Bhagavata Purana — Skandha 9 — Chapter 4
SB 9 4.1
श्रीशुक उवाच नाभागो नभगापत्यं यं ततं भ्रातरः कविम् यविष्ठं व्यभजन् दायं ब्रह्मचारिणमागतम्
śrīśuka uvāca nābhāgo nabhagāpatyaṃ yaṃ tataṃ bhrātaraḥ kavim yaviṣṭhaṃ vyabhajan dāyaṃ brahmacāriṇamāgatam
Śrī Śuka said: Nābhāga was the son of Nabhaga. When he, the youngest, a learned one, came back (still) a celibate student, his brothers apportioned him (only) their father as his share.
AI translation rendered from the Sanskrit, not a published edition
SB 9 4.2
भ्रातरो ऽभाङ्क्त किं मह्यं भजाम पितरं तव त्वां ममार्यास्तताभाङ्क्षुर्मा पुत्रक तदादृथाः
bhrātaro 'bhāṅkta kiṃ mahyaṃ bhajāma pitaraṃ tava tvāṃ mamāryāstatābhāṅkṣurmā putraka tadādṛthāḥ
(He said:) "Brothers, what have you allotted to me?" "We allot to you your father." "My noble brothers, father, have allotted you to me." "Do not mind that, my son."
AI translation rendered from the Sanskrit, not a published edition — the model flagged this verse as uncertain
SB 9 4.3
इमे अङ्गिरसः सत्रमासते ऽद्य सुमेधसः षष्ठं षष्ठमुपेत्याहः कवे मुह्यन्ति कर्मणि
ime aṅgirasaḥ satramāsate 'dya sumedhasaḥ ṣaṣṭhaṃ ṣaṣṭhamupetyāhaḥ kave muhyanti karmaṇi
"These wise sons of Aṅgiras are performing a sacrificial session now; on every sixth day, O learned one, they go astray in the ritual.
AI translation rendered from the Sanskrit, not a published edition
SB 9 4.4
तांस्त्वं शंसय सूक्ते द्वे वैश्वदेवे महात्मनः ते स्वर्यन्तो धनं सत्र परिशेषितमात्मनः
tāṃstvaṃ śaṃsaya sūkte dve vaiśvadeve mahātmanaḥ te svaryanto dhanaṃ satra pariśeṣitamātmanaḥ
Have those great souls recite the two Vaiśvadeva hymns; then, going to heaven, they will give you the wealth left over from the session, their own.
AI translation rendered from the Sanskrit, not a published edition
SB 9 4.5
दास्यन्ति ते ऽथ तान् अर्च्छ तथा स कृतवान् यथा तस्मै दत्त्वा ययुः स्वर्गं ते सत्रपरिशेषणम्
dāsyanti te 'tha tān arccha tathā sa kṛtavān yathā tasmai dattvā yayuḥ svargaṃ te satrapariśeṣaṇam
They will give it to you; so approach them." He did just so, and they, giving him the remainder of the session, went to heaven.
AI translation rendered from the Sanskrit, not a published edition
SB 9 4.6
तं कश्चित् स्वीकरिष्यन्तं पुरुषः कृष्णदर्शनः उवाचोत्तरतो ऽभ्येत्य ममेदं वास्तुकं वसु
taṃ kaścit svīkariṣyantaṃ puruṣaḥ kṛṣṇadarśanaḥ uvācottarato 'bhyetya mamedaṃ vāstukaṃ vasu
As he was about to take it for himself, a certain man of dark appearance came up from the north and said, "This wealth on the sacrificial ground is mine."
AI translation rendered from the Sanskrit, not a published edition
SB 9 4.7
ममेदमृषिभिर्दत्तमिति तर्हि स्म मानवः स्यान् नौ ते पितरि प्रश्नः पृष्टवान् पितरं यथा
mamedamṛṣibhirdattamiti tarhi sma mānavaḥ syān nau te pitari praśnaḥ pṛṣṭavān pitaraṃ yathā
"This was given to me by the sages," (he said). Then the son of Manu said, "Let there be a question for us two put to your father"; and he asked his father accordingly.
AI translation rendered from the Sanskrit, not a published edition — the model flagged this verse as uncertain
SB 9 4.8
यज्ञवास्तुगतं सर्वमुच्छिष्टमृषयः क्वचित् चक्रुर्हि भागं रुद्राय स देवः सर्वमर्हति
yajñavāstugataṃ sarvamucchiṣṭamṛṣayaḥ kvacit cakrurhi bhāgaṃ rudrāya sa devaḥ sarvamarhati
"Everything left over that lies on the sacrificial ground—the sages once made it a share for Rudra; that god deserves it all."
AI translation rendered from the Sanskrit, not a published edition
SB 9 4.9
नाभागस्तं प्रणम्याह तवेश किल वास्तुकम् इत्याह मे पिता ब्रह्मञ् छिरसा त्वां प्रसादये
nābhāgastaṃ praṇamyāha taveśa kila vāstukam ityāha me pitā brahmañ chirasā tvāṃ prasādaye
Nābhāga bowed to him and said: "Surely, O lord, the remnant of the sacrificial site is yours — so my father told me, O brahman; with (bowed) head I seek your favour."
