Bhagavata Purana — Skandha 6 — Chapter 18
SB 6 18.1
श्रीशुक उवाच पृश्निस्तु पत्नी सवितुः सावित्रीं व्याहृतिं त्रयीम् अग्निहोत्रं पशुं सोमं चातुर्मास्यं महामखान्
śrīśuka uvāca pṛśnistu patnī savituḥ sāvitrīṃ vyāhṛtiṃ trayīm agnihotraṃ paśuṃ somaṃ cāturmāsyaṃ mahāmakhān
Śrī Śuka said: But Pṛśni, the wife of Savitā, bore Sāvitrī, Vyāhṛti and Trayī, and Agnihotra, Paśu, Soma, Cāturmāsya, and the great sacrifices.
AI translation rendered from the Sanskrit, not a published edition
SB 6 18.2
सिद्धिर्भगस्य भार्याङ्ग महिमानं विभुं प्रभुम् आशिषं च वरारोहां कन्यां प्रासूत सुव्रताम्
siddhirbhagasya bhāryāṅga mahimānaṃ vibhuṃ prabhum āśiṣaṃ ca varārohāṃ kanyāṃ prāsūta suvratām
Siddhi, the wife of Bhaga, my dear, bore Mahiman, Vibhu and Prabhu, and a daughter, Āśiṣ, fair of hips and of good vows.
AI translation rendered from the Sanskrit, not a published edition
SB 6 18.3
धातुः कुहूः सिनीवाली राका चानुमतिस्तथा सायं दर्शमथ प्रातः पूर्णमासमनुक्रमात्
dhātuḥ kuhūḥ sinīvālī rākā cānumatistathā sāyaṃ darśamatha prātaḥ pūrṇamāsamanukramāt
Of Dhātā (the wives were) Kuhū, Sinīvālī, Rākā and likewise Anumati; (they bore) Sāyam, Darśa, then Prātaḥ, and Pūrṇamāsa, in order.
AI translation rendered from the Sanskrit, not a published edition
SB 6 18.4
अग्नीन् पुरीष्यान् आधत्त क्रियायां समनन्तरः चर्षणी वरुणस्यासीद्यस्यां जातो भृगुः पुनः
agnīn purīṣyān ādhatta kriyāyāṃ samanantaraḥ carṣaṇī varuṇasyāsīdyasyāṃ jāto bhṛguḥ punaḥ
Samanantara begot the purīṣya fires in Kriyā. Carṣaṇī was Varuṇa's (wife), in whom Bhṛgu was born again.
AI translation rendered from the Sanskrit, not a published edition — the model flagged this verse as uncertain
SB 6 18.5
वाल्मीकिश्च महायोगी वल्मीकादभवत् किल अगस्त्यश्च वसिष्ठश्च मित्रावरुणयोरृषी
vālmīkiśca mahāyogī valmīkādabhavat kila agastyaśca vasiṣṭhaśca mitrāvaruṇayorṛṣī
And Vālmīki, the great yogī, was born, it is said, from an ant-hill; and Agastya and Vasiṣṭha, the two seers, were the sons of Mitra and Varuṇa.
AI translation rendered from the Sanskrit, not a published edition
SB 6 18.6
रेतः सिषिचतुः कुम्भे उर्वश्याः सन्निधौ द्रुतम् रेवत्यां मित्र उत्सर्गमरिष्टं पिप्पलं व्यधात्
retaḥ siṣicatuḥ kumbhe urvaśyāḥ sannidhau drutam revatyāṃ mitra utsargamariṣṭaṃ pippalaṃ vyadhāt
The two of them quickly discharged their seed into a pot in the presence of Urvaśī. Mitra begot in Revatī: Utsarga, Ariṣṭa and Pippala.
AI translation rendered from the Sanskrit, not a published edition
SB 6 18.7
पौलोम्यामिन्द्र आधत्त त्रीन् पुत्रान् इति नः श्रुतम् जयन्तमृषभं तात तृतीयं मीढुषं प्रभुः
paulomyāmindra ādhatta trīn putrān iti naḥ śrutam jayantamṛṣabhaṃ tāta tṛtīyaṃ mīḍhuṣaṃ prabhuḥ
Indra begot in Paulomī three sons, so we have heard: Jayanta, Ṛṣabha, and third, dear one, Mīḍhuṣa — (thus) the lord.
AI translation rendered from the Sanskrit, not a published edition
SB 6 18.8
उरुक्रमस्य देवस्य मायावामनरूपिणः कीर्तौ पत्न्यां बृहच्छ्लोकस्तस्यासन् सौभगादयः
urukramasya devasya māyāvāmanarūpiṇaḥ kīrtau patnyāṃ bṛhacchlokastasyāsan saubhagādayaḥ
Of the god Urukrama, who by his māyā took the form of a dwarf, there was born of his wife Kīrti (a son) Bṛhacchloka, whose sons were Saubhaga and the rest.
AI translation rendered from the Sanskrit, not a published edition
SB 6 18.9
तत्कर्मगुणवीर्याणि काश्यपस्य महात्मनः पश्चाद्वक्ष्यामहे ऽदित्यां यथैवावततार ह
tatkarmaguṇavīryāṇi kāśyapasya mahātmanaḥ paścādvakṣyāmahe 'dityāṃ yathaivāvatatāra ha
His deeds, qualities and heroic acts — (those of the son) of the great-souled Kāśyapa — we shall relate later, and how he descended in Aditi.
