Brahma Purana — Chapter 101
BrP 101.1
पुरूरवसम् आख्यातं तीर्थं वेदविदो विदुः स्मरणाद् एव पापानां नाशनं किं तु दर्शनात् ॥
purūravasam ākhyātaṃ tīrthaṃ vedavido viduḥ smaraṇād eva pāpānāṃ nāśanaṃ kiṃ tu darśanāt //
Those who know the Vedas know the sacred place called Purūravas: by remembrance alone it is a destroyer of sins — how much more by seeing it.
AI translation rendered from the Sanskrit, not a published edition
BrP 101.2
पुरूरवा ब्रह्मसदः प्राप्य तत्र सरस्वतीम् यदृच्छया देवनदीं हसन्तीं ब्रह्मणो ऽन्तिके तां दृष्ट्वा रूपसंपन्नाम् उर्वशीं प्राह भूपतिः ॥
purūravā brahmasadaḥ prāpya tatra sarasvatīm yadṛcchayā devanadīṃ hasantīṃ brahmaṇo 'ntike tāṃ dṛṣṭvā rūpasaṃpannām urvaśīṃ prāha bhūpatiḥ //
Purūravas, having come to Brahmā's assembly, saw there Sarasvatī, the divine river, laughing by chance near Brahmā; seeing her, endowed with beauty, the king spoke to Urvaśī.
AI translation rendered from the Sanskrit, not a published edition
BrP 101.3
केयं रूपवती साध्वी स्थितेयं ब्रह्मणो ऽन्तिके सर्वासाम् उत्तमा योषिद् दीपयन्ती सभाम् इमाम् ॥
keyaṃ rūpavatī sādhvī sthiteyaṃ brahmaṇo 'ntike sarvāsām uttamā yoṣid dīpayantī sabhām imām //
"Who is this beautiful, virtuous woman standing near Brahmā, the finest woman of them all, illuminating this assembly?"
AI translation rendered from the Sanskrit, not a published edition
BrP 101.4
उर्वशी प्राह राजानम् इयं देवनदी शुभा सरस्वती ब्रह्मसुता नित्यम् एति च याति च तच् छ्रुत्वा विस्मितो राजा आनयेमां ममान्तिकम् ॥
urvaśī prāha rājānam iyaṃ devanadī śubhā sarasvatī brahmasutā nityam eti ca yāti ca tac chrutvā vismito rājā ānayemāṃ mamāntikam //
Urvaśī said to the king: "She is the auspicious divine river Sarasvatī, Brahmā's daughter; she constantly comes and goes." Hearing that, the astonished king (said): "Bring her into my presence."
AI translation rendered from the Sanskrit, not a published edition
BrP 101.5
उर्वशी पुनर् अप्य् आह राजानं भूरिदक्षिणम् ॥
urvaśī punar apy āha rājānaṃ bhūridakṣiṇam //
Urvaśī spoke once more to the king of abundant sacrificial gifts:
AI translation rendered from the Sanskrit, not a published edition
BrP 101.6
आनीयते महाराज तस्याः सर्वं निवेद्य च ॥
ānīyate mahārāja tasyāḥ sarvaṃ nivedya ca //
"She is being brought, great king, once everything has been reported to her."
AI translation rendered from the Sanskrit, not a published edition
BrP 101.7
ततस् तां प्राहिणोत् तत्र राजा प्रीत्या तदोर्वशीम् सा गत्वा राजवचनं न्यवेदयद् अथोर्वशी ॥
tatas tāṃ prāhiṇot tatra rājā prītyā tadorvaśīm sā gatvā rājavacanaṃ nyavedayad athorvaśī //
Then the king, out of affection, sent Urvaśī there; and Urvaśī, having gone, reported the king's words.
AI translation rendered from the Sanskrit, not a published edition
BrP 101.8
सरस्वत्य् अपि तन् मेने उर्वश्या यन् निवेदितम् सा तथेति प्रतिज्ञाय प्रायाद् यत्र पुरूरवाः ॥
sarasvaty api tan mene urvaśyā yan niveditam sā tatheti pratijñāya prāyād yatra purūravāḥ //
Sarasvatī too approved what Urvaśī had reported; agreeing, "So be it," she went to where Purūravas was.
AI translation rendered from the Sanskrit, not a published edition
BrP 101.9
सरस्वत्यास् ततस् तीरे स रेमे बहुलाः समाः सरस्वान् अभवत् पुत्रो यस्य पुत्रो बृहद्रथः ॥
sarasvatyās tatas tīre sa reme bahulāḥ samāḥ sarasvān abhavat putro yasya putro bṛhadrathaḥ //
Then on the bank of the Sarasvatī he enjoyed himself for many years; a son, Sarasvān, was born (to him), whose son was Bṛhadratha.
AI translation rendered from the Sanskrit, not a published edition
BrP 101.10
तां गच्छन्तीं नृपगृहं नित्यम् एव सरस्वतीम् सरस्वन्तं ततो लक्ष्म ज्ञात्वान्येषु तथा कृतम् ॥
tāṃ gacchantīṃ nṛpagṛhaṃ nityam eva sarasvatīm sarasvantaṃ tato lakṣma jñātvānyeṣu tathā kṛtam //
(Seeing) her, Sarasvatī, going constantly to the king's house, and recognizing the mark (of that) in Sarasvān, (I saw) that it had been done likewise with the others too.
