Brahma Purana — Chapter 10
BrP 10.1
बुधस्य तु मुनिश्रेष्ठा विद्वान् पुत्रः पुरूरवाः तेजस्वी दानशीलश् च यज्वा विपुलदक्षिणः ॥
budhasya tu muniśreṣṭhā vidvān putraḥ purūravāḥ tejasvī dānaśīlaś ca yajvā vipuladakṣiṇaḥ //
But Budha's son, O best of sages, was the learned Purūravas, splendid and given to generosity, a sacrificer who gave ample gifts.
AI translation rendered from the Sanskrit, not a published edition
BrP 10.2
ब्रह्मवादी पराक्रान्तः शत्रुभिर् युधि दुर्दमः आहर्ता चाग्निहोत्रस्य यज्ञानां च महीपतिः ॥
brahmavādī parākrāntaḥ śatrubhir yudhi durdamaḥ āhartā cāgnihotrasya yajñānāṃ ca mahīpatiḥ //
A speaker on brahman, valorous, hard for enemies to subdue in battle, and a lord of the earth who performed the Agnihotra and (other) sacrifices.
AI translation rendered from the Sanskrit, not a published edition
BrP 10.3
सत्यवादी पुण्यमतिः सम्यक्संवृतमैथुनः अतीव त्रिषु लोकेषु यशसाप्रतिमः सदा ॥
satyavādī puṇyamatiḥ samyaksaṃvṛtamaithunaḥ atīva triṣu lokeṣu yaśasāpratimaḥ sadā //
Truthful, of meritorious mind, with his sexual conduct well restrained, and always utterly unequalled in fame among the three worlds.
AI translation rendered from the Sanskrit, not a published edition
BrP 10.4
तं ब्रह्मवादिनं शान्तं धर्मज्ञं सत्यवादिनम् उर्वशी वरयाम् आस हित्वा मानं यशस्विनी ॥
taṃ brahmavādinaṃ śāntaṃ dharmajñaṃ satyavādinam urvaśī varayām āsa hitvā mānaṃ yaśasvinī //
Him, a speaker on brahman, calm, knowing dharma, truthful, the glorious Urvaśī chose, casting off her pride.
AI translation rendered from the Sanskrit, not a published edition
BrP 10.5
तया सहावसद् राजा दश वर्षाणि पञ्च च षट् पञ्च सप्त चाष्टौ च दश चाष्टौ च भो द्विजाः ॥
tayā sahāvasad rājā daśa varṣāṇi pañca ca ṣaṭ pañca sapta cāṣṭau ca daśa cāṣṭau ca bho dvijāḥ //
The king dwelt with her ten years and five, six, five, seven, eight, ten and eight, O twice-born ones.
AI translation rendered from the Sanskrit, not a published edition
BrP 10.6
वने चैत्ररथे रम्ये तथा मन्दाकिनीतटे अलकायां विशालायां नन्दने च वनोत्तमे ॥
vane caitrarathe ramye tathā mandākinītaṭe alakāyāṃ viśālāyāṃ nandane ca vanottame //
In the delightful Caitraratha wood, and on the bank of the Mandākinī, in Alakā, in Viśālā, and in Nandana, best of groves;
AI translation rendered from the Sanskrit, not a published edition
BrP 10.7
उत्तरान् स कुरून् प्राप्य मनोरमफलद्रुमान् गन्धमादनपादेषु मेरुशृङ्गे तथोत्तरे ॥
uttarān sa kurūn prāpya manoramaphaladrumān gandhamādanapādeṣu meruśṛṅge tathottare //
having reached the northern Kurus, with their trees of delightful fruit, on the slopes of Gandhamādana, and on the northern peak of Meru;
AI translation rendered from the Sanskrit, not a published edition
BrP 10.8
एतेषु वनमुख्येषु सुरैर् आचरितेषु च उर्वश्या सहितो राजा रेमे परमया मुदा ॥
eteṣu vanamukhyeṣu surair ācariteṣu ca urvaśyā sahito rājā reme paramayā mudā //
In these chief forests, frequented by the gods, the king, together with Urvaśī, took his pleasure with the highest joy.
AI translation rendered from the Sanskrit, not a published edition
BrP 10.9
देशे पुण्यतमे चैव महर्षिभिर् अभिष्टुते राज्यं स कारयाम् आस प्रयागे पृथिवीपतिः ॥
deśe puṇyatame caiva maharṣibhir abhiṣṭute rājyaṃ sa kārayām āsa prayāge pṛthivīpatiḥ //
And in that most holy region, praised by the great sages, at Prayāga, that lord of the earth exercised his rule.
