Bhagavata Purana — Skandha 8 — Chapter 8
SB 8 8.1
श्रीशुक उवाच पीते गरे वृषाङ्केण प्रीतास्ते ऽमरदानवाः ममन्थुस्तरसा सिन्धुं हविर्धानी ततो ऽभवत्
śrīśuka uvāca pīte gare vṛṣāṅkeṇa prītāste 'maradānavāḥ mamanthustarasā sindhuṃ havirdhānī tato 'bhavat
Śrīśuka said: When the poison had been drunk by the bull-marked one, the immortals and the Dānavas, pleased, churned the sea with vigor; and then the yielder of oblations (the cow Surabhi) appeared.
AI translation rendered from the Sanskrit, not a published edition
SB 8 8.2
तामग्निहोत्रीमृषयो जगृहुर्ब्रह्मवादिनः यज्ञस्य देवयानस्य मेध्याय हविषे नृप
tāmagnihotrīmṛṣayo jagṛhurbrahmavādinaḥ yajñasya devayānasya medhyāya haviṣe nṛpa
The seers who speak of Brahman took her, the agnihotra cow, for the pure oblation of the sacrifice that leads to the gods, O king.
AI translation rendered from the Sanskrit, not a published edition
SB 8 8.3
तत उच्चैःश्रवा नाम हयो ऽभूच् चन्द्रपाण्डुरः तस्मिन् बलिः स्पृहां चक्रे नेन्द्र ईश्वरशिक्षया
tata uccaiḥśravā nāma hayo 'bhūc candrapāṇḍuraḥ tasmin baliḥ spṛhāṃ cakre nendra īśvaraśikṣayā
Then came a horse named Uccaiḥśravas, pale as the moon; Bali conceived a longing for it, but Indra did not, by the Lord's instruction.
AI translation rendered from the Sanskrit, not a published edition
SB 8 8.4
तत ऐरावतो नाम वारणेन्द्रो विनिर्गतः दन्तैश्चतुर्भिः श्वेताद्रेर्हरन् भगवतो महिम्
tata airāvato nāma vāraṇendro vinirgataḥ dantaiścaturbhiḥ śvetādrerharan bhagavato mahim
Then came forth the lord of elephants named Airāvata, with his four tusks stealing the grandeur of the Lord of the white mountain.
AI translation rendered from the Sanskrit, not a published edition — the model flagged this verse as uncertain
SB 8 8.5
ऐरावणादयस्त्वष्टौ दिग्गजा अभवंस्ततः अभ्रमुप्रभृतयो ऽष्टौ च करिण्यस्त्वभवन् नृप
airāvaṇādayastvaṣṭau diggajā abhavaṃstataḥ abhramuprabhṛtayo 'ṣṭau ca kariṇyastvabhavan nṛpa
Then eight elephants of the quarters, Airāvaṇa and the rest, came into being, and eight she-elephants too, Abhramu and the others, O king.
AI translation rendered from the Sanskrit, not a published edition
SB 8 8.6
कौस्तुभाख्यमभूद्रत्नं पद्मरागो महोदधेः तस्मिन् मणौ स्पृहां चक्रे वक्षो ऽलङ्करणे हरिः
kaustubhākhyamabhūdratnaṃ padmarāgo mahodadheḥ tasmin maṇau spṛhāṃ cakre vakṣo 'laṅkaraṇe hariḥ
A jewel called Kaustubha, a ruby, arose from the great ocean; Hari conceived a longing for that gem, as an ornament for his chest.
AI translation rendered from the Sanskrit, not a published edition
SB 8 8.7
ततो ऽभवत् पारिजातः सुरलोकविभूषणम् पूरयत्य् अर्थिनो यो ऽर्थैः शश्वद्भुवि यथा भवान्
tato 'bhavat pārijātaḥ suralokavibhūṣaṇam pūrayaty arthino yo 'rthaiḥ śaśvadbhuvi yathā bhavān
Then arose the pārijāta tree, the ornament of the world of the gods, which constantly satisfies petitioners with the things they want, as you do on earth.
