Bhagavata Purana — Skandha 8 — Chapter 5
SB 8 5.1
श्रीशुक उवाच राजन्नुदितमेतत् ते हरेः कर्माघनाशनम् गजेन्द्रमोक्षणं पुण्यं रैवतं त्वन्तरं शृणु
śrīśuka uvāca rājannuditametat te hareḥ karmāghanāśanam gajendramokṣaṇaṃ puṇyaṃ raivataṃ tvantaraṃ śṛṇu
Śrī Śuka said: O king, this deed of Hari has been recounted to you, the destroyer of sin — the holy liberation of the lord of elephants. Now hear of the interval of Raivata.
AI translation rendered from the Sanskrit, not a published edition
SB 8 5.2
पञ्चमो रैवतो नाम मनुस्तामससोदरः बलिविन्ध्यादयस्तस्य सुता हार्जुनपूर्वकाः
pañcamo raivato nāma manustāmasasodaraḥ balivindhyādayastasya sutā hārjunapūrvakāḥ
The fifth Manu, named Raivata, was the brother of Tāmasa; his sons were Bali, Vindhya and others, with Arjuna at their head.
AI translation rendered from the Sanskrit, not a published edition
SB 8 5.3
विभुरिन्द्रः सुरगणा राजन् भूतरयादयः हिरण्यरोमा वेदशिरा ऊर्ध्वबाह्वादयो द्विजाः
vibhurindraḥ suragaṇā rājan bhūtarayādayaḥ hiraṇyaromā vedaśirā ūrdhvabāhvādayo dvijāḥ
Vibhu was Indra, O king, and the classes of gods were the Bhūtarayas and the rest; Hiraṇyaromā, Vedaśirā, Ūrdhvabāhu and others were the twice-born (sages).
AI translation rendered from the Sanskrit, not a published edition
SB 8 5.4
पत्नी विकुण्ठा शुभ्रस्य वैकुण्ठैः सुरसत्तमैः तयोः स्वकलया जज्ञे वैकुण्ठो भगवान् स्वयम्
patnī vikuṇṭhā śubhrasya vaikuṇṭhaiḥ surasattamaiḥ tayoḥ svakalayā jajñe vaikuṇṭho bhagavān svayam
Vikuṇṭhā was the wife of Śubhra, along with the Vaikuṇṭhas, the best of gods; of those two was born, by his own portion, the Lord himself, Vaikuṇṭha.
AI translation rendered from the Sanskrit, not a published edition
SB 8 5.5
वैकुण्ठः कल्पितो येन लोको लोकनमस्कृतः रमया प्रार्थ्यमानेन देव्या तत्प्रियकाम्यया
vaikuṇṭhaḥ kalpito yena loko lokanamaskṛtaḥ ramayā prārthyamānena devyā tatpriyakāmyayā
By him, when entreated by the goddess Ramā, the world Vaikuṇṭha was fashioned, honoured by (all) worlds, out of a wish to please her.
AI translation rendered from the Sanskrit, not a published edition
SB 8 5.6
तस्यानुभावः कथितो गुणाश्च परमोदयाः भौमान् रेणून् स विममे यो विष्णोर्वर्णयेद्गुणान्
tasyānubhāvaḥ kathito guṇāśca paramodayāḥ bhaumān reṇūn sa vimame yo viṣṇorvarṇayedguṇān
His power has been told, and his qualities of supreme excellence: he could count the particles of dust on earth who would enumerate the qualities of Viṣṇu.
AI translation rendered from the Sanskrit, not a published edition
SB 8 5.7
षष्ठश्च चक्षुषः पुत्रश्चाक्षुषो नाम वै मनुः पूरुपूरुषसुद्युम्न प्रमुखाश्चाक्षुषात्मजाः
ṣaṣṭhaśca cakṣuṣaḥ putraścākṣuṣo nāma vai manuḥ pūrupūruṣasudyumna pramukhāścākṣuṣātmajāḥ
And the sixth was the son of Cakṣus, the Manu named Cākṣuṣa indeed; Pūru, Pūruṣa, Sudyumna and the rest were the chief sons of Cākṣuṣa.
