Brahma Purana — Chapter 100
BrP 100.1
सुपर्णासंगमं नाम काद्रवासंगमं तथा महेश्वरो यत्र देवो गङ्गापुलिनम् आश्रितः ॥
suparṇāsaṃgamaṃ nāma kādravāsaṃgamaṃ tathā maheśvaro yatra devo gaṅgāpulinam āśritaḥ //
(There is) the confluence called Suparṇāsaṃgama, and likewise the Kādravāsaṃgama, where the god Maheśvara has taken his place on the sandbank of the Gaṅgā.
AI translation rendered from the Sanskrit, not a published edition
BrP 100.2
अग्निकुण्डं च तत्रैव रौद्रं वैष्णवम् एव च सौरं सौम्यं तथा ब्राह्मं कौमारं वारुणं तथा ॥
agnikuṇḍaṃ ca tatraiva raudraṃ vaiṣṇavam eva ca sauraṃ saumyaṃ tathā brāhmaṃ kaumāraṃ vāruṇaṃ tathā //
And in that very place (there is) the fire-pit, and the Raudra and the Vaiṣṇava (fords), the Saura, the Saumya, and the Brāhma, the Kaumāra and the Vāruṇa as well.
AI translation rendered from the Sanskrit, not a published edition
BrP 100.3
अप्सरा च नदी यत्र संगता गङ्गया तथा तत्तीर्थस्मरणाद् एव कृतकृत्यो भवेन् नरः ॥
apsarā ca nadī yatra saṃgatā gaṅgayā tathā tattīrthasmaraṇād eva kṛtakṛtyo bhaven naraḥ //
And where the river Apsarā is joined with the Gaṅgā—by the mere recollection of that ford a man becomes one who has accomplished what was to be done.
AI translation rendered from the Sanskrit, not a published edition
BrP 100.4
सर्वपापप्रशमनं शृणु यत्नेन नारद इन्द्रेण हिंसिताः पूर्वं वालखिल्या महर्षयः दत्तार्धतपसः सर्वे प्रोचुस् ते काश्यपं मुनिम् ॥
sarvapāpapraśamanaṃ śṛṇu yatnena nārada indreṇa hiṃsitāḥ pūrvaṃ vālakhilyā maharṣayaḥ dattārdhatapasaḥ sarve procus te kāśyapaṃ munim //
Hear attentively (of the ford) that quells all sins, Nārada. Formerly the great seers, the Vālakhilyas, were injured by Indra; all of them, having given half of their austerity, said to the sage Kāśyapa:
AI translation rendered from the Sanskrit, not a published edition
BrP 100.5
पुत्रम् उत्पादयानेन इन्द्रदर्पहरं शुभम् तपसो ऽर्धं तु दास्यामस् तथेत्य् आह मुनिस् तु तान् ॥
putram utpādayānena indradarpaharaṃ śubham tapaso 'rdhaṃ tu dāsyāmas tathety āha munis tu tān //
"Beget by this (austerity) an excellent son who will destroy Indra's pride; we will give half of our austerity." And the sage said to them, "So be it."
AI translation rendered from the Sanskrit, not a published edition
BrP 100.6
सुपर्णायां ततो गर्भम् आदधे स प्रजापतिः कद्र्वां चैव शनैर् ब्रह्मन् सर्पाणां सर्पमातरि ॥
suparṇāyāṃ tato garbham ādadhe sa prajāpatiḥ kadrvāṃ caiva śanair brahman sarpāṇāṃ sarpamātari //
Then that Prajāpati placed an embryo in Suparṇā, and gradually also in Kadrū, O Brahman, the mother of serpents, (the mother) of the snakes.
AI translation rendered from the Sanskrit, not a published edition
BrP 100.7
ते गर्भिण्याव् उभे आह गन्तुकामः प्रजापतिः अपराधो न च क्वापि कार्यो गमनम् एव च ॥
te garbhiṇyāv ubhe āha gantukāmaḥ prajāpatiḥ aparādho na ca kvāpi kāryo gamanam eva ca //
Prajāpati, wishing to go away, said to the two of them, both pregnant: "No offence must be committed anywhere, nor any going out."
AI translation rendered from the Sanskrit, not a published edition
BrP 100.8
अन्यत्र गमनाच् छापो भविष्यति न संशयः ॥
anyatra gamanāc chāpo bhaviṣyati na saṃśayaḥ //
"From going elsewhere a curse will come; there is no doubt."
