Bhagavata Purana — Skandha 6 — Chapter 16
SB 6 16.1
श्रीबादरायणिरुवाच अथ देवऋषी राजन् सम्परेतं नृपात्मजम् दर्शयित्वेति होवाच ज्ञातीनामनुशोचताम्
śrībādarāyaṇiruvāca atha devaṛṣī rājan samparetaṃ nṛpātmajam darśayitveti hovāca jñātīnāmanuśocatām
Śrī Bādarāyaṇi said: Then, O king, the two divine sages, having shown (the departed spirit of) the dead prince, spoke thus to the kinsmen who were grieving.
AI translation rendered from the Sanskrit, not a published edition
SB 6 16.2
श्रीनारद उवाच जीवात्मन् पश्य भद्रं ते मातरं पितरं च ते सुहृदो बान्धवास्तप्ताः शुचा त्वत्कृतया भृशम्
śrīnārada uvāca jīvātman paśya bhadraṃ te mātaraṃ pitaraṃ ca te suhṛdo bāndhavāstaptāḥ śucā tvatkṛtayā bhṛśam
Śrī Nārada said: O living self, look — blessings on you — at your mother and your father; your friends and relatives are sorely burned by the grief you have caused.
AI translation rendered from the Sanskrit, not a published edition
SB 6 16.3
कलेवरं स्वमाविश्य शेषमायुः सुहृद्वृतः भुङ्क्ष्व भोगान् पितृप्रत्तान् अधितिष्ठ नृपासनम्
kalevaraṃ svamāviśya śeṣamāyuḥ suhṛdvṛtaḥ bhuṅkṣva bhogān pitṛprattān adhitiṣṭha nṛpāsanam
Enter your own body, (live out) the remainder of your lifespan surrounded by your dear ones, enjoy the pleasures bestowed by your father, and occupy the royal throne.
AI translation rendered from the Sanskrit, not a published edition
SB 6 16.4
जीव उवाच कस्मिन् जन्मन्य् अमी मह्यं पितरो मातरो ऽभवन् कर्मभिर्भ्राम्यमाणस्य देवतिर्यङ्नृयोनिषु
jīva uvāca kasmin janmany amī mahyaṃ pitaro mātaro 'bhavan karmabhirbhrāmyamāṇasya devatiryaṅnṛyoniṣu
The living being said: In which birth were these my fathers and mothers, for me who am made to wander by my deeds among the wombs of gods, animals and men?
AI translation rendered from the Sanskrit, not a published edition
SB 6 16.5
बन्धुज्ञात्यरिमध्यस्थ मित्रोदासीनविद्विषः सर्व एव हि सर्वेषां भवन्ति क्रमशो मिथः
bandhujñātyarimadhyastha mitrodāsīnavidviṣaḥ sarva eva hi sarveṣāṃ bhavanti kramaśo mithaḥ
Kinsmen, relatives, enemies, neutrals, friends, the indifferent and the hostile — all indeed become all these to one another in turn.
AI translation rendered from the Sanskrit, not a published edition
SB 6 16.6
यथा वस्तूनि पण्यानि हेमादीनि ततस्ततः पर्यटन्ति नरेष्वेवं जीवो योनिषु कर्तृषु
yathā vastūni paṇyāni hemādīni tatastataḥ paryaṭanti nareṣvevaṃ jīvo yoniṣu kartṛṣu
Just as marketable goods, gold and the rest, pass around among men from one to another, so does the living being among the wombs (and) their producers.
AI translation rendered from the Sanskrit, not a published edition
SB 6 16.7
नित्यस्यार्थस्य सम्बन्धो ह्य् अनित्यो दृश्यते नृषु यावद्यस्य हि सम्बन्धो ममत्वं तावदेव हि
nityasyārthasya sambandho hy anityo dṛśyate nṛṣu yāvadyasya hi sambandho mamatvaṃ tāvadeva hi
For the connection of the eternal (self) with an object is seen among men to be non-eternal; and only so long as one has the connection, just so long is there the sense of 'mine'.
AI translation rendered from the Sanskrit, not a published edition — the model flagged this verse as uncertain
SB 6 16.8
एवं योनिगतो जीवः स नित्यो निरहङ्कृतः यावद्यत्रोपलभ्येत तावत् स्वत्वं हि तस्य तत्
evaṃ yonigato jīvaḥ sa nityo nirahaṅkṛtaḥ yāvadyatropalabhyeta tāvat svatvaṃ hi tasya tat
So the living being that has gone into a womb is eternal and free of the ego-sense; as long and wherever it is found, just so long is that (relation) its own.
AI translation rendered from the Sanskrit, not a published edition — the model flagged this verse as uncertain
SB 6 16.9
एष नित्यो ऽव्ययः सूक्ष्म एष सर्वाश्रयः स्वदृक् आत्ममायागुणैर्विश्वमात्मानं सृजते प्रभुः
eṣa nityo 'vyayaḥ sūkṣma eṣa sarvāśrayaḥ svadṛk ātmamāyāguṇairviśvamātmānaṃ sṛjate prabhuḥ
This one is eternal, imperishable, subtle; this one is the support of all, self-luminous; the Lord, by the qualities of his own māyā, creates the universe and himself (within it).