AI translation rendered from the Sanskrit, not a published edition
SB 8 8.8
ततश्चाप्सरसो जाता निष्ककण्ठ्यः सुवाससः रमण्यः स्वर्गिणां वल्गु गतिलीलावलोकनैः
tataścāpsaraso jātā niṣkakaṇṭhyaḥ suvāsasaḥ ramaṇyaḥ svargiṇāṃ valgu gatilīlāvalokanaiḥ
Then the Apsarases were born, with necklaces at their throats, finely clothed, delighting the dwellers of heaven with their lovely gait, play and glances.
AI translation rendered from the Sanskrit, not a published edition
SB 8 8.9
ततश्चाविरभूत् साक्षाच् छ्री रमा भगवत्परा रञ्जयन्ती दिशः कान्त्या विद्युत् सौदामनी यथा
tataścāvirabhūt sākṣāc chrī ramā bhagavatparā rañjayantī diśaḥ kāntyā vidyut saudāmanī yathā
Then Śrī herself became visible, Ramā, wholly devoted to the Lord, brightening the quarters with her radiance like lightning from a thundercloud.
AI translation rendered from the Sanskrit, not a published edition
SB 8 8.10
तस्यां चक्रुः स्पृहां सर्वे ससुरासुरमानवाः रूपौदार्यवयोवर्ण महिमाक्षिप्तचेतसः
tasyāṃ cakruḥ spṛhāṃ sarve sasurāsuramānavāḥ rūpaudāryavayovarṇa mahimākṣiptacetasaḥ
All of them, gods, asuras and men alike, longed for her, their minds carried away by her beauty, nobility, youth, complexion and grandeur.
AI translation rendered from the Sanskrit, not a published edition
SB 8 8.11
तस्या आसनमानिन्ये महेन्द्रो महदद्भुतम् मूर्तिमत्यः सरिच्छ्रेष्ठा हेमकुम्भैर्जलं शुचि
tasyā āsanamāninye mahendro mahadadbhutam mūrtimatyaḥ saricchreṣṭhā hemakumbhairjalaṃ śuci
Great Indra brought her a great and wondrous seat; the best of rivers, in embodied form, (brought) pure water in golden pitchers.
AI translation rendered from the Sanskrit, not a published edition
SB 8 8.12
आभिषेचनिका भूमिराहरत् सकलौषधीः गावः पञ्च पवित्राणि वसन्तो मधुमाधवौ
ābhiṣecanikā bhūmirāharat sakalauṣadhīḥ gāvaḥ pañca pavitrāṇi vasanto madhumādhavau
The Earth brought the herbs for the consecration, all of them; the cows, the five pure things; spring, (the flowers of) the months Madhu and Mādhava.
AI translation rendered from the Sanskrit, not a published edition
SB 8 8.13
ऋषयः कल्पयां चक्रुराभिषेकं यथाविधि जगुर्भद्राणि गन्धर्वा नट्यश्च ननृतुर्जगुः
ṛṣayaḥ kalpayāṃ cakrurābhiṣekaṃ yathāvidhi jagurbhadrāṇi gandharvā naṭyaśca nanṛturjaguḥ
The seers arranged the consecration according to the rule; the Gandharvas sang auspicious songs, and the dancing women danced and sang.
AI translation rendered from the Sanskrit, not a published edition
SB 8 8.14
मेघा मृदङ्गपणव मुरजानकगोमुखान् व्यनादयन् शङ्खवेणु वीणास्तुमुलनिःस्वनान्
meghā mṛdaṅgapaṇava murajānakagomukhān vyanādayan śaṅkhaveṇu vīṇāstumulaniḥsvanān
The clouds sounded mṛdaṅgas, paṇavas, murajas, ānakas and gomukhas, along with the tumultuous notes of conches, flutes and lutes.
AI translation rendered from the Sanskrit, not a published edition
SB 8 8.15
ततो ऽभिषिषिचुर्देवीं श्रियं पद्मकरां सतीम् दिगिभाः पूर्णकलशैः सूक्तवाक्यैर्द्विजेरितैः
tato 'bhiṣiṣicurdevīṃ śriyaṃ padmakarāṃ satīm digibhāḥ pūrṇakalaśaiḥ sūktavākyairdvijeritaiḥ
Then the elephants of the quarters consecrated the goddess Śrī, the chaste one with a lotus in her hand, with brimming pitchers, amid the words of hymns uttered by the twice-born.