AI translation rendered from the Sanskrit, not a published edition
SB 9 4.10
यत् ते पितावदद्धर्मं त्वं च सत्यं प्रभाषसे ददामि ते मन्त्रदृशो ज्ञानं ब्रह्म सनातनम्
yat te pitāvadaddharmaṃ tvaṃ ca satyaṃ prabhāṣase dadāmi te mantradṛśo jñānaṃ brahma sanātanam
"Since what your father told you is the law, and you too speak the truth, I give to you, a seer of mantras, the knowledge that is the eternal Brahman."
AI translation rendered from the Sanskrit, not a published edition
SB 9 4.11
गृहाण द्रविणं दत्तं मत्सत्रपरिशेषितम् इत्युक्त्वान्तर्हितो रुद्रो भगवान् धर्मवत्सलः
gṛhāṇa draviṇaṃ dattaṃ matsatrapariśeṣitam ityuktvāntarhito rudro bhagavān dharmavatsalaḥ
"Take the wealth (here) given, what was left over from my sacrifice." Having said this, Rudra, the Lord who is fond of the law, vanished.
AI translation rendered from the Sanskrit, not a published edition
SB 9 4.12
य एतत् संस्मरेत् प्रातः सायं च सुसमाहितः कविर्भवति मन्त्रज्ञो गतिं चैव तथात्मनः
ya etat saṃsmaret prātaḥ sāyaṃ ca susamāhitaḥ kavirbhavati mantrajño gatiṃ caiva tathātmanaḥ
Whoever, well composed, recalls this at morning and at evening becomes wise and a knower of mantras — and (attains) likewise the (true) course of the self.
AI translation rendered from the Sanskrit, not a published edition
SB 9 4.13
नाभागादम्बरीषो ऽभून् महाभागवतः कृती नास्पृशद्ब्रह्मशापो ऽपि यं न प्रतिहतः क्वचित्
nābhāgādambarīṣo 'bhūn mahābhāgavataḥ kṛtī nāspṛśadbrahmaśāpo 'pi yaṃ na pratihataḥ kvacit
Śrī Śuka said: From Nābhāga there was Ambarīṣa, a great devotee and an accomplished man, whom not even a brahmin's curse touched — he who was never anywhere struck down.
AI translation rendered from the Sanskrit, not a published edition
SB 9 4.14
श्रीराजोवाच भगवन् छ्रोतुमिच्छामि राजर्षेस्तस्य धीमतः न प्राभूद्यत्र निर्मुक्तो ब्रह्मदण्डो दुरत्ययः
śrīrājovāca bhagavan chrotumicchāmi rājarṣestasya dhīmataḥ na prābhūdyatra nirmukto brahmadaṇḍo duratyayaḥ
The King said: Blessed one, I wish to hear of that wise royal sage, in whom the brahmin's rod of punishment, hard to escape, once loosed had no effect.
AI translation rendered from the Sanskrit, not a published edition
SB 9 4.15
श्रीशुक उवाच अम्बरीषो महाभागः सप्तद्वीपवतीं महीम् अव्ययां च श्रियं लब्ध्वा विभवं चातुलं भुवि
śrīśuka uvāca ambarīṣo mahābhāgaḥ saptadvīpavatīṃ mahīm avyayāṃ ca śriyaṃ labdhvā vibhavaṃ cātulaṃ bhuvi
Śrī Śuka said: Ambarīṣa, greatly fortunate, having obtained the earth with its seven continents, and imperishable prosperity, and unequalled power on earth,
AI translation rendered from the Sanskrit, not a published edition
SB 9 4.16
मेने ऽतिदुर्लभं पुंसां सर्वं तत् स्वप्नसंस्तुतम् विद्वान् विभवनिर्वाणं तमो विशति यत् पुमान्
mene 'tidurlabhaṃ puṃsāṃ sarvaṃ tat svapnasaṃstutam vidvān vibhavanirvāṇaṃ tamo viśati yat pumān
considered all that — most difficult for men to obtain — to be like something extolled in a dream; for he knew that power ends in extinction, by which a man enters into darkness.
AI translation rendered from the Sanskrit, not a published edition — the model flagged this verse as uncertain
SB 9 4.17
वासुदेवे भगवति तद्भक्तेषु च साधुषु प्राप्तो भावं परं विश्वं येनेदं लोष्ट्रवत् स्मृतम्
vāsudeve bhagavati tadbhakteṣu ca sādhuṣu prāpto bhāvaṃ paraṃ viśvaṃ yenedaṃ loṣṭravat smṛtam
He attained supreme love for the Lord Vāsudeva and for the good men who are his devotees, by which this whole universe was reckoned as a clod of earth.