AI translation rendered from the Sanskrit, not a published edition
SB 6 16.10
न ह्य् अस्यास्ति प्रियः कश्चिन् नाप्रियः स्वः परो ऽपि वा एकः सर्वधियां द्रष्टा कर्तॄणां गुणदोषयोः
na hy asyāsti priyaḥ kaścin nāpriyaḥ svaḥ paro 'pi vā ekaḥ sarvadhiyāṃ draṣṭā kartṝṇāṃ guṇadoṣayoḥ
For to him no one is dear and no one hateful, neither his own nor another; he is the one witness of all minds, and of the merits and faults of the doers.
AI translation rendered from the Sanskrit, not a published edition
SB 6 16.11
नादत्त आत्मा हि गुणं न दोषं न क्रियाफलम् उदासीनवदासीनः परावरदृग् ईश्वरः
nādatta ātmā hi guṇaṃ na doṣaṃ na kriyāphalam udāsīnavadāsīnaḥ parāvaradṛg īśvaraḥ
The Self takes on neither merit nor fault nor the fruit of action; seated as if indifferent, the Lord sees both higher and lower.
AI translation rendered from the Sanskrit, not a published edition
SB 6 16.12
श्रीबादरायणिरुवाच इत्य् उदीर्य गतो जीवो ज्ञातयस्तस्य ते तदा विस्मिता मुमुचुः शोकं छित्त्वात्मस्नेहशृङ्खलाम्
śrībādarāyaṇiruvāca ity udīrya gato jīvo jñātayastasya te tadā vismitā mumucuḥ śokaṃ chittvātmasnehaśṛṅkhalām
Śrī Bādarāyaṇi said: Having said this, the living being departed; and his kinsmen, amazed, then let go of their sorrow, cutting the chain of their affection.
AI translation rendered from the Sanskrit, not a published edition
SB 6 16.13
निर्हृत्य ज्ञातयो ज्ञातेर्देहं कृत्वोचिताः क्रियाः तत्यजुर्दुस्त्यजं स्नेहं शोकमोहभयार्तिदम्
nirhṛtya jñātayo jñāterdehaṃ kṛtvocitāḥ kriyāḥ tatyajurdustyajaṃ snehaṃ śokamohabhayārtidam
The kinsmen, having carried out the body of their kinsman and performed the proper rites, gave up that hard-to-give-up affection which brings sorrow, delusion, fear and pain.
AI translation rendered from the Sanskrit, not a published edition
SB 6 16.14
बालघ्न्यो व्रीडितास्तत्र बालहत्याहतप्रभाः बालहत्याव्रतं चेरुर्ब्राह्मणैर्यन् निरूपितम् यमुनायां महाराज स्मरन्त्यो द्विजभाषितम्
bālaghnyo vrīḍitāstatra bālahatyāhataprabhāḥ bālahatyāvrataṃ cerurbrāhmaṇairyan nirūpitam yamunāyāṃ mahārāja smarantyo dvijabhāṣitam
The killers of the boy, ashamed there, their lustre struck away by the child's murder, performed the penance for child-killing that was laid down by the brahmins, on the Yamunā, O great king, remembering the words of the twice-born.
AI translation rendered from the Sanskrit, not a published edition
SB 6 16.15
स इत्थं प्रतिबुद्धात्मा चित्रकेतुर्द्विजोक्तिभिः गृहान्धकूपान् निष्क्रान्तः सरःपङ्कादिव द्विपः
sa itthaṃ pratibuddhātmā citraketurdvijoktibhiḥ gṛhāndhakūpān niṣkrāntaḥ saraḥpaṅkādiva dvipaḥ
Thus awakened in himself by the words of the twice-born, Citraketu came out of the dark well of household life, as an elephant comes out of the mud of a lake.
AI translation rendered from the Sanskrit, not a published edition
SB 6 16.16
कालिन्द्यां विधिवत् स्नात्वा कृतपुण्यजलक्रियः मौनेन संयतप्राणो ब्रह्मपुत्राववन्दत
kālindyāṃ vidhivat snātvā kṛtapuṇyajalakriyaḥ maunena saṃyataprāṇo brahmaputrāvavandata
Having bathed in the Kālindī according to rule and performed the sacred water-rites, silent, his breath controlled, he bowed to the two sons of Brahmā.
AI translation rendered from the Sanskrit, not a published edition
SB 6 16.17
अथ तस्मै प्रपन्नाय भक्ताय प्रयतात्मने भगवान् नारदः प्रीतो विद्यामेतामुवाच ह
atha tasmai prapannāya bhaktāya prayatātmane bhagavān nāradaḥ prīto vidyāmetāmuvāca ha
Then to him, who had taken refuge, devoted, and self-restrained, the venerable Nārada, pleased, spoke this knowledge (mantra).