AI translation rendered from the Sanskrit, not a published edition
SB 6 18.10
अथ कश्यपदायादान् दैतेयान् कीर्तयामि ते यत्र भागवतः श्रीमान् प्रह्रादो बलिरेव च
atha kaśyapadāyādān daiteyān kīrtayāmi te yatra bhāgavataḥ śrīmān prahrādo balireva ca
Now I shall recount to you the sons of Kaśyapa (born) of Diti, among whom (appeared) the illustrious devotee of the Lord, Prahlāda, and Bali as well.
AI translation rendered from the Sanskrit, not a published edition
SB 6 18.11
दितेर्द्वावेव दायादौ दैत्यदानववन्दितौ हिरण्यकशिपुर्नाम हिरण्याक्षश्च कीर्तितौ
diterdvāveva dāyādau daityadānavavanditau hiraṇyakaśipurnāma hiraṇyākṣaśca kīrtitau
Of Diti there were just two sons, honored by the Daityas and Dānavas; they are named Hiraṇyakaśipu and Hiraṇyākṣa (Hiraṇyākṣa).
AI translation rendered from the Sanskrit, not a published edition
SB 6 18.12
हिरण्यकशिपोर्भार्या कयाधुर्नाम दानवी जम्भस्य तनया सा तु सुषुवे चतुरः सुतान्
hiraṇyakaśiporbhāryā kayādhurnāma dānavī jambhasya tanayā sā tu suṣuve caturaḥ sutān
Hiraṇyakaśipu's wife was a Dānava woman named Kayādhu, the daughter of Jambha; she bore four sons.
AI translation rendered from the Sanskrit, not a published edition
SB 6 18.13
संह्रादं प्राग् अनुह्रादं ह्रादं प्रह्रादमेव च तत्स्वसा सिंहिका नाम राहुं विप्रचितो ऽग्रहीत्
saṃhrādaṃ prāg anuhrādaṃ hrādaṃ prahrādameva ca tatsvasā siṃhikā nāma rāhuṃ vipracito 'grahīt
Saṃhrāda first, then Anuhrāda, Hrāda, and Prahrāda; their sister was named Siṃhikā, and Vipracit took her (to wife), (begetting) Rāhu.
AI translation rendered from the Sanskrit, not a published edition
SB 6 18.14
शिरो ऽहरद्यस्य हरिश्चक्रेण पिबतो ऽमृतम् संह्रादस्य कृतिर्भार्या सूत पञ्चजनं ततः
śiro 'haradyasya hariścakreṇa pibato 'mṛtam saṃhrādasya kṛtirbhāryā sūta pañcajanaṃ tataḥ
Hari cut off his (Rāhu's) head with the discus as he was drinking the nectar. Saṃhrāda's wife was Kṛti; from her he begot Pañcajana.
AI translation rendered from the Sanskrit, not a published edition
SB 6 18.15
ह्रादस्य धमनिर्भार्या सूत वातापिमिल्वलम् यो ऽगस्त्याय त्वतिथये पेचे वातापिमिल्वलः
hrādasya dhamanirbhāryā sūta vātāpimilvalam yo 'gastyāya tvatithaye pece vātāpimilvalaḥ
Hrāda's wife was Dhamani; she bore Vātāpi and Ilvala. It was Ilvala who cooked Vātāpi (and served him) to Agastya when he was his guest.
AI translation rendered from the Sanskrit, not a published edition
SB 6 18.16
अनुह्रादस्य सूर्यायां बाष्कलो महिषस्तथा विरोचनस्तु प्राह्रादिर्देव्यां तस्याभवद्बलिः
anuhrādasya sūryāyāṃ bāṣkalo mahiṣastathā virocanastu prāhrādirdevyāṃ tasyābhavadbaliḥ
Of Anuhrāda, by Sūryā, (were born) Bāṣkala and likewise Mahiṣa. And Virocana was Prahrāda's son; to him, by Devī (his wife), Bali was born.
AI translation rendered from the Sanskrit, not a published edition
SB 6 18.17
बाणज्येष्ठं पुत्रशतमशनायां ततो ऽभवत् तस्यानुभावं सुश्लोक्यं पश्चादेवाभिधास्यते
bāṇajyeṣṭhaṃ putraśatamaśanāyāṃ tato 'bhavat tasyānubhāvaṃ suślokyaṃ paścādevābhidhāsyate
From him, by Aśanā, were born a hundred sons, of whom Bāṇa was the eldest. His (Bali's) glorious majesty will be told of later on.
AI translation rendered from the Sanskrit, not a published edition
SB 6 18.18
बाण आराध्य गिरिशं लेभे तद्गणमुख्यताम् यत्पार्श्वे भगवान् आस्ते ह्य् अद्यापि पुरपालकः
bāṇa ārādhya giriśaṃ lebhe tadgaṇamukhyatām yatpārśve bhagavān āste hy adyāpi purapālakaḥ
Bāṇa, having propitiated Giriśa (Śiva), obtained the position of foremost among his attendants; and even today the Lord remains at his side as the guardian of his city.
AI translation rendered from the Sanskrit, not a published edition
SB 6 18.19
मरुतश्च दितेः पुत्राश्चत्वारिंशन् नवाधिकाः त आसन्नप्रजाः सर्वे नीता इन्द्रेण सात्मताम्
marutaśca diteḥ putrāścatvāriṃśan navādhikāḥ ta āsannaprajāḥ sarve nītā indreṇa sātmatām
And the Maruts were the sons of Diti, forty-nine (in number). All of them were childless, and were brought by Indra to a state of identity with himself.