AI translation rendered from the Sanskrit, not a published edition
SB 9 4.18
स वै मनः कृष्णपदारविन्दयोर् वचांसि वैकुण्ठगुणानुवर्णने करौ हरेर्मन्दिरमार्जनादिषु श्रुतिं चकाराच्युतसत्कथोदये
sa vai manaḥ kṛṣṇapadāravindayor vacāṃsi vaikuṇṭhaguṇānuvarṇane karau harermandiramārjanādiṣu śrutiṃ cakārācyutasatkathodaye
He indeed set his mind on Kṛṣṇa's two lotus feet, his words on the recounting of Vaikuṇṭha's qualities, his hands on sweeping Hari's temple and the like, his hearing on the telling of the good stories of Acyuta;
AI translation rendered from the Sanskrit, not a published edition
SB 9 4.19
मुकुन्दलिङ्गालयदर्शने दृशौ तद्भृत्यगात्रस्पर्शे ऽङ्गसङ्गमम् घ्राणं च तत्पादसरोजसौरभे श्रीमत्तुलस्या रसनां तदर्पिते
mukundaliṅgālayadarśane dṛśau tadbhṛtyagātrasparśe 'ṅgasaṅgamam ghrāṇaṃ ca tatpādasarojasaurabhe śrīmattulasyā rasanāṃ tadarpite
his two eyes on the sight of Mukunda's images and shrines, the contact of his body on touching the bodies of his servants, his nose on the fragrance of the blessed tulasī at his lotus feet, his tongue on what has been offered to him;
AI translation rendered from the Sanskrit, not a published edition
SB 9 4.20
पादौ हरेः क्षेत्रपदानुसर्पणे शिरो हृषीकेशपदाभिवन्दने कामं च दास्ये न तु कामकाम्यया यथोत्तमश्लोकजनाश्रया रतिः
pādau hareḥ kṣetrapadānusarpaṇe śiro hṛṣīkeśapadābhivandane kāmaṃ ca dāsye na tu kāmakāmyayā yathottamaślokajanāśrayā ratiḥ
his feet on walking to the holy places of Hari, his head on the salutation of Hṛṣīkeśa's feet, and his desire on service — not out of craving for objects of desire — such being the love that takes refuge in the people of him whose praise is highest.
AI translation rendered from the Sanskrit, not a published edition
SB 9 4.21
एवं सदा कर्मकलापमात्मनः परे ऽधियज्ञे भगवत्यधोक्षजे सर्वात्मभावं विदधन् महीमिमां तन्निष्ठविप्राभिहितः शशास ह
evaṃ sadā karmakalāpamātmanaḥ pare 'dhiyajñe bhagavatyadhokṣaje sarvātmabhāvaṃ vidadhan mahīmimāṃ tanniṣṭhaviprābhihitaḥ śaśāsa ha
Thus, always assigning the whole mass of his own works to the supreme Lord Adhokṣaja, who presides over sacrifice, with the disposition of (giving) his entire self, he ruled this earth, guided by brahmins devoted to him.
AI translation rendered from the Sanskrit, not a published edition
SB 9 4.22
ईजे ऽश्वमेधैरधियज्ञमीश्वरं महाविभूत्योपचिताङ्गदक्षिणैः ततैर्वसिष्ठासितगौतमादिभिर् धन्वन्यभिस्रोतमसौ सरस्वतीम्
īje 'śvamedhairadhiyajñamīśvaraṃ mahāvibhūtyopacitāṅgadakṣiṇaiḥ tatairvasiṣṭhāsitagautamādibhir dhanvanyabhisrotamasau sarasvatīm
He worshipped with horse sacrifices the Lord who presides over sacrifice, (rites) furnished with great wealth in their parts and their priestly gifts, spread out by Vasiṣṭha, Asita, Gautama and others, in the arid land along the flowing Sarasvatī.
AI translation rendered from the Sanskrit, not a published edition — the model flagged this verse as uncertain
SB 9 4.23
यस्य क्रतुषु गीर्वाणैः सदस्या ऋत्विजो जनाः तुल्यरूपाश्चानिमिषा व्यदृश्यन्त सुवाससः
yasya kratuṣu gīrvāṇaiḥ sadasyā ṛtvijo janāḥ tulyarūpāścānimiṣā vyadṛśyanta suvāsasaḥ
At whose sacrifices the members of the assembly and the officiating priests, (though) men, were seen along with the gods, of like form with them, unblinking and finely dressed.
AI translation rendered from the Sanskrit, not a published edition — the model flagged this verse as uncertain
SB 9 4.24
स्वर्गो न प्रार्थितो यस्य मनुजैरमरप्रियः शृण्वद्भिरुपगायद्भिरुत्तमश्लोकचेष्टितम्
svargo na prārthito yasya manujairamarapriyaḥ śṛṇvadbhirupagāyadbhiruttamaślokaceṣṭitam
Heaven, dear to the immortals, was not prayed for by whose men, as they heard and sang out the deeds of him whose praise is highest.
AI translation rendered from the Sanskrit, not a published edition
SB 9 4.25
संवर्धयन्ति यत् कामाः स्वाराज्यपरिभाविताः दुर्लभा नापि सिद्धानां मुकुन्दं हृदि पश्यतः
saṃvardhayanti yat kāmāḥ svārājyaparibhāvitāḥ durlabhā nāpi siddhānāṃ mukundaṃ hṛdi paśyataḥ
For the objects of desire that they magnify, which exceed even sovereign rule and are hard to win even for the perfected ones, (are nothing) to one who sees Mukunda in his heart.
AI translation rendered from the Sanskrit, not a published edition — the model flagged this verse as uncertain
SB 9 4.26
स इत्थं भक्तियोगेन तपोयुक्तेन पार्थिवः स्वधर्मेण हरिं प्रीणन् सर्वान् कामान् शनैर्जहौ
sa itthaṃ bhaktiyogena tapoyuktena pārthivaḥ svadharmeṇa hariṃ prīṇan sarvān kāmān śanairjahau
Thus the ruler of the earth, gladdening Hari by devotional yoga joined with austerity and by his own duty, gradually gave up all desires.