AI translation rendered from the Sanskrit, not a published edition
SB 6 16.18
ॐ नमस्तुभ्यं भगवते वासुदेवाय धीमहि प्रद्युम्नायानिरुद्धाय नमः सङ्कर्षणाय च
oṃ namastubhyaṃ bhagavate vāsudevāya dhīmahi pradyumnāyāniruddhāya namaḥ saṅkarṣaṇāya ca
Oṃ! Homage to you, the Lord; upon Vāsudeva let us meditate; homage to Pradyumna, to Aniruddha, and to Saṅkarṣaṇa.
AI translation rendered from the Sanskrit, not a published edition
SB 6 16.19
नमो विज्ञानमात्राय परमानन्दमूर्तये आत्मारामाय शान्ताय निवृत्तद्वैतदृष्टये
namo vijñānamātrāya paramānandamūrtaye ātmārāmāya śāntāya nivṛttadvaitadṛṣṭaye
Homage to (him who is) pure consciousness alone, whose form is supreme bliss, who delights in the self, who is at peace, from whom the vision of duality has ceased.
AI translation rendered from the Sanskrit, not a published edition
SB 6 16.20
आत्मानन्दानुभूत्यैव न्यस्तशक्त्यूर्मये नमः हृषीकेशाय महते नमस्ते ऽनन्तमूर्तये
ātmānandānubhūtyaiva nyastaśaktyūrmaye namaḥ hṛṣīkeśāya mahate namaste 'nantamūrtaye
Homage to him who, by the very experience of the bliss of the self, has laid aside the waves of (his) potency; homage to Hṛṣīkeśa, the great one; homage to you of endless form.
AI translation rendered from the Sanskrit, not a published edition
SB 6 16.21
वचस्य् उपरते ऽप्राप्य य एको मनसा सह अनामरूपश्चिन्मात्रः सो ऽव्यान् नः सदसत्परः
vacasy uparate 'prāpya ya eko manasā saha anāmarūpaścinmātraḥ so 'vyān naḥ sadasatparaḥ
May he protect us, the One who is not reached when speech has ceased along with the mind, who is without name and form, pure consciousness, beyond the existent and the non-existent.
AI translation rendered from the Sanskrit, not a published edition
SB 6 16.22
यस्मिन्निदं यतश्चेदं तिष्ठत्य् अप्येति जायते मृण्मयेष्विव मृज्जातिस्तस्मै ते ब्रह्मणे नमः
yasminnidaṃ yataścedaṃ tiṣṭhaty apyeti jāyate mṛṇmayeṣviva mṛjjātistasmai te brahmaṇe namaḥ
In whom this (universe) abides, from whom it comes to be and into whom it passes away, as the clay-nature (does) in things made of clay — homage to you, that Brahman.
AI translation rendered from the Sanskrit, not a published edition
SB 6 16.23
यन् न स्पृशन्ति न विदुर्मनोबुद्धीन्द्रियासवः अन्तर्बहिश्च विततं व्योमवत् तन् नतो ऽस्म्य् अहम्
yan na spṛśanti na vidurmanobuddhīndriyāsavaḥ antarbahiśca vitataṃ vyomavat tan nato 'smy aham
That which mind, intellect, senses and vital airs do not touch and do not know, which is spread out within and without like space — to that I am bowed down.
AI translation rendered from the Sanskrit, not a published edition
SB 6 16.24
देहेन्द्रियप्राणमनोधियो ऽमी यदंशविद्धाः प्रचरन्ति कर्मसु नैवान्यदा लौहमिवाप्रतप्तं स्थानेषु तद्द्रष्ट्रपदेशमेति
dehendriyaprāṇamanodhiyo 'mī yadaṃśaviddhāḥ pracaranti karmasu naivānyadā lauhamivāprataptaṃ sthāneṣu taddraṣṭrapadeśameti
These — body, senses, breath, mind and intelligence — pierced by a portion of whom move about in their actions, and never otherwise, like unheated iron; that (one) receives the designation of 'seer' in these stations.
AI translation rendered from the Sanskrit, not a published edition — the model flagged this verse as uncertain
SB 6 16.25
ॐ नमो भगवते महापुरुषाय महानुभावाय महाविभूतिपतये सकलसात्वतपरिवृढनिकरकरकमलकुड्मलोपलालितचरणारविन्दयुगल परमपरमेष्ठिन् नमस्ते
oṃ namo bhagavate mahāpuruṣāya mahānubhāvāya mahāvibhūtipataye sakalasātvataparivṛḍhanikarakarakamalakuḍmalopalālitacaraṇāravindayugala paramaparameṣṭhin namaste
Oṃ, homage to the Lord, the great Person, of great majesty, the master of great powers, whose pair of lotus feet is caressed by the lotus-bud hands of the whole host of the chiefs of the Sātvatas — O supreme one, highest of the high, homage to you.