AI translation rendered from the Sanskrit, not a published edition
SB 8 5.8
इन्द्रो मन्त्रद्रुमस्तत्र देवा आप्यादयो गणाः मुनयस्तत्र वै राजन् हविष्मद्वीरकादयः
indro mantradrumastatra devā āpyādayo gaṇāḥ munayastatra vai rājan haviṣmadvīrakādayaḥ
There Mantradruma was Indra, the gods were the troops beginning with the Āpyas, and the sages there, O king, were Haviṣmat, Vīraka and the others.
AI translation rendered from the Sanskrit, not a published edition
SB 8 5.9
तत्रापि देवसम्भूत्यां वैराजस्याभवत् सुतः अजितो नाम भगवान् अंशेन जगतः पतिः
tatrāpi devasambhūtyāṃ vairājasyābhavat sutaḥ ajito nāma bhagavān aṃśena jagataḥ patiḥ
In that (manvantara) too, of Vairāja by Devasambhūti was born a son, the Lord named Ajita, the master of the world by a portion (of himself).
AI translation rendered from the Sanskrit, not a published edition
SB 8 5.10
पयोधिं येन निर्मथ्य सुराणां साधिता सुधा भ्रममाणो ऽम्भसि धृतः कूर्मरूपेण मन्दरः
payodhiṃ yena nirmathya surāṇāṃ sādhitā sudhā bhramamāṇo 'mbhasi dhṛtaḥ kūrmarūpeṇa mandaraḥ
By whom the ocean was churned and the nectar procured for the gods, and Mandara, whirling in the water, was upheld in the form of a tortoise.
AI translation rendered from the Sanskrit, not a published edition
SB 8 5.11
श्रीराजोवाच यथा भगवता ब्रह्मन् मथितः क्षीरसागरः यदर्थं वा यतश्चाद्रिं दधाराम्बुचरात्मना
śrīrājovāca yathā bhagavatā brahman mathitaḥ kṣīrasāgaraḥ yadarthaṃ vā yataścādriṃ dadhārāmbucarātmanā
The king said: In what manner, O brāhmaṇa, was the ocean of milk churned by the Lord, and for what purpose, and for what reason did he bear up the mountain in the form of a water-dweller?
AI translation rendered from the Sanskrit, not a published edition
SB 8 5.12
यथामृतं सुरैः प्राप्तं किं चान्यदभवत् ततः एतद्भगवतः कर्म वदस्व परमाद्भुतम्
yathāmṛtaṃ suraiḥ prāptaṃ kiṃ cānyadabhavat tataḥ etadbhagavataḥ karma vadasva paramādbhutam
How was the nectar obtained by the gods, and what else came forth from it? Tell (me) this deed of the Lord, supremely wondrous.
AI translation rendered from the Sanskrit, not a published edition
SB 8 5.13
त्वया सङ्कथ्यमानेन महिम्ना सात्वतां पतेः नातितृप्यति मे चित्तं सुचिरं तापतापितम्
tvayā saṅkathyamānena mahimnā sātvatāṃ pateḥ nātitṛpyati me cittaṃ suciraṃ tāpatāpitam
My mind, long scorched by torments, is not fully satisfied with the glory of the lord of the Sātvatas as it is being recounted by you.
AI translation rendered from the Sanskrit, not a published edition
SB 8 5.14
श्रीसूत उवाच सम्पृष्टो भगवान् एवं द्वैपायनसुतो द्विजाः अभिनन्द्य हरेर्वीर्यमभ्याचष्टुं प्रचक्रमे
śrīsūta uvāca sampṛṣṭo bhagavān evaṃ dvaipāyanasuto dvijāḥ abhinandya harervīryamabhyācaṣṭuṃ pracakrame
Sūta said: Thus questioned, O twice-born ones, the venerable son of Dvaipāyana, applauding (the question), set about relating the valour of Hari.