AI translation rendered from the Sanskrit, not a published edition
BrP 10.10
एवंप्रभावो राजासीद् ऐलस् तु नरसत्तमः उत्तरे जाह्नवीतीरे प्रतिष्ठाने महायशाः ॥
evaṃprabhāvo rājāsīd ailas tu narasattamaḥ uttare jāhnavītīre pratiṣṭhāne mahāyaśāḥ //
Of such power was king Aila, best of men, of great fame, at Pratiṣṭhāna on the northern bank of the Jāhnavī (Ganges).
AI translation rendered from the Sanskrit, not a published edition
BrP 10.11
ऐलपुत्रा बभूवुस् ते सप्त देवसुतोपमाः गन्धर्वलोके विदिता आयुर् धीमान् अमावसुः ॥
ailaputrā babhūvus te sapta devasutopamāḥ gandharvaloke viditā āyur dhīmān amāvasuḥ //
Aila had seven sons, like the sons of the gods, known in the world of the Gandharvas: Āyu, the wise Amāvasu,
AI translation rendered from the Sanskrit, not a published edition
BrP 10.12
विश्वायुश् चैव धर्मात्मा श्रुतायुश् च तथापरः दृढायुश् च वनायुश् च बह्वायुश् चोर्वशीसुताः ॥
viśvāyuś caiva dharmātmā śrutāyuś ca tathāparaḥ dṛḍhāyuś ca vanāyuś ca bahvāyuś corvaśīsutāḥ //
and Viśvāyu, righteous of soul, and likewise another, Śrutāyu, and Dṛḍhāyu and Vanāyu and Bahvāyu — the sons of Urvaśī.
AI translation rendered from the Sanskrit, not a published edition
BrP 10.13
अमावसोस् तु दायादो भीमो राजाथ राजराट् श्रीमान् भीमस्य दायादो राजासीत् काञ्चनप्रभः ॥
amāvasos tu dāyādo bhīmo rājātha rājarāṭ śrīmān bhīmasya dāyādo rājāsīt kāñcanaprabhaḥ //
Amāvasu's heir was king Bhīma, a king of kings; and Bhīma's heir was the illustrious king Kāñcanaprabha.
AI translation rendered from the Sanskrit, not a published edition
BrP 10.14
विद्वांस् तु काञ्चनस्यापि सुहोत्रो ऽभून् महाबलः सुहोत्रस्याभवज् जह्नुः केशिन्या गर्भसंभवः ॥
vidvāṃs tu kāñcanasyāpi suhotro 'bhūn mahābalaḥ suhotrasyābhavaj jahnuḥ keśinyā garbhasaṃbhavaḥ //
And Kāñcana's (son) was the learned Suhotra, of great strength; Suhotra's son was Jahnu, born from the womb of Keśinī.
AI translation rendered from the Sanskrit, not a published edition
BrP 10.15
आजह्रे यो महत् सत्त्रं सर्पमेधं महामखम् पतिलोभेन यं गङ्गा पतित्वेन ससार ह ॥
ājahre yo mahat sattraṃ sarpamedhaṃ mahāmakham patilobhena yaṃ gaṅgā patitvena sasāra ha //
He performed a great sacrificial session, the snake-sacrifice, a mighty rite — he whom Gaṅgā, out of desire for a husband, approached seeking (him) as husband.
AI translation rendered from the Sanskrit, not a published edition
BrP 10.16
नेच्छतः प्लावयाम् आस तस्य गङ्गा तदा सदः स तया प्लावितं दृष्ट्वा यज्ञवाटं समन्ततः ॥
necchataḥ plāvayām āsa tasya gaṅgā tadā sadaḥ sa tayā plāvitaṃ dṛṣṭvā yajñavāṭaṃ samantataḥ //
Then Gaṅgā flooded his sacrificial hall, though he did not wish it; and he, seeing the sacrificial enclosure flooded by her on every side —
AI translation rendered from the Sanskrit, not a published edition
BrP 10.17
सौहोत्रिर् अशपद् गङ्गां क्रुद्धो राजा द्विजोत्तमाः एष ते विफलं यत्नं पिबन्न् अम्भः करोम्य् अहम् ॥
sauhotrir aśapad gaṅgāṃ kruddho rājā dvijottamāḥ eṣa te viphalaṃ yatnaṃ pibann ambhaḥ karomy aham //
the son of Suhotra, the king, in anger cursed Gaṅgā, O best of twice-born: "I shall make this effort of yours fruitless by drinking up your water."