AI translation rendered from the Sanskrit, not a published edition
SB 6 16.26
_* श्रीशुक उवाच भक्तायैतां प्रपन्नाय विद्यामादिश्य नारदः ययावङ्गिरसा साकं धाम स्वायम्भुवं प्रभो
_* śrīśuka uvāca bhaktāyaitāṃ prapannāya vidyāmādiśya nāradaḥ yayāvaṅgirasā sākaṃ dhāma svāyambhuvaṃ prabho
Śrī Śuka said: Having imparted this knowledge to the devotee who had taken refuge, Nārada went off together with Aṅgiras to Svāyambhuva's abode, O lord.
AI translation rendered from the Sanskrit, not a published edition
SB 6 16.27
चित्रकेतुस्तु तां विद्यां यथा नारदभाषिताम् धारयामास सप्ताहमब्भक्षः सुसमाहितः
citraketustu tāṃ vidyāṃ yathā nāradabhāṣitām dhārayāmāsa saptāhamabbhakṣaḥ susamāhitaḥ
But Citraketu held that knowledge just as it had been spoken by Nārada for seven days, taking only water, well concentrated.
AI translation rendered from the Sanskrit, not a published edition
SB 6 16.28
ततः स सप्तरात्रान्ते विद्यया धार्यमाणया विद्याधराधिपत्यं च लेभे ऽप्रतिहतं नृप
tataḥ sa saptarātrānte vidyayā dhāryamāṇayā vidyādharādhipatyaṃ ca lebhe 'pratihataṃ nṛpa
Then, at the end of the seven nights, by that knowledge which he was holding, he obtained, O king, the unimpeded lordship over the Vidyādharas.
AI translation rendered from the Sanskrit, not a published edition
SB 6 16.29
ततः कतिपयाहोभिर्विद्ययेद्धमनोगतिः जगाम देवदेवस्य शेषस्य चरणान्तिकम्
tataḥ katipayāhobhirvidyayeddhamanogatiḥ jagāma devadevasya śeṣasya caraṇāntikam
Then within a few days, his mind's course kindled by that knowledge, he went to the vicinity of the feet of Śeṣa, the God of gods.
AI translation rendered from the Sanskrit, not a published edition
SB 6 16.30
मृणालगौरं शितिवाससं स्फुरत् किरीटकेयूरकटित्रकङ्कणम् प्रसन्नवक्त्रारुणलोचनं वृतं ददर्श सिद्धेश्वरमण्डलैः प्रभुम्
mṛṇālagauraṃ śitivāsasaṃ sphurat kirīṭakeyūrakaṭitrakaṅkaṇam prasannavaktrāruṇalocanaṃ vṛtaṃ dadarśa siddheśvaramaṇḍalaiḥ prabhum
He saw the Lord, white as a lotus stalk, dark-blue robed, with gleaming crown, armlets, girdle and bracelets, of gracious face and reddish eyes, surrounded by circles of the masters of the Siddhas.
AI translation rendered from the Sanskrit, not a published edition
SB 6 16.31
तद्दर्शनध्वस्तसमस्तकिल्बिषः स्वस्थामलान्तःकरणो ऽभ्ययान् मुनिः प्रवृद्धभक्त्या प्रणयाश्रुलोचनः प्रहृष्टरोमानमदादिपुरुषम्
taddarśanadhvastasamastakilbiṣaḥ svasthāmalāntaḥkaraṇo 'bhyayān muniḥ pravṛddhabhaktyā praṇayāśrulocanaḥ prahṛṣṭaromānamadādipuruṣam
All his stains destroyed by that sight, his inner faculties healthy and spotless, the sage approached; with swelling devotion, his eyes with tears of love, his hair bristling with joy, he bowed to the primeval Person.
AI translation rendered from the Sanskrit, not a published edition
SB 6 16.32
स उत्तमश्लोकपदाब्जविष्टरं प्रेमाश्रुलेशैरुपमेहयन् मुहुः प्रेमोपरुद्धाखिलवर्णनिर्गमो नैवाशकत् तं प्रसमीडितुं चिरम्
sa uttamaślokapadābjaviṣṭaraṃ premāśruleśairupamehayan muhuḥ premoparuddhākhilavarṇanirgamo naivāśakat taṃ prasamīḍituṃ ciram
Wetting again and again the seat of the lotus feet of him who is praised by the finest hymns with the drops of his tears of love, and with all utterance of syllables blocked by love, he was quite unable to praise him for a long while.
AI translation rendered from the Sanskrit, not a published edition
SB 6 16.33
ततः समाधाय मनो मनीषया बभाष एतत् प्रतिलब्धवाग् असौ नियम्य सर्वेन्द्रियबाह्यवर्तनं जगद्गुरुं सात्वतशास्त्रविग्रहम्
tataḥ samādhāya mano manīṣayā babhāṣa etat pratilabdhavāg asau niyamya sarvendriyabāhyavartanaṃ jagadguruṃ sātvataśāstravigraham
Then, having collected his mind by understanding, and having restrained the outward movement of all his senses, he, having recovered speech, spoke this to the teacher of the world, the embodiment of the Sātvata scriptures.
