Bhagavata Purana — Skandha 9 — Chapter 9
SB 9 9.1
श्रीशुक उवाच अंशुमांश्च तपस्तेपे गङ्गानयनकाम्यया कालं महान्तं नाशक्नोत् ततः कालेन संस्थितः
śrīśuka uvāca aṃśumāṃśca tapastepe gaṅgānayanakāmyayā kālaṃ mahāntaṃ nāśaknot tataḥ kālena saṃsthitaḥ
Śrī Śuka said: Aṃśumān too performed austerity with the wish of bringing down the Gaṅgā, for a long time; he did not succeed, and then in time he passed away.
AI translation rendered from the Sanskrit, not a published edition
SB 9 9.2
दिलीपस्तत्सुतस्तद्वदशक्तः कालमेयिवान् भगीरथस्तस्य सुतस्तेपे स सुमहत् तपः
dilīpastatsutastadvadaśaktaḥ kālameyivān bhagīrathastasya sutastepe sa sumahat tapaḥ
His son Dilīpa likewise, unable (to do it), went the way of time; his son Bhagīratha performed very great austerity.
AI translation rendered from the Sanskrit, not a published edition
SB 9 9.3
दर्शयामास तं देवी प्रसन्ना वरदास्मि ते इत्युक्तः स्वमभिप्रायं शशंसावनतो नृपः
darśayāmāsa taṃ devī prasannā varadāsmi te ityuktaḥ svamabhiprāyaṃ śaśaṃsāvanato nṛpaḥ
The goddess showed herself to him, pleased: "I am the giver of a boon to you." Thus addressed, the king, bowing low, declared his intention.
AI translation rendered from the Sanskrit, not a published edition
SB 9 9.4
को ऽपि धारयिता वेगं पतन्त्या मे महीतले अन्यथा भूतलं भित्त्वा नृप यास्ये रसातलम्
ko 'pi dhārayitā vegaṃ patantyā me mahītale anyathā bhūtalaṃ bhittvā nṛpa yāsye rasātalam
"Who will bear the force of me falling upon the surface of the earth? Otherwise, O king, splitting the earth's surface, I shall go to Rasātala.
AI translation rendered from the Sanskrit, not a published edition
SB 9 9.5
किं चाहं न भुवं यास्ये नरा मय्यामृजन्त्यघम् मृजामि तदघं क्वाहं राजंस्तत्र विचिन्त्यताम्
kiṃ cāhaṃ na bhuvaṃ yāsye narā mayyāmṛjantyagham mṛjāmi tadaghaṃ kvāhaṃ rājaṃstatra vicintyatām
And moreover I will not go to the earth: men will wash off their sin in me; where am I to wash off that sin? Let that, O king, be considered."
AI translation rendered from the Sanskrit, not a published edition
SB 9 9.6
श्रीभगीरथ उवाच साधवो न्यासिनः शान्ता ब्रह्मिष्ठा लोकपावनाः हरन्त्यघं ते ऽङ्गसङ्गात् तेष्व् आस्ते ह्यघभिद्धरिः
śrībhagīratha uvāca sādhavo nyāsinaḥ śāntā brahmiṣṭhā lokapāvanāḥ harantyaghaṃ te 'ṅgasaṅgāt teṣv āste hyaghabhiddhariḥ
Śrī Bhagīratha said: Holy men who are renunciants, tranquil, devoted to Brahman, purifiers of the worlds — they will take away that sin (of yours) by the contact of their limbs, for in them dwells Hari, the destroyer of sin.
AI translation rendered from the Sanskrit, not a published edition
SB 9 9.7
धारयिष्यति ते वेगं रुद्रस्त्व् आत्मा शरीरिणाम् यस्मिन्नोतमिदं प्रोतं विश्वं शाटीव तन्तुषु
dhārayiṣyati te vegaṃ rudrastv ātmā śarīriṇām yasminnotamidaṃ protaṃ viśvaṃ śāṭīva tantuṣu
And Rudra, the self of all embodied beings, will bear your force — he in whom this universe is woven warp and weft, like a cloth in its threads.