AI translation rendered from the Sanskrit, not a published edition
BrP 10.18
अस्य गङ्गे ऽवलेपस्य सद्यः फलम् अवाप्नुहि जह्नुराजर्षिणा पीतां गङ्गां दृष्ट्वा महर्षयः ॥
asya gaṅge 'valepasya sadyaḥ phalam avāpnuhi jahnurājarṣiṇā pītāṃ gaṅgāṃ dṛṣṭvā maharṣayaḥ //
"Gaṅgā, receive at once the fruit of this insolence!" The great sages, seeing Gaṅgā drunk up by the royal sage Jahnu,
AI translation rendered from the Sanskrit, not a published edition
BrP 10.19
उपनिन्युर् महाभागां दुहितृत्वेन जाह्नवीम् युवनाश्वस्य पुत्रीं तु कावेरीं जह्नुर् आवहत् ॥
upaninyur mahābhāgāṃ duhitṛtvena jāhnavīm yuvanāśvasya putrīṃ tu kāverīṃ jahnur āvahat //
brought back the greatly blessed Jāhnavī as (his) daughter. And Jahnu married Kāverī, the daughter of Yuvanāśva,
AI translation rendered from the Sanskrit, not a published edition
BrP 10.20
युवनाश्वस्य शापेन गङ्गार्धेन विनिर्गता कावेरीं सरितां श्रेष्ठां जह्नोर् भार्याम् अनिन्दिताम् ॥
yuvanāśvasya śāpena gaṅgārdhena vinirgatā kāverīṃ saritāṃ śreṣṭhāṃ jahnor bhāryām aninditām //
who, by Yuvanāśva's curse, had issued forth as one half of Gaṅgā — Kāverī, best of rivers, the blameless wife of Jahnu.
AI translation rendered from the Sanskrit, not a published edition
BrP 10.21
जह्नुस् तु दयितं पुत्रं सुनद्यं नाम धार्मिकम् कावेर्यां जनयाम् आस अजकस् तस्य चात्मजः ॥
jahnus tu dayitaṃ putraṃ sunadyaṃ nāma dhārmikam kāveryāṃ janayām āsa ajakas tasya cātmajaḥ //
And Jahnu begot on Kāverī a beloved and righteous son named Sunadya; and his son was Ajaka.
AI translation rendered from the Sanskrit, not a published edition
BrP 10.22
अजकस्य तु दायादो बलाकाश्वो महीपतिः बभूव मृगयाशीलः कुशस् तस्यात्मजो ऽभवत् ॥
ajakasya tu dāyādo balākāśvo mahīpatiḥ babhūva mṛgayāśīlaḥ kuśas tasyātmajo 'bhavat //
Ajaka's heir was king Balākāśva, who was devoted to hunting; his son was Kuśa.
AI translation rendered from the Sanskrit, not a published edition
BrP 10.23
कुशपुत्रा बभूवुर् हि चत्वारो देववर्चसः कुशिकः कुशनाभश् च कुशाम्बो मूर्तिमांस् तथा ॥
kuśaputrā babhūvur hi catvāro devavarcasaḥ kuśikaḥ kuśanābhaś ca kuśāmbo mūrtimāṃs tathā //
Kuśa had four sons with the splendour of gods: Kuśika, Kuśanābha, Kuśāmba, and Mūrtimān.
AI translation rendered from the Sanskrit, not a published edition
BrP 10.24
बल्लवैः सह संवृद्धो राजा वनचरः सदा कुशिकस् तु तपस् तेपे पुत्रम् इन्द्रसमं प्रभुः ॥
ballavaiḥ saha saṃvṛddho rājā vanacaraḥ sadā kuśikas tu tapas tepe putram indrasamaṃ prabhuḥ //
(He was) a king raised among cowherds, always roaming the forest; but Kuśika, the lord, performed austerities for a son equal to Indra.
AI translation rendered from the Sanskrit, not a published edition
BrP 10.25
लभेयम् इति तं शक्रस् त्रासाद् अभ्येत्य जज्ञिवान् पूर्णे वर्षसहस्रे वै ततः शक्रो ह्य् अपश्यत ॥
labheyam iti taṃ śakras trāsād abhyetya jajñivān pūrṇe varṣasahasre vai tataḥ śakro hy apaśyata //
(Thinking) "May I obtain (such a son)" — Śakra, out of fear, came to him and knew (his purpose); then, when a full thousand years had passed, Śakra beheld (him),
AI translation rendered from the Sanskrit, not a published edition — the model flagged this verse as uncertain
BrP 10.26
अत्युग्रतपसं दृष्ट्वा सहस्राक्षः पुरंदरः समर्थः पुत्रजनने स्वयम् एवास्य शाश्वतः ॥
atyugratapasaṃ dṛṣṭvā sahasrākṣaḥ puraṃdaraḥ samarthaḥ putrajanane svayam evāsya śāśvataḥ //
and seeing him of exceedingly fierce austerity, the thousand-eyed Purandara, himself capable of begetting a son, the eternal one,
AI translation rendered from the Sanskrit, not a published edition
BrP 10.27
पुत्रार्थं कल्पयाम् आस देवेन्द्रः सुरसत्तमः स गाधिर् अभवद् राजा मघवान् कौशिकः स्वयम् ॥
putrārthaṃ kalpayām āsa devendraḥ surasattamaḥ sa gādhir abhavad rājā maghavān kauśikaḥ svayam //
Devendra, best of the gods, arranged (himself) for the purpose of (being) his son; and Maghavan himself became king Gādhi, the son of Kuśika.
