Bhagavata Purana — Skandha 8 — Chapter 16
SB 8 16.1
श्रीशुक उवाच एवं पुत्रेषु नष्टेषु देवमातादितिस्तदा हृते त्रिविष्टपे दैत्यैः पर्यतप्यदनाथवत्
śrīśuka uvāca evaṃ putreṣu naṣṭeṣu devamātāditistadā hṛte triviṣṭape daityaiḥ paryatapyadanāthavat
Śrī Śuka said: Thus, when her sons had been ruined and heaven had been seized by the Daityas, Aditi, mother of the gods, then grieved like one without a protector.
AI translation rendered from the Sanskrit, not a published edition
SB 8 16.2
एकदा कश्यपस्तस्या आश्रमं भगवान् अगात् निरुत्सवं निरानन्दं समाधेर्विरतश्चिरात्
ekadā kaśyapastasyā āśramaṃ bhagavān agāt nirutsavaṃ nirānandaṃ samādhervirataścirāt
Once the blessed Kaśyapa, roused after a long while from his trance, came to her hermitage, which was without festivity and without joy.
AI translation rendered from the Sanskrit, not a published edition
SB 8 16.3
स पत्नीं दीनवदनां कृतासनपरिग्रहः सभाजितो यथान्यायमिदमाह कुरूद्वह
sa patnīṃ dīnavadanāṃ kṛtāsanaparigrahaḥ sabhājito yathānyāyamidamāha kurūdvaha
He, having accepted the seat (offered) and been honoured as is proper, said this to his wife, whose face was downcast, O foremost of the Kurus.
AI translation rendered from the Sanskrit, not a published edition
SB 8 16.4
अप्य् अभद्रं न विप्राणां भद्रे लोके ऽधुनागतम् न धर्मस्य न लोकस्य मृत्योश्छन्दानुवर्तिनः
apy abhadraṃ na viprāṇāṃ bhadre loke 'dhunāgatam na dharmasya na lokasya mṛtyośchandānuvartinaḥ
(Has) no misfortune, good lady, befallen the brahmins in the world just now? Nor (any) to dharma, nor to the people, who follow the will of death?
AI translation rendered from the Sanskrit, not a published edition
SB 8 16.5
अपि वाकुशलं किञ्चिद्गृहेषु गृहमेधिनि धर्मस्यार्थस्य कामस्य यत्र योगो ह्य् अयोगिनाम्
api vākuśalaṃ kiñcidgṛheṣu gṛhamedhini dharmasyārthasya kāmasya yatra yogo hy ayoginām
Or (is there) some mishap in the household, O mistress of the house, where for those who are not yogins there is (still) the conjunction of dharma, wealth, and pleasure?
AI translation rendered from the Sanskrit, not a published edition
SB 8 16.6
अपि वातिथयो ऽभ्येत्य कुटुम्बासक्तया त्वया गृहादपूजिता याताः प्रत्युत्थानेन वा क्वचित्
api vātithayo 'bhyetya kuṭumbāsaktayā tvayā gṛhādapūjitā yātāḥ pratyutthānena vā kvacit
Or did guests, having come, go away from the house unhonoured by you, absorbed as you were in the family, or (not welcomed) at some time by your rising to greet them?
AI translation rendered from the Sanskrit, not a published edition
SB 8 16.7
गृहेषु येष्वतिथयो नार्चिताः सलिलैरपि यदि निर्यान्ति ते नूनं फेरुराजगृहोपमाः
gṛheṣu yeṣvatithayo nārcitāḥ salilairapi yadi niryānti te nūnaṃ pherurājagṛhopamāḥ
If guests depart from those houses in which they have not been honoured even with water, then those (houses) are surely like the dens of jackal-kings.
AI translation rendered from the Sanskrit, not a published edition
SB 8 16.8
अप्य् अग्नयस्तु वेलायां न हुता हविषा सति त्वयोद्विग्नधिया भद्रे प्रोषिते मयि कर्हिचित्
apy agnayastu velāyāṃ na hutā haviṣā sati tvayodvignadhiyā bhadre proṣite mayi karhicit
Or were the fires, O good lady, at some time not fed with oblation at the proper hour by you, your mind being agitated while I was away, O blessed one?