AI translation rendered from the Sanskrit, not a published edition
SB 6 18.20
श्रीराजोवाच कथं त आसुरं भावमपोह्यौत्पत्तिकं गुरो इन्द्रेण प्रापिताः सात्म्यं किं तत् साधु कृतं हि तैः
śrīrājovāca kathaṃ ta āsuraṃ bhāvamapohyautpattikaṃ guro indreṇa prāpitāḥ sātmyaṃ kiṃ tat sādhu kṛtaṃ hi taiḥ
The King said: How, O teacher, did they cast off the demonic nature that was theirs by birth, and were brought by Indra to kinship with himself? What good deed was it that they had done?
AI translation rendered from the Sanskrit, not a published edition
SB 6 18.21
इमे श्रद्दधते ब्रह्मन्नृषयो हि मया सह परिज्ञानाय भगवंस्तन् नो व्याख्यातुमर्हसि
ime śraddadhate brahmannṛṣayo hi mayā saha parijñānāya bhagavaṃstan no vyākhyātumarhasi
These sages too, O brāhmaṇa, together with me, put their trust (in you); (they wish) to understand fully, O Lord — therefore you should explain that to us.
AI translation rendered from the Sanskrit, not a published edition
SB 6 18.22
श्रीसूत उवाच तद्विष्णुरातस्य स बादरायणिर् वचो निशम्यादृतमल्पमर्थवत् सभाजयन् सन् निभृतेन चेतसा जगाद सत्रायण सर्वदर्शनः
śrīsūta uvāca tadviṣṇurātasya sa bādarāyaṇir vaco niśamyādṛtamalpamarthavat sabhājayan san nibhṛtena cetasā jagāda satrāyaṇa sarvadarśanaḥ
Śrī Sūta said: Having heard that speech of Viṣṇurāta (Parīkṣit) — reverent, brief, and pregnant with meaning — the son of Bādarāyaṇa, applauding it, spoke with a settled mind, O Satrāyaṇa (Śaunaka), he who sees all things.
AI translation rendered from the Sanskrit, not a published edition
SB 6 18.23
श्रीशुक उवाच हतपुत्रा दितिः शक्र पार्ष्णिग्राहेण विष्णुना मन्युना शोकदीप्तेन ज्वलन्ती पर्यचिन्तयत्
śrīśuka uvāca hataputrā ditiḥ śakra pārṣṇigrāheṇa viṣṇunā manyunā śokadīptena jvalantī paryacintayat
Śrī Śuka said: Diti, her sons slain by Viṣṇu, who had acted as Indra's supporter, blazing with wrath inflamed by grief, brooded (thus):
AI translation rendered from the Sanskrit, not a published edition
SB 6 18.24
कदा नु भ्रातृहन्तारमिन्द्रियाराममुल्बणम् अक्लिन्नहृदयं पापं घातयित्वा शये सुखम्
kadā nu bhrātṛhantāramindriyārāmamulbaṇam aklinnahṛdayaṃ pāpaṃ ghātayitvā śaye sukham
When shall I sleep at ease, having had that killer of my brothers destroyed — that fierce one who takes pleasure in his senses, that sinner whose heart is unmoistened (by pity)?
AI translation rendered from the Sanskrit, not a published edition
SB 6 18.25
कृमिविड्भस्मसंज्ञासीद्यस्येशाभिहितस्य च भूतध्रुक् तत्कृते स्वार्थं किं वेद निरयो यतः
kṛmiviḍbhasmasaṃjñāsīdyasyeśābhihitasya ca bhūtadhruk tatkṛte svārthaṃ kiṃ veda nirayo yataḥ
When one is named by the Lord (as slain), his (body) becomes known as worms, dung, and ashes; so what good for himself does the harmer of creatures know in doing that, since hell comes of it?
AI translation rendered from the Sanskrit, not a published edition — the model flagged this verse as uncertain
SB 6 18.26
आशासानस्य तस्येदं ध्रुवमुन्नद्धचेतसः मदशोषक इन्द्रस्य भूयाद्येन सुतो हि मे
āśāsānasya tasyedaṃ dhruvamunnaddhacetasaḥ madaśoṣaka indrasya bhūyādyena suto hi me
Surely may there be for that Indra, puffed up in mind and full of expectations, this: a drier-up of his intoxication — by which (means) let me indeed have a son.
AI translation rendered from the Sanskrit, not a published edition — the model flagged this verse as uncertain
SB 6 18.27
इति भावेन सा भर्तुराचचारासकृत् प्रियम् शुश्रूषयानुरागेण प्रश्रयेण दमेन च
iti bhāvena sā bharturācacārāsakṛt priyam śuśrūṣayānurāgeṇa praśrayeṇa damena ca
With this intent she repeatedly did what pleased her husband — by service, by affection, by deference, and by self-restraint.
AI translation rendered from the Sanskrit, not a published edition
SB 6 18.28
भक्त्या परमया राजन् मनोज्ञैर्वल्गुभाषितैः मनो जग्राह भावज्ञा सस्मितापाङ्गवीक्षणैः
bhaktyā paramayā rājan manojñairvalgubhāṣitaiḥ mano jagrāha bhāvajñā sasmitāpāṅgavīkṣaṇaiḥ
With supreme devotion, O King, with charming and sweet words, knowing his mood, she captured his mind by smiling glances from the corners of her eyes.