AI translation rendered from the Sanskrit, not a published edition
BrP 10.28
पौरा यस्याभवद् भार्या गाधिस् तस्याम् अजायत गाधेः कन्या महाभागा नाम्ना सत्यवती शुभा ॥
paurā yasyābhavad bhāryā gādhis tasyām ajāyata gādheḥ kanyā mahābhāgā nāmnā satyavatī śubhā //
His wife was Paurā; of her Gādhi was born. To Gādhi (was born) a daughter of great fortune, fair, Satyavatī by name.
AI translation rendered from the Sanskrit, not a published edition
BrP 10.29
तां गाधिः काव्यपुत्राय ऋचीकाय ददौ प्रभुः तस्याः प्रीतः स वै भर्ता भार्गवो भृगुनन्दनः ॥
tāṃ gādhiḥ kāvyaputrāya ṛcīkāya dadau prabhuḥ tasyāḥ prītaḥ sa vai bhartā bhārgavo bhṛgunandanaḥ //
Lord Gādhi gave her to Ṛcīka, son of Kavi; her husband, the Bhārgava, delight of Bhṛgu, was pleased with her.
AI translation rendered from the Sanskrit, not a published edition
BrP 10.30
पुत्रार्थं साधयाम् आस चरुं गाधेस् तथैव च उवाचाहूय तां भार्याम् ऋचीको भार्गवस् तदा ॥
putrārthaṃ sādhayām āsa caruṃ gādhes tathaiva ca uvācāhūya tāṃ bhāryām ṛcīko bhārgavas tadā //
He prepared a sacrificial porridge (caru) for the sake of a son, and likewise one for Gādhi; then Ṛcīka the Bhārgava called his wife and said to her:
AI translation rendered from the Sanskrit, not a published edition
BrP 10.31
उपयोज्यश् चरुर् अयं त्वया मात्रा स्वयं शुभे तस्यां जनिष्यते पुत्रो दीप्तिमान् क्षत्रियर्षभः ॥
upayojyaś carur ayaṃ tvayā mātrā svayaṃ śubhe tasyāṃ janiṣyate putro dīptimān kṣatriyarṣabhaḥ //
"This porridge is to be consumed by you, and this one by your mother herself, fair lady. From her will be born a son, blazing, a bull among kṣatriyas,
AI translation rendered from the Sanskrit, not a published edition
BrP 10.32
अजेयः क्षत्रियैर् लोके क्षत्रियर्षभसूदनः तवापि पुत्रं कल्याणि धृतिमन्तं तपोधनम् ॥
ajeyaḥ kṣatriyair loke kṣatriyarṣabhasūdanaḥ tavāpi putraṃ kalyāṇi dhṛtimantaṃ tapodhanam //
unconquerable by kṣatriyas in the world, a slayer of bulls among kṣatriyas; and for you too, auspicious lady, a son, steadfast, whose wealth is austerity—
AI translation rendered from the Sanskrit, not a published edition
BrP 10.33
शमात्मकं द्विजश्रेष्ठं चरुर् एष विधास्यति एवम् उक्त्वा तु तां भार्याम् ऋचीको भृगुनन्दनः ॥
śamātmakaṃ dvijaśreṣṭhaṃ carur eṣa vidhāsyati evam uktvā tu tāṃ bhāryām ṛcīko bhṛgunandanaḥ //
tranquil in nature, best of twice-born—this porridge will bring about." Having thus spoken to his wife, Ṛcīka, delight of Bhṛgu,
AI translation rendered from the Sanskrit, not a published edition
BrP 10.34
तपस्य् अभिरतो नित्यम् अरण्यं प्रविवेश ह गाधिः सदारस् तु तदा ऋचीकाश्रमम् अभ्यगात् ॥
tapasy abhirato nityam araṇyaṃ praviveśa ha gādhiḥ sadāras tu tadā ṛcīkāśramam abhyagāt //
ever devoted to austerity, entered the forest. And then Gādhi, together with his wife, came to Ṛcīka's hermitage,
AI translation rendered from the Sanskrit, not a published edition
BrP 10.35
तीर्थयात्राप्रसङ्गेन सुतां द्रष्टुं नरेश्वरः चरुद्वयं गृहीत्वा सा ऋषेः सत्यवती तदा ॥
tīrthayātrāprasaṅgena sutāṃ draṣṭuṃ nareśvaraḥ carudvayaṃ gṛhītvā sā ṛṣeḥ satyavatī tadā //
the lord of men (coming) to see his daughter in the course of a pilgrimage to sacred fords. Then Satyavatī, taking the sage's two portions of porridge,