AI translation rendered from the Sanskrit, not a published edition
SB 8 5.15
श्रीशुक उवाच यदा युद्धे ऽसुरैर्देवा बध्यमानाः शितायुधैः गतासवो निपतिता नोत्तिष्ठेरन् स्म भूरिशः
śrīśuka uvāca yadā yuddhe 'surairdevā badhyamānāḥ śitāyudhaiḥ gatāsavo nipatitā nottiṣṭheran sma bhūriśaḥ
Śuka said: When the gods, being struck by the demons with sharpened weapons in battle, fell down lifeless and, for the most part, would not rise up;
AI translation rendered from the Sanskrit, not a published edition
SB 8 5.16
यदा दुर्वासः शापेन सेन्द्रा लोकास्त्रयो नृप निःश्रीकाश्चाभवंस्तत्र नेशुरिज्यादयः क्रियाः
yadā durvāsaḥ śāpena sendrā lokāstrayo nṛpa niḥśrīkāścābhavaṃstatra neśurijyādayaḥ kriyāḥ
And when, O king, by the curse of Durvāsas the three worlds together with Indra became bereft of prosperity, and there the rites beginning with sacrifice ceased—
AI translation rendered from the Sanskrit, not a published edition
SB 8 5.17
निशाम्यैतत् सुरगणा महेन्द्रवरुणादयः नाध्यगच्छन् स्वयं मन्त्रैर्मन्त्रयन्तो विनिश्चितम्
niśāmyaitat suragaṇā mahendravaruṇādayaḥ nādhyagacchan svayaṃ mantrairmantrayanto viniścitam
Perceiving this, the host of gods, Mahendra, Varuṇa and the rest, taking counsel among themselves with (their) deliberations, did not arrive at anything decided.
AI translation rendered from the Sanskrit, not a published edition
SB 8 5.18
ततो ब्रह्मसभां जग्मुर्मेरोर्मूर्धनि सर्वशः सर्वं विज्ञापयां चक्रुः प्रणताः परमेष्ठिने
tato brahmasabhāṃ jagmurmerormūrdhani sarvaśaḥ sarvaṃ vijñāpayāṃ cakruḥ praṇatāḥ parameṣṭhine
Then they went in a body to Brahmā's assembly on the summit of Meru, and, bowing down, made everything known to the highest one (Brahmā).
AI translation rendered from the Sanskrit, not a published edition
SB 8 5.19
स विलोक्येन्द्रवाय्वादीन् निःसत्त्वान् विगतप्रभान् लोकान् अमङ्गलप्रायान् असुरान् अयथा विभुः
sa vilokyendravāyvādīn niḥsattvān vigataprabhān lokān amaṅgalaprāyān asurān ayathā vibhuḥ
He, the mighty one, seeing Indra, Vāyu and the others devoid of strength and with their splendour gone, the worlds mostly inauspicious, and the demons (thriving) improperly—
AI translation rendered from the Sanskrit, not a published edition
SB 8 5.20
समाहितेन मनसा संस्मरन् पुरुषं परम् उवाचोत्फुल्लवदनो देवान् स भगवान् परः
samāhitena manasā saṃsmaran puruṣaṃ param uvācotphullavadano devān sa bhagavān paraḥ
With a collected mind, calling to mind the supreme Person, that exalted lord, his face beaming, spoke to the gods.
AI translation rendered from the Sanskrit, not a published edition
SB 8 5.21
अहं भवो यूयमथो ऽसुरादयो मनुष्यतिर्यग्द्रुमघर्मजातयः यस्यावतारांशकलाविसर्जिता व्रजाम सर्वे शरणं तमव्ययम्
ahaṃ bhavo yūyamatho 'surādayo manuṣyatiryagdrumagharmajātayaḥ yasyāvatārāṃśakalāvisarjitā vrajāma sarve śaraṇaṃ tamavyayam
I, Bhava (Śiva), you, and also the demons and the rest, and the races of men, beasts, trees and those born of sweat—we who are all sent forth by his descents, portions and part-portions: let us all go for refuge to him, the imperishable.