AI translation rendered from the Sanskrit, not a published edition
SB 8 16.9
यत्पूजया कामदुघान् याति लोकान् गृहान्वितः ब्राह्मणो ऽग्निश्च वै विष्णोः सर्वदेवात्मनो मुखम्
yatpūjayā kāmadughān yāti lokān gṛhānvitaḥ brāhmaṇo 'gniśca vai viṣṇoḥ sarvadevātmano mukham
By worship of whom a householder attains the worlds that yield (all) desires — for the brahmin and the fire are the mouth of Viṣṇu, the Self of all the gods.
AI translation rendered from the Sanskrit, not a published edition
SB 8 16.10
अपि सर्वे कुशलिनस्तव पुत्रा मनस्विनि लक्षये ऽस्वस्थमात्मानं भवत्या लक्षणैरहम्
api sarve kuśalinastava putrā manasvini lakṣaye 'svasthamātmānaṃ bhavatyā lakṣaṇairaham
Are all your sons well, O thoughtful one? I perceive from your signs that you yourself are not well.
AI translation rendered from the Sanskrit, not a published edition
SB 8 16.11
श्रीअदितिरुवाच भद्रं द्विजगवां ब्रह्मन् धर्मस्यास्य जनस्य च त्रिवर्गस्य परं क्षेत्रं गृहमेधिन् गृहा इमे
śrīaditiruvāca bhadraṃ dvijagavāṃ brahman dharmasyāsya janasya ca trivargasya paraṃ kṣetraṃ gṛhamedhin gṛhā ime
Śrī Aditi said: It is well with the twice-born and the cows, O brahman, and with this dharma and these people. These homes, O householder, are the supreme field of the three (aims of life).
AI translation rendered from the Sanskrit, not a published edition
SB 8 16.12
अग्नयो ऽतिथयो भृत्या भिक्षवो ये च लिप्सवः सर्वं भगवतो ब्रह्मन्ननुध्यानान् न रिष्यति
agnayo 'tithayo bhṛtyā bhikṣavo ye ca lipsavaḥ sarvaṃ bhagavato brahmannanudhyānān na riṣyati
The fires, the guests, the servants, the mendicants, and those who come seeking — nothing at all, O brahman, is neglected, because of (my) constant remembrance of you, sir.
AI translation rendered from the Sanskrit, not a published edition — the model flagged this verse as uncertain
SB 8 16.13
को नु मे भगवन् कामो न सम्पद्येत मानसः यस्या भवान् प्रजाध्यक्ष एवं धर्मान् प्रभाषते
ko nu me bhagavan kāmo na sampadyeta mānasaḥ yasyā bhavān prajādhyakṣa evaṃ dharmān prabhāṣate
What desire of mine in the mind, O revered one, would not be fulfilled, when you, the overseer of progeny, thus speak of the duties to her (who is your wife)?
AI translation rendered from the Sanskrit, not a published edition — the model flagged this verse as uncertain
SB 8 16.14
तवैव मारीच मनःशरीरजाः प्रजा इमाः सत्त्वरजस्तमोजुषः समो भवांस्तास्वसुरादिषु प्रभो तथापि भक्तं भजते महेश्वरः
tavaiva mārīca manaḥśarīrajāḥ prajā imāḥ sattvarajastamojuṣaḥ samo bhavāṃstāsvasurādiṣu prabho tathāpi bhaktaṃ bhajate maheśvaraḥ
These creatures, O son of Marīci, born of your own mind and body, are given to sattva, rajas, and tamas; you, O lord, are impartial toward them, the asuras and the rest — yet even so, the Great Lord favours the devotee.
AI translation rendered from the Sanskrit, not a published edition
SB 8 16.15
तस्मादीश भजन्त्या मे श्रेयश्चिन्तय सुव्रत हृतश्रियो हृतस्थानान् सपत्नैः पाहि नः प्रभो
tasmādīśa bhajantyā me śreyaścintaya suvrata hṛtaśriyo hṛtasthānān sapatnaiḥ pāhi naḥ prabho
Therefore, O lord, consider what is best for me who am devoted (to you), O you of good vows; protect us, O master, deprived of fortune and driven from our place by (our) rivals.