AI translation rendered from the Sanskrit, not a published edition
SB 9 9.8
इत्युक्त्वा स नृपो देवं तपसातोषयच् छिवम् कालेनाल्पीयसा राजंस्तस्येशश्चाश्व् अतुष्यत
ityuktvā sa nṛpo devaṃ tapasātoṣayac chivam kālenālpīyasā rājaṃstasyeśaścāśv atuṣyata
Having said this, that king pleased the god Śiva by austerity; in a very short time, O king, the Lord was quickly pleased with him.
AI translation rendered from the Sanskrit, not a published edition
SB 9 9.9
तथेति राज्ञाभिहितं सर्वलोकहितः शिवः दधारावहितो गङ्गां पादपूतजलां हरेः
tatheti rājñābhihitaṃ sarvalokahitaḥ śivaḥ dadhārāvahito gaṅgāṃ pādapūtajalāṃ hareḥ
"So be it" — Śiva, the benefactor of all the worlds, (accepting) what was said by the king, attentively bore the Gaṅgā, whose water is purified by Hari's feet.
AI translation rendered from the Sanskrit, not a published edition
SB 9 9.10
भगीरथः स राजर्षिर्निन्ये भुवनपावनीम् यत्र स्वपित्-णां देहा भस्मीभूताः स्म शेरते
bhagīrathaḥ sa rājarṣirninye bhuvanapāvanīm yatra svapit-ṇāṃ dehā bhasmībhūtāḥ sma śerate
That royal sage Bhagīratha led the purifier of the worlds to where the bodies of his own forefathers, reduced to ashes, lay.
AI translation rendered from the Sanskrit, not a published edition
SB 9 9.11
रथेन वायुवेगेन प्रयान्तमनुधावती देशान् पुनन्ती निर्दग्धान् आसिञ्चत् सगरात्मजान्
rathena vāyuvegena prayāntamanudhāvatī deśān punantī nirdagdhān āsiñcat sagarātmajān
Running after him as he went ahead on a chariot with the speed of wind, purifying the lands (as she went), she flooded the burnt-up sons of Sagara.
AI translation rendered from the Sanskrit, not a published edition
SB 9 9.12
यज्जलस्पर्शमात्रेण ब्रह्मदण्डहता अपि सगरात्मजा दिवं जग्मुः केवलं देहभस्मभिः
yajjalasparśamātreṇa brahmadaṇḍahatā api sagarātmajā divaṃ jagmuḥ kevalaṃ dehabhasmabhiḥ
By the mere touch of her water, the sons of Sagara, though struck down by a brahmin's rod (of punishment), went to heaven with only the ashes of their bodies.
AI translation rendered from the Sanskrit, not a published edition
SB 9 9.13
भस्मीभूताङ्गसङ्गेन स्वर्याताः सगरात्मजाः किं पुनः श्रद्धया देवीं सेवन्ते ये धृतव्रताः
bhasmībhūtāṅgasaṅgena svaryātāḥ sagarātmajāḥ kiṃ punaḥ śraddhayā devīṃ sevante ye dhṛtavratāḥ
If the sons of Sagara went to heaven merely by contact with their bodies that had become ash, what then of those who, with faith and firm in their vows, serve the goddess?
AI translation rendered from the Sanskrit, not a published edition
SB 9 9.14
न ह्येतत् परमाश्चर्यं स्वर्धुन्या यदिहोदितम् अनन्तचरणाम्भोज प्रसूताया भवच्छिदः
na hyetat paramāścaryaṃ svardhunyā yadihoditam anantacaraṇāmbhoja prasūtāyā bhavacchidaḥ
This that has been told here is indeed no supreme wonder for the heavenly river, sprung from the lotus feet of the Infinite One, the cutter of (the bondage of) existence.
