातुं न क्षमा वयम् विना तेनापि न स्थातुं शक्यं नैव त्वया विना ॥
vācaṃ pratyūcur amarās tvāṃ dātuṃ na kṣamā vayam vinā tenāpi na sthātuṃ śakyaṃ naiva tvayā vinā //
The immortals answered Speech: "We are not able to give you away; yet neither can we remain without him, nor at all without you."
AI translation rendered from the Sanskrit, not a published edition
BrP 105.6
पुनर् वाग् अब्रवीद् देवान् पुनर् एष्याम्य् अहं त्व् इह अत्र बुद्धिर् विधातव्या क्रियतां क्रतुर् उत्तमः ॥
punar vāg abravīd devān punar eṣyāmy ahaṃ tv iha atra buddhir vidhātavyā kriyatāṃ kratur uttamaḥ //
Again Speech said to the gods: "But I shall come back here again; in this matter a plan must be devised — let an excellent sacrifice be performed.
AI translation rendered from the Sanskrit, not a published edition
BrP 105.7
गौतम्या दक्षिणे तीरे भवेद् देवागमो यदि मखं तु विषयं कृत्वा आयान्तु सुरसत्तमाः ॥
gautamyā dakṣiṇe tīre bhaved devāgamo yadi makhaṃ tu viṣayaṃ kṛtvā āyāntu surasattamāḥ //
If the gods' coming should take place on the southern bank of the Gautamī, then let the best of the gods come, making the sacrifice their object.
AI translation rendered from the Sanskrit, not a published edition
BrP 105.8
गन्धर्वाः स्त्रीप्रिया नित्यं पणध्वं तं मया सह तथेत्य् उक्त्वा सुरगणाः सरस्वत्या वचःस्थिताः ॥
gandharvāḥ strīpriyā nityaṃ paṇadhvaṃ taṃ mayā saha tathety uktvā suragaṇāḥ sarasvatyā vacaḥsthitāḥ //
The Gandharvas are ever fond of women: wager him (Soma) along with me." Having said "So be it," the hosts of gods abided by Sarasvatī's word.
AI translation rendered from the Sanskrit, not a published edition
BrP 105.9
देवदूतैः पृथग् देवान् यक्षान् गन्धर्वपन्नगान् आह्वानं चक्रिरे तत्र पुण्ये देवगिरौ तदा ॥
devadūtaiḥ pṛthag devān yakṣān gandharvapannagān āhvānaṃ cakrire tatra puṇye devagirau tadā //
Then, by means of divine messengers, they issued invitations separately to the gods, the Yakṣas, the Gandharvas and the serpents, there on the holy Devagiri.
AI translation rendered from the Sanskrit, not a published edition
BrP 105.10
ततो देवगिरिर् नाम पर्वतस्याभवन् मुने तत्रागमन् सुरगणा गन्धर्वा यक्षकिंनराः ॥
tato devagirir nāma parvatasyābhavan mune tatrāgaman suragaṇā gandharvā yakṣakiṃnarāḥ //
From that, O sage, the mountain got the name Devagiri; there came the hosts of gods, the Gandharvas, the Yakṣas and the Kinnaras,
AI translation rendered from the Sanskrit, not a published edition
BrP 105.11
देवाः सिद्धाश् च ऋषयस् तथाष्टौ देवयोनयः ऋषिभिर् गौतमीतीरे क्रियमाणे महाध्वरे ॥
devāḥ siddhāś ca ṛṣayas tathāṣṭau devayonayaḥ ṛṣibhir gautamītīre kriyamāṇe mahādhvare //
the gods, the Siddhas and the sages, and the eight classes of divine beings, while the great sacrifice was being performed by the sages on the bank of the Gautamī.
AI translation rendered from the Sanskrit, not a published edition
BrP 105.12
तत्र देवैः परिवृतः सहस्राक्षो ऽभ्यभाषत ॥
tatra devaiḥ parivṛtaḥ sahasrākṣo 'bhyabhāṣata //
There the thousand-eyed one, surrounded by the gods, spoke:
AI translation rendered from the Sanskrit, not a published edition
BrP 105.13
गन्धर्वान् अथ संपूज्य सरस्वत्याः समीपतः सरस्वत्या पणध्वं नो युष्माकम् अमृतात्मना ॥
gandharvān atha saṃpūjya sarasvatyāḥ samīpataḥ sarasvatyā paṇadhvaṃ no yuṣmākam amṛtātmanā //
Then, having honoured the Gandharvas in Sarasvatī's presence: "Wager with us Sarasvatī against your nectar-natured (Soma)."
AI translation rendered from the Sanskrit, not a published edition
BrP 105.14
तच् छक्रवचनात् ते वै गन्धर्वाः स्त्रीषु कामुकाः सोमं दत्त्वा सुरेभ्यस् तु जगृहुस् तां सरस्वतीम् ॥
tac chakravacanāt te vai gandharvāḥ strīṣu kāmukāḥ somaṃ dattvā surebhyas tu jagṛhus tāṃ sarasvatīm //
At that word of Śakra, those Gandharvas, lustful for women, gave Soma to the gods and took that Sarasvatī.