AI translation rendered from the Sanskrit, not a published edition
SB 6 18.29
एवं स्त्रिया जडीभूतो विद्वान् अपि मनोज्ञया बाढमित्य् आह विवशो न तच् चित्रं हि योषिति
evaṃ striyā jaḍībhūto vidvān api manojñayā bāḍhamity āha vivaśo na tac citraṃ hi yoṣiti
Thus made dull by his charming wife, though learned, he said "Very well," being helpless; and that is no wonder in the case of a woman.
AI translation rendered from the Sanskrit, not a published edition
SB 6 18.30
विलोक्यैकान्तभूतानि भूतान्य् आदौ प्रजापतिः स्त्रियं चक्रे स्वदेहार्धं यया पुंसां मतिर्हृता
vilokyaikāntabhūtāni bhūtāny ādau prajāpatiḥ striyaṃ cakre svadehārdhaṃ yayā puṃsāṃ matirhṛtā
Seeing that (created) beings were at first solitary, Prajāpati made woman as half of his own body — she by whom the minds of men are carried away.
AI translation rendered from the Sanskrit, not a published edition
SB 6 18.31
एवं शुश्रूषितस्तात भगवान् कश्यपः स्त्रिया प्रहस्य परमप्रीतो दितिमाहाभिनन्द्य च
evaṃ śuśrūṣitastāta bhagavān kaśyapaḥ striyā prahasya paramaprīto ditimāhābhinandya ca
Thus served (by her), dear one, the lord Kaśyapa, being greatly pleased, laughed and, commending her, said to Diti:
AI translation rendered from the Sanskrit, not a published edition
SB 6 18.32
श्रीकश्यप उवाच वरं वरय वामोरु प्रीतस्ते ऽहमनिन्दिते स्त्रिया भर्तरि सुप्रीते कः काम इह चागमः
śrīkaśyapa uvāca varaṃ varaya vāmoru prītaste 'hamanindite striyā bhartari suprīte kaḥ kāma iha cāgamaḥ
Śrī Kaśyapa said: Choose a boon, fair-thighed one; I am pleased with you, O blameless woman. When the husband is well pleased, what desire (of a woman) is unattainable here?
AI translation rendered from the Sanskrit, not a published edition
SB 6 18.33
पतिरेव हि नारीणां दैवतं परमं स्मृतम् मानसः सर्वभूतानां वासुदेवः श्रियः पतिः
patireva hi nārīṇāṃ daivataṃ paramaṃ smṛtam mānasaḥ sarvabhūtānāṃ vāsudevaḥ śriyaḥ patiḥ
For the husband alone is declared to be the highest deity of women; Vāsudeva, the lord of Śrī, is the one seated in the hearts of all beings.
AI translation rendered from the Sanskrit, not a published edition
SB 6 18.34
स एव देवतालिङ्गैर्नामरूपविकल्पितैः इज्यते भगवान् पुम्भिः स्त्रीभिश्च पतिरूपधृक्
sa eva devatāliṅgairnāmarūpavikalpitaiḥ ijyate bhagavān pumbhiḥ strībhiśca patirūpadhṛk
He alone, the Lord, is worshipped by men through the emblems of the gods, differentiated by names and forms, and by women in the form of the husband which he assumes.
AI translation rendered from the Sanskrit, not a published edition
SB 6 18.35
तस्मात् पतिव्रता नार्यः श्रेयस्कामाः सुमध्यमे यजन्ते ऽनन्यभावेन पतिमात्मानमीश्वरम्
tasmāt pativratā nāryaḥ śreyaskāmāḥ sumadhyame yajante 'nanyabhāvena patimātmānamīśvaram
Therefore, O slender-waisted one, women devoted to their husbands, desiring what is best, worship with undivided feeling the husband as the Lord, their own self.
AI translation rendered from the Sanskrit, not a published edition
SB 6 18.36
सो ऽहं त्वयार्चितो भद्रे ईदृग्भावेन भक्तितः तं ते सम्पादये काममसतीनां सुदुर्लभम्
so 'haṃ tvayārcito bhadre īdṛgbhāvena bhaktitaḥ taṃ te sampādaye kāmamasatīnāṃ sudurlabham
So I, having been worshipped by you, good lady, with such feeling and with devotion, will accomplish for you that desire which is very hard to obtain for unchaste women.
AI translation rendered from the Sanskrit, not a published edition
SB 6 18.37
दितिरुवाच वरदो यदि मे ब्रह्मन् पुत्रमिन्द्रहणं वृणे अमृत्युं मृतपुत्राहं येन मे घातितौ सुतौ
ditiruvāca varado yadi me brahman putramindrahaṇaṃ vṛṇe amṛtyuṃ mṛtaputrāhaṃ yena me ghātitau sutau
Diti said: If you are a giver of boons to me, brahmin, I choose a son who will slay Indra and who cannot die — for I am one whose sons are dead, since by him my two sons were killed.
AI translation rendered from the Sanskrit, not a published edition
SB 6 18.38
निशम्य तद्वचो विप्रो विमनाः पर्यतप्यत अहो अधर्मः सुमहान् अद्य मे समुपस्थितः
niśamya tadvaco vipro vimanāḥ paryatapyata aho adharmaḥ sumahān adya me samupasthitaḥ
Hearing that speech of hers, the brahmin, dejected, grieved: "Alas, a very great impiety has now come upon me!
AI translation rendered from the Sanskrit, not a published edition
SB 6 18.39
अहो अर्थेन्द्रियारामो योषिन्मय्येह मायया गृहीतचेताः कृपणः पतिष्ये नरके ध्रुवम्
aho arthendriyārāmo yoṣinmayyeha māyayā gṛhītacetāḥ kṛpaṇaḥ patiṣye narake dhruvam
Alas, taking my delight in objects and the senses, my mind seized here by the illusion that consists of woman, I, wretched, shall surely fall into hell.