AI translation rendered from the Sanskrit, not a published edition
SB 8 16.16
परैर्विवासिता साहं मग्ना व्यसनसागरे ऐश्वर्यं श्रीर्यशः स्थानं हृतानि प्रबलैर्मम
parairvivāsitā sāhaṃ magnā vyasanasāgare aiśvaryaṃ śrīryaśaḥ sthānaṃ hṛtāni prabalairmama
Banished by our foes, I have sunk into an ocean of distress; my sovereignty, splendour, fame, and station have been taken away by the mighty ones.
AI translation rendered from the Sanskrit, not a published edition
SB 8 16.17
यथा तानि पुनः साधो प्रपद्येरन् ममात्मजाः तथा विधेहि कल्याणं धिया कल्याणकृत्तम
yathā tāni punaḥ sādho prapadyeran mamātmajāḥ tathā vidhehi kalyāṇaṃ dhiyā kalyāṇakṛttama
Contrive, O good one, by your thought, such a blessing that my sons may regain those (things), O best of doers of good.
AI translation rendered from the Sanskrit, not a published edition
SB 8 16.18
श्रीशुक उवाच एवमभ्यर्थितो ऽदित्या कस्तामाह स्मयन्निव अहो मायाबलं विष्णोः स्नेहबद्धमिदं जगत्
śrīśuka uvāca evamabhyarthito 'dityā kastāmāha smayanniva aho māyābalaṃ viṣṇoḥ snehabaddhamidaṃ jagat
Śrī Śuka said: Thus entreated by Aditi, Kaśyapa said to her, as if smiling: Ah, the power of Viṣṇu's māyā — this world is bound by affection!
AI translation rendered from the Sanskrit, not a published edition
SB 8 16.19
क्व देहो भौतिको ऽनात्मा क्व चात्मा प्रकृतेः परः कस्य के पतिपुत्राद्या मोह एव हि कारणम्
kva deho bhautiko 'nātmā kva cātmā prakṛteḥ paraḥ kasya ke patiputrādyā moha eva hi kāraṇam
Where is the body, made of the elements, which is not the self, and where the self, which is beyond prakṛti? Whose are which husband, sons, and the rest? Delusion alone, indeed, is the cause.
AI translation rendered from the Sanskrit, not a published edition
SB 8 16.20
उपतिष्ठस्व पुरुषं भगवन्तं जनार्दनम् सर्वभूतगुहावासं वासुदेवं जगद्गुरुम्
upatiṣṭhasva puruṣaṃ bhagavantaṃ janārdanam sarvabhūtaguhāvāsaṃ vāsudevaṃ jagadgurum
Worship the Person, the Blessed One, Janārdana, who dwells in the cave (of the heart) of all beings, Vāsudeva, the teacher of the world.
AI translation rendered from the Sanskrit, not a published edition
SB 8 16.21
स विधास्यति ते कामान् हरिर्दीनानुकम्पनः अमोघा भगवद्भक्तिर्नेतरेति मतिर्मम
sa vidhāsyati te kāmān harirdīnānukampanaḥ amoghā bhagavadbhaktirnetareti matirmama
He, Hari, who is compassionate to the afflicted, will grant your desires. Devotion to the Blessed One is never fruitless, but nothing else (is so) — such is my conviction.
AI translation rendered from the Sanskrit, not a published edition
SB 8 16.22
श्रीअदितिरुवाच केनाहं विधिना ब्रह्मन्नुपस्थास्ये जगत्पतिम् यथा मे सत्यसङ्कल्पो विदध्यात् स मनोरथम्
śrīaditiruvāca kenāhaṃ vidhinā brahmannupasthāsye jagatpatim yathā me satyasaṅkalpo vidadhyāt sa manoratham
Śrī Aditi said: By what rite, O brahman, shall I worship the Lord of the world, so that he whose resolve is true may fulfil my heart's wish?
AI translation rendered from the Sanskrit, not a published edition
SB 8 16.23
आदिश त्वं द्विजश्रेष्ठ विधिं तदुपधावनम् आशु तुष्यति मे देवः सीदन्त्याः सह पुत्रकैः
ādiśa tvaṃ dvijaśreṣṭha vidhiṃ tadupadhāvanam āśu tuṣyati me devaḥ sīdantyāḥ saha putrakaiḥ
Instruct me, O best of the twice-born, in the rite that is the means of approaching him, by which the god may quickly be pleased with me, who am sinking down together with my little sons.
