Bhagavata Purana — Skandha 6 — Chapter 17
SB 6 17.1
श्रीशुक उवाच यतश्चान्तर्हितो ऽनन्तस्तस्यै कृत्वा दिशे नमः विद्याधरश्चित्रकेतुश्चचार गगने चरः
śrīśuka uvāca yataścāntarhito 'nantastasyai kṛtvā diśe namaḥ vidyādharaścitraketuścacāra gagane caraḥ
Śrī Śuka said: And having made obeisance toward that direction in which the Endless One had vanished, Citraketu, become a Vidyādhara, moved about, travelling in the sky.
AI translation rendered from the Sanskrit, not a published edition
SB 6 17.2
स लक्षं वर्षलक्षाणामव्याहतबलेन्द्रियः स्तूयमानो महायोगी मुनिभिः सिद्धचारणैः
sa lakṣaṃ varṣalakṣāṇāmavyāhatabalendriyaḥ stūyamāno mahāyogī munibhiḥ siddhacāraṇaiḥ
For a hundred thousand times a hundred thousand years, his strength and senses unimpaired, that great yogi, praised by sages, siddhas and cāraṇas,
AI translation rendered from the Sanskrit, not a published edition
SB 6 17.3
कुलाचलेन्द्रद्रोणीषु नानासङ्कल्पसिद्धिषु रेमे विद्याधरस्त्रीभिर्गापयन् हरिमीश्वरम्
kulācalendradroṇīṣu nānāsaṅkalpasiddhiṣu reme vidyādharastrībhirgāpayan harimīśvaram
took his pleasure in the valleys of the great mountains, where manifold wishes are fulfilled, together with Vidyādhara women, having (them) sing of Hari the Lord.
AI translation rendered from the Sanskrit, not a published edition
SB 6 17.4
एकदा स विमानेन विष्णुदत्तेन भास्वता गिरिशं ददृशे गच्छन् परीतं सिद्धचारणैः
ekadā sa vimānena viṣṇudattena bhāsvatā giriśaṃ dadṛśe gacchan parītaṃ siddhacāraṇaiḥ
Once, travelling in a shining aerial car given by Viṣṇu, he saw Giriśa (Śiva) surrounded by siddhas and cāraṇas,
AI translation rendered from the Sanskrit, not a published edition
SB 6 17.5
आलिङ्ग्याङ्कीकृतां देवीं बाहुना मुनिसंसदि उवाच देव्याः शृण्वन्त्या जहासोच्चैस्तदन्तिके
āliṅgyāṅkīkṛtāṃ devīṃ bāhunā munisaṃsadi uvāca devyāḥ śṛṇvantyā jahāsoccaistadantike
embracing with his arm the Goddess seated on his lap in the assembly of sages; and (Citraketu) laughed loudly nearby, in the hearing of the Goddess, and said:
AI translation rendered from the Sanskrit, not a published edition
SB 6 17.6
चित्रकेतुरुवाच एष लोकगुरुः साक्षाद्धर्मं वक्ता शरीरिणाम् आस्ते मुख्यः सभायां वै मिथुनीभूय भार्यया
citraketuruvāca eṣa lokaguruḥ sākṣāddharmaṃ vaktā śarīriṇām āste mukhyaḥ sabhāyāṃ vai mithunībhūya bhāryayā
Citraketu said: This one, the very teacher of the world, the declarer of dharma for embodied beings, sits as the foremost in the assembly, coupled with his wife!
AI translation rendered from the Sanskrit, not a published edition
SB 6 17.7
जटाधरस्तीव्रतपा ब्रह्मवादिसभापतिः अङ्कीकृत्य स्त्रियं चास्ते गतह्रीः प्राकृतो यथा
jaṭādharastīvratapā brahmavādisabhāpatiḥ aṅkīkṛtya striyaṃ cāste gatahrīḥ prākṛto yathā
Wearing matted locks, of severe austerities, the presiding head of an assembly of expounders of the Veda, he sits with a woman on his lap, shameless, like a common man.