AI translation rendered from the Sanskrit, not a published edition
SB 9 4.27
गृहेषु दारेषु सुतेषु बन्धुषु द्विपोत्तमस्यन्दनवाजिवस्तुषु अक्षय्यरत्नाभरणाम्बरादिष्व् अनन्तकोशेष्व् अकरोदसन्मतिम्
gṛheṣu dāreṣu suteṣu bandhuṣu dvipottamasyandanavājivastuṣu akṣayyaratnābharaṇāmbarādiṣv anantakośeṣv akarodasanmatim
Toward homes, wives, sons, kinsmen, toward excellent elephants, chariots, horses and goods, toward inexhaustible jewels, ornaments, garments and the rest, and toward endless treasuries, he formed the conviction that they are unreal.
AI translation rendered from the Sanskrit, not a published edition
SB 9 4.28
तस्मा अदाद्धरिश्चक्रं प्रत्यनीकभयावहम् एकान्तभक्तिभावेन प्रीतो भक्ताभिरक्षणम्
tasmā adāddhariścakraṃ pratyanīkabhayāvaham ekāntabhaktibhāvena prīto bhaktābhirakṣaṇam
To him Hari, pleased by his single-minded devotion, gave the discus that brings terror to the hostile ranks and is the protector of his devotees.
AI translation rendered from the Sanskrit, not a published edition
SB 9 4.29
आरिराधयिषुः कृष्णं महिष्या तुल्यशीलया युक्तः सांवत्सरं वीरो दधार द्वादशीव्रतम्
ārirādhayiṣuḥ kṛṣṇaṃ mahiṣyā tulyaśīlayā yuktaḥ sāṃvatsaraṃ vīro dadhāra dvādaśīvratam
Desiring to worship Kṛṣṇa, the hero, together with his queen who was of like character, observed the vow of the twelfth (dvādaśī) for a full year.
AI translation rendered from the Sanskrit, not a published edition
SB 9 4.30
व्रतान्ते कार्तिके मासि त्रिरात्रं समुपोषितः स्नातः कदाचित् कालिन्द्यां हरिं मधुवने ऽर्चयत्
vratānte kārtike māsi trirātraṃ samupoṣitaḥ snātaḥ kadācit kālindyāṃ hariṃ madhuvane 'rcayat
At the end of the vow, in the month of Kārttika, having fasted for three nights and bathed in the Kālindī, he once worshipped Hari in the Madhuvana.
AI translation rendered from the Sanskrit, not a published edition
SB 9 4.31
महाभिषेकविधिना सर्वोपस्करसम्पदा अभिषिच्याम्बराकल्पैर्गन्धमाल्यार्हणादिभिः
mahābhiṣekavidhinā sarvopaskarasampadā abhiṣicyāmbarākalpairgandhamālyārhaṇādibhiḥ
Having bathed (the deity) by the rite of the great ablution, with an abundance of all the requisites, with garments and ornaments, with scents, garlands, offerings and the rest—
AI translation rendered from the Sanskrit, not a published edition
SB 9 4.32
तद्गतान्तरभावेन पूजयामास केशवम् ब्राह्मणांश्च महाभागान् सिद्धार्थान् अपि भक्तितः
tadgatāntarabhāvena pūjayāmāsa keśavam brāhmaṇāṃśca mahābhāgān siddhārthān api bhaktitaḥ
—with his inner being absorbed in Him he worshipped Keśava, and also, out of devotion, the greatly fortunate brāhmaṇas whose aims were accomplished.
AI translation rendered from the Sanskrit, not a published edition
SB 9 4.33
गवां रुक्मविषाणीनां रूप्याङ्घ्रीणां सुवाससाम् पयःशीलवयोरूप वत्सोपस्करसम्पदाम्
gavāṃ rukmaviṣāṇīnāṃ rūpyāṅghrīṇāṃ suvāsasām payaḥśīlavayorūpa vatsopaskarasampadām
Of cows with gilded horns and silver-plated hooves, well caparisoned, rich in milk, gentle temper, age and beauty, and furnished with calves and equipment—
AI translation rendered from the Sanskrit, not a published edition
SB 9 4.34
प्राहिणोत् साधुविप्रेभ्यो गृहेषु न्यर्बुदानि षट् भोजयित्वा द्विजान् अग्रे स्वाद्व् अन्नं गुणवत्तमम्
prāhiṇot sādhuviprebhyo gṛheṣu nyarbudāni ṣaṭ bhojayitvā dvijān agre svādv annaṃ guṇavattamam
—he sent sixty crores of them to the good brāhmaṇas at their homes; and having first fed the twice-born with sweet food of the finest quality,
AI translation rendered from the Sanskrit, not a published edition
SB 9 4.35
लब्धकामैरनुज्ञातः पारणायोपचक्रमे तस्य तर्ह्यतिथिः साक्षाद्दुर्वासा भगवान् अभूत्
labdhakāmairanujñātaḥ pāraṇāyopacakrame tasya tarhyatithiḥ sākṣāddurvāsā bhagavān abhūt
permitted by those whose desires had been fulfilled, he set about breaking his fast; just then the venerable Durvāsas himself became his guest.