AI translation rendered from the Sanskrit, not a published edition
BrP 10.36
चरुम् आदाय यत्नेन सा तु मात्रे न्यवेदयत् माता तु तस्या दैवेन दुहित्रे स्वं चरुं ददौ ॥
carum ādāya yatnena sā tu mātre nyavedayat mātā tu tasyā daivena duhitre svaṃ caruṃ dadau //
took the porridge and carefully presented it to her mother; but her mother, by fate, gave her own porridge to her daughter,
AI translation rendered from the Sanskrit, not a published edition
BrP 10.37
तस्याश् चरुम् अथाज्ञानाद् आत्मसंस्थं चकार ह अथ सत्यवती सर्वं क्षत्रियान्तकरं तदा ॥
tasyāś carum athājñānād ātmasaṃsthaṃ cakāra ha atha satyavatī sarvaṃ kṣatriyāntakaraṃ tadā //
and then, in ignorance, made her (daughter's) porridge her own. Then Satyavatī, at that time, (bore) all that destroys kṣatriyas—
AI translation rendered from the Sanskrit, not a published edition
BrP 10.38
धारयाम् आस दीप्तेन वपुषा घोरदर्शना ताम् ऋचीकस् ततो दृष्ट्वा योगेनाभ्युपसृत्य च ॥
dhārayām āsa dīptena vapuṣā ghoradarśanā tām ṛcīkas tato dṛṣṭvā yogenābhyupasṛtya ca //
she bore it, with a blazing body, terrible to look upon. Then Ṛcīka, seeing her and approaching by his yogic power,
AI translation rendered from the Sanskrit, not a published edition
BrP 10.39
ततो ऽब्रवीद् द्विजश्रेष्ठः स्वां भार्यां वरवर्णिनीम् मात्रासि वञ्चिता भद्रे चरुव्यत्यासहेतुना ॥
tato 'bravīd dvijaśreṣṭhaḥ svāṃ bhāryāṃ varavarṇinīm mātrāsi vañcitā bhadre caruvyatyāsahetunā //
the best of the twice-born then said to his own wife of lovely complexion: "You have been deceived by your mother, good lady, by the exchange of the porridge.
AI translation rendered from the Sanskrit, not a published edition
BrP 10.40
जनयिष्यति हि पुत्रस् ते क्रूरकर्मातिदारुणः भ्राता जनिष्यते चापि ब्रह्मभूतस् तपोधनः ॥
janayiṣyati hi putras te krūrakarmātidāruṇaḥ bhrātā janiṣyate cāpi brahmabhūtas tapodhanaḥ //
For you will bear a son of cruel deeds, exceedingly terrible, and a brother too will be born, one who has become brahman, whose wealth is austerity.
AI translation rendered from the Sanskrit, not a published edition
BrP 10.41
विश्वं हि ब्रह्म तपसा मया तस्मिन् समर्पितम् एवम् उक्ता महाभागा भर्त्रा सत्यवती तदा ॥
viśvaṃ hi brahma tapasā mayā tasmin samarpitam evam uktā mahābhāgā bhartrā satyavatī tadā //
For the whole of brahman was placed by me in that (porridge) through austerity." Thus addressed by her husband, the greatly fortunate Satyavatī then
AI translation rendered from the Sanskrit, not a published edition
BrP 10.42
प्रसादयाम् आस पतिं पुत्रो मे नेदृशो भवेत् ब्राह्मणापसदस् त्वत्त इत्य् उक्तो मुनिर् अब्रवीत् ॥
prasādayām āsa patiṃ putro me nedṛśo bhavet brāhmaṇāpasadas tvatta ity ukto munir abravīt //
propitiated her husband: "Let no such son be mine, an outcast among brāhmaṇas, from you." So addressed, the sage said:
AI translation rendered from the Sanskrit, not a published edition
BrP 10.43
नैष संकल्पितः कामो मया भद्रे तथास्त्व् इति उग्रकर्मा भवेत् पुत्रः पितुर् मातुश् च कारणात् ॥
naiṣa saṃkalpitaḥ kāmo mayā bhadre tathāstv iti ugrakarmā bhavet putraḥ pitur mātuś ca kāraṇāt //
"This desire was not intended by me, good lady—so be it. The son would be of fierce deeds because of (the exchange by) the father and the mother."