AI translation rendered from the Sanskrit, not a published edition
SB 8 5.22
न यस्य वध्यो न च रक्षणीयो नोपेक्षणीयादरणीयपक्षः तथापि सर्गस्थितिसंयमार्थं धत्ते रजःसत्त्वतमांसि काले
na yasya vadhyo na ca rakṣaṇīyo nopekṣaṇīyādaraṇīyapakṣaḥ tathāpi sargasthitisaṃyamārthaṃ dhatte rajaḥsattvatamāṃsi kāle
For whom there is none to be slain and none to be protected, no side to be disregarded or favoured; yet, for the sake of creation, maintenance and dissolution, he assumes rajas, sattva and tamas in their (due) time.
AI translation rendered from the Sanskrit, not a published edition
SB 8 5.23
अयं च तस्य स्थितिपालनक्षणः सत्त्वं जुषाणस्य भवाय देहिनाम् तस्माद्व्रजामः शरणं जगद्गुरुं स्वानां स नो धास्यति शं सुरप्रियः
ayaṃ ca tasya sthitipālanakṣaṇaḥ sattvaṃ juṣāṇasya bhavāya dehinām tasmādvrajāmaḥ śaraṇaṃ jagadguruṃ svānāṃ sa no dhāsyati śaṃ surapriyaḥ
And this is his moment of maintenance and preservation, when he resorts to sattva for the welfare of embodied beings; therefore let us go for refuge to the teacher of the world—he, who is dear to the gods, will grant us the well-being of his own.
AI translation rendered from the Sanskrit, not a published edition
SB 8 5.24
श्रीशुक उवाच इत्य् आभाष्य सुरान् वेधाः सह देवैररिन्दम अजितस्य पदं साक्षाज् जगाम तमसः परम्
śrīśuka uvāca ity ābhāṣya surān vedhāḥ saha devairarindama ajitasya padaṃ sākṣāj jagāma tamasaḥ param
Śuka said: Having thus addressed the gods, the Creator, together with the gods, O subduer of foes, went directly to the abode of Ajita, which is beyond darkness.
AI translation rendered from the Sanskrit, not a published edition
SB 8 5.25
तत्रादृष्टस्वरूपाय श्रुतपूर्वाय वै प्रभुः स्तुतिमब्रूत दैवीभिर्गीर्भिस्त्ववहितेन्द्रियः
tatrādṛṣṭasvarūpāya śrutapūrvāya vai prabhuḥ stutimabrūta daivībhirgīrbhistvavahitendriyaḥ
There the lord (Brahmā), with his senses attentive, uttered a hymn with divine words to him whose form had not been seen but of whom he had heard before.
AI translation rendered from the Sanskrit, not a published edition
SB 8 5.26
श्रीब्रह्मोवाच अविक्रियं सत्यमनन्तमाद्यं गुहाशयं निष्कलमप्रतर्क्यम् मनो ऽग्रयानं वचसानिरुक्तं नमामहे देववरं वरेण्यम्
śrībrahmovāca avikriyaṃ satyamanantamādyaṃ guhāśayaṃ niṣkalamapratarkyam mano 'grayānaṃ vacasāniruktaṃ namāmahe devavaraṃ vareṇyam
Brahmā said: We bow to the unchanging, the true, the endless, the primordial, dwelling in the cave (of the heart), partless, beyond reasoning, moving ahead of the mind, unexpressed by speech—the best of gods, the one to be chosen.
AI translation rendered from the Sanskrit, not a published edition
SB 8 5.27
विपश्चितं प्राणमनोधियात्मनाम् अर्थेन्द्रियाभासमनिद्रमव्रणम् छायातपौ यत्र न गृध्रपक्षौ तमक्षरं खं त्रियुगं व्रजामहे
vipaścitaṃ prāṇamanodhiyātmanām arthendriyābhāsamanidramavraṇam chāyātapau yatra na gṛdhrapakṣau tamakṣaraṃ khaṃ triyugaṃ vrajāmahe
The wise one, of vital breath, mind, intellect and self; who is the illumination of objects and senses, sleepless, unwounded—in whom there are not shade and sunlight, the two wings of desire: to that imperishable one, the ether, of three ages, we go.