AI translation rendered from the Sanskrit, not a published edition
SB 8 8.16
समुद्रः पीतकौशेय वाससी समुपाहरत् वरुणः स्रजं वैजयन्तीं मधुना मत्तषट्पदाम्
samudraḥ pītakauśeya vāsasī samupāharat varuṇaḥ srajaṃ vaijayantīṃ madhunā mattaṣaṭpadām
The Ocean presented a pair of yellow silk garments; Varuṇa (gave) a Vaijayantī garland with bees intoxicated by its honey.
AI translation rendered from the Sanskrit, not a published edition
SB 8 8.17
भूषणानि विचित्राणि विश्वकर्मा प्रजापतिः हारं सरस्वती पद्ममजो नागाश्च कुण्डले
bhūṣaṇāni vicitrāṇi viśvakarmā prajāpatiḥ hāraṃ sarasvatī padmamajo nāgāśca kuṇḍale
Viśvakarman (gave) variegated ornaments, Prajāpati (?), Sarasvatī a necklace, the Unborn (Brahmā) a lotus, and the Nāgas a pair of earrings.
AI translation rendered from the Sanskrit, not a published edition
SB 8 8.18
ततः कृतस्वस्त्ययनोत्पलस्रजं नदद्द्विरेफां परिगृह्य पाणिना चचाल वक्त्रं सुकपोलकुण्डलं सव्रीडहासं दधती सुशोभनम्
tataḥ kṛtasvastyayanotpalasrajaṃ nadaddvirephāṃ parigṛhya pāṇinā cacāla vaktraṃ sukapolakuṇḍalaṃ savrīḍahāsaṃ dadhatī suśobhanam
Then, having taken in her hand a garland of lotuses over which the auspicious rites had been performed, humming with bees, she moved forward, bearing a most lovely face with fair cheeks and earrings and a bashful smile.
AI translation rendered from the Sanskrit, not a published edition
SB 8 8.19
स्तनद्वयं चातिकृशोदरी समं निरन्तरं चन्दनकुङ्कुमोक्षितम् ततस्ततो नूपुरवल्गु शिञ्जितैर् विसर्पती हेमलतेव सा बभौ
stanadvayaṃ cātikṛśodarī samaṃ nirantaraṃ candanakuṅkumokṣitam tatastato nūpuravalgu śiñjitair visarpatī hemalateva sā babhau
And she of the very slender waist (bore) her two breasts, even and with no space between them, anointed with sandal and saffron; moving here and there with the sweet jingling of her anklets, she shone like a golden creeper.
AI translation rendered from the Sanskrit, not a published edition
SB 8 8.20
विलोकयन्ती निरवद्यमात्मनः पदं ध्रुवं चाव्यभिचारिसद्गुणम् गन्धर्वसिद्धासुरयक्षचारण त्रैपिष्टपेयादिषु नान्वविन्दत
vilokayantī niravadyamātmanaḥ padaṃ dhruvaṃ cāvyabhicārisadguṇam gandharvasiddhāsurayakṣacāraṇa traipiṣṭapeyādiṣu nānvavindata
Looking for a faultless, permanent resting place for herself, one with unfailing good qualities, she did not find (it) among the Gandharvas, Siddhas, Asuras, Yakṣas, Cāraṇas, the dwellers in heaven, and the rest.
AI translation rendered from the Sanskrit, not a published edition
SB 8 8.21
नूनं तपो यस्य न मन्युनिर्जयो ज्ञानं क्वचित् तच् च न सङ्गवर्जितम् कश्चिन् महांस्तस्य न कामनिर्जयः स ईश्वरः किं परतो व्यपाश्रयः
nūnaṃ tapo yasya na manyunirjayo jñānaṃ kvacit tac ca na saṅgavarjitam kaścin mahāṃstasya na kāmanirjayaḥ sa īśvaraḥ kiṃ parato vyapāśrayaḥ
(She reflected:) "Surely one has austerity but not the conquest of anger; another has knowledge, and that too is not free of attachment; someone is great, but his is not the conquest of desire; (another) is a ruler—yet what of one who is dependent on something other?"