AI translation rendered from the Sanskrit, not a published edition — the model flagged this verse as uncertain
BrP 101.11
तस्यै ददाव् अहं शापं भूया इति महानदी मच्छापभीता वागीशा प्रागाद् देवीं च गौतमीम् ॥
tasyai dadāv ahaṃ śāpaṃ bhūyā iti mahānadī macchāpabhītā vāgīśā prāgād devīṃ ca gautamīm //
I gave her a curse: "Become a great river!" Afraid of my curse, the mistress of speech went to the goddess Gautamī,
AI translation rendered from the Sanskrit, not a published edition
BrP 101.12
कमण्डलुभवां पूतां मातरं लोकपावनीम् तापत्रयोपशमनीम् ऐहिकामुष्मिकप्रदाम् ॥
kamaṇḍalubhavāṃ pūtāṃ mātaraṃ lokapāvanīm tāpatrayopaśamanīm aihikāmuṣmikapradām //
(who was) born from the water-pot, pure, a mother, purifier of the worlds, allayer of the three torments, giver of (goods) in this world and the next.
AI translation rendered from the Sanskrit, not a published edition
BrP 101.13
सा गत्वा गौतमीं देवीं प्राह मच्छापम् आदितः गङ्गापि माम् उवाचेदं विशापां कर्तुम् अर्हसि ॥
sā gatvā gautamīṃ devīṃ prāha macchāpam āditaḥ gaṅgāpi mām uvācedaṃ viśāpāṃ kartum arhasi //
She went and told the goddess Gautamī of my curse from the beginning; and the Gaṅgā too said this to me: "You ought to make her free of the curse.
AI translation rendered from the Sanskrit, not a published edition
BrP 101.14
न युक्तं यत् सरस्वत्याः शापं त्वं दत्तवान् असि स्त्रीणाम् एष स्वभावो वै पुंस्कामा योषितो यतः ॥
na yuktaṃ yat sarasvatyāḥ śāpaṃ tvaṃ dattavān asi strīṇām eṣa svabhāvo vai puṃskāmā yoṣito yataḥ //
It is not right that you gave a curse to Sarasvatī; for this is the nature of women — females desire men.
AI translation rendered from the Sanskrit, not a published edition
BrP 101.15
स्वभावचपला ब्रह्मन् योषितः सकला अपि त्वं कथं तु न जानीषे जगत्स्रष्टाम्बुजासन ॥
svabhāvacapalā brahman yoṣitaḥ sakalā api tvaṃ kathaṃ tu na jānīṣe jagatsraṣṭāmbujāsana //
Brahman, all women are by nature fickle; how is it that you do not know this, O maker of the world, seated on the lotus?
AI translation rendered from the Sanskrit, not a published edition
BrP 101.16
विडम्बयति कं वा न कामो वापि स्वभावतः ततो विशापम् अवदं दृश्यापि स्यात् सरस्वती ॥
viḍambayati kaṃ vā na kāmo vāpi svabhāvataḥ tato viśāpam avadaṃ dṛśyāpi syāt sarasvatī //
Or whom does desire not mock, just by (its own) nature?" Then I spoke (her) free of the curse: "Sarasvatī shall also be visible."
AI translation rendered from the Sanskrit, not a published edition
BrP 101.17
तस्माच् छापान् नदी मर्त्ये दृश्यादृश्या सरस्वती यत्रैषा संगता देवी गङ्गायां शापविह्वला ॥
tasmāc chāpān nadī martye dṛśyādṛśyā sarasvatī yatraiṣā saṃgatā devī gaṅgāyāṃ śāpavihvalā //
Therefore, from that curse, the river Sarasvatī is in the mortal world (now) visible, (now) invisible — there where this goddess, distressed by the curse, joined with the Gaṅgā.
AI translation rendered from the Sanskrit, not a published edition
BrP 101.18
तत्र प्रायान् नृपवरो धार्मिकः स पुरूरवाः तपस् तप्त्वा समाराध्य देवं सिद्धेश्वरं हरम् ॥
tatra prāyān nṛpavaro dhārmikaḥ sa purūravāḥ tapas taptvā samārādhya devaṃ siddheśvaraṃ haram //
There went that best of kings, the righteous Purūravas, and having performed austerity he propitiated the god Hara, lord of the Siddhas,
AI translation rendered from the Sanskrit, not a published edition
BrP 101.19
सर्वान् कामान् अथावाप गङ्गायाश् च प्रसादतः ततः प्रभृति तत् तीर्थं पुरूरवसम् उच्यते ॥
sarvān kāmān athāvāpa gaṅgāyāś ca prasādataḥ tataḥ prabhṛti tat tīrthaṃ purūravasam ucyate //
and then obtained all his desires, by the favour of the Gaṅgā too. From then on that holy place is called Purūravasa.
AI translation rendered from the Sanskrit, not a published edition
BrP 101.20
सरस्वतीसंगमं च ब्रह्मतीर्थं तद् उच्यते सिद्धेश्वरो यत्र देवः सर्वकामप्रदं तु तत् ॥
sarasvatīsaṃgamaṃ ca brahmatīrthaṃ tad ucyate siddheśvaro yatra devaḥ sarvakāmapradaṃ tu tat //
And the confluence with the Sarasvatī is called Brahmatīrtha; where the god Siddheśvara is, that (place) grants all desires.
AI translation rendered from the Sanskrit, not a published edition