AI translation rendered from the Sanskrit, not a published edition
SB 9 4.36
तमानर्चातिथिं भूपः प्रत्युत्थानासनार्हणैः ययाचे ऽभ्यवहाराय पादमूलमुपागतः
tamānarcātithiṃ bhūpaḥ pratyutthānāsanārhaṇaiḥ yayāce 'bhyavahārāya pādamūlamupāgataḥ
The king honoured that guest with rising to meet him, a seat and offerings; having approached his feet, he requested him to take food.
AI translation rendered from the Sanskrit, not a published edition
SB 9 4.37
प्रतिनन्द्य स तां याच्ञां कर्तुमावश्यकं गतः निममज्ज बृहद्ध्यायन् कालिन्दीसलिले शुभे
pratinandya sa tāṃ yācñāṃ kartumāvaśyakaṃ gataḥ nimamajja bṛhaddhyāyan kālindīsalile śubhe
He accepted that request with pleasure, and went to perform the necessary (rites); meditating on the Great One, he immersed himself in the auspicious water of the Kālindī.
AI translation rendered from the Sanskrit, not a published edition
SB 9 4.38
मुहूर्तार्धावशिष्टायां द्वादश्यां पारणं प्रति चिन्तयामास धर्मज्ञो द्विजैस्तद्धर्मसङ्कटे
muhūrtārdhāvaśiṣṭāyāṃ dvādaśyāṃ pāraṇaṃ prati cintayāmāsa dharmajño dvijaistaddharmasaṅkaṭe
When only half a muhūrta of the dvādaśī remained, the knower of dharma deliberated with the brāhmaṇas about breaking the fast, in that crisis of duty.
AI translation rendered from the Sanskrit, not a published edition
SB 9 4.39
ब्राह्मणातिक्रमे दोषो द्वादश्यां यदपारणे यत् कृत्वा साधु मे भूयादधर्मो वा न मां स्पृशेत्
brāhmaṇātikrame doṣo dvādaśyāṃ yadapāraṇe yat kṛtvā sādhu me bhūyādadharmo vā na māṃ spṛśet
"There is fault in slighting a brāhmaṇa, and (fault) in not breaking the fast within the dvādaśī; by doing what may good come to me, and unrighteousness not touch me?"
AI translation rendered from the Sanskrit, not a published edition
SB 9 4.40
अम्भसा केवलेनाथ करिष्ये व्रतपारणम् आहुरब्भक्षणं विप्रा ह्यशितं नाशितं च तत्
ambhasā kevalenātha kariṣye vratapāraṇam āhurabbhakṣaṇaṃ viprā hyaśitaṃ nāśitaṃ ca tat
"Now I shall break the vow with water alone; for the brāhmaṇas say that drinking water is both eating and not eating."
AI translation rendered from the Sanskrit, not a published edition
SB 9 4.41
इत्यपः प्राश्य राजर्षिश्चिन्तयन् मनसाच्युतम् प्रत्यचष्ट कुरुश्रेष्ठ द्विजागमनमेव सः
ityapaḥ prāśya rājarṣiścintayan manasācyutam pratyacaṣṭa kuruśreṣṭha dvijāgamanameva saḥ
So saying, the royal sage sipped water and, meditating in his mind on the Infallible One, awaited the return of the brāhmaṇa, O best of the Kurus.
AI translation rendered from the Sanskrit, not a published edition
SB 9 4.42
दुर्वासा यमुनाकूलात् कृतावश्यक आगतः राज्ञाभिनन्दितस्तस्य बुबुधे चेष्टितं धिया
durvāsā yamunākūlāt kṛtāvaśyaka āgataḥ rājñābhinanditastasya bubudhe ceṣṭitaṃ dhiyā
Durvāsas, having done what was necessary, returned from the bank of the Yamunā; welcomed by the king, he perceived by his mind what he had done.
AI translation rendered from the Sanskrit, not a published edition
SB 9 4.43
मन्युना प्रचलद्गात्रो भ्रुकुटीकुटिलाननः बुभुक्षितश्च सुतरां कृताञ्जलिमभाषत
manyunā pracaladgātro bhrukuṭīkuṭilānanaḥ bubhukṣitaśca sutarāṃ kṛtāñjalimabhāṣata
His limbs trembling with anger, his face crooked with a frown, and exceedingly hungry, he addressed (the king) who stood with joined palms:
AI translation rendered from the Sanskrit, not a published edition
SB 9 4.44
अहो अस्य नृशंसस्य श्रियोन्मत्तस्य पश्यत धर्मव्यतिक्रमं विष्णोरभक्तस्येशमानिनः
aho asya nṛśaṃsasya śriyonmattasya paśyata dharmavyatikramaṃ viṣṇorabhaktasyeśamāninaḥ
"Oh, look at this cruel man's transgression of dharma—mad with wealth, no devotee of Viṣṇu, thinking himself the Lord!
AI translation rendered from the Sanskrit, not a published edition
SB 9 4.45
यो मामतिथिमायातमातिथ्येन निमन्त्र्य च अदत्त्वा भुक्तवांस्तस्य सद्यस्ते दर्शये फलम्
yo māmatithimāyātamātithyena nimantrya ca adattvā bhuktavāṃstasya sadyaste darśaye phalam
He who, having invited me, a guest come to him, with hospitality, and having given me nothing, ate—for that I shall show you the fruit at once."