AI translation rendered from the Sanskrit, not a published edition
SB 6 18.40
को ऽतिक्रमो ऽनुवर्तन्त्याः स्वभावमिह योषितः धिङ् मां बताबुधं स्वार्थे यदहं त्वजितेन्द्रियः
ko 'tikramo 'nuvartantyāḥ svabhāvamiha yoṣitaḥ dhiṅ māṃ batābudhaṃ svārthe yadahaṃ tvajitendriyaḥ
What offence is there in her, a woman here following her own nature? Fie on me, alas, unwise in my own good, since I am one whose senses are unsubdued!
AI translation rendered from the Sanskrit, not a published edition
SB 6 18.41
शरत्पद्मोत्सवं वक्त्रं वचश्च श्रवणामृतम् हृदयं क्षुरधाराभं स्त्रीणां को वेद चेष्टितम्
śaratpadmotsavaṃ vaktraṃ vacaśca śravaṇāmṛtam hṛdayaṃ kṣuradhārābhaṃ strīṇāṃ ko veda ceṣṭitam
A face that is a festival like the autumn lotus, and speech that is nectar to the ear, but a heart like the edge of a razor — who knows the doings of women?
AI translation rendered from the Sanskrit, not a published edition
SB 6 18.42
न हि कश्चित् प्रियः स्त्रीणामञ्जसा स्वाशिषात्मनाम् पतिं पुत्रं भ्रातरं वा घ्नन्त्य् अर्थे घातयन्ति च
na hi kaścit priyaḥ strīṇāmañjasā svāśiṣātmanām patiṃ putraṃ bhrātaraṃ vā ghnanty arthe ghātayanti ca
For truly no one is dear to women, whose very selves are set on their own gain; they kill husband, son, or brother for the sake of profit, and have (them) killed.
AI translation rendered from the Sanskrit, not a published edition
SB 6 18.43
प्रतिश्रुतं ददामीति वचस्तन् न मृषा भवेत् वधं नार्हति चेन्द्रो ऽपि तत्रेदमुपकल्पते
pratiśrutaṃ dadāmīti vacastan na mṛṣā bhavet vadhaṃ nārhati cendro 'pi tatredamupakalpate
That word, 'I give what has been promised,' must not become false; and yet Indra too does not deserve to be slain — so in that matter this (device) is arranged.
AI translation rendered from the Sanskrit, not a published edition — the model flagged this verse as uncertain
SB 6 18.44
इति सञ्चिन्त्य भगवान् मारीचः कुरुनन्दन उवाच किञ्चित् कुपित आत्मानं च विगर्हयन्
iti sañcintya bhagavān mārīcaḥ kurunandana uvāca kiñcit kupita ātmānaṃ ca vigarhayan
Having reflected thus, O delight of the Kurus, the lord, son of Marīci, somewhat angered and reproaching himself, said:
AI translation rendered from the Sanskrit, not a published edition
SB 6 18.45
श्रीकश्यप उवाच पुत्रस्ते भविता भद्रे इन्द्रहादेवबान्धवः संवत्सरं व्रतमिदं यद्य् अञ्जो धारयिष्यसि
śrīkaśyapa uvāca putraste bhavitā bhadre indrahādevabāndhavaḥ saṃvatsaraṃ vratamidaṃ yady añjo dhārayiṣyasi
Śrī Kaśyapa said: You shall have a son, good lady, a slayer of Indra and a friend of the gods, if for a year you will properly keep this vow.
AI translation rendered from the Sanskrit, not a published edition
SB 6 18.46
दितिरुवाच धारयिष्ये व्रतं ब्रह्मन् ब्रूहि कार्याणि यानि मे यानि चेह निषिद्धानि न व्रतं घ्नन्ति यान्य् उत
ditiruvāca dhārayiṣye vrataṃ brahman brūhi kāryāṇi yāni me yāni ceha niṣiddhāni na vrataṃ ghnanti yāny uta
Diti said: I will keep the vow, brahmin. Tell me what things are to be done by me, and which things here are forbidden, and which do not destroy the vow.
AI translation rendered from the Sanskrit, not a published edition
SB 6 18.47
श्रीकश्यप उवाच न हिंस्याद्भूतजातानि न शपेन् नानृतं वदेत् न छिन्द्यान् नखरोमाणि न स्पृशेद्यदमङ्गलम्
śrīkaśyapa uvāca na hiṃsyādbhūtajātāni na śapen nānṛtaṃ vadet na chindyān nakharomāṇi na spṛśedyadamaṅgalam
Śrī Kaśyapa said: She should not injure living creatures, nor curse, nor speak untruth; she should not cut nails or hair, nor touch anything inauspicious.
AI translation rendered from the Sanskrit, not a published edition
SB 6 18.48
नाप्सु स्नायान् न कुप्येत न सम्भाषेत दुर्जनैः न वसीताधौतवासः स्रजं च विधृतां क्वचित्
nāpsu snāyān na kupyeta na sambhāṣeta durjanaiḥ na vasītādhautavāsaḥ srajaṃ ca vidhṛtāṃ kvacit
She should not bathe in water, nor grow angry, nor converse with wicked people; she should not wear an unwashed garment, nor a garland that has been worn by another.