AI translation rendered from the Sanskrit, not a published edition
SB 6 16.34
चित्रकेतुरुवाच अजित जितः सममतिभिः साधुभिर्भवान् जितात्मभिर्भवता विजितास्ते ऽपि च भजताम् अकामात्मनां य आत्मदो ऽतिकरुणः
citraketuruvāca ajita jitaḥ samamatibhiḥ sādhubhirbhavān jitātmabhirbhavatā vijitāste 'pi ca bhajatām akāmātmanāṃ ya ātmado 'tikaruṇaḥ
Citraketu said: O unconquered one, you are conquered by the good who are even-minded and self-conquered, and by you they too are conquered — you who, exceedingly compassionate, give your very self to those who worship without desire.
AI translation rendered from the Sanskrit, not a published edition
SB 6 16.35
तव विभवः खलु भगवन् जगदुदयस्थितिलयादीनि विश्वसृजस्ते ऽंशांशास् तत्र मृषा स्पर्धन्ति पृथग् अभिमत्या
tava vibhavaḥ khalu bhagavan jagadudayasthitilayādīni viśvasṛjaste 'ṃśāṃśās tatra mṛṣā spardhanti pṛthag abhimatyā
Truly, O Lord, the arising, continuance, dissolution and the rest of the world are your power; the world-makers are portions of your portions; therein they falsely contend, each with the conceit of separateness.
AI translation rendered from the Sanskrit, not a published edition
SB 6 16.36
परमाणुपरममहतोस् त्वमाद्यन्तान्तरवर्ती त्रयविधुरः आदावन्ते ऽपि च सत्त्वानां यद्ध्रुवं तदेवान्तराले ऽपि
paramāṇuparamamahatos tvamādyantāntaravartī trayavidhuraḥ ādāvante 'pi ca sattvānāṃ yaddhruvaṃ tadevāntarāle 'pi
You abide at the beginning, the end and the middle of both the smallest atom and the greatest of the great, yet you are free of that triad; and whatever is constant at the beginning and at the end of beings, that alone is present in the interval too.
AI translation rendered from the Sanskrit, not a published edition — the model flagged this verse as uncertain
SB 6 16.37
क्षित्यादिभिरेष किलावृतः सप्तभिर्दशगुणोत्तरैरण्डकोशः यत्र पतत्य् अणुकल्पः सहाण्डकोटिकोटिभिस्तदनन्तः
kṣityādibhireṣa kilāvṛtaḥ saptabhirdaśaguṇottarairaṇḍakośaḥ yatra pataty aṇukalpaḥ sahāṇḍakoṭikoṭibhistadanantaḥ
This egg-shell (of the universe) is, they say, enclosed by the seven (sheaths) beginning with earth, each ten times greater than the last; and in you it falls like a mere atom, along with millions upon millions of such eggs — therefore you are endless.
AI translation rendered from the Sanskrit, not a published edition
SB 6 16.38
विषयतृषो नरपशवो य उपासते विभूतीर्न परं त्वाम् तेषामाशिष ईश तदनु विनश्यन्ति यथा राजकुलम्
viṣayatṛṣo narapaśavo ya upāsate vibhūtīrna paraṃ tvām teṣāmāśiṣa īśa tadanu vinaśyanti yathā rājakulam
Those men who are beasts, thirsting for sense objects, who worship (your) opulences and not you, the Supreme — their hopes, O Lord, perish along with those (opulences), as a royal house does.
AI translation rendered from the Sanskrit, not a published edition
SB 6 16.39
कामधियस्त्वयि रचिता न परम रोहन्ति यथा करम्भबीजानि ज्ञानात्मन्य् अगुणमये गुणगणतो ऽस्य द्वन्द्वजालानि
kāmadhiyastvayi racitā na parama rohanti yathā karambhabījāni jñānātmany aguṇamaye guṇagaṇato 'sya dvandvajālāni
Desires framed toward you, O Supreme, do not sprout, just as parched seeds (do not); nor do this (world's) nets of dualities, born of the host of qualities, (sprout) in you, who are knowledge itself and free of the qualities.
AI translation rendered from the Sanskrit, not a published edition
SB 6 16.40
जितमजित तदा भवता यदाह भागवतं धर्ममनवद्यम् निष्किञ्चना ये मुनय आत्मारामा यमुपासते ऽपवर्गाय
jitamajita tadā bhavatā yadāha bhāgavataṃ dharmamanavadyam niṣkiñcanā ye munaya ātmārāmā yamupāsate 'pavargāya
You have won, O unconquered one, at that time when you declared the blameless dharma of the devotees, which sages, owning nothing and delighting in the self, worship for the sake of release.