AI translation rendered from the Sanskrit, not a published edition — the model flagged this verse as uncertain
SB 8 5.28
अजस्य चक्रं त्वजयेर्यमाणं मनोमयं पञ्चदशारमाशु त्रिनाभि विद्युच्चलमष्टनेमि यदक्षमाहुस्तमृतं प्रपद्ये
ajasya cakraṃ tvajayeryamāṇaṃ manomayaṃ pañcadaśāramāśu trinābhi vidyuccalamaṣṭanemi yadakṣamāhustamṛtaṃ prapadye
The wheel of the unborn, set in motion by the unborn (māyā), made of mind, with fifteen spokes, swift, with three hubs, quivering like lightning, with eight felloes—that which they call imperishable, that truth I approach for refuge.
AI translation rendered from the Sanskrit, not a published edition — the model flagged this verse as uncertain
SB 8 5.29
य एकवर्णं तमसः परं तद् अलोकमव्यक्तमनन्तपारम् आसां चकारोपसुपर्णमेनम् उपासते योगरथेन धीराः
ya ekavarṇaṃ tamasaḥ paraṃ tad alokamavyaktamanantapāram āsāṃ cakāropasuparṇamenam upāsate yogarathena dhīrāḥ
He who has made himself that one-hued (reality) beyond darkness, without world, unmanifest, of endless limit, having the bird (the individual soul) near him—him the steadfast worship by the chariot of yoga.
AI translation rendered from the Sanskrit, not a published edition — the model flagged this verse as uncertain
SB 8 5.30
न यस्य कश्चातितितर्ति मायां यया जनो मुह्यति वेद नार्थम् तं निर्जितात्मात्मगुणं परेशं नमाम भूतेषु समं चरन्तम्
na yasya kaścātititarti māyāṃ yayā jano muhyati veda nārtham taṃ nirjitātmātmaguṇaṃ pareśaṃ namāma bhūteṣu samaṃ carantam
No one crosses beyond his māyā, by which a person is bewildered and does not know the truth. To him, the supreme Lord, who has mastered himself and his own qualities and who moves equally among all beings, we offer homage.
AI translation rendered from the Sanskrit, not a published edition
SB 8 5.31
इमे वयं यत्प्रिययैव तन्वा सत्त्वेन सृष्टा बहिरन्तराविः गतिं न सूक्ष्मामृषयश्च विद्महे कुतो ऽसुराद्या इतरप्रधानाः
ime vayaṃ yatpriyayaiva tanvā sattvena sṛṣṭā bahirantarāviḥ gatiṃ na sūkṣmāmṛṣayaśca vidmahe kuto 'surādyā itarapradhānāḥ
We here were created by that body which alone is dear to him, namely sattva, manifest outwardly and inwardly; yet neither we nor the seers know his subtle course — how then the asuras and the rest, in whom the other (qualities) predominate?
AI translation rendered from the Sanskrit, not a published edition
SB 8 5.32
पादौ महीयं स्वकृतैव यस्य चतुर्विधो यत्र हि भूतसर्गः स वै महापूरुष आत्मतन्त्रः प्रसीदतां ब्रह्म महाविभूतिः
pādau mahīyaṃ svakṛtaiva yasya caturvidho yatra hi bhūtasargaḥ sa vai mahāpūruṣa ātmatantraḥ prasīdatāṃ brahma mahāvibhūtiḥ
Whose feet this earth is, itself made by him, and in which stands the fourfold creation of beings — may that Great Person, self-dependent, the Brahman of vast powers, be pleased.