AI translation rendered from the Sanskrit, not a published edition
BrP 100.9
इत्य् उक्त्वा स ययौ पत्न्यौ गते भर्तरि ते उभे तदैव जग्मतुः सत्त्रम् ऋषीणां भावितात्मनाम् ॥
ity uktvā sa yayau patnyau gate bhartari te ubhe tadaiva jagmatuḥ sattram ṛṣīṇāṃ bhāvitātmanām //
Having said this he departed. When the husband had gone, the two wives at once went to the sacrificial session of the seers of purified souls.
AI translation rendered from the Sanskrit, not a published edition
BrP 100.10
ब्रह्मवृन्दसमाकीर्णं गङ्गातीरसमाश्रितम् उन्मत्ते ते उभे नित्यं वयःसंपत्तिगर्विते ॥
brahmavṛndasamākīrṇaṃ gaṅgātīrasamāśritam unmatte te ubhe nityaṃ vayaḥsaṃpattigarvite //
(That session was) thronged with a multitude of brahmins and situated on the bank of the Gaṅgā; and those two were constantly frenzied, proud of the abundance of their youth.
AI translation rendered from the Sanskrit, not a published edition
BrP 100.11
निवार्यमाणे बहुशो मुनिभिस् तत्त्वदर्शिभिः विकुर्वत्यौ तत्र सत्त्रे समानि च हवींषि च ॥
nivāryamāṇe bahuśo munibhis tattvadarśibhiḥ vikurvatyau tatra sattre samāni ca havīṃṣi ca //
Though repeatedly restrained by the sages who see the truth, the two were spoiling the sāman chants and the oblations there at the session.
AI translation rendered from the Sanskrit, not a published edition
BrP 100.12
योषितां दुर्विलसितं कः संवरितुम् ईश्वरः ते दृष्ट्वा चुक्षुभुर् विप्रा अपमार्गरते उभे ॥
yoṣitāṃ durvilasitaṃ kaḥ saṃvaritum īśvaraḥ te dṛṣṭvā cukṣubhur viprā apamārgarate ubhe //
Who is able to check the wicked wantonness of women? Seeing those two given to misconduct, the brahmins were agitated.
AI translation rendered from the Sanskrit, not a published edition
BrP 100.13
अपमार्गस्थिते यस्माद् आपगे हि भविष्यथः सुपर्णा चैव कद्रूश् च नद्यौ ते संबभूवतुः ॥
apamārgasthite yasmād āpage hi bhaviṣyathaḥ suparṇā caiva kadrūś ca nadyau te saṃbabhūvatuḥ //
"Since you two stand on the wrong path, you shall become rivers!" And so Suparṇā and Kadrū became two rivers.
AI translation rendered from the Sanskrit, not a published edition
BrP 100.14
स कदाचिद् गृहं प्रायात् कश्यपो ऽथ प्रजापतिः ऋषिभ्यस् तत्र वृत्तान्तं शापं ताभ्यां सविस्तरम् ॥
sa kadācid gṛhaṃ prāyāt kaśyapo 'tha prajāpatiḥ ṛṣibhyas tatra vṛttāntaṃ śāpaṃ tābhyāṃ savistaram //
Then at some time Kaśyapa, the Prajāpati, came home; (he heard) there from the seers the whole story and the curse upon those two in detail.
AI translation rendered from the Sanskrit, not a published edition
BrP 100.15
श्रुत्वा तु विस्मयाविष्टः किं करोमीत्य् अचिन्तयत् ऋषिभ्यः कथयाम् आस वालखिल्या इति श्रुताः ॥
śrutvā tu vismayāviṣṭaḥ kiṃ karomīty acintayat ṛṣibhyaḥ kathayām āsa vālakhilyā iti śrutāḥ //
Having heard it he was filled with astonishment and thought, "What shall I do?" He told the seers, and the Vālakhilyas heard of it.
AI translation rendered from the Sanskrit, not a published edition — the model flagged this verse as uncertain
BrP 100.16
त ऊचुः कश्यपं विप्रं गत्वा गङ्गां तु गौतमीम् तत्र स्तुहि महेशानं पुनर् भार्ये भविष्यतः ॥
ta ūcuḥ kaśyapaṃ vipraṃ gatvā gaṅgāṃ tu gautamīm tatra stuhi maheśānaṃ punar bhārye bhaviṣyataḥ //
They said to the brahmin Kaśyapa: "Go to the Gautamī Gaṅgā; there praise Maheśāna, and the two will again become your wives."