AI translation rendered from the Sanskrit, not a published edition
SB 6 16.41
विषममतिर्न यत्र नृणां त्वमहमिति मम तवेति च यदन्यत्र विषमधिया रचितो यः स ह्य् अविशुद्धः क्षयिष्णुरधर्मबहुलः
viṣamamatirna yatra nṛṇāṃ tvamahamiti mama taveti ca yadanyatra viṣamadhiyā racito yaḥ sa hy aviśuddhaḥ kṣayiṣṇuradharmabahulaḥ
(That dharma) in which men have no thought of inequality — 'you', 'I', 'mine', 'yours'; whereas that which is framed elsewhere with a mind of inequality is impure, perishable, and full of unrighteousness.
AI translation rendered from the Sanskrit, not a published edition
SB 6 16.42
कः क्षेमो निजपरयोः कियान् वार्थः स्वपरद्रुहा धर्मेण स्वद्रोहात् तव कोपः परसम्पीडया च तथाधर्मः
kaḥ kṣemo nijaparayoḥ kiyān vārthaḥ svaparadruhā dharmeṇa svadrohāt tava kopaḥ parasampīḍayā ca tathādharmaḥ
What welfare is there for oneself or for another, and how much profit, from a dharma that harms both self and others? From harming oneself comes your anger, and from oppressing others likewise comes unrighteousness.
AI translation rendered from the Sanskrit, not a published edition
SB 6 16.43
न व्यभिचरति तवेक्षा यया ह्य् अभिहितो भागवतो धर्मः स्थिरचरसत्त्वकदम्बेष्व् अपृथग्धियो यमुपासते त्वार्याः
na vyabhicarati tavekṣā yayā hy abhihito bhāgavato dharmaḥ sthiracarasattvakadambeṣv apṛthagdhiyo yamupāsate tvāryāḥ
Your regard does not go astray — that by which the dharma of the devotees was declared, which the noble ones, with a mind that makes no distinctions among the multitudes of unmoving and moving creatures, use to worship you.
AI translation rendered from the Sanskrit, not a published edition — the model flagged this verse as uncertain
SB 6 16.44
न हि भगवन्नघटितमिदं त्वद्दर्शनान् नृणामखिलपापक्षयः यन्नाम सकृच् छ्रवणात् पुक्कशो ऽपि विमुच्यते संसारात्
na hi bhagavannaghaṭitamidaṃ tvaddarśanān nṛṇāmakhilapāpakṣayaḥ yannāma sakṛc chravaṇāt pukkaśo 'pi vimucyate saṃsārāt
Indeed, O Lord, this is nothing impossible — that men's whole stock of sin is destroyed by the sight of you — since even a pukkaśa (outcaste) is released from the cycle of birth by hearing your name once.
AI translation rendered from the Sanskrit, not a published edition
SB 6 16.45
अथ भगवन् वयमधुना त्वदवलोकपरिमृष्टाशयमलाः सुरऋषिणा यत् कथितं तावकेन कथमन्यथा भवति
atha bhagavan vayamadhunā tvadavalokaparimṛṣṭāśayamalāḥ suraṛṣiṇā yat kathitaṃ tāvakena kathamanyathā bhavati
Now then, O Lord, we, whose impurities of mind have been wiped away by your glance — how could what was told (to us) by the divine sage, who is yours, turn out otherwise?
AI translation rendered from the Sanskrit, not a published edition
SB 6 16.46
विदितमनन्त समस्तं तव जगदात्मनो जनैरिहाचरितम् विज्ञाप्यं परमगुरोः कियदिव सवितुरिव खद्योतैः
viditamananta samastaṃ tava jagadātmano janairihācaritam vijñāpyaṃ paramaguroḥ kiyadiva savituriva khadyotaiḥ
O endless one, everything done here by people is known to you, the self of the world; how much, then, is there to report to the supreme teacher — as if fireflies (were to report) to the sun?
AI translation rendered from the Sanskrit, not a published edition
SB 6 16.47
नमस्तुभ्यं भगवते सकलजगत्स्थितिलयोदयेशाय दुरवसितात्मगतये कुयोगिनां भिदा परमहंसाय
namastubhyaṃ bhagavate sakalajagatsthitilayodayeśāya duravasitātmagataye kuyogināṃ bhidā paramahaṃsāya
Obeisance to you, the Lord, the master of the maintenance, dissolution and origin of the entire world, whose own course is hard to fathom, who to bad yogins is (mere) difference, the supreme swan.
AI translation rendered from the Sanskrit, not a published edition — the model flagged this verse as uncertain
SB 6 16.48
यं वै श्वसन्तमनु विश्वसृजः श्वसन्ति यं चेकितानमनु चित्तय उच्चकन्ति अम्प्;भूमण्डलं सर्षपायति यस्य मूर्ध्नि तस्मै नमो भगवते ऽस्तु सहस्रमूर्ध्ने
yaṃ vai śvasantamanu viśvasṛjaḥ śvasanti yaṃ cekitānamanu cittaya uccakanti bhūmaṇḍalaṃ sarṣapāyati yasya mūrdhni tasmai namo bhagavate 'stu sahasramūrdhne
Following whom, as he breathes, the creators of the universe breathe; following whom, as he perceives, the perceiving faculties rise up; on whose head the circle of the earth becomes a mustard seed — to him, the thousand-headed Lord, be obeisance.