AI translation rendered from the Sanskrit, not a published edition — the model flagged this verse as uncertain
SB 8 8.22
धर्मः क्वचित् तत्र न भूतसौहृदं त्यागः क्वचित् तत्र न मुक्तिकारणम् वीर्यं न पुंसो ऽस्त्य् अजवेगनिष्कृतं न हि द्वितीयो गुणसङ्गवर्जितः
dharmaḥ kvacit tatra na bhūtasauhṛdaṃ tyāgaḥ kvacit tatra na muktikāraṇam vīryaṃ na puṃso 'sty ajaveganiṣkṛtaṃ na hi dvitīyo guṇasaṅgavarjitaḥ
In one there is righteousness, but in him no friendliness toward beings; in one renunciation, but in him it is not a cause of liberation; a man has valour, but it is not proof against the force of time; nor is there a second who is free from attachment to the qualities.
AI translation rendered from the Sanskrit, not a published edition — the model flagged this verse as uncertain
SB 8 8.23
क्वचिच् चिरायुर्न हि शीलमङ्गलं क्वचित् तदप्य् अस्ति न वेद्यमायुषः यत्रोभयं कुत्र च सो ऽप्य् अमङ्गलः सुमङ्गलः कश्च न काङ्क्षते हि माम्
kvacic cirāyurna hi śīlamaṅgalaṃ kvacit tadapy asti na vedyamāyuṣaḥ yatrobhayaṃ kutra ca so 'py amaṅgalaḥ sumaṅgalaḥ kaśca na kāṅkṣate hi mām
In one there is long life, but not good character and auspiciousness; in one there is that too, but the length of his life is not known; where both are present, he too is inauspicious—and whoever is truly auspicious does not desire me.
AI translation rendered from the Sanskrit, not a published edition
SB 8 8.24
एवं विमृश्याव्यभिचारिसद्गुणैर् वरं निजैकाश्रयतयागुणाश्रयम् वव्रे वरं सर्वगुणैरपेक्षितं रमा मुकुन्दं निरपेक्षमीप्सितम्
evaṃ vimṛśyāvyabhicārisadguṇair varaṃ nijaikāśrayatayāguṇāśrayam vavre varaṃ sarvaguṇairapekṣitaṃ ramā mukundaṃ nirapekṣamīpsitam
Having thus considered, Ramā chose as her husband Mukunda, who by being his own sole support is the resort of the qualities though beyond them, who possesses unfailing good qualities, who is sought by all the qualities, who himself seeks nothing, and who is (her) desired one.
AI translation rendered from the Sanskrit, not a published edition
SB 8 8.25
तस्यांसदेश उशतीं नवकञ्जमालां माद्यन्मधुव्रतवरूथगिरोपघुष्टाम् अम्प्;तस्थौ निधाय निकटे तदुरः स्वधाम सव्रीडहासविकसन्नयनेन याता
tasyāṃsadeśa uśatīṃ navakañjamālāṃ mādyanmadhuvratavarūthagiropaghuṣṭām tasthau nidhāya nikaṭe taduraḥ svadhāma savrīḍahāsavikasannayanena yātā
She placed upon his shoulder a lovely garland of fresh lotuses, resounding with the voices of swarms of intoxicated bees, and stood beside him; and with eyes opening wide in a bashful smile, she attained his chest, her own abode.