AI translation rendered from the Sanskrit, not a published edition
SB 9 9.15
सन्निवेश्य मनो यस्मिञ् छ्रद्धया मुनयो ऽमलाः त्रैगुण्यं दुस्त्यजं हित्वा सद्यो यातास्तदात्मताम्
sanniveśya mano yasmiñ chraddhayā munayo 'malāḥ traiguṇyaṃ dustyajaṃ hitvā sadyo yātāstadātmatām
Fixing the mind with faith upon whom, spotless sages, abandoning the three modes that are hard to give up, at once attained identity with him.
AI translation rendered from the Sanskrit, not a published edition
SB 9 9.16
श्रुतो भगीरथाज् जज्ञे तस्य नाभो ऽपरो ऽभवत् सिन्धुद्वीपस्ततस्तस्मादयुतायुस्ततो ऽभवत्
śruto bhagīrathāj jajñe tasya nābho 'paro 'bhavat sindhudvīpastatastasmādayutāyustato 'bhavat
From Bhagīratha was born Śruta; his (son) was Nābha — another (Nābha, not the one mentioned before); from him Sindhudvīpa, and from him came Ayutāyus.
AI translation rendered from the Sanskrit, not a published edition
SB 9 9.17
ऋतूपर्णो नलसखो यो ऽश्वविद्यामयान् नलात् दत्त्वाक्षहृदयं चास्मै सर्वकामस्तु तत्सुतम्
ṛtūparṇo nalasakho yo 'śvavidyāmayān nalāt dattvākṣahṛdayaṃ cāsmai sarvakāmastu tatsutam
Ṛtūparṇa, the friend of Nala, was the one who learned the science of horses from Nala, having given him the secret of dice; and his son was Sarvakāma.
AI translation rendered from the Sanskrit, not a published edition
SB 9 9.18
ततः सुदासस्तत्पुत्रो दमयन्तीपतिर्नृपः आहुर्मित्रसहं यं वै कल्माषाङ्घ्रिमुत क्वचित् वसिष्ठशापाद्रक्षो ऽभूदनपत्यः स्वकर्मणा
tataḥ sudāsastatputro damayantīpatirnṛpaḥ āhurmitrasahaṃ yaṃ vai kalmāṣāṅghrimuta kvacit vasiṣṭhaśāpādrakṣo 'bhūdanapatyaḥ svakarmaṇā
From him (came) Sudāsa; his son was the king, the husband of Damayantī, whom they call Mitrasaha, and sometimes also Kalmāṣāṅghri; by the curse of Vasiṣṭha he became a rākṣasa, and childless through his own act.
AI translation rendered from the Sanskrit, not a published edition
SB 9 9.19
श्रीराजोवाच किं निमित्तो गुरोः शापः सौदासस्य महात्मनः एतद्वेदितुमिच्छामः कथ्यतां न रहो यदि
śrīrājovāca kiṃ nimitto guroḥ śāpaḥ saudāsasya mahātmanaḥ etadveditumicchāmaḥ kathyatāṃ na raho yadi
The king said: What was the cause of the guru's curse upon the great-souled son of Sudāsa? We wish to know this; let it be told, if it is not secret.
AI translation rendered from the Sanskrit, not a published edition
SB 9 9.20
श्रीशुक उवाच सौदासो मृगयां किञ्चिच् चरन् रक्षो जघान ह मुमोच भ्रातरं सो ऽथ गतः प्रतिचिकीर्षया
śrīśuka uvāca saudāso mṛgayāṃ kiñcic caran rakṣo jaghāna ha mumoca bhrātaraṃ so 'tha gataḥ praticikīrṣayā
Śrī Śuka said: Saudāsa, roaming somewhere in the hunt, slew a rākṣasa; but he let the brother go, and that one then departed, wishing to take revenge.
AI translation rendered from the Sanskrit, not a published edition
SB 9 9.21
सञ्चिन्तयन्नघं राज्ञः सूदरूपधरो गृहे गुरवे भोक्तुकामाय पक्त्वा निन्ये नरामिषम्
sañcintayannaghaṃ rājñaḥ sūdarūpadharo gṛhe gurave bhoktukāmāya paktvā ninye narāmiṣam
Plotting harm to the king, taking the form of a cook in (the king's) house, he cooked human flesh and brought it to the guru, who was desiring to eat.