AI translation rendered from the Sanskrit, not a published edition
SB 6 17.8
प्रायशः प्राकृताश्चापि स्त्रियं रहसि बिभ्रति अयं महाव्रतधरो बिभर्ति सदसि स्त्रियम्
prāyaśaḥ prākṛtāścāpi striyaṃ rahasi bibhrati ayaṃ mahāvratadharo bibharti sadasi striyam
Common men for the most part hold a woman in private; this one, the holder of great vows, holds a woman in the assembly!
AI translation rendered from the Sanskrit, not a published edition
SB 6 17.9
श्रीशुक उवाच भगवान् अपि तच् छ्रुत्वा प्रहस्यागाधधीर्नृप तूष्णीं बभूव सदसि सभ्याश्च तदनुव्रताः
śrīśuka uvāca bhagavān api tac chrutvā prahasyāgādhadhīrnṛpa tūṣṇīṃ babhūva sadasi sabhyāśca tadanuvratāḥ
Śrī Śuka said: The Lord too, of unfathomable mind, hearing that, laughed and remained silent in the assembly, O king, and the members of the assembly followed his lead.
AI translation rendered from the Sanskrit, not a published edition
SB 6 17.10
इत्य् अतद्वीर्यविदुषि ब्रुवाणे बह्वशोभनम् रुषाह देवी धृष्टाय निर्जितात्माभिमानिने
ity atadvīryaviduṣi bruvāṇe bahvaśobhanam ruṣāha devī dhṛṣṭāya nirjitātmābhimānine
When he, not knowing that one's power, had spoken thus much that was unseemly, the Goddess in anger spoke to the insolent one who prided himself on having conquered his self:
AI translation rendered from the Sanskrit, not a published edition
SB 6 17.11
श्रीपार्वत्य् उवाच अयं किमधुना लोके शास्ता दण्डधरः प्रभुः अस्मद्विधानां दुष्टानां निर्लज्जानां च विप्रकृत्
śrīpārvaty uvāca ayaṃ kimadhunā loke śāstā daṇḍadharaḥ prabhuḥ asmadvidhānāṃ duṣṭānāṃ nirlajjānāṃ ca viprakṛt
Śrī Pārvatī said: Is this one now the ruler in the world, the rod-bearer, the lord, the chastiser of the wicked and shameless ones such as us?
AI translation rendered from the Sanskrit, not a published edition
SB 6 17.12
न वेद धर्मं किल पद्मयोनिर् न ब्रह्मपुत्रा भृगुनारदाद्याः न वै कुमारः कपिलो मनुश्च ये नो निषेधन्त्य् अतिवर्तिनं हरम्
na veda dharmaṃ kila padmayonir na brahmaputrā bhṛgunāradādyāḥ na vai kumāraḥ kapilo manuśca ye no niṣedhanty ativartinaṃ haram
So the lotus-born one, it seems, does not know dharma, nor do Brahmā's sons, Bhṛgu, Nārada and the rest, nor Kumāra, nor Kapila, nor Manu — since they do not restrain Hara, who oversteps (all bounds).
AI translation rendered from the Sanskrit, not a published edition
SB 6 17.13
एषामनुध्येयपदाब्जयुग्मं जगद्गुरुं मङ्गलमङ्गलं स्वयम् यः क्षत्रबन्धुः परिभूय सूरीन् प्रशास्ति धृष्टस्तदयं हि दण्ड्यः
eṣāmanudhyeyapadābjayugmaṃ jagadguruṃ maṅgalamaṅgalaṃ svayam yaḥ kṣatrabandhuḥ paribhūya sūrīn praśāsti dhṛṣṭastadayaṃ hi daṇḍyaḥ
Him whose pair of lotus feet are to be meditated upon by these (sages), the teacher of the world, himself the auspiciousness of all that is auspicious — him this wretched kṣatriya, disregarding the wise, insolently instructs; therefore he indeed deserves punishment.