AI translation rendered from the Sanskrit, not a published edition
SB 9 4.46
एवं ब्रुवाण उत्कृत्य जटां रोषप्रदीपितः तया स निर्ममे तस्मै कृत्यां कालानलोपमाम्
evaṃ bruvāṇa utkṛtya jaṭāṃ roṣapradīpitaḥ tayā sa nirmame tasmai kṛtyāṃ kālānalopamām
Speaking thus, blazing with rage, he tore out a lock of his matted hair and with it fashioned against him a witch-demoness like the fire of doomsday.
AI translation rendered from the Sanskrit, not a published edition
SB 9 4.47
तामापतन्तीं ज्वलतीमसिहस्तां पदा भुवम् वेपयन्तीं समुद्वीक्ष्य न चचाल पदान् नृपः
tāmāpatantīṃ jvalatīmasihastāṃ padā bhuvam vepayantīṃ samudvīkṣya na cacāla padān nṛpaḥ
Seeing her rushing at him, blazing, sword in hand, making the earth tremble with her tread, the king did not stir from his place.
AI translation rendered from the Sanskrit, not a published edition
SB 9 4.48
प्राग् दिष्टं भृत्यरक्षायां पुरुषेण महात्मना ददाह कृत्यां तां चक्रं क्रुद्धाहिमिव पावकः
prāg diṣṭaṃ bhṛtyarakṣāyāṃ puruṣeṇa mahātmanā dadāha kṛtyāṃ tāṃ cakraṃ kruddhāhimiva pāvakaḥ
The discus, appointed beforehand by the great-souled Person for the protection of His servant, burned up that witch, as fire burns an enraged snake.
AI translation rendered from the Sanskrit, not a published edition
SB 9 4.49
तदभिद्रवदुद्वीक्ष्य स्वप्रयासं च निष्फलम् दुर्वासा दुद्रुवे भीतो दिक्षु प्राणपरीप्सया
tadabhidravadudvīkṣya svaprayāsaṃ ca niṣphalam durvāsā dudruve bhīto dikṣu prāṇaparīpsayā
Seeing it rushing upon him, and his own effort fruitless, Durvāsā, terrified, ran off in every direction, hoping to save his life.
AI translation rendered from the Sanskrit, not a published edition
SB 9 4.50
तमन्वधावद्भगवद्रथाङ्गं दावाग्निरुद्धूतशिखो यथाहिम् तथानुषक्तं मुनिरीक्षमाणो गुहां विविक्षुः प्रससार मेरोः
tamanvadhāvadbhagavadrathāṅgaṃ dāvāgniruddhūtaśikho yathāhim tathānuṣaktaṃ munirīkṣamāṇo guhāṃ vivikṣuḥ prasasāra meroḥ
The Lord's chariot-wheel chased after him as a forest fire with upraised flames chases a snake; and the sage, seeing it thus fastened upon him, rushed toward a cave of Meru, wishing to enter it.
AI translation rendered from the Sanskrit, not a published edition
SB 9 4.51
दिशो नभः क्ष्मां विवरान् समुद्रान् लोकान् सपालांस्त्रिदिवं गतः सः यतो यतो धावति तत्र तत्र सुदर्शनं दुष्प्रसहं ददर्श
diśo nabhaḥ kṣmāṃ vivarān samudrān lokān sapālāṃstridivaṃ gataḥ saḥ yato yato dhāvati tatra tatra sudarśanaṃ duṣprasahaṃ dadarśa
He went to the quarters, to the sky, to the earth, into caverns, into the oceans, to the worlds together with their guardians, to heaven; but wherever he ran, there he saw the unendurable Sudarśana.
AI translation rendered from the Sanskrit, not a published edition
SB 9 4.52
अलब्धनाथः स सदा कुतश्चित् सन्त्रस्तचित्तो ऽरणमेषमाणः देवं विरिञ्चं समगाद्विधातस् त्राह्यात्मयोने ऽजिततेजसो माम्
alabdhanāthaḥ sa sadā kutaścit santrastacitto 'raṇameṣamāṇaḥ devaṃ viriñcaṃ samagādvidhātas trāhyātmayone 'jitatejaso mām
Finding no protector anywhere at all, his mind utterly terrified, seeking a refuge, he approached the god Viriñca (Brahmā): "O Ordainer, O womb of the self, save me from the fiery power of the Unconquered One!"
AI translation rendered from the Sanskrit, not a published edition
SB 9 4.53
श्रीब्रह्मोवाच स्थानं मदीयं सहविश्वमेतत् क्रीडावसाने द्विपरार्धसंज्ञे भ्रूभङ्गमात्रेण हि सन्दिधक्षोः कालात्मनो यस्य तिरोभविष्यति
śrībrahmovāca sthānaṃ madīyaṃ sahaviśvametat krīḍāvasāne dviparārdhasaṃjñe bhrūbhaṅgamātreṇa hi sandidhakṣoḥ kālātmano yasya tirobhaviṣyati
Śrī Brahmā said: This station of mine, together with this whole universe, will vanish by the mere knitting of the brows of him whose self is Time, when at the close of his play—the period called two parārdhas—he wishes to burn it up.