AI translation rendered from the Sanskrit, not a published edition
SB 9 9.22
परिवेक्ष्यमाणं भगवान् विलोक्याभक्ष्यमञ्जसा राजानमशपत् क्रुद्धो रक्षो ह्येवं भविष्यसि
parivekṣyamāṇaṃ bhagavān vilokyābhakṣyamañjasā rājānamaśapat kruddho rakṣo hyevaṃ bhaviṣyasi
The revered one (Vasiṣṭha), seeing what was being served to be at once unfit to eat, in anger cursed the king: "You shall become a rākṣasa, just so."
AI translation rendered from the Sanskrit, not a published edition
SB 9 9.23
रक्षःकृतं तद्विदित्वा चक्रे द्वादशवार्षिकम् सो ऽप्यपो ऽञ्जलिमादाय गुरुं शप्तुं समुद्यतः
rakṣaḥkṛtaṃ tadviditvā cakre dvādaśavārṣikam so 'pyapo 'ñjalimādāya guruṃ śaptuṃ samudyataḥ
When he learned that this had been done by the rākṣasa, he undertook a twelve-year (penance). The king too, taking up a handful of water, was ready to curse the guru.
AI translation rendered from the Sanskrit, not a published edition
SB 9 9.24
वारितो मदयन्त्यापो रुशतीः पादयोर्जहौ दिशः खमवनीं सर्वं पश्यन् जीवमयं नृपः
vārito madayantyāpo ruśatīḥ pādayorjahau diśaḥ khamavanīṃ sarvaṃ paśyan jīvamayaṃ nṛpaḥ
Restrained by Madayantī, he let the scorching waters fall on his own feet; and the king saw all the directions, the sky and the earth as filled with living beings.
AI translation rendered from the Sanskrit, not a published edition
SB 9 9.25
राक्षसं भावमापन्नः पादे कल्माषतां गतः व्यवायकाले ददृशे वनौकोदम्पती द्विजौ
rākṣasaṃ bhāvamāpannaḥ pāde kalmāṣatāṃ gataḥ vyavāyakāle dadṛśe vanaukodampatī dvijau
Having taken on the nature of a rākṣasa, with a mottling arisen on his foot, he saw at the time of their union a brahmin couple who dwelt in the forest.
AI translation rendered from the Sanskrit, not a published edition
SB 9 9.26
क्षुधार्तो जगृहे विप्रं तत्पत्न्याहाकृतार्थवत् न भवान् राक्षसः साक्षादिक्ष्वाकूणां महारथः
kṣudhārto jagṛhe vipraṃ tatpatnyāhākṛtārthavat na bhavān rākṣasaḥ sākṣādikṣvākūṇāṃ mahārathaḥ
Tormented by hunger, he seized the brahmin; his wife, as one whose purpose was unfulfilled, said: "You are not really a rākṣasa, (but) a great chariot-warrior of the Ikṣvākus,
AI translation rendered from the Sanskrit, not a published edition
SB 9 9.27
मदयन्त्याः पतिर्वीर नाधर्मं कर्तुमर्हसि देहि मे ऽपत्यकामाया अकृतार्थं पतिं द्विजम्
madayantyāḥ patirvīra nādharmaṃ kartumarhasi dehi me 'patyakāmāyā akṛtārthaṃ patiṃ dvijam
the husband of Madayantī, O hero; you ought not to commit an unrighteous act. Give back to me, who desire a child, my brahmin husband, whose purpose is unfulfilled.
AI translation rendered from the Sanskrit, not a published edition
SB 9 9.28
देहो ऽयं मानुषो राजन् पुरुषस्याखिलार्थदः तस्मादस्य वधो वीर सर्वार्थवध उच्यते
deho 'yaṃ mānuṣo rājan puruṣasyākhilārthadaḥ tasmādasya vadho vīra sarvārthavadha ucyate
This human body, O king, bestows every goal upon a man; therefore the slaying of it, O hero, is called the slaying of all goals.