AI translation rendered from the Sanskrit, not a published edition
SB 6 17.14
नायमर्हति वैकुण्ठ पादमूलोपसर्पणम् सम्भावितमतिः स्तब्धः साधुभिः पर्युपासितम्
nāyamarhati vaikuṇṭha pādamūlopasarpaṇam sambhāvitamatiḥ stabdhaḥ sādhubhiḥ paryupāsitam
This man, whose mind is puffed up with self-esteem and who is stiff-necked, does not deserve to draw near to the feet of Vaikuṇṭha, which are attended upon by the good.
AI translation rendered from the Sanskrit, not a published edition
SB 6 17.15
अतः पापीयसीं योनिमासुरीं याहि दुर्मते यथेह भूयो महतां न कर्ता पुत्र किल्बिषम्
ataḥ pāpīyasīṃ yonimāsurīṃ yāhi durmate yatheha bhūyo mahatāṃ na kartā putra kilbiṣam
Therefore, O evil-minded one, go to a more sinful birth, a demonic one, so that here you may not again commit offence against the great, my son.
AI translation rendered from the Sanskrit, not a published edition
SB 6 17.16
श्रीशुक उवाच एवं शप्तश्चित्रकेतुर्विमानादवरुह्य सः प्रसादयामास सतीं मूर्ध्ना नम्रेण भारत
śrīśuka uvāca evaṃ śaptaścitraketurvimānādavaruhya saḥ prasādayāmāsa satīṃ mūrdhnā namreṇa bhārata
Śrī Śuka said: Thus cursed, Citraketu came down from his aerial car and, with head bowed, propitiated the chaste goddess, O Bhārata.
AI translation rendered from the Sanskrit, not a published edition
SB 6 17.17
चित्रकेतुरुवाच प्रतिगृह्णामि ते शापमात्मनो ऽञ्जलिनाम्बिके देवैर्मर्त्याय यत् प्रोक्तं पूर्वदिष्टं हि तस्य तत्
citraketuruvāca pratigṛhṇāmi te śāpamātmano 'ñjalināmbike devairmartyāya yat proktaṃ pūrvadiṣṭaṃ hi tasya tat
Citraketu said: I accept your curse upon myself with folded hands, O mother; whatever is pronounced by the gods for a mortal, that has indeed been ordained for him beforehand.
AI translation rendered from the Sanskrit, not a published edition
SB 6 17.18
संसारचक्र एतस्मिञ् जन्तुरज्ञानमोहितः भ्राम्यन् सुखं च दुःखं च भुङ्क्ते सर्वत्र सर्वदा
saṃsāracakra etasmiñ janturajñānamohitaḥ bhrāmyan sukhaṃ ca duḥkhaṃ ca bhuṅkte sarvatra sarvadā
In this wheel of saṃsāra a creature, deluded by ignorance, wandering about, experiences both pleasure and pain everywhere and always.
AI translation rendered from the Sanskrit, not a published edition
SB 6 17.19
नैवात्मा न परश्चापि कर्ता स्यात् सुखदुःखयोः कर्तारं मन्यते ऽत्राज्ञ आत्मानं परमेव च
naivātmā na paraścāpi kartā syāt sukhaduḥkhayoḥ kartāraṃ manyate 'trājña ātmānaṃ parameva ca
Neither the self nor another can be the doer of pleasure and pain; yet here the ignorant man thinks the self, and likewise another, to be the doer.
AI translation rendered from the Sanskrit, not a published edition
SB 6 17.20
गुणप्रवाह एतस्मिन् कः शापः को न्वनुग्रहः कः स्वर्गो नरकः को वा किं सुखं दुःखमेव वा
guṇapravāha etasmin kaḥ śāpaḥ ko nvanugrahaḥ kaḥ svargo narakaḥ ko vā kiṃ sukhaṃ duḥkhameva vā
In this flood of the guṇas, what is a curse, and what indeed is a favour? What is heaven, or what is hell? What is pleasure, or what is pain?