AI translation rendered from the Sanskrit, not a published edition
SB 8 16.24
श्रीकश्यप उवाच एतन् मे भगवान् पृष्टः प्रजाकामस्य पद्मजः यदाह ते प्रवक्ष्यामि व्रतं केशवतोषणम्
śrīkaśyapa uvāca etan me bhagavān pṛṣṭaḥ prajākāmasya padmajaḥ yadāha te pravakṣyāmi vrataṃ keśavatoṣaṇam
Śrī Kaśyapa said: When I, desiring offspring, asked the lord born of the lotus (Brahmā), he told me this; that vow which pleases Keśava I shall declare to you.
AI translation rendered from the Sanskrit, not a published edition
SB 8 16.25
फाल्गुनस्यामले पक्षे द्वादशाहं पयोव्रतम् अर्चयेदरविन्दाक्षं भक्त्या परमयान्वितः
phālgunasyāmale pakṣe dvādaśāhaṃ payovratam arcayedaravindākṣaṃ bhaktyā paramayānvitaḥ
In the bright fortnight of Phālguna, for twelve days (one should keep) the milk-vow, and endowed with the highest devotion should worship the lotus-eyed one.
AI translation rendered from the Sanskrit, not a published edition
SB 8 16.26
सिनीवाल्यां मृदालिप्य स्नायात् क्रोडविदीर्णया यदि लभ्येत वै स्रोतस्य् एतं मन्त्रमुदीरयेत्
sinīvālyāṃ mṛdālipya snāyāt kroḍavidīrṇayā yadi labhyeta vai srotasy etaṃ mantramudīrayet
On the new-moon day, having smeared himself with clay turned up by a boar, he should bathe — if such (clay) can be obtained — and in the current (of the river) he should utter this mantra:
AI translation rendered from the Sanskrit, not a published edition
SB 8 16.27
त्वं देव्य् आदिवराहेण रसायाः स्थानमिच्छता उद्धृतासि नमस्तुभ्यं पाप्मानं मे प्रणाशय
tvaṃ devy ādivarāheṇa rasāyāḥ sthānamicchatā uddhṛtāsi namastubhyaṃ pāpmānaṃ me praṇāśaya
"You, O goddess, were lifted up out of the waters by the primeval Boar who desired a place (for the world); homage to you — destroy my sin."
AI translation rendered from the Sanskrit, not a published edition
SB 8 16.28
निर्वर्तितात्मनियमो देवमर्चेत् समाहितः अर्चायां स्थण्डिले सूर्ये जले वह्नौ गुरावपि
nirvartitātmaniyamo devamarcet samāhitaḥ arcāyāṃ sthaṇḍile sūrye jale vahnau gurāvapi
Having completed the personal observances, with concentrated mind he should worship the Lord — in an image, on a bare altar-ground, in the sun, in water, in fire, or even in the teacher.
AI translation rendered from the Sanskrit, not a published edition
SB 8 16.29
नमस्तुभ्यं भगवते पुरुषाय महीयसे सर्वभूतनिवासाय वासुदेवाय साक्षिणे
namastubhyaṃ bhagavate puruṣāya mahīyase sarvabhūtanivāsāya vāsudevāya sākṣiṇe
"Homage to you, the Lord, the Person, the greatly glorified, the dwelling of all beings, Vāsudeva, the witness.
AI translation rendered from the Sanskrit, not a published edition
SB 8 16.30
नमो ऽव्यक्ताय सूक्ष्माय प्रधानपुरुषाय च चतुर्विंशद्गुणज्ञाय गुणसङ्ख्यानहेतवे
namo 'vyaktāya sūkṣmāya pradhānapuruṣāya ca caturviṃśadguṇajñāya guṇasaṅkhyānahetave
Homage to the unmanifest, the subtle, and to the Person who is (the ground of) primal matter, to the knower of the twenty-four principles, to the cause of the enumeration of the constituents.
AI translation rendered from the Sanskrit, not a published edition
SB 8 16.31
नमो द्विशीर्ष्णे त्रिपदे चतुःशृङ्गाय तन्तवे सप्तहस्ताय यज्ञाय त्रयीविद्यात्मने नमः
namo dviśīrṣṇe tripade catuḥśṛṅgāya tantave saptahastāya yajñāya trayīvidyātmane namaḥ
Homage to the two-headed, three-footed, four-horned one, to the thread (of extension), to the seven-handed sacrifice; homage to him whose self is the knowledge of the three Vedas.