AI translation rendered from the Sanskrit, not a published edition
BrP 10.44
पुनः सत्यवती वाक्यम् एवम् उक्त्वाब्रवीद् इदम् इच्छंल् लोकान् अपि मुने सृजेथाः किं पुनः सुतम् ॥
punaḥ satyavatī vākyam evam uktvābravīd idam icchaṃl lokān api mune sṛjethāḥ kiṃ punaḥ sutam //
Satyavatī, having spoken thus, again said this word: "If you wished, O sage, you could create even worlds—how much more a son!
AI translation rendered from the Sanskrit, not a published edition
BrP 10.45
शमात्मकम् ऋजुं त्वं मे पुत्रं दातुम् इहार्हसि कामम् एवंविधः पौत्रो मम स्यात् तव च प्रभो ॥
śamātmakam ṛjuṃ tvaṃ me putraṃ dātum ihārhasi kāmam evaṃvidhaḥ pautro mama syāt tava ca prabho //
You ought here to give me a son tranquil in nature and upright. If need be, let my grandson be of such a kind, and yours too, lord,
AI translation rendered from the Sanskrit, not a published edition
BrP 10.46
यद्य् अन्यथा न शक्यं वै कर्तुम् एतद् द्विजोत्तम ततः प्रसादम् अकरोत् स तस्यास् तपसो बलात् ॥
yady anyathā na śakyaṃ vai kartum etad dvijottama tataḥ prasādam akarot sa tasyās tapaso balāt //
if indeed this cannot be done otherwise, best of the twice-born." Then he showed favour, by the power of her austerity:
AI translation rendered from the Sanskrit, not a published edition
BrP 10.47
पुत्रे नास्ति विशेषो मे पौत्रे वा वरवर्णिनि त्वया यथोक्तं वचनं तथा भद्रे भविष्यति ॥
putre nāsti viśeṣo me pautre vā varavarṇini tvayā yathoktaṃ vacanaṃ tathā bhadre bhaviṣyati //
"There is no difference for me between a son and a grandson, lady of lovely complexion; as the word was spoken by you, so shall it be, good lady."
AI translation rendered from the Sanskrit, not a published edition
BrP 10.48
ततः सत्यवती पुत्रं जनयाम् आस भार्गवम् तपस्य् अभिरतं दान्तं जमदग्निं समात्मकम् ॥
tataḥ satyavatī putraṃ janayām āsa bhārgavam tapasy abhirataṃ dāntaṃ jamadagniṃ samātmakam //
Then Satyavatī gave birth to a son, the Bhārgava, devoted to austerity, self-controlled, composed in mind — Jamadagni.
AI translation rendered from the Sanskrit, not a published edition
BrP 10.49
भृगोर् जगत्यां वंशे ऽस्मिञ् जमदग्निर् अजायत सा हि सत्यवती पुण्या सत्यधर्मपरायणा ॥
bhṛgor jagatyāṃ vaṃśe 'smiñ jamadagnir ajāyata sā hi satyavatī puṇyā satyadharmaparāyaṇā //
In this line of Bhṛgu on earth Jamadagni was born; for that Satyavatī was holy, wholly devoted to truth and duty.
AI translation rendered from the Sanskrit, not a published edition
BrP 10.50
कौशिकीति समाख्याता प्रवृत्तेयं महानदी इक्ष्वाकुवंशप्रभवो रेणुर् नाम नराधिपः ॥
kauśikīti samākhyātā pravṛtteyaṃ mahānadī ikṣvākuvaṃśaprabhavo reṇur nāma narādhipaḥ //
This great river, known as Kauśikī, came forth. (There was) a king named Reṇu, sprung from the line of Ikṣvāku.