AI translation rendered from the Sanskrit, not a published edition
SB 6 17.21
एकः सृजति भूतानि भगवान् आत्ममायया एषां बन्धं च मोक्षं च सुखं दुःखं च निष्कलः
ekaḥ sṛjati bhūtāni bhagavān ātmamāyayā eṣāṃ bandhaṃ ca mokṣaṃ ca sukhaṃ duḥkhaṃ ca niṣkalaḥ
The Lord alone creates the beings by his own māyā, and their bondage and release, and their pleasure and pain, while he himself is without parts.
AI translation rendered from the Sanskrit, not a published edition
SB 6 17.22
न तस्य कश्चिद्दयितः प्रतीपो न ज्ञातिबन्धुर्न परो न च स्वः समस्य सर्वत्र निरञ्जनस्य सुखे न रागः कुत एव रोषः
na tasya kaściddayitaḥ pratīpo na jñātibandhurna paro na ca svaḥ samasya sarvatra nirañjanasya sukhe na rāgaḥ kuta eva roṣaḥ
For him there is no one dear and no one hostile, no kinsman or relative, no stranger and no one his own; for him who is the same everywhere and unstained there is no attachment to pleasure — whence then anger?
AI translation rendered from the Sanskrit, not a published edition
SB 6 17.23
तथापि तच्छक्तिविसर्ग एषां सुखाय दुःखाय हिताहिताय बन्धाय मोक्षाय च मृत्युजन्मनोः शरीरिणां संसृतये ऽवकल्पते
tathāpi tacchaktivisarga eṣāṃ sukhāya duḥkhāya hitāhitāya bandhāya mokṣāya ca mṛtyujanmanoḥ śarīriṇāṃ saṃsṛtaye 'vakalpate
Even so, the outpouring of his power serves for these embodied beings' pleasure and pain, benefit and harm, bondage and release, and for their transmigration through death and birth.
AI translation rendered from the Sanskrit, not a published edition
SB 6 17.24
अथ प्रसादये न त्वां शापमोक्षाय भामिनि यन् मन्यसे ह्य् असाधूक्तं मम तत् क्षम्यतां सति
atha prasādaye na tvāṃ śāpamokṣāya bhāmini yan manyase hy asādhūktaṃ mama tat kṣamyatāṃ sati
Now I propitiate you, O passionate lady, not for release from the curse; whatever you consider to have been improperly said by me, let that be forgiven, O chaste one.
AI translation rendered from the Sanskrit, not a published edition
SB 6 17.25
श्रीशुक उवाच इति प्रसाद्य गिरिशौ चित्रकेतुररिन्दम जगाम स्वविमानेन पश्यतोः स्मयतोस्तयोः
śrīśuka uvāca iti prasādya giriśau citraketurarindama jagāma svavimānena paśyatoḥ smayatostayoḥ
Śrī Śuka said: Having thus propitiated the two dwellers on the mountain, Citraketu, O subduer of foes, went off in his own aerial car while the two looked on and smiled.
AI translation rendered from the Sanskrit, not a published edition
SB 6 17.26
ततस्तु भगवान् रुद्रो रुद्राणीमिदमब्रवीत् देवर्षिदैत्यसिद्धानां पार्षदानां च शृण्वताम्
tatastu bhagavān rudro rudrāṇīmidamabravīt devarṣidaityasiddhānāṃ pārṣadānāṃ ca śṛṇvatām
Then the lord Rudra said this to Rudrāṇī, while the gods, sages, Daityas, Siddhas and his attendants listened.
AI translation rendered from the Sanskrit, not a published edition
SB 6 17.27
श्रीरुद्र उवाच दृष्टवत्य् असि सुश्रोणि हरेरद्भुतकर्मणः माहात्म्यं भृत्यभृत्यानां निःस्पृहाणां महात्मनाम्
śrīrudra uvāca dṛṣṭavaty asi suśroṇi hareradbhutakarmaṇaḥ māhātmyaṃ bhṛtyabhṛtyānāṃ niḥspṛhāṇāṃ mahātmanām
Śrī Rudra said: You have seen, O fair-hipped one, the greatness of the servants of the servants of Hari of wondrous deeds — of those great souls who are free of craving.