AI translation rendered from the Sanskrit, not a published edition
SB 6 16.49
श्रीशुक उवाच संस्तुतो भगवान् एवमनन्तस्तमभाषत विद्याधरपतिं प्रीतश्चित्रकेतुं कुरूद्वह
śrīśuka uvāca saṃstuto bhagavān evamanantastamabhāṣata vidyādharapatiṃ prītaścitraketuṃ kurūdvaha
Śrī Śuka said: Thus praised, the Lord Ananta, pleased, spoke to him, Citraketu, the lord of the Vidyādharas, O foremost of the Kurus.
AI translation rendered from the Sanskrit, not a published edition
SB 6 16.50
श्रीभगवान् उवाच यन् नारदाङ्गिरोभ्यां ते व्याहृतं मे ऽनुशासनम् संसिद्धो ऽसि तया राजन् विद्यया दर्शनाच् च मे
śrībhagavān uvāca yan nāradāṅgirobhyāṃ te vyāhṛtaṃ me 'nuśāsanam saṃsiddho 'si tayā rājan vidyayā darśanāc ca me
The Blessed Lord said: What was uttered to you by Nārada and Aṅgiras is my own teaching; by that knowledge, O king, and by the sight of me, you have become fully accomplished.
AI translation rendered from the Sanskrit, not a published edition
SB 6 16.51
अहं वै सर्वभूतानि भूतात्मा भूतभावनः शब्दब्रह्म परं ब्रह्म ममोभे शाश्वती तनू
ahaṃ vai sarvabhūtāni bhūtātmā bhūtabhāvanaḥ śabdabrahma paraṃ brahma mamobhe śāśvatī tanū
I am indeed all beings, the self of beings, the bringer-forth of beings; sound-Brahman and the supreme Brahman are my two eternal bodies.
AI translation rendered from the Sanskrit, not a published edition
SB 6 16.52
लोके विततमात्मानं लोकं चात्मनि सन्ततम् उभयं च मया व्याप्तं मयि चैवोभयं कृतम्
loke vitatamātmānaṃ lokaṃ cātmani santatam ubhayaṃ ca mayā vyāptaṃ mayi caivobhayaṃ kṛtam
The self is spread out in the world and the world is stretched through the self; both are pervaded by me, and both are made in me.
AI translation rendered from the Sanskrit, not a published edition
SB 6 16.53
यथा सुषुप्तः पुरुषो विश्वं पश्यति चात्मनि आत्मानमेकदेशस्थं मन्यते स्वप्न उत्थितः
yathā suṣuptaḥ puruṣo viśvaṃ paśyati cātmani ātmānamekadeśasthaṃ manyate svapna utthitaḥ
Just as a man in deep sleep sees the whole (dream-)world within himself, and, arisen (again) in the dream, thinks himself to be situated in a single place —
AI translation rendered from the Sanskrit, not a published edition
SB 6 16.54
एवं जागरणादीनि जीवस्थानानि चात्मनः मायामात्राणि विज्ञाय तद्द्रष्टारं परं स्मरेत्
evaṃ jāgaraṇādīni jīvasthānāni cātmanaḥ māyāmātrāṇi vijñāya taddraṣṭāraṃ paraṃ smaret
— so, having understood that waking and the rest, the states of the living being, belong to the self and are mere illusion, one should remember the supreme one who witnesses them.
AI translation rendered from the Sanskrit, not a published edition
SB 6 16.55
येन प्रसुप्तः पुरुषः स्वापं वेदात्मनस्तदा सुखं च निर्गुणं ब्रह्म तमात्मानमवेहि माम्
yena prasuptaḥ puruṣaḥ svāpaṃ vedātmanastadā sukhaṃ ca nirguṇaṃ brahma tamātmānamavehi mām
That by which a sleeping man then knows his own sleep and its pleasure, the Brahman free of qualities — know that self to be me.
AI translation rendered from the Sanskrit, not a published edition
SB 6 16.56
उभयं स्मरतः पुंसः प्रस्वापप्रतिबोधयोः अन्वेति व्यतिरिच्येत तज् ज्ञानं ब्रह्म तत् परम्
ubhayaṃ smarataḥ puṃsaḥ prasvāpapratibodhayoḥ anveti vyatiricyeta taj jñānaṃ brahma tat param
For a man who remembers both — deep sleep and waking — that which runs through both and yet stands apart from them: that is knowledge, that is the supreme Brahman.