AI translation rendered from the Sanskrit, not a published edition
SB 8 16.32
नमः शिवाय रुद्राय नमः शक्तिधराय च सर्वविद्याधिपतये भूतानां पतये नमः
namaḥ śivāya rudrāya namaḥ śaktidharāya ca sarvavidyādhipataye bhūtānāṃ pataye namaḥ
Homage to Śiva, to Rudra, and homage to the bearer of power; homage to the sovereign of all knowledge, to the lord of beings.
AI translation rendered from the Sanskrit, not a published edition
SB 8 16.33
नमो हिरण्यगर्भाय प्राणाय जगदात्मने योगैश्वर्यशरीराय नमस्ते योगहेतवे
namo hiraṇyagarbhāya prāṇāya jagadātmane yogaiśvaryaśarīrāya namaste yogahetave
Homage to Hiraṇyagarbha, to the vital breath, to the self of the world, to him whose body is the mastery of yoga; homage to you, the source of yoga.
AI translation rendered from the Sanskrit, not a published edition
SB 8 16.34
नमस्त आदिदेवाय साक्षिभूताय ते नमः नारायणाय ऋषये नराय हरये नमः
namasta ādidevāya sākṣibhūtāya te namaḥ nārāyaṇāya ṛṣaye narāya haraye namaḥ
Homage to you, the primeval God; homage to you who have become the witness; homage to Nārāyaṇa the seer, to Nara, to Hari.
AI translation rendered from the Sanskrit, not a published edition
SB 8 16.35
नमो मरकतश्याम वपुषे ऽधिगतश्रिये केशवाय नमस्तुभ्यं नमस्ते पीतवाससे
namo marakataśyāma vapuṣe 'dhigataśriye keśavāya namastubhyaṃ namaste pītavāsase
Homage to him whose body is dark as emerald, who has attained beauty; homage to you, Keśava; homage to you, clad in yellow.
AI translation rendered from the Sanskrit, not a published edition
SB 8 16.36
त्वं सर्ववरदः पुंसां वरेण्य वरदर्षभ अतस्ते श्रेयसे धीराः पादरेणुमुपासते
tvaṃ sarvavaradaḥ puṃsāṃ vareṇya varadarṣabha ataste śreyase dhīrāḥ pādareṇumupāsate
You are the giver of all boons to men, O most choiceworthy one, O best of boon-givers; therefore the steadfast ones worship the dust of your feet for their own good.
AI translation rendered from the Sanskrit, not a published edition
SB 8 16.37
अन्ववर्तन्त यं देवाः श्रीश्च तत्पादपद्मयोः स्पृहयन्त इवामोदं भगवान् मे प्रसीदताम्
anvavartanta yaṃ devāḥ śrīśca tatpādapadmayoḥ spṛhayanta ivāmodaṃ bhagavān me prasīdatām
He whom the gods followed, and Śrī too, as though longing for the fragrance of his lotus feet — may that Lord be gracious to me."
AI translation rendered from the Sanskrit, not a published edition
SB 8 16.38
एतैर्मन्त्रैर्हृषीकेशमावाहनपुरस्कृतम् अर्चयेच् छ्रद्धया युक्तः पाद्योपस्पर्शनादिभिः
etairmantrairhṛṣīkeśamāvāhanapuraskṛtam arcayec chraddhayā yuktaḥ pādyopasparśanādibhiḥ
With these mantras, having first performed the invocation, one endowed with faith should worship Hṛṣīkeśa with water for the feet, water for sipping, and the rest.
AI translation rendered from the Sanskrit, not a published edition
SB 8 16.39
अर्चित्वा गन्धमाल्याद्यैः पयसा स्नपयेद्विभुम् वस्त्रोपवीताभरण पाद्योपस्पर्शनैस्ततः गन्धधूपादिभिश्चार्चेद्द्वादशाक्षरविद्यया
arcitvā gandhamālyādyaiḥ payasā snapayedvibhum vastropavītābharaṇa pādyopasparśanaistataḥ gandhadhūpādibhiścārceddvādaśākṣaravidyayā
Having worshipped (him) with fragrances, garlands and the like, he should bathe the mighty one with milk; then, with garment, sacred thread, ornaments, water for the feet and water for sipping, and with fragrance, incense and the rest, he should worship (him) with the twelve-syllable formula.