AI translation rendered from the Sanskrit, not a published edition
SB 6 17.28
नारायणपराः सर्वे न कुतश्चन बिभ्यति स्वर्गापवर्गनरकेष्वपि तुल्यार्थदर्शिनः
nārāyaṇaparāḥ sarve na kutaścana bibhyati svargāpavarganarakeṣvapi tulyārthadarśinaḥ
All those devoted to Nārāyaṇa fear nothing from any quarter; they see the same value in heaven, in liberation, and in hell alike.
AI translation rendered from the Sanskrit, not a published edition
SB 6 17.29
देहिनां देहसंयोगाद्द्वन्द्वानीश्वरलीलया सुखं दुःखं मृतिर्जन्म शापो ऽनुग्रह एव च
dehināṃ dehasaṃyogāddvandvānīśvaralīlayā sukhaṃ duḥkhaṃ mṛtirjanma śāpo 'nugraha eva ca
For embodied beings, from contact with a body there arise, by the Lord's play, the pairs of opposites: pleasure and pain, death and birth, curse and favour too.
AI translation rendered from the Sanskrit, not a published edition
SB 6 17.30
अविवेककृतः पुंसो ह्य् अर्थभेद इवात्मनि गुणदोषविकल्पश्च भिदेव स्रजिवत् कृतः
avivekakṛtaḥ puṃso hy arthabheda ivātmani guṇadoṣavikalpaśca bhideva srajivat kṛtaḥ
For a man, the difference of objects, as it were, within the self is produced by lack of discrimination, and so too the notion of merit and fault — a mere distinction made, as in the case of a garland (taken for a snake).
AI translation rendered from the Sanskrit, not a published edition — the model flagged this verse as uncertain
SB 6 17.31
वासुदेवे भगवति भक्तिमुद्वहतां नृणाम् ज्ञानवैराग्यवीर्याणां न हि कश्चिद्व्यपाश्रयः
vāsudeve bhagavati bhaktimudvahatāṃ nṛṇām jñānavairāgyavīryāṇāṃ na hi kaścidvyapāśrayaḥ
For men who bear devotion to Vāsudeva, the Lord, and whose strength is knowledge and dispassion, there is no dependence upon anything (else).
AI translation rendered from the Sanskrit, not a published edition
SB 6 17.32
नाहं विरिञ्चो न कुमारनारदौ न ब्रह्मपुत्रा मुनयः सुरेशाः विदाम यस्येहितमंशकांशका न तत्स्वरूपं पृथगीशमानिनः
nāhaṃ viriñco na kumāranāradau na brahmaputrā munayaḥ sureśāḥ vidāma yasyehitamaṃśakāṃśakā na tatsvarūpaṃ pṛthagīśamāninaḥ
Neither I, nor Viriñca (Brahmā), nor the Kumāras and Nārada, nor Brahmā's sons the sages, nor the rulers of the gods, know his activity — we who are but parts of his parts — nor (do we know) his own true form, since we fancy ourselves separate lords.
AI translation rendered from the Sanskrit, not a published edition
SB 6 17.33
न ह्य् अस्यास्ति प्रियः कश्चिन् नाप्रियः स्वः परो ऽपि वा आत्मत्वात् सर्वभूतानां सर्वभूतप्रियो हरिः
na hy asyāsti priyaḥ kaścin nāpriyaḥ svaḥ paro 'pi vā ātmatvāt sarvabhūtānāṃ sarvabhūtapriyo hariḥ
For no one is dear to him nor undear, neither his own nor another; because he is the self of all beings, Hari is dear to all beings.
AI translation rendered from the Sanskrit, not a published edition
SB 6 17.34
तस्य चायं महाभागश्चित्रकेतुः प्रियो ऽनुगः सर्वत्र समदृक् शान्तो ह्य् अहं चैवाच्युतप्रियः
tasya cāyaṃ mahābhāgaścitraketuḥ priyo 'nugaḥ sarvatra samadṛk śānto hy ahaṃ caivācyutapriyaḥ
And this greatly blessed Citraketu is his dear follower, of equal vision everywhere, at peace — and so too am I dear to Acyuta.