AI translation rendered from the Sanskrit, not a published edition
BrP 10.51
तस्य कन्या महाभागा कामली नाम रेणुका रेणुकायां तु कामल्यां तपोविद्यासमन्वितः ॥
tasya kanyā mahābhāgā kāmalī nāma reṇukā reṇukāyāṃ tu kāmalyāṃ tapovidyāsamanvitaḥ //
His daughter, greatly blessed, was Reṇukā, called Kāmalī; and on Reṇukā Kāmalī, (he) endowed with austerity and knowledge,
AI translation rendered from the Sanskrit, not a published edition
BrP 10.52
आर्चीको जनयाम् आस जामदग्न्यं सुदारुणम् सर्वविद्यान्तगं श्रेष्ठं धनुर्वेदस्य पारगम् ॥
ārcīko janayām āsa jāmadagnyaṃ sudāruṇam sarvavidyāntagaṃ śreṣṭhaṃ dhanurvedasya pāragam //
the son of Ṛcīka begot the very terrible son of Jamadagni, who reached the end of all branches of knowledge, foremost, master of the science of archery,
AI translation rendered from the Sanskrit, not a published edition
BrP 10.53
रामं क्षत्रियहन्तारं प्रदीप्तम् इव पावकम् और्वस्यैवम् ऋचीकस्य सत्यवत्यां महायशाः ॥
rāmaṃ kṣatriyahantāraṃ pradīptam iva pāvakam aurvasyaivam ṛcīkasya satyavatyāṃ mahāyaśāḥ //
Rāma, the slayer of kṣatriyas, like blazing fire. Thus, of Ṛcīka the son of Aurva, by Satyavatī, the greatly renowned
AI translation rendered from the Sanskrit, not a published edition — the model flagged this verse as uncertain
BrP 10.54
जमदग्निस् तपोवीर्याज् जज्ञे ब्रह्मविदां वरः मध्यमश् च शुनःशेफः शुनःपुच्छः कनिष्ठकः ॥
jamadagnis tapovīryāj jajñe brahmavidāṃ varaḥ madhyamaś ca śunaḥśephaḥ śunaḥpucchaḥ kaniṣṭhakaḥ //
Jamadagni was born by the power of austerity, best of the knowers of brahman; and the middle one was Śunaḥśepha, the youngest Śunaḥpuccha.
AI translation rendered from the Sanskrit, not a published edition
BrP 10.55
विश्वामित्रं तु दायादं गाधिः कुशिकनन्दनः जनयाम् आस पुत्रं तु तपोविद्याशमात्मकम् ॥
viśvāmitraṃ tu dāyādaṃ gādhiḥ kuśikanandanaḥ janayām āsa putraṃ tu tapovidyāśamātmakam //
But Gādhi, the son of Kuśika, begot as his heir a son, Viśvāmitra, whose nature was austerity, knowledge and calm.
AI translation rendered from the Sanskrit, not a published edition
BrP 10.56
प्राप्य ब्रह्मर्षिसमतां यो ऽयं ब्रह्मर्षितां गतः विश्वामित्रस् तु धर्मात्मा नाम्ना विश्वरथः स्मृतः ॥
prāpya brahmarṣisamatāṃ yo 'yaṃ brahmarṣitāṃ gataḥ viśvāmitras tu dharmātmā nāmnā viśvarathaḥ smṛtaḥ //
Having attained equality with the brahman-seers, this one who reached the state of a brahman-seer — Viśvāmitra, righteous of soul — is recorded as Viśvaratha by name.
AI translation rendered from the Sanskrit, not a published edition
BrP 10.57
जज्ञे भृगुप्रसादेन कौशिकाद् वंशवर्धनः विश्वामित्रस्य च सुता देवरातादयः स्मृताः ॥
jajñe bhṛguprasādena kauśikād vaṃśavardhanaḥ viśvāmitrasya ca sutā devarātādayaḥ smṛtāḥ //
By the grace of Bhṛgu he was born of Kauśika (as) the increaser of the line; and the sons of Viśvāmitra are recorded as Devarāta and the rest,
AI translation rendered from the Sanskrit, not a published edition
BrP 10.58
प्रख्यातास् त्रिषु लोकेषु तेषां नामान्य् अतःपरम् देवरातः कतिश् चैव यस्मात् कात्यायनाः स्मृताः ॥
prakhyātās triṣu lokeṣu teṣāṃ nāmāny ataḥparam devarātaḥ katiś caiva yasmāt kātyāyanāḥ smṛtāḥ //
renowned in the three worlds. Their names (are told) hereafter: Devarāta, and Kati, from whom the Kātyāyanas are known,
AI translation rendered from the Sanskrit, not a published edition
BrP 10.59
शालावत्यां हिरण्याक्षो रेणुर् जज्ञे ऽथ रेणुकः सांकृतिर् गालवश् चैव मुद्गलश् चैव विश्रुतः ॥
śālāvatyāṃ hiraṇyākṣo reṇur jajñe 'tha reṇukaḥ sāṃkṛtir gālavaś caiva mudgalaś caiva viśrutaḥ //
Hiraṇyākṣa (born) of Śālāvatī, then Reṇu was born, and Reṇuka, Sāṃkṛti, Gālava, and the famed Mudgala,
AI translation rendered from the Sanskrit, not a published edition
BrP 10.60
मधुच्छन्दो जयश् चैव देवलश् च तथाष्टकः कच्छपो हारितश् चैव विश्वामित्रस्य ते सुताः ॥
madhucchando jayaś caiva devalaś ca tathāṣṭakaḥ kacchapo hāritaś caiva viśvāmitrasya te sutāḥ //
Madhucchanda, Jaya, Devala, likewise Aṣṭaka, Kacchapa and Hārita — these are the sons of Viśvāmitra.