AI translation rendered from the Sanskrit, not a published edition
SB 8 16.40
शृतं पयसि नैवेद्यं शाल्यन्नं विभवे सति ससर्पिः सगुडं दत्त्वा जुहुयान् मूलविद्यया
śṛtaṃ payasi naivedyaṃ śālyannaṃ vibhave sati sasarpiḥ saguḍaṃ dattvā juhuyān mūlavidyayā
As the food-offering, rice cooked in milk, with ghee and with molasses — if one's means allow — having presented it, he should make the fire-offering with the root-mantra.
AI translation rendered from the Sanskrit, not a published edition
SB 8 16.41
निवेदितं तद्भक्ताय दद्याद्भुञ्जीत वा स्वयम् दत्त्वाचमनमर्चित्वा ताम्बूलं च निवेदयेत्
niveditaṃ tadbhaktāya dadyādbhuñjīta vā svayam dattvācamanamarcitvā tāmbūlaṃ ca nivedayet
What has been offered he should give to a devotee of his, or himself eat it; having given water for sipping and having worshipped (him), he should also present betel.
AI translation rendered from the Sanskrit, not a published edition
SB 8 16.42
जपेदष्टोत्तरशतं स्तुवीत स्तुतिभिः प्रभुम् कृत्वा प्रदक्षिणं भूमौ प्रणमेद्दण्डवन् मुदा
japedaṣṭottaraśataṃ stuvīta stutibhiḥ prabhum kṛtvā pradakṣiṇaṃ bhūmau praṇameddaṇḍavan mudā
He should mutter (the mantra) a hundred and eight times, should praise the Lord with hymns, and having circumambulated him, should joyfully prostrate on the ground like a rod.
AI translation rendered from the Sanskrit, not a published edition
SB 8 16.43
कृत्वा शिरसि तच्छेषां देवमुद्वासयेत् ततः द्व्यवरान् भोजयेद्विप्रान् पायसेन यथोचितम्
kṛtvā śirasi taccheṣāṃ devamudvāsayet tataḥ dvyavarān bhojayedviprān pāyasena yathocitam
Having placed the remnant of that (offering, or the garland) on his head, he should then dismiss the deity; and he should feed at least two brāhmaṇas with the milk-rice, as is fitting.
AI translation rendered from the Sanskrit, not a published edition
SB 8 16.44
भुञ्जीत तैरनुज्ञातः सेष्टः शेषं सभाजितैः ब्रह्मचार्य् अथ तद्रात्र्यां श्वो भूते प्रथमे ऽहनि
bhuñjīta tairanujñātaḥ seṣṭaḥ śeṣaṃ sabhājitaiḥ brahmacāry atha tadrātryāṃ śvo bhūte prathame 'hani
Permitted by them, and honored by those (brāhmaṇas) who have been welcomed, he should eat the remainder together with his own people; then he should remain celibate that night, and on the next day, the first day (of the observance),
AI translation rendered from the Sanskrit, not a published edition
SB 8 16.45
स्नातः शुचिर्यथोक्तेन विधिना सुसमाहितः पयसा स्नापयित्वार्चेद्यावद्व्रतसमापनम्
snātaḥ śuciryathoktena vidhinā susamāhitaḥ payasā snāpayitvārcedyāvadvratasamāpanam
bathed and pure, well concentrated, by the prescribed rite, having bathed (the deity) with milk he should worship (him)—so on until the completion of the vow.
AI translation rendered from the Sanskrit, not a published edition
SB 8 16.46
पयोभक्षो व्रतमिदं चरेद्विष्ण्वर्चनादृतः पूर्ववज् जुहुयादग्निं ब्राह्मणांश्चापि भोजयेत्
payobhakṣo vratamidaṃ caredviṣṇvarcanādṛtaḥ pūrvavaj juhuyādagniṃ brāhmaṇāṃścāpi bhojayet
Subsisting on milk, devoted to the worship of Viṣṇu, he should carry out this vow; as before he should offer oblations into the fire, and he should also feed brāhmaṇas.