AI translation rendered from the Sanskrit, not a published edition
SB 9 9.29
एष हि ब्राह्मणो विद्वांस्तपःशीलगुणान्वितः आरिराधयिषुर्ब्रह्म महापुरुषसंज्ञितम् सर्वभूतात्मभावेन भूतेष्व् अन्तर्हितं गुणैः
eṣa hi brāhmaṇo vidvāṃstapaḥśīlaguṇānvitaḥ ārirādhayiṣurbrahma mahāpuruṣasaṃjñitam sarvabhūtātmabhāvena bhūteṣv antarhitaṃ guṇaiḥ
For this brahmin is learned, endowed with austerity, good conduct and virtue, and wishes to worship Brahman, that which is called the Great Person, hidden within beings by the guṇas, through the attitude that the Self is in all beings.
AI translation rendered from the Sanskrit, not a published edition
SB 9 9.30
सो ऽयं ब्रह्मर्षिवर्यस्ते राजर्षिप्रवराद्विभो कथमर्हति धर्मज्ञ वधं पितुरिवात्मजः
so 'yaṃ brahmarṣivaryaste rājarṣipravarādvibho kathamarhati dharmajña vadhaṃ piturivātmajaḥ
How, O mighty one, does this best of brahmin sages deserve death at the hands of you, the foremost of royal sages, O knower of dharma — as a son (does not deserve it) from his father?
AI translation rendered from the Sanskrit, not a published edition
SB 9 9.31
तस्य साधोरपापस्य भ्रूणस्य ब्रह्मवादिनः कथं वधं यथा बभ्रोर्मन्यते सन्मतो भवान्
tasya sādhorapāpasya bhrūṇasya brahmavādinaḥ kathaṃ vadhaṃ yathā babhrormanyate sanmato bhavān
How can you, who are esteemed by the good, contemplate the killing of this good and sinless man, a learned expounder of the Veda, as though of a babhru (beast)?
AI translation rendered from the Sanskrit, not a published edition — the model flagged this verse as uncertain
SB 9 9.32
यद्ययं क्रियते भक्ष्यस्तर्हि मां खाद पूर्वतः न जीविष्ये विना येन क्षणं च मृतकं यथा
yadyayaṃ kriyate bhakṣyastarhi māṃ khāda pūrvataḥ na jīviṣye vinā yena kṣaṇaṃ ca mṛtakaṃ yathā
If he is to be made your food, then eat me first; for without him I shall not live even a moment, but be like a corpse.
AI translation rendered from the Sanskrit, not a published edition
SB 9 9.33
एवं करुणभाषिण्या विलपन्त्या अनाथवत् व्याघ्रः पशुमिवाखादत् सौदासः शापमोहितः
evaṃ karuṇabhāṣiṇyā vilapantyā anāthavat vyāghraḥ paśumivākhādat saudāsaḥ śāpamohitaḥ
Though she spoke thus pitifully and lamented like one without a protector, Saudāsa, deluded by the curse, devoured (the brahmin) as a tiger devours a beast.
AI translation rendered from the Sanskrit, not a published edition
SB 9 9.34
ब्राह्मणी वीक्ष्य दिधिषुं पुरुषादेन भक्षितम् शोचन्त्यात्मानमुर्वीशमशपत् कुपिता सती
brāhmaṇī vīkṣya didhiṣuṃ puruṣādena bhakṣitam śocantyātmānamurvīśamaśapat kupitā satī
The brahmin woman, seeing her husband eaten by the man-eater, grieving, that chaste woman, in anger cursed the lord of the earth:
AI translation rendered from the Sanskrit, not a published edition
SB 9 9.35
यस्मान् मे भक्षितः पाप कामार्तायाः पतिस्त्वया तवापि मृत्युराधानादकृतप्रज्ञ दर्शितः
yasmān me bhakṣitaḥ pāpa kāmārtāyāḥ patistvayā tavāpi mṛtyurādhānādakṛtaprajña darśitaḥ
"Since my husband was eaten by you, O wicked one, while I was afflicted with desire, therefore, O witless one, your own death too is shown to be at the time of impregnation."