AI translation rendered from the Sanskrit, not a published edition
BrP 10.61
तेषां ख्यातानि गोत्राणि कौशिकानां महात्मनाम् पाणिनो बभ्रवश् चैव ध्यानजप्यास् तथैव च ॥
teṣāṃ khyātāni gotrāṇi kauśikānāṃ mahātmanām pāṇino babhravaś caiva dhyānajapyās tathaiva ca //
Famous are the clans of those great-souled Kauśikas: the Pāṇinas, the Babhrus, and likewise the Dhyānajapyas,
AI translation rendered from the Sanskrit, not a published edition
BrP 10.62
पार्थिवा देवराताश् च शालङ्कायनबाष्कलाः लोहिता यमदूताश् च तथा कारूषकाः स्मृताः ॥
pārthivā devarātāś ca śālaṅkāyanabāṣkalāḥ lohitā yamadūtāś ca tathā kārūṣakāḥ smṛtāḥ //
the Pārthivas and the Devarātas, the Śālaṅkāyanas and Bāṣkalas, the Lohitas and Yamadūtas, and likewise the Kārūṣakas are recorded.
AI translation rendered from the Sanskrit, not a published edition
BrP 10.63
पौरवस्य मुनिश्रेष्ठा ब्रह्मर्षेः कौशिकस्य च संबन्धो ऽप्य् अस्य वंशे ऽस्मिन् ब्रह्मक्षत्रस्य विश्रुतः ॥
pauravasya muniśreṣṭhā brahmarṣeḥ kauśikasya ca saṃbandho 'py asya vaṃśe 'smin brahmakṣatrasya viśrutaḥ //
O best of sages, the connection of brahman and kṣatra, of the Paurava and of the brahman-seer Kauśika, is famed in this his line.
AI translation rendered from the Sanskrit, not a published edition
BrP 10.64
विश्वामित्रात्मजानां तु शुनःशेफो ऽग्रजः स्मृतः भार्गवः कौशिकत्वं हि प्राप्तः स मुनिसत्तमः ॥
viśvāmitrātmajānāṃ tu śunaḥśepho 'grajaḥ smṛtaḥ bhārgavaḥ kauśikatvaṃ hi prāptaḥ sa munisattamaḥ //
Among the sons of Viśvāmitra, Śunaḥśepha is recorded as the eldest; for that most excellent sage, though a Bhārgava, attained the status of a Kauśika.
AI translation rendered from the Sanskrit, not a published edition
BrP 10.65
विश्वामित्रस्य पुत्रस् तु शुनःशेफो ऽभवत् किल हरिदश्वस्य यज्ञे तु पशुत्वे विनियोजितः ॥
viśvāmitrasya putras tu śunaḥśepho 'bhavat kila haridaśvasya yajñe tu paśutve viniyojitaḥ //
Śunaḥśepha indeed became the son of Viśvāmitra, having been appointed to the state of the sacrificial victim at the sacrifice of Haridaśva.
AI translation rendered from the Sanskrit, not a published edition
BrP 10.66
देवैर् दत्तः शुनःशेफो विश्वामित्राय वै पुनः देवैर् दत्तः स वै यस्माद् देवरातस् ततो ऽभवत् ॥
devair dattaḥ śunaḥśepho viśvāmitrāya vai punaḥ devair dattaḥ sa vai yasmād devarātas tato 'bhavat //
Śunaḥśepha was given back by the gods to Viśvāmitra; since he was given by the gods, he thereupon became Devarāta ('god-given').
AI translation rendered from the Sanskrit, not a published edition
BrP 10.67
देवरातादयः सप्त विश्वामित्रस्य वै सुताः दृषद्वतीसुतश् चापि वैश्वामित्रस् तथाष्टकः ॥
devarātādayaḥ sapta viśvāmitrasya vai sutāḥ dṛṣadvatīsutaś cāpi vaiśvāmitras tathāṣṭakaḥ //
Devarāta and the rest, seven, were the sons of Viśvāmitra; and Aṣṭaka too, the son of Dṛṣadvatī, was a son of Viśvāmitra.
AI translation rendered from the Sanskrit, not a published edition
BrP 10.68
अष्टकस्य सुतो लौहिः प्रोक्तो जह्नुगणो मया अत ऊर्ध्वं प्रवक्ष्यामि वंशम् आयोर् महात्मनः ॥
aṣṭakasya suto lauhiḥ prokto jahnugaṇo mayā ata ūrdhvaṃ pravakṣyāmi vaṃśam āyor mahātmanaḥ //
The son of Aṣṭaka was Lauhi; (thus) the Jahnu group has been declared by me. Henceforth I shall proclaim the lineage of the great-souled Āyu.
AI translation rendered from the Sanskrit, not a published edition