AI translation rendered from the Sanskrit, not a published edition
SB 8 8.26
तस्याः श्रियस्त्रिजगतो जनको जनन्या वक्षो निवासमकरोत् परमं विभूतेः तस्याः श्रियस्त्रिजगतो जनको जनन्या वक्षो निवासमकरोत् परमं विभूतेः श्रीः स्वाः प्रजाः सकरुणेन निरीक्षणेन यत्र स्थितैधयत साधिपतींस्त्रिलोकान्
tasyāḥ śriyastrijagato janako jananyā vakṣo nivāsamakarot paramaṃ vibhūteḥ tasyāḥ śriyastrijagato janako jananyā vakṣo nivāsamakarot paramaṃ vibhūteḥ śrīḥ svāḥ prajāḥ sakaruṇena nirīkṣaṇena yatra sthitaidhayata sādhipatīṃstrilokān
He, the father of the three worlds, made his chest the supreme dwelling of that Śrī, the mother (of the worlds), and of prosperity; dwelling there, Śrī with a compassionate glance caused her own offspring, the three worlds together with their lords, to flourish.
AI translation rendered from the Sanskrit, not a published edition
SB 8 8.27
शङ्खतूर्यमृदङ्गानां वादित्राणां पृथुः स्वनः देवानुगानां सस्त्रीणां नृत्यतां गायतामभूत्
śaṅkhatūryamṛdaṅgānāṃ vāditrāṇāṃ pṛthuḥ svanaḥ devānugānāṃ sastrīṇāṃ nṛtyatāṃ gāyatāmabhūt
There arose a mighty sound of conches, trumpets and drums, of (all) musical instruments, and of the gods' attendants with their women, dancing and singing.
AI translation rendered from the Sanskrit, not a published edition
SB 8 8.28
ब्रह्मरुद्राङ्गिरोमुख्याः सर्वे विश्वसृजो विभुम् ईडिरे ऽवितथैर्मन्त्रैस्तल्लिङ्गैः पुष्पवर्षिणः
brahmarudrāṅgiromukhyāḥ sarve viśvasṛjo vibhum īḍire 'vitathairmantraistalliṅgaiḥ puṣpavarṣiṇaḥ
Brahmā, Rudra, Aṅgiras and the other chiefs, all the creators of the universe, praised the Lord with unerring hymns indicative of him, raining down flowers.
AI translation rendered from the Sanskrit, not a published edition
SB 8 8.29
श्रियावलोकिता देवाः सप्रजापतयः प्रजाः शीलादिगुणसम्पन्ना लेभिरे निर्वृतिं पराम्
śriyāvalokitā devāḥ saprajāpatayaḥ prajāḥ śīlādiguṇasampannā lebhire nirvṛtiṃ parām
Looked upon by Śrī, the gods together with the Prajāpatis and (their) offspring, endowed with good character and the other virtues, attained the highest contentment.
AI translation rendered from the Sanskrit, not a published edition
SB 8 8.30
निःसत्त्वा लोलुपा राजन् निरुद्योगा गतत्रपाः यदा चोपेक्षिता लक्ष्म्या बभूवुर्दैत्यदानवाः
niḥsattvā lolupā rājan nirudyogā gatatrapāḥ yadā copekṣitā lakṣmyā babhūvurdaityadānavāḥ
But when they were disregarded by Lakṣmī, O King, the Daityas and Dānavas became devoid of goodness, greedy, without enterprise, and shameless.
AI translation rendered from the Sanskrit, not a published edition
SB 8 8.31
अथासीद्वारुणी देवी कन्या कमललोचना असुरा जगृहुस्तां वै हरेरनुमतेन ते
athāsīdvāruṇī devī kanyā kamalalocanā asurā jagṛhustāṃ vai hareranumatena te
Then there appeared the goddess Vāruṇī, a lotus-eyed maiden; and the Asuras seized her, with Hari's consent.
AI translation rendered from the Sanskrit, not a published edition
SB 8 8.32
अथोदधेर्मथ्यमानात् काश्यपैरमृतार्थिभिः उदतिष्ठन् महाराज पुरुषः परमाद्भुतः
athodadhermathyamānāt kāśyapairamṛtārthibhiḥ udatiṣṭhan mahārāja puruṣaḥ paramādbhutaḥ
Then, O great king, from the ocean being churned by the descendants of Kaśyapa who sought the nectar, there arose a most wondrous man.