AI translation rendered from the Sanskrit, not a published edition
SB 8 5.33
अम्भस्तु यद्रेत उदारवीर्यं सिध्यन्ति जीवन्त्य् उत वर्धमानाः लोका यतो ऽथाखिललोकपालाः प्रसीदतां नः स महाविभूतिः
ambhastu yadreta udāravīryaṃ sidhyanti jīvanty uta vardhamānāḥ lokā yato 'thākhilalokapālāḥ prasīdatāṃ naḥ sa mahāvibhūtiḥ
The waters are his semen, of abundant potency, from which beings come to fulfilment, live and grow, and from which come the worlds and then all the guardians of the worlds — may he of vast powers be pleased with us.
AI translation rendered from the Sanskrit, not a published edition
SB 8 5.34
सोमं मनो यस्य समामनन्ति दिवौकसां यो बलमन्ध आयुः ईशो नगानां प्रजनः प्रजानां प्रसीदतां नः स महाविभूतिः
somaṃ mano yasya samāmananti divaukasāṃ yo balamandha āyuḥ īśo nagānāṃ prajanaḥ prajānāṃ prasīdatāṃ naḥ sa mahāvibhūtiḥ
Whose mind the dwellers in heaven declare to be Soma; who is their strength, their food and their life-span; the lord of trees, the begetter of creatures — may he of vast powers be pleased with us.
AI translation rendered from the Sanskrit, not a published edition
SB 8 5.35
अग्निर्मुखं यस्य तु जातवेदा जातः क्रियाकाण्डनिमित्तजन्मा अन्तःसमुद्रे ऽनुपचन् स्वधातून् प्रसीदतां नः स महाविभूतिः
agnirmukhaṃ yasya tu jātavedā jātaḥ kriyākāṇḍanimittajanmā antaḥsamudre 'nupacan svadhātūn prasīdatāṃ naḥ sa mahāvibhūtiḥ
Whose mouth is Agni, the Knower of Beings, whose birth is occasioned by the section (of the Veda) dealing with rites, and who within the ocean digests his own elements — may he of vast powers be pleased with us.
AI translation rendered from the Sanskrit, not a published edition — the model flagged this verse as uncertain
SB 8 5.36
यच्चक्षुरासीत् तरणिर्देवयानं त्रयीमयो ब्रह्मण एष धिष्ण्यम् द्वारं च मुक्तेरमृतं च मृत्युः प्रसीदतां नः स महाविभूतिः
yaccakṣurāsīt taraṇirdevayānaṃ trayīmayo brahmaṇa eṣa dhiṣṇyam dvāraṃ ca mukteramṛtaṃ ca mṛtyuḥ prasīdatāṃ naḥ sa mahāvibhūtiḥ
Whose eye was the sun, the path of the gods, made of the triple Veda, the seat of Brahman, the doorway of liberation, and immortality as well as death — may he of vast powers be pleased with us.
AI translation rendered from the Sanskrit, not a published edition
SB 8 5.37
प्राणादभूद्यस्य चराचराणां प्राणः सहो बलमोजश्च वायुः अन्वास्म सम्राजमिवानुगा वयं प्रसीदतां नः स महाविभूतिः
prāṇādabhūdyasya carācarāṇāṃ prāṇaḥ saho balamojaśca vāyuḥ anvāsma samrājamivānugā vayaṃ prasīdatāṃ naḥ sa mahāvibhūtiḥ
From whose breath arose the breath of moving and unmoving beings, and endurance, strength, vigour and the wind; we attend upon him as followers attend an emperor — may he of vast powers be pleased with us.
AI translation rendered from the Sanskrit, not a published edition
SB 8 5.38
श्रोत्राद्दिशो यस्य हृदश्च खानि प्रजज्ञिरे खं पुरुषस्य नाभ्याः प्राणेन्द्रियात्मासुशरीरकेतः प्रसीदतां नः स महाविभूतिः
śrotrāddiśo yasya hṛdaśca khāni prajajñire khaṃ puruṣasya nābhyāḥ prāṇendriyātmāsuśarīraketaḥ prasīdatāṃ naḥ sa mahāvibhūtiḥ
From whose ear the directions and from whose heart the bodily openings were born, and space from the navel of the Person; he who is the abode of breath, senses, mind, vital air and body — may he of vast powers be pleased with us.