AI translation rendered from the Sanskrit, not a published edition
SB 6 18.49
नोच्छिष्टं चण्डिकान्नं च सामिषं वृषलाहृतम् भुञ्जीतोदक्यया दृष्टं पिबेन् नाञ्जलिना त्वपः
nocchiṣṭaṃ caṇḍikānnaṃ ca sāmiṣaṃ vṛṣalāhṛtam bhuñjītodakyayā dṛṣṭaṃ piben nāñjalinā tvapaḥ
She should not eat leftovers, nor food offered to Caṇḍikā, nor food with meat, nor what has been brought by a śūdra, nor what has been looked at by a menstruating woman; and she should not drink water with cupped hands.
AI translation rendered from the Sanskrit, not a published edition
SB 6 18.50
नोच्छिष्टास्पृष्टसलिला सन्ध्यायां मुक्तमूर्धजा अनर्चितासंयतवाक् नासंवीता बहिश्चरेत्
nocchiṣṭāspṛṣṭasalilā sandhyāyāṃ muktamūrdhajā anarcitāsaṃyatavāk nāsaṃvītā bahiścaret
She should not go outside with the remnants of food (in her mouth), without having touched water, at twilight, with her hair loose, without having offered worship, with unrestrained speech, or unclothed.
AI translation rendered from the Sanskrit, not a published edition
SB 6 18.51
नाधौतपादाप्रयता नार्द्रपादा उदक्शिराः शयीत नापराङ् नान्यैर्न नग्ना न च सन्ध्ययोः
nādhautapādāprayatā nārdrapādā udakśirāḥ śayīta nāparāṅ nānyairna nagnā na ca sandhyayoḥ
She should not lie down with unwashed feet, impure, with wet feet, with her head to the north, nor with her head to the west, nor with others, nor naked, nor at the two twilights.
AI translation rendered from the Sanskrit, not a published edition
SB 6 18.52
धौतवासा शुचिर्नित्यं सर्वमङ्गलसंयुता पूजयेत् प्रातराशात् प्राग् गोविप्राञ् श्रियमच्युतम्
dhautavāsā śucirnityaṃ sarvamaṅgalasaṃyutā pūjayet prātarāśāt prāg goviprāñ śriyamacyutam
With freshly washed clothes, always pure, furnished with all auspicious things, she should worship cows, brahmins and Śrī along with Acyuta before the morning meal.
AI translation rendered from the Sanskrit, not a published edition
SB 6 18.53
स्त्रियो वीरवतीश्चार्चेत् स्रग्गन्धबलिमण्डनैः पतिं चार्च्योपतिष्ठेत ध्यायेत् कोष्ठगतं च तम्
striyo vīravatīścārcet sraggandhabalimaṇḍanaiḥ patiṃ cārcyopatiṣṭheta dhyāyet koṣṭhagataṃ ca tam
And she should honour women who have living sons with garlands, perfumes, offerings and ornaments; and having worshipped her husband she should wait upon him, and should meditate on him as present within her womb.
AI translation rendered from the Sanskrit, not a published edition
SB 6 18.54
सांवत्सरं पुंसवनं व्रतमेतदविप्लुतम् धारयिष्यसि चेत् तुभ्यं शक्रहा भविता सुतः
sāṃvatsaraṃ puṃsavanaṃ vratametadaviplutam dhārayiṣyasi cet tubhyaṃ śakrahā bhavitā sutaḥ
This is the year-long puṃsavana vow; if you will keep it unbroken, a son who slays Śakra will be born to you.
AI translation rendered from the Sanskrit, not a published edition
SB 6 18.55
बाढमित्य् अभ्युपेत्याथ दिती राजन् महामनाः कश्यपाद्गर्भमाधत्त व्रतं चाञ्जो दधार सा
bāḍhamity abhyupetyātha ditī rājan mahāmanāḥ kaśyapādgarbhamādhatta vrataṃ cāñjo dadhāra sā
Saying "So be it," and having accepted (this), O king, high-minded Diti received the embryo from Kaśyapa, and she readily undertook the vow.
AI translation rendered from the Sanskrit, not a published edition
SB 6 18.56
मातृष्वसुरभिप्रायमिन्द्र आज्ञाय मानद शुश्रूषणेनाश्रमस्थां दितिं पर्यचरत् कविः
mātṛṣvasurabhiprāyamindra ājñāya mānada śuśrūṣaṇenāśramasthāṃ ditiṃ paryacarat kaviḥ
Understanding his mother's sister's intent, O giver of honour, Indra, cunning, attended upon Diti, who was staying in the hermitage, with service.
AI translation rendered from the Sanskrit, not a published edition
SB 6 18.57
नित्यं वनात् सुमनसः फलमूलसमित्कुशान् पत्राङ्कुरमृदो ऽपश्च काले काल उपाहरत्
nityaṃ vanāt sumanasaḥ phalamūlasamitkuśān patrāṅkuramṛdo 'paśca kāle kāla upāharat
Daily he brought from the forest, at each proper time, flowers, fruits, roots, firewood, kuśa grass, leaves, sprouts, clay and water.
AI translation rendered from the Sanskrit, not a published edition
SB 6 18.58
एवं तस्या व्रतस्थाया व्रतच्छिद्रं हरिर्नृप प्रेप्सुः पर्यचरज् जिह्मो मृगहेव मृगाकृतिः
evaṃ tasyā vratasthāyā vratacchidraṃ harirnṛpa prepsuḥ paryacaraj jihmo mṛgaheva mṛgākṛtiḥ
Thus, O king, Hari (Indra), seeking a flaw in the vow of her who was keeping the vow, served her deceitfully, like a hunter in the guise of a deer.