AI translation rendered from the Sanskrit, not a published edition
SB 8 8.33
दीर्घपीवरदोर्दण्डः कम्बुग्रीवो ऽरुणेक्षणः श्यामलस्तरुणः स्रग्वी सर्वाभरणभूषितः
dīrghapīvaradordaṇḍaḥ kambugrīvo 'ruṇekṣaṇaḥ śyāmalastaruṇaḥ sragvī sarvābharaṇabhūṣitaḥ
With long, stout arms like clubs, a neck like a conch, reddish eyes, dark-complexioned, youthful, wearing a garland, adorned with every ornament,
AI translation rendered from the Sanskrit, not a published edition
SB 8 8.34
पीतवासा महोरस्कः सुमृष्टमणिकुण्डलः स्निग्धकुञ्चितकेशान्त सुभगः सिंहविक्रमः
pītavāsā mahoraskaḥ sumṛṣṭamaṇikuṇḍalaḥ snigdhakuñcitakeśānta subhagaḥ siṃhavikramaḥ
dressed in yellow, broad-chested, with well-polished jewelled earrings, with glossy curling locks, handsome, with the stride of a lion,
AI translation rendered from the Sanskrit, not a published edition
SB 8 8.35
अमृतापूर्णकलसं बिभ्रद्वलयभूषितः स वै भगवतः साक्षाद्विष्णोरंशांशसम्भवः
amṛtāpūrṇakalasaṃ bibhradvalayabhūṣitaḥ sa vai bhagavataḥ sākṣādviṣṇoraṃśāṃśasambhavaḥ
bearing a jar filled with nectar, adorned with bracelets—he was indeed born directly as a portion of a portion of the Lord Viṣṇu.
AI translation rendered from the Sanskrit, not a published edition
SB 8 8.36
धन्वन्तरिरिति ख्यात आयुर्वेददृग् इज्यभाक् तमालोक्यासुराः सर्वे कलसं चामृताभृतम्
dhanvantaririti khyāta āyurvedadṛg ijyabhāk tamālokyāsurāḥ sarve kalasaṃ cāmṛtābhṛtam
(He was) known as Dhanvantari, the seer of the Āyurveda, entitled to a share of sacrificial offerings. Seeing him and the pitcher filled with nectar, all the asuras,
AI translation rendered from the Sanskrit, not a published edition
SB 8 8.37
लिप्सन्तः सर्ववस्तूनि कलसं तरसाहरन् नीयमाने ऽसुरैस्तस्मिन् कलसे ऽमृतभाजने
lipsantaḥ sarvavastūni kalasaṃ tarasāharan nīyamāne 'suraistasmin kalase 'mṛtabhājane
coveting all things (for themselves), swiftly seized the pitcher. When that pitcher, the vessel of nectar, was being carried off by the asuras,
AI translation rendered from the Sanskrit, not a published edition
SB 8 8.38
विषण्णमनसो देवा हरिं शरणमाययुः इति तद्दैन्यमालोक्य भगवान् भृत्यकामकृत् मा खिद्यत मिथो ऽर्थं वः साधयिष्ये स्वमायया
viṣaṇṇamanaso devā hariṃ śaraṇamāyayuḥ iti taddainyamālokya bhagavān bhṛtyakāmakṛt mā khidyata mitho 'rthaṃ vaḥ sādhayiṣye svamāyayā
the gods, dejected in mind, came to Hari for refuge. Seeing that wretchedness of theirs, the Lord, who fulfils the wishes of his dependants, (said): "Do not despair; by my own māyā I shall accomplish your object through their mutual (strife)."
AI translation rendered from the Sanskrit, not a published edition
SB 8 8.39
मिथः कलिरभूत् तेषां तदर्थे तर्षचेतसाम् अहं पूर्वमहं पूर्वं न त्वं न त्वमिति प्रभो
mithaḥ kalirabhūt teṣāṃ tadarthe tarṣacetasām ahaṃ pūrvamahaṃ pūrvaṃ na tvaṃ na tvamiti prabho
A quarrel arose among them, whose minds thirsted for it: "I first! I first! Not you, not you!"—so, O lord.