AI translation rendered from the Sanskrit, not a published edition
SB 8 16.47
एवं त्वहरहः कुर्याद्द्वादशाहं पयोव्रतम् हरेराराधनं होममर्हणं द्विजतर्पणम्
evaṃ tvaharahaḥ kuryāddvādaśāhaṃ payovratam harerārādhanaṃ homamarhaṇaṃ dvijatarpaṇam
Thus day after day, for twelve days, he should perform the milk-vow: the propitiation of Hari, the fire offering, the worship (of him), and the gratifying of the twice-born.
AI translation rendered from the Sanskrit, not a published edition
SB 8 16.48
प्रतिपद्दिनमारभ्य यावच् छुक्लत्रयोदशीम् ब्रह्मचर्यमधःस्वप्नं स्नानं त्रिषवणं चरेत्
pratipaddinamārabhya yāvac chuklatrayodaśīm brahmacaryamadhaḥsvapnaṃ snānaṃ triṣavaṇaṃ caret
Beginning with the first day (of the lunar fortnight) and up to the thirteenth of the bright half, he should practise celibacy, sleeping on the ground, and bathing three times a day.
AI translation rendered from the Sanskrit, not a published edition
SB 8 16.49
वर्जयेदसदालापं भोगान् उच्चावचांस्तथा अहिंस्रः सर्वभूतानां वासुदेवपरायणः
varjayedasadālāpaṃ bhogān uccāvacāṃstathā ahiṃsraḥ sarvabhūtānāṃ vāsudevaparāyaṇaḥ
He should avoid idle talk and enjoyments both high and low, doing no harm to any being, wholly devoted to Vāsudeva.
AI translation rendered from the Sanskrit, not a published edition
SB 8 16.50
त्रयोदश्यामथो विष्णोः स्नपनं पञ्चकैर्विभोः कारयेच् छास्त्रदृष्टेन विधिना विधिकोविदैः
trayodaśyāmatho viṣṇoḥ snapanaṃ pañcakairvibhoḥ kārayec chāstradṛṣṭena vidhinā vidhikovidaiḥ
Then, on the thirteenth, he should have the bathing of Viṣṇu, the all-pervading, performed with the five (products of the cow), by the rite laid down in scripture, by those skilled in the rites.
AI translation rendered from the Sanskrit, not a published edition
SB 8 16.51
पूजां च महतीं कुर्याद्वित्तशाठ्यविवर्जितः चरुं निरूप्य पयसि शिपिविष्टाय विष्णवे
pūjāṃ ca mahatīṃ kuryādvittaśāṭhyavivarjitaḥ caruṃ nirūpya payasi śipiviṣṭāya viṣṇave
And, free from stinginess with his wealth, he should perform a great worship, having prepared an oblation-cake in milk for Viṣṇu, who dwells in the rays (śipiviṣṭa).
AI translation rendered from the Sanskrit, not a published edition
SB 8 16.52
सूक्तेन तेन पुरुषं यजेत सुसमाहितः नैवेद्यं चातिगुणवद्दद्यात् पुरुषतुष्टिदम्
sūktena tena puruṣaṃ yajeta susamāhitaḥ naivedyaṃ cātiguṇavaddadyāt puruṣatuṣṭidam
With that hymn he should worship the Puruṣa, well concentrated, and should offer food-offerings of very fine quality, such as give satisfaction to the Puruṣa.
AI translation rendered from the Sanskrit, not a published edition
SB 8 16.53
आचार्यं ज्ञानसम्पन्नं वस्त्राभरणधेनुभिः तोषयेदृत्विजश्चैव तद्विद्ध्य् आराधनं हरेः
ācāryaṃ jñānasampannaṃ vastrābharaṇadhenubhiḥ toṣayedṛtvijaścaiva tadviddhy ārādhanaṃ hareḥ
He should gratify the teacher, who is full of knowledge, with garments, ornaments and milch cows, and likewise the officiating priests: know that to be the propitiation of Hari.
AI translation rendered from the Sanskrit, not a published edition
SB 8 16.54
भोजयेत् तान् गुणवता सदन्नेन शुचिस्मिते अन्यांश्च ब्राह्मणान् छक्त्या ये च तत्र समागताः
bhojayet tān guṇavatā sadannena śucismite anyāṃśca brāhmaṇān chaktyā ye ca tatra samāgatāḥ
He should feed them, O bright-smiling one, with excellent food of good quality, and also, according to his means, other brāhmaṇas and those who have assembled there.