AI translation rendered from the Sanskrit, not a published edition
BrP 105.15
सोमो ऽभवच् चामराणां गन्धर्वाणां सरस्वती अवसत् तत्र वागीशा तथापि च सुरान्तिके ॥
somo 'bhavac cāmarāṇāṃ gandharvāṇāṃ sarasvatī avasat tatra vāgīśā tathāpi ca surāntike //
Soma became the immortals', Sarasvatī the Gandharvas'; the mistress of speech dwelt there, yet even so also near the gods.
AI translation rendered from the Sanskrit, not a published edition
BrP 105.16
आयाति च रहो नित्यम् उपांशु क्रियताम् इति अत एव हि सोमस्य क्रयो भवति नारद ॥
āyāti ca raho nityam upāṃśu kriyatām iti ata eva hi somasya krayo bhavati nārada //
"And (the soma) comes always in secret; therefore let (the rite) be performed in a whisper" — for just this reason, Nārada, the purchase of soma takes place.
AI translation rendered from the Sanskrit, not a published edition — the model flagged this verse as uncertain
BrP 105.17
उपांशुना वर्तितव्यं सोमक्रयण एव हि ततो ऽभवद् देवतानां सोमश् चापि सरस्वती ॥
upāṃśunā vartitavyaṃ somakrayaṇa eva hi tato 'bhavad devatānāṃ somaś cāpi sarasvatī //
One must proceed in an undertone precisely at the buying of the soma; thereupon the gods came to possess both the soma and Sarasvatī.
AI translation rendered from the Sanskrit, not a published edition
BrP 105.18
गन्धर्वाणां नैव सोमो नैवासीच् च सरस्वती तत्रागमन् सर्व एव सोमार्थं गौतमीतटम् ॥
gandharvāṇāṃ naiva somo naivāsīc ca sarasvatī tatrāgaman sarva eva somārthaṃ gautamītaṭam //
The Gandharvas had neither the soma nor Sarasvatī; so all of them came there, to the bank of the Gautamī, for the sake of the soma.
AI translation rendered from the Sanskrit, not a published edition
BrP 105.20
गावो देवाः पर्वता यक्षरक्षाः सिद्धाः साध्या मुनयो गुह्यकाश् गन्धर्वास् ते मरुतः पन्नगाश् सर्वौषध्यो मातरो लोकपालाः ब्र्प्_१०५।१९ रुद्रादित्या वसवश् चाश्विनौ च ब्र्प्_१०५।१९ए ये ऽन्ये देवा यज्ञभागस्य योग्याः ब्र्प्_१०५।१९फ़् पञ्चविंशतिनद्यस् तु गङ्गायां संगता मुने पूर्णाहुतिर् यत्र दत्ता पूर्णाख्यानं तद् उच्यते ॥
gāvo devāḥ parvatā yakṣarakṣāḥ siddhāḥ sādhyā munayo guhyakāś gandharvās te marutaḥ pannagāś sarvauṣadhyo mātaro lokapālāḥ BrP_105.19 rudrādityā vasavaś cāśvinau ca brp_105.19e ye 'nye devā yajñabhāgasya yogyāḥ brp_105.19f pañcaviṃśatinadyas tu gaṅgāyāṃ saṃgatā mune pūrṇāhutir yatra dattā pūrṇākhyānaṃ tad ucyate //
The cows, the gods, the mountains, Yakṣas and Rākṣasas, Siddhas, Sādhyas, sages, Guhyakas, those Gandharvas, the Maruts, the serpents, all the herbs, the Mothers, the guardians of the worlds, the Rudras, Ādityas, Vasus and the two Aśvins, and whatever other gods are entitled to a share of the sacrifice — and twenty-five rivers, O sage, joined the Gaṅgā (there). Where the full oblation was offered, that (place) is called by the name Pūrṇā.
AI translation rendered from the Sanskrit, not a published edition — the model flagged this verse as uncertain
BrP 105.21
गौतम्यां संगता यास् तु सर्वाश् चापि यथोदिताः तन्नामधेयतीर्थानि संक्षेपाच् छृणु नारद ॥
gautamyāṃ saṃgatā yās tu sarvāś cāpi yathoditāḥ tannāmadheyatīrthāni saṃkṣepāc chṛṇu nārada //
And all those (rivers) which, as told, are joined to the Gautamī — hear in brief, Nārada, the sacred fords named after them.
AI translation rendered from the Sanskrit, not a published edition
BrP 105.22
सोमतीर्थं च गान्धर्वं देवतीर्थम् अतः परम् पूर्णातीर्थं ततः शालं श्रीपर्णासंगमं तथा ॥
somatīrthaṃ ca gāndharvaṃ devatīrtham ataḥ param pūrṇātīrthaṃ tataḥ śālaṃ śrīparṇāsaṃgamaṃ tathā //
Somatīrtha and Gāndharva, and after that Devatīrtha; then Pūrṇātīrtha, then Śāla, and likewise the confluence of the Śrīparṇā.