AI translation rendered from the Sanskrit, not a published edition
SB 8 8.40
देवाः स्वं भागमर्हन्ति ये तुल्यायासहेतवः सत्रयाग इवैतस्मिन्नेष धर्मः सनातनः
devāḥ svaṃ bhāgamarhanti ye tulyāyāsahetavaḥ satrayāga ivaitasminneṣa dharmaḥ sanātanaḥ
"The gods deserve their own share, since they were equally the cause of the effort; in this (matter), as in a satra sacrifice, this is the eternal law."
AI translation rendered from the Sanskrit, not a published edition
SB 8 8.41
इति स्वान् प्रत्यषेधन् वै दैतेया जातमत्सराः दुर्बलाः प्रबलान् राजन् गृहीतकलसान् मुहुः
iti svān pratyaṣedhan vai daiteyā jātamatsarāḥ durbalāḥ prabalān rājan gṛhītakalasān muhuḥ
Speaking thus, the sons of Diti, in whom envy had arisen, again and again restrained their own kinsmen—the weaker (restraining) the stronger who had taken hold of the pitcher, O king.
AI translation rendered from the Sanskrit, not a published edition
SB 8 8.42
एतस्मिन्नन्तरे विष्णुः सर्वोपायविदीश्वरः योषिद्रूपमनिर्देश्यं दधारपरमाद्भुतम्
etasminnantare viṣṇuḥ sarvopāyavidīśvaraḥ yoṣidrūpamanirdeśyaṃ dadhāraparamādbhutam
In this interval Viṣṇu, the Lord who knows every expedient, assumed the form of a woman, indescribable and utterly wondrous:
AI translation rendered from the Sanskrit, not a published edition
SB 8 8.43
प्रेक्षणीयोत्पलश्यामं सर्वावयवसुन्दरम् समानकर्णाभरणं सुकपोलोन्नसाननम्
prekṣaṇīyotpalaśyāmaṃ sarvāvayavasundaram samānakarṇābharaṇaṃ sukapolonnasānanam
worth gazing upon, dark as a blue lotus, lovely in every limb, with matching ear-ornaments, its face with fair cheeks and a high nose;
AI translation rendered from the Sanskrit, not a published edition
SB 8 8.44
नवयौवननिर्वृत्त स्तनभारकृशोदरम् मुखामोदानुरक्तालि झङ्कारोद्विग्नलोचनम्
navayauvananirvṛtta stanabhārakṛśodaram mukhāmodānuraktāli jhaṅkārodvignalocanam
with a waist made slender by the weight of breasts brought forth by fresh youth, its eyes restless from the humming of bees drawn to the fragrance of its mouth;
AI translation rendered from the Sanskrit, not a published edition
SB 8 8.45
बिभ्रत् सुकेशभारेण मालामुत्फुल्लमल्लिकाम् सुग्रीवकण्ठाभरणं सुभुजाङ्गदभूषितम्
bibhrat sukeśabhāreṇa mālāmutphullamallikām sugrīvakaṇṭhābharaṇaṃ subhujāṅgadabhūṣitam
bearing, on the mass of its fine hair, a garland of full-blown jasmine, with an ornament upon its lovely throat, adorned with armlets on its fair arms;
AI translation rendered from the Sanskrit, not a published edition
SB 8 8.46
विरजाम्बरसंवीत नितम्बद्वीपशोभया काञ्च्या प्रविलसद्वल्गु चलच्चरणनूपुरम्
virajāmbarasaṃvīta nitambadvīpaśobhayā kāñcyā pravilasadvalgu calaccaraṇanūpuram
wrapped in a spotless garment, with the splendour of the island-like hips, with a girdle shining brightly, and charming anklets tinkling on the moving feet;
AI translation rendered from the Sanskrit, not a published edition
SB 8 8.47
सव्रीडस्मितविक्षिप्त भ्रूविलासावलोकनैः दैत्ययूथपचेतःसु काममुद्दीपयन् मुहुः
savrīḍasmitavikṣipta bhrūvilāsāvalokanaiḥ daityayūthapacetaḥsu kāmamuddīpayan muhuḥ
again and again kindling desire in the hearts of the daitya chiefs by glances cast with bashful smiles and the play of its brows.
AI translation rendered from the Sanskrit, not a published edition