AI translation rendered from the Sanskrit, not a published edition
SB 8 16.55
दक्षिणां गुरवे दद्यादृत्विग्भ्यश्च यथार्हतः अन्नाद्येनाश्वपाकांश्च प्रीणयेत् समुपागतान्
dakṣiṇāṃ gurave dadyādṛtvigbhyaśca yathārhataḥ annādyenāśvapākāṃśca prīṇayet samupāgatān
He should give a fee to the guru and to the priests as each deserves, and with food and the like he should gratify even dog-cookers who have come there.
AI translation rendered from the Sanskrit, not a published edition
SB 8 16.56
भुक्तवत्सु च सर्वेषु दीनान्धकृपणादिषु विष्णोस्तत् प्रीणनं विद्वान् भुञ्जीत सह बन्धुभिः
bhuktavatsu ca sarveṣu dīnāndhakṛpaṇādiṣu viṣṇostat prīṇanaṃ vidvān bhuñjīta saha bandhubhiḥ
And when all have eaten—the poor, the blind, the wretched and the rest—knowing that this is what pleases Viṣṇu, he should eat together with his kinsmen.
AI translation rendered from the Sanskrit, not a published edition
SB 8 16.57
नृत्यवादित्रगीतैश्च स्तुतिभिः स्वस्तिवाचकैः कारयेत् तत्कथाभिश्च पूजां भगवतो ऽन्वहम्
nṛtyavāditragītaiśca stutibhiḥ svastivācakaiḥ kārayet tatkathābhiśca pūjāṃ bhagavato 'nvaham
With dance, instrumental music and song, with hymns of praise and benedictory recitations, and with narrations about him, he should have the worship of the Lord performed each day.
AI translation rendered from the Sanskrit, not a published edition
SB 8 16.58
एतत् पयोव्रतं नाम पुरुषाराधनं परम् पितामहेनाभिहितं मया ते समुदाहृतम्
etat payovrataṃ nāma puruṣārādhanaṃ param pitāmahenābhihitaṃ mayā te samudāhṛtam
This, called the payovrata, is the supreme propitiation of the Puruṣa; it was declared by the grandfather (Brahmā), and has been fully set forth by me to you.
AI translation rendered from the Sanskrit, not a published edition
SB 8 16.59
त्वं चानेन महाभागे सम्यक् चीर्णेन केशवम् आत्मना शुद्धभावेन नियतात्मा भजाव्ययम्
tvaṃ cānena mahābhāge samyak cīrṇena keśavam ātmanā śuddhabhāvena niyatātmā bhajāvyayam
And you, O greatly fortunate one, by this (vow) rightly carried out, with self-control and with a pure heart, worship the imperishable Keśava.
AI translation rendered from the Sanskrit, not a published edition
SB 8 16.60
अयं वै सर्वयज्ञाख्यः सर्वव्रतमिति स्मृतम् तपःसारमिदं भद्रे दानं चेश्वरतर्पणम्
ayaṃ vai sarvayajñākhyaḥ sarvavratamiti smṛtam tapaḥsāramidaṃ bhadre dānaṃ ceśvaratarpaṇam
This indeed is called all sacrifices, and it is held to be all vows; this, O gentle lady, is the essence of austerity and of giving, and the gratifying of the Lord.
AI translation rendered from the Sanskrit, not a published edition
SB 8 16.61
त एव नियमाः साक्षात् त एव च यमोत्तमाः तपो दानं व्रतं यज्ञो येन तुष्यत्य् अधोक्षजः
ta eva niyamāḥ sākṣāt ta eva ca yamottamāḥ tapo dānaṃ vrataṃ yajño yena tuṣyaty adhokṣajaḥ
Those very things are directly the restraints (niyamas), and those very things the best of disciplines (yamas)—austerity, giving, vow, sacrifice—by which Adhokṣaja is pleased.
AI translation rendered from the Sanskrit, not a published edition
SB 8 16.62
तस्मादेतद्व्रतं भद्रे प्रयता श्रद्धयाचर भगवान् परितुष्टस्ते वरान् आशु विधास्यति
tasmādetadvrataṃ bhadre prayatā śraddhayācara bhagavān parituṣṭaste varān āśu vidhāsyati
Therefore, O gentle lady, being self-restrained, practise this vow with faith; the Lord, being fully pleased, will quickly grant you your boons.
AI translation rendered from the Sanskrit, not a published edition