AI translation rendered from the Sanskrit, not a published edition
BrP 100.17
ब्रह्महत्याभयाद् एव यत्र देवो महेश्वरः गङ्गामध्ये सदा ह्य् आस्ते मध्यमेश्वरसंज्ञया ॥
brahmahatyābhayād eva yatra devo maheśvaraḥ gaṅgāmadhye sadā hy āste madhyameśvarasaṃjñayā //
(That is) where, out of fear of the sin of brahmin-slaying, the god Maheśvara always dwells in the midst of the Gaṅgā under the name Madhyameśvara.
AI translation rendered from the Sanskrit, not a published edition
BrP 100.18
तथेत्य् उक्त्वा कश्यपो ऽपि स्नात्वा गङ्गां जितव्रतः तुष्टाव स्तवनैः पुण्यैर् देवदेवं महेश्वरम् ॥
tathety uktvā kaśyapo 'pi snātvā gaṅgāṃ jitavrataḥ tuṣṭāva stavanaiḥ puṇyair devadevaṃ maheśvaram //
Saying "So be it," Kaśyapa too, having bathed in the Gaṅgā, of firm vow, praised with holy hymns the god of gods, Maheśvara:
AI translation rendered from the Sanskrit, not a published edition
BrP 100.19
लोकत्रयैकाधिपतेर् न यस्य कुत्रापि वस्तुन्य् अभिमानलेशः स सिद्धनाथो ऽखिलविश्वकर्ता भर्ता शिवाया भवतु प्रसन्नः
lokatrayaikādhipater na yasya kutrāpi vastuny abhimānaleśaḥ sa siddhanātho 'khilaviśvakartā bhartā śivāyā bhavatu prasannaḥ
"He who, though sole lord of the three worlds, has not a trace of self-conceit in any thing whatever—may that lord of the perfected ones, maker of the entire universe, husband of Śivā, be gracious."
AI translation rendered from the Sanskrit, not a published edition
BrP 100.20
तापत्रयोष्णद्युतितापितानाम् इतस् ततो वै परिधावतां च शरीरिणां स्थावरजङ्गमानां त्वम् एव दुःखव्यपनोददक्षः
tāpatrayoṣṇadyutitāpitānām itas tato vai paridhāvatāṃ ca śarīriṇāṃ sthāvarajaṅgamānāṃ tvam eva duḥkhavyapanodadakṣaḥ
For embodied beings, scorched by the heat of the three afflictions' burning radiance, running here and there — for the immobile and the moving alike — you alone are skilled at removing suffering.
AI translation rendered from the Sanskrit, not a published edition
BrP 100.21
सत्त्वादियोगस् त्रिविधो ऽपि यस्य शक्रादिभिर् वक्तुम् अशक्य एव विचित्रवृत्तिं परिचिन्त्य सोमं सुखी सदा दानपरो वरेण्यः
sattvādiyogas trividho 'pi yasya śakrādibhir vaktum aśakya eva vicitravṛttiṃ paricintya somaṃ sukhī sadā dānaparo vareṇyaḥ
He whose threefold conjunction with sattva and the rest cannot be described even by Indra and the others — having pondered Soma (Śiva) of wondrous workings, (a man becomes) ever happy, devoted to giving, and worthy of choice.
AI translation rendered from the Sanskrit, not a published edition — the model flagged this verse as uncertain
BrP 100.22
इत्यादिस्तुतिभिर् देवः स्तुतो गौरीपतिः शिवः प्रसन्नो ह्य् अददाच् छंभुः कश्यपाय वरान् बहून् ॥
ityādistutibhir devaḥ stuto gaurīpatiḥ śivaḥ prasanno hy adadāc chaṃbhuḥ kaśyapāya varān bahūn //
Praised with such hymns as these, the god Śiva, lord of Gaurī, Śambhu, being pleased, granted many boons to Kaśyapa.
AI translation rendered from the Sanskrit, not a published edition
BrP 100.23
भार्यार्थिनं तु तं प्राह स्यातां भार्ये उभे तु ते नदीस्वरूपे पत्न्यौ ये गङ्गां प्राप्य सरिद्वराम् ॥
bhāryārthinaṃ tu taṃ prāha syātāṃ bhārye ubhe tu te nadīsvarūpe patnyau ye gaṅgāṃ prāpya saridvarām //
To him, who was desirous of a wife, he said: those two shall be your wives — the two who, having the form of rivers, become wives upon reaching Gaṅgā, the best of streams.