AI translation rendered from the Sanskrit, not a published edition
SB 6 17.35
तस्मान् न विस्मयः कार्यः पुरुषेषु महात्मसु महापुरुषभक्तेषु शान्तेषु समदर्शिषु
tasmān na vismayaḥ kāryaḥ puruṣeṣu mahātmasu mahāpuruṣabhakteṣu śānteṣu samadarśiṣu
Therefore no astonishment should be felt at great-souled persons, devotees of the Supreme Person, who are peaceful and see all alike.
AI translation rendered from the Sanskrit, not a published edition
SB 6 17.36
श्रीशुक उवाच इति श्रुत्वा भगवतः शिवस्योमाभिभाषितम् बभूव शान्तधी राजन् देवी विगतविस्मया
śrīśuka uvāca iti śrutvā bhagavataḥ śivasyomābhibhāṣitam babhūva śāntadhī rājan devī vigatavismayā
Śrī Śuka said: Having heard this speech of Lord Śiva to Umā, the goddess became calm of mind, O king, her astonishment gone.
AI translation rendered from the Sanskrit, not a published edition
SB 6 17.37
इति भागवतो देव्याः प्रतिशप्तुमलन्तमः मूर्ध्ना स जगृहे शापमेतावत् साधुलक्षणम्
iti bhāgavato devyāḥ pratiśaptumalantamaḥ mūrdhnā sa jagṛhe śāpametāvat sādhulakṣaṇam
Thus the devotee, though quite capable of cursing the goddess in return, received the curse upon his head — this much is the mark of the good.
AI translation rendered from the Sanskrit, not a published edition
SB 6 17.38
जज्ञे त्वष्टुर्दक्षिणाग्नौ दानवीं योनिमाश्रितः वृत्र इत्य् अभिविख्यातो ज्ञानविज्ञानसंयुतः
jajñe tvaṣṭurdakṣiṇāgnau dānavīṃ yonimāśritaḥ vṛtra ity abhivikhyāto jñānavijñānasaṃyutaḥ
He was born in the southern fire of Tvaṣṭā, having resorted to a Dānava womb, widely known as Vṛtra, endowed with knowledge and discernment.
AI translation rendered from the Sanskrit, not a published edition
SB 6 17.39
एतत् ते सर्वमाख्यातं यन् मां त्वं परिपृच्छसि वृत्रस्यासुरजातेश्च कारणं भगवन्मतेः
etat te sarvamākhyātaṃ yan māṃ tvaṃ paripṛcchasi vṛtrasyāsurajāteśca kāraṇaṃ bhagavanmateḥ
All this that you asked me has been told to you: the cause of Vṛtra's birth among the asuras and of his mind's being fixed on the Lord.
AI translation rendered from the Sanskrit, not a published edition
SB 6 17.40
इतिहासमिमं पुण्यं चित्रकेतोर्महात्मनः माहात्म्यं विष्णुभक्तानां श्रुत्वा बन्धाद्विमुच्यते
itihāsamimaṃ puṇyaṃ citraketormahātmanaḥ māhātmyaṃ viṣṇubhaktānāṃ śrutvā bandhādvimucyate
Hearing this holy tale of the great-souled Citraketu, (which tells) the greatness of Viṣṇu's devotees, one is freed from bondage.
AI translation rendered from the Sanskrit, not a published edition
SB 6 17.41
य एतत् प्रातरुत्थाय श्रद्धया वाग्यतः पठेत् इतिहासं हरिं स्मृत्वा स याति परमां गतिम्
ya etat prātarutthāya śraddhayā vāgyataḥ paṭhet itihāsaṃ hariṃ smṛtvā sa yāti paramāṃ gatim
Whoever rises at dawn and with faith, restrained in speech, recites this narrative, remembering Hari, he goes to the supreme goal.
AI translation rendered from the Sanskrit, not a published edition