AI translation rendered from the Sanskrit, not a published edition
SB 9 9.36
एवं मित्रसहं शप्त्वा पतिलोकपरायणा तदस्थीनि समिद्धे ऽग्नौ प्रास्य भर्तुर्गतिं गता
evaṃ mitrasahaṃ śaptvā patilokaparāyaṇā tadasthīni samiddhe 'gnau prāsya bharturgatiṃ gatā
Having thus cursed Mitrasaha, she, intent on reaching her husband's world, cast his bones into the kindled fire and went to her husband's destination.
AI translation rendered from the Sanskrit, not a published edition
SB 9 9.37
विशापो द्वादशाब्दान्ते मैथुनाय समुद्यतः विज्ञाप्य ब्राह्मणीशापं महिष्या स निवारितः
viśāpo dvādaśābdānte maithunāya samudyataḥ vijñāpya brāhmaṇīśāpaṃ mahiṣyā sa nivāritaḥ
Freed of the curse, at the end of twelve years he made ready for intercourse; but the queen, informing (him) of the brāhmaṇī's curse, held him back.
AI translation rendered from the Sanskrit, not a published edition
SB 9 9.38
अत ऊर्ध्वं स तत्याज स्त्रीसुखं कर्मणाप्रजाः वसिष्ठस्तदनुज्ञातो मदयन्त्यां प्रजामधात्
ata ūrdhvaṃ sa tatyāja strīsukhaṃ karmaṇāprajāḥ vasiṣṭhastadanujñāto madayantyāṃ prajāmadhāt
From then on he gave up the pleasure of women, and by that act (was) childless; Vasiṣṭha, authorized by him, begot offspring in Madayantī.
AI translation rendered from the Sanskrit, not a published edition
SB 9 9.39
सा वै सप्त समा गर्भमबिभ्रन् न व्यजायत जघ्ने ऽश्मनोदरं तस्याः सो ऽश्मकस्तेन कथ्यते
sā vai sapta samā garbhamabibhran na vyajāyata jaghne 'śmanodaraṃ tasyāḥ so 'śmakastena kathyate
She indeed carried the embryo for seven years and did not give birth; her womb was struck with a stone, and by that (the son) is called Aśmaka.
AI translation rendered from the Sanskrit, not a published edition
SB 9 9.40
अश्मकाद्बालिको जज्ञे यः स्त्रीभिः परिरक्षितः नारीकवच इत्युक्तो निःक्षत्रे मूलको ऽभवत्
aśmakādbāliko jajñe yaḥ strībhiḥ parirakṣitaḥ nārīkavaca ityukto niḥkṣatre mūlako 'bhavat
From Aśmaka was born Bālika, who was guarded all round by women; he was called Nārīkavaca ("woman-armoured"), and when the kṣatriyas were wiped out he became Mūlaka (the root of the line).
AI translation rendered from the Sanskrit, not a published edition
SB 9 9.41
ततो दशरथस्तस्मात् पुत्र ऐडविडिस्ततः राजा विश्वसहो यस्य खट्वाङ्गश्चक्रवर्त्यभूत्
tato daśarathastasmāt putra aiḍaviḍistataḥ rājā viśvasaho yasya khaṭvāṅgaścakravartyabhūt
From him (came) Daśaratha, from him a son Aiḍaviḍi, from him King Viśvasaha, whose (son) Khaṭvāṅga became a universal emperor.
AI translation rendered from the Sanskrit, not a published edition
SB 9 9.42
यो देवैरर्थितो दैत्यान् अवधीद्युधि दुर्जयः मुहूर्तमायुर्ज्ञात्वैत्य स्वपुरं सन्दधे मनः
yo devairarthito daityān avadhīdyudhi durjayaḥ muhūrtamāyurjñātvaitya svapuraṃ sandadhe manaḥ
He, being asked by the gods, slew in battle the Daityas hard to conquer; and learning that his lifespan was but a moment, he came to his own city and fixed his mind (on the Lord).