AI translation rendered from the Sanskrit, not a published edition
BrP 100.24
तत्संगमनमात्रेण ताभ्यां भूयात् स्वकं वपुः ते गर्भिण्यौ पुनर् जाते गङ्गायाश् च प्रसादतः ॥
tatsaṃgamanamātreṇa tābhyāṃ bhūyāt svakaṃ vapuḥ te garbhiṇyau punar jāte gaṅgāyāś ca prasādataḥ //
By the mere confluence with her (Gaṅgā), let those two obtain their own bodies; and by Gaṅgā's grace they became pregnant again.
AI translation rendered from the Sanskrit, not a published edition — the model flagged this verse as uncertain
BrP 100.25
ततः प्रजापतिः प्रीतो भार्ये प्राप्य महामनाः आह्वयाम् आस तान् विप्रान् गौतमीतीरम् आश्रितान् ॥
tataḥ prajāpatiḥ prīto bhārye prāpya mahāmanāḥ āhvayām āsa tān viprān gautamītīram āśritān //
Then the high-minded Prajāpati, pleased at having obtained the two wives, summoned those brahmins who dwelt on the bank of the Gautamī.
AI translation rendered from the Sanskrit, not a published edition
BrP 100.26
सीमन्तोन्नयनं चक्रे ताभ्यां प्रीतः प्रजापतिः ब्राह्मणान् पूजयाम् आस विधिदृष्टेन कर्मणा ॥
sīmantonnayanaṃ cakre tābhyāṃ prītaḥ prajāpatiḥ brāhmaṇān pūjayām āsa vidhidṛṣṭena karmaṇā //
Pleased, Prajāpati performed for the two of them the hair-parting rite (sīmantonnayana), and he honoured the brahmins with the rite prescribed by the injunctions.
AI translation rendered from the Sanskrit, not a published edition
BrP 100.27
भुक्तवत्स्व् अथ विप्रेषु कश्यपस्याथ मन्दिरे भर्तृसमीपोपविष्टा कद्रूर् विप्रान् निरीक्ष्य च ॥
bhuktavatsv atha vipreṣu kaśyapasyātha mandire bhartṛsamīpopaviṣṭā kadrūr viprān nirīkṣya ca //
Then, when the brahmins had eaten in Kaśyapa's house, Kadrū, seated near her husband, looked at the brahmins —
AI translation rendered from the Sanskrit, not a published edition
BrP 100.28
ततः कद्रूर् ऋषीन् अक्ष्णा प्राहसत् ते च चुक्षुभुः येनाक्ष्णा हसिता पापे भज्यतां ते ऽक्षि पापवत् ॥
tataḥ kadrūr ṛṣīn akṣṇā prāhasat te ca cukṣubhuḥ yenākṣṇā hasitā pāpe bhajyatāṃ te 'kṣi pāpavat //
then Kadrū laughed at the sages with (a wink of) her eye, and they were angered: "With whichever eye you laughed, wicked woman, let that eye of yours be broken, as befits your sin."
AI translation rendered from the Sanskrit, not a published edition
BrP 100.29
काणाभवत् ततः कद्रूः सर्पमातेति योच्यते ततः प्रसादयाम् आस कश्यपो भगवान् ऋषीन् ॥
kāṇābhavat tataḥ kadrūḥ sarpamāteti yocyate tataḥ prasādayām āsa kaśyapo bhagavān ṛṣīn //
Thereupon Kadrū became one-eyed — she who is called the mother of serpents; then the venerable Kaśyapa propitiated the sages.
AI translation rendered from the Sanskrit, not a published edition
BrP 100.30
ततः प्रसन्नास् ते प्रोचुर् गौतमी सरितां वरा अपराधसहस्रेभ्यो रक्षिष्यति च सेवनात् ॥
tataḥ prasannās te procur gautamī saritāṃ varā aparādhasahasrebhyo rakṣiṣyati ca sevanāt //
Then they, being pleased, said: the Gautamī is the best of rivers; and by attendance upon it, it will protect (one) from thousands of offences.
AI translation rendered from the Sanskrit, not a published edition
BrP 100.31
भार्यान्वितस् तथा चक्रे कश्यपो मुनिसत्तमः ततः प्रभृति तत् तीर्थम् उभयोः संगमं विदुः सर्वपापप्रशमनं सर्वक्रतुफलप्रदम् ॥
bhāryānvitas tathā cakre kaśyapo munisattamaḥ tataḥ prabhṛti tat tīrtham ubhayoḥ saṃgamaṃ viduḥ sarvapāpapraśamanaṃ sarvakratuphalapradam //
So Kaśyapa, best of sages, together with his wives, did (as told); from that time on they know that sacred place as the confluence of the two — the allayer of all sins, the giver of the fruit of all sacrifices.
AI translation rendered from the Sanskrit, not a published edition