AI translation rendered from the Sanskrit, not a published edition
BrP 105.23
स्वागतासंगमं पुण्यं कुसुमायाश् च संगमम् पुष्टिसंगमम् आख्यातं कर्णिकासंगमं शुभम् ॥
svāgatāsaṃgamaṃ puṇyaṃ kusumāyāś ca saṃgamam puṣṭisaṃgamam ākhyātaṃ karṇikāsaṃgamaṃ śubham //
The holy confluence of the Svāgatā, and the confluence of the Kusumā; the Puṣṭi confluence is proclaimed, and the auspicious confluence of the Karṇikā.
AI translation rendered from the Sanskrit, not a published edition
BrP 105.24
वैणवीसंगमश् चैव कृशरासंगमस् तथा वासवीसंगमश् चैव शिवशर्या तथा शिखी ॥
vaiṇavīsaṃgamaś caiva kṛśarāsaṃgamas tathā vāsavīsaṃgamaś caiva śivaśaryā tathā śikhī //
And the confluence of the Vaiṇavī, and likewise the confluence of the Kṛśarā, and the confluence of the Vāsavī, and Śivaśaryā and Śikhī.
AI translation rendered from the Sanskrit, not a published edition
BrP 105.25
कुसुम्भिका उपारथ्या शान्तिजा देवजा तदा अजो वृद्धः सुरो भद्रो गौतम्या सह संगताः ॥
kusumbhikā upārathyā śāntijā devajā tadā ajo vṛddhaḥ suro bhadro gautamyā saha saṃgatāḥ //
Kusumbhikā, Upārathyā, Śāntijā, then Devajā; Aja, Vṛddha, Sura, Bhadra — (these) are joined with the Gautamī.
AI translation rendered from the Sanskrit, not a published edition
BrP 105.26
एते चान्ये च बहवो नदीनदसहायगाः पृथिव्यां यानि तीर्थानि ह्य् अगमन् देवपर्वते ॥
ete cānye ca bahavo nadīnadasahāyagāḥ pṛthivyāṃ yāni tīrthāni hy agaman devaparvate //
These and many others that go along with rivers and streams — whatever fords there are on earth, they came to the mountain of the gods.
AI translation rendered from the Sanskrit, not a published edition — the model flagged this verse as uncertain
BrP 105.27
सोमार्थं वै तथा चान्ये ऽप्य् आगमन् मखमण्डपम् तानि तीर्थानि गङ्गायां संगतानि यथाक्रमम् ॥
somārthaṃ vai tathā cānye 'py āgaman makhamaṇḍapam tāni tīrthāni gaṅgāyāṃ saṃgatāni yathākramam //
And others too came for the sake of the soma to the sacrificial pavilion; those fords are joined to the Gaṅgā in due order.
AI translation rendered from the Sanskrit, not a published edition
BrP 105.28
नदीरूपेण कान्य् एव नदरूपेण कानिचित् सरोरूपेण कान्य् अत्र स्तवरूपेण कानिचित् ॥
nadīrūpeṇa kāny eva nadarūpeṇa kānicit sarorūpeṇa kāny atra stavarūpeṇa kānicit //
Some in the form of a river, some in the form of a stream, some here in the form of a lake, and some in the form of a hymn.
AI translation rendered from the Sanskrit, not a published edition — the model flagged this verse as uncertain
BrP 105.29
तान्य् एव सर्वतीर्थानि विख्यातानि पृथक् पृथक् तेषु स्नानं जपो होमः पितृतर्पणम् एव च ॥
tāny eva sarvatīrthāni vikhyātāni pṛthak pṛthak teṣu snānaṃ japo homaḥ pitṛtarpaṇam eva ca //
Those very ones are the all-fords, renowned each separately; in them bathing, muttering (of prayers), oblation, and the offering of water to the ancestors (are performed).
AI translation rendered from the Sanskrit, not a published edition
BrP 105.30
सर्वकामप्रदं पुंसां भुक्तिदं मुक्तिभाजनम् एतेषां पठनं चापि स्मरणं वा करोति यः सर्वपापविनिर्मुक्तो याति विष्णुपुरं जनः ॥
sarvakāmapradaṃ puṃsāṃ bhuktidaṃ muktibhājanam eteṣāṃ paṭhanaṃ cāpi smaraṇaṃ vā karoti yaḥ sarvapāpavinirmukto yāti viṣṇupuraṃ janaḥ //
(This account) grants men all their wishes, gives enjoyment, and is a vessel of liberation; and whoever recites these or remembers (them), that person, freed from all sins, goes to the city of Viṣṇu.
AI translation rendered from the Sanskrit, not a published edition