AI translation rendered from the Sanskrit, not a published edition
SB 9 9.43
न मे ब्रह्मकुलात् प्राणाः कुलदैवान् न चात्मजाः न श्रियो न मही राज्यं न दाराश्चातिवल्लभाः
na me brahmakulāt prāṇāḥ kuladaivān na cātmajāḥ na śriyo na mahī rājyaṃ na dārāścātivallabhāḥ
For me nothing is dearer than the community of brāhmaṇas — not my own life-breaths, nor my sons more than the family deities, nor riches, nor the earth, nor kingship, nor wives.
AI translation rendered from the Sanskrit, not a published edition — the model flagged this verse as uncertain
SB 9 9.44
न बाल्ये ऽपि मतिर्मह्यमधर्मे रमते क्वचित् नापश्यमुत्तमश्लोकादन्यत् किञ्चन वस्त्व् अहम्
na bālye 'pi matirmahyamadharme ramate kvacit nāpaśyamuttamaślokādanyat kiñcana vastv aham
Not even in childhood did my mind ever take pleasure in unrighteousness, nor did I see any thing at all other than Him of highest praise.
AI translation rendered from the Sanskrit, not a published edition
SB 9 9.45
देवैः कामवरो दत्तो मह्यं त्रिभुवनेश्वरैः न वृणे तमहं कामं भूतभावनभावनः
devaiḥ kāmavaro datto mahyaṃ tribhuvaneśvaraiḥ na vṛṇe tamahaṃ kāmaṃ bhūtabhāvanabhāvanaḥ
A boon of (any) wish was granted to me by the gods, the lords of the three worlds; but I do not choose that wish, (being) intent upon the sustainer of (all) beings.
AI translation rendered from the Sanskrit, not a published edition
SB 9 9.46
ये विक्षिप्तेन्द्रियधियो देवास्ते स्वहृदि स्थितम् न विन्दन्ति प्रियं शश्वदात्मानं किमुतापरे
ye vikṣiptendriyadhiyo devāste svahṛdi sthitam na vindanti priyaṃ śaśvadātmānaṃ kimutāpare
Even the gods, whose senses and thought are scattered, do not find the ever-beloved Self that dwells in their own heart — how much less others!
AI translation rendered from the Sanskrit, not a published edition
SB 9 9.47
अथेशमायारचितेषु सङ्गं गुणेषु गन्धर्वपुरोपमेषु रूढं प्रकृत्यात्मनि विश्वकर्तुर् भावेन हित्वा तमहं प्रपद्ये
atheśamāyāraciteṣu saṅgaṃ guṇeṣu gandharvapuropameṣu rūḍhaṃ prakṛtyātmani viśvakartur bhāvena hitvā tamahaṃ prapadye
So then, abandoning by devotion to the maker of the universe attachment to the guṇas, fashioned by the Lord's māyā and like cities of the gandharvas, (attachment) rooted by nature in the self — I take refuge in Him.
AI translation rendered from the Sanskrit, not a published edition — the model flagged this verse as uncertain
SB 9 9.48
इति व्यवसितो बुद्ध्या नारायणगृहीतया हित्वान्यभावमज्ञानं ततः स्वं भावमास्थितः
iti vyavasito buddhyā nārāyaṇagṛhītayā hitvānyabhāvamajñānaṃ tataḥ svaṃ bhāvamāsthitaḥ
Thus resolved by an understanding held fast by Nārāyaṇa, having given up the other state of mind, which is ignorance, he then abided in his own true state.
AI translation rendered from the Sanskrit, not a published edition
SB 9 9.49
यत् तद्ब्रह्म परं सूक्ष्ममशून्यं शून्यकल्पितम् भगवान् वासुदेवेति यं गृणन्ति हि सात्वताः
yat tadbrahma paraṃ sūkṣmamaśūnyaṃ śūnyakalpitam bhagavān vāsudeveti yaṃ gṛṇanti hi sātvatāḥ
That which is the supreme, subtle Brahman, not void though imagined as void — whom the Sātvatas indeed proclaim as the Lord Vāsudeva.
AI translation rendered from the Sanskrit, not a published edition