AI translation rendered from the Sanskrit, not a published edition
SB 6 18.59
नाध्यगच्छद्व्रतच्छिद्रं तत्परो ऽथ महीपते चिन्तां तीव्रां गतः शक्रः केन मे स्याच् छिवं त्विह
nādhyagacchadvratacchidraṃ tatparo 'tha mahīpate cintāṃ tīvrāṃ gataḥ śakraḥ kena me syāc chivaṃ tviha
Intent on that, he did not find any flaw in the vow, O lord of the earth; and Śakra fell into intense anxiety: "By what means can there be well-being for me here?"
AI translation rendered from the Sanskrit, not a published edition
SB 6 18.60
एकदा सा तु सन्ध्यायामुच्छिष्टा व्रतकर्शिता अस्पृष्टवार्यधौताङ्घ्रिः सुष्वाप विधिमोहिता
ekadā sā tu sandhyāyāmucchiṣṭā vratakarśitā aspṛṣṭavāryadhautāṅghriḥ suṣvāpa vidhimohitā
But once, at twilight, she, with the remnants of food unrinsed, worn thin by the vow, without having touched water or washed her feet, fell asleep, deluded as to the rule.
AI translation rendered from the Sanskrit, not a published edition
SB 6 18.61
लब्ध्वा तदन्तरं शक्रो निद्रापहृतचेतसः दितेः प्रविष्ट उदरं योगेशो योगमायया
labdhvā tadantaraṃ śakro nidrāpahṛtacetasaḥ diteḥ praviṣṭa udaraṃ yogeśo yogamāyayā
Getting that opening, Śakra, the master of yoga, entered by his yogic power into the belly of Diti, whose consciousness had been carried off by sleep.
AI translation rendered from the Sanskrit, not a published edition
SB 6 18.62
चकर्त सप्तधा गर्भं वज्रेण कनकप्रभम् रुदन्तं सप्तधैकैकं मा रोदीरिति तान् पुनः
cakarta saptadhā garbhaṃ vajreṇa kanakaprabham rudantaṃ saptadhaikaikaṃ mā rodīriti tān punaḥ
With his thunderbolt he cut the embryo, golden in radiance, into seven; and as each one of the seven cried, (he cut them) again, saying "Do not cry!"
AI translation rendered from the Sanskrit, not a published edition
SB 6 18.63
तमूचुः पाट्यमानास्ते सर्वे प्राञ्जलयो नृप किं न इन्द्र जिघांससि भ्रातरो मरुतस्तव
tamūcuḥ pāṭyamānāste sarve prāñjalayo nṛpa kiṃ na indra jighāṃsasi bhrātaro marutastava
As they were being split, all of them said to him with folded hands, O king: "Indra, why do you wish to kill us? We are the Maruts, your brothers."
AI translation rendered from the Sanskrit, not a published edition
SB 6 18.64
मा भैष्ट भ्रातरो मह्यं यूयमित्य् आह कौशिकः अनन्यभावान् पार्षदान् आत्मनो मरुतां गणान्
mā bhaiṣṭa bhrātaro mahyaṃ yūyamity āha kauśikaḥ ananyabhāvān pārṣadān ātmano marutāṃ gaṇān
"Do not be afraid, brothers — you are mine," said the son of Kuśika (Indra) to the hosts of the Maruts, who were devoted to none other and (became) his own attendants.
AI translation rendered from the Sanskrit, not a published edition
SB 6 18.65
न ममार दितेर्गर्भः श्रीनिवासानुकम्पया बहुधा कुलिशक्षुण्णो द्रौण्यस्त्रेण यथा भवान्
na mamāra ditergarbhaḥ śrīnivāsānukampayā bahudhā kuliśakṣuṇṇo drauṇyastreṇa yathā bhavān
Diti's embryo, though shattered into many pieces by the thunderbolt, did not die, through the compassion of him in whom Śrī dwells — just as you (did not die) by the weapon of Drauṇi.
AI translation rendered from the Sanskrit, not a published edition
SB 6 18.66
सकृदिष्ट्वादिपुरुषं पुरुषो याति साम्यताम् संवत्सरं किञ्चिदूनं दित्या यद्धरिरर्चितः
sakṛdiṣṭvādipuruṣaṃ puruṣo yāti sāmyatām saṃvatsaraṃ kiñcidūnaṃ dityā yaddharirarcitaḥ
Together with Indra they became fifty gods, the Maruts; having removed their maternal defect, they were made soma-drinkers by Hari.
AI translation rendered from the Sanskrit, not a published edition
SB 6 18.67
सजूरिन्द्रेण पञ्चाशद्देवास्ते मरुतो ऽभवन् व्यपोह्य मातृदोषं ते हरिणा सोमपाः कृताः
sajūrindreṇa pañcāśaddevāste maruto 'bhavan vyapohya mātṛdoṣaṃ te hariṇā somapāḥ kṛtāḥ
Diti rose and saw the boys, radiant as fire, together with Indra; and the goddess, no longer blameworthy, was greatly pleased.
AI translation rendered from the Sanskrit, not a published edition
SB 6 18.68
दितिरुत्थाय ददृशे कुमारान् अनलप्रभान् इन्द्रेण सहितान् देवी पर्यतुष्यदनिन्दिता
ditirutthāya dadṛśe kumārān analaprabhān indreṇa sahitān devī paryatuṣyadaninditā
Then she said to Indra: "My dear, I, desiring offspring that would bring terror to the Ādityas, performed this exceedingly difficult vow."