AI translation rendered from the Sanskrit, not a published edition
SB 9 4.54
अहं भवो दक्षभृगुप्रधानाः प्रजेशभूतेशसुरेशमुख्याः सर्वे वयं यन्नियमं प्रपन्ना मूर्ध्न्यार्पितं लोकहितं वहामः
ahaṃ bhavo dakṣabhṛgupradhānāḥ prajeśabhūteśasureśamukhyāḥ sarve vayaṃ yanniyamaṃ prapannā mūrdhnyārpitaṃ lokahitaṃ vahāmaḥ
I, Bhava, those headed by Dakṣa and Bhṛgu, the chief among the lords of creatures, lords of beings and lords of gods—all of us, having submitted to his command, bear it placed upon our heads for the good of the worlds.
AI translation rendered from the Sanskrit, not a published edition
SB 9 4.55
प्रत्याख्यातो विरिञ्चेन विष्णुचक्रोपतापितः दुर्वासाः शरणं यातः शर्वं कैलासवासिनम्
pratyākhyāto viriñcena viṣṇucakropatāpitaḥ durvāsāḥ śaraṇaṃ yātaḥ śarvaṃ kailāsavāsinam
Refused by Viriñca (Brahmā), scorched by Viṣṇu's disc, Durvāsā went for refuge to Śarva, the dweller on Kailāsa.
AI translation rendered from the Sanskrit, not a published edition
SB 9 4.56
श्रीशङ्कर उवाच वयं न तात प्रभवाम भूम्नि यस्मिन् परे ऽन्ये ऽप्यजजीवकोशाः भवन्ति काले न भवन्ति हीदृशाः सहस्रशो यत्र वयं भ्रमामः
śrīśaṅkara uvāca vayaṃ na tāta prabhavāma bhūmni yasmin pare 'nye 'pyajajīvakośāḥ bhavanti kāle na bhavanti hīdṛśāḥ sahasraśo yatra vayaṃ bhramāmaḥ
Śrī Śaṅkara said: We have no power, dear one, over the Immensity—that supreme one in whom others too, the unborn ones (Brahmās) with their living beings and their sheaths, come to be in time and indeed cease to be; such ones by the thousands, among whom we ourselves revolve.
AI translation rendered from the Sanskrit, not a published edition — the model flagged this verse as uncertain
SB 9 4.57
अहं सनत्कुमारश्च नारदो भगवान् अजः कपिलो ऽपान्तरतमो देवलो धर्म आसुरिः
ahaṃ sanatkumāraśca nārado bhagavān ajaḥ kapilo 'pāntaratamo devalo dharma āsuriḥ
I, and Sanatkumāra, Nārada, the lord Aja (Brahmā), Kapila, Apāntaratamas, Devala, Dharma, Āsuri,
AI translation rendered from the Sanskrit, not a published edition
SB 9 4.58
मरीचिप्रमुखाश्चान्ये सिद्धेशाः पारदर्शनाः विदाम न वयं सर्वे यन्मायां माययावृताः
marīcipramukhāścānye siddheśāḥ pāradarśanāḥ vidāma na vayaṃ sarve yanmāyāṃ māyayāvṛtāḥ
and others headed by Marīci, the masters of perfection who see to the farther shore—all of us do not know his māyā, being ourselves veiled by māyā.
AI translation rendered from the Sanskrit, not a published edition
SB 9 4.59
तस्य विश्वेश्वरस्येदं शस्त्रं दुर्विषहं हि नः तमेवं शरणं याहि हरिस्ते शं विधास्यति
tasya viśveśvarasyedaṃ śastraṃ durviṣahaṃ hi naḥ tamevaṃ śaraṇaṃ yāhi hariste śaṃ vidhāsyati
This weapon of that Lord of the universe is indeed too much for us to withstand; go for refuge to him alone—Hari will bring about your welfare.
AI translation rendered from the Sanskrit, not a published edition
SB 9 4.60
ततो निराशो दुर्वासाः पदं भगवतो ययौ वैकुण्ठाख्यं यदध्यास्ते श्रीनिवासः श्रिया सह
tato nirāśo durvāsāḥ padaṃ bhagavato yayau vaikuṇṭhākhyaṃ yadadhyāste śrīnivāsaḥ śriyā saha
Then, without hope, Durvāsā went to the abode of the Lord called Vaikuṇṭha, where Śrīnivāsa dwells together with Śrī.
AI translation rendered from the Sanskrit, not a published edition
SB 9 4.61
सन्दह्यमानो ऽजितशस्त्रवह्निना तत्पादमूले पतितः सवेपथुः आहाच्युतानन्त सदीप्सित प्रभो कृतागसं मावहि विश्वभावन
sandahyamāno 'jitaśastravahninā tatpādamūle patitaḥ savepathuḥ āhācyutānanta sadīpsita prabho kṛtāgasaṃ māvahi viśvabhāvana
Burning in the fire of the Unconquered One's weapon, he fell trembling at the base of his feet and said: "O Acyuta, O Endless One, O Lord desired by the good, take up me, who have done wrong, O maker of the universe!"
AI translation rendered from the Sanskrit, not a published edition
SB 9 4.62
अजानता ते परमानुभावं कृतं मयाघं भवतः प्रियाणाम् विधेहि तस्यापचितिं विधातर् मुच्येत यन्नाम्न्युदिते नारको ऽपि
ajānatā te paramānubhāvaṃ kṛtaṃ mayāghaṃ bhavataḥ priyāṇām vidhehi tasyāpacitiṃ vidhātar mucyeta yannāmnyudite nārako 'pi
"Not knowing your supreme power, an offence was committed by me against those dear to you; ordain the expiation for it, O Ordainer—for at the mere utterance of your name even a dweller in hell would be released."