AI translation rendered from the Sanskrit, not a published edition — the model flagged this verse as uncertain
SB 8 5.39
बलान् महेन्द्रस्त्रिदशाः प्रसादान् मन्योर्गिरीशो धिषणाद्विरिञ्चः खेभ्यस्तु छन्दांस्य् ऋषयो मेढ्रतः कः प्रसीदतां नः स महाविभूतिः
balān mahendrastridaśāḥ prasādān manyorgirīśo dhiṣaṇādviriñcaḥ khebhyastu chandāṃsy ṛṣayo meḍhrataḥ kaḥ prasīdatāṃ naḥ sa mahāvibhūtiḥ
From his strength came Mahendra, from his grace the thirty gods, from his wrath Girīśa, from his intelligence Viriñca, from his openings the Vedic metres and the seers, from his generative organ Ka — may he of vast powers be pleased with us.
AI translation rendered from the Sanskrit, not a published edition
SB 8 5.40
श्रीर्वक्षसः पितरश्छाययासन् धर्मः स्तनादितरः पृष्ठतो ऽभूत् द्यौर्यस्य शीर्ष्णो ऽप्सरसो विहारात् प्रसीदतां नः स महाविभूतिः
śrīrvakṣasaḥ pitaraśchāyayāsan dharmaḥ stanāditaraḥ pṛṣṭhato 'bhūt dyauryasya śīrṣṇo 'psaraso vihārāt prasīdatāṃ naḥ sa mahāvibhūtiḥ
Śrī came from his chest, the forefathers from his shadow, dharma from his breast, its opposite from his back, heaven from his head, the apsarases from his sport — may he of vast powers be pleased with us.
AI translation rendered from the Sanskrit, not a published edition
SB 8 5.41
विप्रो मुखाद्ब्रह्म च यस्य गुह्यं राजन्य आसीद्भुजयोर्बलं च ऊर्वोर्विड् ओजो ऽङ्घ्रिरवेदशूद्रौ प्रसीदतां नः स महाविभूतिः
vipro mukhādbrahma ca yasya guhyaṃ rājanya āsīdbhujayorbalaṃ ca ūrvorviḍ ojo 'ṅghriravedaśūdrau prasīdatāṃ naḥ sa mahāvibhūtiḥ
The brāhmaṇa came from his mouth, and the Veda, which is his secret; the kṣatriya was from his two arms, and strength as well; from his thighs the vaiśya and vitality; from his feet the śūdra, who is without the Veda — may he of vast powers be pleased with us.
AI translation rendered from the Sanskrit, not a published edition
SB 8 5.42
लोभो ऽधरात् प्रीतिरुपर्य् अभूद्द्युतिर् नस्तः पशव्यः स्पर्शेन कामः भ्रुवोर्यमः पक्ष्मभवस्तु कालः प्रसीदतां नः स महाविभूतिः
lobho 'dharāt prītirupary abhūddyutir nastaḥ paśavyaḥ sparśena kāmaḥ bhruvoryamaḥ pakṣmabhavastu kālaḥ prasīdatāṃ naḥ sa mahāvibhūtiḥ
Greed came from his lower lip, satisfaction from the upper, radiance from his nose, animal nature (?), desire from his touch, Yama from his brows, and Time from his eyelashes — may he of vast powers be pleased with us.
AI translation rendered from the Sanskrit, not a published edition — the model flagged this verse as uncertain
SB 8 5.43
द्रव्यं वयः कर्म गुणान् विशेषं यद्योगमायाविहितान् वदन्ति यद्दुर्विभाव्यं प्रबुधापबाधं प्रसीदतां नः स महाविभूतिः
dravyaṃ vayaḥ karma guṇān viśeṣaṃ yadyogamāyāvihitān vadanti yaddurvibhāvyaṃ prabudhāpabādhaṃ prasīdatāṃ naḥ sa mahāvibhūtiḥ
Substance, time, action, the qualities, particularity — which they say are arranged by his yogamāyā; that which is hard to conceive and is dispelled for the awakened — may he of vast powers be pleased with us.