AI translation rendered from the Sanskrit, not a published edition
SB 6 18.69
अथेन्द्रमाह ताताहमादित्यानां भयावहम् अपत्यमिच्छन्त्य् अचरं व्रतमेतत् सुदुष्करम्
athendramāha tātāhamādityānāṃ bhayāvaham apatyamicchanty acaraṃ vratametat suduṣkaram
Then she said to Indra: "Dear one, desiring a child that would bring terror to the Ādityas, I practised this vow, which is very hard to perform."
AI translation rendered from the Sanskrit, not a published edition
SB 6 18.70
एकः सङ्कल्पितः पुत्रः सप्त सप्ताभवन् कथम् यदि ते विदितं पुत्र सत्यं कथय मा मृषा
ekaḥ saṅkalpitaḥ putraḥ sapta saptābhavan katham yadi te viditaṃ putra satyaṃ kathaya mā mṛṣā
"One son was intended — how did they become seven and seven? If you know, my son, tell me the truth, not a falsehood."
AI translation rendered from the Sanskrit, not a published edition
SB 6 18.71
इन्द्र उवाच अम्ब ते ऽहं व्यवसितमुपधार्यागतो ऽन्तिकम् लब्धान्तरो ऽच्छिदं गर्भमर्थबुद्धिर्न धर्मदृक्
indra uvāca amba te 'haṃ vyavasitamupadhāryāgato 'ntikam labdhāntaro 'cchidaṃ garbhamarthabuddhirna dharmadṛk
Indra said: "Mother, having learned of your resolve, I came near you; finding an opening, I cut the embryo, my mind set on my own interest, not looking to dharma."
AI translation rendered from the Sanskrit, not a published edition
SB 6 18.72
कृत्तो मे सप्तधा गर्भ आसन् सप्त कुमारकाः ते ऽपि चैकैकशो वृक्णाः सप्तधा नापि मम्रिरे
kṛtto me saptadhā garbha āsan sapta kumārakāḥ te 'pi caikaikaśo vṛkṇāḥ saptadhā nāpi mamrire
"The embryo was cut by me into seven parts, and there were seven boys; and they too, each one, were cut into seven, yet they did not die."
AI translation rendered from the Sanskrit, not a published edition
SB 6 18.73
ततस्तत् परमाश्चर्यं वीक्ष्य व्यवसितं मया महापुरुषपूजायाः सिद्धिः काप्य् आनुषङ्गिणी
tatastat paramāścaryaṃ vīkṣya vyavasitaṃ mayā mahāpuruṣapūjāyāḥ siddhiḥ kāpy ānuṣaṅgiṇī
"Then, seeing that supreme marvel, it was concluded by me: it is some incidental accomplishment (arising) from the worship of the Great Person."
AI translation rendered from the Sanskrit, not a published edition
SB 6 18.74
आराधनं भगवत ईहमाना निराशिषः ये तु नेच्छन्त्य् अपि परं ते स्वार्थकुशलाः स्मृताः
ārādhanaṃ bhagavata īhamānā nirāśiṣaḥ ye tu necchanty api paraṃ te svārthakuśalāḥ smṛtāḥ
"Those who, seeking the worship of the Lord, are free of desires and do not wish even for the Supreme — they are held to be skilled in their own true interest."
AI translation rendered from the Sanskrit, not a published edition
SB 6 18.75
आराध्यात्मप्रदं देवं स्वात्मानं जगदीश्वरम् को वृणीत गुणस्पर्शं बुधः स्यान् नरके ऽपि यत्
ārādhyātmapradaṃ devaṃ svātmānaṃ jagadīśvaram ko vṛṇīta guṇasparśaṃ budhaḥ syān narake 'pi yat
"Having worshipped the god who gives (his) very self, who is one's own Self, the Lord of the world — what wise man would choose contact with the guṇas, which would exist even in hell?"
AI translation rendered from the Sanskrit, not a published edition
SB 6 18.76
तदिदं मम दौर्जन्यं बालिशस्य महीयसि क्षन्तुमर्हसि मातस्त्वं दिष्ट्या गर्भो मृतोत्थितः
tadidaṃ mama daurjanyaṃ bāliśasya mahīyasi kṣantumarhasi mātastvaṃ diṣṭyā garbho mṛtotthitaḥ
"So this wickedness of mine, a fool's, against you who are great — you ought to forgive it, mother; by good fortune the embryo, though dead, has risen up."
AI translation rendered from the Sanskrit, not a published edition
SB 6 18.77
श्रीशुक उवाच इन्द्रस्तयाभ्यनुज्ञातः शुद्धभावेन तुष्टया मरुद्भिः सह तां नत्वा जगाम त्रिदिवं प्रभुः
śrīśuka uvāca indrastayābhyanujñātaḥ śuddhabhāvena tuṣṭayā marudbhiḥ saha tāṃ natvā jagāma tridivaṃ prabhuḥ
Śrī Śuka said: Indra, given leave by her who was pleased with (his) pure disposition, bowed to her and, together with the Maruts, the lord went to heaven.
AI translation rendered from the Sanskrit, not a published edition
SB 6 18.78
एवं ते सर्वमाख्यातं यन् मां त्वं परिपृच्छसि मङ्गलं मरुतां जन्म किं भूयः कथयामि ते
evaṃ te sarvamākhyātaṃ yan māṃ tvaṃ paripṛcchasi maṅgalaṃ marutāṃ janma kiṃ bhūyaḥ kathayāmi te
Thus all that you asked me has been told to you — the auspicious birth of the Maruts. What more shall I relate to you?
AI translation rendered from the Sanskrit, not a published edition