AI translation rendered from the Sanskrit, not a published edition
SB 9 4.63
श्रीभगवान् उवाच अहं भक्तपराधीनो ह्यस्वतन्त्र इव द्विज साधुभिर्ग्रस्तहृदयो भक्तैर्भक्तजनप्रियः
śrībhagavān uvāca ahaṃ bhaktaparādhīno hyasvatantra iva dvija sādhubhirgrastahṛdayo bhaktairbhaktajanapriyaḥ
The Lord said: I am indeed subject to my devotees, as though not my own master, O brahmin; my heart is taken over by the good, by the devotees—I am dear to the devoted folk.
AI translation rendered from the Sanskrit, not a published edition
SB 9 4.64
नाहमात्मानमाशासे मद्भक्तैः साधुभिर्विना श्रियं चात्यन्तिकीं ब्रह्मन् येषां गतिरहं परा
nāhamātmānamāśāse madbhaktaiḥ sādhubhirvinā śriyaṃ cātyantikīṃ brahman yeṣāṃ gatirahaṃ parā
I do not wish for myself, nor for ultimate splendour, O brahmin, without my devotees, the good—those for whom I am the supreme goal.
AI translation rendered from the Sanskrit, not a published edition
SB 9 4.65
ये दारागारपुत्राप्त प्राणान् वित्तमिमं परम् हित्वा मां शरणं याताः कथं तांस्त्यक्तुमुत्सहे
ye dārāgāraputrāpta prāṇān vittamimaṃ param hitvā māṃ śaraṇaṃ yātāḥ kathaṃ tāṃstyaktumutsahe
Those who, having given up wife, home, sons, kinsmen, life-breaths, wealth, this world and the next, have come to me for refuge—how could I bring myself to abandon them?
AI translation rendered from the Sanskrit, not a published edition
SB 9 4.66
मयि निर्बद्धहृदयाः साधवः समदर्शनाः वशे कुर्वन्ति मां भक्त्या सत्स्त्रियः सत्पतिं यथा
mayi nirbaddhahṛdayāḥ sādhavaḥ samadarśanāḥ vaśe kurvanti māṃ bhaktyā satstriyaḥ satpatiṃ yathā
The good, their hearts bound fast to me, seeing all alike, bring me under their sway by devotion, as chaste women do a good husband.
AI translation rendered from the Sanskrit, not a published edition
SB 9 4.67
मत्सेवया प्रतीतं ते सालोक्यादिचतुष्टयम् नेच्छन्ति सेवया पूर्णाः कुतो ऽन्यत् कालविप्लुतम्
matsevayā pratītaṃ te sālokyādicatuṣṭayam necchanti sevayā pūrṇāḥ kuto 'nyat kālaviplutam
They do not want the fourfold attainment beginning with dwelling in my world, which comes by serving me; being made full by the service itself, how much less anything else, which time washes away.
AI translation rendered from the Sanskrit, not a published edition
SB 9 4.68
साधवो हृदयं मह्यं साधूनां हृदयं त्व् अहम् मदन्यत् ते न जानन्ति नाहं तेभ्यो मनाग् अपि
sādhavo hṛdayaṃ mahyaṃ sādhūnāṃ hṛdayaṃ tv aham madanyat te na jānanti nāhaṃ tebhyo manāg api
The good are my heart, and I am the heart of the good; they know nothing other than me, and I nothing beyond them, not in the least.
AI translation rendered from the Sanskrit, not a published edition
SB 9 4.69
उपायं कथयिष्यामि तव विप्र शृणुष्व तत् अयं ह्यात्माभिचारस्ते यतस्तं याहि मा चिरम् साधुषु प्रहितं तेजः प्रहर्तुः कुरुते ऽशिवम्
upāyaṃ kathayiṣyāmi tava vipra śṛṇuṣva tat ayaṃ hyātmābhicāraste yatastaṃ yāhi mā ciram sādhuṣu prahitaṃ tejaḥ prahartuḥ kurute 'śivam
"I shall tell you the means; hear it, brahmin. This is indeed an act of sorcery against your own self; therefore go to him without delay. Power directed against the good brings about the harm of the one who hurls it."
AI translation rendered from the Sanskrit, not a published edition
SB 9 4.70
तपो विद्या च विप्राणां निःश्रेयसकरे उभे ते एव दुर्विनीतस्य कल्पेते कर्तुरन्यथा
tapo vidyā ca viprāṇāṃ niḥśreyasakare ubhe te eva durvinītasya kalpete karturanyathā
Austerity and knowledge, both, produce the highest good for brahmins; but those very two, in an ill-disciplined possessor, work the other way.
AI translation rendered from the Sanskrit, not a published edition
SB 9 4.71
ब्रह्मंस्तद्गच्छ भद्रं ते नाभागतनयं नृपम् क्षमापय महाभागं ततः शान्तिर्भविष्यति
brahmaṃstadgaccha bhadraṃ te nābhāgatanayaṃ nṛpam kṣamāpaya mahābhāgaṃ tataḥ śāntirbhaviṣyati
Therefore, brahmin, go — blessings on you — to the king, the son of Nābhāga; ask pardon of that greatly fortunate one, and then there will be peace.
AI translation rendered from the Sanskrit, not a published edition