AI translation rendered from the Sanskrit, not a published edition — the model flagged this verse as uncertain
SB 8 5.44
नमो ऽस्तु तस्मा उपशान्तशक्तये स्वाराज्यलाभप्रतिपूरितात्मने गुणेषु मायारचितेषु वृत्तिभिर् न सज्जमानाय नभस्वदूतये
namo 'stu tasmā upaśāntaśaktaye svārājyalābhapratipūritātmane guṇeṣu māyāraciteṣu vṛttibhir na sajjamānāya nabhasvadūtaye
Homage be to him whose potencies have come to rest, whose self is wholly filled by the attainment of his own sovereignty, who does not become attached, through his activities, to the qualities fashioned by māyā, and whose aid is like the wind's.
AI translation rendered from the Sanskrit, not a published edition — the model flagged this verse as uncertain
SB 8 5.45
स त्वं नो दर्शयात्मानमस्मत्करणगोचरम् प्रपन्नानां दिदृक्षूणां सस्मितं ते मुखाम्बुजम्
sa tvaṃ no darśayātmānamasmatkaraṇagocaram prapannānāṃ didṛkṣūṇāṃ sasmitaṃ te mukhāmbujam
Being such, show us your own self, within the range of our senses — show us, who have taken refuge and long to see, your smiling lotus face.
AI translation rendered from the Sanskrit, not a published edition
SB 8 5.46
तैस्तैः स्वेच्छाभूतै रूपैः काले काले स्वयं विभो कर्म दुर्विषहं यन् नो भगवांस्तत् करोति हि
taistaiḥ svecchābhūtai rūpaiḥ kāle kāle svayaṃ vibho karma durviṣahaṃ yan no bhagavāṃstat karoti hi
By those various forms that come about by his own will, from time to time, O pervading one, the Lord himself performs for us that task which is otherwise impossible to bear.
AI translation rendered from the Sanskrit, not a published edition
SB 8 5.47
क्लेशभूर्यल्पसाराणि कर्माणि विफलानि वा देहिनां विषयार्तानां न तथैवार्पितं त्वयि
kleśabhūryalpasārāṇi karmāṇi viphalāni vā dehināṃ viṣayārtānāṃ na tathaivārpitaṃ tvayi
For embodied beings afflicted by the objects of sense, actions are full of trouble and of little substance, or else fruitless; but not so when they are offered to you.
AI translation rendered from the Sanskrit, not a published edition
SB 8 5.48
नावमः कर्मकल्पो ऽपि विफलायेश्वरार्पितः कल्पते पुरुषस्यैव स ह्य् आत्मा दयितो हितः
nāvamaḥ karmakalpo 'pi viphalāyeśvarārpitaḥ kalpate puruṣasyaiva sa hy ātmā dayito hitaḥ
Not even the meanest sort of act, when offered to the Lord, turns to no fruit for a person; for he is the Self, dear and beneficial.
AI translation rendered from the Sanskrit, not a published edition
SB 8 5.49
यथा हि स्कन्धशाखानां तरोर्मूलावसेचनम् एवमाराधनं विष्णोः सर्वेषामात्मनश्च हि
yathā hi skandhaśākhānāṃ tarormūlāvasecanam evamārādhanaṃ viṣṇoḥ sarveṣāmātmanaśca hi
Just as watering the root of a tree serves its trunk and branches, so the worship of Viṣṇu serves all beings and oneself as well.
AI translation rendered from the Sanskrit, not a published edition
SB 8 5.50
नमस्तुभ्यमनन्ताय दुर्वितर्क्यात्मकर्मणे निर्गुणाय गुणेशाय सत्त्वस्थाय च साम्प्रतम्
namastubhyamanantāya durvitarkyātmakarmaṇe nirguṇāya guṇeśāya sattvasthāya ca sāmpratam
Obeisance to you, the endless one, whose own nature and deeds are beyond reasoning, who are without the qualities, yet lord of the qualities, and who at present abide in sattva.
AI translation rendered from the Sanskrit, not a published edition