AI translation rendered from the Sanskrit, not a published edition
SB 6 16.57
यदेतद्विस्मृतं पुंसो मद्भावं भिन्नमात्मनः ततः संसार एतस्य देहाद्देहो मृतेर्मृतिः
yadetadvismṛtaṃ puṃso madbhāvaṃ bhinnamātmanaḥ tataḥ saṃsāra etasya dehāddeho mṛtermṛtiḥ
When this state of being mine is forgotten by a person, (he thinks) himself separate; from that comes his rounds of rebirth, body after body, death after death.
AI translation rendered from the Sanskrit, not a published edition
SB 6 16.58
लब्ध्वेह मानुषीं योनिं ज्ञानविज्ञानसम्भवाम् आत्मानं यो न बुद्ध्येत न क्वचित् क्षेममाप्नुयात्
labdhveha mānuṣīṃ yoniṃ jñānavijñānasambhavām ātmānaṃ yo na buddhyeta na kvacit kṣemamāpnuyāt
Having obtained here a human birth, in which knowledge and discernment are possible, whoever does not understand the self would nowhere attain welfare.
AI translation rendered from the Sanskrit, not a published edition
SB 6 16.59
स्मृत्वेहायां परिक्लेशं ततः फलविपर्ययम् अभयं चाप्य् अनीहायां सङ्कल्पाद्विरमेत् कविः
smṛtvehāyāṃ parikleśaṃ tataḥ phalaviparyayam abhayaṃ cāpy anīhāyāṃ saṅkalpādviramet kaviḥ
Remembering the great affliction in striving, and the contrariness of its results, and also the freedom from fear in not striving, the wise man should desist from (such) intentions.
AI translation rendered from the Sanskrit, not a published edition
SB 6 16.60
सुखाय दुःखमोक्षाय कुर्वाते दम्पती क्रियाः ततो ऽनिवृत्तिरप्राप्तिर्दुःखस्य च सुखस्य च
sukhāya duḥkhamokṣāya kurvāte dampatī kriyāḥ tato 'nivṛttiraprāptirduḥkhasya ca sukhasya ca
For happiness and for release from suffering husband and wife perform their works; but from that there is neither cessation of suffering nor attainment of happiness.
AI translation rendered from the Sanskrit, not a published edition
SB 6 16.61
एवं विपर्ययं बुद्ध्वा नृणां विज्ञाभिमानिनाम् आत्मनश्च गतिं सूक्ष्मां स्थानत्रयविलक्षणाम्
evaṃ viparyayaṃ buddhvā nṛṇāṃ vijñābhimāninām ātmanaśca gatiṃ sūkṣmāṃ sthānatrayavilakṣaṇām
Thus, having understood the contrariness (of results) for men who fancy themselves wise, and the subtle course of the self, which is other than the three states,
AI translation rendered from the Sanskrit, not a published edition
SB 6 16.62
दृष्टश्रुताभिर्मात्राभिर्निर्मुक्तः स्वेन तेजसा ज्ञानविज्ञानसन्तृप्तो मद्भक्तः पुरुषो भवेत्
dṛṣṭaśrutābhirmātrābhirnirmuktaḥ svena tejasā jñānavijñānasantṛpto madbhaktaḥ puruṣo bhavet
freed by his own radiance from the sense-objects seen and heard of, satisfied with knowledge and discernment, a man should become my devotee.
AI translation rendered from the Sanskrit, not a published edition
SB 6 16.63
एतावान् एव मनुजैर्योगनैपुण्यबुद्धिभिः स्वार्थः सर्वात्मना ज्ञेयो यत् परात्मैकदर्शनम्
etāvān eva manujairyoganaipuṇyabuddhibhiḥ svārthaḥ sarvātmanā jñeyo yat parātmaikadarśanam
Just this much is one's own true good, to be known with one's whole being by men whose intellects are skilled in yoga: namely, the seeing of the Supreme and the self as one.
AI translation rendered from the Sanskrit, not a published edition
SB 6 16.64
त्वमेतच् छ्रद्धया राजन्नप्रमत्तो वचो मम ज्ञानविज्ञानसम्पन्नो धारयन्नाशु सिध्यसि
tvametac chraddhayā rājannapramatto vaco mama jñānavijñānasampanno dhārayannāśu sidhyasi
You, O king, holding these words of mine with faith and without heedlessness, endowed with knowledge and discernment, will quickly attain perfection.
AI translation rendered from the Sanskrit, not a published edition
SB 6 16.65
श्रीशुक उवाच आश्वास्य भगवान् इत्थं चित्रकेतुं जगद्गुरुः पश्यतस्तस्य विश्वात्मा ततश्चान्तर्दधे हरिः
śrīśuka uvāca āśvāsya bhagavān itthaṃ citraketuṃ jagadguruḥ paśyatastasya viśvātmā tataścāntardadhe hariḥ
Śrī Śuka said: Having thus reassured Citraketu, the Lord, the teacher of the world, the Self of all, Hari, then vanished while he was looking on.
AI translation rendered from the Sanskrit, not a published edition